📚قصص||روايات||منوعة📚

ييين حنونة كيفك مرت اخي كيف الولاد كيفو اخي كيف شغلو كيف صحتو كيف مدارس الأولاد و كيفها لانا عم تعزبك هالزعرة و كيفك انتي و كيــفــ
حنين: مناح مناح ... حبيبتي يا لجين عطول معجوقة و فايته بالحيط
لجين : اناااااااااااا !!!!! الله يسامحك الله يسامحك الله يسامحك ... لك والله والله .. بذمتي بضمير لو ما بعزك وبعتبرك الغالية مرت الغالي ما كتت بسالك كل هالاسئلة .. بس من محبتيييييييي .. من محبتييييييييي وحيات ولادي
حنين : يا تئبريني ... تسلميلي ريتك ما قصدي هيك انا .. بس يا لجين كنت عاوزتك بخدمة
لجين : من عيوني من عيوني من عيوني ... تكرم عينك ولو ... انا بخدمك برموشي .. براسي براسي بخدمك ... لك والله والله والله .. بذمتي بضميري انو بعزك وبعتبرك الغالية مرت الغالي
حنين : ايه .. اي .. تسلميلي .. كنت بدي
لجين : احكييييي .. احكي ما تتلبكي .. ما تستحي ... اخي مزعلك ؟ متخانئين ؟ ولي على آمتي لك لتكوني حردانة وبدكن صالحكون مره تانيه ؟؟؟؟؟؟
عضيت على شفافي و حسيت حرارتي ارتفعت ، الي بيسمعا بفكر كل نهاري حردانة وكل نهارها عم تصالحنا .. هي مره !! مره و كانت غلطة وندمانة عليها ..
حنين : لا لا شو حردانة بالعكس ما في شي اصلاً الجمعة يوم عيد زواجي و مشان هيك بدي اطلب منك
لجين : يااااااااخ ... بدك تعملي حفلة ؟ رح تعزمي سلفاتك و نلتم كلنا هيك .. عنجد فكرة !
حنين : لا لا ... لا ما هيك انا عاملة هيك سهرة على الديئ .. يعني بس الي ولمحمد
لجين : والله لعيتي البي لك مرت اخي .. لكن شو بدك مني ؟ ...
لقطت نفسي وكنت بدي احكي
لجين : ايوووووه .. ليكون بدك حط الأولاد عندي ؟
حنين : لأ ..
سكتنا تنيناتنا .. بعدين قلت مستحيل يمشي الحال على الهاتف .. بروح لعندها بكرا بلكي بعرف اتفاهم معا ، هي قلبها طيب وحبابه بس هيك مدري كيف عطول فايته ببعضها .. اختصرت الحديث
و وصيتها ما تجيب سيرة لمحمد لانو الحفلة مفاجئة .. وسكرت الخط انا وحاسة حالي طالعه من معركة
تاني نهار ما صحلي روح لعندها ، كان لازم روح على اجتماع اولياء الأمور بمدرسة حمزة .. اجا الخميس والوقت سرقني و محمد حاسس علي مخبيه شي وانا مبسوطة بهل احساس انو عم جهزلو مفاجئة وهو مو عرفان بس بصراحة كنت متمنيه من كل قلبي
انو يتزكر ( ولو بالغلط ) و يجيبلي هدية معو .. وردة ، ساعه ، شوكلا .. هيك شي ..
وقررت انو افضل شي .. المسا امرق اخود الحلويات الي وصيت عليهن من محل الحلو .. بتركهن عند لجين لأن عندها بس ولد رضيع وبخاف اتروك الأغراض عند هيا و ياكلوهن ولادها لتاني يوم .. وباخد منها الفستان تبعها و تاني نهار برجعهن من عندها بس دبر تصريفة لمحمد وبجهز كل شي
اخدت الأولاد وقلت لمحمد انو هيا مشتاقتلن وبدا يبقو عندا هالليلة ، ورحت على محل الحلو كان مجهزلي كل شي متل ما بدي واحسن .. وصلولي ياهن على التكسي .. وبعدا رحت لعند لجين
خليت التكسي واقف تحت لينزل قاسم جوزها للجين يتناولهن .. وما حاسبت الشوفير مشان ما يهروب بالحلويات .. اصلاً انا من يوم يومي امي الله يرحمها كانت تقولي عني ذكية و حريصه !
طلعت للطابق التالت ودقيت الباب بعد ما حسيت نفسي رح ينقطع .. رنيت الجرس مره وتنتين وتلاته .. وفجأة فتحتلي لجين .. وكان منظرها مو طبيعي ابداً
لابسه مريول المطبخ و تيابها كلهن موسخين و وشها طحين و كان في شقفة بندورة بشعرها .. فتحتلي هي وعم تنوح وتبكي متل السيارة الي خربان موتورها
حنين : لجين !! ولي على البي شو صايرلك ؟؟
رجعت تبكي وصوتها معبي البناية .. بدي فوت وسكر الباب بنفس الوقت الشوفير بعدو ناطرني تحت .. صرت اكول باظافيري بتوتر ( يا بنت الحلال حاج تبكي .. ما تبكي لولو .. حبيبي شبك ؟ .. ياربي .. لك وينو جوزك ؟ )
ضلت تبكي وتشهق وتمسح بتيابها وتحكي .. قدرت ترجم و استنتج من حديثها انو جوزها راح يجيب بنت حماها و نسيبو ( جوز اختو ) لانهن اجو من السفر جديد و قاسم عزمهن على العشا عندو بالبيت
وكمان فهمت -بصعوبة- انو قاسم طلب منها أكلات اول مره بتطبخهن وما في شي زابط معها ..
حنين : اي شو يعني هلأ قاسم مو بالبيت ؟
لجين : لك لااااااااااا لااااااااااا مو بالبيت راااااااح يحلق بعدين يمرق يجيب اختو وجوزها
حنين : ايييييي ما تعيطي طولي بالك .. استني خليكي هون
لجين : وين راييييييحه ؟
حنين : هلأ بجي استني
اخدت نفس طويل ونزلت لتحت

اختي بس انتي

قاطعتها بسرعه انا وعم كز على اسناني : انا الغالية مرت الغالي ..

طلعنا من المطبخ نسلم وكانت لجين متوترة لانو بنت حماها ولا فكرت تجي لعندنا على المطبخ تسألنا ازا بدنا مساعده او على الأقل تسلم علينا
انا اعتبرتها قلة ذوق بس قلتلها بتكون تعودت على عادات برا ومن هالحكي لانو طقت روحي من هالليلة

فتنا و كنت انا سابقه لجين لان هي متلبكة وانا مستعجلة ، قلت مرحبا و رفعت راسي لشوف اختو وجوز اختو لقاسم الي عذبوني كل هالعذاب ..
و وقعت عيني أول شي على جوز بنت حماها .. وهو عينو اجت بعيني ، و وقفت مكاني

قاسم : اخيراً .. كنتو رح تموتونا من الجوع

تجاوزتني لجين و وقفت جنب جوزها وحكت بخجل : أمانه ما تواخذونا ..

قاسم : لجين مرتي .. مريم أختي الي ما حضرت عرسنا بس شفتي صورتها .. و باسل جوزها

مريم : ولا يهمك بسيطة حصل خير

باسل : حماتي على طول بتحكي عليكي

نكشتو مرتو صار يضحك ( مو عليكي قصدي عنك يعني . .. )

لجين : حنين ليش بعدك واقفه عندك تعي .. هي مرت اخي حنين ساعدتني بالأكل

كنت بعدني عم اتطلع بالبني أدم الي واقف قدامي و الي طلع اسمو باسل .. كان يتطلع فيني ويرجع يتطلع فيهن ويحكي
بس انا ما قدرت شيل عيوني عنو ولا ثانيه ، ما بعرف شو صرلي
ابتسملي ابتسامة بسيطة .. خلت كل التوتر والعصبيه الي كنت حاسه فيهن يختفو .. ونسيت انو بنت حماي قدامي
نسيت اصلاً انو مرتو واقفه جنبو ..
ونسيت كمان اني متجوزة و جوزي بستناني بالبيت !

