📚قصص||روايات||منوعة📚

تحبوا دايماً نزللكن اقتباسات من الروايات والكتب💚؟

rwayate

ارجعوا صوتوا ماحبيت التصويت هداك☹️💚
بوت الايكات أحلا ♡

📚قصص||روايات||منوعة📚

rwayate

صبااحكن سعادة😻💚🌸

#سؤال_الأسبوع
الجميع مدمن على شيء ما ، على ماذا تدمن انت ؟💙

ابعتوا ل هون👇🏻
@Rsala_maghola1_bot
سيتم النشر هنا ♥
@saraha_m

📚قصص||روايات||منوعة📚

rwayate

📚قصص||روايات||منوعة📚

rwayate

قصة اليوم: #رهينة_عيناك
.............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

رهينة عيناك بقلم امل احمد
الجزء الاول

ماشية وكتبا باديها والملل باين ع وشا ..

رانية: لك اي شبك فرديا بقى

لين: ففففف رانية شو افرد .. لك مااالة مااالة .. جاي عبالي هيك شي يقلب حياتي قلب .. الروتين بيقتلني ما بطيقوو .. بدي اكشن اكشن يا بنت

رانية: اي ليكو اجا الاكشن ههههههههه (غمزتا)

لفت لين وشا بسرعة ووقت شافتو جاي من بعيد بسيارتو الجب دق قلبا وحست حالا رح تطير من فرحتا .. حطت ايدا ع قلبا وتغير لونا ..

لين: ولي قلبي يا امي قلبي

ضربتا رانية من كتفا ..
رانية: ولي جدبة اهدي اهدي

دبلت عيونا وهي لساتا عم تطلع بالسيارة .. (لك ااخ ااخ يا رانية اااخ .. ايمت رح يحس فيني)

ضربت رانية بايدا ع جبينا وغمضت عيونا .. (راحت البنت راحت )

وصل لعندن وقف السيارة بسرعة وفتح الشباك ..
ناجي: كيفك لين

لين: هاا .. انا .. اي انا منيحة

لوت رانية بشفافا واطلعت فيه .. (وكانو انا هون .. ولا السلام بس للين )

ناجي: لا تواخزيني .. كيفك

رانية: اي منيحة الحمد لله

ناجي: لين .. طلعي معي بالسيارة

بحلقو التنتين بعيونن واطلعو فيه وحكو مع بعض .. (لشووو )

ناجي: لك شبكن .. اخوكي بعتني لجيبك .. عندو شغلة ضرورية

ديقت لين بعيونا واطلعت فيه .. (ياسر ؟؟ انت متاكد انو بعتك تجيبني )

ناجي: لك اي شبك .. طلعي خلصيني

لين: لك اي بس يعني .. ياسر ؟؟!! مو كانو غريبة شوي !! صاير شي يعني

ناجي: ففففففففففف لك يا بنتي طلعي وحاج عم تجري

لين: لك اي ماشي .. بس لحظة لدق لياسر وشوف شو في

ضرب ناجي بايدو ع باب السيارة وفتحا بعصبية ونزل بسرعة .. قرب منا ليحملا ويحطا بالسيارة ..
بعدت لين عنو بسرعة واطلعت في بعصبية ..

لين: لك شو عم تعمل ولا اجدب

ناجي: طلعي بلا ما احملك وورجيكي جناني

رانية واقفة ع جنب وحاطة ايدا ع تما وكاتمة ضحكتا ..
اطلعت فيها لين وهي مديقة عيونا .. (اي ضحكي انت ضحكي )

اشرتلا رانية بايدا انو طلعي ..

رفعت راسا لين بكبرياء واطلعت بناجي بطرف عيونا وفاتت ع السيارة وسكرت الباب بعصبية ..

هز ناجي راسو ولوا بشفافو واشر لرانية بايدو وطلع بالسيارة وشغلا ومشى بسرعة كبيرة ..

لين: لك شوي شوي انا بخاف

ناجي: اي لا تخافي .. ليكي .. عطيني تلفونك تلفوني خالص شحنو وضروري احكي مكالمة

لين: اي هااا .. الاستغلال من اولا سيد ناجي

ناجي: لك انت مسحوبة من لسانك شي !!! لك عطيني هالتلفون .. عطيني ياااه (بصراخ)

لين: لك اي وليش عم تصرخ فيني .. خوووود

وزتت التلفون قدامو ..

مسك التلفون ورماه من الشباك ..

لين انصدمت وبلشت تضرب في ع كتفو .. (لك ليش زتيتو ليش ) عم تحكي وتصرخ وتضرب في ع كتفو ..

