📚قصص||روايات||منوعة📚

rwayate

يارا ( لك شو في شو صاير؟؟ )

لارا ( الاولاد صارو عند ابوهن...الهن اسبوع تقريباً… و وداد تنازلت لنورس بالحضانة قانونياً)

حطت ايدها على قلبها بسعادة ( ياعمري يا لارا، الي سنين مافرحت هالفرحة يا حبيبتي يا اختييييي)

غمرت اختها هي و عم تبكي ( الله يخليلي ياكي ياعمري، سامحيني بعرف الي صار مو سهل عليكي سامحيني)

لارا ( اااخ كسرتي عظامي وليه… بفديكي بروحي بس شوف ضحكتك الحلوة… بعمل هيك و اكتر كرمال اختي الصغيرة المدلله….)

مسحت دمعتها وضحكت.. فكت ايديها عن لارا…

)) مبسوطة كتير، حاسة حالي صلحت غلطي…. الحمدلله يارب))

لارا (( الحمدلله… بس في مشكلة… ))

يارا بقلق ( مشكلة؟ شو؟ )

لارا (( شو بدنا نعمل بالمليون؟! ))

📚قصص||روايات||منوعة📚

rwayate

📚قصص||روايات||منوعة📚

rwayate

#تعويذة_الحب
الجزء الثالث عشر
Telegram:@rwayate
يارا : اه ؟ المليون ؟ .. لك كنت نسيانتو

لارا : ينعن ديبك هاد مليون .. بينتسى ؟؟؟؟شو رأيك نطلع سيراااان ؟ ونعمل مشاوي و سلطة و مناخود دربكة والله مننبسط

يارا : مو معقول شو غليظة ، وعطول تفكيرك ببطنك

حطت ايدها على بطنها و سبلت بعيونها : مو انا حبيبتي .. هاد الببو الجديد

يارا : شووو ؟ حااااااااامل ؟

لارا بخجل : ايه .. لسه ما خبرت امك اعملي حالك ما معك خبر بتزعل ازا ما كانت اول حدا بيعرف هههه

يارا : ييي لك تئبري البي .. مشتهية مشاوي ؟ نوصيلك ؟

لارا : لك لا كنت امزح معك ، عنجد شو بدنا نعمل بالمليون ؟ ايمن كتير متدايق انو المصاري عندنا بالبيت ..

يارا : يعلي عليكن .. حقك علي اختي .. عزبتكن كتير معي وجوزك صفى بلا شغل بسببي .. طيب ليكي .. اديه صرف ايمن عليها للحرباية ؟

لارا : ممم 150 الف .. بين هدايا وتياب و طلعات وروحات وجيات ..

يارا : حلو .. خدو 150 وجيبيلي الباقي .. انا بعرف اتصرف فيهن

لارا : طيب فهميني شو بدك تعملي ؟

يارا : خلص بعدين بقلك .. المهم .. بأي شهر صرتي وليه ؟

__________________________

الساعه 9 المسا .. طلع نورس من غرفة اولادو بعد ما حطهن بالتخت وحكالهن حكاية لينامو ..سكر الباب و قعد على الكنباية بتعب ..
رجع راسو لورا وغمض عيونو هو وعم يفكر .. (( يا الله اديش تربية الأولاد صعبة ، تركتلي ياهن امي وراحت .. خايف يكونو حاسين بتقصير او ناقصهن شي .. صحيح ما عم يقولو .. بس ماني مرتاح .. ))

مرض ابو نورس وقعد بالفراش ، فــ انجبرت امو ترجع على بيتها لتشوف طلباتو وتدير بالها عليه .. كان نورس كل يوم الصبح ياخود الأولاد يحطهن عندا .. وبعد ما يرجع من شغلو الي دبرو بصعوبة يرجع ياخد الأولاد
من عندها ويشوفها اديه تعبانه ..

حس انو بحاجة سيجارة ليهدي راسو .. تزكر انو ما ترك بالبيت اي اثر للداخن وزتهن كلهن مشان ما يدخن قدام اولادو ..

قام فتح باب البرندة و حاول يشم هوا نضيف .. ومع اول نسمة باردة .. مرقت صورة يارا قدام عيونو .. وسمع صوتها بادنيه وسمع ضحكتها .. (( نورس .. نورس .. ))

التفت وراه (( يارا ؟ ))

تطلع حواليه .. تخربطت نبضات قلبو ..

