📚قصص||روايات||منوعة📚

3? انا مابتوهم .. وحياتك شفتها لقطتك واقفة بين الم?بس وعم تتطلع وعيونها بتبرق .. نفسها أنا حافظتها .. حكتلي مين رما م?بسك هيك ..! حكيتلها مابعرف ماتسأليني .. بس انتي مصدقة اني شفت القطة ..! قالتلي مصدقة وخايفه .. أنا بلشت أخاف كتير أسماء .. نحنا ?زم نصحي ماما وبابا وساجد بسرعه .. حكيتلها فكرك مارح نتبهدل لو صحيو للمرة التالتة .. بس أنا تعبت .. هالليلة مو راضية تخلص .. وأنا والله تعبت .. حكتلي تعي معي .. اخدتني من إيدها وضل شباك الغرفة مفتوح .. وأنا حاسه انه الليلة مارح تخلص على خير .. طقت على باب غرفة ماما بهدوء .. طلعت ماما وقالت شو مصحيكم .. شو في؟ قالتلها تعي شوفي م?بس أسماء كلها بالشارع .. اجت ماما معنا .. ورحنا كلنا للغرفة .. تطلعت ماما من الشباك وشافت كل الم?بس برا .. قالت بسم الله ..!! يالطيف .. أنا بطلت أتحمل .. ?زم ابوكو واخوكو يشوفو شو بصير .. متأكدين ماحدا منكم رماهم .. قلتلها ماما شايفيتنا جنينا؟ ..! نحنا ماقربنا من التخت .. بس قمت احط القميص الملعون هاد اللي شافته ميس بغرفتها بالخزانه حتى ما اشوفو ولقيت مافي و? قطعة فيها .. حكت ميس تعي معي نصحيهم .. راحت ميس معها وانا بقيت جنب الشباك .. ماكان بدي يتركوني .. بس كان بدي أوقف لحالي جنبه .. وأشوف لو في شي ما حد بشوفه غيري مر قبالي بهاللحظة .. ماما وميس قعدو دقيقتين وشوي جوا وأنا لسه جنب الشباك .. قبل ليوصلو لعندي كلهم .. كنت عم بحس بنفس الشعور اللي حسيته بالحمام .. نفس ا?حساس بإدين عم تنمد عجسمي .. بس بهاللحظة أقوى ! أقوى بكتير لدرجة إنه عم تحاول تخلع م?بسي كلها من جسمي .. كنت حاسة إنه شخص جنبي وعم يخلع م?بسي بس مو قادرة أشوفه بعيني .. أنا صرت بصرخ .. والشباك مفتوح .. وصوتي كان عالي .. لدرجة سمعت في شبابيك بيوت بالحارة صارت عم تفتح من شدة صراخي .. سمعت ماما بتقول الحقوها بترجاكم .. بس قبل ليجو .. طرق باب الغرفة طرقة قوية لحسيت إنه رح ينكسر .. وسكّر عليه .. ا?ضاءة اختفت نهائي من الغرفة وساجد وبابا بحاولو يفتحو الباب بس ماكانو عارفين وأنا بحاول أوصلهم .. الشعور اللي كنت بحسه انه عم يعتدى عليه بهاللحظة وكأنه شخص عم بغتصبني .. م?بسي عم تتمزع من واحد أنا أص?ً مو شايفته بعيني .. وعم بصرّخ .. سمعت ناس برا بحكو شو بصير عندهم؟ ..! احكو معهم .. خلونا نروحلهم ..! وحركة صارت بالحارة عوجه الفجر .. بهاللحظة أنا غمضت عيوني وماحسيت عشي غير اني بوقع وشباك الغرفة بتسكر بعنف .. والباب بنخلع كامل .. واعية عكل شي بس مو شايفه شي .. وسامعه كل شي بس مو قادرة أفتح عيوني .. سمعت ماما بتقول اطلعو برا .. برا بسرعه .. البنت مو ?بسة شي ..! سمعت صراخ وصوت جرس بيتنا وصوت بابا وساجد
يتبع

3? كنت عم بتصرف معهم طبيعي من جواتي بدي أخلص منهم ?ضل لحالي وكأنه في شي بقلي اخلصي منهم وسكري باب غرفتك .. طفت ماما الكهربا وتركت ضو صغير جنب المطبخ .. ماكان بدي و? ضو .. قمت طفيته ودخلت وسكرت الغرفة بالمفتاح ?ول مرة .. خلعت م?بسي ونمت وتركت الشباك مفتوح وما سألت .. ماكنت خايفه وكان كل شي طبيعي معي .. وكأنه في شي بمشيني متل الريموت ?عمل كل شي بده ياه .. وبس بدأت عيني تغفى .. صرت بحس بنفس حد جنب أذني .. وكان سخن وقريب كتير .. أنا مغمضة بس في حد عم بحضني وبقرب مني وبشيل الغطا عن جسمي شوي شوي .. وحاسه بشعري عم ينمسك وينشد بهدوء وكأنه في حد وراي عم يلعب فيه .. وأنا ?ول مرة ماكنت سائلة ومبسوطه بوجوده .. وقربه زاد عليه لدرجة اني حسيت حالي محبوسة ومشلولة ومو قادرة أتحرك أبداً .. و?