ضرب ناجي بريك .. ووقف السيارة بسرعة ومسكا من رقبتا بايدو والايد التانية ثبتلا اديها .. وعيونو حمر متل الجمر .. (ليكي .. سكتي .. ما بدي اسمع ولا حرف والا اقسم بربي بطالع كل جناني فيكي )

لين كانت مصدومة من تصرفو .. عيونو رعبوها .. لاول مرة بتشوفو بهيك حالة .. نزلو دموعا من عينا بالغصب ورمشت بعيونا بسرعة وهي عم تطلع فيه ..

تبسم بوشا ومسحلا دموعا وفلتلا اديها ..

ناجي: بعد بكير ع البكي يا حلوة .. وفريهن لهالدمعات .. وهلا خليكي عاقلة وما تحكي شي

وبعد عنا ليشغل السيارة ..
وبصوت عم يرجف دوبو مسموع..
لين: نزلني هون

فرط ناجي ضحك وهو عم يشغل السيارة وما حكا شي .. ومشى بسرعة كبيرة ..

لين: ناجي نزلني هون .. انا بروح لعند ياسر

ضل ناجي عم يضحك متل المجانين وماشي بسرعة كبيرة من غير ما يلتفتلا ..

ناجي: ياسر .. ياسر .. يااااااااااااسررر .. نهايتك ع ايدي يا حيوااان

ورجع فرط ضحك ولين مصدومة ومالا مستوعبة شي ..

ساعتين كاملين وناجي عم يسوق بالسيارة والعصبية باينة ع ملامحو .. ولين عم تقاوم دموعا وساكته عم تستنى لتشوف شو رح يصير ..

لين: نحنا .. نحنا لوين رايحين

ناجي: هههههههه رح اخدك فترة نقاهة استضيفك عندي .. انا وانت لحالنا

لين حست بقلبى ع شوي رح يوقف من الرعبة ..

لين: ك.. كيف يعني .. ما فهمت .. كيف لحالنا

ناجي: هههههههه لحالنا .. يعني انا ناجي وانت لين .. اي نسيت والشيطان يمكن يكون تالتنا

واطلع فيها وغمزها ..

لين: لك انت جنيت شي .. وينو ياسر .. مو ع اساس آخدني لعندو

ناجي: هههههههه ياسر .. ههههههههههههههههه .. اااخ شو مشتاق شوف وشو لياسر ههههههه

حاولت لين تستجمع حالا وتهدي انفاسا شوي .. مسحت بئيدا ع وشا ولفت حالا ع الكرسي لعندو ..

لين: ناجي .. بترجاك .. رجعني ع البيت .. امي هلا بكون قلبا غليان علي .. بترجاك ناجي

ضحك ناجي ضحكة كلا غضب وقهر ..

ناجي: للاسف يا لين .. انت رهينة عندي ههههههههههه
تخيلي هالكلمة شو بشعة هههههه رهينة .. انت بس تخيلي ناجي اخد لين رهينة هههههههه

لين: ناجي انت عم تخوفني كتير .. شو ما كنت عم تعمل وقفوو هلا ورجعني ع البيت

غمض ناجي عيونو بعصبية وسحب نفس طويل ..
ناجي: لين .. جد ما بدي جن عليكي .. سكتي ولا حرف .. ولااا حرف

📚قصص||روايات||منوعة📚

rwayate

.. مالي حسنان سيطر ع حالي .. خلص سكتي

لين: بس.......

ناجي: خرسيييييييييييي

سكتت لين وقلبا عشوي رح يوقف من الخوف والرعبة والتفكير بياسر واما وقديش هلا قلقانة عليها ..

الجزء الثاني

*ببيت ياسر*

ام ياسر: لك ليش هالبنت تاخرت .. وما عم ترد ع جوالا كمان .. اووف منك لين اوووف .. لشوف ياسر ان شاء الله تكون عندو

دقت ام ياسر لابنا ياسر وهي متوترة كتير .. لين مالا بالعادة تغيب من غير ما تعطي خبر ..

ياسر: هلا بست الكل

ام ياسر: هلا فيك يا روحي .. اختك عندك شي ؟!

ياسر: مين .. لين !! لا امي مو عندي .. لهلا ما رجعت ع الببت ؟؟

ام ياسر: لك وين راحت هالبنت .. صرلي ساعة عم دقلا وما عم ترد

ياسر: طولي بالك امي .. بتكون مع رفيقتا .. دقيلا وارجعيلي امي

ام ياسر: ماشي يا روحي

سكرت الخط مع ياسر .. وهي عم تنفخ وتتافف من بنتا .. ودقت لرانية ..

