#الــــــيتــــيمــــه
#الــــجـــزء_الـــثالـــــــث
#بـــقلمــــي_امـــــل_احـــــمد_ســـــلوم
Telegram@rwayate
*╚══════ღღ══════╝
متل كل مسا اجتمعت العيله الساعه 8 على السفره ليتناولو وجبة العشا
كان بادي على فيصل الهدوء متل عادته بعكس رباب ومرام يلي عيونهم عم تراقب كل تصرف بحذر واهتمام… بالاخص بعد ما مفاجئ فيصل رباب بموافقته الفوريه عرض زواجه من زمرد وخربط كل تخطيطها
كاميليا : كمان اليوم ما اجت زمرد
خالديه : ابصر ب اي داهيه لاهيه انا من رأيي تطرديها وخلص
مالك : لا دخيلك امي ليش تطردها… والله اشتقت لاكلاتها
بنظره حاده رمقت رباب مالك يلي بلع ريقه وسكت ليحكي فيصل ويفاجئ الكل
فيصل : زمرد رح ترجع هاليومين عالقصر
خالديه : وشو يلي مخليك متأكد انها رح ترجع
فيصل : لاني رح رجعها
كاميليا : اي بتعمل منيح ابني حرام البنت يتيمه ولازم نراعيها
حط الشوكه من ايدو وسند ايديه تحت دقنه مستعد لاطلاق القنبله
فيصل : بس زمرد مارح ترجع عالقصر بصفتها خدامه
خالديه : ههههههه ولا بصفتها شو ست البيت مثلا
فيصل : فيكي تحكي هيك
سكت الكل وهنه بيبادلو بعضهم نظرات التعجب والتساؤل
مالك : فهمنا اكتر فيصل على شو ناوي
فيصل : انا قررت اتزوج زمرد
الكل : شووووو
وقع الصحن من ايد رقيه من الصدمه وجحضوا عيونها
خالديه : العما ضربك انتي التانيه تحركي نظفي المكان
رقيه ; امرك ياخانوم
خالديه : هيك مواضيع مابتنحكى قدام الخدم ابن اخي ولا مو هامك سمعة العيله .. احكي شي مرت اخي ليكون عاجبك كلام ابنك وموافقه عليه
كاميليا : عم تحكي جد فيصل ولا هي مزحه من مزحاتك
فيصل : ليش هيك امور فيها مزح امي… انا ورباب اتفقنا اني اتزوج زمرد لاجيب منها ولد
خالديه : ايوااا وبعدين تاخد الولد وتسجله ب اسم رباب
فيصل : بالضبط
مالك : وليش زمرد بالذات
فيصل : بنت يتيمه ومالها حدا وزواجي منها مارح يضرها بالعكس رح تستفيد وتستفيد كتير
كاميليا : شو رباب انتي موافقه على هالحكي
رباب بحزن : اي مرت عمي انا كرمال سعادة فيصل مستعده ضحي 😔 عن ازنكم
قامت من على السفره ومانسيت تنزل دمعتها لتلحقها اختها فورا
خالديه : ولي على قلبي مسكينه رباب
مالك : انت نسيان وعدك لابوها انك ماتتزوج عليها
فيصل : اكيد مو نسيان وانا مارح اتزوج عليها فعليا… رباب عارفه وفاهمه سبب زواجي من زمرد وهي صاحبة الفكرة
كاميليا : وايمت رح تروح تطلبها
فيصل : طلبتها وخلصت امي
كاميليا : اها يعني حضرتك مقرر ومنفذ يلي براسك وعم تحيطنا علم مو اكتر
فيصل : لا امي ابدا بس الموضوع اجا فجأه وحياتك
خالديه : انا مارح روح لعرسها ليكني عم خبرك
فيصل : هههههه عرس شو عمتي انا رح روح جيبها وحطها بغرفتها وانتهى
كاميليا : فيصل اوعك ابني تتجبر فيها لانها يتيمه ومكسوره… شو ماكان هيه انسانه ويلي بتقبله لاختك اقبله لبنات الناس
فيصل : لاتشغلي بالك امي وهي اليتيمه يلي عم تحكي عنها… بتعرف منيح شو بدها
مالك بقلبه : ياترى على شو ناويه يارباب وشو خطتك هالمره ؟؟؟
*╚══════ღღ══════╝
وبالجهه التانيه
مرام : رباب انتي متأكده من يلي عم تعمليه .. اختي هي ضره مو اي كلام حتى لو ماكنتي بتحبي فيصل بس رح تدايقي
رباب : اففففف لك رح جن ماتوقعته يوافق بهالبساطه
