📚قصص||روايات||منوعة📚

rwayate

كتاب : منهاج المسلم
• قراءة ممتعة🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

كتاب : ثلاثون قصة للطفل

اقرأوهن لأطفالكن قبل النوم🤤🐣💚
• قراءة ممتعة🍿✨
᎗᎗᎗᎗᎗᎗᎗᎗
|| @rwayate📗💚'

📚قصص||روايات||منوعة📚

rwayate

شوفوا هو القصص 🤓💚👇🏻

-ضحية عشق
https://t.me/rwayate/19289
-ضحية خداع
https://t.me/rwayate/19925
-ضحية العار
https://t.me/rwayate/3751
-ضحية أخي
https://t.me/rwayate/34011
-ضحية الماضي والحاضر
https://t.me/rwayate/33921
-ضحية الحب
https://t.me/rwayate/33899

- وعد رجال
https://t.me/rwayate/3593
- ماهو ذنبي
https://t.me/rwayate/14159
- أشواك الياسمين
https://t.me/rwayate/14348
-وزوجي السري
https://t.me/rwayate/29811
- زوجي خائن إلكترونياً
https://t.me/rwayate/8599
- زوجي العزابي
https://t.me/rwayate/12833
- زوجي هو زوج اختي
https://t.me/rwayate/27093
- زوجي الميت يعود
https://t.me/rwayate/5696
- زوجي ليس رجلاً
https://t.me/rwayate/1480
- زوجي لا يحبني
https://t.me/rwayate/22869
- زوجتي حورية من جهنم
https://t.me/rwayate/22433
- زوجتي توفيت
https://t.me/rwayate/5663

فهرس قصص الرعب🖤🦉
https://t.me/rwayate/33617
فهرس قصص منوعة🌸💜
https://t.me/rwayate/33424

📚قصص||روايات||منوعة📚

rwayate

📚قصص||روايات||منوعة📚

rwayate

قصة اليوم: #العاشقة_الجنية
............
قراءة ممتعة🦋💙"
#ⴅÂÐЄĦÂ

📚قصص||روايات||منوعة📚

rwayate

#العااشقة_الجنية_بقلم_حنين_حنفي

الجزء الأول

كنت قاعد بالبيت ببكي بهدوء بتذكر كل شي صار معي من موت اهلي لموت سيلين .. دق الباب دقتين و قبل ما أقوم افتح كان جوا البيت... ماجد !! .. استغربت انو ماجد جاي لعندي يواسيني بس ما اعطيت الموضوع اهتمام كتير .. كان كل يوم يجي لعندي
و بيوم حكالي .. خلص ريان بكفي زعل بكفي تقهر بحالك الحياة مش واقفة عليها انتا لسا ما شفت شي ..
ريان : و ما راح اشوف شي .. سيلين كانت كل شي بالنسبة إلي
ماجد : راح تضل اهبل غبي بتفكر زي المراهقين تعال معي بوعدك راح تطلع من هالحالة
غصبني وقتها اجي معو و ما كان قدامي الا انو ارد عليه .. رغم كل محاولات الاقناع من ماجد بس كنت رايح و انا مش مقتنع
رحنا ع مبنى غريب هادي من برا بس من جوا العكس .. دخلنا و كان اغاني بصوت عالي و رقاصات و شباب و بنات و طاولة اكل و مشروبات و اضوية ملونة
ما كان الي ع هيك أجواء اجيت بدي اروح بس ماجد شدني و حكالي .. طول بالك راح تكيف معنا صدقني و جابلي مشروب و قالي .. اشرب هاد و راح تنسى كل شي
ما بعرف وين كان عقلي و اقتنعت و شربت من اللي أعطاني ياه بلشت احس بدوخة و ما لقيت حالي الا انسجمت معهم بالحفلة بعد بشوي .. حتى ادمنت ع هالاجواء و صرت كل يوم استنى ماجد نروح مع بعض
احيانا كان ضميري يانبني و احس الشي اللي بعملو غلط و راح يضرني .. مرات كنت اشوف الخبث بعيون ماجد و ضحكتو .. بس كان في شي جواتي يطرد كل هالافكار و يشدني لهالطريق
طلعت من عزلتي و تعرفت على صحاب جداد زي ماجد و تعرفت ع بنات كانو يشتغلو بهالمبنى .. احيانا كنت انسى معهم سيلين بس مؤقتا طبعا ما حد بقدر ينسى حبو الأول شو ما صار .. كنت دايما قبل ما انام أتذكرها و تدمع عيوني و ادعيلها بالرحمة
و بليلة صحيت مرعوب من حلم غريب كانت الساعة 230 بليل .. حلمت انو سيلين كانت قاعدة بمكان حلو كتير و كلو خضار بس حوالين هاد المكان كان في نار كتير كنت أنا فيها و ما كنت قادر اوصل لسيلين كانت تحكيلي .. ما راح تقدر توصلي الا بس تترك ماجد .. ابعد عن ماجد رجاءا يا ريان انتا بمرحلة الخطر لا تغلط غلطتي !!
صحيت كان الغرفة عتمة و ضو الصالون شغال فجأة انطفأ الضو و اشتغل مرتين و سمعت باب الحمام تسكر بقوة قمت من سريري لاشوف شو في .. لقيت خيال جاي من الصالون لبنت شعرها طويل و هيتها متل هية سيلين .. مع اني ما كنت شايف غير خيال.. بس من كتر حبي لسيلين كنت حافظ ادق التفاصيل عنها حتى خيالها ..
للحظة نسيت انو سيلين ماتت ما راح ترجع و ناديت باسمها .. بس ما حد رد
رجعت ناديت : مين برا ؟؟ برضو ما حد رد
تذكرت اني قبل ما انام سكرت باب البيت بالمفتاح مستحيل حد يفوت !!
حكيت بيني و بين حالي اني بتخيل و رجعت انام .. ما نمت مرتاح هالليلة ضليت احلم بسيلين كانت تحكيلي .. ريان ما توقع بغلطتي .. ريان ابعد عن ماجد .. ريان اترك هاد الطريق..ريان ارجع لربك !

