📚قصص||روايات||منوعة📚

فيها عالم من الغسيل المنشور على البرندات وفي اصوات ضجة
راحت معو طلعو ع الطابق التاني وفتح الباب
وعطاها المفتاح وقال : هاد مفتاح بيتك وجبتلك غدا جاهز جوا وغراضك انتي روحي جيبهن لانو انا عنجد ماعندي وقت
ميس : واقفة ومصدومة
احمد : اااه لاتنسي تسكري الباب منيح على حالك يلا سلام
تركها وراح وهية فاتت مصدومة سكرت الباب وصارت تمشي خطوات بطيئة ..
ميس : معقول هاد غير .. معقول انا اخترت الشخص الغلط والله كتير منيح مابدي ائذيه ... شبك ميس هنن كلون حقراء وببينون انو اوادم بالاول بعدين ببينوا على حقيقتون بيتمسكنو ليتمكنو .... اي وكمان شو رح اعملو ..... لما اسحب منو شوية مصاري رح اتركو متلو متل غيرو
............................
عم يندق الباب عند اية
فتحت امها وكانت لمى وسمير
لمى : خاله هون اية
ام اية : اي هون تفضلو
بعد ما فاتو
لمى : سمير خليك هون انا رح شوفا
فاتت لمى وطلعت هية واية من الغرفة
اية : قومو ع السطح
ع السطح
اية : كيفك سيمو
سمير : مشتقلك انتي كيفك
اية : انت بتعرف بالشغل
سمير : اي صح بالشغل يلي عم تلعبي فيه بعداد عمرك
اية : لمى قلتيلو ؟؟
سمير : اي قالتلي .. لك ليش عم تخاطري بحالك
(سمير شب نحيل طولو متوسط بيلبس نظارت طبية وبيهوا التكنولوجيا وبضل يخترع برامج وكمان هكر )
اية : يعني طلب مني وماقدرت قلو لأ الزلمة الو فضل علي
سمير ؛ كنتي اعتذري
اية : مافيني اليوم بلشت شغل بالشركة التانية
سمير : اممم رح نلاقي حل نخلصك من هالشغلة
اية : ان شاء الله ... صح لمى عرفتي مين بكون صاحب الشركة يلي رحت عليها اليوم
لمى : مين ؟
اية 'هاد يلي خبطني بسيارتو وكمان يلي عزمنا ع القهوة
لمى : عنجد
اية : اي والله .... بس مابعرف حاسستو غريب بالتعامل معي
لمى : كيف
اية : هو مبين شخص شلون بدي قولا راكز الو هيبة معبي مركزو ومابيحكي مع مين ماكان بس معي كتير لطيف
لمى : لك انتي عندك وجه طفولي والكل بيتعاطف معك
اية :هههه لا وليه مو هيك .. بس عنجد عم يتطلع علي نظرات غريبة
لمى :متل احمد
اية : لا احمد مبين انو كان متعاطف معي بس هاد لأ .. حتى انعجبت فيه وبشخصيتو العصبية والحنونة
لمى : عم تحكي جد
اية : اااه لو تشوفيه رجال بكل معنى الكلمة بيحكي بكل ركازة ... صح هو ما هداك الجمال انو شب عادي بس فارض حالو وشخصيتو وين ما راح والكل بهابو وبيحتروم هاد هو الشب يلي بتتمناه كل بنت
لمى : ياسلام ياسلام
اية: انتي بس شوفيه بتفهمي منيح عن شو عم احكي .. عندو كريزما خاصة
سمير : خلصينا يا ام كريزمة وقوليلنا شو مفكرة تعملي
اية : مابعرف بس كتير خايفة ياريت اقدر انسحب
سمير : عندي فكرة
اية شو هية
صار تلفونا يرن
اية: هاد احمد بيك ... الو اهلا استاذ احمد ... اي كلو تمام ومرق اليوم عادي ... طيب ماشي. . اوك
سمير: شو قلك
اية : قال هالفترة مامطلوب مني شي بس كم يوم لحتى بأمنو وبصير جبلو المعلومات يلي بدو اياها .. الله يخليكن خلصوني
لمى : سمير شو كنت بدك تقول
سمير : نخليها تنطرد من الشركة
اية : اي والله فكرة بس كيف
سمير : عملي شي مصيبة خليهن يطردوكي
اية : والله انا ماخرج مشاكل
سمير : لكن بتروحي لعند مدير الجديد وبتقوليلو انو ما عرفتي تشتغلي وبتفضلي تنسحبي لانو مانك قد هاد الحمل
اية : لك يسلملي هالمخ
سمير : مشان تعرفي انا هاد مابشغلو ع الفاضي
اية : اي شو تشربو
........................
بالمقبرة
قاعد جمال عند قبر مايا وعم يحكي معا
جمال : مايا حبيبتي عم تسمعيني ... اليوم اجت لعندي وحدة ع الشركة بنت فقيرة كتير بتشبهك حسيتك انتي يلي قدامي وبصراحة ارتحت لوجودا وكأنك انتي معي ... معقول الله بعتلي اياها مشان تعوضني عن غيابك ... بس لا مافي شي بعوضني عنك ياعمري ويا روحي ... اشتقتلك كتير ميوشتي .. ااااه .. ولا اخوكي يلي ما تاركني بحالي وماعم يصدق انو ما انا يلي قتلتك ... لك انتي روحي حدا بيقتل روحو
صوت من وراه مرحبا جمال
وقف وكانت اما لمايا
جمال : اهلا خالتي كيفك
ام احمد : الله يرضى عليك يا ابني
جمال : الله يخليكي فوق راسنا
ام احمد : شو شايفتك هون
جمال : اي والله .. كل مابتدايق مابلاقي غير هالمكان يلي بريجني يمكن لانو بشم ريحتا او بحسا قريبة
ام احمد : حبيبي جمال انت لازم ما توقف حياتك هون انت شب وبأول عمرك روح وعيش حياتك لاتربط حالك بشي مات
جمال : بدك اياني انسى مايا
ام احمد : ما تنساها بس تجاوزا .. لازم نفرح فيك وبولادك
جمال : من وين بدو يجي الفرح وانا روحي صارت تحت التراب
ام احمد : صدقني رح تتجاوزا ..ورح تجي وحدة تخليك تنساها
جمال : مستحيل
ام احمد : لا مافي شي مستحيل .. والايام بتكشفلك .. رب العالمين سمانا انسان لأنو بننسى
جمال : مابعرف .. انا بالاذن
ام احمد : اذنك معك ... لحظة جمال
جمال : اي خالتي
ام احمد : لاتوخذو لاحمد رح يجي يوم ويعرف انك مظلوم
جمال : ان شاء الله
لبس نظاراتو ومشي
قعدت جنب قبر بنتا وصارت تبكي
...................

الصينة ومشت لعند الباب
جمال : اية
اية :: اي استاذ في شي
جمال : تعالي اقعدي مقبالي شوي
اية من دون استوعاب : مافهمت
جمال : قصدي اقعدي معي شوي خلينا نتسلى
اية : اي
قعدت قبالووابتسمت
جمال : بتعرفي انو ابتسامتك حلوة
اية : تسلم .. خجلتني
جمال : لا لاتخجلي هي الحقيقة
اية : شكرا
جمال : اية بدي اسألك انتي مرتبطة شي
اية فرحت كتير من هالسؤال : وجاوبت لا .. بس ليش عم تسأل
جمال : ولا شي سؤال عادي
اية : طيب انا اذا فيني روح على مكتبي
جمال : اوك ...
...................
بعد اسبوع
اية علاقتا متحسنة مع جمال .. وميس واحمد علاقتون عادية يعني سلام وبس
................
اية المسا سهرانة مع لمى عم يتفرجو على فيلم .. صار تلفون اية يرن
لمى : مين
اية : هاد احمد
لمى : اي ردي
اية : الو
احمد : كيفك اية
اية : الحمد لله
احمد : كيف علاقتك مع جمال
اية : منيحة كتير
احمد: كتير منيح .. من بكرا بدو يبشل شغلنا
اية : شو المطلوب
احمد : بدي تصوريلي ايميلات الشركات يلي عم تراسل شركتون
اية : ماشي
احمد : اية انتبهي اوك
اية : اوك
لمى : شو قالك
اية : بدنا نبلش شغل
لمى: وشوبدك تعملي
اية : بدي اعرف شو القصة يلي بينو وبين جمال ... بدي لاقي دليل براءة جمال
لمى : اي هيك بكون احسن
اية : بكرا انا رح اسأل جمال لانو صرت قريبة منو كتير
لمى : لك صح شو اخر التطورات
اية : عم حبو .. اي عنجد عم حبو
لمى : وهو
اية ؛ متأكدة انو بحبني بس مابعرف ايمت بدو يعترفلي .. ولاتنسي شو قلي احمد انو كان عم يدور علي
لمى : كيف تصرفو معك
اية : كتير لطيف
لمى: بس ماتكون حاببتيه لانو معو مصاري
اية : اي هاد سبب من الاسباب
لمى : شو يعني طمعانة فيه
اية : لا مو هيك وانا ماني طماعة بس اي بنت بتتمنى هيك زلمة ويلي بقلك غير هيك كذاب .. وبعدين والله مليت من حيات الفقر .. بدي شوف حياتي
لمى : بس اذا المصاري السبب الرئيسي من بين اسبابك فأن بقول تراجعي حالك
اية : لا وليه .. بكفي انو بحبني هاد السبب الرئيسي
لمى : اي منيح
................
تاني يوم الصبح حملت القهوة وفاتت لعند جمال ع المكتب
اية : صباح الخير استاذ
جمال : اهلا صباح النور
اية : عزمت حالي على فنجان قهوة شو رائيك
جمال : اكيد تفضلي
قعدت وصارو يشربو قهوة
جمال : في بتمك حكي احكي
اية : استاذ ممكن سؤال
جمال : اسألي
اية : شوفي بينك وبين احمد
جمال : انتي شو عرفك
اية : بصراحة خبرت وانتو مشهورين والاعلام بيحكي عنكن .. وخبرت انو كنتو شركا وفصلتو الشراكة
جمال : انتي حابة تعرفي
اية : اذا ما عندك مانع .
جمال : طيب ماشي رح خبرك ... هاد ياستي احمد من حوالي ٣سنين كان برحلة وكان معو بالرحلة اختي سناء .. . وكانو عاملين سباق بالرحلة .. ودخل المسابقة احمد وشخص تاني ..
وهنن على المزمار فلتت ميزانية سيارة احمد وضربت بالسور كسرتو وكمل ع المشجعين ولسوء الحظ اختي اجت قدام السيارة وماتت
اية : ييي الله يرحما
انا من قهري على اختي صرت سب وعيط عليه وقلتلو رح احرقلك قلبك متل ماحرقتلي قلبي على اختي
اية : ايي
جمال : انا كنت مقهور وقتا بس لما هديت وسألت الناس قال انو معد قدر يتحكم بالسيارة وكمان تقرير السيارة بدل انها فقدت السيطرة ... ورحت اعتذرت من احمد وقلتلو انو يلي صار حادث وقضاء وقدر
وكمان لسوء الحظ مرة تانية : ماتت اختو لاحمد كان اسما مايا .."دمعو عيونو " ماتت قتل
لاحظت اية انو اتأثر بمايا اكتر من اختو بس ما حكت
اية : كيف يعني قتل
جمال : كان محطوط بسيارتها قنبلة
اية : الله يرحما
جمال : تعيشي
اية : استاذ انت كان في علاقة بتربطك بمايا لانو حسيت انك اتأثرت فيها اكتر من اختك
جمال : انا .. لا لا .. بس عم اتذكر هداك اليوم .. كان يوم كتير فظيع .. ولما خبرزنا ورحنا نشوف الحادث كان منظر مروع .. كانت شقف
جمال : ممكن تتركيني لحالي
اية : حاضر واسفة لانو زكرتك بالماضي
طلعت اية وجمال صار يبكي .. ومسك صورتها وصار يتأملا
جمال : ميوشتي اشتقتلك ... معقول وجود اية يعوضني .. لا محدا بعوضني عنك ياروحي
...................
طلعت اية وراحت ع الحمام ودقت لاحمد
احمد : اي اية شو صار معك
اية : اذا انت بدك تنتقم من جمال لانو قتل اختك .. فهو ماقتلا
احمد : انتي شو عرفك
اية : هو حكالي
احمد : شو حكالك بالظبط
حكتلو اية كلشي
احمد : بس هيك قلك
اية : اي بس هيك
احمد : طيب شو حكالك عن مايا بالظبط
اية : ولا شي بس كيف ماتت
احمد : انتي بتعرفي انو اختي كانت مخطوبة
اية : لا بس شودخل اذا مخطوبة او لأ
احمد: قصدي جمال ماجبلك هيك سيرة
اية : لا ابدا ..
احمد : اي ماشي .. خلص اليوم لاتجيبي شي معلومات بكرا بنحكي
اية : غيرت رأيك
احمد : اكيد لأ .
اية : طيب مين كان خطيبا لاختك
احمد: شخص مابتعرفيه
اية : يعني هلأ شو
احمد : بكرا بدي الصور يكونو عندي
اية : بس والله جمال مبين انو مظلوم
احمد :شكلك متعاطفة معو
اية بثقة : اي متعاطفى معو
احمد : ما