(( بدي ضل اتخيلك ؟ .. هه ))

رجع شق على اولادو .. وفات على غرفتو وحاول ينام ...

بعد يومين تانيات .. وهو راجع لياخود اولادو كانت ريماس هادية كتير وما عم تحكي .. نامت بالسيارة وحملها عالبيت ..

حطها بتختها وقرب ليبوسها .. حس عليها حرارة ..

توتر وجرب يتأكد .. عليها حرارة .. مسك موبايلو واتصل بامو ..

نورس (( امي .. شو بدي قلك .. ريماس كأنها مريضة ؟ ))

ام نورس (( والله يا ابني ما بعرف .. هي اليوم ما لعبت كتير وما تخانقت هي و احمد ..))

نورس (( طيب امي بس عليها حرارة شو اعمل ؟ ))

ام نورس (( حرارة ؟ طيب .. طيب اعمللها كمادات ودفيها كتير منيح .. خليها تتعرق ازا تعرقت بتطيب .. وشربها زهورات .. ))

نورس (( زهورات ؟ ما عندي زهورات !! خلص بدبر حالي .. ديري بالك على ابي .. ما ينشغل بالك .. ))

سكر الخط هو ومتوتر و احمد قاعد جنب ريماس ..

أحمد (( بابا .. مطول وانت تفكر ؟ يلا خلصنا .. ))

نورس (( اه ؟ شو ؟ شو اعمل ؟ ))

ضرب احمد ايدو على جبينو (( يا حبيبي .. شربها دوا يلا ))

نورس (( لا مو دوا .. لحظة خليني اعمل كمادات .. خليك جنبها .. لا تتحرك ها .. ))

راح عالمطبخ بسرعه ورجع ومعو مي دافية وقطعة قماش .. بللها و حطها على جبين ريماس .. شهقت وصارت تبكي ..

احمد (( بااااابااااااا اعصرها اعصرهااااا... لازم تعصر الكمادات قبل ما تحطهن على جبينها ستي هيك كانت تعمل اووففففففف ))

نورس بهمس (( نسيت .. معك حق .. ))

بعد ربع ساعه بلشت تنزل حرارة ريماس .. ورجعت نامة براحة .. واحمد نام من التعب ..

تركهن نورس وطلع من الغرفة .. اول ما قعد على الكنباية رن جرس البيت ..

نورس (( اااخ بس .. مين جاي هلأ .. ))

قام وفتح الباب ...

يارا بخجل .. (( مرحبا .. نورس .. ))

نورس (( _ _ _ _ ))

يارا (( انا .. كنت .. ))

نورس (( اهلا وسهلا يارا .. فوتي فوتي .. ليش واقفه برا ؟ ))

يارا (( لا معليه مو ضروري ))

فتح الباب هو ومبتسم .. (( لك فوت

📚قصص||روايات||منوعة📚

rwayate

ي .. ))

فاتت هي ومتلبكة وعم تطلع حواليها .. مافي شي تغير .. بس في تياب والعاب اطفال مرمين هون و هون ..

يارا (( شو وين الولاد ؟ ))

نورس ((بغرفتهن نايميــ ـ ـ ـ )) .. تطلع فيها باستغراب (( لحظة انتي شو بعرفك انهن هون ؟ ))

حكت راسها وابتسمت (( كل هالفوضى وهالالعاب ؟ معقول التياب هدول الك يعني ؟ ))

نورس (( اي معك حق .. هلأ نامو بغرفتهن .. و ريماس مريضة .. ما عرفت شو اعمل الحمدلله حرارتها نزلت بسرعه .. ))

يارا (( خير شبها ؟ فوت شوفها ؟ ))

نورس (( لا صارت منيحه خليها نايمة وهلأ برجع بتطمن عليها .. ))

يارا (( طيب .. ))
طلعت ظرف كبير من شنتتها ومدتو لنورس .. (( جيت اعطيك هدول .. ))

نورس (( شو هدول ؟ ))

