📚قصص||روايات||منوعة📚

مريت من جنب بهية انا و طالعة من مكتبو ،كانت ريحة عطرا حلوة كتير و لبسا مرتب ،كان واضح انو بنت عز و مدللة كتير ،يمكن تمنيت للحظة اني كون محلا بس رجعت استغفرت ربي و نزلت على شغلي الجديد يلي بلشتو بحماس و رغبة قوية بعد انقطاع ما يقارب الشهر ،خبرت البنات ليجو يشتغلو معي و انتصار بس يلي قبلت اما الباقي كان ملتزم بشغل جديد،كان اياد ينزل مرتين و احيانا 3 مرات ليتفقد شغلنا و يعطي تعليماتو ،و كان الكل يطلع عليه بنظرة اعجاب الشاب الحلو المرتب الناجح الغني ،يعني على قولة رفيقتي انتصار (اياد عريس لقطة و يلي بدا تاخدو بتكون اما داعتلا ب ليلة القدر )،لهيك كان في تنافس او بالاحرى سباق ماراتون بين البنات على اياد و مين يلي بدا تفوز بقلبو و توقعو بشباكا ،انا ما كان فيني انكر تميز اياد كونو شخصية ناجحة و محترمة و لطيف و مذوق كتير لانو هالشي واضح متل عين الشمس بس انا كنت غير كل هالبنات لانو كنت بعرف حدودي منيح و انو الحاجب ما بيعلى عن العين ،و انو اياد مستحيل يطلع فيني او بغيري من البنات نظرة حب لانو ببساطة نحن ما من مستواه ،يعني يلي متل اياد بياخد متل بهية ،هيك هي الحياة ببساطة يلي متلنا تعو لعنا ،لهيك ما كنت فكر و اسرح بخيالي ابدا و كنت غير مبالية تماما بكل هالسباق و كنت جمهور متابع فقط و كنت مستمتعة كتير و خاصة على نكت انتصار يلي بتخص هالموضوع ،كان الشغل ماشي كتير منيح و بعد شهرين زودلنا راتبنا و زاد رصيد محبتو عند البنات ،بعد فترة بعتلي خبر لاطلع على مكتبو ،دقيت الباب و فتت بدون ما انطر ،شفتو عم يحكي مكالمة ،جيت لاطلع و انسحب،اشرلي بايدو لفوت و قعد على الكرسي ،فتت و قعدت انا و محرجة و هو تابع مكالمتو

اياد:لك بحسا متل اختي ولله ...طيب ...طيب....معك انا ...طيب منعطي حالنا فرصة بس لسا بعد بكير على هالحكي لانو لسا انا فاتح شغل جديد و ما بدي شتت عقلي بهيك قصص .....بس كون جاهز انا بخطي هالخطوة ...ماشي هلأ عندي شغل و بس نرجع على البيت منكفي حديثنا...طيب خلص بوعدك ارجع بكير حتى نحكي و بوعدك فكر بالموضوع ..باي حبيبتي

سكر السماعة و التفت لعندي

اياد:اي انسة سلوى ،تاخرت عليكي

سلوى:ولايهمك

اياد:خدي هدول الموديلات0
الجديدة مع المقاسات و خلين يمشو حرفيا على المواصفات المكتوبة هون

سلوى:ايه تكرم

اياد:طبعا انا ناديتك الك لانو انت اكتر وحدة بتعجبيني ،بالشغل يعني و بدي منك تكوني مسؤولة عنن،يعني اي غلط بصير ؛رح تتحملي انت النتيجة و طبعا رح زيدلك راتبك حتى ما تقولي حملتك زيادة

سلوى(مبتسمة):تكرم انشالله ما بكون الا عند حسن ظنك بس انا حابة اسالك هلا كل الشغل هيدا انت عم توزعو عالتجار بالجملة صح؟

اياد:ايه صح ،في شي ليش؟

سلوى:لا بس انا حابة اذا بتسمحلي اقترح عليك هالاقتراح او فيك تقول فكرة يعني ....او طموح يعني انا دائما بحلم بهيك خطوة

