📚قصص||روايات||منوعة📚

الجزء التاني:

قمر:و كل يوم؟

ام قمر:ايه

قمر:و عمو رجب ،ليش ما عم ينزل على شغلو ؟

ام قمر :ما عم يشتغل هالفترة بس عم يدور على شغل بس ما تجيبي هيك سيرة لابوكي

قمر:طيب

فكرة انو ابقى انا و اياه بالبيت فترة الصبح كل يوم كانت عاملتلي رعب ،تاني يوم قفلت الباب علي ،و فقت على صوت دقات باب غرقتي

رجب:قمر ...قمر افتحي الباب

قمر :خير ،بدك شي ؟

رجب:كان بدي تعمليلي قهوة

قمر:هلأ لتجي الماما هي بتعملك

رجب :قمر ما قلتلك اعتبريني رفيقك

قمر :عمو رجب انت متل ابي ما متل رفيقي

رجب:اممم طيب اعتبريني متل ابوكي

قمر:عندي اب

توقعت انو رجب بدو يكمل من محل ما وصل مبارح ،بقيت مقفلة الباب على حالي ،جعت و عطشت و انحصرت و هو كل شوي يجي على الباب و يدق علي و يطلب مني افتحلو حتى سمعت صوت امي ،فتحت الباب و طلعت استقبلتا و ما بينت على حالي ،فاتت على المطبخ لتطبخ و انا لحقتا

قمر:انا بدي ارجع عند ابي

ام قمر:ليش ماما ؟ما مبسوطة هون ،هلأ العصر منروح مشوار انا و اياكي

قمر:لا مبسوطة بس بدي ارجع حضر للبكالوريا ، حسيت انو ما معي وقت كتير و رح اطلب من ابي يسجلني معاهد بالصيفية احسن ما ضيع وقتي

ام قمر: انا ما لحقت شوفك منيح

قمر:برجع انشالله بس لاقطع مرحلة منيحة من الدراسة

ام قمر:طيب كملي الاسبوع على الاقل

قمر:خلص الاسبوع بكرا الخميس ،و انا حابة ارجع الخميس احسن من الجمعة

ام قمر:طيب ما رح اضغط عليكي

فتت ضبيت تيابي و تاني يوم الصبح عال 7نزلت انا و امي ،وصلتني على محطة القطار و راحت على وظيفتا و انا طلعت و رجعت لبيت ابي،كانت امي بينزعل عليا ،عايشة مع انسان استغلالي ،عايش على اكتافا ،هي بتنزل من الصبح للضهر على وظيفتا كرمال تصرف على البيت و هو بكون بهالوقت نايم ،بس كانت تعاسة امي من ايدا و من اختياراتا الخاطئة هيك كانت تقول ستي (ام امي)الله يرحما ،يمكن نقضي عمر كامل عم ندفع تمن قرار غلط اخدناه بساعة

رنيت الجرس ،فتحتلي ميساء،اول ما شافتني قلبت وجها

ميساء:شو جابك انت ،ما على اساس بدك تريحينا منك شهر

قمر:اي ما قدرت على فراقكن اكتر من اسبوع

سارة:اميييي اجت قمر ،اجت بالوقت المناسب ههههه

اجت مرة ابي نوال من المطبخ

نوال:ليش جاي بكير ؟

قمر:هيك

فوتت شنتايتي على غرفتي انا و غاصة ،بعد شوي لحقتني مرة ابي

نوال:اسمعي غيري تيابك و قومي معي عالمطبخ تساعديني ، جاينا اليوم خطابة

قمر:طيب

غيرت تيابي و قمت لساعد مرة ابي كالعادة ،اما ميساءو سارة ما تحركو من قدام المراية و هن عم يزبطو شعرن و مكياجن و يشوفو شو بدن يلبسو لهل المناسبة ،صارت الساعة 6انرن الجرس و راحت مرة ابي تفتح الباب بعد ما نبهت علي انو ما اطلع ابدا وانو موقعي المناسب هو المطبخ ،كرمال ما حدا يلمحني و يقلب عن خطبة بناتا ،اجو الجماعة و راحو ،اجاا ابي المسا و شافني و انبسط بشوفتي ،سألني عن سبب جيتي بكير و خبرتو انو كرمال بلش تحضير للبكالوريا و ما جبتلو سيرة عن تحرش زوج امي فيني ،راحو الجماعة يلي كانو جاين يشوفو ميساء و سارة و ما بقا رجعو ابدا ،سجلت معاهد بالصيفية لقوب حالي و بعد ما خلصت الصيفية انا رجعت لمدرستي و اخواتي رجعو على جامعاتن ،بعد شهر دخلت ميساء و سارة على غرفتي

ميساء:قمر تروحي معنا ؟

قمر:انا ؟لوين؟

ميساء:معزومين على حفلة عند رفيقتنا ببيتا

قمر:لا ما بدي ،بدي ادرس

ميساء: ما منطول ،ساعتين زمن بس

سارة:اذا ما رحتي معنا ،بابا ما رح يخلينا نروح

قمر:اها ،عم قول ما بالعادة بتعزموني

ميساء : بكرا الساعة 6كوني جاهزة ،ليكي هاي الحفلة كتير كلاس

قمر:شو يعني كلاس؟

ميساء:يعني كلها ناس من طبقات اجتماعية رفع كتير

قمر:ما رح روح معناها ،ما بحب هيك اجواء،عالم مختلفين عننا و انا ما بعرف حدا من رفقاتكن

ميساء: منعرفك علين بكرا ،مننبسط كتير

سارة:اذا بتريدي قمر ،ما رح ننسالك هالمعروف،بساعدك بحل وظائف مادة الانكليزي شو قلتي ؟

قمر:طيب

تاني يوم لبست بنطلون جينز و بلوزة عادية و حطيت مكياج ناعم ،فاتو الاتنين متل رية و سكينة اطلعو علي و بلعو ضحكتن

سارة:يلا رح نتأخر

نزلت انا و اياهن ،وقفنا تكسي و طلعنا ،اعطتو ميساء العنوان للشوفير ،بعد ساعة وصلنا على باب كبير خشبي مفتوح ،و شباب و بنات عم يطلعو و يفوتو من هالباب

ميساء:يلا انزلو

قمر:هاي الفيلا هو بيت رفيقتك

ميساء:يس يس

قمر:ليكي في شباب

سارة:الحفلة مختلط

فتنا على الفيلا و كان في بنات و شباب كتير و شي عم يرقص و شي عم يشرب و شي قاعد

قمر:شو هيدا ؟خلونا نرجع ،ما عجبني الجو ابدا و ما مرتاحة

مسكتني سارة من ايدي و فوتتني

سارة:فوتي قعدي هون ،هلأ منجي

قمر:وين رايحين؟

ميساء:على الحمام نزبط مكياجنا ما منتأخر

قمر:طيب ما طولو ما بعرف حدا هون

رجعو بعد ربع ساعة ،اطلعت فين

قمر:شو هيدا يلي لابسينو ؟ كتير قصار ،ولله ابوكن ليموتكن اذا شافكن بهالمنظر

ميساء: و مين رح يخبرو ،اكيد انت ما رح تخبريه و اوعى تقليلو انو الحفلة كانت مختلطة

قربت سارة على ميساء و همستلا بأدنا ،بعدين اطلعت فيني ميساء

ميساء:صحي قمر بدنا نعرفك على حدا كرمال ما ضلي لحالك و تتسلي ،مشي معنا

مشيت قدامي سارة و ميساء و انا لحقتن ،انا و عم اطلع بديكور الفيلا و بالبنات و الشباب يلي بالحفلة ،كان عالم تاني منشوفو بالافلام بس ،طلعو على الدرج

قمر:لوين طالعين؟

سارة:مشي هلأ

لحقتن انا و ما متململة ،فاتو على غرفة كان قاعدين فيا شباب و بنات و عم يشربو ،قربو ميساء و سارة لجنب شاب طويل و نحيف ،لون عيونو عسلي فاتح و بشرتو حنطية و لون شعرو بني فاتح ، كان قاعد ماسك بايدو كاس و بالايد التانية لافف صبية

