📚قصص||روايات||منوعة📚

#انتهكت_قيودي_بقلم_امل_احمد (الجزء الخامس)
Telegram:@rwayate
تاني نهار فاقت ميلا وكانو صرلا سنة مو نايمة .. وطلعت من غرفتا ..
ميلا: صباح الخير امي

نورة: صباح الورد لاحلى دكتورة .. شبك امي ليش هيك وشك

ميلا: شبو وشي امي

نورة: ميلا .. صاير معك شي امي ؟

ميلا: لا امي شو بدو يصير معي .. رح اخد دوش وجهز حالي واطلع

نورة: ماشي ماشي امي .. الله يرضى عليكي

تحممت ميلا وجهزت حالا وطلعت ع دواما ..

ميلا: صباح الخير دكتورة
Telegram:@rwayate
ايمان: صباح الورد

طول لنهار ووليد عالق براسا لميلا .. كل ما بتطلع بايمان بتتزكرو ..
وبعد تعب ويوم شاق ع ميلا خلص لنهار وصار وقت الرجعة ع البيت .. بدلت تيابا وجهزت حالا ..

ميلا: بخاطرك دكتورة .. رح روح

ايمان: ميلا .. صاير معك شي ؟ حاسستك مو ع بعضك اليوم

ميلا: انا .. لااا .. شو بدو يصير .. بس تعبانة شوي

ايمان: ستني شوي لوصلك .. نص ساعة وبخلص

ميلا: لا لا دكتورة .. ما في داعي .. يسلمو كتير .. انا منيحة ما تاكلي هم

ايمان: اي ماشي براحتك حبيبتي .. انتبهي ع حالك منيح

ميلا: ان شاء الله .. بخاطرك

طلعت ميلا من العيادة وكانت نازلة ع الدرج ركض .. وفجاة عند باب البناية دقرت بشب ..
بعدت ميلا بسرعة ..
ميلا: اسفة .. اسفة .. اسفة كتير

ورفعت راسا لتشوفو .. وانصدمت وقت شافتو ..
ميلا: استاز .. و.. و.. وليد .. استاز وليد

وليد: هههههه شبك .. اول شي انا اسمي وليد .. وتاني شي ما صار شي .. بسيطة

ميلا: ها .. ماشي .. رح روح انا بالازن منك

وليد: امي بالعيادة ؟
Telegram:@rwayate
ميلا: اي لساتا بالعيادة

وليد: ابقي انتبهي غير مرة وانت نازلة ماشي ههههه

ميلا: ماشي .. بعتزر منك .. بخاطرك

مشيت ميلا وهي دايبة من الخجل .. ووقف وليد عم يراقبا وهو عم يضحك عليها شلون تلون وشا ..

وصلت ميلا البيت .. بدلت تيابا وتغدت وفاتت ع غرفتا ..

اريج: ميلا .. شبك اخي .. صاير معك شي ؟

ميلا: هاا .. والله ما بعرف يا اريج

اريج: اهااااا .. لكن الشغلة بدا قعدة .. هاتي لشوف .. شبك

فركت ميلا اديها ببعضن وقعدت حدا لاريج ع التخت ..
ميلا: اريج اختي .. هلا جد في شي اسمو حب من اول نظرة

اريج: اوووووووووو .. واخيراا ميلا وقعت
Telegram:@rwayate
حطت ميلا ايدا ع تم اريج .. (شششش لك سكتي سكتي .. فضحتيني )

اريج: ههههههه لك شبك .. هاتي لشوف شو صاير

ميلا: والله ما بعرف شو صاير .. حاسة حالي مكركبة .. وكلشي فيني مدري كيف .. من وقت شفتو قلبلي كياني

اريج: ايواااا .. ومينو هاد اختي

ميلا: ابنا للدكتورة ايمان .. في شي غريب .. شي بيشدك بالغصب .. لك صرلي سبع سنين بلجامعة وشفت شباب اشكال الوان ولا مرة حسيت بهيك شي اتجاه ايا واحد فيهن .. بس هالشب غير

اريج: اي .. هاتي قليلي .. كيف شكلو

ميلا: بجنن اختي .. ما فيني اوصفو .. ما بينوصف صدقيني .. كلشي في غير

اريج: لك اختي .. كم مرة شفتي لهالنهفة

ميلا: شو هاي نهفة ما نهفة ولي

رفعت اريج حاجبا واطلعت فيها .. (ميلاااااا .. ركزي اختي ركزي ههههههه)

ميلا: كيف فيني ركز .. خبريني .. كلن مرتين يلي شفتو وحاسة حالي رح جن والله

اريج: لا تجني ولا شي .. الله يجعلو من نصيبك اختي
ميلا: امين يا رب
Telegram:@rwayate
اسبوع كامل مشى وبلشت ميلا فيه تتناسى وليد وتحاول تشغل حالا ع قد ما فيها لحتى تنساه وما تعود تفكر فيه ..

ايمان: ميلا شو رايك بفنجان قهوة معي

ميلا: ما فيني قول لا 😍

ايمان: اي كتير حلو .. يالا جهزي حالك لنطلع

ميلا: لوين

ايمان: رح تشربي القهوة هون؟؟

ميلا: لكن وين

ايمان: ههههههه القهوة بدا روااق .. رح اخدك ع مكان غير شكل
Telegram:@rwayate
طلعو ايمان وميلا سوا ووصلو ع مقهى شعبي ..

ايمان: شلوني معك هههه

ميلا: بجننن جد

طاولات صغيرة مع كراسي .. ريحة قهوة .. صوت فيروز .. روقااان ..

قعدو ع الطاولة وطلبت ايمان فنجانين قهوة .. بعد بشوي ..
ايمان: رح روح ع الحمام وراجعة

ميلا: خدي راحتك

كانت سرحانة واعصابا بلشت ترتاح ع هيك جو .. بس هالراحة ما طولت كتير ..

وليد: دكتورة ميلااا ؟؟

اطلعت ميلا لتشوف مين يلي عم يحاكيها وكان وليد .. شي من جواتا كتييير فرح .. بس توترت كتير وتكركبت ..

ميلا: استاز وليد
Telegram:@rwayate
وليد: هههههههه والله اسمي وليييد .. من وين جبتيا لاستاز

حمرو خدودا لميلا ونزلت عيونا بالارض ..

وليد: فيني شاركك الطاولة ؟؟
....

تكركبت ميلا بزيادة .. ما فيها تقلو لا .. وبنفس الوقت ما بدا يقعد معا ع طاولة لحالن .

وليد: شو؟؟ ازا فيها احراج بلاها

ميلا: لا تفضل .. هلا دكتورة ايمان تكة وبتجي

وليد: امي معك ؟؟

ميلا: اي معي .. هلا بتجي

سحب وليد كرسي وقعد معا ع الطاولة .. دقات قلبا ما عم تهدى وحرارتا ارتفعت .. ما حسنت ترفع عيونا ابدا .. خافت ازا اطلعت في يغط ع قلبا او تنكشف قدامو .. لهيك كانو عيونا مركزين باديها يلي مشلبكتن ببعض وعم تحرك اصابيعا بتوتر ...

#انتهكت_قيودي_بقلم_امل_احمد (الجزء السادس)
Telegram:@rwayate
كانت ليلة سيئة كتير ع ميلا .. بس بنفس الوقت كان في فرحة جواة قلبا ..
كل ما كانت تتزكر نظراتو ينغزا قلبا وتحس حالا رح تطير من الفرحة ..

خلصت هالليلة واجى تاني نهار وجهزت ميلا حالا وراحت ع شغلا ..

وقبل لتطلع .. راحت لعند علي ..

ميلا: اخي بعتزر منك كتير .. والله كل يلي صار كان غصب عني

علي: اختي حبيبتي .. انا شب وبعرف منيح نظرة الشباب للبنات .. ولهيك انا بخاف عليكن .. ولو بيرجع الموضوع لالي ما بخلي ايا انسان يشوفكن .. وكل هاد شنو بحبكن وبخاف عليكن
Telegram:@rwayate
ميلا: بعرف والله ... وبعرف انو غلطت مبيرح .. بس والله تكركبت وما عرفت شلون اتصرف

علي: حصل خير اختي .. بس ابقي انتبهي ولا عاد تنحرجي من حدا

ضمتو ميلا وهي مغمضة عيونا ..
علي بالنسبة لالها سندا وامانا من بعدو لابوها .. وقت بتحاكي بتحس براحة كبيرة وخصوصي انو عمرن متقارب وبيفهمو لبعض..

علي: الله يحميكي اختي .. انتبهي ع حالك منيح .. وتزكري ايا شي بدك ياه انا موجود .. وتاكدي اني بحاف عليكي اكتر من حالي

حكيا مع علي كتير ريحا .. وجددلا طاقتا لدوام اليوم ..

دخلت العيادة وكانت ايمان هنيك ..

ميلا: صباح الخير

ايمان: صباح الورد .. بدي اعتزر منك علي صار مبيرح

تبسمت ميلا ..
ميلا: عادي .. ما صار شي

ايمان: خبرني وليد علي صار .. كتير فرحت انو ما كنت لحالك

ميلا: ........
Telegram:@rwayate
سكتت ايمان شوي واطلعت بميلا ..
ايمان: ميلا .. بدي حاكيكي بموضوع

ميلا: تفضلي دكتورة

ايمان: رح احكي معك بصراحة ومن غير مقدمات ..
يعني رح دجا دج

ميلا: ههههه تفضلي

ايمان: انا من وقت شفتك اول مرة دخلتي لقلبي وحبيتك ودعيت ربنا تكوني من نصيب ابني

تلون وشا لميلا وقلبا صار يدق بصورة غريبة عجيبة ..