اياد:تفضلي

سلوى:هلأ بدل ما توزع هالبضاعة و تطرحا بالسوق على التجار وتصير موجودة بكل السوق ليش ما بتعمل وكالة الك و باسمك و كل هالبضاعة تنباع بصالة كبيرة ،يعني قصدي قول انو القطعة يلي عم نعملا ما يكون الها نظير و اخت بغير محلك ،ما بعرف الربح هيك كيف بكون اكتر او اقل ...انت ادرى يعني بس انا حبيت اقترح

بقي ساكت و عم يطلع فيني ؛انا درت وجهي وحسيت حالي حكيت فكرة غبية كتير او ادخلت بشي ما بخصني ،قمت وقفت فورا انا و ماسكة بايدي الالبوم

سلوى:ماشي عن اذنك هلأ

اياد:لحظة ..لحظة

التفتت لعندو و انا بنص الطريق

اياد:انا رح ادرس فكرتك منيح و عجبتني كتير

سلوى:ماشي:الله يقدملك يلي فيه الخير

طلعت و سكرت الباب وراي

سلوى:شو كان بدي بهيك حكي انا ما رح كون افهم منو بشغلو

_سحر____
يمكن كنت مفكرة حالي البنت الذكية الفلهوية يلي بتعرف شو بدا و بتقدر تاخدو بذكائها ،و انا كنت مفكرة انو علاقتي مع وائل علاقة مؤقتة مبنية على كام صورة و كام ضحكة و طق حنك و مشاوير مقابل حياة غنية و هدايا بتلمع العيون من شوفتا بس انا حبيت وائل كتير و وثقت فيه يمكن لقلة الرجال بحياتي لا اب و لا اخ و لا عم ،حبيت فيه كرمو و بعدين شفت فيه جانب تاني ما حدا قدر يشوفو ،كان شاب مستهتر و مندفع و عصبي بس كان طيب و حنون كتير حتى اجا اليوم يلي طلب مني طلب جديد ما خطر على بالي ابدا

وائل:ايه وين المشكلة مناخد راحتنا اكتر من القعدة هون و انت بضلي خايفة حدا يشوفك لك حتى رفيقتك ماريا بتخافي انو تشوفني انا و اياكي

سحر:معلش بس هيك انا مرتاحة

وائل:معقول مانك واثقة فيني يعني ،شبك سحر انا وائل يلي بحبك كتير و مستعد يقدملك روحو وما خسارة فيكي

الجزء الرابع:
@rwayate
وائل:سحر بلا ولدنة و اهدي بقا ،ما رح اكل شقفة منك

سحر:طيب بس اقعد عاقل

وائل:هههههه ما بوعدك،يلي بشوف هيك جمال بيقدر يقاوم،اسمعي يا مجنونة انا بحبك و رح اتزوجك و تصيري مرتي ،بقا ليش خايفة و عم نأجل الموضوع ،هلأ ولا بعدين نفس الشي بس هلأ احلى ايامنا

سحر:لا كل شي بوقتو حلو

وائل:اوف شو انك وحدة مملة و بنت روتينية ،فعلا انا انغشيت فيكي ،كل هالاجواء يلي عاملك اياها و بعدك باردة متل لوح التلج ،سحر اذا ما مرتاحة خلص فيكي تروحي ،من هون الباب

سحر:شبك زعلت

وائل:اي ولله زعلت لانو ما عم تبين فيكي المنيحة ،تعي بقا

نزلت من بيت وائل انا و عم ابكي

وائل:سحر ما بدا كل هالقد،قلتلك رح اتزوجك ،ما بهون علي شوفك عم تبكي

وصلني قبل بيتي بشارعين و نزلت من السيارة و خبطت الباب بعصبية و مشيت و انا حاسة حالي رخيصة كتير ،وصلت على البيت و انا خايفة تجي عيني بعين سلوى يلي خنت ثقتا و خنت ترباية اهلي ،ما اتصل فيني وائل ابدا و لا شفتو ،بعد يومين اتصل فيني و قلي ناطرك على باب الجامعة بالسيارة ،طلعت معو انا و ساكتة