ول مرة نطق .. سمعت صوته بقلي .. أنتِ إلي .. أنا مابتركك .. كان صوت خفيف عند أذني وكأنه لشب .. كنت شامّه ريحة نفس العطر اللي عالجكيت وكنت بحكي معه ومو واعية شو بقله .. بهاللحظة والهوا بدخل من الشباك .. ما صرخت وماعملت أي شي .. لحد ماطلع الصبح .. صحيت من نومي لقيت جسمي كله أزرق وعأديه خدوش حمرة كتيرة .. صرخت من المنظر وبهاللحظة وعيت منيح .. لبست م?بسي وطلعت بركض للصالة .. شافت ماما جسمي وقالتلي مين عمل فيكي هيك .. انتي عملتي هيك ..!! قلتلها مابعرف .. وفجأة قلتلها مادخلك ..! حكيتلها بألم .. ماما ساعديني أنا تعبانه .. ورجعت قلتلها بعصبية أنا مبسوطه هيك ? تتدخلي فيني ..! كنت انسانه مفصومه وعم احكي شي وأرجع أقول شي تاني كأنه في شخصيتين جواتي عم بمشوني بدون إرداتي .. كنت بهاللحظة كرهانه م?بسي وبس بدي أطلع من البيت .. امي قالتلي انتي مو طبيعية مارح اخليكي تروحي على المعهد .. ميس دخلت لعنا وقالت ي? اسماء أنا جاهزة .. حكتلها اختك مو طبيعية ? تتركيها وأنا لوحدي من بعد ماطلعو ابوكي واخوكي عالشغل وخايفه عليها ومن البيت كمان ..! قالتلها ماتخافي عليها .. صرخت بوجه ميس وقلتلها مادخلك فيني انتي كمان .. ابعدي عني .. فتحت الباب وقررت انزل لتحت واخلع م?بسي على مرآى الناس وأهل الحارة .. كنت عم بفك زر القميص اللي ?بسته وأنا نازلة من البيت لهيك ميس خافت وقالت لماما اني رح اعمل شي .. حكتلها امي الحقي اختك واتصلي مع ابوكي واخوكي بسرعه ..! طلعت بركض لبرا البيت .. وصرت أنزل على الدرج بسرعة ورجل بتسبق رجل .. ماكنت واعية أنا ليه بدي أعمل هيك وشو المغزى من كل اللي عم بصير .. بس اللي براسي كان إنه أنزل على الحارة وأشلح كل م?بسي قدام أهل الحي .. كنت عارفة إنه ميس عم تلحق وراي وبدها تمنعني إنه أعمل هيك .. كان أول الصبح وكانت في حركة كبيرة بالحارة
يتبع

2? حكتلي مابعرف .. كنت معصبة ?نه وجهها صار أسود قدام الناس وغير اللي عملته بالحارة الصبح .. حكيتلها بدي أطلع من البيت .. حكتلي لو فيكي تطلعي اطلعي .. رحت على الباب وتفحصته كان مقفول بترباسين ومن جوا .. حكيتلها كيف بعملو هيك؟ ! بدكو تحبسوني .. هاد اللي بدكو ياه .. كانت تعبانه وقالتلي انا دايخة بدي افوت ارتاح .. لو حاسة بتعب أو فيكي شي تعي لعندي .. ماتعملي شي بترجاكي يابنتي .. تركتني ودخلت لجوا وحسيتها ماسكة تلفونها وكأنها بدها تتصل مع حد بس ماقالت ودخلت وسكرت وراها .. وأنا بقيت بالصالة بتصفن بالحيطان .. شفت آثار الكنبة المحروقة .. استغربت .. كيف نحرقت الكنبة وشو اللي صار .. أنا مو واعية إنه نحرق شي أو ولّع شي ..! كان مخي بودّي وبجيب .. فتحت الباب فجأة بدون ما أطق الباب .. كان بدي أسألها .. لقيتها واقفة جنب الحيط وبتنفخ بأواعي ?لي .. وبتغمض وبتقرأ شغ?ت .. صفنت فيها .. ماكانت شايفيتني .. قلتلها ماما شو بتعملي؟ ..! حكتلي بنتي اطلعي برا بسرعة .. مابدي تفوتي .. كيف دخلتي ..!! قلتلها شو بتعملي هالبلوزة إلي .. قالتلي مو ?زم تكوني موجودة وأنا بعمل هالشي .. حكيتلها شو هاد؟ .. شو اللي بإيدك .. كان بإيدها شي وشادة عليه ومابدها أشوفه .. فتحت إيدها .. قالتلي حجاب ..! قلتلها شو ! امي انتي من متى بتتعاملي بها?مور .. حكتلي مو وقته بنتي خلص .. حاولت تدخلني جوا على الغرفة بس أنا منعتها وقلتلها بدي أفهم شو هاد وقبل لتطلعني سألتها شو اللي حرق الكنبة ليه محروقة ..! حكتلي كيف مابتعرفي .. الكنبة ولّعت وانتي واقفة ومابنعرف شو صار .. أنا صرت خايفة من كل شي بهالبيت .. أي شي هون مابطمّن وخايفه أنأذى أنا كمان .. قلتلها انا السبب يعني؟ انتي خايفة مني ..! قالتلي ? بنتي .. ? .. بس أنتي مو واعية على شي .. وبطلتي اسماء اللي بنعرفها وشوفي كيف بتخربطي وبتنسي اللي صار .. شو صار بمخك يابنتي شو فهميني ..! طلعت من الغرفة وهيه سكرت عحالها ومافهمت شو كانت بتعمل وليه خافت وحاولت تطلعني من الغرفة .. معقول أنا عايشة بين أهلي وأنا مو عارفة عنهم شي ..! رحت لغرفتي وكان الصداع رح يفرتك راسي .. وأنا ماشية قرّبت من غرفة ميس .. سمعتها بتحكي تلفون بصوت واطي .. كانت بتحكي .. ? تضغط عليه أكتر أنا مابقدر .. وياريت تطلع من حياتي وتنساني بكفي .. كانت معصبة وبتصرخ بهدوء وبتحكي ك?م مو مفهوم .. كنت بسأل حالي مع مين بتحكي وليه هيك ك?مها ؟ ..! ومين هاد اللي بتحكي معه .. ميس قريبة مني كتير ومابتخبي عليه شي .. اختي التوأم مستحيل تخبي عليه .. ولو بتعرف حد بتقلي .. بس انا بعرف انها مو على ع?قة بحدا .. مين اللي بتحاكيه بهالطريقة وليش ..! سكرت الخط وفتحت الباب فجأة لقيتني بوجهها
يتبع ..

2? ميس خافت قالت ماما اسماء ليه بتحكي هيك .. بهاللحظة ساجد قرر يتصرف من راسه .. وقال متل مافهمتنا البصارة .. البنت ممسوسة والمس صاب اختها ?نهم توأم .. ?زم نروح عالشيخ الصبح ضروري .. قلتله ? .. ? .. ولو جبت سيرته رح انهيك ياساجد .. ضربني عوجهي وصار يرفسني برجله .. ويخبط على راسي .. امي منعته وقالتله ? تعمل بأختك هيك .. انا صحيت وقلتله ساجد ليه بتضربني .. أنا شو عملت حرام عليك .. قال وبدي اكسر راسك لو ماطلعت منها وتركتها .. وصار يقرأ قرآن .. انا قلتله عم توجعني يطلع من مين اتركني موتتني .. وبهاللحظة كانت عيون ميس غريبة وقالبة وقالتلهم سمعتو شو قالت اسماء .. رح تحرقكم وتننهيكم لو فكرتو مجرد تفكير انكو تروحو على شيخ .. تخربطت الصورة جوا راسي .. وصرت مستغربة من كل شي بصير .. إذا أنا فع?ً ممسوسة .. طيب ميس ليه بصير معها هيك .. معقول ك?م البصارة كان صحيح .. والجينات اللي بينا سبب ?ذيتنا نحنا التنين .. مرّت الليلة على خير .. صحينا و? كأنه فينا شي .. كنا نحنا التنتين طبيعيات .. تصرفنا كان طبيعي وكنا كلنا عم نفطر بهدوء وساكتين .. وبعد ربع ساعة .. قام بابا وساجد من على الطاولة وطلعو من البيت .. وأنا وميس صرنا نتطلع ببعض وكأنه مو عارفين شو صار مبارح بالليل .. قالتلي ماما ادخلي تغسّلي بنتي .. صرلك فترة المي مالمست جسمك .. قلتلها خايفة .. حكتلي ?تخافي .. ولو بدك أنا بدخل معك .. قلتلها ? خلص رح أدخل .. دخلت عالحمام وسكرت الباب .. ماكنت عارفة كيف رح أشلح الم?بس .. كل ماكنت بشيل قطعة من م?بسي عن جسمي بحسه قريب مني .. وكأنه عم ينتهز الفرصة ليشوفني هيك .. ليه نحطيت بها?متحان ماكنت عارفة وليه أنا ..! كنت عارفة إنه بابا وساجد طلعو من البيت ليشوفو الشيخ ويمكن لحتى يجيبوه على البيت .. بس مابدهم يحكو لحتى ما أجن متل الليلة .. أو ميس تتأثر فجأة متل ماصار .. فتحت المي .. ونزعت م?بسي ودخلت ?خد دش .. خفت أغمض عيوني اشوف حد جنبي .. أو حد يلمسني متل المرة الماضية .. ضليت فاتحه عيوني والمي عم تنزل على راسي وجسمي .. ولحتى ما أخاف صرت عم بغني متل دائماً .. كنت مطروبة بصوتي والخوف قل شوي .. وبعد ماخلص ت .. انبسطت إنه ماصرلي شي .. اخدت المنشفة ?نشف .. قربتها على وجهي .. شميت نفس ريحة العطر .. هالشي ماكان مبشر لخير وكنت عارفة لو شميت هالريحة على غرض بكون قريب مني .. أو حدي تماماً .. رميتها من إيدي وحاولت أفتح الباب .. كان مسكّر .. حاولت أطلع بس ماقدرت .. كل ما احط ايدي على الباب ?فتحه شي يرجعني ويسحبها .. متل المغناطيس بالضبط .. ماكان بده أطلع .. وبس بده أضل .. خبطت برجلي على الباب وصرت أصرخ .. بس كنت عم بحس بصوتي عم بخنقني
يتبع ..