قعدنا كلنا سوا .. وكان هو مسيطر على الحديث و مستلم دائرة النقاش ، وأنا عم اسمع نبرة صوتو الي فيها شي كتير غريب ومختلف
دفا عميق .. شي بخليني حس بالراحة .. كان يستخدم تعابير وشو باحتراف .. لما يضحك عيونو يضحكو
ولما يحكي بشكل جدي حس عيونو صار فيهن ثبات و حزم فهمت انو كان يشتغل بكندا بالعقارات وهلأ بدو يشتغل هون بنفس المجال
ما طلع صوتي كل القعده ، قامت لجين لتجيب الأكل و نكشتي اكتر من مره مشان قوم معها بس ما انتبهت
أو عملت حالي ما انتبهت ..
راحت وصارت تجيب الصحون وتحطهن على الطاولة قدامنا ..

لجين : يلا يا جماعة السفرة جاهزة ان شاء الله يعجبكن الأكل تفضلو

قامو الأكل وانا قمت ورا باسل .. قعدت بعيد عنو لانو كنت ملبكة وما بدي قرب منو .. على طاولة الأكل
حسيت برضى وسعاده ، كأني ما عدت زعلانه مشان كل الوقت الي ضاع و التعب الي تعبتو .. كل ما يثني على الأكل او يعطي شهادتو انو طيب كنت افرح كتير وحس الحكي الي مو للجين
بس مريم اختو لقاسم ما كان في شي عاجبها ، لا الأكل و لا الحلويات و لا حتى لجين بذاتها
بس كمان ما كان بهمني .. كان كل تركيزي انو اسرق نظرات على باسل كل شوي بدون ما حدا يكشفني

خلصنا أكل ورحنا نغسل .. ضليت انا وباسل و قاسم عند المغسلة .. ندهت لجين لقاسم ( حبيبي ممكن لحظة ؟ ) اكيد كانت بدها تبهدلو مشان حركات اختو

باسل : تفضلي ، السيدات أولاً

حنين : لا ما بصير استاز باسل اتفضل انت بالأول ..

غسل ايديه وراح بسرعه و انا لسه عم اتطلع فيه !!

غسلت ايدي بعدين غسلت وشي مره وتنتين وتلات .. حسيت أنفاسي مخربطة ..
رجعت لعندهن و استأذنت مشان اطلع ، لجين أصرت انو ضل بس قلتلها انو محمد طلب مني ارجع فوراً ..
قمت من مكاني بدون ما اتطلع على باسل ابداً الي صوتو لسه باداني وبعدو مستمر بحديثو كأنو ما في شي صار

طلعت من عند لجين و عيون باسل بعدها محاصرتني .. وبلشت فكر انا وخايفه شبني!! لك شو صرلي !
معقول بنت حماي اشتلقت على شي ؟
او مرتو ؟ .. أكيد مرتو لاحظت .. شو الي عملتو !!

وصلت على البيت و محمد ناطرني باسئلة كتيرة وانا جاوب باختصار ، ما كنت جاهزة لاحكي مع حدا
فتت اخدت دش ولبست بيجامتي و تخبيت بفرشتي و انا لسه عم فكر فيه
صوتو فات لقلبي وعلق جوا ..
وعيونو ما عم تروح من بالي !!
حاولت نام بس ضليت عم اتقلب بالتخت لوقت طويل ..
قمت عملت قهوة وبلشت حس بالذنب .. انا ست متجوزة !! كيف بسمح لحالي فكر بشخص تاني وجوزي نايم جنبي !

اتفقت انا وحالي انو انهي هالمهزلة و انسى النهار كلو من اولو .. وارجع ركز بحفلة يوم زواجي
صار عندي اصرار اكبر اعملها مع انو صارت شبه فاشله
بس حسيت انو لازم اهرب من هالافكار السودا الي براسي لحضن محمد ..

نمت بالصالة .. والظهر الساعه 1 صحاني محمد

محمد : حنين .. يا حنين .. انا رايح افطر عند اختي اتصلت وعزمتني على الفطور

حنين : مين اختك ؟ اليوم الجمعه

محمد : لجين .. بعرف اليوم الجمعة بس هي كتير مصره وقال في شي ضروري بدها تحكي معي فيه

فتحت عيوني بخوف و قمت بسرعه : شو الموضوع شو في ؟

محمد : : شبك ليش هيك ارتعبتي ؟

حنين : انا ؟ لا .. بس هلأ صاحيه من النوم وهيك مو فهمانه عليك .. شو الموضوع الي بدها تقلك ياه اختك ؟

محمد : ما حكت .. ليكني رايح شوف .. بدك تجي معي ؟ قلتلو لأ تعبانه بس بعدين ندمت كتير .. يمكن لو رحت كان فيني اطمن اكتر .. وما ضل هيك خايفه .. بس حكيت بتسرع وبدون تفك ير

كان محمد مجهز حالو ... طلع من البيت و سكر الباب و انا قمت عملت دلة قهوة كبيرة وبلشت اشرب قهوة وروح واجي بتوتر
وراجع تصرفاتي .. معقول بنت حماها انتبهت علي و اشتكتلها ؟ .. معقول لجين تعمل فيني هيك ؟
او باسل حكى شي ؟
او يمكن قاسم الي انتبه ؟ .. لا لا انا كنت اتطلع بحذر .. ما خليت حدا ينتبه ..
ولي شو بدي عمل !!

رن الهاتف ورديت بسرعه وبخوف ( الو مين ؟؟ )
هيا : صباحو يا قطة .. خدي حمزة معصب بدو ياكي
حنين : اختي ما الي خلق بعد شوي بتصل وبحكي معو
هيا: خير شو صاير ؟ ليكون ما دبرتي الفستان ؟
حنين : انو فستان ؟
هيا: يوه !!
حنين : اي اي .. صح ما دبرتو .. خلص منحكي بعد شوي
هيا : مشان التبولة أنا ..

فصلت الخط ورميت الهاتف .. طلعت على البرنده لاتنفس .. ورجع رن الهاتف ..
ركضت وتناولتو .. ولقيت لجين الي عم تتصل .. رديت فوراً وما نطقت بحرف وهي فوراً حكت

لجين : مبسوطة هيك ؟؟؟؟؟؟؟؟؟؟؟؟؟؟

حنين : أنا .. أنا ..!!