ميساء:هاي امير

امير:هايات

ميساء:بدي عرفك على اختي

امير:هههههه بدا تعرفني على اختا ،ليش انا بعرفك الك انت بالاول

صار الكل يضحك حتى ميساء صارت تضحك بدل ما تنحرج من جوابو ،اطلع امير بسارة

امير:هاي هي اختك ؟

ميساء:لا ،هاي سارة .......قمر ،قربي تعي

اطلعت فيا لميساء و زورتا و قربت لعندا و همست بادنا

قمر:شو هالمسخرة مين طلب منك تعرفيني على شاب

ميساء:اسكتي

امير:هاي هي لكن

ميساء:ايه اسما قمر

امير:ما شايفا من قبل معنا بالجامعة

ميساء:ما بتدرس بالجامعة ،هالسنة بكالوريا

امير:اي و ليش جايبتيا على الحفلة ما قلت ممنوع اصطحاب الاطفال ،هاي لازم تكون نايمة بهالوقت هههههههه الصغار بنامو بكير

فتلت ضهري و بدي انزل ،وقفت بوجهي سارة

سارة:لوين رايحة ،طولي بالك

قمر:بعدي من طريقي بدي انزل

مسكتني من ايدي و قربتني لعند ميساء ،ميساء مسكتني من ايدي و دفشتني لعند امير

امير:بس ما مشكلة منغير شكل ،قومي ريتا من هون و خليا تقعد محلك

قامت البنت من جنبو ،مسكني من ايدي و شدني قعدني جنبو على الكنباية ،التفتت لوراي ،فجأة اختفو سارة و ميساء من قدامي ،دورت علين بنظري بالغرفة ما لقيتن ،جيت لقوم رجع شدني من ايدي و لفني و ريحة المشروب طالعة منو و قرب علي يبوسني ،دفشتو بعيد عني ،رجع قرب اكتر،ضربتو كف

قمر:العمى بقلبك ما اوقحك ، واحد غبي

عو من البيت ب لبس و بس تصيرو هنيك تغيرو لبسكن ،و الا رح خبر ابوكن

سارة :لك انت..

ميساء: اوك اوك ، معناها بكرا انا بسجل لتلاتتنا

كانت سارة بدا تنبحت علي بس مسكتا ميساء من ايدا و سحبتا برا غرفتي ،اجا نهار الجمعة و فقنا بكير الساعة 6الصبح ،حضرنا حالنا و طلعنا على نقطة التجمع ،طلعنا بالباص و طول الباص نحن و عم نغني و نزقف ،تعرفت على غيداء و هبة و مرام رفقات ميساء و سارة و كان في الن رفقات شباب بس ما خالطن ابدا،صف الباص و نزلنا على مطعم بالطريق العام بطل على وادي ،على الساعة 2 الضهر ،كنت قاعدة مع رفقات ميساء و كانو سارة و ميساء عم يرقصو على الطبلة اجت سيارة حمراء حاطة اغاني بصوت عالي ، شحطت و صفت ورا باص الجامعة

غيداء:شوفو مين شرف؟

مرام:امير!

انا وقت سمعت اسمو ،هبط قلبي ،التفتت لورا ،شفتو عم يسلم على بنات و شباب،غيرت محلي و تخبيت ورا مرام

هبة:ما بينطاق

قمر:شو مشكلتو ؟

مرام:هههههه كل المشاكل فيه ،شغل بنات و شرب و مدلل زيادة و بتاع كلو

قمر:عنجد

هبة:ايه ،و ما حدا برافقو الا على مصرياتو بس

قمر:و ميساء و سارة بيعرفو هالشي ؟

هبة:طبعا كل بنات الجامعة بيعرفوه لامير و شلتو ،صيتو العاطل سابقو

قمر:اممم

صفنت بالارض انا و عم فكر بميساء و سارة و حقارتن انو عرفوني على هيك شاب بهيك مستوى ،بقيت متخبية ورا مرام ،اجت صبية بعد شوي لعنا و حاملة معا علب كولا

مجهولة :تفضلو هيدول الكن

هبة:بس نحن ما طلبنا كولا

مجهولة:هدول ضيافة على حساب امير

مرام: ،عم يوزع للكل يعني،شو المناسبة؟

مجهولة:لا ما للكل بس الكن

اطلعنا عليه لامير ،اشرلنا بأيدو هو و مبتسم،انا درت وجهي فورا و عرفت انو شافني

هبة:طيب ،خدي قمر

قمر:لا انا ما بدي ،ما بحب الكولا

هبة:شبك قاعدة هيك

قمر :ولاشي ولاشي ،بدي روح على الحمامات

هبة:بتعرفي محلن

قمر:لا بسأل و بدور

قمت عن الكرسي و مشيت بعيد عن الطاولة و عن امير و شلتو يلي كان صوت ضحكن عالي و ملفت للنظر ،شفت صبية و سألتا عن الحمام ،دلتني و تابعت طريقي،كان الحمام منفصل عن المطعم و بعيد عنو مسافة 50 متر ، فتت غسلت وجهي مرتين و فتت على التواليت ،انا و طالعة شفت امير بوجهي

امير: قمر ،اهلين ولله ،ما طولتي الغيبة ابدا

تجاهلتو و قربت على المغسلة لغسل ايدي

قمر:هيدا تواليت للبنات ،كيف بتفوت لهون الا اذا حاسب حالك علينا!!

امير:بفوت لمحل ما بدي ،و بعمل يلي بدي اياه

مسكني من ايدي و لزقني بالحيط

قمر:بعد عني احسن ما ارجع اضربك كف تاني ،لانو شكلك نسيتو للاول

امير:جربي و شوفي

قمر:بعد من طريقي احسنلك

امير:لا ما حذرتي ،هادا الكف يلي ضربتيني اياه بنص بيتي رح تندمي عليه كتير و حسابو عسير

قمر:طيب..اسمع ... انا...بعتذر بس انت يلي حجتني اعمل هيك

امير: هادا الاعتذار وين بصرفو ؟

قمر:اصرفو محل ما بدك و بعد هيك من طريقي

رحت لافتح باب الحمام ما انفتح معي

قمر:انت مقفلو ؟

امير :ايه

قمر:اذا بتريد افتحو

امير:ما حابب افتحو هلأ

كان عم يحكي ببرودة اعصاب و انا كانت اعصابي عم تنهار شوي شوي،صرت خبط على الباب و نادي ميساء و سارة

امير:ما حدا رح يسمعك

قمر:اذا بتريد افتحو ......افتح الباب هلأ

امير:بفتحو بس بشرط

قمر:شو هو؟

امير:تعي اعتذري مني

قمر:اعتذرت

امير:لا هيدا ما اعتذار

قمر:لكن ؟

امير:قربي لعندي و بوسيني هون

.قمر:عنجد انك واحد بلا اخلاق متل ما بيحكو عنك ،و لو بدي ابقى مزروبة هون بقية النهار مستحيل اعمل يلي بدك اياه

قرب لعندي لناحية الباب

امير :و مين انت لتحكي معي بهالطريقة،مين مفكرة حالك انت عارفة حالك مع مين عم تحكي

قمر:اي عارفة ، عم احكي مع ولد صغير مدلل و من كتر الدلال منزوع و مفكر اي شي بدو اياه بيحصل عليه .انت..