يارا (( المقدم والمأخر الي اعطيتهن لابي لما طلقتني .. هو اعطاني ياهن وبعدن متل ما هن .. وانا ما بدي ياهن .. انت قدمتلي خدمة مو منطق اخود منك شي .. هدول 500 الف ..ولسه بدي رجعلك مصاريف المعهد وكل شي تكفلتو
.. تفضل .. ))

نورس (( شو عم تحكي .. هدول حقك ما رح اخدهن))

حطتهن عالطاولة وابتسمت (( بتشكرك كتير بس انا هيك بكون مرتاحه ، انا ما قلت لابي انو رجعتهن بس هو قلي انو حرة التصرف فيهن ، ما في داعي تجيبلو سيرة لان علاقتنا محدا رح يتفهما غيرنا ))

نورس (( لا عنجد يارا ما في داعي خديهن معك .. لو سمحتي .. ))

سكرت شنتتها وجهزت حالها لتمشي .. (( لا قلتلك هيك بكون مرتاحه .. ، يلا عن ازنك انا لازم امشي .. ))

نورس (( طيب .. ماشي .. ))

يارا (( عن ازنك .. ))

دارت ضهرها ومشت لتطلع من البيت ..

نورس (( يارا .. انتي مبسوطة ؟ ))

قبضها قلبها .. ضغطت على ايدها و حاولت تشد صوتها وبدون ما تلتفت عليه .. (( ايه الحمدلله ، انا كتير مبسوطه بدراستي ومع اهلي ومرتاحه .. شكرا لكل شي عملتلي ياه .. ))

نورس . (( اها الحمدلله طمنتيني .. ))

يارا (( وانت اكيد مبسوطه مع ولادك ؟ ))

نورس (( اي صح .. ما بقى بدي شي من الدنيا .. المهم يضلو قدام عيوني .. ))

سكتت شوي هي وعم تفكر .. ( وانا ؟ ليش ما بتفكر فيني مع انك دايما ببالي .. هه .. غريبه .. )

نورس عم يحكي حالو ( مو مسدء انك قدام عيوني .. ياريت لو بتضلي .. يا ريت لو بترجعي .. بس انتي قلبك مو هون .. وجسمك مو هون .. و روحك مو هون .. يزن اخد كل شي معو .. )

حكو بنفس الوقت .. ( بدك شي ؟ )
ضحكو .. وطلعت من البيت وسكر الباب وراها ..

ضلت واقفه على الباب ..

يارا (( هيك رح رجعلو مصرياتو ، ما بقدر احكيلو شي عن مرتو .. بخاف يعمل شي مشكلة .. لازم هلأ يضل مهتم باولادو وما يخلي شي يأثر عليه .. الاحسن انو ما يعرف شي .. والمهم انو مبسوط .. ))

نورس (( ان شاء الله ما كون ظلمتك معي .. يارب .. ))

___________________________

تاني نهار بعتتلو رسالة على الواتس مشان تطمن على ريماس .. ردلها انو منيحه وباركلها لان صار عندها واتس ..

ريماس مع حالها .. (( اي عملتو لاحكي معك استاز نورس .. ))

نورس عم يفكر ... (( مع مين بدها تحكي ؟ ليش لتعمل واتس .. شو القصة .. ))

صارو يراقبو بعض .. وبلش نورس يتحركشها ..

نورس (( صباح الخير يارا .. بدي اسألك .. كيف بتنعمل الملوخية ؟ ))

رد يارا (( ملوخية ؟ لحظة رح دئلك وقلك ما بحب اكتوب لسه ما تعودت عليه .. ))

.....

نورس (( مسا الخير يارا .. بدي اسألك .. كيف فيني اعمل فتت حمص .. احمد جاي على بالو ؟ ))

يارا (( طيب سهلة ما بدا شي .. رح دئلك و بحكيلك .. ))

.. .. .تاني نهار .. .

يارا ( صباح الخير نورس .. رح دئلك واعطيك طريقة المقلوبة ؟ )

نورس ( عفواً عم تتمئلسي ؟ ازا بزعجك ما عاد اطلب منك ؟)

يارا ( لك لا والله .. عنجد رح دئلك لاعطيك طريقتها )

نورس ( بس ارجع من شغلي رنيلي لنفذ الخطوات وانتي معي عالخط .. هلأ ابعتيلي اللوازم لجيبهن معي .. )

يارا ( اتفقنا .. )

... تاني نهار ..