ام ياسر: كيفك بنتي

رانية: اهلا خالة .. الحمد لله تمام انت كيفك

ام ياسر: الحمد لله ربي يرضى عليكي .. حبيبتي بدي اسالك لين معك شي

رانية: لين! خالة لين من شي ساعتين اخدا ناجي من الطريق وقال انو ياسر بعتو

ام ياسر: ياسر!! لوين اخدا طيب .. ما قال شي

رانية: لا ابدا .. ركبا بالسيارة واخدا عند ياسر

ام ياسر: طيب ماشي ماشي حبيبتي

سكرت ام ياسر الخط وهي عم تضرب كف بكف ..

ام ياسر: يا ربي دخيلك .. ستور ع بنتي وحميها .. يا ربي دخيلك .. لك لوين راحت معو لويين

ودقت لياسر واديها عم يرجفو ..

ياسر: اي امي

ام ياسر: انت بعتت ناجي لياخدا لاختك؟؟

ياسر: نااجي !!! كيف يعني .. ما فهمت

ام ياسر: تعى ع البيت بسرعة

ياسر: امي فهميني شو في .. شبو الحيوان ناجي .. شو عاامل

ام ياسر: انت تعى هلا .. وما تتاخر

ياسر: جايي جايي امي

سكر ياسر الخط مع امو وبسرعة وقف عن مكتبو واخد مفاتيح السيارة وطلع بسرعة ..

السكرتيرة: لوين استاز

ما رد عليها ياسر وطلع مستعجل ع البيت ..

وصل البيت وكانت امو قاعدة وعم تفرك اديها ببعض ..

ياسر: شو صار امي .. فهميني شو في

حكتلو امو كلشي قالتو رانية .. (اختك يا امي .. اختك عملتا طلعت مع ناجي .. لين عملتا ووطت راسنا .. لك قلتلا .. قلتلا صبري بس لتخلصي جامعة وبنحلا ... دقلو بسرعة قبل لتوقع الفاس بالراس)

ياسر: امي انت شو عم تحكي .. لين مستحيل تعملا

ام ياسر: لكن شو اخدا معو .. لك كيف ركبت معو كييف

ياسر: امي انت شو عم تحكي .. كيف يعني طلعت معو ولوين

ام ياسر: رفيقتا رانية خبرتني .. ناجي اخدا عن الطريق ع اساس رايحة لعندك

ياسر: والله لادبحو والله

فرك جبينو بئيدو وهو عم يحاول يهدي حالو .. ومسك تلفونو بتوتر ودق لناجي ..
بس ناجي ما رد ..

دق مرة وتنين وتلاتة وعشرة وناجي ما عم يرد ..

ياسر: لك رد يا حيوااان رد .. والله لاشرب من دمك والله .. والله ازا كان يلي ببالي مزبوط لادبحك

ام ياسر : يا ربي دخيلك ستور علينا ياا رب

*بالطرف التاني*

وصلو ناجي ولين لبيت خشب براس الجبل .. وقف ناجي السيارة ونزل منا .. ولين مكتفة اديها وقاعدة بالسيارة ..

ناجي: نزلي

لين: لوين انزل

ناجي: شو شايفة انت .. نزلي خلصيني

لين: ما رح انزل .. حاجتك بقى .. رجعني لعند اخي

ناجي: ليكي لساتني ماسك اعصابي .. نزلي بسرعة

لين: عم قلك ما رح انزل .. مااا رح انزل

ناجي: اي ماشي تمام

لف لعندا فتح باب السيارة وحملا وهي عم تصرخ وتضرب فيه ..

لين: نزلني يا حيوان نزلني .. نزلنيييي

نزلا ع الباب ومسكا من خصرا بكل قوتو وبئيدو التانية فتح الباب ودفشا لجوا .. وفات وسكر الباب ..

لين هجمت عليه وبلشت تضرب فيه ع صدرو .. وبكل قوتو ضربا كف ووقعت ع الارض ..

نزل لعندا ع الارض ومسكا من شعرا .. رفعا ووقفا ع اجريها ورجع ضربا كمان كف ووقعا ع الارض ..

ناجي: ان شاء الله تكوني فهمتي هلا .. بتقعدي من غير ولا نفس والا بربطك متل الكلبة .. فهماانة ولي حيوانة

لين حست نفسا رح ينقطع من قوة الضربة .. حطت ايدا ع وشا واتصفنت فيه وهي ما عم تستوعب شي ..
ناجي: لك قلتلك من اول سكتي ولا تخليني فرغ غضبي فيكي .. بس لااااا مستحيل .. ما فيكن .. روسكن كبيرة

تركا ناجي وفات ع المطبخ جهز فنجان قهوة وتلفونو عم يرن وهو عم يجهز بالقهوة ويضحك ..