سحر:وائل انت رح تتنزوجني مو هيك؟

وائل:سحر معقول عم تسألي هيك سؤال،طبعا

شغل السيارة و مشي لوصلنا على بيتو

وائل:شبك يلا نزلي

سحر:ما بدي؛بدي ارجع على البيت

وائل:يالله شو انك نكدة و مقتة ،خلص رح وصلك على بيتك و بس تروقي حكيني

سحر:طيب

بعد يومين بعتلي مسج وائل انو ناطرني بالشقة ضروري كتير ،بعد ما خلصت جامعة ؛اخدت تكسي و رحت لعندو ،اول ما دقيت الباب و فتحلي ،سحبني من ايدي لجوا

سحر:شوفي؟

وائل:هههههه مافي شي؛مشتقلك بس

قبل ما انزل من عندو ،اعطاني علبة دواء

سحر:شو هيدا ؟

وائل:هيدا مانع حمل ،خدي منو حبة كل يوم و ضروري كمان )كرمالك يعني،لنخلص جامعة و نتزوج ،يبقى منجيب اولاد

سحر:وائل انا ما مرتاحة بكل هالقصة و ما بقا رح ارجع شوفك هون ،انا غلطت و ما بدي تابع بالغلط

وائل:هلأ شايفتيني رايق ،بدك تزعجيني يعني ،خلص منحكي بعدين بالموضوع

بعد ما نزلت من عندو كنت حاسمة امري انو ما بقا ارجع شوفو لوائل ابدا ،بس وقت اتصل فيني و ما رديت عليه و بعتلي مسج لروح لعندو و كمان ما رديت عليه ،طلع بوجهي تاني يوم و هو معصب و اشرلي بعيونو لالحقو ورا المبنى لنحكي ،و قبل ما احكي اي كلمة مسكني من ايدي و صار يبهدلني

وائل:انا وقت بدقلك بتردي علي فورا و وقت بقلك بدي شوفك بتنخلقي قدامي بنفس الساعة

سحر:قلتلك ما بقا بدي شوفك ببيتك ،يا منرجع متل ما كنا يا كل واحد يروح بطريقو

وائل:ولله هيك صار الحكي هلأ،ايه لا ما حذرتي،شو شكلك نسيتي انو صورك معي

فتحلي موبايلو و صار يقلب بالصور يلي بعتلو اياهن

وائل:ها شو رايك بهدول الصور هيك اعمل منن عشر نسخ و علقلك اياهن على كل حيطان الكلية ،وقتا شو بصير فيكي

سحر:وائل عم تهددني بدك تعمل فيني هيك

وائل:اي بعمل هيك و بعمل لسا اكتر من هيك اذا بدك اضلي متنحة و عاملة فيا راس...

سحر:عنجد انا مصدومة فيك

تركتو و مشيت؛رجع سحبني من ايدي

وائل:انطريني برا الجامعة

سحر:ما...

وائل:سحر ما تعصبيني اكتر ما انا معصب

سحر:طيب
صرت كل مرة برفض فيا انو شوفو ببيتو ،بيبهدلني و يهددني ،و انا كنت ارضخ لالو خوفا من الفضيحة، طلع وائل الكريم و الطيب انسان تاني انسان ندل و واطي و مبتز

سلوى___
بعد فترة زدلي الاستاذ اياد راتبي الي بس و هالشي حسسني انو عم يميزني بين كل البنات
اياد:ما تخبري حدا انو زودتلك الراتب حتى ما يتحسسو باقي البنات بس انت بتستاهلي لانو عم تتعبي اكتر حدا

سلوى:ايه يسلمو كتير

رجعت طاير عقلي و اشتريت سندويش شاورما لاخواتي احتفالا بهالمناسبة،و و انا عم اعطي كل وحدة سند

ويشة خبرتن انو صاحب الشغل زودلي راتبي

سندس:عنجد انت بتستاهلي ،هالمدير باينتو كريم كتير غير يلي كنت تشتغلي عندو من قبل

سلوى:لا بس الشغل احسن و اوسع عند هيدا ،المهم انو عم اشتغل و اقبض راتب نمشي حالنا فيه

