#العاصفة_بقلم_مال_الشام

الجزء الرابع

ابو ياسر : ياسر شو صرلك

ياسر وهو عم يضرب طارق : لك ما شفتوه انتو .. انا شفتو .. انا شفتو

حاول ابو محمد وابو ياسر وسامح يبعدوهن عن بعض و ياسر عم يصرخ : لك انا رح ربيك بس خلينا نطلع من هون

قام طارق ومسح الدم الي نزل من انفو .. و راح عالزاوية وقعد فيها وهو ساكت و ولاء عم تبكي

ام ياسر : لك شو صرلكن .. شو هالليلة هي .. كيف بدو يطلع علينا الضو ونحنا بهل حالة

ركضت ام طارق لعند ابنها وصارت تطمن عليه : الله يكسر ايديك يا ياسر .. شو بدكن بولادي ..

سامح وقف جنب ياسر وهمسلو : لك حمار انت حمار .. كيف هلأ بدي اقنع امي فيك شو هاد الي عملتو ؟

ياسر : روح من خلئتني انت التاني .. ولاء تعي لهون

سحبها من ايدها وقرب راسو من ادنها : شو هاد الي شفتو وليه ؟

ولاء : ما ..ولا ..ولا شي .. انت فهمت غلط .. انا بس سمعت الصوت ارتعبت وفكرت طارق انته لانو الضو ضعيف كتير
ما انتبهت منيح من الرعبة .. انت فهمت غلط

ياسر : لك شفتك بحضنو يا _ _ _

ولاء : لك كيف بتحكي معي هيك .. هي الكلمة قولها لوحده بالشارع ما الي ..ازا انت نيتك عاطلة انا شو دخلني
كسرتو للشب وفضحتني و نحنا اصلاً مو فهمانين شي .. الضو ضعيف كتير والي صار كان سوء تفاهم

ياسر : روحي انقبري اقعدي جنب امي ولا تتحركي ها .. وعيني عليكي

ولاء: ايه رايحه ..

ودفشها بقوة وراحت قعدت بامها وحكتلها نفس القصه انو الي صار كان بالغلط .. وقعدت ولاء وهي عم تتزكر الي صار
وكيف طارق قلها بحبك ..

ولاء بقلبها : معقول بحبني عنجد ؟ طيب ليش عمل فيني هيك مو حرام عليه ..

مرت ساعتين من الصمت .. الكل ساكت ... الاغلب نامو .. والباقي ضلو قاعدين وعم يسمعو صوت الريح برا كيف عم تضرب

قام ابو ياسر لعند ابو محمد

ابو ياسر : سامحني .. الي صار بسببي

ابو محمد : لك كيف بسببك .. انا .. انا الغلطان ما بعرف كيف طلعت الكلمة من تمي .. هالعاصفة طيرت العقل من راسي

ابو ياسر : لك ما تكبرها .. بس نطلع بتروحو عالشيخ ليلاقيلكن فتوى

ابو محمد : ما في فتوة .. هلأ لازم تتجوز غيري لترجعلي

ابو ياسر : لا حول ولاقوة الا بالله

ابو محمد : لك شو بدهن يقولو عني الناس

ابو ياسر : معقول ما في غير هالحل ؟

ابو محمد : ايه ما انا طلقتها بالتلاته

ابو ياسر : بس

ابو محمد : بس شو ؟

ابو ياسر : اه .. لا ولاشي .. هلأ شو بدك تعمل ؟

ابو محمد : ما بعرف .. ما بعرف

قام ابو ياسر وتركو .. وقعد بالزاوية وصفن مع حالو .. : انا ليش ما قلتلو انو الطلاق بقعدة وحده وبنفس الموضوع يعتبر طلقة وحده
حتى لو قلها طالق مية مرة .. شو الي منعني وما خلاني احكي !! هلأ ام محمد احلى من مرتي .. بس مستحيل تزبط هالجوازة
رح يضل وراي لطلقها .. ويمكن هي ما ترضى تضل على ذمتي .. بس حلوة كتير المخلوقة .. معقول تزبط معي هالشغلة !!
والله بتكون امي داعيتلي ...