طلع لعندا لبرا .. وفنجانو بئيدو ..
ناجي: كنت رح قلك تفضلي قهوة .. بس اكيد ما الك نفس تشربي ههههه

رجع دق تلفونو .. بلش يضحك ويطلع فيها ..
ناجي: ليكي اخوكي عم يدق هههههه رح نحرقلو اعصابو شوي .. شو رايك

لين: الله يلعنك حيوان

ناجي: هههههه ما بنصحك تطولي لسانك .. تمام يا حلوة

لين: لك انا بشو غلطت معك لتتعامل معي هيك (تبكي)

ناجي: ششششش رح افتح الخط

فتح ناجي الخط ورد ببرود .. (الوو)

ياسر: وينا لين

ناجي: ليكا حدي

ياسر: والله لادبحك يا حيوان .. هي كلمة وحدة .. هلا بتجيبا لعندي ع الببت ومن غير شوشرة .. خليك رجال وما تدخل البنت بينا.............

ناجي: هههههههه لاااا طول بالك خيو ياسر .. او

📚قصص||روايات||منوعة📚

rwayate

ل شي وقت بدك تحكيني احكي بادب .. وتاني شي اختك معي برضاها .. حاكم اختك عشقانيتني .. بس ما تكون ما خبرتك هههههههه .. وهلا بخاطرك ولا تقطع خلوتي مرة تانية

حكى هيك وسكر الخط وفرط ضحك ..

لين: لك يا حيواان .. الله يلعنك .. شو عملت .. شو عملت .. ليش هيك قلتلو

ناجي: بربك مالك عشقانيتيني .. ليكي رح حققلك حلمك ونكون سوا لحالنا
وبعتلا بوسة ع الهوا وراح ..

مسكت لين راسا بين اديها وفرطت بكي ..(يا ربي شو يلي عم يصير .. لك شو هالكابوس شو هالكابوس)
...........

ياسر: لك .. لك الله يلعنك

ام ياسر: شو قلك .. هي معو مو .. الله يسود وشك يا لين .. الله يسود وشك

ياسر: امييي شبك .. لين ما بتعملا مستحيل .. هاي لعبة من الحيوان انا متاكد من هالشي .. بدو ينتقم مني بلين .. بس ماشي انا بورجي

ام ياسر: وهلا شو رح نعمل .. وليش لينتقم منك .. شو يلي عم يصير معكن

ياسر: رح جيبو من تحت الارض امي .. طولي بالك انت ولا تشغلي بالك

ام ياسر: لك كيف ما اشغل بالي كييف .. من وين اجتنا هالمصيبة .. من وين

📚قصص||روايات||منوعة📚

rwayate

رهينة عيناك بقلم امل احمد
الجزء الثالث

*قبل سنة*

ياسر قاعد ع كرسي مكتبو ومشغول بالاوراق والملفات .. ندق باب مكتبو ..

السكرتيرة: استاز في صبية ع الباب بدا ياك

ياسر: فوتيها

عيونو لساتا بوراقو ..
صوت الكعب بالمكتب .. وريحة عطرا خلتو يتشتت ويترك وراقو ويطلع فيها ..
عيونا السود وشعرا لخيولي سلبولو عقلو بنظرة وحدة ..

ابرار: مسا الخير

لسا عيونو مركزة فيها وبتفاصيلا .. وصوتا كان قصة تانية ..
حاول يخفي توترو ووقف ورد بصوتو الجهور ..

ياسر: مسا النور .. اهلا وسهلا

ومد ايدو ليسلم عليها ..
سلمت عليه وبسمتا ع وشا ..
اشرلا بئيدو لتقعد ع الكرسي يلي قدام المكتب .. وبكل هدوء وركازة قعدت ..

ياسر: اهلا وسهلا انسة ....

ابرار: ابرار .. الانسة ابرار

ياسر: اهلا وسهلا انسة .. كيف فيني اخدمك

ابرار: بصراحة استاز جاية وطمعانة بكرمك .. صرلي فترة عم دور ع شغل وما عم لاقي .. لوقت حكولي عنك وعن شركتك وحبيت جرب حظي

ياسر: اهلا وسهلا انسة .. ان شاء الله يكون الك نصيب عنا .. فيني شوف مؤهلاتك؟!

ابرار: طبعا .. تفضل استاز

عطتو وراقا .. فتحن وتصفحن وهو مبسوط ..

ياسر: ما شاء الله .. كل هاد

تبسمت ابرار .. (ويا ريتن نفعوني بشي هههه)

ياسر: نفعوكي اكيد .. بكرة الصبح بتجي وبتمري ع السكرتيرة لتورجيكي شغلك

ابرار بنت كتير ذكية وشخصيتها مميزة .. مستحيل تكون بمكان وما تخطف انظار الجميع .. شكلا .. لبسا المرتب والانيق .. راسا المرفوع .. مشيتا .. تصرفاتا .. كلشي فيها بيجذب النظر لالها ..

خلص ياسر شغلو وكل تفكيرو بهالبنت يلي اجتو ما بيعرف من وين .. ويلي خطفتلو عقلو ..