ايمان: وبصراحة وقت عزمتك ع البيت كانت نيتي انكن تلتقو .. انا حبيت اسالك قبل لاحكي ايا شي .. انت بنت واعية وفهمانة وما بدي تنحرجي مني .. بدي تحاكيني بصراحة .. بتقبلي بوليد ابني

ميلا: يعني .. يعني .. ما بعرف شو بدي احكي .. هالموضوع بيرجع لابي

ايمان: يعني انت ما عندك مانع ؟
Telegram:@rwayate
ميلا: لا ابدا .. بس هالقرار مو بئيدي

راحت ايمان لعندا .. وضمتا لصدرا وبوستا .. (ربي يجعلك من نصيبو لابني )

ميلا مانا فاهمة شي من مشاعرا .. فرحانة كتير بهيك خبر .. بس ليش هالخنقة يلي رح تقتلا .. ليش حضورو او ذكر اسمو بتقطع نفسا ..

رجعت ميلا ع البيت والدنيا مو واسعتا من الفرحة .. غمزتا لاريج ودخلت ع غرفتا ..
لحقتا اريج ركيض .. دخلت للغرفة وسكرت الباب وراها ..

اريج: شبك .. شو صاير

ميلا: مااااا رح تصدقي شو صار

اريج: شو صار .. هاتي خبريني بسرعة

ميلا: الدكتورة ايمان حاكتني اليوم وطلبتني لابنا

شهقت اريج وحطت ايدا ع تما .. (عم تمزحي مو )

ميلا: لا والله ما عم امزح

ضمتا اريج وبوستا .. (الف الف مبروك اختي )

دخلت وئام عليهن وهني ضامين بعضن وعيونن كلا دموع .. (ايييي شو صاير هون اه .. هاتو فهموني )
Telegram:@rwayate
بعدت ميلا عن اريج وتلبكت .. (ما صاير شي .. شو رح يصير )

حطت وئام اديها ع خصرا واطلعت فيهن ..
وئام: وليش ضامين بعض وعم تبكو ااه

اريج: ما عم نبكي ولا ضامين بعض .. ميلا شترت عطر جديد وكنت بدي شم ريحتو

هزت وئام راسا واطلعت فيهن..
وئام: عم تجدبوها مو .. عطر جديد .. وهيك بينشم بالله

ميلا: لك ايييي شبك وئام .. تعي شوفي شو جبتلك

وئام: شو جبتي بالله

ميلا: فتحي الشنتة لتعرفي

وئام: شوكولااااا اكيييد 😍😍

اريج: هههههههه لك تضربيى شو بتحبي كرشتك

ركضت وئام ع الشنتة واخدت الشوكولا .. وركضت لعند ميلا ضمتا وبوستا (لك يسلمووو 😘 )

ميلا: ههههه لك حااج
Telegram:@rwayate
اريج: اي وئام ما بتستاهل ميلا منك فنجان قهوة ؟؟

وئام: لك احلا فنجان قهوة لعيونا لميلا .. واختا اريج معا

طلعت وئام لتعمل قهوة ..
اريج: لك اييي كملي

ميلا: شو بدي كمل .. خلص

اريج: لك شو خلص ؟؟ يعني ايمت رح يجو ويطلبوكي من اهلك

ميلا: ما بعرف .. بس هي قالتلي انو حابة تحاكيني قبل لتحاكي اهلي

اريج: اي .. الله يتمملك ع خير

ميلا: ان شاء الله يااا رب

...................
اسبوع مرق كانت ميلا فيه كتير فرحانة وبنفس الوقت مكركبة .. و يلي عكرلا مزاجا انو مرق هالاسبوع وما رجعت الدكتورة ايمان حاكتا بالموضوع ولا اجت طلبتا من اهلا ..

ميلا قاعدة ع كرسي مكتبا وساندة ايدا ع المكتب وراسا ساندتو ع ايدا..

ميلا: (عم تحاكي حالا) ففففف يعني معقول تكون غيرت رايا ؟؟ يا ربي وهلا شو لازم اعمل .. والله مليت اسبوع كامل وانا عم استنى فففففففف والله مليييت

وليد: اي والله معك حق .. شي بمللل كتير
Telegram:@rwayateTelegram:@rwayate
نقزت ميلا واطلعت فيه .. (ع .. عفوا )

وليد: هههههههه عم قول الشغل هون كتير بملل

ميلا: هااا .. لك لاااا مو قصدي الشغل .. كان قصدي .....

#انتهكت_قيودي_بقلم_امل_احمد (الجزء السابع)
Telegram:@rwayate
تم كتب لكتاب وتقربت ميلا من وليد اكتر .. وبلش خجلا منو يقل كل يوم عن يوم .. وبلشت تتعود علي ..
وليد: اووف يااا .. يعني ايمت رح تسمعيني كلمة بحبك انا .. يعني البوسة وحرمتيني منا .. وكمان كلمة بحبك .. بس ما تكوني ما بتحبيني

ميلا: شو هالحكي وليد .. ولسا عم تسال

قرب وليد منا ومسكلا ايدا واطلع بعيونا بشغف ..
وليد: اي .. رح ضل اسال .. لحتى اسمع هالكلمة من شفافك الحلوين

ميلا: يعني لشو بدك تسمعا

وليد: لطفي شوي من النار يلي شعلتيها بقلبي

خجلت ميلا ونزلت عيونا بالارض ..
رفعلا راسا بايدي التنتين وباسا ع خدا بوسة ناعمة ..

وليد: ليكي .. رح ضل بوسك لتقليلي بحبك .. وما فيني اضمن حالي وقت بلش بوس هاا

وبلش يطبع بوسات ناعمة ع خدا .. وهي دابت من خجلا ..

بعدتو عنا بنعومة وهي عم تضحك ..
ميلا: حاج وليد .. حااج

رجع قربا منو ..
وليد: شششش... ما رح وقف لاسمعا منك او تبوسيني
Telegram:@rwayate
وليد: بحبك يا مجنون بحبك

رجع قرب منا وباسا ع خدا ..
ميلا: لك شبك مانا قلتلك .. خلص بعد حااج

تبسم وليد ورجع يبوس فيها ..
وليد: اي ما سمعتك صوتك كان واطي كتير

حطت ميلا ايدا ع تمو واطلعت بعيونو ..
ميلا: بحبك .. بحبك كتير .. وبحب كلشي فيك وبدي ضل حبك لاخر نفس بحياتي

مسكلا ايدا يلي ع تمو وباسا .. وضما ..
وليد: بموت فيكي وبكلشي فيكي

مرّت فترة الخطبة وهني متل عصافير الحب .. وكل يوم علاقتن عم تقوى اكتر واكتر .. وعم يقربو من بعضن اكتر واكتر ..

وبيوم وقبل عرسن باسبوع كان وليد عازما لميلا ع مطعم ..
وليد: اوووف .. لك مخنوق هون

ميلا: ليش

وليد: لك شوفي كيف عيون الكل عليكي .. غير انو ما فيني آخد راحتي معك 😉

ميلا: هلا بنخلص غدا وبنروح لعنا ع البيت

وليد: مممم وليش مو عنا .. بيتنا اقرب
Telegram:@rwayate
ميلا: ههههههه ماشي

خلصو غداهن وراحو سوا ع الفيلا .. فتحتلن ام محمود يلي رحبت بميلا ..

ميلا: وينا دكتورة ايمان

اطلعت ام محمود بوليد يلي غمزا ..
ام محمود: ليكا بغرفتا .. هلا بخبرا انكن وصلتو

وليد: وبطريقك عطينا عصير لنروق شوي

ام محمود : من عيوني

قعدو سوا بالصالة .. وكانو مبسوطين كتير وصوات ضحكن معبية الفيلا ..
اجت ام محمود ومعا كاستين عصير ..

ام محمود: وهاي عصير لست الكل ميلا .. وهاي عصير للافندي وليد

قدمتلن العصير وراحت ..

ميلا: يسلمو هالادين
Telegram:@rwayate
وهاد كان اخر شي شافتو ميلا .. واخر شي بتتزكرو ..

فتحت عيونا من بعدا .. كان راسا كتير تقيل .. سقف ابيض كتير .. عم تلف عيونا هون وهون لتركز شوي .. اطلعت حواليها .. وارتعبت ..

ميلا: لك وين انا .. شووو صااار

كانت بغرفة نوم .. وبلا تياب .. ونقط دم حواليها .. وكلشي بالغرفة مكركب ..

#اتتهكت_قيودي_بقلم_امل_احمد (كمالة السابع)
Telegram:@rwayate
كانت بغرفة نوم .. وبلا تياب .. ونقط دم حواليها .. وكلشي بالغرفة مكركب ..

ميلا: يا ربي دخيلك 😭😭 .. شووو صاار

قامت بسرعة لبست تيابا وجسما كلو عم يرجف .. طلعت لبرا .. وركضت ع الصالة .. كان وليد قاعد ..

وليد: واخيرا فقتي

اطلعت في ودموعا عم يهرو ع خدودا ..
ميلا: شو صار .. فهمني كيف وصلت لهنيك

وليد: ههههه طولي بالك .. كانت لحظة من اجمل لحظات حياتي
Telegram:@rwayate
وقت شافتو ميلا عم يضحك ويحكي بكل برود جنت وركضت لعندو وبلشت تضرب فيه ..

ميلا: يا حقير يا كلب .. شو عملت فيني يا قليل الشرف .. شووو عملت

مسكلا وليد اديها التنتين وثبتا ..
وليد: ششش اهدي .. كلشي انتهى .. وكنت بتجنني وبتسحري

وقرب من تما ليبوسا

تفت ميلا بنص وشو وهي عم تحاول تسحب اديها منو ..

ضحك وليد بصوت عالي وفلتلا اديها ومسح وشو ..

ميلا: ليش هيك عملت يا كلب لييييش .. لك ما قدرت تستنى اسبوع

وليد: لا ما قدرت . .. انا بحبك وبشتقلك

اطلعت ميلا في بقرف ..
ميلا: وانا بكرهك .. انت انسان مقرف .. ويكون بعلمك ما رح ضل ع ذمة واحد كلب متلك

وليد: 😂😂😂😂 اي وبعدين .. شو رح تعملي . مين رح يقبل بوحدة مالا بنت .. خليكي عاقلة وبلالك هالحركات .. بالتالي ما صار شي حرام .. يعني انت بالشرع مرتي
Telegram:@rwayate
ميلا: الله يلعنك .. كلب وسخ

وتركتو ميلا وطلعت ..
ركض وراها ..(ستني لوصلك مرتي حبيبتي )

ميلا: انقلع من وشي .. ما بدي شوفك .. انقلللع

وليد: رح تروحي لحالك !؟

ميلا: اي رح روح لحالي .. اكيد ما رح القى بطريقي اوسخ منك

ولفت وشا ومشت ..
دموعا ما عم يخلصو .. مخنوقة كتير .. يلي عملو وليد ذبحا وانتهك كرامتا وخلص عليها ..