رجعت سكتت و بلعت باقي الحكي انا

قمر:افتح الباب ..اذا بتريد

سمعت صوت برا حدا جاي على الحمام ،بعدين صارت مسكة الباب تتحرك

ميساء:قمر انت هون ؟

قمر:اي هون ،و معي امير ،امير حابسني

امير:روحي ميساء،هلأ بعد شوي منطلع

قمر:ميساء ما تروحي حكي حدا يجي يفتح الباب


ميساء:امير ،نحن ضبينا اغراضنا و باص الجامعة بدو يمشي

امير:اي ساعة رح ترجعو عالبلد ؟

ميساء:عالسبعة

امير:اي خلص ،انا برجعا لاختك معي ،بتصل فيكن و بلاقيلكن

قمر:ميساء وينك ما تردي عليه هادا واحد مجنون ..ميسسساء ....وين رحتي ....ميساء ارجعي لهون ...ولله لقول لابوكي ....ميسسساء ...ما تتركيني

راحت ميساء و تركتني مع امير محبوسة بالحمام ،قعدت على الارض و سندت ضهري على الباب ،كانت ريحة الحمام بتدوخ و بتلعي النفس

قمر:مبسوط انت يعني بهالريحة ؟

امير:ما شامم شي

عرفي ،جيتي على الحمام و صرت ناديلك لتفتحيلي الباب ،فتلتي ضهرك و تركتيني جوا معو

ميساء:ما سمعتك

قمر:كذابة و انت يلي عملتيلي الرحلة فخ كرمال التقي فيه و يصفي حسابو معي

سارة:خلص بقا ،حاج تحكو ،راسي عم يجعني من الرحلة ،ميساء شفتي رفيقو لامير اسمو وفيق ،شب حلو و مرتب ،باينتو بيفرق كتير عن امير

ميساء:ايه انتبهت بس كأنو ما معنا بالجامعة ،ولا مرة صدفناه

قمر:هيدا ابن عمتو ما رفيقو

سارة:ايوا و شو بتعرفي عنو كمان؟

قمر:ما بعرف شي غير انو ابن عمتو و سئيل و غليظ كتير

سارة:اممم ،في ريحة ما مزبوطة بالسيارة

ميساء:اسمعي هالموضوع ما بقا بترجعي تفتحيه و الا رح قول انك انت يلي بقيتي مع هالشب بارادتك

قمر:اها ،انا رح ...

سارة:اووووف بقا ،خلص اسكتو ،وصلنا انزلو

نزلنا و طلعنا على البيت ،فتت بوجهي على الحمام ،غسلت تيابي و تحممت و اكلت و نمت فورا ،يوم الاحد فاتت عندي سارة

قمر:خير انشالله ،جايبتيلي مصيبة جديدة ،ما بقا رح روح معكن ولا لمحل من يوم و رايح

سارة:طولي بالك مين جابت سيرة الروحة ،انا بس كان بدي منك تجيبيلي رقمو لابن عمتو لامير ،وفيق

قمر:و انا شو دخلني ،انا هادا امير كلو على بعضو ما بقا رح شوفو ،و بعدين هو معك بالجامعة اطلبيه منو مباشرة

سارة:ما حلوة بحقي ،انا بنت و بخجل ،اذا بتريدي قمر ،ولله انت طيوبة و ما في منك ،اعمليلي هالخدمة و ما بقا رح اطلب منك طلب و هاي جليت جليات العشا عنك و رح بجلين لمدة اسبوع اذا بتجيبيلي رقمو

قمر:و انت شو عرفك ما يكون وفيق متل امير او يكون مثلا مرتبط؟

سارة:ما خسرانين شي،بحكي معو و بشوف ،اذا طلع متل ابن خالو مستحيل ارجع حكيه او اذا مرتبط كمان يعني ،شو قلتي؟

قمر:بتجلي جليات العشا لمدة اسبوع و بتعمليلي فنجان قهوة كمان

سارة:طيب ،يلا رح اتصل بأمير

اتصلت بأمير ،طلع خطو مشغول رجعت حاولت مرة تانية بعد عشر دقايق رن

سارة:خدي يلا

قمر:الو مسالخير

امير:مسالنور ،هلا بسارة

قمر:انا ما سارة ،انا قمر

امير:قمر !مين قمر ؟

مشي

قمر: شو بدك هلأ ؟

امير:بدي اطلب منك طلب

قمر:تفضل

امير:بما انو انا حكتلك عن بيت جدي و مشاكلي معن ،انا حابب ارجع وطد علاقتي فين

قمر:ايه و انا شو دخلني؟

امير:يا ويل قلبي ، طولي بالك جايكي بالحكي ،استعداد تام للنكد و المشاكل ،اتنفسي شوي ،خدي شهيق و زفير

قمر:طيب تفضل كمل

امير:بقا بدي اطلب منك تنزلي عالسوق تشتريلي اكام غرض لعماتي و بناتن ،يعني ما حلوة روح بعد كل هالغيبة و ايدي فاضين

قمر:اطلب من ميساء

امير:انت بتعرفي الموضوع يعني مخبرك فيه ،بس ميساء ما بتعرف و ما ناوي قلا او قول لحدا تاني ،يعني اعتبري سر ،و صار بيتااتنا اسرار و هيكل ،فهمتي علي؟

قمر:طيب

امير:معناها بكرا بلتقي فيكي بالسوق و بعطيكي مصاري

قمر:طيب بس اكيد ما رح ضل معي

امير:متل ما بدك

قمر:لا ما بدي ضل ،بشترين لحالي

امير:طيب طيب بكرا بلتقي فيكي بشارع الوكالات

قمر:لحظة ..انا ما بشتري من هيك محلات،كتير غالية

امير:شو انت يلي بدك تدفعي!

قمر:طيب و انا شو بدو يعرفني مقاسات عماتك و بناتن

امير:بكرا بس نلتقي بخبرك التفاصيل

تاني يوم بعد ما طلعت من المدرسة ،وقفت على موقف الباص ،و طلعت بالباص و نزلت بمحل قريب على السوق و تابعت مشي،انا و عم امشي ،شفت امير بسيارتو

امير:كلك على بعضك حلو و الخجل يلي بعيونك تضحك او تزعل حلو ...

اطلعت فيه و درت وجهي،

امير قمر اطلعي

قمر:ما بحب اطلع معك بالسيارة ،رح وصل عالمحل ،انت اسبقني

امير:حاضر افندم

سبقني بسيارتو ،فتت على المحل،فات وراي

قمر:ايه جبتلي مقاساتن

امير:هاي انا معك ،صراحة ما بعرف مقاساتن الا عالنظر

قمر:اها ،طيب

امير:بس بنات عمتي تقريبا متل كسمك ،نفس الطول و العرض ،يعني قيسي انت

قمر:طيب

بعد ساعة فتت على غرفة المقاس انا و حاملة تياب كتير

قمر:اكام وحدة هنن؟

امير:لحظة لعدن ،روئ و ابتسام و ميرنا و وردة ،4 صبايا ،قولي هدلاك صغار ما رح اخدلن شي

طلعت من غرفة المقاس و انا لابسة بلوزة و بنطلون

قمر: شو،حلو مو؟

امير:ايه حلو،القالب غالب ،قيسي الباقي .

رجعت فتت على غرفة المقاس

امير: .قمر هلأ انت ما بتحسي انو نحن اخدين وجه على بعض ،يعني انا بحس حالي كأنو بعرفك من زمان و برتاح وقت بكون معك ،بكون على طبيعتي

قمر:ايه؟

امير: و انت ما بتحسي هيك شي اتجاهي ؟

فتحت الباب و طلعت

قمر: هلأ كل يلي عم حسو انو تأخيري عن البيت رح يعملي مصيبة مع مرة ابي

امير: ما تاكلي هم ،ميساء بتحلا

قمر:و هيدا البدل تمام كمان

فتت لقيس البدل التالت ،رجعت طلعت

قمر:شو هيدا فستان؟ انا ما نقيتو

امير:اي انا نقيتو

قمر:بنت عمتك بتلبس هيك شي؟

امير:ايه ،انت قيسيه

فتت قستو بدون ما اطلع برا ،اندق الباب علي

امير:قمر ،افتحي الباب خدي هيدا من ايدي

شقيت الباب شوي و مديت راسي ،دفش الباب و فات و سكرو وراه

قمر:عيب عليك اطلع لبرا

امير: واو ....حلو كتير

قمر: امير اذا بتريد اطلع لبرا

امير: طب هاتي بوسة لاطلع

لفني من خاصرتي و شدني لعندو ، ضربتو بايدي على صدرو

قمر:اتركني هيك ،خليتني اندم ليش جيت معك

انفتح الباب علينا ،شفنا مرة كبيرة بالعمر بتشبه مربم نور،لابسة نظارات و رافعة شعرا كعكة،اطلعت فينا بقرف

مجهولة:شو عم تعملو جوا ،هيدا المحل مكان محترم و ما بقبل يصير في هيك شي

بعد عني امير و اطلع فيني و بلع ضحكتو

مجهولة :طول عمري محافظة على سمعتو لهل المحل ،عمرتو من عام 1995، و كبرتو بتعبي ...