ام ياسر : ابو ياسر وين صافن ؟

ابو ياسر : اه ؟ انتي مو نايمة ؟

ام ياسر : لا كيف بدي نام .. مو سامع هالاصوات شي بشيب شعر الراس .. بس عم ريح حالي شوي

ابو ياسر : ايه ارتاحي ارتاحي لقلك

لوقت ما هبت ريح قوية .. وانقطعت الكهربا .. وصار القبو كلو عتمة وما عاد حدا شاف حدا

صرخت بيان و هيا ورؤى صارت تبكي ..

ابو محمد : اهدو يا جماعة لك اهدو وصلو عالنبي شو صارلكن

ولاء عم تبكي : امي وينك .. اميييي .. محمود مو معي

ام ياسر : الله لا يوفئك ما التلك ما تنزليه من ايدك .. وينو الولد وينو

مي بصوت واطي وعم تحاول تكون هادية : حدا يشغل شمعة .. او اي شي حبابين

وحست في حدا حدا مسكها ..

مي : مين ؟ طارق ؟

ياسر بهمس : هسسس .. ما تطلعي صوت

مي : لك مجنون بعد عني هلأ بصرخ وبلمهن عليك ها

ياسر : انتي ليش ما بدك ياني ؟

مي : هيك ما بطيئك يا اخي شو الشغله بالغصب .. بعد هيك الله ياخدك

ابو ياسر : ياسر ابني وينك .. تعال شغللنا كم شمعة

ياسر : يلا يلا جاي

مي : تافه

ابو ياسر راح لجهة ام محمد

ابو ياسر بصوت واطي : ام محمد تعي لهون شوي

ام محمد : خير

ابو ياسر : بتقبلي تتجوزيني ؟

ام محمد : شو ؟

ابو ياسر : شو شو ؟

ام محمد : اصدك مشان التجحيشة ؟

ابو ياسر : لك لأ لأ ما مشان التجحيشة .. تتجوزيني الي يعني عالخالص .. ما بدي طلقك

ام محمد : شوووووووووو ؟

ابو ياسر : لك وطي صوتك

هيا : ماما مع مين عم تحكي ؟

ابو ياسر فوراً مشي ورجع على مطرحو .. وكان ياسر عم يحاول يشغل الشمعو بس عم ينطفو من الهوا ..

فجأة فات عليهن ريح قوية كتير كتيرررررررررررررررررررر

بنان : ولييييييييي شو هاد كأنو في شباك انفتح ؟

ام محمد : لا بنتي يمكن بس نسمة هوا فاتت وخلص لانو اجت فجأة وراحت ..

ياسر : يا عيني واخيراً شغلت الشمعة .. كل واحد يحط عندو شمعة يلا لشوف

بلشو كل واحد يعطي شمعة للتاني .. لوقت ما وصل الدور لعندو ولاء

ام ياسر : وين ولاء ؟

ابو ياسر : شو وين ولاء ؟

ام ياسر : لك وين البنت ؟

#العاصفة_بقلم_مال_الشام

الجزء الخامس (قبل الآخير)

وقف طارق وهو معصب كتير وصار يحكي مع ياسر : ليك ولاك ازا بصير شي لولاء رح ادبحك

ياسر : شو تفضلت طارق بيك ؟ ما سمعتك ؟

طارق هجم عليه ومسكو من تيابو : ايه متل ما سمعت لان انت السبب و خجلتها قدام الكل للبنت

ياسر : لك انت شو دخلك بيني وبين اختي شو دخلك اه ؟

اتدخلت ام طارق و وقفت بيناتهن وصارت تبعد ابنها

ام ياسر : لك وين راحت بنتي وين رااااااااااحت .. ضاعت البنت .. ضاعت البنت .. انا طالعه دور عليها برا

مسكها ابو ياسر : بلا جنان اقعدي مكانك مو سامعة صوت الريح بتشيلك من مكانك

ام ياسر : ولي .. لكن بنتي شو رح يكون صار فيها .. العمى .. شو صار بالبنت .. كلو منك يا ياسر
الله يريحني من همك ما بتجيبلي غير وجع الراس ..

طارق : انا طالع شوفها ..

