رندا : بسببك لانك كتير سمينه
زمرد : ههههه انا سمينه الله يسامحك بعدين كيف بسببي يازعره انا مابعرف اتسلق عالشجره
حطت ايدها عخصرها ورفعت حواجبها : يعني مانك متزكره وقت الحريق كيف طالعك خالو من الشباك
سكتت زمرد لترجع الاصوات ترن بدانها من جديد
( فيصل ساعدني… لاتخافي زمرد مارح اسمحلك تموتي رح طالعك من هون… زمرد زمرد عم تسمعيني… .. اتركها يافيصل… لاااا مارح اتركها مابدي زمرد تموت )
صحيت من شرودها ونزلت ع ركبها وحطت ايدها عخد رندا بحب
زمرد : احكيلي كلشي صار رندا…
*╚══════ღღ══════╝
تاني نهار دقت الساعه 8 والتم الكل حوالين طاولة السفره
كاميليا : الحمد لله انه هالغمه زالت ورجعنا التمينا من جديد
خالديه : اي والله الف الحمد لله
مالك : تنزكر وماتنعاد مرت خالي… اهم شي انه رمروم حبيبتي رجعتلي بخير وسلامه واختي زمرد معافايه
مرام بخجل : تسلملي يارب
كاميليا : شو يا ولاد ايمت رح نفرح فيكن
مالك : لو عليي بدي العرس يكون اليوم بس مضطر استنى ست ايام ومنه بتتعافى مرام اكتر
فيصل : اعتقد قلتلك اسبوع مو ست ايام
مالك بشقاوه : اي امبيرحه كان اسبوع واليوم ست ايام ولا انت الايام مابتمشي عندك
ضحك الكل ماعدا رباب وزمرد… رباب كانت عم تغلي من جواتها وزمرد شارده بخيالها وعم تبتسم بدون ارادتها
كاميليا : صحيح كيفا ايدك هلأ زمرد
زمرد :
خالديه : يوه شبها عم تضحك هيك
مالك : اتركيها امي مو شايفتيها جاييتها الجمده
نكشتها مرام وحكت : الوووو نحن هنا
زمرد : اي حبيبي فيصل سامعتك
سكت الكل فجأه ووقعت الشوكه من ايد رباب واطلعت بفيصل لتشوف ردة فعله
ماكان فيصل اقل منهم دهششه… هو ماوجهلها اي كلمه ليش غلطت باسمه وحكت حبيبي !! معقول كانت عم تفكر فيه ؟؟
حست زمرد عحالها واطلعت بخجل عالعيون المتسلطه عليها بصدمه
زمرد : انا بعتزر… . عن ازنكم
ركضت عالدرج وعيون رباب عم تتبعها بغيض
رباب بقلبها : وصلت فيكي تحكيلو حبيبي .. اي شو عليه مابيكون اسمي رباب خانوم ازا ماخليته يزتك بالشارع
واليوم من كل بد لازم نفذ خطتي
*╚══════ღღ══════╝
فاتت عغرفتها ورمت حالها عالتخت
زمرد : ولي على امتي .. كيف انسحبت من الساني قدام الكل.. شو رح يحكوا عني هلأ ؟؟
تسطحت بتختها ومسكت خصله من شعرها وصارت تلعب فيها وهي عم تتزكر كلام رندا
(( خالو ما اهتم للنار وفات لجوا لحتى ينقذك ..خالو حملك على ضهرو وطلع فيكي من الشباك وانكسر الغصن وماقبل يترك… فكرناكي متي وخالو كتير زعل وصارو دموعوا ينزلوا من عيونو متل الشلال ))
حطت ايدها عصدرها واخدت نفس عميق وزفرته براحه
زمرد : كنت متأكده اني ماعم بحلم
*╚══════ღღ══════╝
Telegram@rwayate
وبمكان تاني
رباب : الو… مرحبا دكتور .. بدي منك خدمه وقد مابدك بعطيك… المهم اني ماروح عالمشفى وتأكد لفيصل اني طرحت بسبب وقوعي عن الدرج
سكرت الخط وابتسمت ابتسامه صفرا
رباب : وهلأ لنشوف ياست زمرد حبيبك كيف رح يزتك بالشارع ههههههههه
*╚══════ღღ══════╝
قاعد بالصاله عم يشرب قهوته مع امه ومالك ومرام وخياله سارح بكلمة زمرد
فيصل بقلبه : شو حلوه هالكلمه وهي طالعه من تمك يازمرد .. انا لازم لاقي طريقه اخليها معي بدون ماتزعل رباب… انا اسف رباب مافيي عيش بلاها
مالك : وين شارد شريك
فيصل : احم وين بدي اشرد يعني
مرام : لا واضح ابن العم مانك شارد بنوب
فيصل : شو بدك تستلميني هلأ انتي وخطيبك
مالك : هههههه اي طبعا
كاميليا : هههههه خلص انت وياها لاتزعجوا ابني حبيبي
فيصل : يخليلي ياكي ست الكل اي هيك هه اشكميهم
مرام : ههههه خلص خلص سكتنا
*╚══════ღღ══════╝
قاعده بغرفتها عم تقرأ كتاب… لحد ماندق الباب وفاتت رباب
حطت الكتاب من ايدها وتلبكت
زمرد : في شي رباب
رباب : ابدا… ازا انزعجتي من وجودي بطلع
زمرد : لا استغفر الله.. اتفضلي فوتي
فاتت رباب وهي واسمه الحزن على وجهها
رباب : انتي بتعرفي انها رقيه ماتت محروقه
زمرد بحزن : اي دريت الله يرحمها كتير زعلت عليها
رباب : ماعم اقدر انسى منظرها وهيه متفحمه منظر كتير بشع عم شوفها بمنامي وخاف
زمرد : حاسه فيكي كتير صعبه
رباب : رقيه كانت اكتر من انها خدامه خاصه الي… كنت حسها قريبه مني وبتفهمني بدون ما احكي 😔 اه يارقيه الله يرحمك 😭
زمرد : طولي بالك رباب اول مره اعرف انك لهدرجه حساسه
مسحت دمعتها بطرف ايدها واردفت بصوت حزين : يمكن منظري واسلوبي بيوحوا اني قاسيه بس بالحقيقة انا كتير طيبه وحساسه
زمرد : اكيد رباب كل حدا بهالدنيا الو جانب مشرق بحياته
رباب : ممكن اطلب منك طلب وماتكسفيني
زمرد : اكيد
رباب : بدي انزل عالقبو اقرأ الفاتحه على روحها بس بخاف روح لحالي
زمرد : ولايهمك رح اجي معك ونقرأ الفاتحه سوا
رباب بخبث : اللہ مايحرمني منك حبيبة البي