نورس ( مرحبا يارا .. ممكن تحكيلي طريقة الكبسة ؟ ناطرك تدئيلي ..)

يارا ( اهلين .. لا خلص تعودت اكتوب كتابة .. رح اكتبلك .. )

سكت نورس وما رد عليها ..

ضحكت يارا هي وعم تفكر ( معقول بدو يسمع صوتي ؟! )
________________________

بقيت علاقتهن على نفس الوضع .. رسائل واتس اب و مكالمات قصيرة .. بلشت يارا تمل و يديق خلقها .. فتحت الواتس لتشكي لاختها لارا ..

رسالة يارا (( مرحبا اختي كيفك ؟ ليكي بدي شوفك .. حاسة حالي رح انفجر .. داق خلقي .. انا حاسة انو خلص ما في امل من نورس .. هو ما بدو ياني ولا ببالو يرجعني ولا حاططني بحساباتو
نطرت كتير ليقلي انو بدو يرجعني .. بس شكلو خلص ما عاد بدو يتجوزني .. شووو اعمل ؟ ))

وصلها الرد .. (( لا اكيد هو بدو يتجوزك .. وانتي ما بس بحسابتو انتي جوا قلبو .. هو متمني يرجعك اليوم قبل بكرا .. بس في مشكلة .. ))

بعد ما قرأت الرسالة حست في شي غريب .. دققت بالمحادثه وحست قلبها طلع من مطرحو لما اكتشفت انها باعته الحكي لنورس بدال ما تبعتو لاختها .. والرد هاد منو ما م

📚قصص||روايات||منوعة📚

rwayate

ن لارا ..

سكرت الموبايل وقعدت تبكي لنشفو دموعا ... حست بخجل من نورس .. شو ممكن يفكر وكيف رح يفهمها ..

بعد ما استسلمت للي صار فتحت الجوال وردت عليه .. ( شو المشكلة ؟ )

نورس ( المشكلة انو هو ما عاد بدو جواز صوري .. بدو تصيري مرتو وشريكة حياتو .. يا ترى .. بتقبلي ؟ )

قرأت الرسالة اكتر من مره ..
مره تبتسم .. ومره تتوتر .. شدت الدبدوب لحضنها ..

و ردت على نورس .. ( ايه .. بــــــــــــــــقـــــــــــبـــــــل .. )

_ _ _ _ _ _ _

احياناً .. بكون الطريق للشي الي بدنا ياه سهل كتير و واضح .. بس منحسو صعب وطويل .. احتياطاً ما منمشي فيه ..
واحتياطاً منعمل حالنا مو شايفينو ..
واحتياطاً منخاف على كبريائنا .. بس بهل حالة ما حدا بيخسر غيرنا .. وبتروح مشاعرنا ضحية وقت ( بدل ضائع .. ) و بتروح سعادتنا ضحية الاحتياط...

_ _ _ _ _ _

حكى نورس مع اهل يارا ورجع طلبها منهن .. اهلها رحبو فيه و وافقو .. ويارا اعطتهن موافقتها .. وبحكم انهن اساساً متطلقين ما كان في خطبة وغيرو .. مجرد كتب كتاب واخدها على بيتو مره تانيه ..

طلعت من بيت اهلها هي وياه .. وما حدا فيهن قدران يتطلع بالتاني او يحكي شي ..

وصلو على بيتهن .. كان تارك ولادو عند امو ..

فاتت يارا هي وعم تحاول تكون طبيعيه بس دقات قلبها كانت عم تتسارع بشكل كبير ..

يارا ( ايه وين الولاد ؟ )

نورس ( بدك ياهن حبيبتي ؟ ما بينفع ابوهن ؟ )

هربت بوشها منو واتطلعت حواليها .. ( البيت متل ما هو .. بس كأنك مغير السجادة ؟ )

لف خصرها بايدها وحضنها .. قرب منها وهمس .. ( كأني مشتقلك ؟ .. ولك انتي اعند مخلوقة شفتها بحياتي .. صعب كتير عليكي تحكي ؟ شو كان بكلفك الموضوع غير تقوليلي تعا لتشوفيني بين ايديكي ؟ )

بلعت ريقها بتوتر ونزلت عيونها .. ( انا .. ما .. ما بعرف .. )

حط ايدو على خدها وشدها .. ( انا بعرف .. بعرف اني بحبك .. شو ما عملتي بحبك .. كيف وليش ما بعرف .. مع انو الي متلي بعمرو ما برجع يآمن بجنس حوا
بس انتي كانك فتي على هالقلب .. وقرأتي عليه تعويذة باسمك .. تعويذة حب ما في شي قدر يفكها .. )

يارا : _ _ _

حملها بين ايديه .. ومشي فيها على غرفتهن .. تعلقت برقبتو وغمرت وشها بحضنو ..