امير:الله يبارك فيكي حجة

ضربتو على رجلو

مجهولة :انتو هالجيل ما عنكن اي احترام لحرمة المكان ،جيل طايش جيل غير مبالي بالعادات و التقاليد .....الخ

الجزء التامن:
بقيت المرة عم تحكي و تعطينا مواعظ نحن عم نهز راسنا ،بالاخير ادارك الموقف امير حتى يسكتا و مسك كل التياب عن العليقة و اخدن و راح على الكاشير ،جيت لاشلح الفستان و ارجع البس تيابي ،ما شفتن ،شقيت الباب شوي

قمر:اميرررر...اميررر..تبا لك رجعلي تيابي ...امير وينك

طلعت من غرفة المقاس انا و حافية ،شفتو عم يحاسب ،نادتلو بصوت واطي ،التفت علي

قمر:اميررر اخدتلي تيابي

امير:اه يلا.. ليكن

مسكن و اجا لعندي

امير:تفضلي ،كيف طالعة حافية القدمين هيك ، احترمي حرمة المكان على الاقل هههههه

قمر:هات لهون ،كانو حدا اعطاها ميكرفون و قلا اعملي خطبة بالاخلاق

لفيت و ضهري و مشيت

امير: يا ربي دخيلك ..قمر قمر

قمر:ايه

امير:كنت عارف انو هالفستان رح يطلع بجنن عليكي كأنو اتفصل الك

حطيت ايدي على خصري

قمر:انت جايبني لاشتري لاهلك الا لتبصبص علي بهيك فستان

امير:ههههههههه اكتر شي بيعجبني فيكي صراحتك الدج ،ما في كنترول على لسانك

لبست تيابي و طلعنا من المحل ،فتح باب سيارتو لاطلع فيا

قمر:انا برجع لحالي

امير:طيب ماشي ،صرت حافظك منيح و ما رح جادلك ،رح وقفلك تكسي كرمال ما ترجعي بالباص

وقفلي تكسي و حاسبو و طلعت و رجعت على البيت ،تاني يوم اجت ميساء من الجامعةو فاتت عندي

و حاملة معا كيس

ميساء:هيدا من امير الك

قمر:الي انا

فتحت الكيس ،كان فيه الفستان الاسود يلي اشتريناه لبنت عمتو

ميساء:واو حلو كتير ،ولله عم تعرفي دبري حالك معو و تقشطيه منيح ،بس هو امير هيك بيسخى كتير على البنت يلي حابب يتسلى معا

قمر:بالله ،اي خديه من وجهي و رجعيلو اياه و قليلو هديتك مرفوضة

ميساء:انا باخدو ،ما بيلبقلك النعمة

قمر:لا رجعيلو اياه،بخاف يفكر اني قبلتو و هو بيعطيكي اياه لحالو و بعدين اذا كل هالقد شايفة امير نعمة ليش ما بترافقيه انت

ميساء:هههههه انا و امير ،يا روحي انا بدي شاب غني بس يكون راكز ما متل امير صايع و بيشرب و كلو مشاكل ،و كل يوم مع بنت شكل و ما بتهدى البنت معو شهر و بغير عنا ، و الو 6سنين بالجامعة لهلأ ما عرف يتخرج ،ايييه و انت كمان ما تنخدعي فيه كتير و يصير فيكي متل ما صار بغيرك ، بيقعد معك شهر زمان و بعدين بقلك الله معك

قمر:بفهم من حكيك انو صار معك هيك انت كمان

ميساء(مرتبكة):انا ...لا ...ابدا

قمر:اممم ،طيب معناها رجعيلو الفستان و اذا اتصل فيكي ليحكي معي قليلو ما بدا تحكيك

ميساء:ما دخلني انا ،انت قليلو هالحكي

قمر:ليش؟بتخافي منو مثلا

ميساء:لا ليش لخاف

قمر:كيفا سارة مع ابن عمتو؟

ميساء:منيحة ،ما شكلو كتير بيفرق عنو كتير يلا انا طالعة و انت ادرسي

طلعت ميساء من غرفتي بعد ما رمت كل هالحكي قدامي و تركتني بصراع مع افكاري حتى ما بقا عرفت ادرس ابدا بهديك الليلة ، نمت انا و عم فكر بأمير و شخصيتو غير المتزنة و اخدت قرار انو ابعد عنو و ابعد عن اي مناسبة او فرصة ممكن تجمعني فيه لانو هيك شاب بضل ورا االبنت ليحس حالو انو ملكا و بعدين بيتركا و بدور على غيرا ،بعد يومين فاتت ميساء لعندي هي و حاملة موبايلا

ميساء:امير على الخط

اخدت الموبايل منا و سكرت الخط بوجهو

ميساء:شو عملتي يا هبلة

قمر:ما بقا بدي احكي معو و ما بدي اياه يسمع صوتي ابدا ،هيك خبريه

رجع رن موبايلا ،اعطيتاه و طلعت من غرفتي ،تاني يوم انا و طالعة من المدرسة ،شفتو واقف قبال الباب ،بعدت نظري عنو و تجاهلت وجودو ،مشيت انا و رفيقتي ،هي طلعت على بيتا و انا تابعت لحالي ،لحقني بالسيارة و صار يناديلي ،عملت حالي ما شايفتو و رجعت على البيت ،تاني يوم انا و رايحة على المدرسة الصبح الساعة 7،كنت ماشية بالشارع ،حدا مسكني من ايدي و دخلني على شارع ضيق

قمر:رعبتني هيدا انت ،شو فايق بكير اليوم

امير:شو قصتك ؟ مغيرة التردد هالفترة و ما عم تردي على اتصالاتي

قمر:بصفتك شو بدي رد عليك

امير:.....

قمر:لتكون مفكر عنجد انو انا صاحبتك ،اطلع من حياتي و ما بقا تتعرضلي بهالطريقة ،انا مستحيل رافق انسان هامل فاشل متلك ، غير مسؤول و ولد صايع من بنت لبنت ،اصلا البنات هن يلي بتسلو فيك ما انت و مرافقينك على مصرياتك ما على اخلاقك و هضامتك

امير:كل هدول انا ؟

قمر:و...كسلان كمان ،الك 6سنين بالجامعة و ما تعرف تتخرج ،بكرا بفوت انا عالجامعة و بتخرج قبلك و انت بعدك عم ترسب او تنجح شحط

مسكني من ايدي

قمر:مرحبا

امير:اهلين

قمر؛يلا فاتن ما بدك ترجعي عالبيت

فاتن:يلا هلأ شوي تانية ،ارجعي لحالك اذا مستعجلة

قمر:لا ما مستعجلة

زتيت كتبي على الطاولة و سحبت الكرسي و قعدت

قمر:ايه شو كنتو عم تحكو ؟

امير: كنا عم نحكي على الجامعة بشكل عام

قمر:اييه ؟

فاتن:كان امير عم يعرض علي مساعدتو اذا لقينا صعوبة بشي مادة

قمر:ايوا و حضرتك بتساعد الكل الا حسب المستويات ؟

امير:..لا ما الكل و لا حسب المستويات ،يعني بما انك اخت رفيقتي يعني و فاتن رفيقة اخت رفيقتي ،قلت يعني اعمل معروف هيك لوجه الله