اطلعت على سحر ؛كنت ماسكة سندويشتا وشاردة

سلوى:هااااي سحر ،وين رحتي

سحر:ايه ايه هون مبروك اختي

سلوى:الله يبارك فيكي بس شوقصتك صفناتك كترانة ،صاير معك شي

سحر:انا ...لا ابدا ....بتعرفي الدنيا جاي على امتحان قلقانة من الدراسة بس

سلوى:طيب ،اذا ناقصك شي قليلي ماشي

سحر:ايه

بالليل اول ما حطيت راسي على المخدة ،حسيت على باب غرفتي عم ينفتح

سحر:نمتي الا لسا؟

سلوى:لا في شي

سحر:ولاشي حابة نام جنبك اليوم

رفعت الحرام و نزلت بالتخت وانا بعدني عم اطلع فيا و بلشت اقلق من جهتا لانو حسيتا مخبية شي و تصرفاتا ما عادية ابدا،تسطحت جنبا و انا عم العب بشعراتا

سلوى:سحر صاير معك شي حبيبتي

انفجرت بالبكا و قربت علي و لفتني

سلوى:يييي رعبتيني شو صاير معك ؟

سحر(تبكي): ولاشي مضغوطة من الدراسة بس

سلوى:اخ منك وقعتيلي قلبي ،انت قدها و قدود ،ادرسي و اتكلي على الله و من اتكل على الله ما خاب

بقيت عم اشتغل عند الاستاذ اياد يلي كان على طول يبدعي اعجابو بشغلي و اني كنت قد الثقة و المسؤولية وانا كنت سعيدة بالشغل عندو لليوم يلي تعبت فيه بالشغل ،كنت مرشحة قبل بيوم و كابرت على حالي و رحت على الشغل ؛بس خلال الشغل تعبت كتير ،اخدت اذن منو لروح على البيت

اياد:لو ما جيتي هالايسبوع ما في مشكلة؛بس تحسي حالك منيح ارجعي عالدوام و راتبك ماشي

بعد ما قلي هالكلمتين ،مشيت لاطلع من مكتبو بس انا و عم افتح الباب فتل راسي و نزل ضغطي و حطيت ايدي على الحيط استند قبل ما اوقع ،ركض لعندي اياد و لفني من خصري

اياد:تعي ارتاحي

كان عم يطلع بعيوني و انا ما قدرت قاوم الجاذبية و اللمعة يلي بعيونو ،حسيت بدقات قلبي مسموعة و نظراتو غرفت بقلبي لدرجة ما بقا حسيت على شي حولي و نسيت انا ليش كنت عندو ،هداني لوصلت على الكرسي

اياد:شكلك تعبانة على الاخر

سلوى:اي انا الحق علي هملت حالي ،استاذ اياد الله يخليك اطلبلي تكسي يوصلني على البيت ...

اياد:خلص انا بوصلك هلأ بس لترتاحي شوي ،رح اطلبلك كاسة ليمون منيحة لحالتك

سلوى:لا ما في داعي ،هلأ بس ارجع على البيت بنام و بفيق منيحة

قمت وقفت انا و عم ارتكي على طاولة المكتب
اياد:وين رايحة ،طب لحظة

قام وقف و لبس جاكيتو

سلوى:ولله ما في داعي توصلني ؛خلص باخد تكسي من الشارع ،ما بدي احرجك

اياد:لا ولو ما في احراج و اي موظفة بمحلك كنت رح وصلا

طلعت بالسيارة معو و هاي اول مرة بطلع مع حدا غريب

سلوى:من هيدا الشارع

اياد:ولله بيتك بعيد عن المعمل

سلوى:اي بطلع بباصين حتى وصل بس تعودت …هون عندك استاذ اياد ،يعطيك العافية و انشالله ما بتأخر بالاجازة