اسل :لانا انا صار لازم شوفك
حنين : قلتلك مستحيل ، انت صرت تعرف ظروفي
باسل: بس هيك ما عاد يمشي الحال ، ازا بدك نستمر سوا لازم نلتقي
حنين : طيب انت بتعرف اني حامل هلأ لشو هالسيرة .. بطني واصل لحلقي
باسل : _ _ _
حنين : خلص بوعدك بعد ما خلف نحكي بهل موضوع .. يلا انا لازم نام
باسل : جوزك نايم جنبك ؟
حنين : لأ لأ .. ليكو برا قاعد .. وانت هلأ رايح تنام جنب مرتك ؟
باسل : اي لكن وين بدي نام
حنين : ما تنام جنبها ، نام بالصالون كرمالي
باسل : ههههههه عنجد بتحكي ؟
حنين : اي عنجد .. مو انت بتقلي حبيبتي وانا بقلك حبيبي ؟ يعني انت الي وانا الك
باسل : ماشي معناها وانتي كمان بتطلعي بتنامي بالصالون ؟
حنين : بروح بنام بغرفة ولادي ؟ بس بتصورلي انك نايم بالصالة مو بغرفة النوم ؟
باسل : اتفقنا .. يلا قومي انتي كمان صوريلي
حنين : يلا ههههههههه

قمت من كل عقلي واخدت معي غطا وطلعت على غرفة ولادي .. انتبه علي محمد

محمد : وين رايحه ؟
حنين : ما عرفت بنام بالغرفة شوب كتير .. رح نام بغرفة الولاد
محمد : كل هالوقت وما نمتي ؟
حنين : لك لا غفيت شوي و صحيت وما عاد عرفانه ارجع نام .. رايحه نام عند لانا
محمد : ماشي

فتت على غرفة لانا عالسريع وشغلت الضو ... ولقيت بنتي لانا قاعده بالزاوية و عم تبكي .. هي شافتني ومسحت دموعها و نزلت تحت الشرشف وانكمشت على حالها
وانا و قع قلبي من مطرحو وركضت عليها وصرت احكي معا وما تجاوبني

حنين : لانا ... ردي علي بئى .. ورجيني وشك .. الي ساعه مطولة بالي لا تخليني اطلع نادي لابوكي يتفاهم معك ..
بلشت حسها عم ترجف ، كانت متشنجة متل الخشبه وما قدرت طلعها من تحت الشرشف
حنين : يا امي رح تموتيني من الرعبة مشان الله تفهميني شو صاير .. انتي مخبيه علينا شي ؟ صاير معك شي ؟ حدا مزعلك حدا حاكي معك ؟
لانا : انتي الي مخبيه شي .. وانتي الي مزعلتيني .. وانتي مو امي ولا بدي ياكي تكوني أمي .. ياريت خالتي هيا هي أمي مو انتي

ارتخو ايدي وبعدت عنها ، كشفت عن وشها وكان لونو ازرق وعيونها ورمانين من البكي

لانا : انا بعرف كل شي ، بعرف انك بتحكي مع رجال تاني غير ابي .. وبعرف مين هو اسمو باسل وشفت صورتو
حطيت ايدي على تمها انا وعم ارجف ( اسكتي .. وطي صوتك اسكتي .. شو عم تخبصي .. من وين جايبه هالحكي !!!! )

قاومتني وبعدت عني ورجعت تخبت بفرشتها وكملت بكي وانا ابكي معها وارجف .. شو عرفها !! كيف بتعرف كل هالحكي !!
لانا بتمسك موبايلي كتير بس انا بكون متأكده انو حساب الفيس الي بحكي فيه مع باسل مسكر .. شو عرفها ... شو بدي اعمل !!
شو هالمصيبه !!

ضليت فوق راسها لتحكي معي بس ما جاوبتني ضلت تبكي لنامت وانا ما غمضت عيني ، سكرت الحساب وتاكدت من الموبايل انو ما فيه شي
الصبح عملت فطور وضليت قاعده بالمطبخ عم اشرب قهوة بس صحي محمد قلتلو لانا مريضه وما رح تروح على المدرسة .. نزل من البيت هو و حمزة و بس تأكدت انهن راحو فتت لعند لانا وصحيتها من النوم

حنين : لانا قومي بدي احكي معك يا عمري
لانا : انا ما بدي احكي معك اتركيني
حنين : ما بصير تحكي معي هيك انا امك ..
لانا : لا انتي مو امي .. وانا بدي قول لأبي كل شي

كنت كأني عم بحكي مع بنت عمرها 20 سنة ... نظرة عيونها الي فيهن حزن وتحدي وقوة و غضب .. كنت مرعوبة قدام عيونها .. كنت حاسه حالي حشرة وانا واقفه قدام بنتي الي عمرها 10 سنين عم دافع عن حالي

لانا : انا سمعتك مره عم تحكي معو لما كنا كلنا نايمين .. من وقتا صرت انتبه على تصرفاتك وبعدين لقيت ورقة بغرفتك مكتوب عليها اسم حدا بالانجليزي
دورت عليه بالفيس بوك لما رحت لعند خالتي و شفت صورتو .. ليش هيك عم تعملي ؟ ابي شو عملك ؟ هو كتير منيح و احسن أب بالعالم بس انتي بتكرهينا

حاولت ضمها لصدري و اقنعها انو الي سمعتو والي فهمتو كلو غلط بس شكلها كانت سمعانه حكي كتير ، وشكلو بنتي عقلها اكبر من عمرها لدرجة صعب اقنعها ، اتدمرت علاقتي بــ لانا
صرت خاف اتطلع بعيونها وخاف امسك موبايلي لما تكون بالبيت .. وصرت خاف انها تقعد مع ابوها لحالهن ..

اول فرصه صحتلي لافتح احكي مع باسل بلشت اقرأ رسائلو كان باعتلي صورة هديك الليلة انو نايم لحالو وتاني نهار كاتبلي انو انا ما بعتت الصورة و ما حكيت معو معناها نمت بنفس الغرفة مع جوزي وضحكت عليه
و انو انا عم العب بمشاعرو وما عاد يسدئني إلا لما اثبتلو حبي .. عن طريق اني اكشفلو مين انا .... والتقي فيه

حنين ( هاد الي عم تفكر فيه هلأ ؟ هاد الي بيهمك ؟ .. لا ما نمت جنب جوزي هديك الليلة .. بس بنتي عرفت كل شي بيناتنا .. وانا حاسة حالي عم موت .. عم اخسر بنتي لك هي بتكرهني
بتكرهني بتخجل مني عم تتمنى انو خالتها هي تكون امها مو انا ، لك بنتي الي حملتها ببطني تسع شهور وسهرت عليها وربيتها عم تهددني ! عم تهددني تحكي لابوها )
باسل ( اهدي شوي .. كيف هيك صار ؟ )
حكيتلو كل شي صار معي و صار يعطيني نصائح كيف اتعامل معها .. حكيتلو اني هال

فترة تعبانه كتير وصعب احكي معو لشوف شو رح يصير بحالتي .. و ودعتو انا وعم ابكي ما بعرف على حالي ولا عليه و لا على بنتي
وسكرت الحساب واخدت قرار انو مستحيل ارجع احكي معو شو ما صار .. وانو هاللعبة انتهت ... و نهتني معها ..

محمد لاحظ انو علاقتي ب لانا سيئة كتير وانا كنت غطي وقلو انها مبلشة على بكير بسن المراهقة وعم تعذبني و بسبب حملي اعصابي متوترة وعم اتخانق معها ، مرقو شهرين وانا ما حكيت مع باسل
بس عقلي عندو وخايفه احكيه ولازم اخود قراري واعرف راسي من رجلي .