📚قصص||روايات||منوعة📚

rwayate

📚قصص||روايات||منوعة📚

rwayate

#العااشقة_الجنية_بقلم_حنين_حنفي

الجزء الثاني

بديت اخفف علاقتي بماجد تلقائي .. بس بهاي الفترة كان يصير معي اشياء غريبة
كنت دايما اصحى بنفس الوقت 2:30 بالليل مرات اصحى ع صوت كسر اشي بالمطبخ و لما اصحى الصبح ما الاقي اشي مكسور !!
مرات اصحى ع صوت تخبيط ع الباب بس ما يكون في حد
مرات ع صوت باب الحمام تسكر بقوة
و كنت دايما اشوف هداك الخيال و دايما اتخيل انها سيلين و انادي عليها بس ما في رد كنت اهلوس باسمها و اتخيل انها بيوم راح ترجع ..
بيوم صحيت ع نفس الساعة و شفت نفس الخيال .. تلقائي ناديت ع سيلين كالعادة هالمرة اجاني رد !!
كان صوت بنت ناعم جاي من برا .. انا مش سيلين .. مش ناوي تنساها ؟!
ما راح اكذب و اقول ما خفت تجمدت من الخوف بس تمالكت حالي و حكيت : مين انتي ؟! .. ما ردت .. رجعت صرخت و حكيت : مين انتي احكيلي شو بدك مني و كيف دخلتي لبيتي ؟؟ .. ما ردت
ما خطر ع بالي وقتها غير ماجد قلت لازم احكيلو يمكن بعرف بهيك شغلات
اتصلت عليه و حكتلو لازم اشوفك بكرة و اتفقت معو ع موعد
ما عرفت انام لحتى طلع الصبح و رحت اشوف ماجد ترددت بالاول احكيلو بس تراجعت و رحت حكتلو كل شي .. كنت احكيلو و انا مرعوب و متلبك .. و هو كان يطلع علي ببرود بابتسامة و نظرة خبيثة ما عرفت افسرها !!
صرخت عليه : وك شو بدي اعمل احكيلي يزلمة مالك بتطلع هيك !؟
حكا ببرود .. بسيطة استناها اليوم يمكن تحكيلك مين هي .. عندي شغل بدي اروح انا .. سلام
راح ماجد بدون ما يسمع مني رد حتى .. ندمت اني حكتلو بعدها قلت يمكن كلامو صح راح استناها اليوم
ضليت صاحي للساعة وحدة و عيوني بغمضو لحالهم من النعس و التعب ما قدرت اصمد و نمت ..
كالعادة رجعت صحيت بنفس التوقيت ( 2:30 ) .. كان ضو غرفتي شغال مع اني قبل ما انام متاكد اني طفيتو !!
سمعت صوت حركة بالبيت و شفت نفس الخيال اللي بشوفو كل يوم وحكيت : انتي هون ؟؟
سمعت صوتها الناعم من برا بتقول : سمعت انك بدك تشوففني ..
قويت حالي و اخدت نفس و حكتلها : اه صحيح اللي سمعتيه وينك هلا ؟؟
شفت بنت حلوة كتييير بتمشي بخطوات بطيئة لغرفتي شعرها طويل و هيتها فعلا كانت زي هية سيلين بس بصراحة هاي احلى بكتير
انا كنت مبحلق عيوني فيها و مصدوم حتى ما قدرت ارمش .. اجت و قعدت ع السرير و قالت بصوت ناعم : عجبتك ؟؟
و انا لساتني بتطلع و مصدوم فيها و ساكت .. رجعت حكت : بعرف جمالي ما بتقاوم و انتا الوحيد اللي شايفو هلا
ما عرفت شو بتقصد بهاللحظة حتى نسيت اسالها كيف دخلت للبيت و مين بتكون و من وين بتعرفني نسيت كل شي !!
جد جمالها كان ساحر بعمري ما شفت متل هيك جمال بحياتي مش راح تصدقوني اذا حكيت اني وقعت بحبها من اول لحظة !! حتى انا ما كنت اتخيل اني احب حدا بعد سيلين ..
قطعت تخيلاتي و سرحاني لما حطت ايدها ع راسي و مسحت ع شعري بنعومة و بنظرات حب و قالتلي : ما تضل ساكت هيك .. انا كنت بستنى هاي اللحظة من زمان .. ريان انا بعشقك من زمان و انت مش حاسس انا كنت دايما اراقبك بعرف ككل شي عن حياتك .. تمنيت احصل ع قلبك .. كنت اغار من سيلين كتير و اتمنى لو كنت انا مكانها .. احكيلي انك نسيتها و بتحبني هلا .. يا الله شو تشوقت اسمعها منك .. انا جوليا .. احكيلي بحبك جوليا يلا