اياد:ما في مشكلة خدي راحتك ،لتتحسني على الاخر ارجعي و رح خلي انتصار تسد محلك

نزلت من السيارة و انا شبه دايخة ،فتحت الباب و فتت فورا على غرفتي تسطحت انا و عم اشلح تيابي ،و بعدين قمت عملت كاسة زهورات و دورت على دوا الكريب يلي كانت عم تاخدو سحر من يومين وقت كانت مكربة ؛انا و عم دور عليه بخزانتا لقيت ظرف دواء تاني

سلوى:لشو هيدا الدوا ،شكلو غريب

فتحت الرشيتا المرفقة مع الدواء و كانت الصدمة

سلوى:مانع حمل ..لشو مانع الحمل …ليش عم تاخد سحر منو

حسيت راسي رح ينفجر من يلي شفتو و من الافكار يلي تزاحمت براسي،نطرتا لسحر لترجع و انا بدني عم يرجف ، ما صدقت ايمت فتحت الباب و فاتت ،شافتني قاعدة و عم هز برجلي

سلوى :و اخيرا شرفتي ،شو هيدا

تفاجأت و تغيرت ملامح وجها

سحر:هيدا دوا

سلوى:ايه بعرف دوا و بعرف لشو كمان ،ليش عم تاخديه،بشو بيلزم بنت متلك

سحر:لانو انا البريود مخربطة عندي و نصحتني فيه رفيقتي ماريا و اشتريتو من الصيدلية و عم داوم عليه و زبط وضعي عليه

ارتاح قلبي شوي و قعدت على الصوفاية انا و عم حس وجهي السخن

سحر: شبك شكلك انعديتي كريب مني

سلوى:ايه ،طب ليش ما قلتيلي هالشي من قبل

سحر:الموضوع تافه و نسيت خبرك ،يعني انت ملهية بشغلك و ما بدي اشغلك بالك فيني كمان

سلوى:طيب انا تعبانة و بدي فوت نام

سحر:طيب و انا هلأ بعصرلك ليمون و بلحقك فيه

حطيت راسي على المخدة انا و عم استغفر ربي على التفكير العاطل يلي فكرت فيه بسحر،بعد يومين رجعت على شغلي ،و اول ما وصلت اجت ام محمود و خبرتني اطلع لعند الاستاذ اياد

اياد:معقول ما معك موبايل !

نزلت راسي انا و منحرجة من سؤالو

سلوى:لا ولله ما معي

اياد:كنت بدي اطمن عليكي و نزلت طلبت رقمك من البنات بس قالولي ما معك موبايل ،فعلا استغربت كيف عايشة انت بلا موبايل

سلوى:عادي ،هالتقنية انا ما كتير حبيتا

اياد:بس ضرورية ،اشتري واحد هالشهر

سلوى:لا ما ...

اياد:معلش خلي سعرو على حساب الشغل،يعني كرمال اعرف اتواصل معك اذا احتجت شي

سلوى:حاضر

اياد:كنت بدي اسالك كيف صرتي

بس وقت شفت وجهك منور حسيت انو تحسنتي عن اخر مرة كنت هون

سلوى:ايه لحمدلله

بقي عم يطلع فيني و انا ساكتة

اياد:طيب ،ما ضل شي قولو ،حكيت كل شي؛فيكي ترجعي على شغلك

كان يوم عن يوم عم اكتشف فيه شغلات حلوة للاستاذ اياد؛كان كريم كتير و مذوق و لطيف و حسيت معي هالشي بالتحديد ،اشتريت موبايل و ما كان فيني خبي فرحتي فيه ،كان طول عمري نفسي امسك موبايل متل رفقاتي بس وضعي المادي ما كان بيسمح انو اترك مساحة الي ،كان البيت و اخواتي اولوية رقم واحد عندي و بعدين انا ،بعد يومين وصلتني اول مسج على موبايلي

_مبروك، تشوفي على وجهو الخير،سيفي رقمي عندك ،انا اياد

ضميت الموبايل لصدري انا و عم ابتسم ،كنت مبسوطة و عم حس شعور لاول مرة عم حسو ،اول مرة حدا بيهتم فيني هالقد،و انا عم احفظ رقمو لاياد،اتصل فيني

