قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
📕|اللطائف الروحية في الدروس الرمضانية
🏷|٧٦ صفحة
👨‍💼|مشعل بن عبدالعزيز الفلاحي
Link
0
10.7k
9:092021/02/25
📕|اسرار المحبين في رمضان
🏷|٤٠٠ صفحة
👨‍💼|محمد حسين يعقوب
Link
0
11.1k
9:092021/02/25
📕|بين يدي رمضان
🏷|٢٩ صفحة
👨‍💼|محمد المقدم
Link
0
11.6k
9:092021/02/25
📕|كيف نحيي قلوبنا في رمضان
🏷|٧٢ صفحة
👨‍💼|مجدي الهلالي
Link
0
12.0k
9:092021/02/25
‏قال رسُول الله صلَ اللهُ عليهِ وسلم♥️ اكثرُوا مِن الصلاة علي ليلّة الجُمعة ويُوم الجمعة .. فإنَّ صلاتكُم معرُوضةُُ علي💛🌸
اللهم صل وسلم على سيدنا محمد 💚

إنّ القلبَ ليُظلِمُ فيستنِيرُ بكثرة الصلاة على النبي ﷺ."💚
Link
0
13.3k
17:172021/02/25
Link
0
8.0k
16:162021/03/05
قصة اليوم: #ثلاثة_أشهر
.............
قراءة ممتعة🦋💙"
#ⴅÂÐЄĦÂ
Link
0
8.4k
16:162021/03/05
#ثلاثة_أشهر_بقلم_رومانتيكا
الجزء الأول.............

كان واقف قبالو تماماً موجه سلاحو ناحيتو وعيونو عم تقدح شرار صوت صرصرة الحديد والاسلحة المسطفة عالرفوف بشكل متناسق واللون الأسود الي طاغي عالمكان قادر ليبث الرعب بقلب أي شخص بيدخلو لكن هالشي ما كان باين عملامح وسام الباردة كان مكتفي بأبتسامة غريبة وجواتو عم يعد أخر اللحظات الي بتربطو بالحياة

ابتسم الشخص الي قبالو وهو لسى موجه سلاحو ناحية وسام ثابت: انت هلق عم تلتقط آخر أنفاسك بالحياة شوي تانية وبينتهي أجلك خبرني شو شعورك بهاللحظة!!

قلب ملامحو ببرود وسام: كأنك عم تهددني!!

ثابت: طبعاً ما كل يوم بنال شرف قتلك أستاذ وسام خليني استمتع بهاللحظة التاريخية هي حابب أعرف شعورك

وسام: لا تتجاوز حدودك شوي تانية وبصدق انك عم تهددني ما كأنو انا الي طلبت منك تقتلني اشتغل شغلك عالسكت ورجاءاً لا تدخل بشعوري انت شغلتك تقتل الشخص الي بدو ينهي حياتو ما شغلتك تدخل بمشاعرو

أطلق ضحكة عالية وهو مثبت نظرو ناحية وسام ثابت: شو بتعمل بتقتلني مع الأسف الكرة هلق بملعبي انت حتى مانك قادر تدافع عن حالك وانا بحركة اصبع مني قادر أنهي حياتك...

وسام: لا تلعب بأعصابي

ثابت: المشكلة هالدقايق القليلة هي هية أكتر اللحظات الي بستمتع فيها شو أعمل بحب ألعب بأعصاب الشخص وأستنفذ كامل طاقتو قبل ما اقتلو المتعة الي بتراودني وانا عم شوف ضعف الشخص الي قبالي صدقني ما بتضاهيها متعة

بأستهزاء وسام: 10000 دولر أعطيتك لحتى تستمتع بقتلي بتوقع هدول قادرين يعطوك أكبر متعة بعد موتي لهيك اختصر

مشي ناحو وهو عم يلف المسدس بين أيديه بحركات دائرية همس جمب اذنو ثابت: حلو كتير الظاهر كتير مستعجل على موتك رح عد من الواحد للعشرة وبهالاثناء فيك تغير رأيك بأي لحظة لكن بعد ما أنطق عشرة الدنيي كلا ما بتوقف بطريقي وما بتخلصك من بين ايديي