نورس ( هلأ ما بطلعلك شي عندي صح ؟ انا حر التصرف .. )

كانت مبتسمة بحضنو .. قبل ما تمرق صورة يزن قدام عيونها ..

شدت على تياب نورس بقوة وحست سهم انغرز بصدرها .. نزلها نورس عالتخت وانحنى باتجاها .. بعد شعرها عن وشها والتقت عيونو بعيونها .. كان متوقع منها نظرة حب .. نظرة فرة .. او نظرة شوق ..
خابت كل امالو لما شاف الدموع مغرقين عيونها ...

نورس ( شبك يارا ؟ )

يارا ( ما .. ما في شي .. )

فتلت وشها للجهة التانية وتابعت بكي بصوت مسموع ..

نورس ( يارا .. فهميني شبك ؟ .. يارا ردي علي .. )

____________________________________________

تاني نهار كان نورس قاعد بالصالة بنفس تيابو .. بس الفرق انو هيئتو تعيسة وفرحت امبارح كلها تلاشت .. كان عم يدخن بشراهة لما طلع الضو عليه ..
وقفت يارا على باب الغرفة و الكحل متراكم تحت عيونها من اثار البكي ..

يارا (( ما نمت ؟ ))

التفت عليها وطفى سيجارتو .. وحاول يبتسم .. (( صباح الخير حبيبتي .. لا غفيت بس هلأ صحيت .. شبك انتي ليش هيك وشك تعبان ؟ ))

قربت لعندو وقعدت جنبو .. حطت راسها على صدرو ولفها بايدو ليقربها منو ..

يارا (( ما تزعل مني .. انا ما بعرف شو صار .. ))

مسح ايدو على شعراتها بحنان (( عادي ، ما في مشكلة المهم انتي معي .. ولاحقين على كل شي .. ))

يارا (( يعني مو زعلان مني ؟ ))

نورس (( لا حبيبتي ، عادي متفهم وضعك .. كل شي بيصير بوقتو ما تفكري بالموضوع))

حطت ايدها على دقتو بحب .. (( اسفه .. ))

وغمضت عيونها واستلمت للنوم بعد ليلة طويلة من البكي ...

تنهد نورس بألم .. وهو عم يفكر .. (( انا مو زعلان لان ما صار شي .. انا بس زعلان لان للحظة فكرت قلبك صار معي .. بس يزن لسه عايش بيناتنا رغم انو مات من سنين .. الي مخوفني .. انو شي نهار
رح يموت يزن عنجد .. ولا بدك تخليه عايش ؟ ))

تطلع فيها هي ونايمة متل الأطفال .. باسها على جبينها وضل متل ما هو مشان تبقى نايمة ومرتاحه ..

_ _ _ _ _

بعد تلات ايام .. كانت يارا عازمة اختها لارا وجوزها لعندهن عالبيت .. جهزت عشا وكانو كلهن قاعدين على البرنده عم يشربو شاي بانتظار وصول نورس ليبلشو عشا ..

اولاد لارا و اولاد نورس عم يلعبو بغرفة الألعاب ..
ولارا و يارا وايمن قاعدين عم يحكو ويضحكو ..

لارا : اييييييي لك بعمري ما بنسالك ياها يا ايمن ، يا لطيف لما شفتك مسكتلها ايدها وبستلها ياها .. حسيت تيار كهربا ضرب مخي .. كان نفسي قوم ادبحك انت وياها

يارا : اي صهري اختي معا حق

ايمن :يارا .. هي اختك شوفة عينك .. كل ما نتخانق بتقلي انا مو ناسيتلك ياها .. لك شو انا كنت خونك ؟ فوق ما عملت كل هالشي كرمالك وتركت شغلي ؟

📚قصص||روايات||منوعة📚

rwayate

يارا : اي اختي جوزك معو حق ..