بالشهر السابع تعبت كتير بحملي ، وصارت معي أعراض غريبه ما صارت بحمل لانا وحمزة .. كان صعب علي بهل فترة سيطر على كل شي و ما عاد قدرت بفكر غير بالآلام الي عم تجيني
بنهاية السابع دخلوني على المستشفى ولادة مبكرة .. كانت الأصعب الي بمر فيها او بسمع عنها حسيت حالي متت ورجعت من الوجع والخوف .. للحظة حسيت حالي رح موت وما رح ارجع لولادي وبيتي
وكان محمد جنبي كل الوقت .. وصيتو بالولاد وقلتلو يسامحني
لهلأ بتذكر كيف كان ماسك ايدي بقوة وعم يمسح على شعري .. وقبل ما يفوتوني على العمليات شفت دمعة نزلت من عينو
____________________

محمد : رح سميها قمر .. لانها حلوة كتير
حنين : متل ما بدك .. وين الولاد ؟ اتصل على هيا قلها تجي وتجيبهن
محمد : خدي موبايلي احكي معها انتي انا مشغول مع اميرتي الجديدة

اخدت الهاتف و اتصلت على هيا

حنين : اختي جيبيلي الولاد خليهن يشوفو اختهن
هيا: اه ؟ .. ليكي انا رح اجي واتروك ولادك مع ولادي هون .. بلا ما يجو على المستشفى ويلقطو شي مرض لا سمح الله
حنين : لا ناطف قلبي عليهن ... بتعرفي الوحده كل ما تجيب ولد بيغلو عليها ولادها لان بترجع تحس بالعذاب الي عاشتو لشافتهن قدام عيونها .. يلا تعو عم استنا
هيا : طيب لاحقه تشوفيهن هلأ رح يغلبوني ليجهزو حالهن .. ايمت حكولك رح يخرجو البنت من الحاضنة ؟
حنين : الحمدلله اليوم طلعوها و صحتها منيحه ، الله لطف فيني وبهل بنت .. وازا ما بتجيبيلي الاولاد رح ابعت محمد يبجيبهن يلا تعي عالسريع
هيا: لا لا اوعي تبعتي محمد ... حنين ما فيني جيب الولاد

كان صوتها متوتر كتير وانفاسها مخربطة .. و محمد قدامي عم يلاعب البنت مو منتبه علي

حنين : شو في ؟ .. شو صاير ؟

لاحساس الي عم عيشو هالفترة )
باسل ( الحمدلله على سلامتك وسلامة البيبي .. ممكن تبعتيلي صورتها ؟)
بعد تردد طويل بعتلو الصورة .. سكت كتير وبعدين رد
باسل ( كتير حلوة .. شبهك ولا شبه أبوها ؟ )
حنين ( شبه أبوها أكتر )
باسل ( وانا صغير كنت اسمع انو ازا الوحده كانت بتحب جوزها اكتر بيجي الولد شبهو
وازا هو بيحبها اكتر بيجي شبها .. ما بعرف شو العلاقة بس بتعرفي حكمة أهل زمان ههه )
حنين ( شو قصدك ؟ )
باسل ( لا ولا شي .. هلأ نحنا التنين لما نحكي كنا نحاول نتخيل انو ما في بحياتي مرتي وما في بحياتك زوجك
انا كنت ما اتجرأ اسألك ، وانتي تحاول تتناسي وجود مرتي بحياتي وما تسأليني .. بس اسمحيلي اسألك سؤال واحد
بيخص جوزك ؟ )
حنين ( شو السؤال ؟ )
باسل ( شو الشي الي لقيتيه فيني وما لقيتيه بجوزك ؟ )
حنين : !!!!!!!!!!!!!!!!!!!!!!!!!!!!!!!!!!!!!!!!!

كان أصعب سؤال بيمر علي من بعد سؤال بنتي لانا لما سألتني ( إنتي ليش عم تعملي فينا هيك ؟ )
يمكن موت وعيش مية عمر وما لاقي اجابة .. اتهربت بطريقة مكشوفة
ورجعنا كملنا حدييثنا للصبح

تاني نهار حكيت مع هيا وعلقت معها وقلتلها انو هي عم تكبر براس بنتي و لازم ترجعلي ياها
جرحتها كتير وعيطت عليها كتير لان كنت غيرانه منها ، كيف بنتي الي من بطني بتحبها اكتر مني ..
وراح محمد و جاب حمزة ولانا هي وعم تبكي وفاتت على غرفتها مباشرة
فتت لحقتها انا ومعصبه وسكرت الباب لاني خفت تحكي بالموضوع ذاتو

لانا : قلتلكن ما بدي ارجع لهون ما ببدي ارجع لهون شو ما بتفهمو انتو ؟
حنين : ما تعلي صوتك لانا احسن ما قص لسانك ، شو صايرلك انتي ؟ بشو عم تفكري وشو الي بدك يا ؟
لانا : ما بدي شي بس بدي ضل عند خالتي وما بدي ارجع لهون

قامت على خزانتها وصارت تطلع تيابها وتحطهن عالتخت

لانا : رح اخود كل غراضي و روح عيش عندها احسن شي
حاولت اضبط اعصابي و قربت لعندها : ماما حبيبتي طيب ما اشتئتيلي ؟ مو حابه تشوفي اختك لصغيرة ؟
لو تشوفيه اديشها حلوة وبتشبهك كتير كمان .. وصغيرررررة صغيرة
لانا : امبلى اشتقتلك بس انا ما بدي عيش هون
حنين : لكن وين بدك تعيشي ؟ مو الواحد بيعيش مع امو وابوه واخواتو ؟ وبيحبهن وبيحبوه وبيكبرو سوا وبيعملو عيلة
بعدين بكرا بتصيري صبيه و بيجي شب حلو بيخطفك مني وبتتجوزي وبتعملي انتي كمان عيلة و
قاطعتني بعصبية : انا ما بدي اتجوز ما بدي اتجوز ابداً
حنين : طيب ما تتجوزي يا ستي .. تعي ورجيكي اختك وخليكي تحمليها
لانا : بدي ارجع لعند خالتي هلأ هلأ
حنين : ليكي لانا دائ خلئي من ولدنتك ما عاد عرفتك كبيرة ولا صغيرة ، حاسستك عم تلعبي فيني لعب
طلعه من البيت ما في .. ولعند خالتك ما عاد في روحه .. انتهى النقاش

قمت لاطلع من الغرفة و اول ما وصلت على الباب

لانا ( ازا ما بتخليني روح رح خبر بابا بكل شي ، و رح احكي لخالتي وجوزها كمان )

____________________________

( البنت بتغار يا محمد ، متعوده تكون وحيده ومغنجه لهيك بتغار من اختها كتير خلص خليها على راحتها
ليكها عم تجي لعندنا خميس جمعة وسبت وبتضل زعلانه ما تضغط عليها هي هلأ بفترة حساسة وبسن صعب )

محمد : انتي من عقلك ؟ كيف فيكي تنامي وبنتك مو بحضنك ؟ قبلت بالوضع على أنو حالة مؤقته
بس البنت صارت تجيب تيابها من بيت خالتها وتجي تقعد عندنا يومين
بعدين ازا انتي متفهمة كل هالقد ليش ما عم تعرفي تتفاهمي معا ؟

حنين : هي كتير عنيده انت بتعرف بنتك ، خلص لا تضغط عليها مشان الله

محمد : انا رح طول بالي عليها بس لما تجي هالاسبوع رح اقعد واوصل معها لحل لان هالوضع مو صحيح ابداً

رح تقولي شو قلة هالذوق وهلأ جايه بارك ههههه
بس بالصدفة امبارح جبنا سيرتك وقالتلي لجين انو انتي نفسك الي ساعدتيها بالأكل وحكتلي هداك النهار شو صار فيكون
و وقتها كنت انا كتير مزعوجة وناشفه بعتقد اخدتي عني فكرة غلط .. ف قلت بجي بباركلك

لجين : ملاحظة انك حكيتيلها قصة حياتك ونحنا على الباب ؟

حنين : تفضلو

بعدت عن الباب وفاتت لجين بسرعه ومريم بهدوء واتزان .. كنت عم اتفحصها من فوق لتحت
اجمل مني ..
كنت خايفه كتير وملبكة .. والعرق عم يشرشر مني