رجع ع البيت مبسوط وعم يدندن ..

ياسر: امييي يا اميي وينك

طلعت امو من المطبخ وبئيدا صحن الاكل .. وقت شافتو مبسوط فرفح قلبا .. قربت منو باستو .. وحطت الصحن ع الطاولة ..

ام ياسر: الظاهر كسبان شي صفقة اليوم

ياسر: ااخ يا امي .. ازا زبطت هالصفقة .. رح تكون ابنك اسعد شخص بالكون

ام ياسر: الله يوفقك يا روحي

طلع ناجي من المغسلة وهو عم ينشف بئديه ..
ناجي: صفقات من ورايي يا رفيقي

ياسر: لك اشتهيت شي مرة وحدة بس اسبقك ع البيت ههههههه

ناجي: هالشي بس باحلامك ههههههه

ام ياسر: هههههههه قعدو يالا بلا حكي ولاد صغار

ياسر: وينا للوشتي

ام ياسر: ليكا جاي

لين: مسا الخير

قرب ياسر منا وبوسا .. (مسا الورد لوردة اخوها )

لين: خليلي ياك حبيبي اخي

قعدو كلن ع السفرة وبلشو اكل ..

ام ياسر: حاجتك عناد يا امي وخليني افرح فيك

ياسر: قريبا ان شاء الله يا امي .. بس انت ادعيلي

ناجي: اووووو شو هالتغير المفاجئ .. بس ما تكون شايف شي شوفة

ياسر: هيك شي هههههه

ام ياسر: بس ما تكون .... الصفقة لجديدة

ياسر: حلال عليكي ام ياسر

لين: بربك اخي جد .. في بنت .. امانة امانة خليني شوفا اماااانة

ياسر: لك شبك ولي فصعونة .. رح خليكي تشوفيها اكيد .. بس لسا بكير ع هالشي

ناجي: اي يالا لنشوف مين هالاسطورة يلي قدرت تدخل عقل الاستاز ياسر

ياسر: اي كول كول انت

ناجي: حاضر هههههههه

ياسر: ما قلتلي شو صار معك .. تيسرت امورك

ناجي: عييب شو هالسؤال .. طبعا تيسرت وكلو تمام .. طبعا الفضل الاول لالك ولشركتك

ياسر: استغفر الله .. ليش انا ازا ما ساعدتك مين رح ساعد .. بس كلو بحسابو ها هههههههههه

ناجي: هههههههههه

ام ياسر: يسعدكن ياا رب

هالسفرة يلي صرلا سنين جامعتن .. من وقت مات ابو ياسر وابو ناجي بنفس السيارة .. كانو رفقات عندن شركتين وكل شغلن سوا .. كل السوق كان عم يحكي بشراكتن وبشغلن سوا ..
وحادثة موتن كانت فاجعة بالنسبة للكل ..
امو لناجي كانت ميتة من سنين .. وبموت ابوه ما بقيلو حدا .. كانو تنيناتن صغار .. ياسر 19 سنة .. وناجي 18 .. ضمتن ام ياسر تنيناتن ومعن بنتا لين يلي كان عمرا 15 سنة ..

ياسر استلم شركة ابوه وكمل دراستو بالجامعة مع مساعدة امو يلي كانت عم تدير الشركة من بعيد وعم تحط بطريقو الموظفين يلي بتامنلن وبتعرفن امينين .. لوقت خلص جامعتو بعد تعب وجهد كبير ..

ياسر انعرف بين الكل بشخصيتو القوية وبعزيمتو واصرارو ..

ناجي الصدمة كانت كبيرة كتير عليه .. وخصوصي انو الحادث كان مدبر وما كان حادث عادي ..

انهار ناجي وبقي فترة طويلة معتزل العالم .. بس ياسر وام ياسر ما تركو ابدا .. حضنو ودخلو بيتن وبقيو معو خطوة بخطوة .. لوقت رجع وقف ع اجريه واستلم الشركة يلي تركا ابوه .. بس دراستو تركا وما كملا ..

كبرو ياسر وناجي سوا ببيت واحد متل الاخوة .. وشركاتن كانت باعتبار شركة وحدة .. وشغلن شغل واحد ..