اما .. وفكرا جمال انها مانها معون وانها مقهورة وحزينة بس بالعكس هية كان كل اهتماما بالحديث .. وكمان مانست الموقف يلي حطا فيه جمال
خلصو اجتماع وقامو كل واحد على مكتبو
وجمال واية كمان راحو
جمال : اية ما كان قصدي احرجك
اية : قصدك تجرحني
جمال : المهم انا بعتذر
اية : استاذ جمال ما لازم تعتذر .. انت بتحكي يلي بريحك
جمال بقلبو : ليش عم اعتذر .. بحياتي ما عملتا
تركها وفات ع مكتبو .. وهية تلفونا صار يرن وكان احمد
ردت
اية : اي استاذ
احمد : شو صار معك
اية : استاذ مابقدر والله مابقدر واذا بدك انا جاهزة للعقاب يلي بدك اياه بس ضميري مابيسمحلي
احمد : طيب ماشي
اية : شو يعني طيب ماشي
احمد : انو ماشي
اية : يعني مارح تعاقبني
احمد : هههه لا .. عيشي حياتك ايةانا معد اعترضلك
اية : شكرا .. شكرا .. كتير .. وايمت بدي ارجع ع الشغل
احمد : مارح ترجعي
اية : ليش
احمد : شو نسياني جمال انو مارح يتركك ..
اية: اي والله نسيت
احمد : مامشكلة .. بعرف ضغطت عليكي بس سامحيني
اية : لا لاتعتذر انا يلي لازم اعتذر
احمد : ولا يهمك يلا سلام
اية : الله معك ... لحظة استاذ
احمد : شو اية
اية : انا رح سددلك حق الارض من شغلي هون
احمد : هههه اية الله يسامحك مابدي منك شي .وسكر الخط
عمران : شوو
احمد : قال ضميرا ما طاوعا
عمران : ههههه اي وهلأ شو
احمد : مزال اية رفضت يعني عم تتقرب من جمال وهاد شي منيح كتير ويعني هلأ هو مشتت عقليا وقلبيا ...
عمران : شو الحل
احمد : رح نجيب المعلومات متل ما قلتلك وعن طريق اية بدون ما تعرف .. وبعدين رح نكشفا قدام جمال وهيك جمال بكون انجرح
عمران واحمد : ههههههههه
اندق الباب وكان ابوه لاحمد
احمد.: بابا نور المكتب يامية اهلا وسهلا
توفيق : كيفك بابا .. كيفك عمران
عمران : اهلا عمو نورت
احمد : تفضل بابا لمكاني
قعد توفيق ورا المكتب وقال : شو كيف الشغل
احمد : تمام غير شكل
توفيق : وجمال شو اخبارو
احمد : مابعرف ليش عم تسأل
توفيق : بعدك عم تحاول تدمرلو شغلو
احمد : اي بابا ..
توفيق : ليش ؟
احمد : بابا نسيت انو هو يلي قتل اختي
توفيق : جمال ما هو يلي قتل اختك وكمان لاتنسى انك انت قتلتلو اختو
احمد : مشان هيك انا ماخلصت عليه
توفيق : احمد بعد عن جمال .. جمال ماهو غريمنا
احمد : كيف يعني
توفيق : بدل محاربتك لجمال حط ايدك بأيدو ودورو ع القاتل الحقيقي
احمد : بابا انت مابتعرف شي
توفيق : احمددد
احمد : بالأذن
تركون وقام وهو عم يتوعد انو مارح يرحمو لجمال طلع لبرا .. ومسك التلفون واتصل الوو ... اسماع شو رح قلك
..........................
صار وقت البريك بشركة جمال وقامت اية وراحت تفطر معون
عمر : اية عنجد مانك سمعانة بمشفى خمس نجوم ههههههه
الكل : ههههههه
اية : ماضروري نعرف المشفيات الضروري انو ما نزورها
الكل سكت وقالو :معك حق
اخدت سندوية وكاسة شاي وقعدت علىجنب وصارت تاكل وهية صافنة ومقهورة
قرب منها عمر وقعد على طاولتا
عمر : انا اسفة انا كان قصدي انو نمزح ما قصدي اتمسخر
اية بالامبلاه : عادي مامشكلة
عمر : سامحتيني
اية : اي
عمر : شو رأيك اعزمك ع فنجان قهوة بعد الدوام
اية : لا
تركتو وراحت على مكتبا
فاتت عمكتبا لقت جمال واقف وكأنو ناطرا
جمال : وين كنتي
اية : بالبريك
جمال : اي هو انا طلبتك ومحدا رد
اية : خير في شي
جمال : لا مافي شي
قربت وقعدت ورا مكتبا وفتحت اللابتوب وصارت تشتغل فيه وتجاهلت وقوف جمال
هو تركها وفات ع مكتبو
مرق اليوم وكل واحد راح على بيتو وكل شخص كان بعالمو الخاص وشايل هموم الدنيا على راسو .. بس اية ارتاحت من ناحية انو احمد عفاها من هاي الشغلة .. بس مقهورة من تصرف جمال معا
..........................
تاني يوم التقى احمد وميس عباب الشركة .. واول ماشافا احمد حس قلبو صار بدق بسرعة ..واسرع بخطواتو لحتى وصل لعندا
احمد : صباح الخير
ميس : صباح النور
احمد : كيفك ميس
ميس : الحمد لله ..
تركتو مشت وهو ادايق انو ما عبرتو بس ماحكي وكمل ع مكتبو
....................
راحت اية ع المكتب وكانت الدنيا ضاجة وكأنو صاير مصيبة بالشركة .. مشت بين الكل كان عم يبربر ووصلت لمكتبا وسمعت صوت جمال طالع ومعو نجم
جمال : لك كيييف .. كيييف .. شووو يانجم شقد بدك لتكشفو
نجم : جمال اهدى والله ماعم نعرف مين عم يسرب هالمعلومات
جمال : خلص احمد دمرني
اية سمعت هيك حطيت ايدا على تما وشهقت
اية : ياترى شو صاير .. فوت ولا لأ
قربت بخوف دقت الباب
جمال : ميين
اية : انا .. انا استاذ
جمال : فوتي
فاتت وهو قام وقف على الشباك
اية : صباح الخير
نجم : صباح النور
اية : خير شوفي
جمال : وين حضرتك لهلأ
اية : اسفة استاذ بس عجقة الطرقات
التفت وقرب قعد على مكتبو مبين انو كتير مقهور
جمال : تركوني بحالي
نجم : حاضر استاذ
غمز اية وطلعو
اية : خير استاذ نجم شو صاير
نجم : احمد اخد صفقة الادوية من جمال
اية : كيف هيك
نجم : اكيد في حدا سربل

قابلو
جمال : اي اكيد اهلو لاحمد ما متلو هنن بيعرفو وواثقين انو انا ماقتلت مايا
اية : وشو يلي خلاهن واثقين لهل الدرجة
جمال : اااه لا مافي شي بس لانو بيعرفوني وبيعرفو تربيتي
اية : امممم ... طيب هلأ ع وين رايحين
جمال : بدنا ننزل ع السوق اشتري احلا تياب لزوجتي المستقبلية
اية : جمال لاتعاملني بهل الطريقة
جمال : اي طريقة
اية : انو تصرف علي ومن هالحركات
جمال : هههه شو انك مجنونة ... وكمان ما على كيفك وبدي تلبسي على زوقي
اية : بلله شوو
جمال : هههه والله
........................
ميس بمكتبا اجاها اتصال من رقم غريب
ميس : الو
المتصل : كيفك ياحلوة
ميس : مين معي
اامتصل : كان لازم تعرفيني من صوتي بس اكيد من كترون بتكوني نسيتيهن
ميس : مين انت احسن ما سكر الخط
المتصل : هههه حلمك علينا انسة ميس ..انا كمال
ميس : كمال شوبدك
المتصل : بدي قابلك
ميس : ماني فاضية
كمال : اصبح انا بجي وبقلو لاحمد بيك كيف عم ترسمي عليه لحتى تشلحيه مصرياتو
ميس : خلص خلص جاي .. وين
كمال : رح ابتعتلك العنوان بمسج
...............................
الضهر
اية : والله هيك كتير .. انا شوبدي اعمل بكل هدول التياب
جمال : البسي وكبي .. المهم تكوني مبسوطة
اية : شو البس وكب بتعرف في عالم بتقضي طول السنة على نفس البدل
جمال : خلصينا عملي فيهن يلي بدك اياه .. المهم انتي تكوني مبسوطة
اية : بصراحة
جمال : اي
اية : انا هالتياب ماعجبوني
جمال : ليش
اية : انا ما هاد ستايلي وكمان كتير غالين
جمال : لا حبيبتي حلوين كتير وكمان هاي الموضة دارجة هلأ
اية عن غير قناعة : طيب ماشي متل مابدك
قرصها من خدا وقال دخيلو المطيع
جمال : هلأ بدنا نتغدى
هزت براسا وما حكت وكأنو كلشي عم يصير غصب عنها
راحو ع المطعم
وفاتو قعدو
اجا الكرسون وعطاهن المينو
اجت اية بدا تطلب بيتزا
حكي جمال قبلا : لو سمحت ٢ لازانية ومقبلات وسلطة وعصير فريش
الكرسون تكرمو . وراح
اية: بس انا مابحب الازانية
جمال : حبيبتي مشان البريستيج
اية : ايو برسيتيج
جمال : انتي رح تصيري مرتو لجمال ولازم تتقيدي فيه
اية : بس انا مابحب حدا يفرض علي شي
جمال : مو فرض .. بس انتي بكرا لما بتتعودي على هي الشغلات بتحبيها
اية : اوك ماشي
اجا الاكل واية صارت تاكل براس الشوكة او عم تتظاهر انها عم تاكل مشان جمال .... التفتت ع مكان وشافت ميس وبسرعة اتذكرتا لما كانت مع احمد واتذكرت لما شافتا اول مرة ...
اية بقلبا : مين هي .. حسب ما فهمت من طريقة حكيا هديك المرة مع الشب انها بنت ملعبة .. وهلأ مع شب جديد .. وكمان كانت مع احمد ... انا لازم حزر لحمد منها
اتطلعت وشافت الشب عم يعطي ميس ظرف وكأنو فيه مصاري
جمال : حبيبتي وين عم تتطلعي
اية : اااه لا ولاشي
........................
كمال : ميس خدي هاد مبلغ خمس الاف دولار
ميس : ليش
كمال : ميس انا حبيتك .. انتي علقتيني فيكي بطريقة رهيبة وماني متندم نهائيا على كل ليرة صرفتا عليكي
ميس : مافهمت شو المطلوب
كمال : ميس تقبلي تتزوجيني
ميس : لا وانا اسفة ع الشي يلي عملتو معك بس انا خلص قررت افتح صفحة جديدة بحياتي وحتى المصاري يلي صرفتا علي جبتلك اياهن مشان نصفي الحساب يلي بيناتنا
طعلت من الشنتة كمان ظرف وحطتو ع الطاولة
ميس : هاد كلشي معي كنت مخبيتون .. لانو قررت معد مد ايد عليهن وصرت اشتغل شغل شريف واكسب مصاري من عرق جبيني واكل لقمتي بالحلال
كمال : وانا
ميس : انا اسفة بس بقلبي مافي مشاعر اتجاه حدا
كمال : هلأ فهمت انتي خطتك اكبر من هيك .. شكلك عم تحومي حولين احمد
ميس : لا انت غلطان .. احمد احسن انسان شفتو بحياتي ومستحيل ائذيه
كمال : حبيتيه
ميس : مادخلك
كمال : طيب ماشي .. انا رح اتركك تعيشي حياتك .. بس بوعدك اذا شفتك مع شب تاني مرة رح اقسملك انو مارح ارحمك ورح اخطفك واحبسك عندي طول العمر
ميس : ماشي
اخد مصرياتو وقال هدوك مابيلزومني خليليك اياهن
.................. .....
المسا احمد وقف سيارة بموقف الفيلا ونزل دقتلو اية
احمد : اهلا اية
اية : استاذ انا بكرا فاضية اذا بدك بنتقابل
احمد : ماشي
وسكر
فات ع الفيلا لقى ابوه وامو وجمال
احمد انصدم لما شاف جمال
احمد بصوت عالي : انت شو عم تعمل عنا .. اااه ياكلب
توفيق : احمد احترم حالك
احمد : بابا كيف بدك اياني احترم حالي وهاد القاتل عنا بالبيت
توفيق : احمد اهدى وكن .. انا يلي بعتت لجمال يجي لعنا
احمد : شوووو
توفيق : اي انا طلبت منو يجي ...مشان نعتزر منو ع المصايب يلي عم تسببلو اياها حضرتك
احمد : لانو كلب وبيستاهل
جمال : عمي انا ماني جاي انهان عندك بالبيت
توفيق : اسف جمال .. بترجاك اقعد خلينا تنفاهم
جمال : طيب ماشي
فردوس : ماما احمد وتعال اسماع ابوك شوبدو يحكي
احمد : ماما بابا
توفيق : ولا كلمة وتعال اقعد هون
قرب احمد وقعد وهو مقهور وعم يزور جمال
توفيق : ابني جمال .. نحنا بنعرف وواثقين مية بالمية انو ما انت يلي قت