رجع يمشي وهو عم يلف حواليه كان مصوب سلاحو بأتجاه وسام وعم يعد بشكل تنازلي ومع كل رقم عم يرفع أصبع من أصابع إيديه نبضات القلوب عم تتسارع مع قطرات المي الي عم تنزل من سقف المبنى الضخم والذكريات عم تجتاح مخيلة وسام مع كل رقم خلال خمس ثواني استرجع كل شي عاشو المر قبل الحلو والألم الي ما قدر يتعايش معو ذكريات سوداوية كانت عم تقتلو عالبطيء قبل ما يقرر بلحظة يقتل حالو

العد بلش ينتهي والأرقام قربت توصل لساعة الصفر كان ثابت موجه اصبعين ناح وسام وهو متردد يكمل كان الذهول واضح عملامحو قبل ما يثني آخر اصبع بيربط وسام بالحياة وينطق النهاية بلحظة فاق وسام من صدمتو ووجه نظرو على ثابت بذعر وسام:وقف

بهالأثناء طلقة طايشة طلعت من مسدس ثابت طلقة وحدة كفيلة لتقلب كل الموازين وكأنو مصيرو معلق بهالطلقة أما رح ينقطع طريق حياتو او بتخلي يشق طريق جديد ويرسم بداية جديدة لحياتو ....
اطلق ثابت ضحكة عالية انتشر صداها بالمكان وهو موجه سلاحو عالسقف مكان ما علقت الطلقة فيه اما وسام كانت نبضات قلبو متسارعة ومافي غير شي واحد ببالو يا ترى شو الي وصلو لهون شو الي خلاه يخطي هيك خطوك ويقرر ينهي حياتو بلحظة متهورة كانت شفافو عم ترتجف وهو عم ينطق حروفو بهدوء

وسام: لسى ما خلصت عد...

ثابت: هههههه ما كنت بعرفك جبان ومتردد هيك بعرف ما خلصت عد بس كنت حابب أعطيك فرصة أخيرة وشكلها نفعتك
________________________

((انا قررت أنهي حياتي...خلص لهون وبس معد فيني أبقى عم بتنفس أكتر من هيك...معد فيني أبقى على قيد الحياة وروحي هجرتني من زمان...
ما أنا اصلاً ميت قلبي وقف من زمان ...ما فيني أتحرك، ما فيني شوف...ما فيني غير قشاية من مكانها بهالدنيي ...ليش لأبقى عم بتنفس وانا جثة عم عد الأيام!! ...))

عشط البحر كان وسام عم يحكي هالكلمات الي خلقت جواتو معارك ألقى نظرة عكرسيه المتحرك ورجع يراقب الموج كيف عم يتحرك بشكل عكسي عم يراقب حركة الغيوم من حوالية ...
عالأقل بيقدر يتحرك ويغير شي بمجرى هالكون الواسع عم يتخبط بأفكارو وكلماتو المبعثرة بقرارو الجديد الي عم يتخبط أكتر من هالموج بذاتو سرحان بهالدنيي بعد ما خذلتو وهجرتو من زمان....

تطلع وسام بعماد وتنهد بعمق بعد ما قرر قرار برأيو هو الأصح بوضعو هاد بعد ما فشل بأول محاولة بأنو يقتل حالو قرر يحاول مرة تانية بس هالمرة بطريقة مستحيل يقدر يتراجع عنها لأنو رح يكون مخدر بالكامل القى نظرو على أخوه عماد واتنهد قبل ما يحكي لأنو بهالمرة لازم اهلو يعرفو الحقيقة

وسام. يالله عماد خلينا نرجع مليت

عماد. تمام أخي نرجع عالبيت ولا لعند اهلي!!