ياسر: سفرة دايمة لست الكل

لين: بلش الاعتكاف اخي

ناجي: ههههههههههه كالعادة

رفع ياسر اصبعو وهو ماشي ..
ياسر: سلاااام

ام ياسر: ههههه الله يرضى عليك يا امي .. يالا حاجتكن جر وخلصو اكلكن بسرعة بدي لم السفرة

ناجي: لك حتى اللقمة ما فينا ناكلا براحتنا

ام ياسر: ايواااا هاي لهجة جديدة استاز ناجي هههههههه

📚قصص||روايات||منوعة📚

rwayate

ناجي: اي هيك شي ههههههه

اطلعت ام ياسر بلين يلي عم تتبسم وتراقب فيهن .. (لكن انا رح روح وانت بتلمي السفرة .. بلا ما يعملنا انقلاب استاز ناجي)

لين: حاضر امي ههههه

راحت ام ياسر ع غرفتا وبقيت لين وناجي .. ناجي عم ياكل بنهم كالعادة وهو ساكت .. ولين عم تراقبو من تحت لتحت ..
ما فيها وقت تكون معو تتحكم بنظراتا ولا بدقات قلبا .. شي من جواتا بيتحرك وقت بتشوفو ..

لين سرحانة بناجي وبتفاصيلو .. عيونو اللوزية وشعرو الخروبي بياخدوها لعالم تاني .. ما فيها تقاومن ابدا .. ريحة عطرو بتسحرا .. لو كانت بجمعة من مليون رجال فيها تشما لهالريحة وتميزا ..

قطعلا هالافكار الوردية والخلوة الخاصة دقة ناجي بطرف اصابعو ع الطاولة ..
ناجي: هلووووووووو

رمشت بعيونا بسرعة وتلبكت ..
لين: عم تحكي معي ؟؟

ناجي: لك وين سرحانة .. صرلي ساعة عم احكيكي

وكالعادة حمرو خدودا يلي متل الحليب ..

ناجي: ييييييي علينا .. رجعتي حمرتي ست بندورة .. لك لازم احلف مليون يمين ما احكي معك ههههههه

فركت اديها بتوتر .. (ليش )

ناجي: لك مشتهي شي مرة .. مرة وحدة بس احكي معك وما تتحولي لبندورة هههههه

تبسمت لين ولمعو عيونا يلي بلون السما ..

ناجي: ع العموم انا خلصت اكل او بالاحرى نسف .. بدك تلمي السفرة قومي هلا لساعدك .. وازا بدك تضلي سرحانة كمان عادي خليكي براحتك هههههه

لين: لا .. ليكني قمت ههههه

ناجي: اي شاطرة .. يالا استغليني شوي

لمو السفرة سوا ولين حاسة حالا ملكت الكون .. كل لحظة بيكون ناجي حدا بتكون بالنسبة لالها اجمل لحظة بحياتا ...

ناجي: وهاي خلصنا لم السفرة .. شو رايك نفاجآ لخالتو ام ياسر ونجليلا الجليات .. وهيك بنرشيها لتعملنا حلو ع السهرة هههههه

لين: عم تحكي جد !!

ناجي: لك اي شبك

لين: هلا انت رح تجلي !!

ناجي: (لوا بشفافو) مو عاجبك انا

لين: لك لا مو هيك .. بس يعني انت تجلي ههههه والله مو راكبة معي

ناجي: اي انا رح ركبا .. عطيني المريولة لقلك

اخد ناجي المريولة ووقف ع المجلى وبلش بالجلي ولين ركضت بسرعة جابت جوالا وبلشت تصور فيه ..

ناجي: لك شو عم تعملي .. تركي هالجوال وتعي ساعديني

لين: جايي جاييي هههههه

سكرت لين الجوال ووقفت ع المجلى حدو وبلشو يشتغلو سوا وناجي كالعادة طبعا ما سكت بنوب ع نكت وتحشيش ولين ما عم تثبت حالا من الضحك..

ناجي: لك ع مهلك شوي هلا بيطقلك عرق هههههه

لين: ما عم بحسن وقف هههههه

ناجي: اي انا بعرف كيف بتوقفي

مسك الليفة وفركلا وشا فيها ..

لين: لك شو عملت هههههههه .. لك عيونو احترقو .. ما عم بحسن فتحن

ناجي: اي تعي تعي هههههههه

قربا ع الحنفية وبلش يغسلا بوشا ..
فتحت عيونا يلي بيسحرو واطلعت فيه .. وقلبا ع شوي رح يوقف ..

وناجي لاول مرة بينتبه لهالعيون قديش بيسحرو .. ولهالنظرة شو فيها تعمل فيه ..

للحظة دخلو تنيناتن لعالم تاني .. عالم خاص بعيونن ونظراتن..

ياسر: شو عم تجلو

تلبكو تنيناتن وبعدو عن بعض ..

ناجي: اختك بدال ما تجلي الصحون عم تجلي وشا ههههههه وانا حاولت ساعدا لحتى ما تنعمى

لين قلبت كلا بندورة مو بس وشا ولفت حالا ع المجلى من غير ولا حرف ..