لت مايا .. وانا بالنايبة عن احمد بدي اعتزر منك
احمد : بس انا مابدي اعتزر من حدا
توفيق : انت بتخرس ... جمال ابني بعرف احمد سببلك كتير خسارة هية الفترة .. وهاد شيك كتعويض عن كل الخسائر
احمد قاعد وعم يهز برجلو
جمال : عمي انا اكيد رح ارفض وما بدي ولا ليرة بس الشي يلي بدي اياه انو احمد يقتنع انو ما انا يلي قتلت مايا وبس
توفيق : المشكلة متيس راسو ومابدو يقتنع
احمد : ولا رح اقتنع
توفيق : احمد بدي منك توعدني هلأ انو مارح تقرب على جمال مرة تاني
احمد : بابا انا اصلا معد قرب عليه ولا على شغلو
توفيق : وعدني
احمد : بوعدك وغيرو
توفيق : قوم صافح رفيقك
احمد ،: لا هيك كتير
تركون وطلع
توفيق : احمد ... احمد .. احمد وقف عندك
جمال : خلص عمو تركو على راحتو بس الا مايجي يوم وتنكشف الحقيقة ويبين القاتل الحقيقي
توفيق : من انت وصغير بحبك ومعجب فيك وبعقلك وبركازتك
جمال : شكرا عمو هاد من لطفك .. انا صار لازم روح
........................
لمى : هلأ رحتي تنهي العلاقة ولا رحتي حبيتيه
اية : ماعطاني مجال
لمى : المهم ع حسب حكيك مانو كذاب او بدو يتسلى
اية : اي صح
لمى : وشو حاسة هلأ
اية : من ناحية كتير كتير مبسوطة وحاسة حالي اسعد انسانة بالدنيا ومن ناحية تانية مقهورة منو
لمى : ليش
اية : تخيلي جبلي كل تياب على زوقو وطعماني على زوقو ولما قلتلو انا مابحب هيك قال بكرا بتتعودي
لمى : بس والله حلوين التياب
اية : بس انا ما هاد ستيالي
لمى : لكن ياعمي بدك تصيري كلاس وتيابك كلا كلاس مين قدك يعني بتتعودي
اية : هيك قولتك
لمى : اي هيك ولا تنكدي على حالك انبسطي يا بنت
اية بأبتسمة رضا : طييب ...
..........................
تاني يوم
بكافيه قاعدة اية واحمد
احمد : اي اية ليش طلبتي تشوفيني
اية : شو نسيت انو انت يلي طلبت مني
احمد : ااااه صح .. كنت بدي اسألك عنك وعن حالك واذا عايزة شي
اية : انا بألف خير داعيتلك بالخير
احمد : واخبارك انتي وجمال كيفا
اية : جمال طلب ايدي للزواج
احمد : وانتي وافقتي
اية : وليش لحتى ماوافق
احمد : ايه الله يهنيكن
اية : تسلم
احمد : شو تشربي
اية : ولا شي .. بس بصراحة انا كمان بدي قالبك
احمد : ليش شوفي
اية : بدي اسألك الصبية يلي شفتا معك هداك الاسبوع بالمطعم مين هي
احمد : وانتي شو دخلك .
اية : قلي مين هاي وبقلك شو دخلني
احمد : هي حبيبتي
اية : اممم .. وانت شو بتعرف عن هي البنت
احمد : مافهمت انتي ع وين بدك توصلي
اية : بصراحة انا صار معي مرة موقف وبدي احكيلك عليه
احمد : شو هو
اية :مرة كنا انا ورفيقتي بكافيه وكانت ميس قاعدة على الطاولة يلي وراي وانا سمعتا كانت عم تحكي مع شب وتقول سماع انا كل يوم مع شب وبضل مع الشب يلي بيعجبني ويلي معو مصاري اكتر
احمد مصدوم : انتي متاكدة لتكوني مخربطة
اية : اي متأكدة وكمان ميس حلوة كتير ويلي بشوفا مرة مستحيل يخربط فيها .. وكمان مبارح كنت مع جمال عم نتغدا شفتا قاعدة مع شب وكأنو عرض عليها مصاري انا ماسمعت شي لانو كانو بعاد
احمد : رح اوصفلك شب وانتي قوليلي اذا كان واحد من هدول يلي شفتيهن معا
اية : اي
احمد : اشقر طويل عيونو خضر
اية : لا لا ولا واحد كان اشقر واحد كان اسمر والتاني كان حنطي... انت كيف تعرفت عليها
احمد اتذكر كيف رمت حالا قدام السيارة ..يعني كانت مقصودة
قام احمد حط حساب الطاولة ومشي بدون ولا كلمة
رن تلفون اية : الو
جمال :كيفك حبيبتي
اية : مشتاقتلك
جمال : جهزي حالك جاي اخدك
اية : ع وين
جمال : اليوم عنا حفلة المسا وبدي اخدك معي
اية : حفلة ؟ حفلة شو
جمال : حفلة بتخص الشغل يلا انا ساعة وبكون عنكن بالحارة مشان وصلك ع الكوافير واشتريلك فستان
اية : كوافير وفستان ليش هدول .. شعري بعملو بالبيت وفستان بلبس من يلي شتريتون مبارح
جمال : انتي ليش بتحكي كتير .. البسي جاي اخدك وسكر
اية : ياربي هاد شوعم يصير معو
.........................
عباب شركة احمد
احمد واقف بسيارتو .. اتصل بميس
احمد : الو وينك ... انا عباب الشركة طلعي فورا .. اي يلا ناطرك
اجت ميس قرب من الازاز وانحت وحكتو : اي حبيبي شوفي
احمد : اركبي
ميس : ع وين .. وكمان في شغل
احمد : يلعن ابو الشغل اركبي
ميس : شبك انت معصب
احمد : عم قلك اركبيي
فتحت الباب وركبت وهو ساق بسرعة كبيرة كتير
ميس : احمد شوفي شو صاير ... هدي السرعة شوي
مارد وضل يسوق وهية تحاول تحكيه وهو ما يرد .. لحتى وصلو لقدام بناي
ميس : وين نحنا
نزل مارد عليها وفتحلا الباب وسحبا من ايدا وطالعا ع شقة
ميس : لك ع وين جابيني وليش هيك ماسكني
احمد : اطمني ما رح اغتصبك
فتح الباب ورماها بأرض الشقة وسكر الباب
ميس : احمد شو عم يصير معك ليش هيك رمينتي
نزل احمد لعندا ومسكا من شعرا وقال : بدك تضحكي علي .. بدك تضحكي على احمد
ميس فهمت انو احمد عرف حقيقتها وماحكت
احمد : شو ماتحكي .. يا انسة ميس .. طبعا لقيتيني شب غني بتستغليني وبالاخير بتتركيني

روحي من وجهي لاتفرجيني وجهك ..قووومي
قامت وصارت تركض وهية عم تبكي
اية : ياربي انا شو عملت .. والله ماعملت شي ... ياربي لاتضرا .. يارب
راحت على بيتا وهية متوترة
.....................
جمال قاعدة بكافيه مع شهد
شهد : شو جمالو قلي ليش بعتلي بدك تقابلني
جمال : مدايق كتير وحاسس حالي رح اختنق
شهد : اية السبب ما هيك
جمال : اي اية طلعت مظلومة وفاتت مجبرة ع الشركة لانو الها دين ع احمد .. وهية ما سربت المعلومات .. احمد يمكن كان بدو اياها تنكشف مشان تبين بنظري خاينة وينكسر قلبي .. وعنجد احمد كسرلي قلبي
شهد: انت حبيتا ؟؟
جمال : اي اكتشتفت انو مابس بحبا .. انو بموت عليها .. والحكي يل كنت قلا اياه والله ما كان كذب ..بس انا غبي .. انا غبي اتسرعت ورحت كشفت كلشي .. كان لازم اسمعا بالاول واكتشف الحقيقة قبل ما افضح كلشي
شهد : طيب روح اعترفلا
جمال : مارح تصدقني .. لانو انا قلتلا انو انا ما حبيتك ولا بعمري حبيتك وانو انا كنت حب شبها لمايا
شهد : الله يصلحك
جمال : بعترف وببصم بالعشرة انو احمد دمرني ..
شهد : خلص لاتحكي هيك .. انت قوي ورح ترجع توقف ع رجليك مرة تانية
جمال : تعبت تعبت
رن تلفون شهد : هلا عمو ... كيفك ...شووو خالة فردوس بالمشفى .. يلا جاي جاي
جمال : شوفي
شهد : الخالة فردوس مدري شو صابا واخدوها ع المشفى هاد عمو توفيق حكاني .. تروح ؟؟
جمال : اكيد رح روح .. بس رح يكون عندي مشكلة مع احمد
شهد : خلص انساه
.........................
بالمشفى
طلع الدكتور وقال .. صابتا جلطة بس لاتخافو اجت خفيفة وهلأ هية فايقة فيكن تشوفها .. بس شو ما طلبت حاولو تنفذوه
فات احمد وتوفيق ع الغرفة
قرب احمد وقعد حدا ومسك ايدا وصار يبوسا
احمد : سلامة قلبك يا ماما ..
توفيق : سلامتك حبيبتي
فردوس : ماما احمد وين مايا
احمد : ماما هي مانا مايا هية وحدة بتشبها مو اكتر ..واسما اية
فردوس : بدي شوفا
توفيق : مين هي احمد
احمد : وحدة كانت تشتغل عندي بالشركة .. اجت ع بيت مشان تعطيني شي وامي شافتا وانفعلت
توفيق : بتشبها كتير يعني
احمد : نسخة تاني من مايا
فردوس: احمد الله يرضى عليك جبيا
احمد : من عيوني بس انتي اهدي
فات جمال وشهد احمد شاف جمال بس ما حكي وسلم ع شهد
قربت شهد من فردوس وسلمت عليها وبوستا
شهد : ما عقلبك شر خالة
فردوس : تسلمي ياحبيبتي
جمال : سلامتك طنط
فرودس : الله يسلمك يا حبيبي
شهد : شو صار معا ؟؟
احمد : شافت اية وفكرتا مايا
جمال لما سمع اسم اية صار قلبو يدق بسرعة
شهد : اية ماغيرا
احمد : اي اية
شهد : وين شافتا
احمد : اجت اية لعنا ع البيت
جمال حكي بسرعة : شو اجت تسوي عنكن
احمد : انت ما دخلك ..
شهد : احمد ما وقت عداوتك هلأ
فردوس : احمد ماما الله يرضا عليك روح
احمد : حاضر ماما ربع ساعة وبتكون عندك هون
شهد : لاية
احمد : اي ..بدا تشوفا
طلع احمد ليجيب اية
...................
اية عم تبكي : انا ليش هيك حظي .. من وين طلعتلي مايا ...ياربي .. ان شاء الله موت لارتاح
تلفونا صار يرن وكان احمد
ردت بسرعة : الو .. كيفا امك
احمد : جهزي حالك وطلعي ع راس الحارة .. امي بالمشفى بدا تشوفك
اية : طيب ماشي
طلعت ولقتو براس الحارة وركبت
احمد : كل يلي صار بسببك .. والله لو امي صرلا شي كنت لموتك
اية : كلشي صار بسببك انت انت يلي وصلتني لهون ... ولو ماعملت معي هيك ماكنت رحت لعنكن ع البيت وبعدين انا شو دخلني اذا الله خالقني بشبه اختك
احمد : خلص سكري ع السيرة .. ولاتفتحي تمك بولا حرف
اية : يعني مفكرني قاتلة حالي لاحكي معك ... وبدي منك بعد ما تشوفني امك تتركني بحالي لانو بكفي يلي صرلي من ورا راسكن
احمد : ماشي
وصلو ع المشفى
احمد ماشي واية ماشية وراه
فاتت ع الغرفة والكل صار يتطلع عليها .. واول شخص اجت عينا على عينو هو جمال .. حست شعلة نار صارت بقلبا بس تجاهلتو
واتطلعت ع فردوس لقتا نايمة
توفيق عم يتطلع عليها متل مانو مصدق .. بس ما حكي
احمد : ايمت نامت
توفيق : من شوي
اية : لكن انا مهمتي خلصت ... بالاذن
احمد : وقفي عندك ... مافي تروحي لحتى تفيق وتشوفك
اية : انا برا
طلعت وطبشت الباب وقعدت بالكوريدور
شهد نكعت جمال انو يطلع لعندا
طلع جمال وقعد حدا ع المقعد .
هية تجاهلتو واعتبرتو مو موجود
جمال : اية اسف انا ظلمتك عرفت كل الحقيقة
اية طلعت تلفونا وحطت سماعات بأدنا وتجاهلتو
هية عملت حالا مانا سمعانة بوجود السماعات بأدانا
وهو قام
سحبت السماعات من ادانا وصارت تبكي
اية : بكرهك ... بكرهك .
قامت فاتت ع الحمام وغسلت وجها وطلعت
لقت احمد ناطرا وقلا :الماما فاقت
مشت معو وقالت بقلبا : تضرب انت والماما ..ياربي دخيلك
فاتت ما كان في حدا
فردوس : تعالي لجنبي
قربت اية وقعدت جنبا
اية : سلامتك .. واسفة ع الشي يلي صار
فردوس : الله يسلمك حبيبتي .. اسمك اية ماهيك
اية هزت براسا
فردوس :حتى اسمك قريب من اسم بنتي
اية : الله يرحما
فردوس : لو ماني