قمر:انت اخر واحد ممكن يساعدنا ،روح اتخرج بالاول

امير:و مين قال اني ما اتخرجت ،اصلا انا اليوم جيت على الجامعة لاشتغل باوراق التخرج

قمر:اي منيح و اكيد معدلك شحط

امير:ماشي انسة فاتن تشرفت بمعرفتك و رقمي صار معك ،منحكي يلا سلام

قام عن الطاولة و هو عم يزورني و دفش الكرسي بعصبية و راح

فاتن :ليش حكيتي هيك معو ؟

قمر:هيك ،هالشب ما تعطيه عين ابدا ،صيتو ما كويس بالجامعة ابدا،من بنت لبنت

فاتن:ما شكلو هالشكل

رجعت على البيت اانا و مدايقة ،فتت لعند ميساء لاسالا عن امير و اذا فعلا تخرج

ميساء:امير ؟وين شفتيه؟

قمر:عنا بالكلية

ميساء:ولله !اي سمعت تخرج الفصل الماضي

قمر:سمعتي؟ليش ما بعدكن رفقات و على تواصل

ميساء:لا ،هو مدري شو صرلو ،الو سنة ما بقا حكى او وقف مع اي بنت من الجامعة ،صار شايف حالو كتير و بحالو ،ما كتير بخالط حدا حتى مرة نادتلو ،عمل حالو ما سامعني

قمر:غريب ،شفتو قاعد مع رفيقتي فاتن اليوم و عرض عليا يساعدا بالمواد

ميساء:عنجد

تاني يوم نزلت على الجامعة و وقت طلعت شفت ميساء بكليتي ،اجت سلمت علي و قربت على ادني

ميساء:دليني على رفيقتك فاتن

قمر:ليكيا هاي ام البلوزة الموف

ميساء:هاي هي ،ما حلوة ابدا ،شو عجبو فيا

قمر:قصدك على امير و اعطاها رقمو كمان

ميساء:عنجد ،رقمو القديم غيرو من زمان ،جيبيلي رقمو منا

قمر:ما دخلني ،حلي عني،قليلا لسارة تجبلك اياه من ابن عمتو

ميساء :سارة و وفيق تركو من زمان ،اذا بتريدي قمر

قمر:ما دخلني

تركتا و رحت لعند رفيقتي فاتن ييلي كانت واقفة مع بنات من دفعتنا ،وققنا شوي و دخلنا على الكافتريا

فاتن:لحظة جاي انت سبقيني و قعدي بشي طاولة

قمر:وين رايحة؟

فاتن:فايتة زبط حالي شوي ،جاي امير يشوفني

قمر:ولله،طيب

فاتت فاتن على الحمام و انا سحبت كرسي و قعدت و انا عم هز رجلي

امير:هلوووو ،انشالله كون ما طولت

قمر:لا جاي بكير ،هلأ شوي تانية و بتجي

امير:مين ؟

قمر:فاتن

امير:اه ..فاتن ..،ايه كيفك انت ؟

قمر:تمام لحمدلله ما كان ناقص نهاري الا شوفتك بس و هاي شفتك هلأ (مبتسمة)

امير:اي منيح و انا بلش نهاري هلأ ،شو بتشربي؟

قمر:امير بعد عن رفيقتي ،فاتن بنت طيوبة و بتصدق بسرعة ،شفلك بنت تانية تتسلى معا

امير:انا ما عم اتسلى و بعدين ما تحكي نيابة عن رفيقتك ، هي ادرى بمصلحتا

قمر:اممم بس هي لو بتعرفك شو انت ما كانت اخدت و اعطت معك

امير:ايه و مين انا ليش !!،الناس بتتغير الا انت من سنة لهلأ ما تغير فيكي شي الا لسانك باقي و يتمدد مشالله

قمر:اي و مبسوطة بحالي هيك

امير: طيب

رجع ضهرو على الكرسي و انا فتحت موبايلي و صرت العب فيه

امير:ايمت جبتي موبايل ؟

قمر:اول ما فتت على الجامعة ،ها اجت فتونة ،بتحبو اتركن لحالكن

امير:متل ما بدك

قمر:طيب انا قايمة

قمت وقفت و اطلع فيني امير

قمر:بس راجعة (مبتسمة)..بدي جيب كولا و سندويشة بطاطا

امير:اقعدي انا بجبلك

اخدت جزداني و بقيت متابعة ،شفت فاتن بوجهي ،ابتسمتلا و تابعت طريقي ،وقفت على الدور ،كان في شاب واقف قبلي ،دار وجهو و اطلع علي

الشاب:تفضلي

قمر:لا ما في مشكلة بنطر على الدور

الشاب:انت رفيقتو لامير ،شفتك قاعدة معو مبارح

قمر:ايه تقريبا هو رفيق اختي يعني ،انت رفيقو ؟

الشاب:لا انا ابن عمو ؟اسمي باسل

قمر:تشرفنا و انا اسمي قمر

اجا دورو لباسل ،فتل وجهو لعندي

باسل:اكام وحدة بدك ؟

قمر:وحدة ،انا بجيب اذا بتريد

باسل:خلص خليا علي هالمرة و المرة الجاية دورك ،انت اي سنة بتدرسي تجارة و اقتصاد ؟

قمر:اولى

باسل:انا تالتة بس كنت ادرس بغير محافظة و هالسنة نقلت لهون ،تفضلي

قمر:يسلم ايديك بس خلي الكولا علي

باسل : طيب ماشي

سبقتو لباسل و فتحت البرا

الجزء العاشر:

باسل :من ربع ساعة ،التقينا على دور السندويش و قلتلا انو انا ابن عمك

قمر:شايف على هالصدفة الحلوة

امير:ايه شايف ،مسحي تمك من المايونيز ،كرهتوني سندويش البطاطا

اكلنا السندويش انا و باسل ، و امير و فاتن قاعدين عم يحكو مع بعض ،قمت غسلت ايدي و رجعت ،ضبيت كتبي على بعضن

قمر:يلا عن اذنكن انا بدي امشي

باسل:ما بقي عندك محاضرات اليوم ؟

قمر:لا خلصت

باسل:كنا اطلعنا سوا بس انا لسا عندي محاضرة

قمر:ما في مشكلة يسلمو عالسندويشة يلا سلام

تركتن و رجعت على البيت ،المسا اجتني مسج

مسج:انا ما كنت بعرف انك بتتعرفي على الشباب بدور السندويش ،ما حلوة هالحركة لبنت متلك عاملة حالا ما بتغلط ابدا او يمكن لانو عرفتي انو ابن عمي لهيك تمسكتي فيه ،اسلوب رخيص

عرفت انو هالرسالة من امير ،رجعت اتصلت فيه

قمر:انت من وين جبت رقمي ؟

امير:جبتو من ابن عمي

قمر:بس انا ما اعطيتو اياه لابن عمك

امير:اه بالله توقعتك عاطتيه اياه ،ما بستغرب يعني

قمر:التزم حدودك و عن اي اسلوب رخيص عم تحكي !مين يلي استغل معرفتنا ببعض ليتقرب من رفيقتي ،ما بقا ترجع تتصل فيني ...

