(حور) #نسمة
ركبت بسيارة ياويل قلبي انا مابشوفها بإحلامي مستحيل حتى بأحلامي مابشوفها هي السيارة فقط وحصريا ع شاشة التلفزيون وحتى الشب يلي فيها علي هاد كمان قليل لنشوفو ع الواقع تعو ﻻحكيلكون شوي عن علي ،بتعرفو للشب المثالي او مثلا النموذجي؟؟ علي بقا كان هيك ؛شب كتير واثق من حالو ذكي غني حلو وبنفس الوقت زلمة هيك بتحسو ومن اول لقاء إلو هيبة يعني بالعامية معبي مركزو كتير ﻻ وكان طول الطريق عم يطلع ع المرايا ويركز شعراتو،انا اعتبرتها حركة قلة زوق ﻻنو حضرتو اتبرع يوديني ع المشفى وطول الطريق عم يركزلي بشعراتو؟؟
طلعت فيه ودرت وجهي عنو
علي:ءءء معلش يا آنسة شكلك متوترة هلق منوصل وان شالله مابصير الا كل خير
حور:تمام
علي:من اول الطريق وانتي صافنة وشاردة والدمعة بعينك
حور:وشو المطلوب
علي:ﻻ بس فيكي تحكي لو حبيتي
حور:هه عن شو وﻻ شو وﻻ شو
علي:بلشي من محل مابريحك
حور:يلي بريحني انك تأسرع واني اسكت
.........
اي فضلت السكوت بالوقت يلي كتير محتاجة فيه اني احكي وفضفض بس ﻻ هي مو انا طبعا علي مسكين ههه ماعاد عرف كيف بدو يتصرف ضل ساكت وصلنا ع المشفى نزلت ركد وكانت اختي آية عند باب المشفى فارطة من البكي
.......
حور:آية شبكي شوفي
آية:ماما تعبانة كتير وبدها عملية فورا بس ماعم يرضو يفوتوها ع غرفة العمليات مشان الله حور لحقيها ماما عم تمووووت
علي:ليش ماعم يفوتوها
آية:بدهن مصاري اول
حور:شلون يعني شومافي بقلبهن ذرة رحمة هدول مافي عندهن ضمير
......
انا كملت حكت هالكلمتين واندرت لفوت ع المشفى لقيت علي عم يزبط كل شي بظرف دقيقة او دقيقتين ماما صارت بغرفة العمليات بكيت وبكيت وبكيت مو ﻻنو عجزت عن التصرف ﻻ هي مو اول مرة المصاري بتكسر ضهري بس ﻻنو المصاري بتعمل كل شي اتصوروا لو مادفعت شو ممكن يصير بماما؟؟ بكيت ﻻنو بقرشين فاتت امي ونحن فتنا وع شوي ح يعطونا المشفى من قهري وخوفي وتوتري ماعاد سألت ع علي وﻻ انتبهت عليه فتنا ع المشفى وقعدنا قدام غرفة العمليات بعد ربع ساعة بس بيجي كابوس حياتي منغص عيشتي هادم اللذات مفرق الجماعات ابن عمي عمران
#يـــتــبـــع 💙🌸