ئربت ودئت عالباب وسمعتو عم يحكي: تفضل ..
مدت راسها وشافت مصعب متسطح عتختو والمرض مبين علية
جوري مع ابتسامة: مسا الخير مصعب
مصعب: اهلين جوري مسا الخيرات فوتي ..
Telegram@rwayate
فاتت وئعدت ئبالو عالكرسي ..
جوري: ليش باب غرفتك مفتوح؟
مصعب: كانت جمانة هون وطلعت تجيب شغلة .. رجع قاسم؟
جوري: لا لسا ..
مصعب: جوري انتي بتحبي قاسم؟
جوري: اكيد ..بحبو كتيير
مصعب «ابتسم »:الله يخليكون لبعض ..
جوري: تسلم وعئبالك نجوزك ونفرح فيك
مصعب: لك جوري ..المفروض تدعيلي بالرحمة مو بالزواج
جوري: بعيد الشر عن ئلبك .. انشالله بكرة بتطيب وبتصير احسن
مصعب: هالمرض مالو علاج .. السرطان منتشر بجسمي ومافي اي امل يروح ..
جوري «بزعل »:هلأ ليش مصرر تبكيني
ونزلت دمعة من عينها عخدها الناعم ..
Telegram@rwayate
اما هوة بس شاف دمعتها مد ايدو ومسحلا اياها بإصبعتو ..
مصعب: لا تبكي جوري انا ماحكيت هيك لحتا تبكي .. انا حكيت الواقع .. انا حكيت هيك لحتا تتأكدي اني مو دايم لحدا .. جوري اصحك تكوني ضعيفة وهي دمعتك ماتخليها تنزل بهالسهولة ئدام حدا .. كوني ئوية لتئدري تواجهي هالدنيا ..
جوري: ليش هيك عم تحكي ..؟ بعدين في قاسم رح يحميني من كلشي...يئبر ئلبي
مصعب: عكل حتئ من قاسم ديري بالك ..
جوري: .....
وفجأة فاتت جمانة عالغرفة ..
جمانة: يي جوري قاسم هلأ رجع
جوري: عنجد ..يالله رايحة استئبلو ...
Telegram@rwayate
🔚 حطت جوري الصورة من ايدها
جوري: كأنو مصعب كان حاسس انك رح تعمل هيك ... انشالله باشق يوفي بوعدو ومايخبر ابوه شي ..
وبرة ...
اغيد: اي لوتس شو رأيك باللي صار اليوم؟
لوتس: بتعرف ئصة ولا بالخيال ..انو بعد عشرين سنة تبان الحقيقة بهالطريقة لا وكون انا السبب الرئيسي بظورها ...
اغيد: اصلا انتي مابيجي من وراكي غير المصايب 😒
لوتس: شو اصدك سيد اغيد؟
اغيد: ومو انتي جبتيلي هاد اللي اسمو باشق ..
لوتس: لك بس بدي افهم بشو زاعجك باشق؟
اغيد: لك وليه اصحك تحكيلي انو هوة اللي كنتي عم تحكي عليه هداك اليوم؟
لوتس: يسسس هوة 😊
اغيد: تضربي انتي وهالزوء مالئيتي غيرو ..نافشلي ريشو متل الطاووس وأخلاقو متل الزفت
لوتس «ابتسمت وهزت براسها »:مممم عفكرة يافالح انتة واياه فولة وانئسمت نصين .. وطبعك الحامي هلأ عرفت منين جايبو .. بئا لا تئعد تتفلسف وتحكي عليه لأنو كلشي حكي رح تحكي عليه رح يرجعلك بالنهاية ..
أغيد: ....
Telegram@rwayate
▪️…▪️…▪️…▪️…▪️…▪️…▪️…▪️…▪️…▪️…▪️
بالليل وصلو بانا وباشق عالقصر وفاتو ولئو الكل ناطرهم...
بانا: مسا الخير
صباح: مسا الخيرات حبيبتي ..انشالله انبسطو بالمشوار انتي وباشق
اتطلع باشق بستو ورجع زاح نظرو عنها ...
باشق: انا تعبان وبدي ارتاح شوي..بالازن ..
وهوة طالع عغرفتو اتطلع ببانا وغمزها ..
فهمت عليه وئعدت ..
جمانة: اي بانا وين اخدك باشق
بانا: طلعنا عالمدينة وتفتلنا فيها وتغدينا بمطعم ووو بس ..
اسعد: المهم غيرتي جو
بانا: اي بابا المدينة بتاخد العئل
كان قاسم بيتطلع فيها وهوة عم يفكر .. ليش بانا لتكزب؟ وشو مصلحتا؟
Telegram@rwayate
اما باشق دخل علئ غرفتو ورما حالو عالتخت وهوة مبسوط ...
............./
كتير شغلات صارت وعم بتصير والقدر بيفرق ويجمع ..والزمن بشتت ئلوب وبداوي جروح بس في جروح بدال ما اتطيب وتندمل بتكبر وبتتحول لحقد ...
بانا وباشق عملو وحكو كتير لحتا يقنعو اسعد وقاسم انن مو لبعض .. اسبوع مر وقاسم ماكان يشوف باشق الا بالنوادر.. صار باشق يئضي اغلب نهارو بالمدينة عند جوري ويرجع بالليل عالضيعة .. واحيانا كان ينام عندا ..
Telegram@rwayate
لوتس كانت مبلشة بإمتحاناتها وماضل كتير لحتا تخلص وتتخرج ..