مشي طارق وفتح الباب وفاتت ريح ومعا غبرة كتير عالقبو وركض ابو محمد سكر الباب منيح وراه وهو عم يسعل

بنان : عيونييييييييييي .. فات التراب بعيوني اااخ

هيا : كح كح .. كح

ام محمد : تعي غسلك عيونك بنان تعالي امي

ياسر : عمي ابو محمد بعدلي عن هالباب

ابو محمد : وين رايح يا ابني خلصونا من هالليلة

ياسر : لك بعدلي هيك لشوووووووووووففففففففففف

ابو محمد : ايه اطلاع انا شو دخلني

فتح ياسر الباب ورجع ابو محمد سكرو وقفلو منيح .. الشموع كلها طفت و الكل سكت .. ما كان في ولا همسة بالمكان

مي : شغلو الشمع امانة .. كتير خايفه

ام طارق : ماما ما تخافي خلص بس خليكي قاعده مكانك وهادية .. هلأ قد ما شغلنا شموع رح ينطفو لان في هوا عم يفوت

مي : طيب .. قعدت

ام ياسر : لك روح الحق ابنك

ابو ياسر : شب بهد الحيط خايفه عليه ؟

ام ياسر : لك العاصفة قوية كتير قالو بتطير بني آدمين

ابو ياسر : طلع هو وطارق ما تخافي

ام ياسر : ما هاد الي مخوفني أكتر ..

ابو ياسر حط راسو عالوسادة و غمض عيونو : هلأ بيرجعو وبيجيبو ولاء بس حسابها معي بس تجي

ام ياسر : العمى .. لك شو عم يصيررررررررررررررررر

مرقت نص ساعه وما كان في صوت لأي حدا .. الكل قاعد مكانو .. وابو ياسر عم يحلم بام محمد الي رح تصير مرتو
وام محمد قاعده وعم تحسبها .. تتجوز ابو ياسر ولا تضل مع جوزها !!

وابو محمد مهموم ودايقه فيه الدنيا ومو عارف يقعد مطرحو

سامح : امي

ام طارق : شو بدك ؟

سامح : بدي احكي معك بخصوص مي وياسر

ام طارق : اخرس انت التاني .. اخوك برا وتأخر وقلبي متل النار

سامح : لك هلأ بيرجع شو هو ولد .. بس ردي علي لقلك

ام طارق : شو في ؟

سامح : ياسر ازا قبلنا نجوزو مي .. بدو يلبسها دهب كومايات .. وبدو يسجللها بيت باسمها .. ورح يعطيها مهر كبير
منقدر منو نوقف على رجلينا مره جديده

ام طارق : عنجد عم تحكي ؟

سامح : ايه والله هو قلي هيك بالحرف الواحد .. قال هو موفر مصاري شايلهن لجوازتو

ام طارق : بس

سامح : لا بس ولا شي .. لكن نحنا بعد العز الي كنا عايشينو نصير مذلولين للخلق وبيت ابو محمد وابو ياسر يلمو مصاري ويشحدونا ؟؟

ام طارق : معك حق

سامح : شو قلتي ؟

ام طارق : بس اختك معنده

سامح : مو على كيفها .. كفين تلاته بيمشي الحال

ام طارق : لك حرام

سامح : لك شو نحنا زاتينها بالشارع ؟ رح تتجوز جوازة ما بتحلم فيها

ام طارق : هيك قولتك ؟

سامح : ايه طبعاً امي ..

ام طارق : مزبوط .. خلص .. انا موافقه

سامح : يا عيني عليكي ..

رجع لمطرحو وهو مبسوط وعم يحاكي حالو : هلأ بس ياسر يرجعلي المصاري الي اعطيتو ياهن انا بعطيهن لامي وبقلها انو هدول من ياسر
وبفهمو عالخطة .. يلا انا اصلاً كنت محتار كيف بدي اعطيها شوية مصاري احسن ما تضل تشتغل عند العالم وتخجلنا .. وهيك بتزبط الأمور
وبخلص من هالقصه
وبعدا بسافر لبرا وبلعب بالمصاري لعب ..

برا كان طارق عم يصرخ وينادي لولاء والريح قوية وفيها تراب ..كان مغطي عيونو ومسكر على تمو بالكنزة الي لابسها
القبو بابو خلفي وبيت ابو ياسر صاير بالاتجاه المعاكس الي جايه منو الريح ... وصل طارق عالبيت و لقي الباب مفتوح

طارق : ولاء .. ولاء

فات عالبيت وكانو كلو تراب وغبرة والشبابيك مكسورة ..

ولاء : انا جوا

فات طارق على مصدر الصوت ..