امير:انت المتصلة ما انا هههههه

قمر:اووووف طيب

سكرت الخط بوجهو انا و متوترة و عم قرمط بأظافيري ،تاني يوم ما رحت على الجامعة بس خبرتا لميساء انو امير عم يروح يشوف فاتن تقريبا كل يوم حتى تروح و تقعد على قلبن ،بقيت ناطرة كل النهار لترجع ميساء و اسمع منا شو صار

ميساء:ما قعد معنا عشر دقايق و رايح

قمر:اوف ليش؟

ميساء:عندو شغل ،بس متغير كتير ،مقلوب 180درجة متل ما قالو ، كأنو انسان تاني ،بتعرفي اانا عم حس انو امير صار فارس احلامي

قمر:نعم .....يلا تصبحي على خير

فتت على غرفتي انا و عم احكي مع حاالي

قمر:هلأ الكل صار حاببو و بدو اياه

بعد يومين رحت على الجامعة انا و طالعة من المدرج شفت امير واقف مع ابن عمو باسل ،اشرتلو بأيدي من بعيد ،انتبه علي امير و مشيو لعندي

امير:وين فاتن ؟

قمر:جوا

امير:جاي اعزمكن على حفلة تخرجي

قمر: اي هلأ بتطلع فاتن و اعزما

امير:العزيمة الكن انتو الاتنين و عزمت اخواتك سارة و ميساء

قمر:انا ما بروح على حفلاتك

امير:الحفلة هادية و منظمة ما متل حفلة هديك السنة ورح يكون فيا قرايبيني

باسل:و رح كون انا كمان موجود

قمر:اممم مبروك التخرج على كل حال ،يلا انا رح امشي

تركتن و مشيت ،سمعت صوت امير وراي

امير:قمر لحظة شوي

قمر:ايه

امير:اوعى تكوني عم تفكري انك ما رح تجي

قمر:المهم فاتن جاي

امير:اذا بتريدي ،تفضلي هاي كرت الدعوة و ناطرك ،ما بتكمل الحفلة بلاكي و بدي عرفك على عيلتي و اذا ما جيتي بوعدك ما بقا تشوفي وجهي بحياتك

قمر:...

اخدت الكرت منو و طلعت من الكلية ،رجعت على البيت انا و عم حط العشا،فاتو ميساء و سارة لعندي

ميساء:شو انعزمتي على حفلة امير؟

قمر:ايه

ميساء:قال ابوه بدو يكون بالحفلة و ما رح تخلص الحفلة قبل ما يكون امير مختار شريكة حياتو

سارة:بدك تروحي؟

قمر:اي هيك عم فكر

ميساء:و فاتن؟

قمر:اكيد رايحة

طلعو الاتنين من المطبخ هن و عم يتهامسو،بعد يومين اتفقنا انا و فاتن انو نروح على الحفلة و اتفقنا نلتقي هنيك ،نفس ليلة الحفلة ابي و مرة ابي راحو يسهرو عند اهليتا لمرة ابي و نحن بقينا نتجهز للحفلة ،انا و عم حط اللمسات الاخيرة على شكلي،سمعت باب غرفتي عم يتقفل و صوت ميساء و سارة عم يضحكو ،ركضت على الباب لافتحو ،شفتو مقفل ،خبطت على الباب

قمر:افتحي الباب انت و اياها

ميساء:الحفلة للكبار و انت صغيرة ،روحي اشربي حليب و نامي

قمر:ليرجع ابوكي بدي قلو انو قفلتو الباب و ما اخدوني ،ما بيرضا تروحو لمحل من دوني

سارة: ههههه اطمني خبرتو امي انو راسك عم يجعك و ما بدك تروحي و اكيد ما رح تكذبي امي ،يلا سلام

قمر:افتحو الباب ...ميساء...سارة

.طلعو من البيت و انا بقيت مقفل علي بالغرفة ،مسكت موبايلي و اتصلت بميساء و سارة،ما ردو علي ، بعد.تردد اتصلت بأمير

امير:ما رح تجي؟

قمر:لا انا كنت ناوية اجي بس انا بعدني بالبيت

امير:ايه؟

قمر:بغرفتي .....ومقفل الباب علي

امير:مقفل؟

قمر:هاي سارة و ميساء قفلو الباب علي و راحو

امير:ههههههههههه

قمر:انا ما دقتلك كرمال تضحك علي ،دقتلك كرمال قلك سبب عدم جيتي

امير: وينن اهلك ؟

قمر:سهرانين عند اهلا لمرة ابي

امير :طيب المفتاح وينو ؟ مع اخواتك الا بالباب؟

قمر:لحظة لشوف

رحت اطلعت من فتحت الباب ،كان المفتاح بالقفل

قمر:المفتاح با

فتحية:سمرا انت ما تدخلي و ارجعي على البيت يلا
شيرين: بترضي حدا يحرمك من بناتك ،بترضي بناتك حدا ياخدن منك و يحرمن من شوفتك
كان كل هم فتحية انو تحرق قلبا لفتون على بنتا ،اطلعت فيني و زورتني و زهرة واقفة و رافعة حواجبا
فتحية:شو عم تخبصي؟انا ما عندي بنات ،بناتي ماتو من زمان
شيرين ا:...قصدي لو كانو عايشين ..بترضي حدا يعملن فين هيك بترضي حدا يضربن
مسكتني من ايدي و دفشتني لبرا بيت زهرة و مشيت وراي ،فتنا على البيت نحن و ساكتين
مسعود:شو عم يصير عند خالتي زهرة ،لحقو العرسان يعلقو
فتحية:بنات كاسرات و فاجرات و بدن ترباية
فاتت على المطبخ و نادتني ،لحقتا انا و عم نفخ
فتحية: اذا بسمع من تمك كلمة بناتي مرة تانية لاسحبلك لسانك من محلو و طعميه للكلاب يلي باول الارض
شيرين:حاضر حاضر
فتت على غرفتي و سكرت الباب بعصبية وراي ،لحقني مسعود
مسعود:شو القصة؟
شيرين:انت كنت عارف امك هيك رح تعمل من الاول و سايرتا بدون ما تخبرني
مسعود:ليش كنت لازم يعني خبرك، ولا لازم بكل شي و بكل خطوة بدنا نعملا ناخد رايك
شيرين:لا ابدا ،معك حق
قعدت بالتخت و انا عم هز برجلي و عم اسرح بأفكاري ،من تاني يوم عملت جهدي لالتقي بسمر و حكيتا من شباك غرفتا ،كانو عيونا حمر و حالتا سيئة
سمر:سمرا ما الي حدا غيرك هون ،انا لازم اطلع من هون و ارجع لاهلي
شيرين:بشو بقدر ساعدك ،انا متلي متلك محبوسة هون و عندي اهل و بدي ارجع لعندن
سمر:انت طلعيني من هون و انا بوعدك اوصل لحدا من اهلك و خبرن عن محلك
شيرين:عنجد سمر ،بتوعديني
سمر:وعد ،اصلا بدي اعمل هيك ما بس كرمالك ،بدي اقهر فتحية و فرجيا بنت فتون شو بيطلع بأيدا
شيرين:طيب رح حاول ،انا هلا لازم امشي قبل ما حدا ينتبه علي
رجعت على البيت انا و عم فكر بسمر و كيف بدي هربا من هون ،كانت هي املي الوحيد لاطلع من هون ،ما طلع براسي غير فكرة وحدة ،حكيت سمر تاني يوم من الشباك و فهمتا شو بدي اعمل و قلتلا تفهم ياسمين كمان ،تاني يوم الساعة 8 اول ما عتمت العين ،رحت على قن الجاج ،كنت خايفة و مترددة من الفكرة و خطورتا على اولاد فتحية بس ما كان عندي غير هالحل ،اخدت معي علبة عيدان كبريت و ولعت بكل الاش يلي بالقن و رجعت على البيت فورا ،اول ما شافتني فتحية
فتحية :وين كاينة انت ،فكرتك بغرفتك
شيرين:انا ..كنت على السطح ،كان بدي لم الغسيل بس ما نشف لسا
فتحية:ايه ما لحق ينشف
فتت على غرفتي و سكرت الباب ،بعد 5 دقايق اجا مزيون يخبط على الباب و يصرخ
مزيون:خالتي فتحية القن عم يحترق
فتحت الباب فتحية و طلعت اركض معا باتجاه القن و اجت زهرة و اولادا و لحقونا مسعود و اخواتو يطفو النار يلي كانت شاعلة حولين القن ،كانت فتحية خايفة على اولادا يوصلن الحريق او يختنقو من الريحة لهيك وقفت تصرخ متل المجنونة و تساعد اولادا ليطفو النار بالمي و انا كنت موجودة و عم ساعدن حتى ما يلفت نظر غيابي ،بهالوقت و الفوضى يلي صارت،فتحتلا ياسمين االباب لسمر يلي كانت مجهزة حالا و رجعت لضيعة اهلا ،بعد ما انطفى الحريق ،رجعنا على بيوتنا و اول ما كنت عم غير تيابي،سمعنا صوت مزيون عم يصرخ و يكسر ،عرفت انو سمر هربت من عندن ،بقيت متل ما انا ورحت مع فتحية لعند زهرة لنشوف شو القصة
فتحية:هربت!كيف و ايمت ؟
زهرة:ولله ما بعرف ،يمكن بالوقت يلي كنا عم نطفي فيه الحريق ،استغلت الفرصة و طلعت و هلأ طلع مزيون يركض وراها لشوف اذا بقدر يلحقا و يجيبا
فتحية:ياسمين ،ما كان الباب مقفل ،مين فتحلا اياه
ياسمين:ما بعرف ،انا كنت نايمة ما عم اقدر ارفع راسي من الدوخة
فتحية:زهرة كيف طلعت البنت من هون اذا ما حدا فتحلا الباب،طلعت من خرم الباب يعني
زهرة:ما بعرف ،ما بعرف
فتحية:ياسمين احكي انت يلي فتحتيلا الباب احسن ما خلي محسن يقررك
ياسمين:انا ما دخلني بشي،ما دخلني،كنت نايمة ما حسيت على شي
شيرين:بجوز معا نسخة عن المفتاح
اطلعت فيني فتحية و شردت شوي ،حسيتا عم تفكر و تربط كل شي ببعضو
فتحية:سمرا بتعرفي اذا بكون الك ايد بحرق القن و هروب سمر من هون لادفنك انت و عايشة
شيرين:انا ؟معقول اعمل هيك
فتحية:لكن كيف احترق القن !
شيرين:ما بعرف
فتحية:كلو بينعرف بعدين ،ما في شي بضل مخبى
انفتح الباب و فات مزيون و هو وجهو احمر و عم يعرق
مزيون:ما لحقتا ...يلعن الحظ ..يامو هلأ شو بدنا نعمل ،سمر خلص راحت و ما بقا ترجع
فتحية:ايه تروح بالناقص،منزوجك غيرا
مزيون:انا ما بدي غير سمر
فتحية:اوووه زهرة رصي ابنك شوي ،رح يبكي متل الحريم على شوي تانية
طلعنا انا و فتحية من عند زهرة ،و التقينا بمسعود واقف على الباب،لفتو فتحية من ايدا و مشيو باتجاه البيت بعيد عني هي و عم تهمسلو بادنو ،حتى طلع فيني مسعود بطرف عينو و هز براسو؛بس انا كان كل همي انو سمر