انه مبسوط بالمستشفى.. ممكن اعرف ليش ؟ حكيتلها مش لازم تعرفي.. لأنه انا اصلاً مابعرف.. حكتلي على راحتك بس ابقي خبري الدكتور هاد الكلام ولو سألك احكيله مابعرف ! .. كان اسلوبها مستفز وبعصبية .. يمكن كلمتي كانت صعبة عليها.. هالشي خلاها تعصب مني.. بس انا فعلاً ماكان عندي جواب انه ليه مابدي أطلع ! دخل عندي الدكتور وقلي نفس الكلام حكيتله خليني للمسا انا حاسه بتعب.. فحصني وقلي مافيكي شي.. بس على راحتك رح أخبر ادارة المستشفى بهالشي.. صار الليل وأنا لوحدي بغرفة المستشفى بعد ما نبهت مرة تانية على علاء وغيداء ماحد يزورني.. حسيت بالليل رح يصير شي لأنه بالصبح ماصار ولا شي.. دق الباب فكرت الممرضه او الدكتور.. كان في شخص اله لحية على الباب بعد مافتحتله وشكله غريب كتير.. حكيتله مين حضرتك ؟ قلي ممكن ادخل ... حكيتله انا لوحدي كيف بدك تدخل.. قلي أنا بعرفك ولازم نحكي.. حكيتله تفضل.. قلي أنا بعرف ليش انتي ماقبلتي تروحي على البيت.. انتي بدك تعرفي اللي صار معك شو سببه وليش أكتر من شخص ظهرلك وحكالك الرقم اللي فوق غرفتك.. حكيتله انت شو عرفك ؟ اذا الأشخاص نفسهم مش عارفين هاد الكلام !! انت مين وكيف عرفت هاي التفاصيل !! .. قلي أنا مشعوذ وأنا الشخص اللي واقف جنبك بس مش حاسه فيني.. ورح أساعدك من الناس اللي بحاولو يقتلوكي ويقتلوا خوانك.. حكيتله كيف عرفت ؟ وانا بعمري ماشفتك ! قلي شو الحقيقة أنا تخربطت وبطلت عارفه شي.. قلي أنا بعرف مين قتل أمك وشو كان بدهم منك.. بس بدي منك تساعديني.. حكيتله شو مابدك بعمل بس قلي.. حكالي بدي اتزوجك حتى اضل معك وحتى تعرفي الحقيقة لازم توافقي.. قلت بنفسي لو رفضت رح يروح ويختفي متل الأشخاص اللي ظهرو واختفو ومارح اقدر اعرف شي.. أنا لازم امشي معاه واشوف شو بده بالزبط.. قلتله ماشي خلص بس اتركني افكر.. قلي بكرا الصبح بدي تقرري ورح احكيلك على كل شي بس توافقي.. بس اذا ماوافقتي عليه رح تندمي كتير ورح أوقف ضدك.. لأنه هاد هوه مبتغاي منك.. لو بدك تعرفي شو هاي الخربطة اللي بحياتك ومين قتل امك ومين ببعتلك رسائل.. وافقي نتزوج.. قلتله بكرا الصبح رح تعرف قراري.. قلي بستناكي.. طلع من الباب وأنا حاولت أنام وأنا بفكر ماقدرت اوصل لشي.. مين هدول اللي بطلعلولي وليش بختفو.. انا قلتله بكرا بدي أردله جواب حتى اقدر امسكه ومايختفي.. يعني بكرا لازم يرجع.. وفجأة رن تلفوني.. رديت كان علاء.. قلي صار شي ؟ ماحبيت احكي شي كنت حاسه انه لسه حيصير شي أكتر من هيك قلتله لأ.. بس ما تيجو هون.. سكرت الخط وقمت عالحمام.. كان في مراية ورا الباب بتعكس الغرفه من جوا.. بعد ما اسكر الباب.. دخلت اغسل وجهي حتى اصحصح من تعبي.. سكرت الباب وفجأة لمحت الزلمه اللي كان بالغرفه.. وكان بتطلع عليه وواقف جوا.. فتحت الباب مرة تانية بعد ما نصدمت.. وصرت ادور عليه واحكي انت لسه هون ؟ وفجأة وقعت على الأرض بدون ما أحس.. فكرت حدا دفشني.. صرت اتطلع واحكي مين هون ؟ صار بدي أطلع من الغرفه لأنه اللي صار رعبني