اياد:مسالخير

سلوى:مسالنور

اياد:دقتلك قلت بلكي ما وصلتك الرسالة

سلوى:لا وصلت

اياد:اممم ..شو عم تعملي؟

سلوى:...عم اتعلم على الجهاز

اياد:اذا صعب عليكي شي ،انا بعلمك عليه بكرا

سلوى:لاسهل

اياد:....طيب....ماشي بشوفك بكرا

سلوى:ايه انشالله

اياد:سلوى اذا بيلزمك اي شي ما تترددي واتصلي فيني اوك

سلوى:كلك ذوق استاذ اياد

اياد:طيب تصبحي على خير

سلوى:و انت من اهلو

سكرت الخط معو و فاتت اختي سحر لعندي و اول اطلعت فيني

سحر:شبو وجهك؟

سلوى:شبو وجهي؟

سحر:احمر كتير ،مع مين كنت عم تحكي اه؟!هههه

سلوى:روحي عني ولو انا ناقصتك

سحر:ايه الله يسمعنا الاخبار الطيبة

لاول مرة حسيت انو كان اياد متلبك و هو عم يحكي معي ،حسيت انو في عندو حكي و بدو يقولو بس في شي مانعو ،يمكن جديتي بالشغل منعتو من انو ياخد و يعطي معي، و انا حسيت بشعور جديد اتجاهو ،يمكن اسمو حب او اعجاب او ما معروفة هويتو ،بس ما قدرت امنع حالي من اني فكر فيه ، تاني يوم بعد ما خلصت شغل و طلعت من الورشة و انا راجعة على البيت ،كانت الدنيا عم تمطر ،سمعت صوت زمور سيارة بس ما التفتت حتى سمعت اسمي ،التفتت و كان اياد بالسيارة،نزلت عن الرصيف و حنيت راسي لاحكي معو من الشباك

اياد:اطلعي اطلعي

سلوى:ما في مشكلة موقف الباص لقدام شوي

شد جسمو و فتح الباب من جوا

اياد:اطلعي

انحرجت و طلعت معو

اياد:حدا قلك من قبل اني باكل بنات شي ؟

سلوى:لا هههههه
اياد:شبك لكن ،كل ما بعرض عليكي توصيلة بتخافي …

سلوى:لا ما خوف بس انا ما بحب عذبك

اياد:يا ستي عذابك راحة الي ،و هلأ على شو بدك تعزميني؟

سلوى:اعزمك!

اياد:شبك تغير لون وجهك ههههه خلص انا بعزمك و طالع ميت من الجوع و..

سلوى:انشالله غير مرة

اياد:لا هلأ و حابب احكي معك بموضوع بالشغل يعني بس بعيد شوي عن جو المكتب

سلوى:بس انا ما مخبرة اخواتي و بخاف ينشغل بالن علي لانو ما بالعادة بتأخر عن االبيت

اياد:ما رح اخرك ،ساعة بالكتير

سلوى:طيب

فتنا انا و اياد على مطعم كتير مرتب ،كنت متلبكة كتير و ما متعودة على هيك اجواء،سألني شو بحب اكل و قلتلو على ذوقك ،بدأ حكيو معي بأسئلة عن عيلتي و اكام اخت عندي

اياد:ابوكي و امك متوفايين يعني و انت المسؤولة عن اخواتك؟

سلوى:ايه

اياد:مسؤولية ما هينة ابدا يعني اختك طالبة جامعة و التانية مدرسة و ااكيد بدن مصروف بشكل يومي

سلوى:ايه بس لحمدلله امورنا تمام و انا قد هالحمل

اياد:اكيد ما في شك طيب ما عندك عموم او اخوال ؟

سلوى:لا عندي عم واحد بس بس متوفي و ما منحكي مع عيلتو

اياد:ليش؟عفوا اذا كنت عم ادخل بخصوصياتك

بقيت ساكتة و ما حبيت رد عليه بشي لانو فعلا السبب ما بينحكى لحدا لا الو و لا لغيرو و لا لاي مخلوق