لارا : ييييي شو كزاب .. نحنا قلنالك تعلق وداد وتوعدها بالزواج وتقلها ما بدك ولاد .. ما قلنالك تبوس ايدها

يارا : اي صهري اختي معا حق ..

ايمن : ومو انتو قلتولي قلها انو مرتي بدها تطلق و حاطه مأخر مليون ليرة وحالياً مصاري حاطهن بصفقة كبيرة وما بقدر ادفعلها ؟ كيف كنت بقدر اقنعها و وقعها لو ما عملت هالحركات وسمعتها حكي حلو

يارا : اي اختي والله جوزك معو حق

لارا : لا مو صحيح ، كنت بتقدر تقنعها بدون هالولدنة .. ولا رسائل تبعون الليل ((ابعتيلي صورك بالبيجامة !!!!!!! )) يا عيب الشوووووووووم

يارا : ييييي اي والله يا صهري اختي معا حق

ايمن :ايه لا بئى ، الي بسمع بفكر انو شفت شي .. مو انتي اغلب الأيام كنتي تسهري معها وتحكو رسائل على اساس انا ؟ وكل الصور تنقليهن على جوالك مشان ما شوف شي وتحذفيهن من عندي ؟ ما بكفي تحملت تقالت دمها وطلباتها ودلالها

يارا : اي اختي والله جوزك معو حق

لارا : لكن اميرتي ؟ بتقلها اميرتي يا ظالم وانا صرلي ست سنين متجوزتك وما قلتلي لا اميرتي ولا بطيختي !!

يارا : يااااخ ، والله يا صهري اختي معا حق ..

ايمن : لك انا عملت هيك كرمالك ، حاولت ارفض وصرتي تترجيني وتقليلي اختي بتحبو لنورس واختي تعزبت كل حياتها وانا بدي وقف جنب اختي وانا بوثق فيك ومتاكده انك قدها و نورس حرام بدو ولادو !!

يارا : ممممم اختي .. والله جوزك معو حق ..

تطلعت لارا وايمن ببعض .. وتطلعو ب يارا وحكو سوا .. (( يخرررب بيتك .. ))

يارا : ايه جننتوني شو بعممللكن .. بس يا جماعة .. كلو كوم .. ولما كنت متخبيه انا ولارا و راح ايمن وقعد معها وقلها انو مرتو اخدت المليون وما رضيت تطلق
وهو خسر كل مصاريه بالسوق وصفي عالحديده وما بقدر يطلق مرتو ... وشها بهديك اللحظة عنجد بيستاهل مليون ليرة ههههههه

ضحكو تلاتتهن بصوت عالي .. بدون ما يلاحظو انو نورس واقف على الباب وماسك مفاتيح البيت بين ايديه وعم يضغط عليهن بقوة .

📚قصص||روايات||منوعة📚

rwayate

.

طلع احمد من الغرفة ليروح يشرب مي وشاف نورس وعيط بصوت عالي (( بابا انتي جيييييييت ؟ ))

انقطع ضحك الكل .. التفتت يارا جنبها وشافت نورس واقف وعم يطلع فيهن ..

اختفت ضحكتها ... وحست نفسها دائ وما عاد قدرت تنطق ..

يارا (( نورس .. انت هون ؟ ))

📚قصص||روايات||منوعة📚

rwayate

📚قصص||روايات||منوعة📚

rwayate

#تعويذة_الحب
الجزء الرابع عشر و الأخير ..
Telegram:@rwayate
ابتسم نورس .. وتركهن وفات على غرفتو ..

تطلعو تلاتتهن ببعض بخوف ..

لارا : دخيلكن حاسه حالي رح اطلق من الرعبة .. معقول سمعنا ؟

ايمن : الأفضل نمشي يارا .. فوتي جيبي الولاد .. يلا

لارا : طيب ماشي..

بقيت يارا ساكته ومو قادرة تفكر ..

ايمن : يارا .. ما تخافي بسيطة .. نحنا ما عملنا شي غلط .. قلتلك من الأول .. الأحسن تخبريه بس !!

قعدت يارا و صارت تهز رجلها بتوتر وتتحرك لقدام وترجع لورا ..