متأكدة انو مايا خلقت لحالا كنت قلت انو انتي بنتي واختا التوأم
اية : بيخلق من الشبه اربعين
فردوس : اي والله
ضلت اية جنبا وتحكي معا لحتى اجا للدكتور وعطاها الدوا ونامت
طلعت اية من الغرفة كان احمد وابوه واقفين
اية : نامت انا صار لازم روح ع البيت
احمد : لحظة رح وصلك
اية : بترجاك لهون بكفي .. وطلاع من حياتي نهائيا
تركتو ومشت وهو لحقا
احمد : ايه .. اية ..
وقفت والتفتت عليه
احمد : بعرف قد ما اعتذرت مارح تسامحيني بس بدي اطلب منك طلب لا تطلعي من البيت .. هاد بيتكن
اية : مابدي اي شي منك
احمد : خلص متل مابدك عملي يلي بريحيك
مشت خطوتين رجع وقفا
احمد : شو رأيك تضلو قاعدين فيه بالاجار
اية : مافهمت
احمد : اكيد بدك تطلع وتدوري ع بيت واكيد مارح تلاقي متل بيتكن بأجار مناسب .. قعدي فيه بالاجار وهيك بتكوني ضليت ببيتك ولا منية حدا
اية : بفكر وبردلك خبر ... بس اشقد بدك اجارو
احمد : ولا يهمك ما كتير
اية : طيب
تركتو ومشت .. طلعت ع باب المشفى كان واقف جمال .. هية تجاهلتو وقربت توقف تاكسي
هو لحقا ووقفا
جمال : اية ..لحظة
اية تجاهلتو ومشت. . ركبت بتاكسي كانت واقفة ع باب المشفى وقالتلو يمشي
وصارت تحكي حالا : شوو بدك .. شوبدك .. ليش لسه لاحقني .. مابكفي يلي عملتوه فيني تركوني بحالي
راح جمال ركب بالسيارة وكانت شهد ناطرتو
جمال : تجاهلتني
شهد.: شي طبيعي .. لانو يلي سمعتو منك كتير قاسي واي وحدة مارح تسامحك طول عمرا
جمال : خلص انا استسلمت .. اية مستحيل تسمعني او تسامحني
شهد : لا ولوو لاتفكر هيك .. الا مايجي يوم وتسامحك
جمال : صعب .. صعب .. مشان هيك انا خلص رح اتركا تعيش حياتا ومعد قرب منها ... بس لازم اعمل شي مشانا
شهد متل شو
جمال : رح افتحلا حساب بالبنك مشان ماتكون بحاجة شغل وترجع تكمل دراستا
شهد : مابعرف ... يلي بريحك عملو
جمال : يمكن هيك بريح ضميري شوي تجاها
شهد : وقلبك
جمال : هه قلبي شكلو رح يضل طول عمرو عم يعاني
شهد زعلت ع جمال كتير وماحكت
............................
وصل جمال شهد ع بيتا .. وراح ع قبر مايا
جمال : اااه يا مايا ... تعبت تعبت كتير ... ليش مكتوب علي العذاب طول عمري .. البنتين يلي حبيتون بحياتي الله عم يبعدني عنون .. ليش .. معقول انا عامل شي ذنب وعم اتحاسب عليه ... بحبا .. والله بحبا ... حبيتا بكلشي فيها .. والشكل معد يهمني ... انا حبيتا من جوا حبيت روحا وعفويتا وبرائتها ... بس خلص كلشي انتهى ..
............................
بعد يومين
ميس : والله حبيتك كتير ياجميلة
جميلة ؛ قلتلك انو انا بنحب ..
ميس : يلا خلصي بسرعة ليكي البنات بلشو يسبقونا
جميلة : هههه ما عش يلي بيسبقنا .. هلأ شوفي
ميس : لك ياريت تشتغلي قد ما بتحكي
جميلة : صحي
ميس : شبك
جميلة : اليوم في عرس بالضيعة شو رأيك تحضري
ميس : عرس مين
جميلة : ابن صاحب هي الارض والارضي يلي عم نشتغل فيها
ميس : عنجد ... والشب شو بيشتغل
جميلة : ما بشتغل شي مزال عندن املاك ورزق كتير .. بس دراس برا يمكن بأمريكيا يعني فهمان مثقف
ميس : ومين العروس
جميلة : بنت عمو
ميس : اف مثقف واخد بنت عمو .. بعرف يلي بيطلعو لبرا بكونو متحررين
جميلة : مابعرف .. بكون بحبا .. او ابوه جابرو
ميس : لا ياستي هاد ماهيك عم يفكر
جميلة : لكن كيف
ميس : هاد بكون مخبص لهلكان برا وعرف انو البنات كلون متل بعضون او فلتانين ومعد عندو ثقة بحدا .. وبكون قال انو بنت عمو بيعرفا ومنيحة تكون ام ولادو يعني الشغلة ماشغلة حب
جميلة : اممم .. والله مابعرف انتي بنت مدينة وبتعرفي اكتر ... المهم تجي ع العرس
ميس : لا شو جايبني محدا عزمني
جميلة : هههه لك ليش مين بيعرفك ليعزمك ... بتروحي معي
ميس : لا دخيلك مابدي .. واصلا عم نام من السبعة
جميلة : بكرا مافي شغل .. وبتتسلي وبتشوفي عراسانا .. والله حلوة كتير
ميس : اقنعتيني .. خلص مري علي المسا
.............................
اية عم تلبس .. وجنبا لمى
لمى : شو قررتي
اية : خلص رح ادفعلو اجار فكرت فيها منيح .. عشان اهلي لانو رح يزعلو كتير .. عاشو كل عمرون بهل البيت
لمى : اي والله .. معك حق
صار تلفونا يرن
لمى : مين
اية : احمد
اية : الو اهلين استاذ احمد انا رح ابقا بالبيت ورح جبلك الاجار اليوم بس قلي شقد بدك
احمد :لحظة .. لحظة .. انا ماني داقق مشان هيك .. انا عم دق بدي شوفك ضروري
اية : اسفة .. وصعب .
احمد : اي مو على كيفك
اية : لك مشان الله اطلعو من حياتي
احمد : للأسف مابنقدر ههه
اية : طيب شوبدك .. احكي ع التلفون
احمد : ماشي .. امي بدا اياكي تضلي جنبا .. لانو بعدا تعبانة
اية : شو يعني ضل جنبا
احمد : يعني بدي منك تصيري تجي لعنا ع البيت كل يوم ساعة زمان تقعدي معا وبعدين بتروحي على بيتك
اية : لا والف لأ
احمد : بس انا ماني عم اخد اذنك .. وبتعرفي شو ممكن اعمل
اية : شو بدك تعمل .. ماضل الك عندي شي تهددني فيه
احمد : ماضروري يكون في شي ...
اي

ة : اوووف ياربي .. طيب لايمت بدي اقعد معا
احمد : انتي اختاري المدة
اية : شهرر وبس .. وبعد بدي منك وعدك تتركني بحالي لانو انا معد بدي قرب لامنك ولامن عليتك ولا شي بخصك
احمد : طيب ماشي
اية : بتوعدني
احمد : وعد
اية : طيب انا جاي امك وينا
احمد : خرجناها من المشفى وهية هلأ بالبيت
اية : اوك ..لكن رح جبلك اجار البيت معي
احمد : مافي داعي اعتبري هاد الشهر بدال يلي بدك تقعديهن مع امي .
اية : اوكي
لمى : شو بدو
اية : اووووف
......................
لبست وطلعت لمحت سيارة جمال واقفة بعيد بس عملت حالا ماشافتا
اية : هاد شو عم يعمل هون ... معقول جاي عشاني .. ههههه من كل عقلك يا اية .. بكون جاي يشوف شبيهة حبيبتو ما اكتر .. اااه صح انا لازم عير لون شعري .. الله لايسامحو راح عملني متلا بالظبط اااه .. الله لايسامحكن شو كسرتولي قلبي
وقفت السرفيس وركبت فيه
وجمال بسيارتو عم يحكي حالو : هي اخرتك يا جمال .. هي اخرتك تجي تنطرا مشان تلمحا من بعيد ... بس بستاهل من الاول ماعرفت اكسبا .. بغروري استخدمتا شبيها مو حبيبة ... وهلأ الله عم يعاقبني بحبا ..
.............
وصلت اية ع بيت احمد وفاتت بالصالون كان قاعد توفيق وابوه عبد الرزاق .. واحمد
اول ماشافا عبد الرزاق وقف بسرعة وقال : ماايا
احمد : لا جدو هي اية
عبد الرزاق : اية ؟؟ مين اية
احمد : كانت تشتغل عندي بالشركة وجبتا مشان تضل جنب ماما هالفترة
اية : هه شي حلو كل ماحدا بشوفني بتجيه الجمدة
رجع قعد عبد الرزاق وايدو ع العكاز وصار يتطلع على اية من فوق لتحت .. بس اية ما ارتاحت لهل النظرات
تجاهلتو وقالت : وينا المدام فردوس
توفيق : تعالي بنتي .. فردوس نايمة حتى تفيق بتطلعي لعندا
قربت وقعدت معون
طلبولا قهوة
عبد الرزاق .. بعد تمعن طويل لاية وقف وراح ع غرفتو
احمد : شكلك خفتي من جدي
اية : اي نظراتو بتخوف
احمد : لا تخافي .. هو هيك بس قلبو طيب كتير
اية : اي
احمد : بابا انا رايح ع الشركة اليوم اتأخرت كتير
توفيق : وانا كمان رايح ع شغلي .. بنتي اعتبري البيت بيتك ولاتخجلي
هزت براسا وهم راحو
وهية قاعدة مكانا رفعت راسا وصارت تتأمل البيت .. شافت صور معلقين بالصدر .. قامت وقربت لتشوفن
صارت تتأمل مايا .. وحست انو هية يلي بالصورة .. وصارت تتأمل صورة صورة لوصلت لصورة مايا وجمال عم يلبسو المحابس لبعض .. حست نار وشعلت جواتا .. اتطلعت على الفرح يلي بعيونن وخصوصا جمال وصورة تاني عم يطعمو بعضون كيك .. وصورة راكبين على خيول .. وصور كتير بتجمعون مع بعض وكل وحدة شكل وكانو كتير حلوين .. وهية انقهرت كتير ومعد استحملت تضل واقفة اكتر من هيك .. التفتت لحتى ترجع ع مكانا لقت بوجها فردوس .. نقزت ورجعت خطوة لورا
اية : خالة انتي ليش قمتي من تختك تعالي لوصلك
فردوس : كنتي عم تتفرجي ع مايا
اية : اي
فردوس : شافة شقد بتشبهك
اية : كتيير .. الله يرحما
فردوس :حبيبتي ممكن ضمك .. لانو من اول ماشفتك وانا متمناي ضمك على صدري
ابتسمت اية وقربت منها وضمو بعض .. فردوس ضمتا بقوة وصارت تبكي .. اية حست بحنان فردوس شقد كبير .. بعدو عن بعض واية ساعدتا مشان تقعد ع الكنبة
اية : شكلو خطيبا كان يحبا كتير
فردوس : ياقلبي عليك ياجمال .. كان يحبا لحد الجنون .. ولحد الآن لما بروح ع قبرا بلاقيه قاعد وعم يبكي .. وحتى عطول بقلو ارتبط اتزوج .. بقلي مستحيل اتزوج غير مايا
اية كانت كتير مقهوة حتى الدمعة حابستها غصب
اية : طيب شو قصة قتل مايا
فردوس : في حدا حط قنبلة بسيارة مايا وماتت واحمد ابني مصر انو جمال هو يلي قتلا
اية : اي سمعت بهي القصة .. احمد حكالي اياها .. طيب بركي عنجد جمال هو يلي قتلا
فردوس : مستحيل .. انتي هلأ بتكوني بتحبي شخص وعمل معك مثلا موقف حقير بتقتليه
صفنت اية وقالت : لا وبقلبا .. مع كلشي يلي عملو معي جمال مستحيل ائذيه او ضرو
اية كانت مدايقة كتير من الحديث وغيرتو وقالت : خالة شو قصة جدو لاحمد حسيتو ماحبني او هيك شي
فردوس : تحبو حية بسبع روس .. ليش هو يلي بينحب
اية : ليش شوفي
فردوس : بكرهو من يوم يلي فتت عليه على هالبيت .. ولما خلفت مايا جن وكان عطول يضربا ومايخيلها تقرب منو ولا مرة حسسا انو بحبا
اية : ليش هيك
فردوس : لانو متخلف قال مابحب البنات .. حتى كان يقول هو انو ماعندو بنت تورثو .. وكان مابدو يكتبلا بالوصية شي بس ياقلبي عليها ماتت قبل ما نفرح فيها اصلا هية ماكان بدا شي غير انو يكون رضيان عليها
اية : طيب انتو ما عرفتو مين الو مصلحة يقتلا لمايا يعني الا مايكون في حدا .. او مثلا الكن اعداء
فردوس : لاا نحنا ماعنا اعداء نهائيا
اجت الخادمة ضيفتو شاي ومعمول وغيرو السيرة
..........................
المسا
ميس : جميلة حلو هاد الفستان
جميلة : بيفلج .. بس لا لاتلبسيه
ميس : ليش
جميلة : نحنا هون غير عنكن .. اولا رح تجنني بنات الضيعة والشباب كمان رح يجنو عليكي
ميس : لكن شو البس
جميلة : المشكلة انو انتي الحلوة وشو