صفن بالسما الصافية للحظة وكأنو عم يسأل رب العالمين الشي الي عم يعملو صح ولا غلط رجع تطلع بعماد وتنهد بعمق وسام. خلينا نروح لعند اهلي في موضوع حابب أفتحو معكون

عماد. طيب تمام أخي متل ما بتحب

جر كرسيه المتحرك ببطئ متل ما عم يجر اي خيبة من خيبات حياتو، أي آلم شعّر فيه من قبل أو حزن تعشعش جوات قلبو طول الطريق وهو عم يفكر بشي واحد وبس كيف رح يخبر أهلو انو قرر ينزّل ستار
Link
0
8.3k
16:162021/03/05
ة حياتو ويمشي من هالدنيي!!
كيف رح تكون ردة فعل أمو الي ربتو وعم ينحرق قلبها عليه يوم ورا يوم !!
كيف رح تكون ردة فعل أبو الي ما فرح فيه و بشبابو لسا !!

بس خلص كان هاد قرارو أنو يتبرع بأعضائو لحدا هو بحاجتهون أفضل بمية مرة من انو يفتح عيونو كل يوم ويرجع يغمضهون وهو جثة هامدة ...

كان قاعد قبال الكل بعد صمت دام لدقايق الكل عم يطلعو وناطرينو ليحكي بعد ما جمعهن حواليه نرجس وسليم كانو قاعدين جمب موقدة الحطب وشابكين أيديهون ببعض أما عماد واقف جمب وسام وحاسس في شي مو منيح ورا هالجمعة

بلشت تتحرك شفايف وسام وتنحبس الأنفس ودقات القلب تعلى كان عم يحكي وكل ما عم تزيد حروفو الأنفس قدامو عم تنهار عم يحاول بشتى الطرق يشرح وجهة نظرو عم يحاول يبرر موقفو للكل بالنهاية هالقرار لصالح الكل مو بس لصالحو ألو ...
حطت الأم أيدها عأذانها وكأنون عم يرفضو هالكلام ودموعها كانت عم تنزل مع كل حرف أما الأب وعماد كانو متجمدين بمكانون لأنو هيك قرار مستحيل يكون حقيقة...
قطعت الأم هالصمت وشفافها عم ترتجف وصوتها المبحوح قادر انو يحكي

قامت عن الكرسي وقربت من ابنها وهي عم بتبوس ايديه نرجس. وسام أرجوك...أرجوك وسام خلص بيكفي ارحمني ...ارحمني خلص ...ما بدي أسمع شي!!

سحب كف أيدو وهو حزنان عأمو وسام. أمي بترجاكي لا تصعبي المهمة عليي سمعيني للأخر هاد القرار أحسن لألي ولألك ولأبي ولعماد انا عم بتنفس عالة عالكل هون انا يا أمي ميت بالأساس عم غمض وعم فتح عيوني كل يوم من دون فائدة

نرجس. لاء...لاء مستحيل هالشي مستحيل يعني اني أتخلى عنك وأسمحلك بأنك تنهي حياتك بهالسهولة ...لك أنت أملي بهالحياة لك انت عم تقتل أملي وعم تقتلني بحكيك هاد

سحب الأب أنفاسو وكأنو هلق لفاق من صدمتو وسيم. يا أبني هالشي الي عم تحكي حرام عند رب العالمين انت عم تقتل نفس وهيك كأنك عم تقتل كل الناس ...النفس الي عم تتنفسو أمانة وانت هيك عم تخون الأمانة الي وكلك رب العالمين بأنك تحافظ عليها

وسام. انا رح اتبرع بأعضائي لمشفى بابا أحكي دينك شو الأفضل لهالدنيي أنو تعيش نفس جديدة بتقدر تبني هالأرض وتسعى فيها ولا ضل انا فيها عم بحترق كل يوم وعم بحرق الي حواليي لك انا أكل ما بقدر أكل كاسة المي ما بقدر حركها وأشرب

قاطعو عماد. وسام انت عم تحكي عنجد!!....
اخي انت واعي ليلي عم تحكي كيف يعني بدك تقتل حالك هيك و بهالبساطة عفكرة انت أناني وسام ادا ما عم تفكر بحالك فكر بأمك الي ربتك وفينا يا أخي ...ارحمنا

وسام. اخي عم بعمل هالشي لصالح الكل وانت اكتر واحد لأيمتا رح تطعميني وتشربني وتفوتني عالحمام لأيمتا يا أخي رح تربط مصيرك فيني لأيمتا!!
انت صرت شب ومن حقك تحب وتتجوز وتكون عيلة وانت بتعرف تماماً انو شفائي شبه مستحيل

بغضب عماد. لك أيا حب وأيا جواز الي عم تحكي عنو هاد....