طارق : وينك

ولاء : هون بالخزانة

طارق اتطلع وراه ولقي خزانة كبيرة .. وفتح الباب
وشافها قاعده بالأرض وحاطه وشها بين ايديها

طارق : ولك شو عم تعملي هون يا مجنونة ؟

ولاء : سكر الباب رح اختنئ

طارق : قومي ننزل لتحت

ولاء : ما بدي خايفه اختك مي تحكي شي .. خايفه كتير لك ياسر بيدبحني

طارق : حذرتك ما تخبريها

ولاء : انت مو عارف المصيبة الي انا فيها .. كان بدي اي حدا يعرف عالأقل ازا متت وعرفو الحقيقة ما يفكروني وسخه

طارق : قومي ننزل يلا

ولاء : ما بدي .. مي رح تحكي .. هي كانت تلمممح ورح تحكي

مسكها طارق من ايدها بقوة كتير وطلعها وصار يسحبها

طارق : العاصفة لسه ما اشتدت .. خلينا ننزل ومنتفاهم تحت

#العاصفة_بقلم_مال_الشام

الشخصيات :
الترتيب حسب الأعمار من الأكبر للأصغر
- عائلة ابو ياسر مكونة من : ابو ياسر / ام ياسر / ياسر / ولاء / الطفل محمود -
- عائلة أبو طارق مكونة من : ام طارق / طارق / سامح / مي -
- عائلة ام محمد مكونة من : ام محمد / ابو محمد ( بنان / هيا -توأم- ) رؤى-

الموقع : منزل ابو ياسر .. في الطابق السقلي (القبو) مع إنارة خفيفة

فوتو فوتو بسرعه .. يلا يا جماعة كل واحد يقعد بزاوية على جنب ما تتحركو كتير الله يرضى عليكن

امي ولاء امسكي اخوكي .. وخلي رضعة الحليب جنبك
ياسر تأكدت من الشبابيك وباب الأسطوح وباب المطبخ ؟

ياسر : تأكدت صرت مية مرة متأكد .. خلص كلو مسكر ما تخافي امي

ام محمد : يا جماعة لو تخبينا ببيت ابو طارق كان احسن لان بيتهن بنائو اقوى

ام ياسر : شوو يعني ام محمد قصدك بيتي ما بيلقى ومانو آمن ؟ نحنا اجتمعنا كلنا وانتو الي استقريتو انو رح نتخبى ببيتي
ما في داعي لتسميع الحكي

ام طارق : يا جماعة طولو بالكن بدون شي اعصابنا تلفانة والله الواحد مو ناقصو

ابو ياسر : حاجتكن نق .. خلص عاد

ام ياسر : لك يا رجال كيف الكن قلب تلعبو شطرنج والعاصفة جاية .. حاسة قلبي رح ينشلع من مطرحو

طارق : عادي يا خالة عم يحاولو يتماسكو ويهدو اعصابهن ..

تطلع ابو ياسر بالساعة الي بأيدو : الساعة صارت 9 .. معكن وقت تاكلو و تتحركو قبل ما تصير الساعة 11

ولاء : لكن انا رايحة على غرفتي

ام ياسر : تعي اقعدي هون بلا غرفتي بلا بطيخ .. هاد ابوكي قلبو بارد .. يمكن العاصفة تبلش على بكير هيك قالو بالأخبار
ما في شي مضمون ما بدنا نخاطر ومحدا رح يطلع من هون ليطلع الضو

ولاء : اففففففففف ياه .. انا ما بدي ضل هون مو طايقة المكان رح اختنق

ام ياسر : قلت اقعدي يعني اقعدي خلص بقى

راحت ولاء وقعدت على جنب ورجعت حطت اخوها محمود بحضنها .. قرب منها طارق وهمسلها : ما في داعي تخلي الكل يشتلق
انك مو طايقة تضلي معي بمكان واحد

ولاء : طارق روح من وشي .. مو مسدئة وتخلص عاصفة النحس لاخلص من شوفة وشك

طارق : والله الي بيسمعك ما بيسدء انك كنتي ميته علي وعم تركضي وراي من شهر زمان

ام طارق : شو في ابني بدك شي قلي انا بجيبلك ؟

طارق : اه ؟ لا .. بس كنت عم طمن ولاء لانها خايفة وعم قلها انو بالأخبار قالو ازا منحتمي منيح هالليلة ما في شي بيخوف