و وفرحان بتظهر حورية بتخربو حياتو .. مع انو صرلو اسبوع متزوج ولازم يكون بالعسل بس انا كنت بجحيم بعد ماشفتك .. شو عملتي فيني
ميس : ماعملت شي
اياد : ريحة عطرك لهلأ عالقة على ايدي وكل مابقربها من انفي وبشمها ببتسم وقلبي بطير من الفرح .. مابعرف ليلتا شوكنتي ناوية تعملي .. يمكن سوسن دايقتك وحاولتي تقهريها بس بتعرفي شو عملتي شعلتي النار بقلبي
ميس : انا اسفة طيش بنات .. وبالنسبة الك انا ماعندي الك حل
اياد : بلى عندك
ميس : شو هو
اياد : بدي اياكي بدي اتزوجك
ميس : شووووو .. انت جنيت .
اياد: اي جنيت فيكي
ميس : لا انت خالص ع الاخير .. بعد عن طريقي خليني كمل شغل كل العمال سبقوني
اياد سحب الكيس من ايدا ورماه ع الارض
اياد : عاجبك شغلك هيك .. رح اعملك ست النسا .. وافرشلك الارض ورود وانتي بدك تلحقي لم بطاطا
ميس : اي ليش في احلا من البطاطا
اياد : اسمعيني انا حبيتك .. اي حبيتك .. بحبببببك
طبعا العمال عم يتظاهرو بالشغل بس عم يراقبو اياد وميس
ميس : اي علي صوتك اكتر وخلي الكل يسمعو
اياد : اي بعلي .. بحببببك ... ياعالم انا بحبا لهل البنت
ميس : انت بدك تفضحني لك روح من هون
اياد : بدي ايااااكي
ميس : ماااني الك
اياد : لك لمين
ميس : للشخص يلي بحبو
اياد : والشخص يلي بتحبيه هو يلي عم يشغلك هالشغل
ميس : هاد الشي مابخصك .. وانت هلأ روح التهي بعروستك
اياد : عروستي هه
ميس : ليش مانها عروستك
اياد : ولا رح تكون ... انا بدي اياكي انتي عروستي
حاج تخبيص قطعتو ومشت .. هو مسكا من دراعا ووقفا .. وهية نترت ايدا منو
ميس : قلتلك روح من هون
اياد : لاتنسي مين انا ومين انتي وما انتي يلي بحقلك تقوليلي روح من هون
ميس : يعني انت بدك تقلي روح من هون اي ماشي وانا موافقة .. نفضت تيابا ومشت
ابتسم اياد وقال :هه مابكون اسمي اياد اذا مابنزلك على خانتي وانا اياد
وراح لعند الشاويش وطلب منو انو يكتر الشغل على ميس ومايخليها تهدا
..........................
بمكتب جمال قاعد ومهموم وناطر من اية خبر او رسالة. . فاتت لعندو شهد
شهد : هاااي
جمال : هاااياتو
شهد : شبو جمول
جمال: ولا شي كيفك
شهد : لك يا ابني ماقلتلك روح اعترفلا
جمال : بعتلا رسالة وناطر ردا
شهد : وبركي ماردت
جمال : لا رح ترد انا متأكد
شهد : واذا ماردت وخلتك عايش على اعصابك
جمال : معقول
شهد : مابعرف .. بس بتعرف اذا ماردت فبتعتبر انووهالبنت مو قليلة لانو الواحد اكره الشي انو شخص يتجاهلو ومايعبرو
جمال : طيب شو اعمل
شهد : مابحلا غير ستاتها
جمال : طيب ياستاتها شو رح تعملي
شهد :انت مابدك اية ترجعلك
جمال : اي
شهد : خلص علي بس ان شاء الله ماتكون عنيدة
.........................
اية ببيت احمد قاعدة هية وفردوس بالمطبخ وفرودوس كانت عم تأشرف على الطبخ
فردوس : حبيبتي طلعي تمشي شوي بالجنينة لبين ماخلص
اية : ماشي
طلعت وصار تتفتل بالحديقة ووقفت جنب الوردات وصارت تمرر ايدا على الوردات .. طلع صوت من وراها نقذا وهو صوت الجد عبد الرزاق
عبد الرزاق :كيفك يابتني
اية التفت وهية مرعوبة لانو نقزا .. اخدت نفس وقالت : الحمد لله .. كيفك انت جدو
عبد الرزاق : مبسوط بهل الوجه الحلو
اية : شكرا .. هاد من لطفك
عبد الرزاق : بنتي انتي من وين
اية : من هون .. كيف من وين
عبد الرزاق : هههه .. سؤال سخيف ماهيك
اية : هههه لا عادي
عبد الرزاق : قوليلي انتو كم واحد بالعيلة
اية : انا البنت الكبيرة وعندي ٣اخوات اصغر مني صبين وبنت وماما وبابا
عبد الرزاق : الله يخليكن لبعض
اية : شكرا عمو .. ويخليك لعيلتك
عبد الرزاق : شو اسمو ابوكي
اية : اسمو كمال
عبد الرزاق بصدمة : كمال شو
اية : كمال البحري
عبد الرزاق :......
اية ؛ جدو بتعرفو لبابا
عبد الرزاق : لا بس فكرتو شخص بعرفو
اية : اي
عبد الرزاق : وامك شو اسما
اية : ميسون
فردوس من الفيلا : اية تعالي شوي
اية : بالأذن
عبد الرزاق : كمال وميسوون .. يعني شكي طلع محلو ... بس انابفرجيكن عم تضحكو علي ومخبين البنت طول هالسنين
.......................
احمد بمكتبو .. فات عليه عمران
عمران : احمد بتتذكر رشدي
احمد : اي شبو
عمران : طالب شحنة بطاطا كبيرة
احمد : بطاطا شوو
عمران : بطاطا بطاطة اكل
احمد : قصدك شيبس ولا بطاطا
عمران :بطاطا
احمد : اي يعني شغلة صعبة ما سواق الهال مليان بطاطا دبرلو الكمية يلي بدو اياها وابعتلو اياها
عمران : هو بدو اياهم من نفس الارض
احمد : ليش ما البطاطا كلا من نفس الارض
عمران : لك لا .. في بطاطا بتجي ترابتا حمرا وفي منها ترابتا سودة ومنها بنية غامق وبني فاتح
احمد : اممم .. بس انا مافهمت شو نوع البطاطا يلي بدو اياها يعني شو لون الترابة
عمران : بدو اياها بني غامق
احمد : طيب روح لعند حدا من سوق الهال ووصيه ع الكمية يلي بدو اياها
عمران : ماهو انا رحت وقلي انو هو المصدر يلي بجيب منو بطاطا انو مافي الكمية يلي بدنا اياها
احمد : ليش اشقد الكمية

نة من هالحياة وكلشي ماني عم طيق حدا
سمير : طولي بالك .
اية : ان شاء الله .. قلي انتي كيفك
سمير : هلأ شوبدك فيني عنجد قوليلي شبك شو يلي زاعجك اكتر الشي
دمعو عيونا ومسحتونا بسرعة بطرف اصبها وماحكت
سمير : جمال ماهيك
اية نزلو دموعا
مسكا من كتافا وبرما لعندو ومسحلا دموعا وضما وهية صارت تبكي على كتفو
اية : لك مابعرف شو قول او شو احكي او شو اشكي .. لحد الان انا حاسة حالي بكابوس .. اوقات بنشوف كوابيس بتكون بمكان وفجاة بتلاقي حالك بمكان تاني وانت طول الكابوس مرعوب وخايف وعم تحاول تخلص منو بس بتفوت بكابوس تاني هيك لحتى تفيق .. وهاد يلي عم يصير معي بس انا بدي فيق ماعم اقدر
سمير : خلص روقي ... روقي مافي شي محرز
اية : وقلبي مانو محرز
سمير : شو يلي بريح قلبك وانا جاهز
طبعا جمال واقف وعم يتمالك اعصابو مشان مايروح يضرب سمير
اية : ليش نحنا بنقدر ع هيك ناس
سمير : طبعا بنقدر
اية : هدول بدومرنا
سمير : بعملون فيضيحة ع الانترنت بخلي اسمائهن بالارض
اية بعدت عنو وركزت قعدتا ومسحت دموعا وقالت : لا مابدي جمال بكفيه خسارة ومانو متحمل اي ضربة تانية .. واحمد واحد ندل ومابدي كون متلو
سمير : خايفة على جمال كمان
اية : شو نسيت انو بعدني بحبو .. بس مابيستاهل
سمير : صح .. شو رأيك جبلك غزلة بنات
اية : هههه بعدك متزكر
سمير : طبعا
قام سمير يجيب غزل البنات .. وجمال استغل الفرصة واجا لعند اية
اجا ووقف قداما وحكي بدون مقدمات : دغري لقيتي بديل
انصدمت فيه وما استوعبت عن شو عم يحكي
اية : انت .. شوبدك
جمال : مين هاد
اية : عم تراقبني
جمال : اي
اية : ما عأساس معد تعترض طريقي هيك كان مكتوب بالرسالة ولا انا غلطانة
جمال : صح .. بس لما شفتك مع غيري ما استحملت وانا بسحب كل كلامي
اية : شو يعني ممكن توضح
جمال : انتي الي عم تفهمي
اية : لك انت مابدك تطلع من حياتي
جمال : ولا رح اطلع .. انا بحبك .. بحبك يابنت افهمي
اية : بتحب مايا ... مو انا
جمال : لاا بحبك الك .. الك انتي .. صح انا حبيت مايا وحبيتك لانك شبها .. بس الشي المهم انو انا بحبك
اية : وانا مابدي اياك شو بتعمل
جمال : انطري وشوفي شو ممكن اعمل
اية : يلي بيطلع بأيدك عملو
هز براسو بتوعد ومشي .. بعدو مباشرة اجا سمير
سمير : مين كان هاد
اية : جمال
سمير : وشوبدو
اية : الاستاذ عم يراقبني وغار منك
سمير : ههههههه
اية : وليش عم تضحك
سمير : طلع عنجد بحبك
اية : لا هاد واحد كذاب مابحبني
سمير : المهم خدي الغزلة
اية : معد الي نفس قوم نمشي ع البيت
قامو يمشو بس اية من جوا فرحت من تصرف جمال
.....................
المسا ميس بعدا نفس القعدة بفرشتا من وقت اجت من الشغل وهية عم تبكي .. صار الباب يندق
قامت مسحت دموعا وراحت فتحت
وتفاجئت وقالت : انت ؟؟!!!