ضليت ساكت لحظات كاني فقدت حاسة النطق بكل كلمة كانت تقولها كانت تصدمني اكتر .. تذكرت سيلين و مرت ع بالي شفتها بتحكيلي اوعك يا ريان ترد عليها ابعد عنها بسرعة .. كانو كان حلم يقظة
بس قلبي تمرد هالمرة ... بصوتها الناعم و لمسة ايدها الحنونة و جمالها الخارق كانت كلها جذابة اخدت عقلي و ما حسيت بحالي الا و حكتلها بحبك جوليا .. وين كنتي انتي ؟؟ ليش ما اجيتي ع حياتي من قبل ( ما بعرف شو كان صايرلي وقتها ما كنت حاسس بحالي سحرتني هالبنت )
كانت بتطلع علي و مبتسمة ابتسامة بتشبه ابتسامة ماجد لما كنت احكيلو شو صار معي .. ما ركزت كتير كانت ماخدة عقلي و كل حواسي جمالها مش طبيعي!
صرت اشوفها كل يوم .. عشت معها قصة حب بتجنن احلى حتى من قصتي مع سيلين .. كنت اشوفها كل يوم احلى من اللي قبلو سيطرت على عقلي و قلبي و ع كل شي
بس الغريب بالموضوع لما كنت اطلع معها اكون بحكي و بضحك معها .. كانت نظرات الناس الي غريبة كانها شايفة واحد مجنون بس ما اهتميت كنت احكي اكيد مبهورين من جمالها .. حتى في المطعم لما اطلب وجبتين كان الجرسون يتطلع علي باستغراب كاني طالب الوجبتين الي .. بس كنت احكي هههه اكيد من كتر جمالها مفكرها ملاك ما بتاكل
كنت معمي عن كل شي .. كاني مسحور .. ما كنت الاحظ انها غريبة .. ما كنت الاحظ انو ما حدا غيري بشوفها .. كنت فاقد عقلي تماما ما بفكر الا فيها و لا بهتم الا فيها هي و بس .. كانت كل حياتي
لحتى اجا هاليوم لاكتشف حقيقة كل شي ..

