احمد : مقفول
اية : والحل
احمد : مابعرف .. بس دورنا بكل الغرفة لو في مفتاح كان طلع معنا .. اكيد المفتاح ما جدي
اية : خلينا نخلعو
احمد : لا اكيد جدي رح يلاحظ عليه
اية : مامشكلة يلاحظ .. المهم نعرف شو في بقلبو
احمد : شو يعني مامشكلة .. انتي مانك خايفة
اية : لأ
لقت سكين صغيرة محطوطة جنب صحن فواكه .. اخدتا وبلشت تفتحو
احمد : هاتي عنك
قامت اية وهو بلش يفتح الدرج
اية : شو صار معك
احمد : يلا شوي
بعد محاولات كتيرة فتح الدرج .. فتحوه .. وشافو شوفي بقلبو .. وكان موبايل اصدار قديم الو زرار مانو لمس
احمد : موبايل ؟؟
اية : افتحو لنشوف شوفي بقلبو .. اكيد في شي مهم
فتحو احمد .. بس كان محمي بكملة مرور
احمد: يلعن اخت هالحظ
اية : طيب طلع بطاقة السيم وحطا بموبايلك
احمد : جبتيها
فتحو وطلع السيم وحطها بمبايلو .. كمان الشريحة كانت مقفولة
احمد : حتى .. هي ..شوبدنا نعمل هلأ
اية : اي صح .. رفيقي سمير عندو هواي بالتكنولوجيا وهكر .. اكيد رح يقدر يفكلنا كلمة السر
احمد اتطلع ع الساعة وقال .. بس جدي لسه بدو ساعة تقريبا بيجي ع البيت
اية : رح دقلو يجي فورا لهون
احمد : لا نحنا بنروح لعندو مشان الخدم ما يشكو بشي
اية : يلا بسرعة
طلعو بسرعة .. سكرو الغرفة .. وقالو لميس تخبرون اذا اجا حدا ع البيت .. وطلعو فورا .. واية طول الطريق تتطلع ع الساعة وكل ماتمر دقيقة قلبا تذداد دقاتو
وصلو ع بيت سمير خلال ربع ساعة .. وشرحولو كلشي
سمير : طيب رح نفوت على الموبايل بدون مانفتحو
جاب كبل ووصلو بين الابتوب والتلفون .. وقدر يتخطى كلمة السر وفاتو ع الموبايل .. فاتو على التفلون وفتشوه منيح كان فاضي
سمير : فاضي
اية : معقول .. لكن ليش قافلو
احمد : سمير هات التفلون لهون .. وانتي اية هلأ بدك تحكيلي شو هو الدليل يلي عندك
اطلعت اية بسمير وكأنها عم تترجاه يعمل شي
احمد : يلاااا .. خليتني شك بجدي وفوت على غرفتو متل الحرمية ولعبنا بغرضو .. قولي شو هو الدليل احسن ما اعمل شي مابيرضيكي ابدا
سمير اتذكر انو هي التلفونات كانت تخفي ملفات يعني كانو يحطو ملفو ومايطحولو اسم بصير مخيفي واذا ماكبسنا عمكان الملف مايفتح
رجع فتح ع الملفات وكبس بعد اخر ملف طلع ملف مخفي
سمير : لحظة .. لقيت شي
التفتو عليه .. فتح الملف وكان في رقم هاتف
اية : رقم ؟؟ لمين هاد
احمد : ماوقتو ..سجلو الرقم ع ورقة وخلينا نرجع التلفون ع ماكانو بسرعة
اية : يلا
سجلت الرقم على ورقة وعطتو لسمير وقالتلو بدي تعرفلي موقع هاد الرقم وكلشي عنو
احمد : لحظة .. بدي اخد نسخة من الرقم مشان ماتلعبو من وراي
فتح جوالو وسجل الرقم ..
احمد : انا رايح بدكن شي
اية : لا سلامتك .. وانا رح ابقى هون مع سمير
طلع احمد وضلت اية وسمير
اية : ياترى لمين هالرقم
سمير: انا بقول يمكن للقاتل يلي بنفزلو مهماتو
اية : طيب شوف ..
..................
احمد بسيارتو محتار معقول جدو عامل هالعملة .. ولا اية عم تكذب ..بس هية قالت في دليل تاني .. بس اذا جدي طلع عنجد قاتل مايا شو ممكن اعمل .. انا لازم اتحرك واعرف شي عن هاد الرقم .. دقلو وشوف مين هو .. لا لا خايف اذا عنجد الو صلة مع جدي انكشف قدامو ..
مسك تلفونو ودق : الو .. ليك رح ابعتلك رقم بدي تعرفلي كلشي عنو خلال ساعة ..ماشي رح ابعتو بمسج ..
وصل احمد ع البيت وفورا رجع التلفون عمكانو وطلع وسكر الغرفة
احمد : حبيبتي حدا اجا بغيابي
ميس : لا مافي حدا .. بس قلي شو صار معك
احمد : ماصار شي لقينا بالتلفون رقم .. يمكن يوصلنا لشي
................
بعد ساعة
قاعدة اية حد سمير
اية : سمير شو صار معك
سمير ؛ اية الرقم خارج الخدمة
اية : شوووو
سمير : متل ماسمعتي .. وكمان من زمان خارج الخدمة لانو ما الو موقع
اية : شو يعني
سمير : مابعرف
سمير : شوبدك تعملي
اية : لازم ندور على دليل جديد
رن التلفون وكان احمد
ردت وفتحت السبيكر
احمد : اية الرقم وخارج الخدمة
اية : عرفت
احمد : ومن تلت سنين .. يعني مافي شي ضدد جدي.. عندك دليل تاني
اية صفنت وقالت : لأ
احمد : ماكنتي تقولي انو في دليل وانو في شخص جدي حاول يقتلو وينو
اية : انا كذبت عليك مشان تمشي معي .. بصراحة انا شكيت انو جدك وفكرت انو في سر بالغرفة
احمد : يعني خليتني شك بجدي وفوت على غرفتو متل الحرمية .. وبس لانك شكيتي
اية : انا اسفة
احمد : اعتزارك مانو مقبول
اية : شو يعني
احمد : اية معد بدي شوفك عنا بالبيت
اية: ماشي. متل مابدك .. بس بالاول بدي اجي ودع امك اذا ماعندك مانع
احمد : ماشي .. بكرا بتجي بتودعيها وبتمشي
سكرت اية .. وخيبة الامل على وجها
....... ...........
تاني يوم ..
راحت اية على بيت احمد
كانو كلون عم يفطرو
فردوس : تعالي حبيبتي .. هلا بلشنا
اية بوجه حزين : لا مابدي صحة وهنا .. انا جاي مشان ودعكن
احمد عم يتطلع عليها بطرف عينو وماحكي ..وعبد الرزاق ابتسم ابتسامة بس محدا انتبهلو
فردوس : ليش بدك تودع