وصلت البيت وهي مالا قدرانة توقف بكي ..
سحبت نفس وهدّت حالا ومسحت دموعا وفاتتت ..

ووقت شافتا اما جنت ..
نورة: لك شبك امي ليش هيك بكيانة

اطلعت ميلا باما .. كانت بحاجة كبيرة لتضما ..
ضمتا بكل قوتا وفرطت بالبكي ...

نورة: لك شو صاير امي .. شو صاير
Telegram:@rwayate
ما عرفت ميلا بشو تحاوبا ..

ميلا: وليد .. . وليد مرضان امي ومفلوز

نورة: ههههههههه يبعتلك الهنا .. قصفو ركبي .. هلا كل هالبكي كرمال هيك .. اهدي يا روحي .. وروحي لغرفتك ريحي شوي

تركت ميلا اما وفاتت ع غرفتا .. فاتت ع الحمام وبلشت تفرك بجسما وهي عم تتخيل وليد شو عمل فيها ..
عم تتحمم وتفرك جسما بصورة جنونية وعم تبكي ..

ميلا: لك ليييش ... لييييش يا وليد لييش

راحت بذاكرتا لعلي .. وتزكرت مواقفو معا ومع اخواتا وقديش بيغار عليهن وبيخاف عليهن .. تزكرت آخر حديث كان بينن وقت قلا ( : الله يحميكي اختي .. انتبهي ع حالك منيح .. وتزكري ايا شي بدك ياه انا موجود .. وتاكدي اني بحاف عليكي اكتر من حالي )

صارت تضرب ع وشا وتصرخ .. (الله ياخدني .. الله يااخدني .. شو بدي قلو لعلي .. شو بدي قلووو ياا ربي )

#انتهكت_قيودي_بقلم_امل_احمد (الجزء الثامن)
Telegram:@rwayate
خلصت ميلا حماما وتسطحت ع تختا وهي مالا ع الدنيي .. لساتا دمعتا ما نشفت .. كل ما تحاول تهدي حالا ترجع تبلش بكي من جديد ..

انفتح الباب ودخل عليها علي وهي لساتا عم تبكي ..

علي: عم تبكي كمان .. عم تبكي يا كلبة 😡

وقبل لتستوعب يلي عم يصير كان صار حدا وضربا كف ع وشا وقعا ع التخت ..

مسكا باديه التنتين من رقبتا وبلش يخنق فيها ويصرخ ..

علي: انت ما لازم تعيشي .. لازم تموتي .. مااا رح اسمحلك تفضحينا .. مااا رح اسمحلك

عم تحاول تحكي شي .. بس مالا قدرانة .. اديه لعلي كتير تقال وعم يشدو اكتر واكتر ع رقبتا .. ما عادت حسنت تطالع نفسا .. فتحت عيونا ع وسعهن وحاولت تمسك ايدو لعلي لتبعدو عنا .. بس ما في فايدة .. علي كان اقوى منا بكتير ..

اجت اريج من برا وشافت علي عم يخنق بميلا .. ركضت لعندو لتبعدو عنا وهي عم تصرخ ..
Telegram:@rwayate
اريج: علي بعد عنا .. بترجاااك .. بعد عنااااا

اجت امن ع صواتن .. ووقت شافت ميلا عم تموت قداما بلشت تضرب ع وشا وتصرخ ..

وعلي مالو بالدنيا كلا .. غضبو مسيطر عليه .. وعم يشد اكتر واكتر ..

بلشت مقاومتا لميلا تخف وعيونا بلشو يركزو ع منطقة وحدة وانقطع نفسا ..

فاقت ميلا من نوما مرعوبة ..
ميلا: لاااااا بترجااك اخي بترجااااك

اطلعت حواليها ما لقت جنبا حدا .. حطت ايدا ع رقبتا لتطمن انو هي منيحة . .
سحبت نفس طويل ونزلت دمعة ع خدا .. (يا رب ساعدني )

هالحادثة كسرتا لميلا .. بعمرا ما تخيلت يصير معا هيك شي .. ووجعا كان اكبر بانو صار من وليد .. الشب يلي حبتو وتعلقت فيه ووثقت في

اسبوع كامل وميلا مرضانة وبالفراش .. لوقت اهلا خافو عليا كتير ..

نورة: ميلا امي شو صاير احكي .. عرسك بعد يومين .. وانت مالك قدرانة تتحركي .. ووليد صرعنا وهو عم يسال عنك وانت ما عم تقبلي تحاكيه
Telegram:@rwayate
ميلا: (وهي مغمضة عيونا ونايمة بتختا) امي مالي حسنانة احكي شي .. كتير تعبانة

ادهم: لكن قومي رح اخدك ع المشفى

رجف قلبا وارتعبت لتنكشف .. فتحت عيونا ع وسعهن وسندت حالا ع التخت ..
ميلا: لا لاااا بابا .. انا منيحة .. قصدي هلا بصير منيحة

نورة: لك يا امي ازا صاير معك شي قليلنا ونحنا بنتصرف

ميلا: امي ما صار شي .. هلا بصح .. ما تخافو

طلعو ادهم ونورة من عندا وبقيت اريج معا ..
قعدت حدا ع التخت وحطت ايدا ع شعرا ..

اريج: اختي انت متخانقة مع وليد مو ؟؟!
Telegram:@rwayate
ميلا كانت واصلة لقمة الوجع بهاللحظة .. ووقت سالتا اختا فرطت بالبكي وحطت راسا بحضن اختا وضمتا من خصرا ..

تنهدت اريج وقربت من راسا وباستا ..
اريج: اختي انت بتعرفي انو انا بير اسرارك .. حكيلي وفشي قلبك .. ليش تخانقتو

ميلا: يا ريت لو خناقة يا اختي يا ريت (تبكي)

اريج: لكن شو صاير

ميلا: وليد .. وليد الواطي الندل اغتصبني

شهقت اريج وحطت ايدا ع تما وفتحت عيونا ع وسعهن ..
رفعت راسا لاختا واطلعت فيها ..

اريج: كيف يعني اغتصبك .. اطلعي فيني وجاوبيني .. قليليييييي

ميلا: اااخ يا اريج انا عم موت يا اختي

وحكتلا كلشي صار معا واريج عم تبكي ..

ميلا: وهاد يلي صار .. وما عم بعرف شلون اتصرف.. خايفة اهلك يعرفو ويصرلن شي .. وخايفة علي يعرف ويدبحني

مسحت اريج دموعا واطلعت فيها ..
اريج: ما حدا رح يعرف .. وهالكلب لازم تطلقي منو .. بس قبل لازم يتم زواجكن
Telegram:@rwayate
ميلا: مالي طايقتو ابداا .. بموت ازا شفتو

اريج: بدك تتحملي اختي لطالعي حالك من هالقصة

حطت ميلا اديها التنتين ع عيونا وفرطت بالبكي ..

#انتهكت_قيودي_بقلم_امل_احمد (الجزء التاسع)
Telegram:@rwayate
طول هالفترة ووليد يدقلا لميلا ويبعتلا مسجات وهي ما عم ترد ..
ووقت كانت مع اريج دقلا ..

اريج: فتحي الخط وحاكيه

ميلا: ما فيني .. مالي طايقتو

اريج: لك شبك اختي .. شو عم احكي انا من ساعة .. بدنا نمشي الزواج هلا وبعدا بنحلا معو

ميلا: لك من وين اجتني هالمصيبة انا يا ربي

اريج: طولي بالك اختك .. طولي بالك
Telegram:@rwayate
فتحت ميلا الخط ..
ميلا: ليش عم تدق .. شو في

وليد: شتقتلك كتير وشتقت لهالصوت

ميلا: وانا قرفتك كتير .. وقرفت كلشي بيتعلق فيك

وليد: طولي بالك حبي .. طولي بالك شبك

ميلا: شبني؟؟!! لك ولسا عم تسال ؟؟!!

وليد: ليكي عرسنا بعد يومين .. فحاج مكبرة الموضوع

ميلا: مكبرة الموضوع؟؟!! يعني مالك ندمان ؟؟!! ومعتبر يلي صار عادي

وليد: هلا ما في داعي لهالنقاش هلا .. امي قلقانة عليكي كتير .. قلتلا انك مرضانة .. وغير انو طلبت مني ننزل ع السوق لنشتري باقي اشيا العرس

ميلا: اشيا العرس قلتلي .. حسبيا الله عليك .. ربي ينتقم منك ويكسر فرحتك متل ما كسرتني وكسرت فرحتي .. ليك .. وشك ما بدي شوفو غير وقت العرس .. بس قدام الخلق .. وفستان العرس انا بشتري

حكت هيك وسكرت الخط بوشو ..
فركت جبينا بايدا .. (لك شو اعمل بحالي .. شو اعمل)

اريج: الله يصطفل في

مشو هاليومين يلي كانت ميلا عم تحاول خلالن بالزور انو تكون طبيعية وما تحسس اهلا بشي ..
Telegram:@rwayate
نورة: بنتي متاكدة انو انت منيحة .. والله وشك كتير تعبان

ميلا: امي حبيبتي .. كيف ما بدك ياني اتعب وانا رح فارق هالبيت وفارقكن

ضمتا نورة وباستا ع راسا ..
نورة: الله يسعدك يا بنتي ويريح قلبك

اجى يوم العرس والكل مشغول بالتحضيرات ..
لبست ميلا فستانا الابيض وجهز مكياجا ..
وقفت قدام لمراية وما حسنت تحبس دموعا ..