ايمن : نورس بحبك .. حاولي تفهميه انك عملتي هيك كرمالو ..

يارا : كيف .. لك شو بدي قلو .. كيف !!

طلعت لارا ومعها ولادها .. (( يلا ايمن خلينا نمشي .. ))

ايمن : عن ازنك .. تصبحو على خير ..

يارا : تصبحو على خير ..

وصلتهن عالباب وسكرت وراهن .. وقفت ثواني عم تحاول تنظم نفسها وتهدي حالها .. كل شوي تنزل دمعتها وتمسحها ..

احمد : خالة يارا .. شو في ؟
التفتت هي وعم تبتسم : احمد ؟ لا ولاشي حبيبي .. تعال حطلك عشا انت واختك مشان تاكلو ، انا وابوك مو جوعانين مناكول بعدين ..
احمد : مممم طيب ..
فاتت عالمطبخ وعقلها مو معها .. سكبت اكل لريماس و احمد وفوتتلهن على غرفتهن حطتلهن الأكل ..
مشيت باتجاه غرفة النوم وهي خايفه .. فتحت الباب شوي شوي (( نورس ؟ نايم ؟ ))
كان ضو الغرفة مطفي وعتمه ..
انتبهت عليه قاعد على جنب التخت .. تشجعت وفاتت وسكرت الباب وراها .. وشغلت الضو ..
نورس (( انتي ورا كل هالشي ؟ ))
قربت وقعدت جنبو .. حطت ايدها على كتفو .. (( انا اسفه ، ما حبيت دايئك .. خفت تعمل شي غلط ازا عرفت بتصرفات وداد .. ))
نورس (( لهلأ ما حدا فهمان ليش طلقتها ، لهلأ الكل شايفيني متوحش و ظالم ,, يا ترى اي رجال مكاني كان عندو زوجة متل وداد كيف كان رح يتصرف ؟ يصفقلها ؟؟ لك شووووو بيعمل ؟ ))
يارا بتوتر (( خلص انسى ، الي راح راح .. روق هلأ .. انت زعلان مني ؟ ))
نورس (( هه .. انا زعلان على حالي .. حاسس حالي حمار يا يارا .. حاسس راسي فااااااااااضي .. انو كيف ؟ كيف ما فكرت فيها ؟ والمصاري الي رجعتيهن .. شو في براسي انا !! ))
يارا (( لا تحكي هيك الله يوفئك ، مو هيك الموضوع بـــس انا .. ))
التفت عليها ومسكها من ايدها بقوة (( انتي شو ؟ بتحبيني ولا لأ ؟ بدك ياني ولا لأ ؟ ولك يزن طلع من راسك ولا لأ فهمييييييييني ردي عليييييييييي ؟ ))
رجفت ايدها وما عاد عرفت تحكي ..
نورس (( رجعتي بس لانك متعاطفة معي صح ؟ كل شي صار لانك حاسة بالذنب ما هيك ؟ ))
غمضت عيونها بقوة هي وعم تبكي (( لا مو هيك والله مو هيك ))
نورس (( ما قدرتي تحبيني ؟ ))
يارا (( والله بـــــــحــــــــبـــــــــك .. ))
فتحت عيونها وتطلعو ببعض و هن ساكتين .. والكلمة عم ترن براس نورس .. (( والله بحبك !! ))
شدها لصدرو بقوة .. حط انفو عند خصل شعرها و استنشقها ..
نورس (( انتي واحمد وريماس .. اهم ناس بحياتي .. ما بدي شي يبعدكن عني .. ))
يارا (( ولا شي بيبعدني عنك .. بوعدك .. ))
رفعت عيونها فيها .. وتطلعت بنظرة قدر يفهمها .. نظرة كلها حب وحاجة ..
ابتسملها ومسح بقايا الدموع بعينها ..
يارا (( ما تزعــل مني .. ))
حط ايدو على شفافها .. (( هــس .. انا بس بحبك .. ))
خلخل اصابعو بين شعرها .. جذبها باتجاهو .. وهمسلها اكتر من مره .. ( بحبك .. ) ..
_______________________________________________
فتحت عيونها الصبح وما لقت نورس جنبها .. ابتسمت و قلبت عالجهة التانيه وشدت الغطا لحضنها ..
انفتح باب الغرفة وفات نورس هو وعم ينشف شعرو ..
غمضت يارا عيونها بسرعه ..
نورس .. (( اي قومي قومي .. شفتك .. ))
يارا (( انا لسه نايمة .. ))
نورس (( اي يسلملي النايم وهو مفتح ... قومي حبيبتي .. الفطور جاهز .. ))
بعد مرور سبع شهور ...
اهل وداد زوجوها لختيار كبير بعد ما سيرتها صارت على كل لسان .. حاول نورس ما يجيب سيرتها بالعاطل وحاول يصون العشرة
بس هي ما قدرت تصون حالها ..
اخدها زوجها وسافر فيها .. اتصلت بعد هيك على اهلها اكتر من مره مشان تشوف اولادها و بدها تتطلق بس اهلها تخلو عنها وتبرو منها .. وحكت مع نورس اكتر من مره وما قدر يساعدها بشي
بس كان يخليها تحكي مع الاولاد دايماً وبشكل مستمر ..