ليه وأنا رح ساعدك لأنه بابا بشتغل بقسم الشرطة.. وطلع ورقة وقلم وكتب رقمه واعطاني ياه وقلي هاد رقمي اي شي بدك ياه اتصلي عليه وبابا رح يساعدك.. عن اذنك.. حكيتله شكراً.. طلع من الغرفه وأنا بقيت بفكر.. وبعد خمس دقايق من التفكير فتحت الورقه وشفت الرقم.. كان اخر اربع ارقام واحد تنين واحد سبعة.. نصدمت وكان مكتوب تحت الرقم.. اتصلي ولا تترددي.. أنا صابتني الصدمة وماعدت أعرف شو بدي أعمل.. ليش الرقم مرة تانية.. شو في ورا هالرقم وليش هالناس بطلعلولي شو في ورا هالرسائل المخفيه.. صرت أفكر وقلت كل اللي عم يطلعولي رجال وعم بروحوا وبحكوا اللي عندهم وما بقدر أعرف مين همه وشو بدهم بس بتركو أثر لهاد الرقم.. ليش !؟! اجا عليه علاء وقلي شو بتعملي هون بعدك فكرتك طلعتي من المستشفى فهميني شو اللي صار ؟ قلتله عن اللي صار.. والرقم الغريب اللي مابفارقني.. قلي لازم نطلع من هون قبل لننبلي بمصيبة تانية.. طلعنا من المستشفى وصرنا نحكي بالسيارة.. قلتله مو حاسس انه في شي غريب عم يصير .. قلي فعلاً شي غريب.. حكيتله الأشخاص ما عم يأذونا.. بيجوا بحياتي بقولو هاد الرقم وبروحو.. الغريب انهم ما بأذونا.. وكل شي كان يصير فهوه منا نحنا مو منهم.. شو لازم نعمل .. أنا بقول تروح على بيتنا القديم اللي بكندا.. روح سافر وشوف البيت شو فيه .. يمكن تلاقي شي هناك أنا متأكده.. قلي والشغل ؟! قلتله أنا رح أتكفل بكل شي بس لازم تسافر أنا متأكده السر هناك.. هدول الأشخاص عم يبعتولنا رسائل حتى نروح لهناك ونشوف شو سر الرقم.. مع اني شاكه انهم مو بشر أصلاً.. والرقم مجرد لعنة بتبعتلنا هالأرواح حتى تنبهنا نروح لهاد المكان بشكل غير مباشر لأنه حتى الشخص اللي شاف الزلمه اللي طلع من غرفتي كان من جماعتهم.. قلي طيب رح أحجز وأسافر بس أوعديني تديري بالك على حالك وعلى غيداء.. قلتله ماتخاف.. تاني يوم الصبح سافر علاء وبقيت بالبيت مع غيداء بنفكر بكل الأشخاص اللي مرو بحياتنا.. شو ممكن يكونوا بدهم منا !!.. قالتلي حاسه متل ما انتي حاسه.. هدول الأشخاص مسلطين علينا وعم يبعتولنا رسائل غير مباشرة.. بس مين ممكن يكون قتل ماما ؟ قلتلها هاد اللي مو عارفيته.. شو رأيك نرن على الرقم.. قالتلي رني عليه يمكن يوصلنا لشي.. مسكت الورقه وأنا خايفه وايدي على التلفون أرن أو لأ.. وبعد نص ليل.. وغيداء جنبي.. قررت أرن.. فتحت التلفون وكبست على الرقم وصلت لعند واحد تنين واحد سبعة وكبست اتصال.. رد عليه شخص بس صوته غير صوت الشب اللي ظهرلي بالمستشفى.. قلتله مرحبا.. حضرتك الشخص اللي قابلني بالمستشفى اليوم ؟ أنا ميساء..قلي انتي اللي أمها نقتلت ودفنتوها بأيدكم وصوروكم.. وهددوكم.. وبدك تعرفي مين عمل هيك ووين جثة أمك ؟ قلتله انت كيف عرفت كل هالتفاصيل ؟ انت نفسك اللي قتلتها ؟! قلي أيوه.. أنا اللي قتلت أمك.. والشخص اللي أعطاكي الرقم بده يوصلك لألي.. يعني انتي وصلتي.. قلتله مين انت وليه عملت هيك.. وليه عم تخلي هدول الرجال يظهرولي.. ليه عملت هيك !!!