اريج: لو سمحتو تركوني مع اختي شوي

طلعو كل يلي عم يساعدوها لتجهز لبرا وبقيت اريج معا ..
اريج: طولي بالك اختي

ميلا: (تبكي) قديش كنت اتخيل هاليوم وخطط شو رح اعمل .. وفكر بردة فعلو لوليد وقت يشوفني بالابيض .. فكر كيف رح تكون ليلتي الاولى معو .. كلشي راح .. كسرلي فرحتي وقلبي وكرامتي .. انا مخنوقة اختي .. مخنوووقة
Telegram:@rwayate
ضمتا اريج وفرطو تنيناتن بالبكي ..
اريج: يا روحا لاختك .. وكلي امرك لربك وهو رح يساعدك

رفعت راسا ميلا وسحبت نفس طويل ..
ميلا: والنعم بالله .. والنعم بالله

اريج: تعي لعدلك مكياجك اختي تعي

ندق الباب ودخل وليد وامو ونورة ..
وقت شافتو ميلا انقبض قلبا وانخنقت ..
حست اريج عليها .. مسكت ايدا لتهديها ..

ايمان: اسم الله .. شو هالجمال يا كنتي

نورة: الله يحميكي يا بنتي .. الله يحميكي

اطلعت نورة بوليد ومسكت ايدو ..
نورة: بنتي امانة برقبتك يا وليد .. ميلا من اليوم مسؤوليتك .. انتبه عليها منيح .. انت اخدت وردة حساسة ونادرة

وليد: ميلا بعيوني مرت عمي .. ما توصي حريص

انخنقت ميلا بزيادة وما حسنت تتحمل اكتر .. وفرطت بالبكي قدامن ..

اريج: ان شاء الله يتقلعو عيونك التنتين الهي (بينا وبين حالا)

قرب وليد من ميلا ومسكلا ايدا ..
رعشة قوية مشت بجسما لميلا .. بس هالمرة كانت رعشة خوف وكره مو رعشة حب وعشق ..
Telegram:@rwayate
حاولت تسحب ايدا من ايدو .. شد ع ايدا وغمزا ليزكرا بانو هني قدام اهلن ..

تصنعت بسمة ع وشا وهدت حالا قدامن .. ومشيو سوا لبرا ..

حفلة كبيرة وغني وبوفيه مفتوح .. ساعتين كاملين وميلا عم تضغط ع اعصابا لحتى ما تبين شي ..

وخلصت الحفلة وراحو ع بيتن او فيلتن ..
ودّعت ميلا اهلا ودموعا ع خدودا ..

وقت شافتو لعلي بلشت الشهقات تطلع لحالا .. ضمتو وضمتو وضمتو وكانو عم تستنجد فيه ليطالعا من يلي هي في ..

دمعو عيونو لعلي ..
علي: اهدي اختي شبك .. يا روحي انت كل يوم رح كون بخلقتك لوقت تملي مني هههههه

قربت اريج منا وضمتا وبكيت معا .. وهمستلا بادنا ..
اريج: خليكي قوية .. كلشي رح ينتهي ما تخافي

ودعت الكل وسط لدموع وصار وقت تختلي بزوجا ..

دخلو سوا ع غرفتن الخاصة وهني ماسكين بادين بعض ..
ووقت تسكر الباب عليهن ... سحبت ايدا بسرعة من ايدو وصرخت بوشو ..

ميلا: يكون بعلمك كلشي عملتو تمثيل .. ومالي طايقتك بنوب .. ولو ماني مضطرة ما تم هالزواج .. انا بكرهك .. بكككككرهككك

تبسم وليد وقرب منا .. (برافو عليكي .. عملتي زينة العقل مرتي الحلوة)

دفشتو عنا لبعيد وهي قرفانة منو .. (الله يصطفل فيك)

وليد: هههههههه اي يالا بلا ما نضيع وقت غيري تيابك واسبقيني ع التخت

اطلعت في بقرف ورعب .. ومدت اصبعتا بوشو ..
ميلا: نجوم السما اقربلك .. ما رح تلمسني .. مااااا رح تلمسني

قرب وليد منا وهو عم يتبسم ..
وليد: وليش بقى .. نحنا هلا متزوجين .. يعني ما الك حجة

#انتهكت_قيودي_بقلم_امل_احمد (الجزء العاشر)
Telegram:@rwayate
حاولت تهدي حالا بس مالا قدرانة .. قامت من تختا شلحت بدلتا بعصبية وزتتا لبعيد واخدت منشفتا وفاتت ع الحمام ..

وقفت تحت المي الباردة لتحاول تطفي النار يلي شعلانة جواتا .. بس مالا حاسة بالمي وبرودتا .. مالا حاسة غير بالوجع يلي عم ياكلا اكل ..

رجعت بذاكرتا لاول لقاء الها بوليد .. تزكرت دقات قلبا كل ما كانت تشوفو .. تزكرت قديش كان حنون معا ..

دموعا ما عم تهدى .. قعدت ع ارض الحمام والمي لساتا عم تنزل عليها ..

بقيت فترة ما عرفت قديش هي بالزبط .. وافكار عم تاخدا وتجيبا ..
لوقت ندق عليها باب الحمام ..
ارتعبت وانتفض جسما ..

ميلا: مييين !!

ام محمود: انا يا بنتي .. جبتلك كاسة زهورات

ميلا: م.. ما.. ماشي يسلمو اديكي .. تركيها هلا بطلع

سكرت المي وطلعت ولفت حالا بالمنشفة وطلعت من الحمام ..
لبست تيابا وشربت كاسة الزهورات ..

........................
عم تحاول تفتح عيونا .. رفعت راسا .. بس راسا تقيل كتير ..
سندت حالا ع طرف التخت ورفعت حالا .. شهقت ومسكت راسا بئيديها التنتين ..

ميلا: رجع عملا الكلببببب .. لك اااااخ اااااخ

وبلشت تضرب راسا بالتخت وتصرخ ..

ميلا: لك اااخ يا ولييد الكلب ااااخ .. لك ااخ يا ندل يا وااااطي .. ولييييد
Telegram:@rwayate
بهالوقت كان وليد سهران مع امو ..
ايمان: لك شبا هاي .. ليش هم تصرخ

وقفت ايمان لتروح تشوفا .. مسكا وليد من ايدا وهو عم يضحك ..

وليد: وين امي .. تركيها .. حطيتلا فار لعبة حدا .. بتكون فاقت وشافتو هههه .. رح روح شوفا

ايمان: لك هاد وقت مقالب .. الله يصلحك بس

وليد: ههههه قعدي امي رح روح شوفا

دخل وليد الغرفة .. كانت ميلا منهارة وعم تطرق راسا بالتخت .. ووقت شافتو زادت بزيادة .. وبقيت عم تطرق راسا وتصرخ لوقت حست حالا ما عم تحسن تاخد نفس .. وعيونا عم يغبشو .. وغميت ..

ركض لعندا وليد وهو مرعوب ..
وليد: ميلا .. ميلا .. فيقي .. ميلااا .. لك ياااا امييييي .. اميييييي

اجت ايمان ركيض من برا .. شافت ميلا بحضنو لوليد غميانة .. ووليد عم يبكي متل الولد لصغير .. جنت ايمان وركضت لعندن ..

ايمان: لك شو صار .. شبا .. شباا

وليد: 😭😭😭 انا السبب يا امي .. انا السبب
Telegram:@rwayate
ضمتو ايمان لصدرا..
ايمان: ام محموووود .. طلبي الاسعاااااف بسسسرعة

اجت ام محمود ركض لعندا ..
ام محمود: شو صرلن

ايمان: طلبي الاسعاااف

ام محمود: حاضر حااضر

*بالمشفى*

ميلا بغرفة الطوارئ وايمان برا عم تستنى ع نار .. رايحة جايي وعم تفرك باديها ..

اجت نورة وادهم وعلي ..
نورة: دكتورة طمنيني شبا بنتي .. شبا

ادهم: شو صاير معن

ايمان: طولو بالكن .. ان شاء الله خير .. بس ليطلع الدكتور وبنفهم منو

علي: وينو وليد .. ليش مو هون

توترت ايمان ..
ايمان: و.. وليد راح ليشتريلا مقويات .. الظاهر جسما ضعيف وما بيتحمل زواج

نورة: بنتي جسما ضعيف!! يا ربي دخيلك .. والله كنت عرفانة انو بعد هالمرضة ما رح تتعدل صحتا

مسكا ادهم من ايدا ليهديها ..
ادهم: طولي بالك .. طولي بالك

طلع الدكتور من الغرفة والكل عيونن عليه .. وناطرينو ليحكي شي ..
Telegram:@rwayate
الدكتور: البنت عندا سوء تغذية .. والاهم من هالشي الظاهر انو مرت بازمة نفسية

ادهم: ازمة نفسية !!!!

نورة: لا حول ولا قوة الا بالله .. يا ربي دخيلك

ايمان: وهلا يا دكتور .. شو رح نعمل

الدكتور: خليا عنا الليلة لنعطيا مغذي ومقويات .. وبكرة الصبح بنقرر شو رح نعمل كرمال نفسيتا

ادهم: ماشي دكتور .. يعطيك العافية
Telegram:@rwayate
كانت ليلة كتير سيئة ع الكل .. لبعد ساعة من فحصا لصحت ميلا وقدرت تحكي ..

نورة: شبك يا روحا لامك .. شو صرلك

ميلا: (تبكي) امي .. خديني معك بترجاكي .. خديني معك

ادهم: اهدي يا بنتي اهدي .. ما تخافي كلشي رح ينحل

رجع الكل ع بيتو وبقيت نورة مع ميلا ..
نورة: هاي صرنا لحالنا .. هاتي حكيلي شو صار .. ما تمت دخلتكن؟

ميلا: مبلاا .. مبلا امي .. بس انا ما عاد بدي وليد .. مالي طايقتو يا امي .. ماالي طايقتو

نورة: لا حول ولا قوة الا بالله .. سمعيني يا روحي .. كتير بنات بيمرو بهيك حالة نفسية ليلة الدخلة .. بس يا امي بدك تطولي روحك .. وانا رح حاكي لوليد بكرة ما تخافي .. بس انو ترجعي معي ع البيت ما رح يمشي الحال يا روحي .. والله العالم ما رح ترحمنا

ميلا: بس يا امي....