ابو محمد : لعلو خير .. بس الكل خايف والعالم على اعصابها .. صحيح سكرتو الموبايلات ؟ قال اشرتها بتجذب شحنات البرق
الكل يطفي جوالاتو

كانو رؤى وهيا وبنان التلات خوات قاعدين مع بعضهن بجهة وحده .. قربت هيا من بنان وحكيت معا

هيا : هي الليلة هي فرصتنا .. لازم كل شي ينتهي

بنان : بس انا خايفة كتير

هيا : ما لازم تخافي ، نحنا اقوى من كل شي مو هيك اتفقنا ؟

فوتت رؤى راسها بيناتهن : شو عم تحكو سمعوني ؟

بنان : ولا شي كم مره قلنالك انتي صغيرة ما تدخلي بحكيي انا واختك

رؤى : اااف على اساس كتير حابة القعده معكن ما انا مجبورة

بنان : طيب بعدي هيك في حديث بيني وبين هيا

رجعت رؤى لمكانها ورجعت بنان وهيا يحكو

بنان : طيب خلص انا رح اعمل الي وصيتيني عليه وانتي خلي عيونك مفتحه ايه ؟

هيا : تمام ، انا هلأ رح روح لهنيك لجنب امك ... واي حركة بتصير رح اشرلك

بنان : يلا روحي

قامت بنان وقعدت جنب امها .. و طارق بعد عن ولاء وضل عم يراقبها من بعيد وهي قاعده ومتوترة كتير

ام ياسر : ابني اديش صارت الساعه ؟

ياسر : من شوي ابي قلك انو الساعه 9 .. وهلأ صارت 9 وربع

ام طارق : انا كتير خايفة .. نبهونا كتير بالأخبار من هالعاصفة .. حاسيتها غير كل مرة في شي بيخوف يا جماعة ماني مرتاحه

طارق : ما في داعي تخافي امي ما رح يصير شي .. سامح ليش قاعد بالزاوية انت وياسر ؟

سامح : اه ؟ لا ولا شي بس عم نحاول نحكي ونضيع الوقت

طارق : ايه تمام

رجع سامح وطى صوتو وهو عم يحكي مع ياسر : ما حدا رح يعرف مستحيل .. هاد السر ما في حدا بيعرفو غيري انا وياك
ازا حدا بيعرفو بتكون انت فسدت علي ونحنا ما هيك اتفقنا

ياسر : لك مو هيك القصة يا سامح .. بس ابوك الله يرحمو يمكن كان مخبر امك قبل ما تموت

سامح : مستحيل يكون مخبرها لو عندها علم ما كانت سكتت لهلأ .. ابي الو تلات شهور ميت .. و سرنا مات معو
انا ما عملت شي غلط .. بالنهاية هاد حقي

ياسر : لك حقك تسرق المصاري الي بخزنة ابوك وقت لقيتو ميت وتخبيهن عن كل وامك هلا تشتغل بالطبخ للعالم مشان تعيشكن
وين الحق بالموضوع

سامح : لك وطي صوتك يا حيوان .. انا الحق علي انو قلتلك

ياسر : انت ما قلتلي .. انا كنت جاي زور ابوك وانت فوتتني لعندو ولقيناه ميت .. وبعد ما انصدمنا انت ركضت عالخزنة الي كانت مفتوحه
وطلعت منها المصاري وخبيتهن تحت التخت

سامح : ايه وانا اعطيتك حصتك ليش هلأ عم تنبش بالموضوع

ياسر : بصراحة ؟

سامح : ايه ؟

ياسر : بدك ياها من الآخر ؟

سامح : ايه خلصني

#العاصفة_بقلم_مال_الشام

الجزء السادس ( القسم الاول)

ابو محمد : يا لطيف شو هاد !! ..

سحب ياسر لجوا و حطو عالأرض وصار ضجة بالمكان والكل عم يصرخ والريح فاتت بقوة لجوا .. محمود الصغير كان ناايم
صحي وصار يبكي ويصرخ ... قام ابو محمد وقفل الباب بصعوبة لان الريح كانت عم تشتد ..