عكف الأب حواجبو بغضب وقاطع الكل بصوتو الجهوري وسيم. القوة والصبر الي كنت تحكي عنون وين راحو!!
وسام القوي والي بيشجع عالصبر وينو انت كيف رح يكون وجهك من رب العالمين فيك تواجهو يا ترى؟!!

ضغط عكرسيه المتحرك بقوة وعلي صوتو وسام. عكل حال انا عم خبركن قراري ما عم بستشير حدا حياتي ملك لألي وانا قررت أنهيها خلصنا بيكفي بقى رح تتعزبو اول فترة بعدين رح تتعودو احترمو قراري بترجاكون

انقطعت الأنفاس من طريقة حكي وسام وعرفو انو ممكن يخسرو بأي لحظة انهارت نرجس بالبكي لدرجة صار صوتها معد يطلع صارت تصرخ وتلطم عحالها مو عرفانة شو بدها تعمل

وسام. امي أرجوكي لا تعذبيني أكتر من هيك...

قربت منو ومسكت وجهو بين اديها التنتين صارت تحكي بصوتها المتقطع من البكا وكأنو عم تترجاه
نرجس. 3 شهور يا أمي بس مهلني 3 شهور وبعدها أما بتتراجع عن قرارك أما بوعدك ما أعترض عشي الله يوفقك يا أمي وافق وما بيصير غير الي بدك ياه ...أرجوك وسام!!

سحب نفس عميق وتنهد بعمق وسام. شو فرقت امي 3 شهور ولا 3 سنين ولا 30 سنة انا ميت ميت أمي

حطت أيدها عشفافو لتمنعو انو يكمل نرجس. هسسس أرجوك وسام بترجاك وافق يا أمي اعتبرها شو ما بدك اعتبرها فترة لأتعود على غيابك كل هالصبر الي صبرتو معد تصبر 3 شهور كمان مشان أمك

وسام. بس يا أمي...

ضغط عماد عكتفو بقوة عماد. وسام !!

وسام. عملو الي بدكون ياه بس بعد هدول ال 3 شهور ما رح أسمح لأي شخص انو يتدخل بحياتي تمام!

بوسط الصمت الي مخيم عالمكان ترك الكل عم يتخبطو بأفكارهون وتطلع ناح عماد
وسام. يالله عماد خلينا نروح عالبيت تعبان وبدي نام شوي

عماد. آااه اي يالله اخي خلينا نمشي

____________________________________

بأحد الشوارع الشعبية الضيقة كانت عم تتخبط خطواتها بسرعة و التوتر واضح عملامحها وكأنها خايفة لحدا يشوفها او يلمحها وهي عم تدخل عالكزينو فجأة سطع ضو ضعيف بوجها خلاها تغمض عيونها وتتنهد بعمق لأنو عرفت بوقتها انو خلص معد في مهرب انكشفت

اقتربت خطواتو لعندها وارتسم الغضب عملامح وشو عماد. ليلى هي انتي!!!!

ليلى. اي ليلى شو بدك مني يا اخي ترك
Link
0
4.3k
16:162021/03/05
ني بحالي خلصنا بقى روح شفلك شي شغلة اتسلى فيها غيري

عماد. انا كنت شاكك انك وحدة كذابة ورح تردي ترجعي لهون مشان هيك اجيت لحتى اتأكد بنفسي لهالدرجة لحمك رخيص عليكي

قشعر جسمها من كلماتو وحاولت تستر جسمها المكشوف بالجاكيت الي كانت لابستو ليلى. كيف بتسمح لحالك تحكي معي بهالطريقة ترا ما بسمحلك تتمادى

عماد. لما بدك توعديني انو ما بقى تجي عهاد المكان واجي تاني نهار لاقيكي هون بدك تسمحيلي