نورة: طولي بالك وما تخافي .. انا رح حاكي وليد وامو .. وما رح يصير غير يلي بدك ياه

استسلمت ميلا لقدرا وعرفت بانو ما في مهرب .. وبدا تتحمل لفترة ..

#انتهكت_قيودي_بقلم_امل_احمد (الجزء الحادي عشر)
Telegram:@rwayate
رجعت ميلا من المشفى واستقبلا وليد .. سلمت علي عادي وكانو ما صار شي ..

وليد: الحمد لله ع سلامتك

ميلا: الله يسلمك .. شكرا

ايمان: يالا يا ولاد ع غرفتكن لترتاحو

انقبض قلبا لميلا .. راحت ع غرفتا بخطوات متثاقلة .. دخل وليد وراها وسكر الباب ..

كانت لافة وشا وهو وراها ..

وليد: ميلا .. انا اسف كتير علي صار .. ما كان بدي يصير هيك صدقيني

ميلا: هههه ما كان بدك يصير هيك !!

لفت وشا عليه وعيونا حمر متل الجمر ..
ميلا: بس بدي افهم ليش هيك عم تعمل .. لك انا بشو غلطت معك .. بشو اذيتك لتاذيني .. بشووو .. عم تحطلي منوم ؟؟ اي ماشي وليد .. انا بعرف كيف حلا .. بس يكون بمعلومك انت بنظري مجرد حثالة .. انت .. انت ولاشي .. ولااااشي
Telegram:@rwayate
ونزلت من عينا دمعة بالغصب .. مسحتا بسرعة ولفت وشا وراحت ع الحمام ..

ايام عم تمضى وميلا عم تعدن بالثانية .. عم تستنى لتمشي فترة وتقدر من بعدا تطلب الطلاق وتخلص منو لوليد ..

رجعت لدواما بعيادة الدكتورة ايمان لتبعد عن جو التوتر وتهدي حالا شوي ..

ووليد عم يداوم بالشركة .. وما بيرجع غير باخر الليل ..

ومع كلشي صار ما فيها تنام كل ليلة غير وقت تطمن علي لوليد انو اجى ع البيت ..

ومتل العادة عم تستنى بغرفتا ليجي وليد .. سمعت صوت سيارتو .. طلت من الشباك لتطمن عليه .. ووقت شافتو تنهدت ..

ميلا: ما بعرف شو بدي قول ... الله يصطفل فيك او الله يسامحك

مسحت دمعتا وراحت ع تختا غمضت عيونا لتبينلو بانو هي نايمة ..

دخل وليد الغرفة بهدوء .. حست بخطواتو الهادية لوصل تختا .. صوت نفسو عم تسمعو ..
وقف قلبا من الخوف .. وعم تفكر كيف رح تتصرف ازا قرب منا ..

حست بايدو ع شعرا .. ملسلا عليه وقرب منا وباسا ع راسا بوسة خفيفة .. وسمعت شهقة فلتت منو ..
Telegram:@rwayate
بقيت طول الليل وهي عم تفكر بهالتصرف يلي تصرفو ..

تاني نهار .. خلصت دواما ودقت لاريج ليلتقو بمطعم .
ميلا: والله ما عم افهمو .. لك كل وقت بشخصية .. احيانا بكون هادي ورايق واحيانا بكون متل الوحش

اريج: اي اختي .. شو يعني .. تراجعتي عن قرارك

ميلا: مستحيييل .. يلي عملو فيني ما بينتسى .. بكرة رح روح لعند الدكتورة لاطمن انو ما في حمل ومن بعدا ع المحكمة .. وما رح اسال حدا ولا رح شاور حدا
اريج: شو يعني ازا حامل !!! شاكة بانك حامل ؟؟؟؟

ميلا: لك لا .. بس بدي اطمن

اريج: اي وازا طلعتي حامل .. شو رح تعملي

ميلا: رح نزلو من غير ما حدا يعرف لاخلص من هالقرف بسرعة

اريج: بس اختي هالشي حرام

ميلا: ويلي عم يصير في .. ويلي عملو فيي .. مانوو حراااام

اريج: اهدي اهدي اختي .. ان شاء الله ما تكوني حامل

ميلا: امين يا رب

رجعت ميلا ع البيت وكالعادة مباشرة ع غرفتا تحممت ومن بعدا راحت ع المطبخ جهزت اكلا بايدا واكلت ورجعت ع غرفتا ..
Telegram:@rwayate
بهاليوم كانت كتير تعبانة .. وغفيت قبل ليوصل وليد .. فاقت بالليل ع صوت نفسو وريحة عطرو يلي كانت بيوم من الايام تعشقا ..

ارتعبت وقت حست في حدا .. بس وقت تطمنت انو نايم هديت ..
مع كلشي صار الا انها حست براحة كبيرة وهي بحضنو ..

ميلا: (بينا وبين حالا) حسك قلبك بانو هاي اخر ليلة الي بهالبيت .. اخر ليلة (تبكي)

بقيت لوش الصبح وهي عم تفكر بكلشي مر معا من وقت التقت بوليد لهاللحظة .. وغفيت عينا وهي لساتا عم تفكر ..

فاقت الصبح اتلفتت حواليها .. بس ما لقتو لوليد حدا ..

جهزت حالا وطلعت لعند الدكتورة ..
الدكتورة عم تفحصا وهي قلبا ما عم يهدى .. الخوف قتلا .. وملامح الدكتورة خوفتا بزيادة ..

ميلا: خير دكتورة .. شو صاير طمنيني

الدكتورة: هلا انت شلون عم تقولي انك مزوجة وعم تسالي ازا حامل
Telegram:@rwayate
ميلا: ما فهمت .. وين المشكلة

الدكتورة: المشكلة انك انت لساتك بنتك .. يعني ما بعرف شو بدي قلك .. معقول بنت بعمرك ما بتعرف كيف الزواج والدخلة

رمشت ميلا بعيونا وفتل راسا .. عم تحاول تستوعب يلي سمعتو من الدكتورة ..

ميلا: ما فهمت .. كيف يعني لساتني بنت .. يعني دكتورة انت متاكدة من هالشي

الدكتورة: طبعا متاكدة .. انت لساتك متل ما ربك خلقك

ميلا: ماشي .. ماشي دكتورة .. شكرا كتير

وتركت الدكتورة عم تطلع فيها باستغراب وطلعت ركيض من العيادة ..

#انتهكت_قيودي_بقلم_امل_احمد(الجزء الثاني عشر)
Telegram:@rwayate
طلعت ميلا من عند الدكتورة ولساتا ما عم تستوعب يلي سمعتو .. ازا كانت لساتا بنت لكن شو يلي عملو وليد .. وليش هيك تصرف ..

ما عادت فهمت شي .. ومالا غير اريج لتفشلا قلبا وتخبرا ..
دقتلا وتلاقو ..

اريج: طمنيني اختي .. والله ما حسنت ركز بشي طول لنهار

ميلا: ما عم افهم شي اريج .. مااا رح تصدقي شو صار

اريج: اييي .. احكي بسرعة

ميلا: اريج انا لساتني بنت

ديقت اريج بعيونا ورجعت فتحتن واطلعت بميلا ...
اريج: ما فهمت .. كيف يعني بنت
Telegram:@rwayate
مسكت ميلا ايدا لاريج وهي عم ترجف ..
ميلا: يعني وليد ما لمسني يا اريج .. ما لمسني

سحبت اريج ايدا من ميلا وفركت فيها جبينا ..
اريج: لحظة لاستوعب لحظة .. يعني ازا كان وليد ما لمسك لكن شو يلي صار .. وشو عم يعمل

ميلا: ما بعرف .. ما بعرف .. والله رح جن .. بس ما بتعرفي قديش ارتحت وقت عرفت

اريج: اي .. اي الحمد لله .. بس لازم تعرفي شو يلي صار .. في شي مالو واضح اختي

ميلا: اي اكيد لازم اعرف .. لهيك ما رح روح ع المحكمة ورح واجهو لوليد

اريج: بس اختي اناما عاد اوثق في لوليد .. الله اعلم شو عم يخطط

ميلا: يلي كان مخوفني فيه راح .. هلا ما عندوشي ضدي .. لهيك هو صار لازم يخاف مو انا

اريج: الله يحميكي اختي

ميلا: عم ازعجك بمشاكلي. . بس ما فيني خبر حدا تاني
Telegram:@rwayate
اريج: لك شو عم تحكي انت .. اساسا لو اعرف انك مخبية علي شي بدبحك

ميلا: هههه ماشي .. انا رح روح ع العيادة هلا .. والمسا رح حاكي وليد .. دعيلي

اريج: الله يحميكي ويبعد شرو عنك

وقفت ميلا ضمتا وبوستا وراحت ..

كانت عم تشغل حالا بالمرضى لحتى يمضى الوقت بسرعة وما تحس عليه ..
ايمان لاحظت شرودا وتصرفاتا الغريبة ..

ايمان: ميلا بنتي .. ازا كنت تعبانة رجعي ع البيت

ميلا: لا لا ابدا.. مالي تعبانة

ايمان: لكن شو صاير ؟ رجع وليد دايقك ؟

ميلا: لا ابداا .. ما تشغلي بالك .. انا منيحة

حطت ايمان ايدا ع كتف ميلا واطلعت فيها بعيون تعبانة ..
ايمان: ميلا يا روحي .. انا وقت خترتك لابني .. اخترتك وانا عارفة انو ابني رح يحبك .. وصدقيني وليد بيعشقك وبيموت فيكي .. وشو ما كان صار بينكن .. تاكدي انو عملو ليكسبك حدو

هزت ميلا براسا والف سؤال وسؤال عم بدورو بخاطرا ..

خلص الدوام ورجعت ع البيت .. وبقيت ناطرتو لوليد ع نار ..

طفت ضو الغرفة كالعادة .. بس هالمرة قعدت ع الكرسي .. وما نامت..
Telegram:@rwayate
دخل وليد ع الغرفة وهو هلكان .. تعبو كان نفسي اكتر منو جسدي ..
فتح الباب ودخل بهدوء .. مشى لعند التخت.. ووقت ما شافا لميلا ع التخت ارتعب .. وركض ع ضو الغرفة وشغلو ...