ياسر: اي تركا لاختي تعرف تشتغل وتعا انت

ناجي: حااااضر

طلعو تنيناتن لبرا ولين ضلت بالمطبخ ..
لين: لك يا ربي شو صار هلا .. لك وبعدين وبهالقلب يلي عم يعزبني .. لك ما بكفيني شكلو وعطرو .. وهلا كمان نظراتو .. لك انا كيف رح انسى هالنظرة هاي هلا .. كيييف .. اوووف يااااا

ياسر: شبك

نقزت لين .. ولفت وشا عليه .. (بسم الله )

ياسر: شبك ضايجة

لين: لا اخي ماني ضايجة .. يعني عادي

قرب ياسر منا وحط ايدو ع كتفا ..
ياسر: اختي الله يرضى عليكي .. هالحركات هاي والمزح الزايد مع ناجي بلاه .. صرت مليون مرة منبهك

لين: حا.. حا .. حاضر اخي .. بعتزر منك

ياسر: ما بدي تعتزري .. بدي تفهمي انو ناجي غريب عليكي وما بصير تتعاملي معو فري ومن غير حدود

لين: تمام .. تكرم اخي

ياسر: الله يكرمك ويرضى عليك

وباسا من جبينا وطلع لبرا ..

الجزء الرابع

مشى هالنهار ع ياسر بالزور .. كان بدو يخلص هالنهار بسرعة ويجي اليوم يلي وراه لحتى يرجع يشوفا لابرار ..

واجى الصبح لبس تيابو وطلع من البيت بسرعة ..

ام ياسر: لك ليش اخوكي طلع بلا فطور

لين: اكيد عندو شغل مهم .. هلا بيفطر بالشركة امي لا تشغلي بالك

ناجي: صباح الخير

دق قلبا لين ونزلت عيونا بصحنا ..

ام ياسر: صباح الورد .. تعا فطار ابني

قعدو تلاتن ع السفرة .. لين لهلا كل ما بتزكر نظرتو لالها مبيرح قلبا بيشعل نار ..
وناجي كل ما بيتزكر لعيون الفتانة يلي لاول مرة بحياتو بينتبهلن بيطق عقلو ..

.......................
وصل ياسر المكتب .. دق للسكرتيرة ..
السكرتيرة: اي استاز

ياسر: شو صار مع الانسة ابرار .. اجت شي؟؟

السكرتيرة: اي استاز اجت وسلمتا شغلا

ياسر: كتير منيح

طلعت السكرتيرة وبقي ياسر لحالو عم يصارع افكارو ..
(لك شبني انا .. يعني صح ا

📚قصص||روايات||منوعة📚

rwayate

لبنت حلوة وباين عليها اكابر .. بس انا ما بعرف عنا شي .. لك ليش هيك انقلب كياني .. اووووف منك ياسر اوووف )

بقي ياسر طول وقت الدوام عم يصارع حالو وافكارو لحتى ما يروح لعندا لابرار او يطلبا ع مكتبو .. بس ما حسن يشيلا من تفكيرو ..

قطعلو هالافكار طرقة الباب والسكرتيرة يلي خبرتو انو ابرار بدا تشوفو ..

ياسر: فوتيها

عدّل ياسر قعدتو ع الكرسي وحاول يخفي لهفتو بشوفتا ..
دقت ابرار الباب وفاتت ..

ابرار: يعطيك العافية استاز

ياسر: الله يعافيكي .. تفضلي قعدي

قعدت ابرار ع كرسي يلي قدام المكتب ..

ابرار: اول شي حابة اتشكرك كرمال الوظيفة يلي عطيتني ياها.. يعني ما توقعت هيك بهالسرعة تعطيني ادارة قسم

ياسر: ههههه شهاداتك وخبرتك حرام يعطوكي وظيفة اقل من الادارة .. وهلا قليلي كيف شفتي هالوظيفة

ابرار: كتير منيحة والموظفين كتير خدومين لبعض وهالشي ازا دل عشي فبدل ع حسن الادارة

ياسر: اي الحمد لله .. كلو بتوفيق من ربنا

ابرار: والنعم بالله

قطعلن حديثن دخول ناجي يلي متل العاصفة ..
ناجي: مر..... مرحبااااااا

اطلع في ياسر وهز راسو بيأس مع ابتسامة ..
ياسر: لك انت ايمت رح تبطلا لهالعادة

قرب ناجي منن وهو عم يتبسم وعيونو ع ابرار.. (والله ما ظن اني رح اتركا)

ياسر: اي تعا تعا .. قعود .. بعرفك بالموظفة لجديدة ابرار .. مديرة قسم التنسيق الفني ..خريجة بريطانيا .. وخدمة سنتين بشركات اميركا وشهادة من هالشركات بادارتها وشغلها باخلاص

سلم ناجي ع ابرار وقعد مقابيلا .. (اهلا وسهلا تشرفنا)

ياسر: تفضلي كملي

ابرار: بصراحة شغلكن كتير حلو ومميز .. بس في كتير نقص

ياسر: كيف يعني نقص

ناجي: نقص!! انت عارفة شو عم تحكي هههههه .. لك هالشركة هاي اكبر شركة بمنطقة الدول العربية

نقلت ابرار نظرا بين ناجي وياسر .. واطلعت بياسر ..