ابو ياسر ركض على ابنو وحط راس ياسر بحضنو : ياسر .. ابني .. ابني شبك

ام ياسر قعدت جنبو وهي عم تبكي : شبو ياسر شبو ؟

ابو ياسر : لك هاتولنا شمعة لهووووووووووووون

ابو محمد : اخي هون عند الباب ما رح تشتغل شمعه .. خلينا نفوتو لجوا ساعدني يلا

حملو ياسر وحطوه بزاوية بالغرفة وشغلو شمعتين تلاته .. وشافو راس ياسر عم ينزف والدم متل الحنفية

ام ياسر : شو هاد ؟ شو هاد شو صايرلووووو ابني

ابو ياسر : اعطينا قطعة قماش عالسريع

ام طارق بصوت واطي : ولي .. لك طارق شو عامل بالولد شو هالمصيبة

ولاء وهي عم تبكي : لك رح يصفى دمو كرمال الله اعملو شي

هجم ابو ياسر على طارق وعيونو عم تقدح شرار : والله لدفعك التمن غالي يا كلب

طارق : انا ما عملت شي .. ما عملت شي

ابو ياسر : لسه عم تنكر ؟ تفي عليك .. شو عمللك ابني اه ؟ .. اول ما نطلع رح سلمك للشرطة خليك تعفن بالحبس

ام ياسر : اعملو شي ابني رح يموت .. اعملو شيييييي مشان الله يا عمري يا ابني .. ابني

ضلت ام ياسر عم تحط قطع القماش على راس ابنها وراسو عم ينزف دم ... و غايب عن الوعي تماماً

سامح راح لعند مي وقعد جنبها : شو مو خايفه على خطيبك ؟

مي : ليش لخاف ؟ هاد مو خطيبي

سامح ابتسم :رح يصير خطيبك يا اختي الحلوة .. ازا مو رضاكي غصب عنك

مي : فشرت

سامح مسكلها ايدها ولفها ورا ضهرها : وليه .. طولان لسانك .. بسحبلك ياه ها .. بدك تتجوزيه غصبن عنك

مي : مشان الله يا اخي

سامح : اخرسي .. ما تناقشي

ومشي وتركها وهي عم تبكي وتدعي على حالها وعلى ياسر ..

مي : يا ربي .. الله يرحمك يا ابي .. رحت وتركتني لهل مجنون .. ياربي دخيلك تساعدني .. لك ياسر !!
ياسر الي كان يحب رفيقتي ميسون وعلقها فيه واخد صورها وصار يهددها فيهن !! كيف بدي اتجوزو
كيف الي عين اتطلع بميسون ؟ شو رح قلها جبروني على الشب الي كسر قلبك وخاطرك ؟
جبروني عالشب الي كنت قلك عنو هاد وسخ وحقير ؟ ؟ ااااااااااااخخخخخخخ بس ااااااااخ

ام طارق قعدت جنب ابنها وبدها تفك الحبل عنو

ابو محمد : ام طارق بعدي عنو .. هاد مجرم .. بعدي عنو

ام طارق وهي تبكي : لا لا ابني مو مجرم لأ .. ابني بريء مو هيك يامو ؟

طارق : ايه ما عملت شي

ابو محمد : بعدي هيك ها .. بدنا نسلمو للشرطة

ام طارق : الله يوفقكن فكوه .. بلكي صار شي كيف بدو يتحرك

ابو محمد : قلتلك بعدي عنو

طارق : امي خلص قومي من هون

ام طارق بصوت واطي : لك شو عملت بحالك يا ابني شو عملت

قامت وقعدت بعيد عنو وقلبها عم يرجف من الخوف عليه

راح ابو محمد لعند مرتو : لا تخافي حبيبتي انا هون

ام محمد : التلك ما بدي شوف وشك ها .. انا هلأ ما بحللك ... وبس نطلع بدي اتجوز واحد تاني مشان ارجعلك

ابو محمد : كأنك مستعجله ؟ خلينا نشوف شي شيخ بلكي بيعطينا فتوة

ام محمد : والك عين تحكي ما ؟ ..

ابو محمد : لك ما عم تفوت براسي ما عم تفوت براسي يا خلق الله ..

وقام وهو عم يحاكي حالو ويضرب بالحيطان

ام محمد بقلبها : ما عم سدء واخلص منك يا بخيل .. خيييييييييييي شو مبسوطه ... والله وضحكتلك الدنيا يا ام محمد
رح تصيري ست الستات .. بس كأنو ابو ياسر مجلوئ على ولادو وبخاف عليهن كتير ؟
يلا مو مشكلة كلو بينحل .. بسيطة

بلشت الكهربا تروح وتجي .. شوي تضوي وشوي تنقطع .. وصوت الريح خف كتييييييييييييييييير عن اول

بالتدريج اختفى .. وما عاد سمعو صوت الرعد ..

