#هاجر_إبراهيم [Hajar Sh] ,,,,
#الجزء_الخامس_عشر ...
{أركان: بهداك الوقت كنت مستعد ادفع عمري كلو لأعرف شو صار بـ سَـآندرآ. .. فجأة حسيت الدنيا ضاقت فيني ،، فجأة حسيتها صارت تخنق فيني .. وگأني مضيع قطعة م̷ـــِْن روحي ••} 💔
مع سيارات الشرطة وصلو كلهم هالمشفى مكان مو موجود عدي ،،، اول مانزلو عبيدة واركان ورائف اتجه ثائر لعندهم ووقفهم ..
ثائر: سمعو، ،مابدي اي تصرف طائش منكم وخصوصا مـڼـڱ اركان
اركان: ،،،،،،،
عبيدة «ابتسم وحكا بإستفزاز »:لانحنا بس فايتين نشق عليه .. يلا اركان ..يلا رائف بيك
اتعدوه ودخلو وخلوه واقف بمكانو هوة ومنذر ،،
ثائر: هاد اللي اسمو عبيدة شكلو ناوي يتسبب لحالو بحبسة،،،،
منذر«كتم ضحكتو »: الشب صريح ما تواخزو ..
ثائر :،،،،،،امشي قدامي بلا علاك مصدي ...
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛🎋
بهالوقت كانت لسا لورا قاعدة بجنب تخت عدي وناطرتو لحتى يصحى ..
شافتو بلش يصحصح وهوة بيحرك راسو شمال ويمين وهوة بيهمس بكلام مو مفهوم ...
انتبهت وقربت عليه لتقدر تسمع شو بيحكي .. كانت حاطة ادنها عند وجهو تقريبا لما سمعتو بيحكي: شو عم تعملي ؟ !
انتفضت واتلبكت وابتسمت بإحراج ..
لورا: ههه ال الحمدلله عسلامتك
رفع عدي حالو بتعب و رد: انَــْتي لورا! !
لورا: اي ،، بتتزكر اني رنيتلك وانا يلي جبتك لهون
عدي: جد! مابتزكر .. عكل حال شكرا
هزت لورا راسها وسألت: ياترى بتعرف مين ضربك وعمل فْيَگ هيك
صفن عدي وهوة عم يتزكر اللي عملتو فِيَھ سَـآندرآ. .. رفع ايدو وحطهَـــاآ علـّۓ. جبينو اللي كان ملفوف بشاش ..
عدي: انا ينعمل فيني هيك! اي شو عليه
لورا: عفوا
عدي: لٱ ماكنت عم حاكيكي .. اه صحيح كيف صار امجد؟
لورا «بحزن »:بعدو علـّۓ. حالو وماصحي
همس عدي:وانشالله مارح يصحى ..
عدي: •اللّـہ̣̥ يقيمو بالسلامة ..
وفجأة سمعو برة صوت صراخ ابو عدي زعزع كل زوايا المشفى، ،،،
عدي: شوفيه؟
لورا: مـ مابعرف ..
وبرة كان ابو عدي واقف وبيطلع عالكل بفوقية ،،،
ثائر: لْـۆ سمحت سيادة العميد، ،مافيه داعي لهالانفعال، ،،،نحنا جينا نفهم م̷ـــِْن ابن حضرتك عن اللي صار
ابو عدي: كيف ما انفعل وانا سامع الاتهامات الصريحة اللي بتوجهوها لإبني بكل وقاحة
اركان: الوقاحة بلشت م̷ـــِْن افعال ابنك قليل التربية
ابو عدي: ابني قليل تربية! !!!
ثائر: يخربيتك يا اركان ، ،، «مسك ثائر اركان وبعدو لورى »: سيدي الشب بس بدو يعرف وين بنت عمو
ابو عدي: رح اعتبر حالي ماسمعت شي حضرة الضابط ،،، بدال ماتجي تحقق وتلقي القبض عالناس اللي عملو بإبني هيك شي جاي تتهمو بالخطف .. اسمعو كلكم انا فيني اخرب بيوتكون واحد واحد وبدون ما ارحم حدا .. روحو دورو عبنتكون بعيد م̷ـــِْن هون وشوفوها باي شارع دايرة بدال ما تتهمو الناس المحترمة بهالمجنونة
عبيدة: لاااا هيك زودتا، ،،شوف ياا محترم، ،،انا موساكتلك لأنك عميد، ،بس مشان هالكم شيبة براسك، ،، وابنك رح يتحاسب ان ماكان اليوووم بكرة ،، مانو احسن م̷ـــِْن حدااا .. مستحيل يضل مسنود م̷ـــِْن حضرتك، ،، م̷ـــِْن الطبيعي انو يستجوب ويتقاضى علـّۓ. افعالو متل اي حدا بيغلط ..
ابو عدي: بالظاهر رح تخلوني اتصرف بشكل تاني معكون .. حضرة الضابط انا م̷ـــِْن رأيي تاخد هالكم ازعر وتطلعو م̷ـــِْن هون قبل ما اعطي اوامري بإلقاء القبض عليكم، ،،
اتقدم رائف واتواجه مع العميد، ،،
رائف: اسماع هالكلمتين مِڼـّي سيادة العميد .. باعتبارك عميد واكيد دارس ومتعلم ومستحيل ماتكون بتفرق بين المختل عقليا ومصاب التوحد وانا متيقن انك بتعرف انو التوحد مو جنان ... بس كرمال اتطلع ابنك منـِْهــِْا اتهمتو بنتي بالجنان ،، بس قد ما تجبرتو ليكون عندك خبر .. مافي شجرة وصلت عند ربها .. وعين علـّۓ. گلآمَيےّ هاد .. يلا شباب خلينا نروح ندور علـّۓ. سَـآندرآ. ..
اتراجع رائف بخطواتو والتفتو لحتى يمشو لما سمعو صوت لورا بتحكي: ااركـــان! !!!
رجعو التفتو كلهم وانصدمو بس شافوها واقفة وساندة عدي عجنبها ..
رائف: لورا! ! انَــْتي شو مفكرة حالك عم تعملي؟ ،،، امشي تعالي معي عالبيت
لورا: شو مفكر ازا خليت ماما تسقط حقها عن بنتك المجنونة تمشي رأيك عليي انا كمان! !!
اركان: وليش هيك عم تحكي مع خالك؟
لورا: بحكي معو كيف مابدي ،،، بعدين لما تجو تتهمو حدا شغلو عقولكون مو تتهمو ناس مالها ذنب ..
كان عدي واقف وبيطلع فيهم واحد واحد وهوة بيبتسم بطريقة استفزتهم ..
عبيدة: باين الاصل ماشالله .. يلا اركان نمشي ،،
بقيو اركان ورائف واقفين وهنن ببادلو لورا بنظرات كلها غضب .. اما لورا ضلت متمسكة بـ عدي بدون مبالاة لخالها وابن خالها ...
اخد اركان نفس وحكا: انا موفاضيلك ،، عِنـ.̷̷̸̷̐ـديّ شغلة اهم مـڼـڱ هلأ ..
لورا: ،،،،،،،،
رجع التفت مع عبيدة ورائف ومشيو ..