يتبع .......🖤🎶

ل احمد وكانت اية ناطرتو
احمد : شو تشربي
اية : مابدي اشرب شي فوت بالموضوع فورا
احمد : بصراحة بدي افتحلك قلبي
اية : مافهمت
احمد : اية انا بحاجة احكي مع حدا ومالقيت حدا غيرك .. لانو بحسك عنجد متل اختي
اية : هه لو بتعتبرني اختك ماكنت عملت معي يلي عملتو
احمد : انا اسف بس ماكنت عم فكر غير بالانتقام
اية : المهم .. احكي عم اسمعك
احمد : بتتذكري هي البنت يلي قلتيلي عليها بنت ملعبة
اية جلست قعدتا لانو تذكرتا وحبت تعرف شوصار فيها
اية : اي شبا
احمد : انا واياها عاساس حبينا بعض وانا عنجد حبيتا من كل قلبي بس هية مابعرف اذا كانت بتحبني عنجد ولا كانت عم تستغلني
اية : ايي
احمد : بعد ما اتأكدت واجهتا وهية حلفتلي انو حبتني من كل قلبا وماكانت ناوية تستغلني وانو هية ندمانة على كلشي عملتو بحياتا
اية : وصدقتا ؟؟
احمد : لا قلتلا روحي ومعد بدي شوفك مرة تانية
اية : اي بس هيك ؟؟
احمد ؛ لا ... كان عندي سفرة ع الريف في شحنة بطاطا بدنا اياها ورحت قلت بنغير جو وبنشوف البطاطا .. وشفتا هنيك بالصدفة عم تشتغل بالاراضي
اية : وحكيتو
احمد : حكي عادي
اية : يعني واضح انو البنت متغيرة ماهيك
احمد : اي هيك
اية : لكن ليش ماجبتا معك
احمد ؛ مابعرف بس حسيت انو بدي شوية وقت لحتى رجع ثقتي فيها
اية : انا برأيي البنت بتستحق فرصة تانية اذا انت بعدك بتحبا وبدك اياها
احمد : يعني ارجع وجيبا معي
اية : هيك برأيي ولاتتأخر لانوومابتعرف شو ممكن يصير .
احمد : وبركي رفضت
اية : هه ساعتها افرض رجولتك وجيبها غصب عنها ..لانو بنات هالايام بحبو هيك حركات وكمان بتأثبتلا انك بتحبا وكمااان مابتسترجي تعلب معك لانو بتعرف مين احمد وبتخاف منك
احمد : هههه والله طلعتي مانك قليلة
اية : محدا قليل هالايام ولا تستخف بحدا .. انا بدي روح
احمد : لحظة قبل ماتروحي .. بدي احكي معك مشان امي
اية بخوف : خير شبها الخالة فردوس
احمد : لاتخافي مافي شي .. بس امي حاببتك تضلي هون وماتتركينا
اية : بس نحنا اتفقنا
احمد : بعرف وانا مابدي اجبرك على شي بس امي رح تتعب اذا تركتينا ....تعلقت فيكي بشكل كبير .. بس بدي منك تضلي كمان شهر
اية : اوك رح ضل .. ولاتفكر مشانك .. مشان الخالة فردوس وبس لانو حبيتا كتير من كل قلبي ومابدي اياها ترجع تتعب
احمد : شكرا كتير الك
اية : ماعملت شي هاد واجبي
..................
ميس نايمة والوقت الضهر فاقت ع رنة تلفونا
ميس : الو
جميلة : لك وينك ليش ماجيتي اليوم
ميس : ماني جاي ومعد اجي ع الشغل
جميلة : شو نسيتي اجارك
ميس : بالناقص منو .. انا معد بدي هالشغل لشوف شوبدو يطلع بأيدو السيد اياد
جميلة : طيب من وين بدك تصرفي
ميس : معي شوي مصاري بدبر حالي فيهن حاليا
جميلة : طيب انا رح خبر الشاويش
ميس : بتعملي منيح
جميلة : سلام
.......................
واقفة اية ناطرة تاكسي .. بيجي جمال وبوقف قداما وبيفتح الباب وبقلا اركبي
اية : مابدي
جمال : عم قلك اركبي
اية : وانا ماني راكبة
تركتو ومشت لقدام
هو نزل من السيارة ومسكا من ايدا وسحبا
اية : لك شو عم تعمل يامجنون تركني
جمال سحبا بقوة وحطا بالسيارة وقفل الباب وركب جنبا .. واية عم تحاول تفتح الباب مشان تنزل وصارت تضرب ع الباب والازاز
هو مشي بسرعة
اية : وقففف .. وقف .. نزلني هلأ
جمال : خلص اهدي .. ولاتحاولي لانو مارح نزلك ووفري طاقتك بكون احسن
اية : انت شوبدك مني ..وع وين ماخدني
جمال : شو بدي منك بدي اياكي .. وع وين ماخدك .. فيكي تقولي خاطفك لحتى تقوليلي بحبك
اية : لاتحلم قلك بحبك ... لانك مابتستاهل تنحب .
جمال : لا انتي بتحبيني .. والله يا اية انا بحببك .. بحببك .. قوليلي شو اعمل لحتى تصدقي
اية : لاتعمل شي .. لانو مارح صدقك .. فنزلني بكون احسن
جمال : لك حسي فيني .. انا عم موت .. قلبي معد يتحمل وجع
اية : ماذنبي ... وكمان انت يلي جبت وجع هالقلب لألك لونو من اول ماشفتني بعدتني عنك ماكنت وصلت لهلي المرحلة بس بغرورك وطمعك خليتني جنبك مشان تستغلني والله عم يعاقبك
جمال: وانتي ماحبيتني
اية : كنت
جمال : وبعدك
اية : لاا
جمال : كذابة
اية : جمال لاتحاول معي مشان هيك بترجاك وقفلي خليني انزل
تابع جمال طريقو بدون ولا حرف
...............
بالريف
اتصال هاتفي
الشاويش : اياد بيك ميس بطلت تشتغل
اياد : كيف هيك
الشاويش : متل ماعم قلك
اياد : طيب ماشي انا بتصرف
سكر التلفون اياد وكانت حدو مرتو
سوسن : مين
اياد : مادخلك
سوسن : المكالمة بتخص هديك البنت ماهيك
اياد : اي
سوسن : لك انت شو قصتك .. في حدا بيعمل هيك بعروستو .
اياد : اي انا .. ويكون بعملك انو رح جيبا واتزوجا
قام وتركا
سوسن : لك يبعتلك مية حمى .. الله لايوفقك من وين طلعتلي هي
...............
الباب عند ميس عم يندق .. قامت فتحت بدون ماتقول مين لانو فكرت جميلة ..
ميس : هاد انت ؟؟!!
اجت بدا تسكر بس هو دفشو بقوة وفات
اياد : مفكرة اذا بطلتي من الشغل خلصتي مني

. وتفكيرك بكرا انو كان يحب وحدة بتشبهك رح يداقك كتير مع الايام
اية : بس هو هلأ بحبني
لمى :بعرف .. بس بدي انتي تضلي مقتنعة بهاد الحكي .
اية صفنت شوي وقالت : هلأ هية صعبة .. بس قلبي بدو هيك
لمى : لكن الله يهنيكي ياروحي
اية : تسلميلي يا احلا رفيقة
لمى : بدك تخبري اهلك
اية : لا لبكرا .. تعالي لاحكيلك شو صار عهههه
لمى : ههه يلا تعالي
....................
تاني يوم
فاتت اية ع بيت اهلو لاحمد وكانت مبستمة .. واول مافاتت شافت فردوس لابسة وكأنو طالعة ع مكان
اية : ع وين ماما
فردوس : اهلين ياروح الماما ..رايحة ع قبر مايا زورا تروحي معي
اية : لا مابحب
فردوس : ع راحتك .. فوتي اتسلي مع البنات(قصدا الخادمات) لحتى اجي
اية : اي ماشي
مشت اتجاه المطبخ خطوتين .. بس فكرت انو هية اخدت حبيبا لمايا يعني لازم تروح تزور وتعتذر منا وهية فرصة منيحة
اية : لحظة ماما جاي معك
فردوس : اي يلا
مشو لعند الباب .. وقفون صوت الجد عبد الرزاق : ع وين يافردوس
فردوس : ع المقبرة ياعمي
عبد الرزاق : شو يعني كل فترة بتروحي شو بتلاقي غير شوية تراب اقريلا الفاتحة من هون بتوصلا
فردوس بقهر : انا هنيك برتاح اكتر
عبد الرزاق : اي لكن الله معك
فردوس : بخاطرك
عبد الرزاق : لحظة
فردوس بقهر : نعم
عبد الرزاق : وينو احمد كأنو مانام بالبيت
فردوس : اي احكيت معو كان نايم مع رفيقو بالمشفى
عبد الرزاق : اي
لف ضهرو ورجع عغرفتو
فردوس : امشي بنتي امشي
مشت اية بدون ولا كلمة .. ركبو السيارة وراحو
...................
جمال ماشي بسيارتو وحدو شهد
شهد: اي شو هالمغامرة هي هههههه .
جمال : بس الحمد لله الله سترا وقدرنا نهرب منون
شهد : اي والله الله لطف .. بس المهم انو قبلت ترجعلك ايوش
جمال : اي والله انا كتير فرحان ... ماني مصدق ايمت خلص شغلي ورح شوفا
شهد : شو عندك هلأ
جمال : هلأ اولةشغلة بدي اعملا بدي روح لعند قبر مايا لانو كتير فرحان وحابب احكيلا كلشي
شهد : لكن انا بدي روح معك
جمال : اوك .. بس لوقف اشتري ورد
وقف اشترى ورد و راح ع المقبرة .. ووصل لهنيك قبل اية وفردوس
قربو من القبر حط الوردات وقرولا الفاتحة .. وشهد راحت وقفت بعيد وجمال قعد صار يحكي معا
مايا : انا كتير فرحان .. واخيرا اية قلبت ترجعلي .. ااه لوتعرفي شو عملت فيني .. بس عنجد حبيتا لانها بتشبهك هههه بس لاتقوليلا والله بترجع بتزعل.. المشكلة انو انا حبيتكون انتو التنين سوا ونفس المحبة . ....
فاتت فردوس واية من باب المقبرة
اية : ماما كل ايمت بتجي لهون
فردوس : تقريبا كل جمعة
اية : الله يرحما
فردوس : آمين
اية : وين صار قبرا
فردوس اتطلع اتجاه القبر وابتسمت لما شافت جمال بس هو كان داير ضهرو بس هية عرفتو لانو هو الوحيد يلي بيجي على قبر مايا على طول وقالت : هنيك
اتطلعت اية وشافت شخص قاعد عند القبر بس ماعرفتو
اية : ماما مين هداك يلي قاعد عند القبر
فردوس : مافي غيرو يقبر قلبي جمال
اية لما سمعت اسم جمال .. حستو نزل عليها متل الصاعقة ووقفت مكانا
تابعت فردوس مشيا لعند القبر ... وشهد شافت اية واقفة مصدومة وعم تتطلع على جمال .. قام ضربت على راسا وقالت : لاااا .. ما وقتك ابدا
وصلت فردوس لعند جمال وقالت : مرحبا حبيبي
وقف جمال يسلم على فردوس بس تفاجئ بأية واقفة وراها ودموعا نازلين على خدا
جمال : اية ؟؟
فردوس التفتت على اية لقتا واقفة جامدة مكانا والدمعة بعيونا
فردوس : شبك حبيبتي تعالي قربي
حس جمال انو اية غارت لانو عم يزور قبر مايا وقرب منها ليبررلا ليش اجا
جمال : اية انا ..
اية : لاتحكي ولا كلمة .. كلشي واضح .تركتو وطلعت تركض وهية عم تبكي من المقبرة
فردوس : شو في
جمال بخيبة امل : مافي شي
قربت شهد منو وحطت ايدا على كتفو وطبطبت عليه بدون ولا كلمة
جمال تركون ومشي
فردوس : شهد بنتي فهميني شوفي
شهد : هلأ بفهمك كلشي
.........................
طلعت اية عم تبكي ركبت تاكسي ومشت... كانت مخنوقة كتير ومانا عرفانة وين تروح .. فكرت تروح لعند لمى بس خافت تشمت فيها او تعطيها محاضرات انها استعجلت لما رجعتلو .. نزلت جنب حديقة عامة فاتت عليها وصارت تشوف ع كل مقعد قاعد تنين مع بعض ومبين عليهن عشاق وهالشي زاد القهر يلي بقلبا .. لقت مقعد فاضي راحت قعدت عليه وصارت تبكي بصوت واطي وتمسح دموعا بكلينكس .. صار تلفونا يرن وكان جمال .. دق عدة مرات وهية ماترد
اية : خلص لازم حطلو حد ... الو
جمال : وينك
اية : مو مهم .. انت ليش متصل
جمال : قوليلي وينك انا جاي لعندك
اية : مافي داعي .. شوبدك
جمال : اية انتي فهمتي غلط انا كنت عم زورا لاني كنت فرحان انك رجعتيلي وعم احكيلا
اية : اسماع جمال انا مافيني امنعك انك ماتزورا لانو هي كانت خطيبتك وحبيبتك وبعرف انو انا مجنونة اذا بغار من وحدة ميتة .. بس انا مابقدر مابقدر كمل مع صراع بيني وبين حالي انو انت مين بتحب ولما بتتطلع علي بتشوف مايا او اية حتى لو انت قلت انك بتحبني الشك يلي جو