طارق : عطشان

محدا رد عليه.. قامت ولاء عبت كاسة مي وراحت لعندو

ولاء : ازا صار شي لأخي ما رح سامحك

طارق : ولاء والله ما عملتلو شي

ولاء : انت واحد بلا اخلاق .. مغتصب ومجرم كمان

طارق : لك يا ولاء

ولاء حطتلو كاسة المي بتمو وشربتو وما خلتو يحكي بعد طارق تمو وهو معصب وصار يسعل لان تشردق بالمي

طارق : شو صرلك عم قلك ما عملت شي وقلتلك بدي اتزوجك

ولاء : حقير انت بدك تقتل اخي وبدك تذلني كل العمر بالي عملتو فيني ..

قامت لعند اخوها وقعدت جنبو وهي عم تبكي وطارق مصدوم بالي عم يصير فيه ..

فجأة رجعت الكهربا .. والقبو ضوا من جديد

هيا : يااااااااي اجت الكهربا

بنان : بابا كأنو العاصفة خلصت ؟!اديش الساعه ؟

ابو محمد : الساعه 12 ونص .. مستحيل تكون خلصت .. الأخبار قالت انو هي اقوى عاصفة رح تمر عالبلد
ورح تشيل البيوت من مكانها وتطير الخلق .. كيف يعني خلصت ؟

بنان : والله يا بابا كأنو خلصت

أبو محمد : رح افتح الباب شوي

#يتبع
#ⴅმძ3Һค

#العاصفة_بقلم_مال_الشام

الجزء السادس -القسم الثاني - #تمت

قام ابو محمد وحاول يفتح الباب .. ولقو الدنيا صافيه برا .. بس كان كتير عتمة والسما مغيمة والقمر مو مبين

ابو ياسر : يلا ساعدوني

ابو محمد : بشو ؟

ابو ياسر : سامح تعال انت كمان شيل ياسر معنا خلينا نحطو بالسيارة وناخدو عالطوارئ بسرعه
الولد رح يروح من بين ايدينا

ابو محمد : وبلكي العاصفة رجعت ؟ مستحيل تكون خلصت لك الهن شهرين بحذرونا منها

قام سامح وحمل ياسر مع ابو ياسر

ابو ياسر : خليك هون لكن انا ما رح استنا ابني يموت

طلعت وراهن ام ياسر وهي عم تبكي

وراحو كلهن وطلعو عالمستشفى عالطوارئ فوراً ..

(بالطوارئ )

طلع الدكتور من غرفة ياسر وهو عم يشلح الكمامة

ابو ياسر : خير دكتور شبو ابني ؟

الدكتور : والله يا اخي ما بعرف شو بدي قلك .. الشب في شي واقع على راسو .. حالياً ما منقدر نعملو شي
بس حاولنا نوقف النزيف ونعقم الجرح بس اعتقد الإصابة ادت لضرر بالدماغ .. خلينا ما نستبق الأحداث

ام ياسر : شو يعني ؟

الدكتور : الصبح مع طلوع الضو رح نفهم كل شي .. هلأ ما عندي شي احكيه ..

ومشي وتركهن وام ياسر عم تولول وابو ياسر عم يتوعد يزت طارق بالسجن ..

انسحب سامح وهو مبسوط وعم يدعي يخلص من ياسر لان هي فرصة ممتازة وراح عالبيت ليتأكد انو مصاريه بخيير
لانو مخبيهن بغرفتو ..

وبس وصل كان باب البيت مخلوع والغبرة بكل مكان .. وشاف آثار دم

سامح : دم !! من وين هاد جاي !!

لحق الآثار ولقيها بتنتهي بغرفتو

سامح : العمى مين فايت لهووووووووووووووون !!