يتبع

📚قصص||روايات||منوعة📚

rwayate

📚قصص||روايات||منوعة📚

rwayate

#العااشقة_الجنية_بقلم_حنين_حنفي

الجزء الثالث و الأخير

لحتى اجا هاليوم لاكتشف حقيقة كل شي ..
في الساعة 2:30 بالليل كالعادة اجت جوليا بس هالمرة كانت ملامحها غريبة .. نظرة الشر واضحة بعيونها عكس نظرة الحب اللي كنت اشوفها بعيونها .. و ابتسامة خبيثة ع وجهها ..
جوليا : تعال معي محضرالك مفاجاة بتجنن .. مسكت ايدي و خلتني اغمض عيوني و اخدتني للصالون
جوليا : يلا افتح عيونك ... كانت الصدمة !! جثة سيلين مرمية عندي بالبيت مقتولة !! طيب كيف ؟؟ امها حكتلي انها ماتت بمرض سرطان ! هاد مش شكل بنت ميتة بمرض سرطان !
تجمد لساني و ارتعبت.. تحركت مشاعر قديمة بقلبي و بكيت بصمت
جواليا (بخبث ) : هههه بتبكي ؟ لساتك بتحبها ؟!
تطلعت عليها بحيرة و بعيوني الف سؤال و انا مش قادر احكي
جوليا : بعرف كل شي بدور براسك هلا .. اوك اجا وقت تعرف الحقيقة .. سيلين ما ماتت بمرض سرطان .. انا قتلتها !
هددتها قبل ما اقتلها تبعد عنك و حكتلها لو عرفت انك قابلتيه راح تكون نهايتك و نهايتو لهيك صارت تتهرب من مقابلاتك و انتا كنت مفكر عشان مرضها !
كانت مطيعة و عملت كل شي حكتلها عليه عشان ما اقتلها و اقتلك .. بس انا ما تحملت اهتمامك الزايد الها و سؤالك عنها دايما .. فقتلتها عشان يخلا الجو لالي و ابعدها عن حياتك نهائيا ..بعدها هددت امها اذا حكتلك سبب غير المرض راح اقتلها هي و اولادها..
بتفكر الجن العاشق بس بيجي للبنات ؟؟ هههه انت كنت غبي لدرجة ما سالتني كيف دخلت بيتك و سحرتك هيك ! كنت ضحية سهلة
انا جنية عاشقة .. عشقتك بجنون يا ريان .. كنت اكره سيلين بدرجة ما حد بتخيلها .. كنت افرح لما توقف قدام المراية تطلع ع عضلاتك و تسرح شعراتك
كنت بدي ياك الي لحالي .. قررت اقتل سيلين .. و الجن العاشق ما بترك اللي بحبو يروح لغيرو و هي اللي صار
( هي بتحكي و انا لساتني واقف مصدوم فاتح تمي بتطلع ع جثة سيلين حاسس حالي بكابوس مش قادر انطق حرف )
جوليا : بدي احكيلك شغلة كمان .. سيلين قبل ما تحبك كانت تشتغل مع الرقاصات اللي كنت تشوفهم لما تروح مع ماجد و كان ماجد معجب فيها و بحبها ..لحتى تابت هي و قررت تبعد عن هاد الطريق و تكمل دراستها و حبتك .. و ضل ماجد يكرهك و حاقد عليك و شايفك انتا اللي اخدت حبيبتو وبدو ينتقم بأي طريقة
انا عشقتك و ماجد كان يعشق سيلين و احنا التنين بدنا ننتقم قصتكو ما كانت زابطة من البداية
( وقتها تذكرت سيلين لما حكتلي بالحلم ابعد عن ماجد انتا بمنطقة الخطر ما تغلط غلطتي و دموعي بينزلو )
كملت جوليا كلامها و هي بتمشي ايديها ع رقبتي بدها تقتلني و بتحكي : و انا هلا ماا بتحمل اشوفك عايش مع البشر بكرههم كلهم و بغار عليك منهم بدي ياك الي و بس راح اخد روحك لعالمي و نعيش سوا و ننسى كل شي

( فعلا انا كنت غبي كيف ما فكرت بالطريقة اللي دخلت فيها لبيتي .. كيف ما فكرت بجملتها ( جمالي لا يقاوم و انتا لحالك اللي بتشوفو ) يعني ما حد غيري بشوفها ! و لما كنت اطلع معها و نظرات الناس لالي كاني بحكي مع حالي .. ما خطر ببالي انهم ما بشوفوها .. كيف ما لاحظت ابتسامتها الخبيثة اللي كنت اشوف متلها ع وجه ماجد .. كيف نسيت كلام سيلين و تحذيراتها الي حذرتني اكتر من مرة بس انا كنت غبي معمي عن كل شي بصير حواليي .. انا جد غبي و بستاهل كل شي قاعد بصير )

و بلشت اختنق بين ايدين جوليا و انا مستسلم مصدوم من اللي بصير بتمنى يكون كابوس و اصحى منو .. بتطلع ع جثة سيلين بندم و حزن و حسرة .. و هي بتضغط ع رقبتي شوي شوي و تضحك ضحكة بتخوف و اخر شي حكتو : راح احكيلك سر اخير .. ماجد هو اللي بعتني  و زادت صوت ضحكتها و زاد الضغط ع رقبتي لحتى خلصت كل انفاسي و اخدت اللي بدها ياه ( روحي )

#انتهت