سلوى:شو الموضوع يلي كنت بدك تحكي فيه معي؟

اياد:شبك مستعجلة،كل هالقد القعدة معي مملة

سلوى:لا ابدا ،ما قصدي هيك

اياد:بعرف شو قصدك و بفهمك منيح و حبيت هالشي فيكي ،كأنك بنت جاي من كوكب تاني او من زمن تاني ،فكرت هيك نوع من البنات انقرض من زمان

سلوى:اي نوع؟

اياد:البنت الملتزمة المحافظة يلي بتحس انو هيك قعدة بمكان عام و مع شاب ما من عيلتا غلط كبير

سلوى:صح انا هيك لهيك يمكن عم تحس انو انا قاعدة و ما مرتاحة

اياد:ايه حسيت ،المهم انا فكرت بالفكرة يلي اقترحتيا علي و قررت انو بلش اشتغل فيا و عم دور على صالة كبيرة لنعرض فيا البضاعة

سلوى:ايه منيح الله يوسع رزقك يا رب

اياد:و اذا نجحت رح يكون الفضل الك و ما بس هيك رح تستلمي الشغل انت فيا

سلوى:استاذ اياد...

اياد:نحن برا الشغل ،قليلي اياد بس

سلوى:طيب انا ما بدي اترك الخياطة لانو بلاقي فيا متعة و بحس حالي بقدر اعطي فيا للاخر

اياد:الخياطة تعب عليكي و الراتب ما كتير ،اما هيدا الشغل احسن بكل المقاييس ،على كل حال ما تعطي ردك هلأ ،بس نبلش و تروحي تشوفي على ارض الواقع ،رح تغيري رايك انا متاكد؛يلا تفضلي الاكل رح يبرد

ما كنت مصدقة ايملت يخلص الغدا مع اياد ،كان ياكل لقمة و يطلع فيني و انا اتوتر اكتر ،وصلني على البيت و نحن على الطريق بالسيارة وقف على اشارة المرور و انا عم الت

سلوى:اسمعي يا غبية هالفترة ما بتروحي على الجامعة ،و موبايلك رح يبقى معي و رح يبقى مقفل

سحر:و بلكي فكرني عم اتهرب منو و نفذ تهديدو و نشر صوري و بكل الجامعة ،وقتا انا خلص مستقبلي و حياتي بتدمر

سلوى:يا فالحة ليش ما فكرتي بمستقبلك قبل ما تعملي هالعملة،ما ضل في شي اسمو مستقبل الك ،خلص انت انتهى وضعك انت ادمرتي و رح يفضحك بكل الاحوال و تصير سيرتك على كل لسان و ما رح يتزوجك ،بتزوج وحدة عندا كرامة و اخلاق ما متلك بس شو ذنبي انا و شو ذنب اختك سندس لنروح بجملتك..

رن جرس البيت ؛تركتا عم تبكي و رحت فتحت الباب و طلع بوجهي اياد ،تلبكت و رجعت خطوتين و انا عم زبط شعري كنت لابسة بجامة و رابطة شعري كعكة ؛انتبه على الفوضى يلي صارت فيني من شوفتو

اياد:بعتذر جيت من غير ما خبرك بس انشغل بالي و دقتلك ما رديتي

سلوى:اه عفوا بعتذر ما انتبهت

اياد:رح تتركيني واقف هون و الا بتفوتيني بتشربيني قهوة؟

سلوى:تفضل

فات و لحقتو و انا محروجة من وضع بيتي و من المصيبة يلي انا فيا ،اول ما شافتو سحر ،قامت و راحت على غرفتا بسرعة و انا فتت حطيت على الركوة و رجعت قعدت

اياد:شكلي جيت بوقت غير مناسب بس ما قدرت ابقى بعيد ،شو صار معكن؟

سلوى:ولاشي ،ما رح خليا تروح على الجامعة بالوقت الحالي

اياد:بس هيدا ما حل ،كل بنت بتمر بهيك مرحلة مراهقة و ...