ركض عالخزانة وصار يدور عالمصاري وما لقيهن بمكانهن

سامح : لك وين راحو ....... وين راحووووووووووووووووو وين راحووووووووووو

صار يدور متل المجنون وما لقي الماصري ابداً

سامح : ياسر الكلب .. محدا بيعرف مكان المصاري غيرو !! والله لادبحك يا واطي

البقية ضلو بالقبو لطلوع الضو لانو كانو خايفين .. والصبح طلعو الناس كلهن ليتفقدو بعض وكل واحد يسأل عن التاني
والراديو والأخبار كلها عم تعطي تقارير عن العاصفة

المذيعة : إذاً إن الأنباء والتوقعات التي اعطيت عن هذه العاصفة كانت خاطئة تماماً .. نعتذر من الجميع ونتمنى لكم نهاراً طيباً

ياسر صحي الصبح وبعد الفحوصات تبين انو في شي واقع على راسو وتسبب بضرر للدماغ و صار معو شلل
الأطباء أكدو انو في شي واقع على راسو .. وبالبيت ياسر لقي انو الشنته الي كانت فوق خزانتو وفيها كراكيب تقيلة وقديمة واقعه فوق راس ياسر
والدم مبلش من عند الخزانة
ياسر ماخد المصاري ومخبيهن و ضل يقاوم و خبى المصاري و رجع عالقبو و بعدا غاب عن الوعي وما قدر سامح يعرف وينهن .. بس اثبت للكل انو طارق ما الو ايد بحالة ياسر وفكوه من الحبال وتركوه بعد ما ورجاهن اثار الدم على الشنته الي وقعت فوق راس ياسر.. بس ما قدر يخبر حدا انو ياسر سرقلو مصاريه…

#بعد_اسبوعين

ببيت ابو محمد فات وهو مبسوط وركض لعند مرتو وحضنها

ام محمد : لك بعد عني .. بعد عني ما بتجوزلي

ابو محمد : لك هلأ كنت عند الشيخ .. ما في داعي لتتجوزي غيري .. الي صار يعتبر طلاق رجعي وطلقة وحده
الحمدلله يارب الحمدلله يارب

ام محمد : شو ؟

ابو محمد : لك ايه متل ما عم قلك الشيخ طمني واعطيتو البشارة

ام محمد : بس .. بس

ابو محمد : لك شبك ؟

ام محمد قعدت وهي مصدومة : ولا شي .. ولا شي ..

ببيت ابو ياسر كانت ام طارق وولادها عم يزوروهن .. وسامح بالغرفة عند ياسر لحالهن

سامح : ما بدك تتحرك ؟ ما بدك تحكي وين خبيت المصاري ؟ ما بدك تقلي مو ؟

وياسر عم يحرك عيونو ومو قادر يرد .. وسامح رح يجن وما عم يعرف المصاري وين راحو

طارق طلع من بيت ابو ياسر ولحقتو ولاء

ولاء : طارق طارق لحظة

طارق : شو بدك ؟

ولاء: مو قلت بدك تتجوزني ؟

طارق : هه بالله ؟ ناسيه حالك شو حكيتيني اخر شي ؟

ولاء : بس انا

طارق : لا انا ولا بطيخ ... زواج ما في روحي حلي عني

ولاء : لا الله يوفقك هيك رح انفضح

طارق : ايه .. انتي الي اخترتي .. كل واحد رسم طريقو لحالو

ومشي وتركها وقلبو عم يوجعو ويقلو ارجع لعندها بس عقلو عم يقلو امشي وزت ورا ضهرك

قعدت ولاء بالأرض وهي عم تبكي وتحاكي حالها : طارق ارجع لا تتركني بهل مصيبه .. طارق

مي فاتت وشقت على ياسر وزعلت كتير على حالتو .. وهي طالعه ابتسمت : الله يشفيك بس الحمدلله ما رح اتجوزك

وابو ياسر خبر ام ياسر انو بدو يتجوز ام محمد و ام ياسر جنت وطار عقلها وحملت غراضها وحردت من البيت ..
ولما راح ابو ياسر ليقول لابو محمد انو بدو يتجوزها ويساعدو مشان التجحيشة
لقيه ابو محمد عالباب وهو مبسوط وجابلو حلو وضيفو

ابو محمد : ما في مبروك ؟ رحت عالشيخ وقلي ما في داعي للتجحيشة الحمدلله امورنا انحلت الحمدلله

ابو ياسر : العمى

ابو محمد : شو قلت ؟

ابو ياسر : ولا شي لازم ارجع عالبيت

رجع عالبيت متل المجنون .. ولما وصل ما لقي ام ياسر بالبيت ..