قالت أم قاسم الحقيقة عندك البنت هاي وصلّت الكلام لألنا وانا متأكده اللي كتبته انت فيه المقصود.. صرخ بصوت عال وقال نعم انا خاين.. وأنا السبب بكل شي.. أنا اللي دفنتك وأنا اللي ضربت بلوح الخشب وأنا كمان اللي رجعت وشلت كل شي عندك قبل لتموت !! حكيتله عارف بترجاك فهمني ليش علمت هيك.. انا لجأتلك.. بحثت عنك بعد كل هالسنين حتى توقف جنبي.. تطلع انت اللي عامل فيني هيك !! طيب كيف وليش فهمني.. قلي مابقدر احكي ولو حكيت أنا رح اموت.. كروان قله صاحبك رح يموت كمان لو ماقلت شو الحقيقة.. قال انا ماكنت بدي أسرق المحل وماكان بدي أأذي منتصر وماكان بدي أعمل كل هالشي.. انا اصلا كنت بحالي وبعيد عنه.. بس في شي مانعني أحكي ومابقدر احكيه لأنه رح ينخرب بيتي ورح أموت.. صدقوني انا مابعرف انه الموضوع فيه كل هالجنون وانه منتصر مأذي بهالشكل ومبعوثله لعنة قاتلة هيك !! أنا ما أذيته ومش أنا اللي عملت كل هاد.. أنا كنت بس مرسال لحد وكان بدي اخلص كل شي واهرب وما ارجع.. بس جيّة منتصر لعندي خلتني أحس بالذنب وأحس انه الله بعته لإلي حتى أكفر عن اللي عملته وعن خيانتي لصداقه وكل شي عملته معه خارج عن إرداتي.. حكتله ام قاسم مين الشخص اللي انت مرسال لإله ؟ حكالها مابقدر احكي.. اتركوني.. بهاللحظة هجمت عليه وضربته وقلتله انا رح اقتلك.. قبل لأموت رح اقتلك بإيدي.. رجع ضربني على وجهي بقوة ودفعني عالأرض.. صرنا نتضارب وكلهم عم بحاولو يفكونا من بعض.. بس أنا ماكنت عارف ليه عمل معي هيك.. قلتله انا جيتك لعندك وانت بعمرك ماكنت سيء أنت الوحيد اللي كنت بوثق فيه بهالعالم.. أنا حسيت انه في حد عم بلعب معي بس كان بدي يقول كل شي.. ضل يضرب بالباب ويحاول يخلعه لحد ما فتح.. طلع يركض وانا حاولت الحقه وقفتني أم قاسم وقالتلي أنا رح أكشف كل شي بطريقتي.. انت رح تروح وتتخانق معه وممكن يأذيك.. هاد انسان شرير لهيك اترك هالشي عليه أنا.. أبو عاصم ضل مصدوم ونزل من البيت وهوه تعبان.. أنا نزلت مع كروان وطلعت بسيارته مع أم قاسم.. حكالي هالليلة رح تنام عندي وبكرا الصبح بتطلع من عندي.. قلتله بكرا امي جاي من السفر ولازم اشوفها.. جاي مع اختي وولادها.. وصلنا أم قاسم على بيتها وبالسياة حكتلي ماتخاف.. بإذن الله مارح يصيرلك شي.. هلأ لقينا أول راس للخيط وكلام صاحبك هاد رح يوصلنا لمكان اللعبة ومكان الرواية.. بدي منك بكرا تيجي وتجيب اختك وامك لعندي على البيت.. رح أكشفلكم كل الوراق بطريقتي.. نزلت وراحت وطلعنا بالسيارة.. كنت حاسس انه وجود هالبنت لسه ماحل عني.. وانها ماشية ورانا أو إنها قاعدة جنبي

قلتلك اني عرضته على رسّام وقلي ممكن يكون سحر.. للأسف طلع صح.. أنا تأكدت بنفسي!.. قلتله شو الجديد انا بعرف اني مسحورة ومن زمان مو من اليوم بس تجدد الموضوع معي بالفترة الأخيرة.. قلّي السحر واضح إنه من نفس العيلة.. وممكن يبقى لآخر يوم بحياتك.. وللأسف يلي كانت خطيبتي شافت الصور بتلفوني بس أجت تشوفني آخر مرة وما كنت متوقّع إنها تدخل على المحادثات وتسمع التسجيلات الصوتية يلي كنت أبعتها للرسام.. عرفت كل شي حتى موقع بيتك ورقم تلفونك.. وأنا بعرفها هالبنت ممكن تحكي وتخرّب العلاج عليكي.. قلتله أنا ما بدي أتعالج وما بدي منك شي!.. وانت ليه لتحكي موقع بيتي!.. قلي لأني قلتله يجي لعندك على البيت ليقدر يساعدك لأني بعرف انك عنيدة وصعب تقتنعي بسهولة.. ريحانة انتي لازم تلحقي نفسك