بلعت ضحكتي انا و عم بعد عنن و انزل على الدرج
امير: لحظة...انا ما اعطيتك الاذن لتمشي
شيرين:عفوا
ممدوح:اوقفي منيح و نزلي راسك انت و عم تحكي مع جلالة الامير و بس يقلك روحي بتروحي
رفعت حواجبي
شيرين:حاضر
ممدوح:جلالتك بدا تعليم كتير و انا رح اشرف على الموضوع
شيرين:فيني امشي هلأ
امير:خدا ممدوح لعند زمرد و قلا تجهزا لبكرا
مسكني من ايدي بفظاظة و سحبني وراه
ممدوح:امشي معي
شيرين:لوين؟
طلعنا على االطابق التاني و التقيت بصبية بعمر ال 35 سنة
زمرد:شو جايب معك؟
ممدوح:خدي نظفيا و لبسيا و علميا الاصول ،بكرا بدو اياها الامير
سحبتني التانية من ايدي هي و عم تطلع فيني
زمرد:من وين جيتي انت كمان !اوف
التقيت ببنات كتير من عمري و اصغر مني و اكبر مني و كان لبسن غريب فساتين طويلة شيفون و حرير و شعرن مسدول على اكتافن ،وقفت مبهورة فين لانو حسيتن لوحات فنية من الجمال و الرقة ،بعد وقت قصير ،صرت وحدة منن ،نفس اللبس و نفس تسريحة االشعر ،قربت على وحدة منن اسما ميس لاقدر افهم شو عم يعملو هون ،بعد ما خبرتني كل شي بالتفصيل ،حسيت حالي وقعت بورطة اكبر من ورطة مسعود و اهلو ،و ما كان قدامي غير ارجع حاول اهرب مرة تانية او موت على انو اقبل هيك حياة رخيصة ،بالليل انفردت بزمرد
شيرين:زمرد انت كتير حلوة اسم على مسمى ليش ما بيتزوجك الامير و بتصيري اميرة
زمرد:شو بدك ؟
شيرين:زمرد الله يخليكي طلعيني من هون انا ما بدي شوف الامير ،و لا بدي اختلي فيه
زمرد:لازم نفذ الاوامر
شيرين:هربيني من هون الله يخليكي و خلي القصة صدفة ،ما حدا رح يعرف انك ساعدتيني ،قليلي بس كيف بطلعو من هون و انا علي الباقي
اطلعت فيني بعيونا و وسعت حدقتن ،هزت براسا هي و عم تبتسم
زمرد:طيب ماشي رح قلك كيف بطلعو من هون بس انا ما دخلني شو بصير معك بعدين
شيرين:ماشي ، عم اسمعك
خبرتني زمرد بالتفصيل كيف بقدر اطلع من هون ،ما كان في مخرج من هالقلعة غير باب واحد يلي فتت منو لهون
زمرد:رح تطلعي من باب المطبخ ؛رح اتركلك اياه مفتوح بس سمرا ديري بالك انا ما دخلني شو بصير معك بعدين و ما بتجيبي اسمي
شيرين:اكيد
،بعد نص ليل بعد ما الكل نام بتختو ،نزلت على روس اصابيعي للطابق الارضي و طلعت من باب المطبخ يلي كانت زمرد تاركتو مفتوح الي ،وصلت لباب الحديد الخارجي ،كان عالي كتير بس كنت بقدر اتخطاه ،
مسكت عواميد الباب بايدي و حطيت رجلي على اول خط حديد من الباب و بلشت اطلع خط ورا التاني ،وصلت لاعلى الباب و جيت لابرم ضهري و انزل من الجهة التانية بس شفت 4 كلاب سود كبار شرسين ما بحياتي شفت ابشع و اضخم منن ، اول ما شافوني بلشو ينبحو علي و واحد منن مسك بفستاني و صار يشدني لتحت و انا كان بدي ارجع اطلع لفوق ، شعلت انارة من الطابق التاني و انفتح باب البرندا و طلع امير الجبل من جوا
امير:مين فيه هون ؟ ممدوح ..ممدوح ...
فاق الكل على صوت الكلاب و على صوت صراخي انا و عم خلص طرف فستاني من تم الكلب يلي كان عم يشدو لاوقع عن الباب ،اجا ممدوح ركض لعندي هو و ماسك سلاح و عم يقوص بالهوا
شيرين:انا سمرا انا سمرا
ممدوح :هاي انت ،شو عم تعملي فوق ؟ بدك تهربي ؟
اجا امير هو و عم يلف جسمو بمشلح ،اطلع فيني هو و عم يلهت
امير:هاي شو عم تعمل فوق ؟
ممدوح:شكلا عم تحاول تهرب ،نبهتني مرة ابو مسعود منا
امير:تهرب ؟
شيرين:نزلوني من هون
اجا ممدوح ليساعدني انزل بس امير الجبل مسكو من ايدو و منعو
امير:اتركا تنزل لحالا متل ما طلعت
شيرين:الله يخليكن نزلوني
شرطت الفستان بايدي و كبيتو بس كلب منن صار يتعربش على الباب و بدو يلقطني حتى من عن الباب،و ركض امير الجبل مسكني بين ايديه
امير الجبل:مجنونة ...لو تركتك توقعي على الارض شو كان صار فيكي!
شيرين:.....
ممدوح:جلالتك اعطيني اياها لنفذ حكمك فيا
امير:...
ممدوح:انا قلتلك اذا بتهربي هون ما الك فرصة تانية
نزلني عن الارض و انا بعدني عم اطلع فيه
امير:حطا بالحبس لتعرف تاني مرة تهرب و بدي اعرف كيف وصلت للباب الخارجي و اي حدا الو ايد بالموضوع بدو يتعاقب معا
شيرين:وين !
ممدوح:حاضر جلالة الامير ،رح لاحق الموضوع و انت مشي معي
مسكني من ايدي و سحبني وراه
شيرين:لوين اخدني ؟
نزلت على درج تحت الارض،كان ظلام كتير بس ممدوح مسك شعلة بايدو و تابع نزول هو و عم يسحبني من ايدي
ممدوح:رح تبقي هون حتى اشعار اخر من الامير
طلع و قفل الباب علي و تركني لحالي مع شعلة نار ما طولت كتير لانطفت و بقيت لحالي حتى غلبني النوم ،فقت على صوت االباب عم ينفتح ،فات ممدوح و حامل بايدو صنية اكل ،حطا على الارض و دفشا بايدو لجهتي
شيرين:انا لايمت بدي ابقى هون ،انا بدي حكي الامير
ممدوح : بس بدو الامير يحكي معك بيطلبك لعندو و من هون لوقتا ،رح تبقي هون
دفشت الاكل بايدي
شيرين:ما بدي اكل ولا لقمة قبل ما اطلع من هون
حمل الصينية و طلع و قفل الباب علي

