ساري :
شلح المحقق جاكيته وعلقها بترتيب وهدوء على ضهر الكرسي الخشبي وبعدا سحب الكرسي وقعد عليه وهو حاني جسمه وماسك قلم بيحركه بشكل عبثي شمال ويمين
المحقق : وهلأ ياساري… احكيلي ليش خطفت جمانه وشو دوافعك
ساري :… ..
المحقق بنبره عاليه : شوووو ماسمعت
ساري : ااانااا ماخطفت حدا
المحقق ب استهزاء : ايوا… لكن شو كانت جمانه عم تعمل ببيتك
ساري : خخخخبيتهاااا مممن يييلي بددددن يييقتلوووها
المحقق بسخريه اكبر : هههههه واللي بدو يخبي حدا بيربط ايديه واجريه وبيخدرو ؟؟
ما استوعب ساري كلام المحقق .. هو ماربط جمانه ولا خدرها ولا حتى خطفها
المحقق : شو ماعندك رد
ساري : مممممو صصصحيح ااانا مممما رببببطتها ووولا خدددرتااا اااانا ححححاوووولت احححمييييها
المحقق : بس وقت اخدنا افادة جمانه حكت انك خدرتها وسحبتها لبيتك وكنت رح تغتصبها
ساري بصدمه : ججججمانه ححححكت هههيك ؟؟
Telegram@rwayate
ضحك حسن من بعيد ضحكة مكر وشر وتقدم بخطوات بطيئة ناح ساري وهو حاطط ايديه بجيابه
حسن : ياحرام… باين عليك ممثل بارع… وعايش اللحظه… بس اطمن بعد شهادة جمانه .. القضيه انحسمت ورح اتخ بالحبس
ساري :… ..
المحقق : عندك شي بدك تحكيه
ساري :… .
المحقق : بنصحك توكل محامي شاطر لانه وضعك كتير صعب
ساري :…… .
المحقق : خدوه لبيت خالته وفسحوه منيح………. !!!
*╚══════ღღ══════╝
Telegram@rwayate
انشحط ساري متل الخروف لغرفة التعذيب ..
وهناك ذاق من العذاب الوان…
تربطو ايديه واجريه وانصلب لياخد جسمه نصيبه من الجلد والضرب بعصي الكهربا…
تعلق من اجريه وتغطس راسه بالمي لدقايق طويله
قعد على كرسي الكهربا واهتزت اعصابه تحت صعقات الكهربا المتتاليه
بقي ليالي مربوط بالساحه بدون اكل وشرب
كل هالشي ماكان يحس فيه ساري ابدا… الشي الوحيد يلي عم يحس فيه احساسه بالظلم من افتراء جمانه عليه بعد ما حاول يساعدها ويحميها بدون مايكون عندو اي دوافع شخصية سيئه
وبعد سنه كامله قضاها ساري بدون حكم مابين تأجيل واستئناف اجا اليوم المحتوم وانحكم اربع سنوات مع الاعمال الشاقه
*╚══════ღღ══════╝
Telegram@rwayate
باكــــ♬ــــ☜… عـــــ☜ـــــوده 🔙
نفض ساري راسه وغمض عيونه بقهر .. كان نفسه يفوت يسألها ليش عملتي هيك انا بشو آزيتك… ليش قابلتي الاحسان بالاسائه بعد ما استنجدتي فيي ولبيتك
وقف ناح شق الباب وطل براسه ليشوفها بعدها متكوره عحالها وعم تبكي… صوت بكاها مازال بيزكرو بصوت بكا امه الا ان الفرق بينهم انها امه بكاها صادق وهي بكاها منافق
ساري : حاج تبكي
جمانه : بترجاك اقتلني وريحني
ساري : انتي انانيه .. بدك تموتي لترتاحي وتبقى النار شاعله بقلبي
جمانه : انت شو بدك مني
ساري : اعتقد انا يلي لازم اسألك هالسؤال… . شو بدك مني جمانه
جمانه :
ساري : سؤالي صعب ماهيك
جمانه :
ساري : كنت مفكر انه انور هو اكتر شخص ظالم بهي الدنيا… ما توقعت لاقي اظلم منه
جمانه :
Telegram@rwayate
رمقها بنظره بؤس .. كان نفسه يخنقها ب ايديه بهديك اللحظه ويرتاح… بس كيف يقتلها ولسه ما نفذ انتقامه من كل يلي ازوه
تركها بين دموعها الصماء بتبكي تحت غطاها بدون صوت ورجع لمكانه
كانت جمانه حاسه بالغصه اللي بقلب ساري وماعم تلوموا شو ماحكى وشو ماعمل… . هيه غلطت ولازم تنال جزاء غلطها
*╚══════ღღ══════╝
فــــــ♬ـــــــلاش بـــ♬ــــاكـــ♬ــــــ√
Telegram@rwayate
بعد ما انحكم ساري… وانقطعت اخباره عن جمانه… بلشت ترجع لحياتها الطبيعيه لكن مو وهيه ببيت ابوها
اخذتها امها وراحت فيها لبيت اختها الكبيره جميله ذات الطباع السئ والخلق الضيق… ماكان قدام ميسون مهرب من بطش عوض على جمانه الا انها تبعدها عن البيت لحتى تقدر جمانه تعيش ب امان… وتقدر تكفي دراستها او يجي نصيبها وينزاح الحمل عن ضهورهم كلهم