وتعرفي مين يلي عمل معك هيك!.. دخلت ماما فجأة من غرفتها وقالت شو بصير مين هاد؟!.. هاد نفسه؟!.. قلّها ايوه ست نورمان أنا ورد.. صار بده يحكيلها وانا حاولت اطرده بس ماما اصرّت تعرف لقلّها كل شي.. أمي أمّنت فيه وقالتله يبقى معي ويساعدني بس أنا كنت برفض لأنه ما كان بدي ياه يدخل حياتي من جديد.. لهيك طردته.. امي حكتلي هلأ عرفنا شو الوراق يلي كنتي تدوّري عليه.. إذا ما بتخلّي هالشب يتصرّف أنا رح أتبرى منك والورق هلأ لازم نلاقيه.. كانت الساعة 11.. قفلت غرفتي بالمفتاح وطلعت برا البيت.. صارت امي تناديني وين رايحة بهالوقت.. صرنا نص الليل!!.. صرت برا والشوارع كانت شبه فاضية.. نفسيتي ما كانت متحملة ابقى دقيقة بالبيت من كلام ماما المشحون.. حاولت اتصل مع نوار بس ما كان يرد عليه وكان بدي أحكي معه لأقلّه كل شي لأنه ما كنت قادرة أخبي أكتر.. قعدت بكوفي شوب كان فاتح واستنيته.. وبعد نص ساعة وصل.. بدأت أحكيله عن المرض والذكريات يلي بتتكرر بحياتي بشكل متواصل وبعدين الجريمة يلي صارت بشكل مفاجئ بس كنت رح أنتحر.. والتوقيت الغريب يلي مات فيه بابا وبتتحقق فيه أمنيات بقولها جواتي فجأة وبتصير!.. من ضمنها وجوده!.. اتطلّع فيه بإستغراب وقلي أنا بعرف كل هالكلام.. استغربت وقلتله كيف؟!.. حكالي أنا حلمت فيكي وهلأ تذكرت الحلم برغم اني كنت ناسيه بس كلامك عن اختفاء حاسة النسيان خلّاني أتذكره.. أنا شفتك بحلمي كتير.. وطلبتي مني المساعدة!.. لهيك قلتلك وجهك مألوف!.. أنا مستعد أساعدك وأوقف جنبك.. بس بدي تحكيلي كل شي بالتفصيل مو رؤوس أقلام.. قلتله أنا كنت بنت ذكية.. جبت الأولى على كل مدارس المدينة.. وقررت أدرس علم النفس لأقدر أفهم يلي صاير معي بالزبط.. برغم رفضي لإستشارة طبيب إلا إني كنت بشعر إني بحاجته.. مش ليساعدني لأتخلّص من مرضي لأنه صعب ومستحيل وبعرف إنه ما رح أقدر أخلص منه لأنه مرض نادر.. قليّ بالزبط وإسمه هايبرثيميسيا وأنا مرة كتبت مقالة عنّه!.. حكيتله بالزبط.. إلا إني كنت برفض بسبب الماضي.. اتطلّع فيّه بتركيز وقلّي شو كان فيه الماضي؟
يتبع..
Mahmoud Salloum

صرت أبكي بالشارع واحكيله شفت كل شي.. قلي ليه بتبكي؟.. حكيتله شفت مستقبلي ومستقبل عيلتي شفت تفاصيل كتير.. وأنا لسه بحكي معه ودمعتي بعيوني شفت ريشة طايرة بالسما.. وبقيت تطير لوصلت لإنارة الشوارع العالية.. الناس كانو بتطلعو عليّه بإستهجان.. إنه هاد مجنون؟!.. ووسام حكالي اجي هلأ على بيتكم؟!.. قلتله اسبقني.. كان المركز بمنطقة بعيدة.. وتخيلاتي يلي شفتها بالحلم كنت عم بركبها بخيالي بالطرقات وأشكال الناس.. أنا لازم أنقذهم من يلي بصير.. لازم أعمل شي!.. يلي شفته صعب.. السنين الجاية صعبة كتير!.. بعتتلي عزة رسالة بعد نص ساعة.. قتيبة وينك وسام هون.. وصلت البيت.. امي كانت بتجهز العشا وبابا بصلّي.. وريان مبسوط وبحكي لوسام إنه إنقبل بالجامعة يلي بده ياها لدراسة الدكتوراة بمجال الهندسة.. فاتحين على محطة إخبارية وبيحكيلو عن الإنتماء للوطن وإنه ما اختار يسافر لبرا بالرغم إنه مقبول بجامعات اوروبا بس بقي يحاول بوطنه لنقبل.. امي حسّت انه فيني شي وقالتلي ليه عيونك حمرة؟.. حكيتلها ما في شي يمكن اخدت برد.. خافت وحطت إيدها على راسي وقالتلي عليك سخونة.. تعال تعشى لتاخد الدوا.. قلتلها بدي احكي مع وسام شوي.. قالتلي هلأ كُل بعدين بتحكو!.. قلتلها بعد شوي حبيبتي مو قادر.. أصرّت