ابرار: هلا انت وقت سلمتني الشغل فهمتني السكرتيرة انو ادرس الشغل بناءا ع خبرتي .. وانا خبرتي بتتعلق بشركات اميركا .. يعني ما بعرف شو مستوى الشركات هون .. بس بالنسبة للشركات يلي اشتغلت فيها ففي كتير امور ناقصة عندكن .. سواء من ماكنات او حتى برامج .. يعني حتى الماكنات الموجودة مبرمجة ع انظمة كتير قديمة

ياسر: طيب هلا انت وظيفتك تدرسي كلشي بالتفصيل وتكتبيلي كلشي بتقرير مفصل وانا بدرسو وبنشوف اللازم

ابرار: تمام .. لكن رح ارجع ع شغلي

اطلع ياسر بساعتو ورفع راسو .. (لا خلص اليوم حاجتك .. بس من بكرة الصبح بتبلشي بالتقارير)

ابرار: تمام .. يعطيكن العافية

طلعت ابرار من المكتب ..
ناجي: ياسر هلا انا بالعادة بوثق باختيارك للموظفين .. بس يعني مو كانو ستعجلت بهاابنت .. يعني بنت جديدة كيف بتعينا بهيك منصب قبل لنشوف شغلا

ياسر: هالبنت معا شهادة من شركة ..... الامريكية ... وشركة ........ ... يعني ما في داعي نشوف شغلا وليكك شفت بعينك .. المكتوب مبين من عنوانو

ناجي: والله قلبي مالو مطمن .. يعني بالتالي نحنا وضع بلادنا ومقوماتنا مو متل مقوماتن .. يا زلمة كنت ستنى شوي

ياسر: هههههه لك شبك .. كل يلي عملتو اني وظفتا .. يعني عادي لسا ما عملنا شي .. هلا تركني منا وقلي شو عملت بالشركة عندك .. حليت امور المناقصة ؟؟

ناجي: عيب شو هالحكي .. نحنا زلم الجد الجد

ياسر: ههههههه اي كتير منيح .. خليك مفتح الكل عم يحاول يحاصرنا

ناجي: مفتح لا تخاف .. بس انت خليك منتبه .. ازا شركتك صابا شي شركتي وكل الشركات التانية رح روح

ياسر: لا تخاف .. ما رح يروح شي .. نحنا اثبتنا حالنا بالسوق ومهما حاصرونا ما فيهن يطلعو معنا براس

....................
.......... ........
مضى اسبوع وكل يوم عم يمر الشغل عم ينجح اكتر .. وياسر عم يغرق بابرار اكتر ويعجب فبها اكتر .. كلشي فيها عم يشدو وياسرو ... وشغلا وافكارا لجديدة خلو يتعلق فيها اكتر واكتر ..

ياسر: اي ناجي وهلا بعد ما قرات التقارير شو رايك بشغلا لابرار .. ويا ترى تسرعت انا شي بتعيينا ؟؟

ناجي: بصراحة ... واضح كتير قديش تعبانة بهالتقارير .. وازا كلشي مشى متل مو مكتوب هون رح نكسر السوق كسر وما حدا في يوقف بوشنا ابدا

ياسر: هادهو .. هالبنت كنز

لوى ناجي بشفافو واطلع في بطرف عينو .. (اي كنززز .. كنز كبيييييييييير )

ياسر: هههههههه اي روح من وشي والتهي بشغلك وشيل الكنز من راسك

ناجي: اي تكرم انت والكنز هههه

طلع ناجي من عند ياسر ..
دق ياسر للسكرتيرة لتبعت خبر لابرار لتجي ع مكتبو ..

بعد دقائق كانت ابرار بالمكتب ..
ياسر: شو هاد يا انسة ابرار .. ما شاء الله كلشي بيجنن بالتقارير وباين قديش متعوب عليها

ابرار: كتير انبسطت بهالحكي استاز

ياسر: وبهالمناسبة عازمك ع فنجان قهوة وبرا الشركة .. بنحكي ع رواق .. شو قلتي

ابرار: اكيد ما بقول لا

ياسر: لكن تفضلي

طلع ياسر وابرار ع مقهى قريب من الشركة .. قعدو سوا وطلبو قهوة ..

ابرار: ازا صار وتنفذ كلشي كتبتو بالتقارير هالشركة رح تصير عالمية

ياسر: اي صح .. بس بدو ميزانية كبيرة