شربتهن شاي وبعدين حطينا الأكل وكانت مريم عم تحكي بكتير مواضيع وبحيوية ونشاط و وشها مورد عكس اول مره شفتها تماماً
وانا اللقمة كانت تنزل على معدتي بالغصب

طلع صوتي بكي بنتي قمر

حنين : عن اذنكن بنيمها وبرجع انتو كملو أكل

مريم : ما بصير تجيبيها لنشوفها ؟

وقفت شوي متردده

لجين : يووووه شو خايفه ناكلها ؟ دخيل الي خلقها طالعه لاخي الخالق الناطق

ابتسمت وهزيت براسي ( ماشي رح جيبها )

فتت عى غرفتي دمعتي تنزل وامسحها ، كل ما اتذكر انو الي قاعده برا بتكون مرتو لباسل
الي كنت انا اسهر معو بالوقت الي لازم يقعد معها
الي انا كنت اتغزل فيه ويتغزل فيني بالوقت الي المفروض هالحكي الها
الي كنت احكي معو حكي بشع كتير و بلا اخلاق تحت مسمى الحب و العاطفة وهالشي بس لنرضي رغباتنا الحيوانية او الشيطانية
لان حتى الحيوانات بتقرف تعمل الي عم نعملو نحنا البني ادمين

حتى الحيوانات بتقرف تعيش هيك علاقة

لجين : حنيييييين وينك ؟

حنين : جايه جايه .. جايه ..

مسحت دموعي و اخدت قمر بحضني وطلعت .. حطيتها بحضن لجين

ولجين اعطتها لمريم

مريم : تبارك الخالق ما شاء الله

قمنا عن الاكل وشلت الصحون كلهن و حطيت عصير ..

كانت مريم منسجمة كتير مع بنتي كأنهن بعالم تاني .. اخدت شنتتها وطلعت منها ليرة دهب وحطتها بتياب بنتي

حنين : ما في داعي والله هيك خجلتيني كتير

مريم : والله غرفت قلبي غرف هالبنت

فجأة نزلت دمعتها ، تلبكت كتير وتوترت

حنين : هاتيها عنك

مريم : لا لا خليها

حطت لجين ايدها على كتف مريم : طولي بالك ميمو .. الله كريم

ابتسمت مريم وزادو دموعها .. كنت عم اتطلع عليها كأني عم شوف منظر طبيعي غريب بينشاف مره وحده بالعمر
كيف ابتسامتها مبينة صادقة ودموعها مبينين من قلب بنفس الوقت ما فهمت
رجف قلبي وكنت انا كمان بدي ابكي حسيت بحمل كتير على قلبي

مريم : احكيلكن سر ؟ بس امانة ما تحكو لحدا

لجين : خير شو في ؟

حطت مريم ايدها على بطنها ونطقت الحروف ببطئ ( انا حــ ـ ـ امـ ـ ـ ل )

لجين : شووووووووووووووووووو؟؟؟؟؟

مسحت مريم دموعها : ايه .. تخيلي عملنا زراعة بكندا و ببريطانيا و شفنا اطباء بكل مكان وراسلنا دكتور مختص وبعتنا وراقنا

و اخر شي هون الله كتبلي تنجح العمليه .. تخيلي !! .. بس .. بس الحمل مو ثابت
انا ما خبرت ولا بني ادم لان ما بدي فرح حدا على الفاضي
حتى باسل ما حكيتلو بس تأثرت كتير لما حملت قمر ما بعرف ليش
حسيت انو بحاجة خبر حدا ليشاركني فرحتي .. كنا ناطرين النتائج وهو يأسان بس بيروح معي مسايرة
وانا بعدين بضل راجع واتواصل مع الأطباء
وهالمرة ما صدقت لما رحت فحصت و طلع في حمل
بس كتير خايفه انو ما يتم الحمل .. الدكتور قلي انو لازم نراقب فترة الثلاث شهور الأولى
وليكني ناطرة ..

قامت لجين عبطتها وصارو يبكو ويباركو لبعض ..
وانا كنت عم اتفرج عليها وكمان ابكي بس مو من فرحتي الها بالخبر

كان كل شي عملتو وصار معي عم يمر قدام عيوني بسرعه متل الشريط
حياتي قبل باسل
واللحظة الي شفتو فيها
وكيف حطيتو ببالي واقنعت حالي انو خلص هاد حب حياتي وجوزي غلطة
كم ليلة سهرت معو
وكيف كنا نحكي
وكم مره عشت لحظات بشعه وارجع اتواصل معو
لما فكرت محمد كشفني
ولما واجهتني بنتي
ولما هددتني انها تحكي كل شي
ولما اتفقنا انو نلتقي سوا ..

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................

5-
@rwayate
وصلت لعند بيت لجين و رجليها عم يرجفو ... كانت عرفانه انو ما رح يصيرلها خير لانها خبت تلت تيام ... وهي عم تفكررر سمعت ضجة وصوت كتيررررر و صراااخ
قربت اكتر لتفهم شو الي عم يصير

ام سمير : لقوووهاااااااا ؟؟؟ لقوووهااااااا ... ياررب الك الحمد والشكر يارب بنتي التقت ... بنتي ظلومة بنتي ما عملت شي غلط

جمال : امي لسه ما منعرف عايشه ولا ميته لان الشرطة بس خبرتنا انو اجاهم بلاغ وين مطرح الي مختطف لجين و طلبو منا نروح على القسم

محمد : و كمان ما منعرف شو صار فيها يمكن جابتلنا العاار ووقتها لو كانت عايشه نحنا رح ندبحها

مهيب : الله يوطي راسها بنت وحده وفضحتنا ونحنا ست رجاال والله لاشرب من دمها

ام سمير : الي بيمس شعرها منها بغضب عليييييه

وطلعو الشباب وأبو سمير كلهن بالسيارات مستعجلين و ام سمير تعيط وراهن وتقلهن الي بيلمس شعره من بنتي بغضب عليه ليوم الدين

انا حسيت جسمي قشعر ... انتفض جسمي فجأة و حطيت ايدي على قلبي و صارو دموعي ينزلو
أخيرا رفيقتي راجعه
ركضت لعند ام سمير و كانت منهارة وخايفه
إحساس ما بينوصف ... مزيج بين الفرح و الخوف و الأسى !
اغرب إحساس بحسو بحياتي ..

ام سمير : لقوها يا خالتي لقوها .. كانت مخطوفة مو هربانه متل ما اتهمناها !!
لجين رح ترجع

ليان : الف الحمدلله , انا قلتلك لجين مستحيل تكون هربانه انتو ما سدئتوني

ام سمير : بس مين وليش ...ليش ليخطف بنتي شو عملنالو ... بنتي بعمرها ما أذت حدا ليش ليئذيها ليش

لبان :وكلي الله هلا بيجيبوها و منتطمن عليها !!

مرو ساعات كانو طوال كتير ... ام سمير رنتلهن كتير بس ما ردو علينا ..
هيك لسمعنا صوت سيارات برا !! ركضنا بسرررررعه

و نزلو من السيارات ... و نزلو معهن لجين
كانت بحالة بتبكي الحجررررر
متل العصفور المبلول ريشو .. المكسور جناحو ..
وشها اصفرررر
وماسكينها اخوتها بقوة ..