لأكل واخد الدوا.. وأنا صرّخت وقلت بعدين!!.. بابا استغرب وقلّها اتركيه.. دخلت مع وسام.. قلي ليه هيك كسرت بخاطر امك؟!.. شو في شو صار معك!.. قلتله عملت الجلسة يلي حكا عنها نوراني.. وياريتني ما عملتها.. قليّ بهدوء.. وشو شفت!.. قلتله هالبلد رح تتدمر.. وأهلها رح يتهجّرو.. ونص مواطنينها رح ينقتلو.. ما رح يصير تغيير ولا أي شي.. مستقبلهم خراب.. نحنا ليه بنتعب حالنا؟!.. عشان شو؟!.. عشان نموت!!!.. قلي انت شو عم تحكي!.. خلص لهون وبكفي.. مو لازم تصدق كل شي بتشوفه!.. قلتله تسنيم رح تموت بالقصف.. اجت عنا وعزفت نفس المقطوعة يلي سمعتها بالحلم.. هلأ عرفت شو رح يصير معها.. واخوي رح يخونّي ويخرّب مستقبلي.. هاد يلي جوا مبسوط بنجاحاته.. واختي رح تسافر وما بعرف شو نهايتها هيّه وابنها.. أما أمي رح ياخدها المرض قبل كل هالأحداث.. رح تتركني.. صرت أبكي.. وهوه حكالي وإذا ما صار شي من هاد!.. قلتله رح يصير.. الملائكة عم تفتحلي أحداث المستقبل.. شفت نص أحداثه بالتفاصيل.. حاسس راسي رح ينفجر.. الليلة ما فيني أنام.. قلي هلأ مو مفروض منك تفكّر.. بس سؤال صغير جاوبني عليه ووقتها رح نطلع من هون.. قلّي شو السنة يلي رح يصير فيها الحرب؟.. قلتله ما بعرف.. حكالي وانت ناوي تبقى تفكر لوقت غير معلوم الله وحده يلي بعرفه وتضل على هالحالة؟!.. حكيتله بعرف صعب بس صار عندي فكرة مسبقة عن كل شي بده يصير.. ليه ما نكون جاهزين ونقلب مخططاتنا؟.. اذا الحياة خربانة وخربانة.. ليه ما نخربها من هلأ!.. صرّخ بصوت واطي وقلي مجنون!!.. بدك نثور ونشتغل عالمفضوح.. انت عارف شو ممكن يصير؟.. قلتله عرفت شو رح يصير وما رح يهمني شي!.. حتى الناس يلي رح تبقى معي للآخر صرت عارفهم.. او عندي فكرة مبدأية عنهم.. حكالي شو يعني عم توجّهلي كلام؟.. يعني أنا رح أتركك واتخلى عنك!.. قلتله مو متأكد.. خلينا نتعشى.. ما فيني أزعّل أمي أكتر من خمس دقايق.. حكالي وقف شوي.. تذكرت شي.. مين خنساء؟.. قلتله خنساء أول حب بحياتي وآخر حب.. بتتذكر بس قلتلك الملاك شو قلي؟.. هلأ عرفت شو معنى جملة تلات كلمات بكل كلمة همزة وبكل يوم حدث.. خنساء هيه أول كلمة فيها همزة.. بقي كلمتين ولو فكرنا كويس بأحداث الحلم رح نكشف كمان كلمات.. بس رح أخليهم لوقتهم للليالي الجاية!.. قلي يعني أفهم انك بطلت تخاف من النوم أو الأحلام؟.. قلتله بعد يلي شفته اليوم بجلسة الطاقة ما عاد يخوفني شي.. ولو بدي أشوف نفسي ميّت!.. ما في أصعب من أنك تشوف حياتك الجاية من دون يلي بتحبهم.. من شدة حبي لإلهم.. فكرة غيابهم كانت قالقيتني من زمان كتير.. ما كنت بعرف كيف رح يجي يوم واتحمل حياتي بدونهم.. بس لمّا عرفت يمكن صار في نوع من الراحة.. فعلاً إنه نهاية القلق راحة!.. طلعنا نتعشى.. بابا فتح سيرة دانيا وصار يسأل عن السبب يلي خلّاها تعمل هيك.. امي حكتله يلي قالته تسنيم.. وعزة قالتله عن مرضها النفسي.. شفت بابا ارتبك وتشردق بالأكل.. وسام حس إنه ملامحه تغيّرت.. وأنا كنت بسأل نفسي بابا ليه ارتبك!.. قام عن الطاولة وريان غيّر الموضوع.. فجأة اندق الباب.. راحت عزة فتحت الباب.. سمعت صوت ود بتصرخ وبتقول الحقيني عزة في واحد حاول يفتح باب بيتنا ونحنا لحالنا.. ولمّا اتطلعت من عين الباب شفت واحد مسلّح.. وبس سمع صوت البيانو عرف انه في حد بالبيت وهرب.. شفته عم يطلع من باب البناية!.. لحقوه بسرعة قبل ليبعّد
يتبع..
Mahmoud Salloum