اتي رح يضل يذكرني انا مين وانت ليش حبيبتني مشان هيك انا اسفة ومابقدر كمل معك .. جمال بترجاك لهون بكفي ولاتحاول معي لانو من سابع المستحيلات كمل معك وهالشك جواتي
جمال : بس انا والله بحبك
اية : وبتحبا الها كمان .. لو مابتحبا ماكنت رحت لعندا جمال انت شخصيا مانك عرفان مين تحب يمكن الشبه اسر على قلبك ومعد خلاك تميز .. انا اسفة بس بكفي سلام . وسكرت
جمال عم يبكي : والله بحبك ... والله بحبكك
وصار يضرب على دركيسيون السيارة بعصبية
..............................
بعد ساعة واية على نفس الوضعية .. برن تلفونا وبكون احمد
اية : الو
احمد : اية وين انتي هلأ
اية : ليش
احمد : بدي تجي تضلي مع ميس هية بالمشفى لانو حاولت تنتحر وبدي تضلي جنبا
اية ما تفاجئت لما سمعت كلمة انتحار وقالت : شو انت جابيني خدامة لسه تعي وروحي .
احمد : اااه ... اي ماشي واسف ع الازعاج
اية : لحظة .. هية بأيو مشفى
احمد: خلص مافي داعي
اية : انا اسفة بس صار مشكلة بيني وبين جمال ومقهورة وطلعت الفشة براسك
احمد : ليش شو صار
اية : المهم وين المشفى
.........................
وصلت اية ع المشفى وكان احمد بأنتظارا
احمد : شو صار
اية : ولا شي .. بس الله يسامحك كلو منك
احمد : انا اسف .. ماكنت متوقع الامور توصل لهون
اية : لأ كنت متوقع وهاد يلي كان بدك اياه .. كان بدك تشوف جمال عم يعاني وهي عم يعاني وانا كمان عم عاني
احمد: صاير شي جديد
اية : صاير اشيا .. مو بس شي
احمد : بتحبي تحكيلي
اية : لأ ... وين غرفة ميس وشو صاير معا
احمد : هديك الغرفة ... بدي منك تضلي جنبا لبكرا وماتخليها تغيب عن عينك .
اية : ليش خايف تهرب
احمد : مو هيك بس انا لحد الان ماقلتلا انو بدي اياها
اية : وشو ناطر
احمد : من هون لبكرا رح جهز للعرس وبدي اعملا مفاجئة
اية : الله يهنيك
تركتو ومشت اتجاه الغرفة
احمد قلبو وجعو على اية وعرف اشقد جرحا
دقت الباب وفاتت
اية : مرحبا
ميس : اهلين .. مين انتي
اية : انا بشتغل عند احمد طلب مني ضل جنبك
ميس : اي يكتر خيرك وخير احمد
التنتين عم يحكو من غير نفس
قعدت اية ع الكرسي مقبال الشباك وسرحت
ميس اتطلعت هليها وشافت الحزن يلي بعيونا
ميس : انتي منيحة
اية اخدت نفس عميق وقالت : اي منيحة .. انتي كيفك
ميس : منيحة
اية : قالت حاولتي تنتحري
ميس هزت براسا
اية : مارح اسألك ليش لانو هالحياة مابدا غير انتحار
ميس : شكلو الجرح يلي جواتك كبير
اية : اي والله .
ميس : شو المشكلة .. احكي اذا مابزعجك
اية : هههه بس عم غار من وحدة ميتة ... او عم اتنافس انا ووحدة ميتة على واحد... او حبيبي محتارة بيني وبين وحدة ميتة
ميس : مافهمت شي
اية : هه بكون احسن .. قومي لساعدك تفوتي ع الحمام تغيري تيابك وبعدا تاكلي شي
ساعدتا اية لتغير تيابا وبعدين طعمتا
ميس : وينو احمد
اية : ليش عم تسألي
ميس : لا بس سؤال
اية : هه اي احمد مانو فاضيلك مشغول
ميس بحزن : اي الله يقويه
اية : بدك ماتزعلي كلون هيك .. مابيهتمو بحدا
ميس : لا ليش لحتى ازعل ..مزال انا مابعنيلو شي
اية : انتي هيك مفكرة
ميس : مافهمت
اية : بكرا بتفهمي كلشي .. انا طالعة خبر اهلي انو رح ابقى معك اليوم
ميس : اي ماشي
طلعت اية خبرت اهلا انو رح تنام مع زميلة بالشغل تعبانة وماالها حدا

واحمد راح خبر اهلو وطبع بطاقات العرس وبلش بتجهيز الفيلا للعرس

المسا لمى حكت اية .. بس اية ماخبرتا شي وقالتلا بكرا بتقلا كلشي وجه لوجه .. واتصل فيها احمد واطمن على ميس .. وخبرا مشان تاني يوم يجهزو حالن بكير مشان تروح ميس تختار فستان وتلحق تظبط حالا

يتبع .........🖤🎶

اجع حالي وعم قول انو يمكن ماهو يلي قتل مايا
اية : هه اي منيح .. لكن ماتدور على القاتل الحقيقي
احمد : رح ارجع افتح القضية بس رح افتحا بشكل سري لازم اعرف مين هو القتال
اية : ان شاء الله تظهر الحقيقة ..وتصفى القلوب
احمد : آمين .. انا هلأ بدي روح في سيارة ناطرتكون تحت انتي وميس .. هلأ بيجي الدكتور بخرج ميس السيارة رح توصلكن ع محل فساتين وبعدا رح يوصلكن لعند الكوفير
اية : اوك
احمد : كمان انتي جيبي فستان وعملي شعرك بدي اياكي بأحلى طلة
اية : بعتزر
احمد : مافي اعتزار بعدين بزعل منك
اية : هههه وليش انا بهمني زعلك
احمد : طيب مشان ماما من مبارح عم تسألني عنك
اية : طيب ماشي كرمال امك بس
احمد : هههه يكتر خيرك لكن
قام احمد وراح واية حست برايحة لما حكت مع احمد حست في شي بيربطا فيه وكأنو مانو غريب .. يعني بتاخد راحتا بالحكي معو .. رمت الكاسة بسلة المهملات وفاتت لعند ميس ساعدتا بضب غراضا واجا الدكتور عطاهن ورقة التخريج وطلعو ركبو بالسيارة
ميس : اية انا جوعانة
اية : خسا الجوع .. لو سمحت وصلنا ع محل نفطر فيه
الشوفير : حاضر
.........................
بشركة جمال قاعد وعم يفتل على كرسيه .. فاتت لعندو شهد
قربت منو ورمت ع الطاولة كرت عرس احمد
جمال : شو هاد
مسكو وفتحو
جمال : عرس احمد اليوم ؟؟
شهد : اي
جمال : اي الله يهنيه
شهد : مابدك تروح
جمال : انا ؟؟
شهد : اي هاد الكرت الك الخالة فردوس طلبت مني وصلك اياه
جمال : لا ماني رايح
شهد: ليش
جمال : شو ليش نسيتي احمد شو عمل معي .. يعني اكيد مارح سامحو فورا وروح على عرسو
شهد : كرمال الخالة فردوس ع القليلة
جمال : لا مابدي
شهد : وكرمال اية
جمال : هههههه ضحكتيني من كل قلبي
شهد : طيب هية ليش زعلت
جمال : مابعرف .. مابعرف
شهد : بصراحة هلأ لو تحلفلا ع المصحف معد تصدق انو بتحبا ومابتحب مايا
جمال : لا تصدق .. انا تعبت وتعبت كتييير
شهد : شو استلمت
جمال: اي استسلمت .. وهاد قلبي بدي ادعس عليه برجلي اذا لسه بدي حب او حن لحدا خلص انا هيك بدي كمل ...
شهد : بتسمحلي قلك كذاب
ابتسم ومارد
...................
فطرو ميس واية وبعدا راح اشترو فستان حلو كتير الو شاحط و كمان ومفتوح لنص ضهرو ومكشوف من على صدرو .. واية اشترت فستان عادي مفتوح من على ضهرو وطولو لعند الركبة لونو توتي ..وراحو ع الكوفير عملو شعورن مع ميكب .. وكانت الدنيا العصر .. اجا احمد ياخد عروستو ..
طلعت ميس ومعا اية من الباب .. واحمد تعلقت عيونو على ميس وحس حالو طاير من الفرح وكان هو بكامل اناقتو .. راح لعندا بسلا ايدا وطلع من جيبتو خاتم مرصع بالالماس ولبسا اياه
احمد : صح اتأخرت لحتى لبستك اياه بس ان تصل متأخرا افضل من الا تصل ابدا
ميس : لا انت ابدا ما اتأخرت
احمد : بحبك
ميس بخجل : وانا كمان
مسكا من ايدا وساعدها لحتى تركب معو بسيارتو المزينة .. واية راحت ركبت مع الشوفير وكانت عاملة شعرا لورا متل الشلال وكانت طالعة كتير حلوة
راحو ع الفيلا وكانت مزينة كلا فاتو العرسان وكانت كل المعازيم واصلة واستقبلو العرسان بعراضة شعبية بسيف وترس ودخان وورد عم ينزل عليهن من فوق .. مشو واية كانت ماشية عم تساعد العروس بالفستان ...سلمو على توفيق وفردوس وكانو كتير مبسوطين ولما شافو ميس وجمالا فرحو كتير انو ابنون عرف ينقي ..
توفيق : اهلا يا عروستنا نورتينا
فردوس : مشالله عليكي على هالجمال .. ماتوقعت احمد زوقو كل هالقد حلو
احمد : مشان تعرفي انو ابنك مابنقي حيلا
الكل : هههه
فاتو العرسان ع الحديقة لانو الحفلة كان بالحديقة
وفردوس اول ماشافت اية مسكتا وصارت تبوسا
فردوس :تقبري قلبي طالعة بتجنني ..عقبالك ياروحي
اية : تسلمي لقلبي ياماما
فردوس : عشان مبارح انا زعلت منك بس ماوقتو هالحكي
اية : متل مابدك
توفيق : تعالي عمو عطيني بوسة والله صاير عم اشتقلك
اية : هههه والله وانا كمان
قربت منو وهو ضما على صدرو وباسا من راسا .. حس شعور جواتو غريب حتى نزلت من عينو دمعة بس مسحا قبل محدا يشوفا ..
توفيق : انا رايح شو بابا وينو
اية : خليك عمو انا رايحة شوفو
مشت اية بين المعازيم تدور عليه بس مالقتو ..وكملت ع قلب الفيلا لحتى تشوفو اذا بغرفتو
طلعت على الدرج لوصلت لغرفتو .. ورفعت ايدا لحتى تدق على الباب بس وقفا صوتو كان عم يحكي ع التلفون وقال: بدي تقتلوها اليووم
شهقت ورجعت لورا.. رجعت قربت ادنا من الباب لتسمع
عبد الرزاق : متل ماقلتلك ... لانو اذا ماتخلصت منا رح تجبلنا وجع راس وتشكف حقائق وينخرب بيتي...اي اليوم بعد العرس وهية رايحة على بيتا بدي اياه يبين حادث سير .. اي المسا ناطر خبرا
اية حاطة ايدا على تما ومصدومة
اية : مين بدو يقتل هاد ياربي .. شو اعمل .. بركي قتل حدا ... شو اعمل .. شو اعمل
نزلت بسرعة وهية متلبكة .. وشافت توفيق تحت بالصالون
توفيق : شو عمو ليقتي بابا
اية : ااه .. مابعرف .. مابعرف .. وطلعت فورا
صارت تتطلع بالمعازيم وحدة وحدة .. ي