ركضت أمها عليها وصارت تضمهاااااا وتبوسها و تشدها
قام أبو سمير بعدها عنها ... قلها مو قبل ما نفهم منها الي صار

ام سمير : شو بدكن تفهمو ؟

أبو سمير : خليها تفوت تغسل وتاكل وتنام ... و بكرا رح نحكي بكل شي و نقرر

بس فااتت ركضت مسكت ايدها وصرت بوسها ... وهي صارت تبكي وما حكت شي

قررت ما اتركها بهيك وضع اتصلت ع امي وقلتلها انو لجين رجعت وانو رح ضل عندها لتاني نهار لاتطمن عليها

فتت انا وياها وامها ع غرفتها وشلنا عنها الغطا الي كانو لافينها فيه ... و اخدناها لنحممها
كان جسمها كلو احمر ومتحسس كتييييييييييييييير كتير
غسلت ونشفت و مشطت شعرها واكلت و نامت ....

وام سمير كانت متوترة كتير وخااااااااااااايفه ... وبصعوبة الله اعطانا القوة لنتحمل لطلوع الضو ...

اول ما طلع الضو بعد صلاة الفجر .... مهيب دفش الباب علينا وقال لامو صحوها وتعالي انتي وياها
بمعنى انو انا ضل بالغرفه وما روح معن ...
صحينا لجين ... وعيت شوي وصارت تحكي
وطلعت مع أمها وانا وقفت ورا الباب لاسمع

أبو سمير : مين هاد الي خطفك ؟

ما ردت لجين ..

محمد : ليييييييييش ليخطفك انتي من بين كل بنات العالم ؟ كيف بدنا نسدء انو انتي ما دخلك وانك مو عامله شي ليخطفك !!

لجين : انا كنت خايفه احكيلكن عنو بس اكيد ليان خبرتكن اديه انا كنت خاف منو وشو كان يصير معو

ام سمير : ليان ؟ تخبرنا بشو ؟ ليان ما بتعرف شي كنت روح لعندها كل يوم وقالت ما بتعرف شي

انصدمت لجين !!!

أبو سمير : ما بدك تحكي شو صار معك ؟؟؟

لجين نزلت راسها ونزلو دموعها : والله ما لمس شعره مني ...ازا هاد الي خايفين منو اطمنو
ما لمس شعره مني

مهيب : لكن شو الي صار . ما طلب منا مصااري

لجين : انا بس اخدني رماني بغرفه وطلع وسكر الباب وقلي راجعلك ...وانا كنت خايفه كتير وعرفانه شو ممكن يعمل ... بس رب العالمين ساعدني ... و قدرت احمي حالي بدون ما يلمس ظفري

أبو سمير : كيييف ؟؟؟؟
يتبع..

-8-
@rwayate
اتصلت عليه فورا وانا رح يطير عقلي ونار الغيرة عم تاكلني اكل

ليان : الو وائل
وائل : اهلين ليان
ليان: انت ليش مو حاكي للجين سبب زواجكن ؟ ليشم و مخبرها انو بس لتطلعها من مصيبتها بدك تتجوزها وانو انا موافقه واصلا انا الي طلبت منك
وائل: بالله ؟؟؟؟ بدك اعمل منيح مع البنت وعيرها فيه ؟؟؟
ليان : لا طبعا مو هيك بس مو انها تجي شفقانه علي و عم تقلي لا تزعلي وبعرف كنتي بتحبيه لوائل
وائل : طيب وين الغلط بحكيها ؟ هي ما قالت شي غلط انتي فعلا ( كنتي ) تحبيني
ليان : لا مو صحيح انا لهلا بعشئك بس عملت هيك كرمالها لان العالم فضحوها و شككو باخلاقها وانا كان الي ايد بهل موضوع ... لو حكيت ع بكير كان قدرو يلملموا لقصه
وائل: لا يا ليان الي بحب ما بقدر يعطي حبيبو لشخص تاني كأنو مجرد غرض قررتي تتبرعي فيه ..
وتاني شغله انتي حتى ما اعطيتيني فرصه قلك انو انا الي وصلت لمكانو لهداك الوسخ وانا الي خبرت الشرطه لاني كنت لحالي وخفت ما اقدر طلعها وغير هيك خفت ازا انا تصرفت يثبت تفكير أهلها انو كانت هربانه معي
لهيك خليت الشرطه تتصرف فورا و بدل ما اجي بشرك جيت لقيتك ما بدك تسمعي مني ولا كلمه
واخرها بتقليلي روح تجوز لجين .. وهلا بتقليلي ليش ما خبرت لجين ، عفوا بس انا ولجين لعبة بايدك شي ؟
ومشاعر لجين مباحة الك لاتزوجها وتضل عايشه معي بنقص وغصة اني بس تجوزتها من باب الشفقه و لانك انتي طلبتي ؟
ليان : مو هيك ... امانه لا تقسى علي انا كتير حسيت بالذنب وما كان في غير هالحل انا بحبك اكتر من روحي وما بتحمل شوفك مع غيري يا ريتك حااسس بوجعي شي ما بينوصف
وائل : ايه الله يريح بالك ، انا هلا رح اتزوج ولازم كون مخلص لزوجتي وحبها و احترمها وما عاد اقدر احكي معك ابدا
لان لجين رح تزعل ازا عرفت
ليان : رح تزززعلل ؟؟؟؟؟؟؟؟ لك مو هي بتعرف اديه كنا نحب بعض لا تجنني حاجتك بكفييييي
وائل: ايه وهي سالتني عن هالموضوع وانا قلتلها انو انا من زمان معجب فيها وبعدين من زمان انا وياكي علاقتنا ما بتتجاوز الصداقة لان صارت بيناتنا كتير مشاكل واختلفنا
ليان : لك وائل انت شو عم تعمل ليش هالئد قلبت قاسي .... حاسه روحي عم تطلع من جسمي حكيك متل السم انت مستحيل تكون حبيتني بيوم مستحيل
وائل: الي ما حب بيوم بيعرف حالو منيح .... ولان لجين ما بتستاهل انا كتير بعرفها منيح لهيك مشيت على قرارك بس هلا ما رح اسمحلك تضلك تتحكمي بحياتي ... اتركينا نعيش
انا كل عمري بشوف هالبنت اختي بس هلا صرت أتطلع عليها بطريقه مختلفه ولازم اتقبلها وحبها لنعيش مع بعض ونستر على بعض ... و هلا عن ازنك ... سلام ...
سكرت ليان الخط و جمدت بارضها وصارت تحاكي حالها :
لك انا شو عملت بحالي ... انا شو الي عملتو
كيف تركت الي بحبو هييييك .... انا شو الي صار معي
كيف بدي اتحمل شوفهن مع بعض
كيف بدي عيش
كيف بدي اتقبل انو وائل جوز لجين
انا شو بدي اعمل بحالي شووووووو شو يارببببببببببي

وهيك ضلت ضلت كل الليل تبكي ....
تاني نهار الظهر اتصلت لجين على ليان
لجين : كيفك يا دبه
ليان : تمام
لجين : ليكي في مفاجئة
ليان : قولي ؟
لجين: وائل طلب مني نخلي العرس بكير لان مو متحمل يبعد عني ... العرس صار الأسبوع الجاي وانتي اول المعزومين
ليان غصت بدمعتها ..
ليان : مبروك حبيبتي ... اكيد انا اول الحاضرين الله يتمملكن على خير يا ررب
لجين : تسلميلي يلا بدي اعزم باقي رفقاتنا باي

انصدمت ليان كيف هيك لجين ما عم تراعي مشاعرها ... كيف ما احترمت انو بيوم كان هاد الشب حبيبها
كانت بعيونها تشوف اديه منحب بعض
اديه عشنا أيام حلوة مع بعض
معقول انا تخليت عن كلشي كرمالها وهي مو حاسبه حساب لمشاعري ..
مستحيل روح على العرس
مستحيل شوف حلمي قدام عيوني متل ما هو بس عم تعيشو وحده غيري .. .

