لؤي:امرك سيدي
ادهم:و انا شو مشاني سيادة العقيد؟؟
سراج:انا بحكي حكي رجال....رح ساعدك اد مابقدر....لانك وقفت معي وقفة رجال....روح مع لؤي هلأ وبعدين لكل حادث حديث
ادهم:الله يخليلنا ياك ياسيدي
//flash back//
7:55صباحا"
ادهم:الو....انت سراج؟
سراج:مين معي!
ادهم:انا ادهم انا من زلم شهاب....سيدي انا مستعد ساعدك....بعمل الي بتطلبو مني بالحرف الواحد...بس ساعدني و طالعني من هالحفرة الي وقعان فيها....شهاب رح يخلص شغلو معك و يقص روسنا بعدين....وانا برقبتي عيلة و ولاد.....مستعد اعمل الي بدك ياه
سراج:شو بيثبتلي انو مانو مقلب من شهاب؟؟
ادهم:سيدي....شهاب ناوي يلبس البنت الي هون تياب ما بتنظر و ناوي يقتلها ادامك....و انا بعرف مخرج سري فيني طالعلك ياها من المصنع بلا مايحس شهاب شوقلت؟
سراج:ماشي....سمعني منيح....رح جبلك بنت تحطا مكان مروة....يعني بتطالع مروة وبتفوت دينا
ادهم:ومين هي البنت؟
سراج:مو شغلك مين....انت بتنفذ وبس....خبرني وين المخرج و وين لاقيلك لطالع مروة
ادهم:امرك سيدي
_فهمت من ادهم كل شي و فهمتو شويعمل و بعدها طلعت من مكتبي و حاكيت لؤي لخبرو عن الخطة الجديدة و توجهت لبيت دينا لجيبها معي_
دينا:سراج!!!!....شو جاية تعمل من الصبح
سراج:شرفي معي...في مشوار بدنا نقضيه
دينا:لحظة لبدل تيابي
سراج:مافي داعي مشوارنا قريب...متل ما انتي تفضلي
دينا:بس......
سراج:بدون بس....شرفي
_اخدت دينا عطينا ل لؤي ليبادلها مع مروة....و تم هالشي بسهولة...وبدون ماينتبه شهاب الي كان مشغول ..لان بهالاثناء كنت اخد جوال دينا و باعتلو رسالة لقلو فيها انو دينا حامل حتى الهيه شوي عن ادهم ليعرف يشوف شغلو ويبدل تياب دينا و يحطها مكان مروة.....دينا الي فهمتا عن كل شي و قنعتها تتعاون معي لانو شهاب مقرر يرميها بس يطلع من البلد و لان من مصلحتها تتعاون معي...ولما حكيتلا عن مروة شفقت عليها و رضيت تساعدني مقابل اني ساعدها تنال عقوبة مخففة....لانها بالنهاية تعاونت مع مجرم_