@rwayate
رجع قعد و قعدت امي شوي معنا
فؤاد:كنت عم قلو هلأ لزوجك بنتك ما بتشبهك قلي بتشبه اما ،فعلا بتشبهك كتير كانو نسخة مصغرة عنك
ام فايز:ايه بس الصبي بيشبه زوجي
فؤاد:معناها ما حلوو هههههه
ابو فايز:ههههه يكتر خيرك استاذ فؤاد
فؤاد:انا انسان صريح ،حضرتك موظفة ؟
ام فايز:ايي ، قصدي لا يعني بشتغل بس ما موظفة يعني ،انا ببيع خبز...
ابو فايز:حواليك وظيفة للمرة يعني ؟
فؤاد:اي فيه شو عمرك ؟
ام فايز : 35سنة
فؤاد:امممم ممتاز،تفضلي هادا الكرت فيه عنوان شركتي و بكرا الصبح مري علي و منتفق على الشغل
ابو فايز:اديش الراتب؟
فؤاد:ما منختلف انشالله بس رح يعجبا كتير
ابو فايز:لا قلي من هلأ بلكي ما مستاهل و محرز
فؤاد:اديش بتطلع من ورا بيع الخبز؟
ام فايز: بحدود ال..
ابوفايز:ال25الف
فؤاد:اي انا بعطيها الضعف
ام فايز:50الف !!!
فؤاد:اييه و حسب شغلك اذا كان منيح و مرتب بيطلعلك زودة عليه كل فترة
ابو فايز :طيب ماشي قومي يا بنت اعمليلنا قهوة
قمت انا و امي على المطبخ
ام فايز:هههههه قال 25الف بطلع من ورا الخبز لك يا دوب 10الاف
ساندي:مخو تجاري بسرعة حسبها بس نسي انو نحن بعد كام شهر رح نرجع نطلع من هون
ام فايز:ايه ربك اعلم بشو فكر ، بس يسمع بالمصاري بيدوب قلبو ما بأيدو ،اطلعي ضيفي القهوة لنشوف
طلعت ضيفت القهوة و رجعت طلعت ،بعد شوي راح فؤاد و فتنا انا و امي عند ابي
ام فايز:شو طلع براسك هلأ؟
ابو فايز :ولاشي اتركيني خطط و تكتك على مهل مهلي ،هادا باينتو اجحش واحد بيجينا و فاتح جيبتو سبيل
ام فايز:طب شو اتفقتو مشان ناديا؟
ابو فايز:ما اتفقنا على شي لسا
ام فايز:ما عجبتو البنت يعني
ابو فايز:لا عجبتو ،بتعجب الملك بس انعجقنا بشغلك هلأ يا ريت لو فاصلتو و قلتلو يعملن 60الف بس ما صار شي لسا الايام جاي
ام فايز:طب كيف بدي اتوظف عندو و نحن لازم نترك هالبيت بس نخلص شغل منو و يقبضنا متقدما للبنت ؟
ابو فايز:اي شبك و اذا يعني،منطول الخطبة شغلة 5شهور و انت بتكوني طلعتي بحدود 250الف شبن ما مناح و بعدين منقبض متقدم البنت و منشمع الخيط
ام فايز:طيب
تاني يوم لبست امي و بدا تروح على شركة فؤاد،بس قلها ابي انطري ناديا و بعتلي انو البس و روح معا كرمال فؤاد يشوفني اكتر ،لبست و رحت مع امي على شركة فؤاد ،كانت شركة كبيرة و مرتبة كتير ،اول ما فتنا سألنا عن مكتب السيد فؤاد و خبرونا نطلع بالاسنسير لاخر طابق ،فتنا و قلنالا لسكرتيرة انو النا موعد مع السيد فؤاد ،اطلعت السكرتيرة فينا من تحت لفوق متل القرفانة و قامت و دخلت على مكتبو و بعد شوي طلعت و قلتلنا فوتو ،فتنا انا و امي يلي كان منظرنا متل الشحادين
فؤاد:اهلا و سهلا تفضلو ارتاحو ،شو بتحبو نضيفكن؟
ام فايز:ولاشي سلامتك
فؤاد:لا ما بصير ...يا ندى جيبي اتنين عصير فرش للمدام و الصبية .....ايييه مدام ...؟
ام فايز:ليال اسمي ليال
فؤاد: ليال ...ايه يا ليال شو بتحبي تشتغلي؟
ليال :صراحة انا ما بعرف شي ،يعني موصلة للصف التاسع و ما اخدتو كمان،يعني انت وين بتشوف شغل مناسب الي انا ما بتفرق معي
فؤاد:امممم طيب هلأ حاليا رح حطك بالمطبخ تعملي قهوة و شاي و بنفس الوقت رح خلي حدا من الشركة يعطيكي دروس بالكمبيوتر و بعدين منلاقيلك شغلة مرتبة ،شو قلتي ؟
ليال: ماشي
فؤاد:و انت انسة ناديا ما بتحبي تشتغلي شي؟
ناديا:انااا؟شو بدي اشتغل؟
فؤاد:خلينا هلأ بامك و بعدين بيجي دورك
ناديا:ايه ماشي
طلعنا انا و امي من عند مكتب فؤاد و رجعنا على البيت و خبرنا ابي بالشي يلي صار معنا ،كان ابي ناطر فؤاد ليجي يطلبني و مر اسبوع على زيارتو لعنا اول مرة و لهلا ما رجع زارنا مرة تانية ،لهيك قلا لامي هي يلي تفتح معو موضوعي بس تروح على شغلها يلي كان ببلش من 8الصبح ل 3بعد الضهر ،و اول راتب قبضتو فورا ابي طالبا فيه و اعطتو اياه كامل و هو اعطاها اجار الطريق بس حتى حق سندويشة لتاكلها بدوام شغلا الطويل ما كان يعطيها و على طول كان يسالا شو صار مع فؤاد ايمت بدو يجي يطلب البنت و امي تقلو ما بعرف خجلت حكيه و اعرض بنتي عليه ،بالشهر التالت خبرتني امي بانو انزل معا على الشركة لانو فؤاد دبرلي شغل عندو و مناسب الي ،انبسطت كتير انو رح صير اشتغل و اطلع من البيت و ارتاح و لو لفترة مؤقتة من خطط ابي الاستغلالية الي ،رحت على الشركة و قابلت السيد فؤاد يلي اعطاني وظيفة بالارشيف و كان موظفة وحدة فيه عمرا بالخمسينات ،و صرت اشتغل تحت ايدا لاتعلم منا ،و باخرة الشهر صرنا نعطيه لابي راتبين بدل الراتب الواحد ،كان ياخدن و ما نعرف وين يروح فين مع انو اجار بيتنا 10الاف بس ،بعد شهرين انا من شغلنا عند السيد فؤاد ،نزلت امي عندي عالارشيف بنص دوامها
ام فايز:احذري مين شفت من شوي؟
ناديا:مين؟
ام فايز:سامي
ناديا:سسسامي
صار قلبي يدق بسرعة و فتل راسي
ام فايز: شبك
ناديا: شو جابو لهون ،شافك شي؟