مرام : معناته بجد ناطف قلبه على ولد
رباب : هه ع اساس رح اسمح لهاد الولد يجي على هالدنيا… يمكن خطتي الاولى فشلت شوي بس بعدها ماشيه ويلي ماصار بالاول بيصير هلأ… وصدقيني رح استمتع كتير وانا شايفه زمرد عم تتعزب
مرام : وشو بالنسبه لحبيب القلب خبرتيه
رباب : لا بعدني ماخبرته
مرام : لك مين هوه نفسي اعرفه انتي مابتخبي عليي شي اشمعنى هي
رباب : كل شي بوقتو حلو اختي لاتستعجلي
*╚══════ღღ══════╝
ابتهال : حمدلله عالسلامه حبيبة قلبي
زمرد : شكرا خاله
لؤي : لك ما الك عليي يمين وقت دريت انه صار معك حادث ماحملني عقلي وجبت ابتهال وجينا ركض
زمرد : كتر خيرك جوز خالتي
ابتهال : اي حبيبتي في موضوع بدي حاكيكي فيه
زمرد : زواجي من فيصل بيك
ابتهال : اها معناته عندك خبر
زمرد : اي
لؤي : وشو رأيك… اكيد موافقه ماهيك
زمرد : اي موافقه جوز خالتي ماتشغل بالك مارح ابقى عاله عليك بعد هلأ
لؤي : لك شو هالحكي ياروحي اي بزمتي بديني غلاوتك من غلاوة ولادي
زمرد : وياترى رح تبقى غلاوتي متل ماهيه بعد ماتعرف اني رافضه زواجي من فيصل بيك
احمرو عيونو وكز ع اسنانه بغيض : مو على اساس موافقه
زمرد : والله بعدني عم فكر .. علمك هاد قرار مصيري ولازم اتأنى وفكر منيح
ابتهال : شو بدك تفكري انتي التانيه لك حدا بيطول يصاهر فيصل بيك وبيتردد
زمرد : اي مزبوط خاله لهيك بس صير مرتو لفيصل ماعاد بدي المحكم بنوب
لؤي : انتي واعيه لحالك شو عم تحكي زمرد
زمرد : كتير واعيه ياجوز خالتي المصون واعتقد سبق وقبضتو ثمني وجيتكم هلأ مو حبا فيي انتو جايين تنهشوا فيي قد مافيكم وهالشي مارح يصير
#الــــجـــزء_الـــثالـــــــث
#بـــقلمــــي_امـــــل_احـــــمد_ســـــلوم
Telegram@rwayate
*╚══════ღღ══════╝
متل كل مسا اجتمعت العيله الساعه 8 على السفره ليتناولو وجبة العشا
كان بادي على فيصل الهدوء متل عادته بعكس رباب ومرام يلي عيونهم عم تراقب كل تصرف بحذر واهتمام… بالاخص بعد ما مفاجئ فيصل رباب بموافقته الفوريه عرض زواجه من زمرد وخربط كل تخطيطها
كاميليا : كمان اليوم ما اجت زمرد
خالديه : ابصر ب اي داهيه لاهيه انا من رأيي تطرديها وخلص
مالك : لا دخيلك امي ليش تطردها… والله اشتقت لاكلاتها
بنظره حاده رمقت رباب مالك يلي بلع ريقه وسكت ليحكي فيصل ويفاجئ الكل
فيصل : زمرد رح ترجع هاليومين عالقصر
خالديه : وشو يلي مخليك متأكد انها رح ترجع
فيصل : لاني رح رجعها
كاميليا : اي بتعمل منيح ابني حرام البنت يتيمه ولازم نراعيها
حط الشوكه من ايدو وسند ايديه تحت دقنه مستعد لاطلاق القنبله
فيصل : بس زمرد مارح ترجع عالقصر بصفتها خدامه
خالديه : ههههههه ولا بصفتها شو ست البيت مثلا
فيصل : فيكي تحكي هيك
سكت الكل وهنه بيبادلو بعضهم نظرات التعجب والتساؤل
مالك : فهمنا اكتر فيصل على شو ناوي
فيصل : انا قررت اتزوج زمرد
الكل : شووووو
وقع الصحن من ايد رقيه من الصدمه وجحضوا عيونها
خالديه : العما ضربك انتي التانيه تحركي نظفي المكان
رقيه ; امرك ياخانوم
خالديه : هيك مواضيع مابتنحكى قدام الخدم ابن اخي ولا مو هامك سمعة العيله .. احكي شي مرت اخي ليكون عاجبك كلام ابنك وموافقه عليه
كاميليا : عم تحكي جد فيصل ولا هي مزحه من مزحاتك