وهيك اخدت قرار انها ما تحضر العرس ... وقرب الموعد ... هون تدخلت ام ليان وأجبرتها تحضر ...
رفضت ليان كتير بس أمها ما سمحتلها واصرت عليها ....

لبست ليان تيابها كانها رايحه على عزا .... وطول الطريق عم تبكي وامها مو فهمانه شبها وليان تقلها انها تعبانه كتير
فاتو ... قعدو على طاولة قريبه من قعدت العروس ...

وطلت لجين متل البدر بليلة مظلمة
طلعت متل اميرات الأحلام .... الكل صار يصلي عالنبي على هالجمال و ليان غارت اكتر واكتر
و قررت تنزع هالفرحة الي على وش لجين
قررت تترك طيبتها و تضحيتها على جنب ... و تواجه لجين انو هي الي اعطتها حبيبها
تواجها انو هي الي سترت عليها وخلصتها من الجحيم عند أهلها
كل الشر الي بقلب ليان تجمع وبدها تطلعو على شكل كلمات تحرق فيهن قلب لجين متل ما هي ووائل حرقو قلبها ...
قربت منها و دموعها عم ينزلو ... قربت من ادنها وقالتلها .. .
يتبع..

مرق اسبوعين وما في اي خبر عن سامر ... سألت سلمى وترجيتها تحكيلي ازا بتعرف وينو بس هي كمان ما شافتو وعم تدور عليه
ما حدا شافو بالجامعه بعد الحادثه
باسل وفياض ما لقوه وتأكدت انو باسل شريك ابوه بكل شي بيعملو .. كانو ايد وحده وعم يبين وشهن الحقيقي يوم بعد يوم ..
@rwayate
انا وقاعده مع خالتي على الأكل ...طلع خبر حريق بمصنع كبير لفياض

سيلار : معقووول ؟؟؟؟؟؟

قمت عن الأكل ورفعت صوت التلفزيون وكانو يحكو عن اضرار مادية وبشرية كبيرة .. وخالتي كانت عم تتابع اكلها

سيلار : صحيح الي انحرق مصنع فياض ، بس الضحايا ناس ابرياء

خالتي : برأيي لو انهن ابرياء كان دورو على رزقتهن بمكان شريف .. هيك الحياة

سيلار : لا خالتي حكيك مو منطق .. شو دخلهن هن ... بس قولك هاد الحريق عادي ولا حدا من الي بيكرهو فياض وراه؟

خالتي : برأيي ما في شي بصير بدون سبب .. بس ما منعرف .. المهم .. بدنا نحكي الحقيني لبرا نشرب قهوة

سيلار : طيب .. جايه

طفيت التلفزيون ولحقت خالتي ، قعدنا بالحديقه وانا افكاري كلها عند سامر

سيلار : بتعرفي انو لهلا ما قلتيلي كيف فوتتي سامر بلعبتك هي ؟
@rwayate
خالتي : ما بدي احكي بالموضوع كل ما نحكي منتخانق وبتروحي تبكي

سيلار : لا ما رح نتخانق خلينا نحكي .. ليش سامر ؟ شو كان بدك منو ؟

خالتي : ما كان بدي منو شي .. حتى ما كنت بحاجتو لان في كتير غيرو يساعدوني ... بس انا عملت هيك مشانك

سيلار : هههه كتر خيرك ... كيف يعني مشاني ؟

خالتي : انا رحت وحكيت مع سامر بعد اخر مره شفتك معو بالسيارة ... اجت سناء وقالتلي انو شافتك طالعه لبرا وانا لحقتك وشفتكن مع بعض .. وبعدا حكيت معو
وهددتو يبعد عنك .. بس سامر شب عنيد كتير كتير كتير ما قدرت اتفاهم معو .. كان مصر انو هاد قرارك انتي و انو بدو فرصه لتتعرفو ع بعض اكتر

سيلار : اي؟

خالتي : شو اي؟ هو كتير أصر .. وانا لاعطيه الفرصه و اتأكد انو بيستاهلك ... حبيت اتاكد انو بيستاهلك و ممكن يعمل اي شي كرمالك

سيلار : انا ما عم افهم كيف شخص ذكي متل سامر بعمل هيك شي

خالتي : الأشخاص الي متل سامر هن اكتر ناس بوقعو بالمصايب بسهولة .. لان دايماً بفكرو بالتانين قبل ما يفكرو بحالهن ..عاطفين و مشاعرهن بتتحكم فين... وبعد ما شرحتلو مين هو فياض وشو هو باسل ..صار عندو دافع اكبر يساعدني
منو لياخد فرصة يتقرب منك .. ومنو ليساعدني اظهر الحقيقه
@rwayate
سيلار : بس ما كان ضروري تحرقي قلبي بهل طريقه .. انا ما قدرت ورجيكي قديش توجعت وانكسرت .. كتير أذيتيني يا خالتي

خالتي : انا لازم اوثق بالرجال الي رح تختاريه ويختارك .. لازم اطمن انو رح تحبو بعض كتير وتكونو مع بعض بكل الظروف ، سامر شب شهم كتير .. كنت متأكده انو رح يساعدني بس ما تخيلت انو معجب فيكي لدرجة يخاطر هيك
كان لازم نبعدك عنو مشان ما ننفضح قدام باسل وفياض ....دبرت طريقة ليتعرف هو وباسل على بعض ويصيرو اصدقاء وبهيك بكون قريب من باسل من جهة وانتي من الجهة التانيه ومنعرف كل شي عنهن
وعلى فكرة ... سامر كمان قدر يوصل لملفات من كومبيوتر باسل .. بس هلأ كل شي اختفى معو

سيلار : اااخ يا راسي .. ما عم سدء .. وين بدو يكون !!!!!!!!

خالتي : هلأ في موضوع مهم بدنا نحكي فيه

سيلار : شو هو ؟

خالتي : من بعد الحريق نحنا بعاد عن عيلة فياض .. خايفه يبلش يشك فينا ويدور بماضينا .. رح يربط الأحداث

سيلار : معك حق .. قلتلك ما لازم نعمل هيك
@rwayate
خالتي : هلأ اسمعي شو

سيلار : شو ؟

خالتي : بعد خمس ايام فياض عامل حفل خيري .. ونحنا طبعاً وصلتنا دعوة ولازم نروح

سيلار : قلتلك انا برا لعبتك .. بدي لاقي سامر مو فاضيه

قمت من مكاني بدي فوت لجوا .. مسكتني خالتي من ايدي بقوة ورجعت قعدتني مكاني

خالتي : وكلت ناس يدورو على سامر ورح نلاقيه قبل فياض ، سامر ذكي رح يطلع بالوقت الصح ..هلأ مشان ما يقتلولك سامر لازم نتصرف ونحاول نشتت انتباهن منو منحمي حالنا ومنو منحمي سامر

سيلار : بس

خالتي : بدون بس ... بعد خمس أيام ... و بدون اي اعتراض

__________________
__________________
@rwayate
((( منضيف لصندوق التبرعات 10000$ من مدام وردة .. حرم المرحوم السيد عياش .. شكراً لها على تبرعها السخي )))

صفقو الكل وخالتي كانت مبتسمة بفخر ...
تنهدت بملل وهمست لخالتي : وبعدين ؟

خالتي : ع فكرة باسل اكلك بعيونو .. روحي احكي معو

سيلار : ما بدي حاج بقى

خالتي : طيب ليكو هو اجى

سيلار : شو !!!!!