خطت بضع خطوات لعندو بثقة واشرت بأصبعها عم تهددو ليلى. هي آخر مرة بشوفك عم تلاحقني عم تفهم وادا مشان مصاريك قلتلك رح يرجعولك بعد شهر خلصنا بقى

لفت حالها وبدا تفوت لجوا وقبل ما تمشي مسكها من معصم ايدها بقوة واكتست ملامح الغضب على وشو عماد. انا ما قلتلك امشي لحتى تمشي طلعي بالسيارة والا والله بخلي الناس كلا تلتم عليكي

طلعت عالسيارة وطبقت الباب وراها بقوة وهو لحقها ودور السيارة
ليلى. خير شو بدك مني

عماد.......

ليلى. عم بحكي معك جاوبني شو لسى بدك مني!!!

ضل ساكت وعم يسوق السيارة بصمت من دون ما يعيرها اي اهتمام لحد ما وصل على مكان هادي مقابل لشط البحر وقف السيارة وفتح الشبابيك لتفوت نسمة هوا لطيفة

عماد. اتفضلي عم بسمعك احكي شو عندك

عكفت حواجبها بغضب ليلى. ما حضرتك الي جبتني لهون فلازم تسأل حالك بالأول شو بدك مني!

سحب نفس عميق وتطلع بعيونها عماد. احكيلي ليش رجعتي تشتغلي بهداك المكان شو عندك عملية اختك ونعملت شو لسى عندك حجج تانية

بمسخرة ليلى. هه كأنو الشغلة هيك بهالسهولة هي فيني أترك كل شي ورايي وأمشي

عماد. شو يعني!!

ليلى. حابب تعرف شو يعني

عماد. لكن ليش جايبك لهون

سحبت نفس عميق ورجعت راسها لورا لتحكي ليلى. طيب انا رح احكي كل شي بس بتمنى بعد الي رح تسمعو تنسحب من حياتي طبعاً بعد ما يرجعلك كامل المبلغ الي دفعتو وبتمنى كمان ما ترجع تلاحقني لانك رح تتلوث بالوسخ الي حواليي

كانت شفافها عم تتحرك وهو عم يسمع من دون ما ينطق ب ولا حرف، عم يراقب كيف نسمات الهوا عم تطير شعرها من الشباك وتأشيرات أيديها وهي عم تحكي، عم يراقب لمعة عيونها مع ضو القمر الي عم تختلق شي غريب جواتو كان مكتفي بأنو يتأملها بصمت وبس...

___________________________________
((منزل العائلة))

قبال موقدة الحطب كانت صافنة بالمجلة الي بين أيديها وهي بعالم تاني خالص عم تفكر وتخطط على أمل تنقذ ابن قلبها من الموت فجأة صحاها صوتو الي خلاها تنقز وتصحى من شرودها

وسيم. نرجس بشو صافنة!!

زتت المجلة الي كانت حاملتها عالطاولة وتنهدت بعمق نرجس. بنفس الموضوع بشو بدي كون شاردة يعني

وسيم. وشو طلع معك!!

نرجس. آاااخخخ خايفة يا ابو عماد خايفة اخسر ابني الي لسى ما فرحت بشبابو نحنا لازم نتصرف بأسرع وقت

وسيم. وشو فينا نعمل وما عملنالو ياه يا أم عماد

نرجس. رح اعمل الشي الي كان لازم اعملو من زمان انا مستحيل اخسر ابني لو بدي موت انا ما رح اسمحلو يحرق قلبي ويعمل الي عم يفكر فيه

وسيم. وشو هو هالشي الي كان لازم تعملي من زمان!!

كانت عم تحكي ودموعها عم تختلط مع الكلمات عم تحاول تشرح لوسيم خطتها الي متل خيط امل رفيع عم تتمسك فيه بشدة لحتى ما ينقطع
اما وسيم كان عم يسمعها والصدمة اكتست ملامحو ما عم يصدق انو هي نفسها ام ولادو
هي نفسها نرجس ام قلب ابيض ولا وحدة تانية ما عرفها من قبل!!...

#يتبع
Link
0
3.6k
16:162021/03/05
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com