هون ،كنت نام و احلم اني ارجع لحياتي الطبيعية لبيتي لاهلي لجامعتي بس كان صوت ممدوح الخشن كان يردني على ارض الواقع ،فاتت زمرد لعندي هي و حاملة صنية الاكل
شيرين:شو ما في غيرك يجبلي الاكل ؟
زمرد:فيه بس انا حبيت جبلك اياه هالمرة ،اسمعي انت عدوتي من هاللحظة و يا انا يا انت بهالقصر
شيرين:انت انت ،انا ما حابة ابقى هون
زمرد:رح فرجيكي يا سمرا ،انا لكن انحط بقسم الخدم و انا ست الجواري
شيرين: بتستاهلي لانو نيتك انقلبت عليكي
زمرد:و انا رح سود عيشتك هون
مسكت الاكل و كبتلي اياه على الارض
زمرد:يلا كلين من الارض
طلعت من عندي هي و عم تضحك ،بعدا فات ممدوح و طلعني
شيرين:لوين اخدني ؟بدكن تموتوني ؟ليش انا شو عملت ؟
ممدوح

طلعنا على جناح الامير ،دق ممدوح الباب دقتين و فات و انا فتت وراه ،كان امير الجبل عم يلبس تيابو و الخدم حوليه عم يساعدوه
امير:جبت البارودة
ممدوح:ايه
شيرين:اووه ..لحظة لحظة ...انا ما عملت شي كبير حتى اتعاقب عليه بهالطريقة ،انا كان بدي حريتي بس ،بدي ارجع لحياتي و لاهلي
امير:ليش بعتتك ام مسعود لهون ؟
شيرين:كرمال تخلص مني
امير:ليش بدا تخلص منك ؟
شيرين:على حسب قولا اني انا قدمي اسود علين و من وقت ما فتت ارضن هلت المصايب علين
امير:في صحة بهالموضوع ،جيتي من يومين و عملتي فوضى كبيرة هون ،ممدوح شو عرفت عنا كمان ؟
ممدوح:جلالتك بتكون زوجة مسعود ..
الامير:يعني مرة ابنا لام مسعود !
ممدوح:ايه بس زوجا ما بيعرف انو هي هون عنا ،حسب ما تخبرت انو مفكر انو هربت و سمعت كمان انو ...
الامير:ايه ؟
ممدوح: انو عملت مشاكل كتير ،حاولت تهرب عدة مرات حتى اخر مرة عملت حريق كبير بس عندا نقطة جيدة وحيدة ..
الامير: ايه؟
ممدوح:حاولت تصلح بين الارضين و اجتمعت بعيلة مهران و زوجت بنتو لابن ابو مسعود
الامير:شي مثير للاهتمام ! و هلأ كيف العلاقة بيناتن؟
ممدوح:رجعت توترت لانو ام مسعود خربت كل شي
الامير:هيك بصير بس تغيب الرجال ،معناها صار لازم ندخل ؟
ممدوح:يلي بتشوفو جلالتك و سمرا شو بعمل فيا؟
الامير: سمرا ...يا سمرا ما اشتقتي لاهلك؟
شيرين:ايه كتير
الامير:معناها اطلعي تجهزي لنروح زيارة على ارض العمالقة و منأجل الصيد لبكرا
شيرين:لا لا انا اشتقت لاهلي بس ما قصدي فتحية و مسعود ،انا عندي اهل...
الامير:كل هالبنات يلي هون عندن اهل ،و انا ما بهمني من وين جيتي قبل ما تخطي رجلك هالارض يلي هي كلا تحت نفوذي،انا بهمني انو انت صرتي هون و يلي بدوس هالارض ما بيطلع منا ،هون ارضك و اهلك ،مفهوم؟
شيرين:اممم
طلعنا بعربة خيل و توجهنا لارض العمالقة
شيرين:سمعان بشي اسمو سيارة ؟
امير:ايه
شيرين:ليش ما بتشتري سيارة احدث و اسرع من هالعرباية
امير:لانو مضرة للبيئة
شيرين:امم جواب مقنع
وصلنا على ارض العمالقة ،نزل امير الجبل من العربة و الكل ركض عليه انحنى قدامو و رحبو فيه ترحيب يليق بالاسم ،و بدقايق قصيرة اتجمهرو حوليه اهل الارض كلها ،بصعوبة شقينا طريقنا بيناتن لوصلنا على بيت ابو مسعود ، التقينا بجاسم اول شخص من عيلة ابو مسعود ،بعدين طلع الباقي يستقبلو حتى لمحت مسعود واقف جنب ابوه ؛ما كان شايفني لسا ،فات امير الجبل من الباب و انا مشيت وراه حتى التقو عيوني بمسعود،فتح عيونو على الاخر كأنو ما صدق يلي شافوه قدامو،مسكني من ايدي
مسعود:سمرا !
شيرين:اترك ايدي هيك
مسعود:شو عم تعملي مع الامير؟
شيرين:اسأل امك ،بعتتني هدية للامير و انا هلأ صرت جارية من جواريه
مسعود:امي!
اطلع فيني امير الجبل و اشرلي بعيونو لاقعد جنبو ،تركت مسعود مصدوم و رحت قعدت جنبو و فتحية رح تنهار و توقع على الارض من جيتي لعندن مع الامير
ابو مسعود:اهلا و سهلا بجلالة الامير؛باركتلنا ارضنا بجيتك لعنا
امير الجبل:ابو مسعود انا جيت اليوم لانهي الحرب بينكن و بين ارض الاقزام ،من هاللحظة ما بقا بدي اسمع اي مشاكل بيناتكن ،بدنا نلتفت لشغلنا
ابو مسعود:انت بتأمرنا ،اي شي بتطلبو منا اعتبرو تنفذ
امير الجبل:سمعت زوجت ابنك لبنت مهران
ابومسعود:ايه ولله بس بعد يلي صار ،البنت رجعت لاهلا و ما رحنا رجعناها
امير الجبل:بتاخد جاهة من عنكن و بتروحو لعندن و بترجعو تطلبو البنت حسب الاصول
ابو مسعود:حاضر جلالة الامير
امير الجبل:ايه ام مسعود بدي اتشكرك كتير على الهدية يلي بعتيلي اياها
نزلت راسا ام مسعود بدون ما تنطق كلمة ،فتح الباب مسعود بعصبية و طلع من البيت
ابو مسعود:ما في شي من قيمتك جلالة الامير