التفتت وراي وشفتو جاي باتجاهي .. ابتسمتلو ابتسامة صفرا

باسل: مسا الخير
@rwayate
سيلار : مسا النور اهلين

باسل : ممكن احكي معك كلمتين على جنب ؟

سيلار : ليش في شي؟

خالتي : روحو حبيباتي انتو شباب وما بتحبو هي الاجواء..أصلا سيلار كتير داق خلقها خدها تتمشى شوي

باسل : بكل سرور..تفضلي آنسة

تطلعت بخالتي ورفعت حواجبي .. شدتني من خدي وغمزتني : انتبهي ع حالك حبيبتي

الجزء الثاني
@rwayate
ما عرفت شو بدي رد صرت اضحك ومسحت المسج

ما قدرت احكي معو لأنه كان يوم جمعة واخي بالبيت معطل

نطرت لصارت الساعة 1 بالليل وتأكدت انه اخي نايم وعلمتلو مشان يدقلي

كان بكل مرة يدقلي نسهر سوا لبعد الفجر .. تعودت اسمع صوتو كل يوم وشاركو بأدق تفاصيل يومي

بعد 4 شهور من كلامنا عالموبايل ..

صلاح : ياسمين
ياسمين : اي
صلاح : شو عم تعملي ؟
ياسمين : ولا شي بس عم فتش بأغراضي عن مناكير لون احمر هههههه
صلاح : ....... ممكن تتركي من ايدك وتحكي معي؟
ياسمين : شبك ؟؟
صلاح : بدي اسألك سؤال
ياسمين : لحظه
صلاح : يلا
ياسمين : اي معك
صلاح : جاهزة لتسمعي سؤالي؟ @rwayate
ياسمين : اي طبعا تفضل
صلاح : شو رأيك فيني؟
ياسمين : ما شفتك .. ما بعرف
صلاح : قصدي رأيك بشخصيتي كلامي تفكيري
ياسمين : ليش هالسؤال هلأ؟
صلاح : بدي اعرف رأيك بس
ياسمين : ممممم ما بعرف
صلاح : وثقتي فيني؟
ياسمين : كمااان ما بعرف
صلاح : طيب بدي شوفك
ياسمين : كيف ؟؟
@rwayate
تلبكت كتير بس قلي بدي شوفك .. لو حكيت لأ رح اظلم قلبي يلي تعلق فيه وازا قلت اي بخاف من العواقب قررت جاوب بالصمت واسكت وغير الموضوع

صلاح : جاوبي .. متى بقدر شوفك؟
ياسمين : ليك صلاح .. انا اهلي ناس محافظين و.....
صلاح : (قاطعني وانا عم احكي) فهمتيني غلط .. بدي شوفك لو من شباك بيتكن بس
ياسمين : ممكن تتركني براحتي بس حس اني مهيئة لهيك خطوة بخبرك اي؟
صلاح : (بصوت مخنوق) براحتك
=======================================
امي : ياسمين .. صارلك كم يوم مو على بعضك .. شبك؟
ياسمين : ولا شي امي .. ما في شي
امي : بدي قلك شي .. لا تخافي مني انا رفيقتك مو بس امك يعني ما رح زعلك ابدا .. اي شي بتحبي تحكيلي ياه انا ما رح اوقف ضدك .. بالعكس انا رح كون معك على اي شي بيسعدك انا معك @rwayate
ياسمين : لو عندي شي ما رح خبي عليكي امي

كلام امي طمني بس خفت خبرها بشي .. بوقتا ما بعرف ليش

كنت مدللة بالبيت بالرغم من تشدد اهلي وخوفن الزيادة علي بس كنت مدللة كل بنات العيلة تغار مني .. ابي وامي منفصلين من زمان وانا متعلقة بإمي كتير

اخي كان يخاف علي كتير لأنه يحس اني مسؤوليتو .. بس الخوف يلي كان يخافو علي اثر على نفسيتي بشكل عكسي لأنه كنت حس انو هاد مو خوف .. سجن مؤبد ممنوع حتى النفس فيه .. حسيت صلاح غيرلي حياتي حسسني بوجودي وبمشاعر حلوة كتير خلتني حب الحيطان يلي عايشة بيناتهن ليل نهار .. حتى كنت ازا اهلي بدهن يطلعو انبسط مشان احكي معو واسمع صوتو .. مشاعر ما كانت مفهومة بالنسبة الي بس كتير حلوة وغيرتلي حياتي كلها للأحلى
@rwayate
كانت اختي اقرب شي الي حسيت لو احكيلها رح تفهمني شو يلي انا عايشتو .. اختي حنين كان عمرا بهداك الوقت شي 25 ومتزوجة .. نطرتها لأجت عنا كانت تنام عندي بالغرفة
وبس نام الكل وبقيت انا وياها سهرانات بالغرفة متل كل مرة عم نحكي

ياسمين : حنين .. بدي خبرك شي
حنين : خير شو في ؟
ياسمين : يمكن يمكن يمكن .. يمكن هااا انا عشقانة

صارت حنين تتلفت وتتفرج بحيطان الغرفة وفتحت عيونا عالآخر وصفنت

حنين : كيف ما فهمت ؟ بين هالأربع حيطان حبيتي كيف مين ليش ؟؟
ياسمين : هههههه طولي بالك .. عم قلك يمكن عشقانه مو اكيد
حنين : احكيلي احكيلي كيف؟ مين ؟ يلا احكي
ياسمين : اول شي اهدي
حنين : لك هااااادية بس احكيييييي @rwayate
ياسمين : من فترة كم شهر يعني تعرفت على شب عالموبايل ومن وقتا لهلأ كل يوم بعد ما ينام عمر بنحكي ساعات .. صرت حس انه ما فيني يجي يوم ما حاكيه وأسمع صوتو وشاركو احداث يومي كلااااااا
حنين : كل يوم ؟؟ وبس كنت اجي ونام جنبك وما اسمعك بتحكي كيف؟
ياسمين : كنا نحكي همس .. كتمتي على نفسي ههههههههه لا ويصير يتضامن معي ويحكي همس متلي اقلو ليش عم تحكي همس يقلي اختي جنبي بخاف تسمع ههههههه
حنين : وليييي شو قوية
ياسمين : شو رأيك؟
حنين : ياسمين انتي بعدك صغيرة يعني والله خايفه تنجرحي وتتعبي وانتي بعدك بعمر الطفولة
ياسمين : .......
حنين : ما عجبك كلامي ؟؟
ياسمين : لا عادي توقعت هيك حكي
@rwayate
اختي كانت تنصحني بوقتا بس انا ما كنت بدي نصيحة عكس مشاعري انا كنت بدي تقلي ابقي معو وانا بساعدك بدي حكي يناسب تفكيري وقلبي

حنين : خلص هلأ خلينا نام نعست كتير وبكرا بنكمل حكي مو تهربي؟
ياسمين : ماشي تصبحي على خير ممكن احكي معو ولا بزعجك؟
حنين : مع مين؟
ياسمين : بالله ؟؟؟ ههههههه
حنين : اي اي احكي رح نام انا
=======================================
ياسمين : مرحبا
صلاح : هلا .. شو ما اجت اختك ؟
ياسمين : مبلا ليكا جنبي بس نايمه
صلاح : لك وطي صوتك بلا ما تسمعك
ياسمين : هههههه لا عادي خبرتا بعلاقتنا
صلاح : ايواااا ما بتخافي تخبر امك؟
ياسمين : لا لا ما بتوقع مستحيل
صلاح : يعني ما في مجال اعرف جوابك على السؤال؟ @rwayate
ياسمين : سؤال شو؟
صلاح : شو رأيك فيني؟؟
ياسمين : جاوبتك .. ما بعرف بس شوفك بقرر
صلاح : ومتى رح شوفك ؟؟