وليد: ميلا .. ميلاا

وقفت ميلا واطلعت فيه .. (انا هون )

تنهد وليد وتبسم .. (شو عم تعملي .. ليش لساتك فايقة)

ميلا: كنت ناطرتك

تبسم وليد وضحكت عيونو .. (جد!! ناطرتيني لالي .. والله كنت عرفان ما بهون عليكي)

وقرب لعندا وبدو يضما ..
رجعت لورا وحطت ابدا بيناتن لتوقفو ..
Telegram:@rwayate
ميلا: في موضوع مهم بدي حاكيك في

وليد: شو صاير

ميلا: وليد .. طلقني

وليد: شو عم تقولي انت .. انا قلتلك مستحيل طلقك

ميلا: وانا قلتلك مستحيل ا ب ق ى معك .. مستحيييييل

وليد: بس انت يلي رح تخسري .. ا... ا... انا قلتلك رح افضحك وقلن انك مالك بنت وانا عم حاول ستر عليكي

ضحكت ميلا ومشت لعندو لحتى ما بقي بيناتن فراغ وحطت عيونا بعيونو ..
ميلا: بس انا بنت

توتر وليد وبعد عنا ..
وليد: هههههه الظاهر طق مخك انت .. قال بنت قال

ميلا: وليد .. انا اليوم كنت عند الدكتورة وخبرتني اني بنت .. هلا بدي افهم كلشي .. بدي افهم شو يلي صار وعم يصير .. هلاا

وليد: (صريخ) هالدكتورة غبية وما صار شي .. وانت مالك بنت .. وطلاق ما في

حكا هيك وطلع من الغرفة وطرق الباب وراه بعصبية .. وطلع من كل البيت ..

ميلا: يا ربي دخيلك .. شو رح اعمل انا هلا ... ما عاد فيني اتحمل

جهزت كل اغراضا الشخصية بسرعة ودقت لعلي ..
علي: لك ليش شو صاير

ميلا: اخي بدك تجي او لا

علي: لك جابي .. جاييي
Telegram:@rwayate
اجى علي واخدا من بيتا .. طول الطريق وعلي عم يسالا وهي ساكتة ما عم تحكي شي ..

وصلت لبيت اهلا ونزلت اغراضا ودخلت ..
اهلا كلن كانو ناطرينا ع نار ليعرفو يلي صار ..

ادهم: شو يلي صار يا بنتي .. ليش حردانة

نورة: عين وصابتن يا ادهم

#انتهكت_قيودي_بقلم_امل_احمد (الجزء الثالث عشر)
Telegram:@rwayate
لاول مرة من وقت الحادثة ميلا بتحس براحة حقيقية .. من وقت هديك الحادثة وهي عم تعيش كوابيس .. لا اكلا اكل ولا نوما نوم ..

بس هلا وقت اطمنت ع حالا تريحت كتير .. بس مليون سؤال وسؤال عم يدورو براسا ..
وغصة قافلة ع صدرا وخانقتا ..

من بين كل الافكار يلي كانت عم تدور براسا غفيت ميلا ونامت ..

فاقت ع صوت جوالا عم يدق ..
فتحت عيونا بصعوبة .. اخدت الجوال من حد التخت واطلعت ع الرقم .. كان رقم ايمان ..

ميلا: ما رح رد .. تركوني بحالي حااج

كتمت الصوت ورجعت غمضت عيونا لتنام .. بس جوالا رجع دق مرة وتنين وتلاتة ..

ميلا: اوووف ياااه .. حاااج بقى

وعصبت وطفت الجوال ..

بعد بشوي ندق باب للغرفة واجت اما والقلق باين عليها ..

نورة: امي ميلا .. حبيبتي حماتك بدا تحاكيكي .. خدي التلفون حاكيها

هزت ميلا راسا بنفاذ صبر واخدت التلفون من اما ..
ميلا: تفضلي دكتورة

كان صوتا مرعوبة وعم تبكي ..
ايمان: وليد يا ميلا .. وليد جن وكسر البيت فوق روسنا .. الله يرضى عليكي يا بنتي استهدي بالله ورجعي

ميلا: ما عاد فيني اتحملو اكتر .. ما حدا فيكن بيعرف شو يلي عملو فيني .. حااج .. ما عم اتحمل اكتر
Telegram:@rwayate
ايمان: ميلا يا بنتي .. وليد بيحبك وبيعشقك .. صدقيني انا ام ومن عيونو بفهمو

علقت دمعة بعينا لميلا وانخنق صوتا ..
ميلا: وانا حبيتو لوليد .. بس هو كتير ازاني وتعبني .. بدي ارجع لميلا القوية مو ميلا الهشة .. ابنك كسرني .. ما فيني عيش معو .. مستحيل

ايمان: بس يا ميلا .....

ميلا: دكتورة لو سمحتي .. هالمشكلة بتخصني انا ووليد .. ما بدي حد فيكن يدخل فيها

ايمان: لا حول ولا قوة الا بالله .. الله يهديكي يا بنتي

سكرت ميلا الخط مع ايمان وعطت التلفون لاما ..

نورة: بنتي .. هالقرار مو سهل .. فكري منيح .. بلا ما تندمي بالمستقبل

ميلا: امي ما تشغلي بالك .. رح حلا

نورة: ان شاء الله يا بنتي

طلعت نورة من الغرفة وتركتا لميلا بحيرتا ..
ميلا: يا ربي دخيلك صبر قلبي وقويني ياا رب

مسكت تلفونا وفتحتو .. وصلا رسالة .. كانت من وليد ..فتحتا ..

وليد.. (اي سكري تلفونك ميلا .. ازا ما رجعتي بالمنيح رح رجعك بالغصب .. ورح خليكي تندمي ع طلعتك من البيت)
Telegram:@rwayate
ميلا: لك الله ياخدك شو وسخ .. عم تهدد كمااان

فاقت اريج ع صوتا ..
اريج: شبك اختي ع الصبح

ميلا: وليد جانن عم يكسر البيت وهلا باعتلي رسالة تهديد

اريج: اي اعلا ما بخيلو يركبو .. انسي كلشي وعيشي حياتك عادي

ميلا: هاد يلي رح اعملو .. رح قوم جهز حالي وروح ع العيادة

اريج: بس يمكن يروح لهنيك

ميلا: اي ويروح .. اساسا ما شفيت غليلي منو حابة شرشحو

ونزلت عن تختا وراحت ع الحمام لتجهز حالا ..

تنهدت اريج .. (الله يقويكي يا اختي )

جهزت حالا وفطرت مع اهلا وهي عم تحاول تخبي وجعا عنن وترسم ضحكة مصطنعة ع وشا ..
Telegram:@rwayate
ميلا: بالازن منكن .. رح روح

علي: ستني اختي .. انا بوصلك

ميلا: اكيد ما رح قول لا .. يالا

طلعو علي وميلا سوا ..
علي: ميلا اختي .. بعرف انك موجوعة وعم تخبي .. صدقيني قلبي عم يجعني عليكي ويلي موجعني اكتر انو مو طالع بئيدي شي لساعدك

ميلا: شو هالحكي اخي .. ربي ما يوجعلك قلب .. انا صح متوجعة وكتير مو شوي .. بس رح اتخطى هالشي ما تخاف علي .. كلا فترة وبتعود وبنسى .. لا تشغل بالك انت

علي: الله يرضى عليكي يا اختي .. ايا شي بدك ياه .. ايا شي .. وبايا وقت فيكي تيجي وتقليلي .. رح وقف حدك وساعدك شو ما كان الوضع

ميلا: ربي يحميك اخي وما يحرمني منك

وصلت ميلا للعيادة .. ودعت علي وبقيت واقفة لتطمنت انو راح .. ودخلت لجوا لتطلع ع العيادة ..
وصلت لنص الدرج .. وانصدمت وقت شافتو واقف قداما ..

وليد: تفاجاتي مو ؟؟

ميلا: بعد من طريقي

وليد: اي وازا ما بعدت

ميلا: بصرخ وبلم عليك كل البناية
Telegram:@rwayate
وليد: هاد ازا لحقتي

وبخ مخدر بنص وشا ..
ترنحت ع الدرج .. مسكا قبل لتوقع وحملا واخدا ع سيارتو ..

حطا بالسيارة من ورا وساق السيارة متل المجنون وهي غفيانة ..
وليد: (يبكي) لك ليش رحتي ليييش .. لك قلتلك رجعي وما سمعتي مني .. لك لييش لييش

كان عم يصرخ ويضرب بالمقود قدامو ويبكي ..

وصل للشركة .. واخد السيارة للمخازن .. دخلا ع المخزن .. سطحا ع الارض وربطلا اديها واجريها وحطلا لاصق ع تما .. وتركا وراح ..

بعد بوقت فاقت ميلا .. انصدمت وقت شافت حالا بالعتمة بمكان ما بتعرفو ومربطة ..
عم تحرك حالا لتحاول تحل حالا بس عبث .. ما قدرت تعمل شي ..
نزلو دموعا ع خدا من قهرا .. ومن كرامتا يلي لساتا عم تنتهك مرة ورا مرة ..

كان وليد قاعد بمكتبو وعم يطلع عليها وهي عم تحاول تفك حالا وعم يضحك بصورة جنونية ..

تركا طول لنهار بالمخزن .. واهلا قلبو الدنيا عليها .. ودقو لايمان ليسالوها ..
Telegram:@rwayate
ايمان: بس ميلا ما اجت عندي اليوم

#انتهكت_قيودي_بقلم_امل_احمد (الجزء الرابع عشر)
Telegram:@rwayate
لبست ميلا تيابا وهي لساتا بحالة صدمة ..
يلي صار معا قبل بشوي .. تهجم وليد الهمجي عليها .. وجود علي بلحظة قداما .. ووليد يلي بالارض وما بتعرف شو صرلو ..

علي: اختي خلصتي

ميلا: ا ..ا.اي .. اي اخي

لف وشو عليها وراح لعندا وضما بقوة ..
فرطت ميلا بالبكي وهي بحضنو لعلي ..