اترى مين بدو يقتل .. اكيد وحدة هون بالحفلة بس ميين .. وليش لحتى يقتل ...معقول يامر حدا يقتل حدا ... اصبح هاد قاتل .. ياربي شو عم يصير معي
اية : معقول بدو يقتل العروس .... لا لا مابظن لانو قال بدو اياها تموت بحادث سير ..يعني رح تكون لحالا واحمد رح يكون مع العروس .. بعدين مالو مصلحة بقتل العروس اذا لسه مابيعرفا .. لكن مين بدو يقتل .. ركزي يا اية ركزي .. قال تكشف الحقائق .. عن ايو حقائق عم يحكي .. وشو قصدو عن الحقائق .. اكيد مخبي شي وخايف حدا يفضحو .. بس مييين ... معقوول ماما فردوس ؟؟ ... لا لا اصلا ماما فردوس يمكن ما تطلع من الفيلا بعد العرس اصلا ليش لحتى تطلع اذا هاد بيتا ... العما ما اغباني .. بس هون في كتير نسوان اكيد وحدة منون ... بس كيف بدي اعرفا وامنع هالجريمة من انو تصير .. لازم راقبو وشوف مع مين بدو يوقف .. وهية واقفة عم تتطلع على المعازيم اجت لعندا شهد
شهد : هاي اية
اية : اهلا
شهد : شو شبك حاسستك عم تدوري ع حدا
اية : اااه .. لا مافي شي
شهد : اذا عم تدوري على جمال فهو ما اجا
اية اتطلعت عليها بطرف عينا وقالت: انا وين وانتي وين
تركتا ومشت
شهد : شو صايرلا هي اذا ماعم تدور على جمال لكن ع مين عم تدور والله تصرفاتا ماعاجبتني
راحت اية على جنب مسكت تلفونا ودقت لسمير
اية : الو سمير .. بدي مساعدتك ضروري
سمير : شوفي
اية ؛ انا حكيتلك عن جدو لاحمد تذكرتو
سمير : اي شبو
اية : سمعتو عم يحكي ع التلفون مع واحد وطلب منو يقتل حدا
سمير : شوووو
اية : اي والله متل ماقلتلك .. شو اعمل انا
سمير : مين بدو يقتل ماعرفتي
اية : لا كل يلي عرفتو انها وحدة .. وبدون يقتلوها بحادث سيارة ... انت مابتقدر تعرف مع مين كان عم يحكي او تقدر تعيد المكالمة
سمير : لا صعب .. هاي الشغلات بس الشرطة بتقدر تجيبا
اية : ياربي شو اعمل انا مشان امنع هالجريمة انو تصير
سمير : انت ماطالع بأيدك شي تعالي ع البيت
اية : وبركي حدا مات
سمير : يعني انت طلع بأيدك شي وماعملتيه
اية : ياربي .. اوووف
سمير : متل ماقلتلك عملي
اية : مابدي اجي هلأ لحتى يروحو كل المعازيم واطمن انو ماصار على حدا شي .. او يمكن انا سمعانة غلط
سميى : متل مابدك .. بس لاتعملي شي وتتهوري وانتبهي على حالك
اية : اوكي
سكرت وراحت قعدت جنب فردوس .. واجا مأذون من المحكمة كتب الكتاب وكان احمد وميس كتير فرحانين .. وحطو غناي للعروسين يرقصو عليها
طبعا صار يدور حديث بين المعازيم انو اية بتشيه مايا .. بس اية كانت متجنبة الكل وماتعطي مجال لحدا يحكي معا او يسألا .. وكانو يسألو فردوس وهية تقلون انو اية بتشتغل بشركة احمد
اية طول الوقت متوترة وعم تتفحص المعازيم وحدة وحدة وانو مين ممكن تكون هية الضحية
احمد عم يرقص مع ميس وكان صافن فيها وهية عم تبادلو نفس النظرة
احمد : طالعة كتير حلوة وما عم مل من شوفتك
ميس : وانت طالع كتير حلو
احمد : الله يقدرني واسعدك لاخر يوم بحياتي
ميس : الله يخليلي اياك ولا يحرمنك منك .. انت بس وجودك حدي بخليني اسعد انسانة
مسكلا ايدا باسا ورجعو يكملو رقصتون
شهد صورت اية بدون ما تنتبه وبعتتا لجمال
وصلتو الرسالة لجمال ... فتحا وانصدم بأية .. كانت طالعة كتير حلوة .. كان واقف قعد وصار يتأملا ويلمس ع الشاشة على شعرا ووجها ..
بعتلا رسالة لشهد : شكرا
خلصت الحفلة والمعازيم بلشو يروحو على بيوتن .. واحمد اخد عروستو وراحو على اوتيل خمس نجوم يقضو ليلتون وتاني يوم يسافرو ..
الدنيا كانت المسا والفيلا ماضل فيها حدا كل المعازيم راحو وضلو الخدم عم ينضفو المكان
اية : يمكن انا عم اتوهم .. او سمعانة غلط .. لو بدو يصير شي كان صار او سمعنا شي خبر
اية : ماما فردوس انا فايتة غير تيابي وروح على بيتنا من مبارح ما فتت عليه
فردوس : اي حبيبتي .. اذا بدك فوتي على غرفة مايا
اية بسرعة ؛ لا مابدي .. رايحة ع غرفة احمد لانو فاضية
اخدت تيابا وطلعت على غرفة احمد غيرت تيابا بسرعة وحطت الفستان بالكيس يلي معا ونزلت وهية نازلة على الدرج التقت بعبد الرزاق
عبد الرزاق : شو ع البيت ؟
اية بخوف : اي والله
عبد الرزاق ،: الله معك . وكمل على غرفتو
اية : ياربي ليش هيك خفت منو .. او هو بخوف
طلعت من الفيلا كانت طالبة تاكسي .. ركبت ومشت
وهية بعدا عم تفكر انو اذا يلي سمعتو عنجد صح .. مين هية .. هههه ماضل غير انا.. معقول انا .. لا انا شو الو مصلحة معي حاج تخريف انا اكيد فهمت غلط
فجأة تلفون شوفير التاكسي برن : الو .. اي .. اي ماشي .. فورا
وقف التاكسي وقال : لوسمحتي يا انسة انزلي
اية : انزل .. ليش .. وكمان لسه شوي وبوصل علىبيتنا
الشوفير : انا مستعجل كتير ياريت تنزلي بسرعة
نزلت اية وهية مستغربة ..
اية : شقد بتريد
الشوفير : ولا شي .. بس انزلي
نزلت وبلشت تمشي ع الرصيف
اية : ياترى مين دقلو .. وليش نزلني بنص الطريق يعني خمس دقايق وبكون ببيتي ليش نزلني هون .. وبعدين مين هاد يلي اتصل فيه .. وقفت شوي وصفنت .. وقالت :

وخليها مبسوطة مابدي ازعجا
شهد : وشو عرفك انها مبسوطة
جمال : عندي كل اخبارا
شهد : ولايمت
جمال : مابعرف بس الا مايجي يوم يا انا انسى يا هية ترجعلي
شهد : والله حالتك صعبة
جمال : بعين الله
....................
ببيت احمد وصلت الرسالة لعبد الرزاق .
عبد الرزاق : ههههه عم يلعبو معب .. مابيعةفو انو انا مابينلعب معي هه
....................
تاني يوم
احمد عم يلبس تيابو قدام المراي .. اجت ميس وضمتو من ضهرو وقالت : مابكير لحتى تروح ع الشغل
احمد : حبيبتي لازم روح .. صار في تقصير كتير بالشغل
ميس : طيب ماشي بس لا تتأخر رح اشتقلك
احمد : وانا كمان .. رح خلص شغل بسرعة وارجع .. وانتي اتسلي مع ماما واية ..
ميس : اكيد ...
احمد : بدك شي حياتي
ميس : لا بدي ترجعلي بأسرع وقت
احمد : عُلم
قرب باسا من جبينا ونزل وهية نزلت وراه
كانت اية واصلة ع البيت ومبين على عيونا التعب من كتر البكي
احمد : هاه هي اية هون
اية: كيفك
احمد : بخير .. اية بدي احكي معك بموضوع
اية : بصراحة وانا كمان
احمد : طيب لحتى ارجع من الشغل بشوفك
اية : بدي احكي معك بعيد عن هون
احمد : طيب لما خلص بنلتقى بشي مكان
اية : كتير منيح
راح احمد ونزلت ميس سلمت على اية وفردوس وقعدت معون
طلبت فردوس قهوة وصارت تحكي وتتعرف على ميس اكتر لانو مابتعرفا من قبل ... وهنن عم يحكو ومنسجمين حست فردوس انو اية مو على بعضا فردوس : شبك حبيبتي
اتطلعت عليها اية بكل حب كانت متمناي تقوم تضما وتقلا انا بنتك .. لانها اشتاقت لحضن يحسسا بالامان والحنان
اية : ممكن اطلب منك طلب
فردوس : اكيد حبيبتي
اية : ممكن ضمك
فردوس وميس استغربو
فردوس : اكيد .. ما انا عطول بتمنى ضمك بس خايفة تصديني
اية : لا بالعكس
قامت ضمتا .. والتنتين حسو بشعور حلو وكأنو ماس كهربائي مشي بجسمون
غمضت عيونا اية وقالت بقلبا : اسفة .. اسفة مارح اقدر خبرك .. لانو بس اخلص من هالشيطان بدي بلش حياتي من جديد
......................
الضهر بمطعم قاعدة اية واحمد
اية : احكي انت بالاول لانو انا حديثي اطول
احمد : طيب .. اية ماما عم تقلي انك متغيرة.. اية اذا بدك تتركي الشغل فيكي تتركيه ايمت مابدك
اية : لا بالعكس انا مبسوطة الا اذا انتومعد بدكن اياني
احمد : لا ابدا نحنا كتير حابينك تضلي وخصوصا امي .. انا فكرت انو انتي معد بدك
اية : لا بس انا طبعا وقت يلي بدي اترك رح اترك بس حاليا مابدي
احمد: كتير منيح .. احكي انتي شو كان بدك مني
اية : بدي منك توعدني انك تصدقني
احمد : صدقك بشو
اية : بالمختصر الموضوع بخص قتل اختك مايا
احمد : ماايا .. موضوع شوو
اية : انا شاكة بشخص انو هو يلي قتلها
احمد : مين هو
اية : جدك عبد الرزاق
احمد بصدمة : جدي عبد الرزاق .. انتي شو عم تخبصي
اية : ماني عم خبص ابدا .. وانت لازم تفكر معي بعقلك وتترك قلبك عجنب
احمد: طيب خليت قلبي على جنب ورح كمل معك للاخير .. شو الدليل
اية : مافي دليل
احمد : لكن على ايو اساس عم تتهمي جدي وانت ماصرلك غير شهر عنا بالبيت
اية : قلبي حسني
احمد : هههه شي حلو ..بروح بوقف قدام جدي وبقلو انت قتلت اختي مايا هيك قلبا حسا لاية
اية : رجاءً لا تتمسخر
احمد : انتي بتعرفي شي؟؟
اية : احمد جدك قاتل ..
احمد : ومين قتل بلله
اية : مافيني احكي
احمد : اية يا احكي شي منطقي يا اما خليكي ساكتة
اية : جدك في عندو بالغرفة سر .. واكيد في دليل ضددو انو هو يلي قتل مايا
احمد : فيني اعرف شو مصلحتك تتبلي جدي
اية : ولا شي فعل خير وانا كمان ماني عم اتبلى حدا
احمد ؛ وشو مصلحتو جدي يقتل حفيدتو
اية : امك قالتلي انو مايا فاتت ع غرفة جدك وهو عصب كتير عليها وقتا
احمد : صح
اية : وبعد اسبوع ماتت اختك
احمد : كمان صح .. بس شو دخل هية بهي
اية : ممكن تكون اية لقت شي جوات الغرفة وخاف جدك تفضحو قام قتلا
احمد : متل شوو
اية : مابعرف .. بس جدك واحد شيطان
احمد : لاتحكي هيك عن جدي
اية : كمان قالت امك انو جدك كان يكره البنات وكان عطول يقول مابخلي بنت تورتني
احمد : صح بس مانو دليل يقتلا ..ولو بدو يقتلا كان قتلا وهية صغيرة قبل ماتكبر
اية : اكيد مانو دليل بس انا متأكدة انو مايا عرفت شي سر عن جدك مشان هيك صار عندو دافع قوي يقتلا
احمد : بصراحة انتي هلأ فوتيني بمليون حيط
اية : انتو قلتو انو ماعنكن اعداء ومحدا الو مصلحة يقتلا .. وهو يمكن استغل موت اختو لجمال وقتلا مشان يبعد عنو الانظار وتشك انت يجمال
احمد : مع هيك مستحيل اقتنع انو جدي ممكن يقتلا
اية : يوم عرسك انا تعرضت لمحاولة قتل وسببا جدك
احمد : شووو
اية : اي متل ماعم قلك .. ابوك قلي روحي اندهي لابي وانا طالعة ع الدرج سمعتو عم يحكي ع التلفون ويقول اقتلا وعاساس ماتت بحادث سير بس وقتا ماكنت بعرف انو انا الضحية .. وصرت فكر مين ممكن تكون هية الضحية وطول الحفلة اتطلع ع النسوان وحدة وحدة وقول هي وهي .. بالاخير طلعت انا
احمد : شو صار
اية: وانا رايحة ع