كانت يارا حامل بالشهر الخامس .. قاعده على الكنباية واحمد وريماس حواليها .. وحاطين صحن البوشار على بطن يارا وعم يتفرجو على توم وجيري ويضحكو ..
طلع نورس من المطبخ وهو لابس مريول الطبخ ..
نورس (( احمد انت بدك معكرونة صارت جاهزة .. يارا عملتلك نقانق وبطاطا مقلية .. يارا نسيت شو قلتيلي بدك تاكلي ؟ ))
يارا (( سوشي حبيبي .. ))
حك راسو باستغراب (( سوشي حبيبي .. طيب حاضر .

. ))
فات ع

📚قصص||روايات||منوعة📚

rwayate

المطبخ ورجع طلع .. (( كيف بيعملوها هي ؟ ))
يارا (( بوصو عليها من برا .. وقلهن مرتي عم تتوحم مشان يستعجلوو .. ابنك جوعان وعم يرفس .. ))
نورس (( اي اي .. حاضر يلا .. ))
فات عالمطبخ .. رجع طلع عالصالة .. فات على غرفة النوم .. وقف بالنص وهو محتار .. (( شو بدي انا ؟ ))
قربت ريماس من يارا وهمستلها (( شبو بابا كأنو جن ؟ ))
احمد من الجهة التانيه .. (( يا حرام .. نحكيلو انو نحنا مخبين الجوال ؟ ))
حطت يارا اصبعها على تمها (( لا ما تحكو .. الي بيحكي ما عاد لاعبو معي .. ))
رجع نورس يدور على الموبايل وهن عم يتفرجو عليه ويضحكو ..
فات على غرفة النوم تناول جوال يارا ورن على موبايلو وطلع عالصالة ..
كان الجوال تحت ضهر يارا .. طلعت نغمة الموبايل وصار يغني ..
احمد (( ييي خالة نسيتي تحطيه صااامت ؟ ))
قرب نورس لعندهن و وقف فوق راسها هي وعم تاكول بوشار .. (( شو حبيبتي ؟ كأنو ابنا عم يغني ببطنك ؟ ))
عضت على شفافها وضحكت (( انت ما بتعرف انو الأطفال بهاد العمر ببلشو يغنو و يرقصو و يتواصلو مع العالم الخارجي ؟ ))
نورس (( وانتي ما بتعرفي انو الحامل بهاد الشهر بتقوم تطبخ وتنظف وتغسل وتجلي ؟ ))
رفعت عيونها فيه ورفعت حواجبها .. (( لأ .. ما بعرف .. ))
نورس (( عالمطبخ يا حلوة .. شرفي .. ))
ضحك احمد وريماس ..
قامت وحطت الصحن عالطاولة ...
شلح نورس المريول ولبسها ياه .. (( اوووه طالعه شقفة حبيبتي .. ))
صرخت بالاولاد (( اسكتو اصلا كلو من تحت راسكون .. امانة احكولي ازا توم بياكول جيري او لأ اي ؟ .. شو بدك تاكول نورس بيك ؟ ))
قرب منها وحط ايدو على بطنها .. بعد شعراتها عن وشها وغمزلها .. .. (( سوشي حبيبتي .. سوشي .. ))
#تــــــــــــــمــــــــــــــت