علي: خلص اختي .. اهدي .. اهدي يا روحي

رفعت ميلا راسا واطلعت بعلي..
ميلا: شو رح نعمل هلا
Telegram:@rwayate
علي: ولاشي .. رح نتركو ونروح .. بلكي مات وخلصنا منو

ومسك ايدا ليمشو ..
سحبت ميلا ايدا ..

ميلا: بس اخي .. ما فيني سامح حالي ازا صرلو شي .. رح حاول فيقو

تنهد علي بنفاذ صبر ووقف يطلع فيها وهي عم تحاول تفيقو ..
بس كل محاولاتا ما زبطت وما فاق وليد ..

ميلا: بدو مشفى اخي .. خلينا ناخدو

علي: بامرك انا اختي

حملو تنيناتن ع السيارة واخدو ع المشفى ..
وهني بالطريق دق تلفونو لعلي .. وكان ادهم ع الخط ..

ميلا: اعطيني .. انا بحاكيه

حكت ميلا مع ابوها وخبرتو يلي صار وطلبت منو يخبر ايمان بانو وليد صار بالمشفى ..

دخلو مباشرة ع الطوارئ وبقيو برا عم يستنو ..

بعد بشوي وصلو ادهم ونورة ومعن ايمان ..

وقت ايمان شافت ميلا انهارت .. قربت ميلا منا وضمتا لتهديها ..

ميلا: رح يكون منيح ما تخافي .. رح يكون منيح

ايمان: ميلا في موضوع بدي حاكيكي في لحالنا

ميلا: تفضلي

بعدو ع جنب وقعدو ع مقعد لحالن ..
Telegram:@rwayate
ايمان: صرلي سنين عم حاول ما خلي يوصل لهالمرحلة .. بس الامور فلتت من ايدي مرة وحدة (تبكي)

انصدمت ميلا واطلعت فيها ..
ميلا: سنين!!!

ايمان: في شي ما بتعرفي عن وليد يا ميلا .. ما حبيت خبرك بشي لحتى تكون علاقتكن طبيعية .. بس الظاهر كنت غلطانة

ميلا: شو يلي ما بعرفو

ايمان: وليد يا ميلا مريض .. مريض نفسي

انصدمت ميلا واطلعت فيها برعب ..
ميلا: ك... كيف .. كيف يعني .. ما فهمت .. وليش مريض .. ومن ايمت

ايمان: (تبكي) وقت كان بالجامعة حب بنت كتير وتعلق فيها .. بقيت علاقتن سنين لوقت تخرجو من الجامعة .. وطلبتلو ياها للبنت وتمت امورن بسلام ليوم عرسن .. بيوم العرس البنت اختفت وما اجت ع الحفلة

ميلا: كيف يعني اختفت

ايمان: الكل بالبداية خاف عليها .. وبلشنا ندور بكل مكان لوقت عرفنا بانو البنت هربانة مع ابن جيرانن

ميلا: يا لطيييف

ايمان: بوقتا وليد ما ابدا ولا ردة فعل .. وكان طبيعي كتير .. بس بعد ست شهور بلش يتغير كتير .. صار انسان تاني وبلشت عندو نوبات عصبية واحيانا نوبات بكي متل الاطفال .. وكوابيس بالليل
بلشت عالجو انا ودور ع النت عن كلشي بيخص علم النفس لطالعو من الحالة يلي فات فيها ..
عملت جهدي لاقنع ابو بانو يستلم فرع من الشركات يلي بيملكا .. وبالفعل استلم فرع المنطقة هون .. وبلشت نفسيتو تتحسن شوي عن قبل وبلش يهدى .. وكان لازم شفلو بنت تقدر تطالع هديك الكلبة من قلبو وفكرو .. ووقت شفتك دخلتي لقلبي وتاكدت بانو رح تدخلي لقلب وليد بطيبتك وباخلاقك
Telegram:@rwayate
ميلا: ماني عارفة شو لازم احكي

وقفت ميلا وهي كتير متوترة ورايحة جايي عم تفرك باديها ..

ميلا: ليش ما خبرتيني .. ليييش .. انت ما بتعرفي شو يلي مريت في انا ولا بتعرفي شو عمل فيني وليد .. وليد دخلني بحالة اكتئاب .. وليد كسرني وكسر كرامتي .. ليش ما خبرتيني لييييش

ايمان: لاني ام .. وخفت ع ابني .. خفت ما تقبلي فيه.. وكنت شايفتو عم يتحسن .. وشفتو قديش حبك .. لهيك ما حبيت خبرك بشي

ميلا: يا ربي دخيلك .. يا ربي دخيلك

طلع الدكتور من الغرفة وركضو تنيناتن لعندو ..
الدكتور: الحمد لله وضعو هلا مستقر وتجاوز وضع الخطر

ايمان: الحمد لله يا ربي .. الحمد لله

تنهدت ميلا وحمدت ربا بينا وبين حالا ..

علي: يالا اختي .. هاي اطمنا عليه .. مشي معي ع البيت ..

اطلعت ايمان فيها وهي عم تترجاها بعيونا ..

ميلا: لا اخي .. رح ابقى هون .. روحو انتو

ادهم: ميلاااا .. بنتي شو رح تبقي تعملي هون
Telegram:@rwayate
نورة: حاج يلي صار يا بنتي

ميلا: بترجاكن وثقو في .. ما فيني اترك وليد هلا

علي: لا حول ولا قوة الا بالله .. لك انت جنيتي اختي .. لك نسيتي قبل بشوي شو صار .. نسيتي

قربت ميلا من علي ومسكت ايدو ..
ميلا: مستحيل انسى اخي .. بس ما فيني اترك وليد هلا .. وكمان ما تنسى انو وليد زوجي

سحب علي ايدو منا بقوة وعصبية وتركا وراح لبرا ..

ادهم: ازا غيرتي رايك دقيلي

حكالا هيك ومشا هو ونورة وراحو .. وبقيو ايمان وميلا لحالن .. قاعدين عم يستنو لساعات لوقت اجى الدكتور لعندن ..
الدكتور: مين ميلا يلي عم يردد اسما

ميلا: انا دكتور

الدكتور: فوتي لعندو .. ما عم يهدى .. يمكن ازا شافك يهدى شوي

ميلا: ماشي دكتور رح فوت

فاتت ميلا لعندو ووقت شافتو بالحالة يلي كان فيها وجعا قلبا عليه ..

#انتهكت_قيودي_بقلم_امل_احمد (الخامس عشر)
Telegram:@rwayate
تلت ايام ووليد بالمشفى .. وميلا ما تركتو ابدا .بقيت حدو ..

وصار وقت يطلع من المشفى .. طلعو من المشفى وراحو سوا ع بيتن ..

وصلّت ميلا وليد ع غرفتن وساعدتو ليتسطح ع التخت ..

وليد: يسلمو اديكي يا روحي

ميلا: رح روح جيب مي لشربك الدوا

طلعت ميلا لبرا لتجيب مي .. كانت بالمطبخ عم تعبي بالمي .. اجت ايمان من وراها ..

ايمان: ما بعرف كيف فيني اتشكرك علي عملتيه مع ابني

ميلا: انا ما عملت هالشي كرمالك .. انا عملتو كرمال وليد ... وما رح سامحك ع كلشي مريت فيه .. ولا رح سامحك ع الكسرة يلي بقلبي

ايمان: ما بعرف شو فيني قول

ميلا: ما تقولي شي .. رح روح شوف وليد

طلعت ميلا من عندا وراحت لوليد ..

ميلا: يالا رفاع حالك لتشرب الدوا

وحطت ايدا ورا راسو لتساعدو يرفع حالو .. سندتو وحطت مخدة ورا ... وقعدت حدو وحطت حبة الدوا بتمو وشربتو مي ..
Telegram:@rwayate
اجت عينا بعينو .. كان عم يطلع فيها بعيون كلا ندم وعشق وحب ووله ..
تكركبت من نظراتو ورجف قلبا ..

ميلا: ص.. صار لازم تنام هلا لتريح شوي

وليد: ما بدي نام .. بدي ضل طول عمري مفتح عيوني واطلع فيكي .. بدي اشبع من هالعيون والطيبة يلي فيهن .. ما بدي ضيع ولا لحظة من لحظاتي معك .. بدي ضل شوف خجلك يلي بيقتلني قتل .. ميلا انا بعشقك

ميلا: وليد حاج حكي بلا ما تتعب هلا

وليد: ما رح ارتاح غير وقت احكي معك بيلي صار .. ميلا انا اول مرة شفتك فيها عنا هون بالبيت كركبتيني .. ووقت شفتك المرة التانية طق عقلي فيكي .. وكل مرة كنت شوفك فيها كنت اتعلق فيكي اكتر .. وكل يوم كان النا سوا كان حبي الك يكبر اكتر واكتر .. بس وقت قرب موعد العرس بلشت حس برعب انو افقدك وتروحي مني .. ما كنت متحمل فكرة انو تتركيني ابدا .. وما لقيت غير هالطريقة لاربطك فيّ وما خليلك مجال تبعدي عني .. بعرف اني اذيتك كتير وبعرف اني تصرفت بغباء .. ما رح سامح حالي ع كلشي صار

تبسمت ميلا واطلعت في ..
ميلا: بلا ما نحكي هلا .. نام وبعدين بنحكي

وليد: تعي نامي حدي

ميلا: و.. وليد .. تركني براحتي هالفترة .. نفسيتي ما عم تتحمل شي .. بدي فترة لاتجاوز هالشي

وليد: براحتك يا روحي .. وانا ما رح اطلب شي غير انو تبقي حدي
Telegram:@rwayate
.....................

مرت الايام وبلش وليد يتحسن .. ورجع لشغلو بالشركة .. وميلا رجعت لدواما بالعيادة .. وبلشت حياتن تستقر ..
بس ميلا كانت لساتا متاثرة بيلي صار معا .. ونفسيتا ما عم تتقبل وليد متل قبل ..