فيصل : ليش هيك امور فيها مزح امي… انا ورباب اتفقنا اني اتزوج زمرد لاجيب منها ولد
خالديه : ايوااا وبعدين تاخد الولد وتسجله ب اسم رباب
فيصل : بالضبط
مالك : وليش زمرد بالذات
فيصل : بنت يتيمه ومالها حدا وزواجي منها مارح يضرها بالعكس رح تستفيد وتستفيد كتير
كاميليا : شو رباب انتي موافقه على هالحكي
رباب بحزن : اي مرت عمي انا كرمال سعادة فيصل مستعده ضحي 😔 عن ازنكم
قامت من على السفره ومانسيت تنزل دمعتها لتلحقها اختها فورا
خالديه : ولي على قلبي مسكينه رباب
مالك : انت نسيان وعدك لابوها انك ماتتزوج عليها
فيصل : اكيد مو نسيان وانا مارح اتزوج عليها فعليا… رباب عارفه وفاهمه سبب زواجي من زمرد وهي صاحبة الفكرة
كاميليا : وايمت رح تروح تطلبها
فيصل : طلبتها وخلصت امي
كاميليا : اها يعني حضرتك مقرر ومنفذ يلي براسك وعم تحيطنا علم مو اكتر
فيصل : لا امي ابدا بس الموضوع اجا فجأه وحياتك
خالديه : انا مارح روح لعرسها ليكني عم خبرك
فيصل : هههههه عرس شو عمتي انا رح روح جيبها وحطها بغرفتها وانتهى
كاميليا : فيصل اوعك ابني تتجبر فيها لانها يتيمه ومكسوره… شو ماكان هيه انسانه ويلي بتقبله لاختك اقبله لبنات الناس
فيصل : لاتشغلي بالك امي وهي اليتيمه يلي عم تحكي عنها… بتعرف منيح شو بدها
مالك بقلبه : ياترى على شو ناويه يارباب وشو خطتك هالمره ؟؟؟
*╚══════ღღ══════╝
وبالجهه التانيه
مرام : رباب انتي متأكده من يلي عم تعمليه .. اختي هي ضره مو اي كلام حتى لو ماكنتي بتحبي فيصل بس رح تدايقي
رباب : اففففف لك رح جن ماتوقعته يوافق بهالبساطه
مرام : معناته بجد ناطف قلبه على ولد
رباب : هه ع اساس رح اسمح لهاد الولد يجي على هالدنيا… يمكن خطتي الاولى فشلت شوي بس بعدها ماشيه ويلي ماصار بالاول بيصير هلأ… وصدقيني رح استمتع كتير وانا شايفه زمرد عم تتعزب
مرام : وشو بالنسبه لحبيب القلب خبرتيه
رباب : لا بعدني ماخبرته
مرام : لك مين هوه نفسي اعرفه انتي مابتخبي عليي شي اشمعنى هي
رباب : كل شي بوقتو حلو اختي لاتستعجلي
*╚══════ღღ══════╝
ابتهال : حمدلله عالسلامه حبيبة قلبي
زمرد : شكرا خاله
لؤي : لك ما الك عليي يمين وقت دريت انه صار معك حادث ماحملني عقلي وجبت ابتهال وجينا ركض
زمرد : كتر خيرك جوز خالتي
ابتهال : اي حبيبتي في موضوع بدي حاكيكي فيه
زمرد : زواجي من فيصل بيك
ابتهال : اها معناته عندك خبر
زمرد : اي
لؤي : وشو رأيك… اكيد موافقه ماهيك
زمرد : اي موافقه جوز خالتي ماتشغل بالك مارح ابقى عاله عليك بعد هلأ
لؤي : لك شو هالحكي ياروحي اي بزمتي بديني غلاوتك من غلاوة ولادي
زمرد : وياترى رح تبقى غلاوتي متل ماهيه بعد ماتعرف اني رافضه زواجي من فيصل بيك
احمرو عيونو وكز ع اسنانه بغيض : مو على اساس موافقه
زمرد : والله بعدني عم فكر .. علمك هاد قرار مصيري ولازم اتأنى وفكر منيح
ابتهال : شو بدك تفكري انتي التانيه لك حدا بيطول يصاهر فيصل بيك وبيتردد
زمرد : اي مزبوط خاله لهيك بس صير مرتو لفيصل ماعاد بدي المحكم بنوب
لؤي : انتي واعيه لحالك شو عم تحكي زمرد
زمرد : كتير واعيه ياجوز خالتي المصون واعتقد سبق وقبضتو ثمني وجيتكم هلأ مو حبا فيي انتو جايين تنهشوا فيي قد مافيكم وهالشي مارح يصير
