#الوتين🖤🥀 #الجزء_الأول .
وتين: ماما ولله تعبت خليني أرتاح شوي
جنين[أمها ل وتين]: يا أمي بس خلصي هيدا إلي بإيدك وإرتاحي لأنو الجماعه بكرا بدهن الغراض م بصير نتأخر عليهن
وتين[تنهدت وإسنتند ع الحيط ورفعت راسها ] : اخخخ يا أمي يا ريت لو خلصت مدرستي و جامعتي كان إسه عم أشتغل وطالع مصاري أحسن من الحالة إلي نحنا فيها هلأ
جنين [تركت من إيدها وقامت من ورا مكينة الخياطة وقعدت جنب وتين ومسحتلها ع راسها]: إنتي بتعرفي منيح يا بنتي لو أبوكي معو ما كان بخل عليكي وسجلك ب الجامعه بس بتعرفي
[وقبل ل تكمل جنين كلامها وتين حطت إيدها ع تمها وبوستها من راسها ]
وتين : خلص يا أمي أصلا مو زعلانه بالعكس الحمدلله ع كل شي
مع فوتت آمين[أبوها ل وتين ]وأول م سمعو فتحت الباب ركضو جنين وتين ل عندو
جنين : الله يعطيك العافية
وتين [قربت منو وبوست إيدي وراسو ]: الله يعطيك العافية بابا
آمين[ضمهن وبوسهن من روسهن هني التنتين]: الله يعافيكو ي رب
{عيلة فقيرة بتتألف من إم وأب وبنتهن إلي الله م طعمهن غيرها ... عايشين ببيت صغير ع قدهن مألف من غرفتين ومطبخ وحمام وصالون صغير وهوي الشي الوحيد إلي بيمتلكو من هاي الحياة .. عايشين يوم ب يوم وضعهن المادي فقير كتير آمين ابوها ل وتين بيشتغل عند إحدى رجال الأعمال المعروف ب البلد وبيعمل حارس من الصبح ل المسا وأمرات من المسا ل الصبح .... أما جنين ف هي متعلمة الخياطة وعم تساعد جوزها ب مصروف البيت وتين عم تتعلم من إمها شوي شوي }
[ وتين عمرها ٢١ سنه ألي من عمرها بيكونو عم يدرسو بالجامعات إلا هي وتين بنت جذابة بشكل كتير كبير بشرتها الي باللون الأسمر الخفيف شعرها البني القصير تقريبا ل عند كتفها ومتل الحرير عيونها البنيين وإلي بشوفهن بنسحر بجمالهن مكحلين رموشها الطوال طولها 162 و وزنها 54 معروفة ب الضيعه ب وتين الروح لإنو مستحيل حدا يشوفها او يسمع صوتها و م تنرد الروح ل قلبو صوتها الناعم وجذاب البرائة الي بوجهها بتجذبك ل إلها وما كان في شب م بينسحر فيها ويصفن بجمالها بس يشوفها او يسمع صوتها وهي تغني ]
.
.
تاني يوم الصبح بكير بتفتح وتين عيونها وبتقوم بتصحصح وبتدخل بتتوضا وبتصلي الصبح بتضب فراشها وبتغير بجامتها وبتروح بدق ع ابوها وإمها ل يقومو يصلو الصبح ويفطر قبل م يروح أبوها ع شغلو[هيك متعودين كل يوم ]
وتين : ماما ،بابا يلا قومو
أمين: اي بنتي يلا قمنا
راحت وتين جهزت الفطور وفطروا ودعو أبوها وطلع ع شغلو وهني كملو شغلهن
___________________
بمكان تاني وتحديداً بالقصر بكون نايم ع سريرو الحرير ومبسوط وما في أي حدا بتجرأ يزعجو او يفيقو من نومو
بينفتح الباب بخفة وبتدخل ع روس أصابعها بتاخد الثياب الوسخة عشان تغسلهن
تيم[بصراخ]: مين سمحلك تدخلي
الخدامة[بخوف]: أنا ... أنا بس بدي ... بدي اخذ التي
تيم [قام من تختو بعد الحرام عنو وقام وطلع فيها نظرة غضب الي خلتها ترجف بأرضها ]
تيم: لا عاد تدخلي وأنا نايم عم تفهمي اطلعي يلا
[ تيم شب بعمر ٢٧ سنه من عيلة غنية ومعروفة بعيون خضر شعراتو الي بلون الكستنائي الفاتح دقنو الشقرا المخططة بشرتو البيضة طولو ١٩٠ وزنو ٨٤ عضلاتو المفتولين فتل لاعب رياضة ماكن عصبي كتير ما ممكن أيا حدا يغيرلو رأيو مين ما كان يكون إن حكا كلمة لازم تتنفذ وما في اي كلمة بتمشي علي غير كلمة أبو ببعض الأوقات ولا ممكن أيا بنت تلفتلو نظروا جدي بكلامو كتير قليل ل يبتسم ]
بيفوت بياخد دوش وبيطلع بلبس تيابو وبينزل عشان يروح ع الشركة وأول م ينزل وهوي ع درجات بتكون في نظرات حب عم تطلع علي
تيم: صباح الخير
سعد[أبو ل تيم]:صباح النور إبني
لانا[إمو ل تيم]:صباح النور حبيبي تعال أقعد معنا
تيم[بعدم اهتمام]:شكرا إمي بس صار وقت إني أطلع
بتقوم غدير[بنت عمو] بتوقف قبالو
غدير: تيم خليك كمان شوي كتير مشتاقين نقعد معك
تيم [بيعقد حواجبو وبطلع عليها وبيطلع ]
لانا: حبيبتي غدير ما حلك تتعودي ع تيم هوي هيك م بحب يحاكي حدا أول م يفيق من النوم
غدير : اي هوي بس اول م يفيق من النوم
.
.
غدير بتكون بنت عمو ل تيم بتحبو ل تيم بس هوي ما عاطيها مجال ابداً ل إنو تحكي او تعبرلو او عاطي مجال ل قلبو من إنو يحبها
.
عند وتين بتكون قاعدة ع الشباك وعم تخيط وتغني [يا طير سنونو .... سلملي ع عيونو .. وقلو أنو بحبو بحبو ... وبعمري م بخونو ...وئلو وحياة الله ... عنو ما بتخلا ... وئلو أنو انشالله انشالله ما بخيبلو ظنونو ....]
وقفت غنا وسندت راسها ع الشباك وطلعت ع البنت الي من عمرها كيف راجعه من جامعتها ومبسوطه هي ورفقاتها دمعت عيونها