ووليد كل يوم عم يعمل شي جديد ليحاول يتقرب منا وليرجعا ميلا القديمة يلي وقت تطلع فيه عيونا بيلمعو ..

كل وقتو صار لميلا .. ما عم تروح من بالو بنوب ..

كان بالشركة وعقلو عندا .. مسك تلفونو ودقلا ..
وليد: كيفا حبيبتي

ميلا: تمام يا روحي .. انت كيفك

وليد: مشتقلك .. كتير

ميلا: ممممممم

وليد: هههههه شو يعني هاي

ميلا: يعني ازا مشتقلي تعا

وليد: لك الف طلب متل هالطلب .. رح اجي فوراا
Telegram:@rwayate
راح وليد لعندا ع العيادة ..
وقت شافتو دق قلبا وملامح وشا كلا تغيرت .. ما فيها تخبي الفرحة وقت بتشوفو ..

ميلا: هلا هلا

وليد: هلا بعيوني .. امشي يالا

ميلا: لوين

وليد: انت تعي ومن غير سؤال

ومسكا من ايدا وسحبا وراه ..

ميلا: لك استنى .. استنى شوي ههههههه .. بس لجيب شنتايتي وخبر امك

وليد: ماشي .. سابقك ع السيارة

اخدت ميلا شنتتا وخبرت ايمان بانن طالعين سوا وراحت لعندو ع السيارة ..

ميلا: اي .. لوين رايحين

وليد: هششش .. سكتي

ميلا: حاضر

وهني ماشيين بالسيارة شاف وليد عرباية ذرة .. وقف ونزل اشترى ذرة ..

ميلا: لك يسلموو .. صرلي زمان ما اكلتا

ومدت ايدا لتاخدا .. ضربا ضربة خفيفة ع ايدا .. وبعد الذرة عنا ..

وليد: هاي ما بتتاكل هون .. هلا بورجيكي وين بتتاكل

ميلا: هههههه ماشي .. الله يستر من مفاجآتك .. حاكم صاير ابو المفاجآت

وليد: ههههه كلو كرمال هالعيون يلي اخدولي عقلاتي

اخدا وليد وراح فيها ع منطقة عالية كتير .. كلا شجر كينا ..
وقف السيارة ..
وليد: يالا تفضلي

نزلو من السيارة ومشو لوصلو مقعد خشب تحت شجرة كينا بيطل ع كل المدينة ..

ميلا: ياااه ما اجمل هالاطلالة
Telegram:@rwayate
وليد: ما في جمال وانت موجودة يا روحي

قعدو سوا ع المقعد ومسك وليد بايدا لميلا ..
وليد: يالا هلا كلي الذرة

ميلا: ههههه والله معك حق .. الجو هون غير شكل

كانو قاعدين والجو حواليهن هدوء كتير .. ما في غير صوت الهوا يلي عم يلعب بالشجر .. ونسمات الهوا عم تهب عليهن ..

تنيناتن كانت قلوبن عم تدق بصورة غريبة ..

بلحظة ميلا حست حالا ما عادت قدرانة تبعد عن وليد اكتر .. هي بحاجة لتحط حالا بحضنو وتحس بنبضات قلبو وتحسسو بنبضات قلبا ..

قربت ميلا منو وحطت راسا ع كتفو ..
ضما وليد وهو حاسس حالو بهالحظة ملك الدنيا كلا ..

#ما_وراء_الجريمة
الحلقة الاولى
@rwayate
بقلم : #زينب_كوجار 💜
..
..
..
- شيراز : انتهت اللعبة
- انا بس يلي بقرر ايمت انتهت ولا نسيتي مين بكون شيراز
- شيراز : ما نسيت بس حابة خبرك انك اكتر حدا بستمتع بقتلو . بتعرفي ليش ما دمرتك وبس ؟
- لانك عم تحاولي تبيني انك مو جبانة
- شيراز : انتي الجبانة يلي كنتي طول الوقت ماشية تحت الاقنعة
- هه يلا قتليني شو ناطرة
- شيراز : لا لا موتك لازم يكون فيه لذة مشان كل ما اتذكرو انبسط . بس فيكي تبلشي تعدي لحظاتك الاخيرة وتتشاهدي ع روحكك
______________________
#قبل ٨ شهور
- نارين : يا الله يا شيراز واخيرا رح نطلع من هالسجن يلي كنا محبوسين فيه
- شيراز : اسكتي يا بنت لا يسمعك حدا والله منتقلع تقليع
- نارين : اي ونتقلع دخيلك اساسا نحن طالعين بعد ساعة
#ابتسمت شيراز ابتسامة خفيفة وبدون ما ترفع راسها كملت حكيها
- شيراز : كملي ضب الغراض من تم ساكت
- نارين : اي عم ضب
#بعد_ساعة طلعو شيراز ونارين وسافرو ع المدينة بعد ما كانو عايشين بضيعة عند ختيارة ربتهن وكبرتهن لما شافتن بالشارع مشردين وبعد وفاة الختيارة يلي كانو ساكنين عندا اخوها طالب بالبيت وانجبرو انن يتركوه
- نارين : شيراز
- شيراز : امم
- نارين : قولك رح نقدر نعيش بالمدينة لحالنا بدون ما حدا يحمينا
- شيراز : سمعي تذكري دائما انو اختك الكبيرة ما رح تتركك ابدا عم تفهمي
- نارين : طيب كيف ح نصرف
- شيراز : اول ما نسكن رح دور ع شغل
- نارين : ما رح تدرسسي
@rwayate
- شيراز : المهم تدرسي انتي وتتعلمي وانا بعدين بكمل شهادة
- نارين : مو مصدقة ايمت ادخل الجامعة وبلش حياة جديدة
- شيراز : الله يخليلي ياكي وشوفك باعلى مرتبة
#وصلو ع المدينة وكان رفيق اخوها للحجة ناطرهن
- شيراز : مرحبا . حضرتك السيد ادهم
- ادهم : اهلا وسهلا شرفتووني
- شيراز : تسلم . انا شيراز واختي الصغيرة نارين
- ادهم : تفضلو تفضلو منحكي بالبيت مو حلوة نضل واقفين هون
- شيراز : شكرا الك
#راحو ع بيت ادهم ع البيت الفخم والحياة الراقيةة كانو بينحسدوا ع الحياة يلي عايشينا . ادهم متزوج من مروة وعندهم ولد واحد يلي هو عروة وكان مدلل بس ما كان عندو حركات صياعة وبنات زيادة كان ملتفت لدراستوو
- نارين : واااو
- ادهم : شكلو عجبك البيت كتير
- نارين : بشلللل
- شيراز : ما تواخذني بس اختي مبالغة شوي
- ادهم : عادي ولا يهمكن . هلأ كيندا ح تاخدكن ع غرفكن اكيد انتو تعبانين
- شيراز : بس حابة اسألك
- ادهم : تفضلي
- شيراز : البيت يلي ع اساس تأملنا ياه جاهز ؟
- ادهم : شيراز بتفكري بالمستقبل كتير انتو هلأ ضيوفي وح تضلو ضيوفي لشهر بعدين بنفكر
- شيراز : هو الله يسلمك يعني بس معلش نحن مو حابين نكتر غلبة عليكن
- ادهم : انا سمعت انك بدك تشتغلي صح
- شيراز : اي مبلا
- ادهم : اي فيكي تشتغلي عندي بالشركة وبنحط نارين بالجامعة وبتروح وبتجي مع عروة وهيك بتشتغلي وبتكوني مطمنة ع اختك كمان
- شيراز : بس هيك كتير رح نعذبك معنا
- ادهم : هلأ نحن منجرب واذا لقينا فيها عذاب رح دبرلكن بيت فورا
- شيراز : شكرا الك
- كيندا : تفضلي معي يا خانم لاخدكن ع غرفكن
- نارين : كل وحدة بغرفة ؟
- كيندا : طبعا
- نارين : وااو اختي انتي متخيلة كمية الرفاهية يلي رح نعيش فيهااا
- شيراز : اخرسي ومن تم ساكت ع الغرفة ما رح نضل هون كتير
- نارين : يا الله منك يا اختي
- شيراز : ع غرفتك
- كيندا : وهي غرفتك شيراز خانم
- نارين : كأنو انا بعيدة عن اختي
- شيراز: كان بودنا نحطكن حد بعض بس الغرفة يلي حد غرفة الانسة شيراز هي لعروة بيك
- نارين : امم
- شيراز: يعطيكي العافية اختي اذا بتضل تسأل من هلأ لبكرى
- نارين : نننن
_____________
@rwayate
#تاني يوم الصبح
- شيراز ونارين : صباح الخير
- ادهم : صباح النور
- مروة: الفطور هلأ جهز تعالو فطرو معنا
- عروة : احمم مين هدول ليش حاسس الن عنا قرن ضوئي وانا ما الي خبر
- ادهم : هدول من طرفي اجو جديد ع المدينة وح يضلو عنا فترة لبين ما يتعودو ع الجو هون
- عروة : امم اهلا وسهلا انا عروة
- نارين : واناااا نارين . وهي اختي شيراز
#تطلع عروة بشيراز وقال : تشرفناا
#خلصو الفطور
- عروة : انا رايح عالجامعة
- ادهم : ابني اذا فاضي خود نارين معك سجلها بالجامعة
- عروة : تكرم بابا . حضري حالك
- نارين : خمس دقايق وبكون جاهزة
- ادهم : وانتي شيراز
- شيراز : انا شو
- ادهم : حابة تبلشي شغل اليوم ولا تقضيه رياحة وتبلشي بكرى
- شيراز : لا لا بروح معك اذا ما اشتغلت عالقليلة بتعرف ع طبيعة الشغل وهيك
- ادهم : تمام لكن يلا جهزي حالك
- شيراز : يلاا
- مروة: الله يوفقك ويرزقك
- ادهم : ويخليلي ياكيي
#الكل جهز حالو وطلع . عروة ونارين راحو ع الجامعة اما شيراز وادهم راحو ع الشركة
#بالجامعة
- نارين : واااو هالجامعة كتير كبيرة انا كيف بدي احفظ كل الاماكن والطرقات
- عروة : كم يوم وبتحفظين ما تاكلي هم