سلوى:ما كل بنت بتعمل يلي عملتو سحر ...على كل حال هاي اختي و انا ادرى بمصلحتا

انا و عم احكي مع اياد ،انفتح باب غرفة سحر و طلعت هي و وجها اصفر و قبل ما تخطي خطوة وقعت على الارض ،ركضت عليا انا و اياد

سلوى:سحررر سحرررر اصحي شوصرلك

شفت بايدا ظرف مانع الحمل شاربتو كلو

سلوى(تبكي):سحر شو عملتي بحالك يا مجنونة

حملا اياد و طلعنا فيا على المشفى،دخلو على قسم الاسعاف بسرعة و بقيت انا واقفة برا و عم لوم حالي اني انا السبب لانو قسيت بكلامي عليا و اياد كان عم يهديني حتى طلعت الدكتورة و طمنتنا عن صحتا و انو صار معا نزيف و قدرت توقفلا اياه

سلوى:خلص اياد فيك ترجع على شغلك ما بدي لبكك اكتر من هيك معي

اياد:لا شو عم تحكي رح ابقى معك ما رح اتركك و الشغل ملحوق عليه

نقلوا لسحر على غرفة منفردة و نحن لحقناها،كان وجهها اصفر كتير،بقيت بالمشفى بدون ما حس عالوقت حتى صار وقت رجعة سندس من المدرسة ،ما كنت عارفة شو اتصرف حتى اياد اقترح علي انو ارجع على البيت كرمال سندس و هو يبقى عند سحر لبين ما ارجع ،رجعت بعد ساعتين و معي سندس على المشفى و اصريت على اياد انو يرجع على بيتو ،تاني يوم الصبح انا و عم جهز سحر لنطلع من المشفى ،اجا اياد

اياد:يلا رح انطركن تحت بالسيارة

سبقنا و نزلنا انا و اخواتي ،سبقتني سندس وهي عم تهدي سحر عليا و انا جيت لادفع حساب المشفى بس خبرتني الكاشير انو الحساب واصل و مدفوع ،عرفت انو اياد دفعو ،خجلني كتير بكرمو و بوقفتو جنبي بهالمحنة ،وصلنا على االبيت وسبقوني اخواتي و انا وقفت معو اتشكرو

سلوى:عذبتك معي شكرا الك و فاتورة المشفى خصما من راتبي لقدام

اياد:رح بزعل منك هيك ،ما بقا بيناتنا هالشي من يوم و رايح ، انا اعتبرت سحر متل اختي؛على كل حال ما رح اخرك هلأ بس بدي منك ترفعي بمعنويات اختك و كل شي بيتصلح

سلوى:انشالله

اياد:و انا ما رح اتركك ابدا ،طول ما معك اياد ما تخافي من شي ابدا

ابتسمت نزلت راسي و انسحبت بهدوء انا و خجلانة مشيت للباب و التفتت براسي شوي و شفتو بعدو واقف و عم يطلع فيني؛ابتسم و اشرلي بايدو ،فتت على البيت و سكرت الباب و حطيت ايدي على قلبي

سلوى:يا رب سبحانك ما بتقطع بحدا و بتبعتلي اولاد الحلال بطريقي

فتت لعند سحر على غرفتا و اعتذرت منا على كلامي القاسي

سلوى:كل شي بتصلح ،كنت رح اخسرك بثواني ،وجودك بحياتي اهم من كل شي يا سحر ما بتعرفي اديش انا بحبك و بحب سندس انتو كل حياتي و مستعدة موت كرمالكن و ما حدا يأذيكن او يجيب سيرتكن بالعاطل

لفتني و هي عم تبكي

سندس:هلا انا متل الاطرش بالزفة ،ما رح تفهموني شو القصة

اطلعنا فيا لسندس

سلوى:قلتلك ما في شي ،سحر تعبت نفسيتا شوي من ضغط الدراسة و اخدناها عالمشفى هاي كل القصة

سندس:ها طيب رح اعمل حالي انو صدقتكن

سلوى:سندس!

سندس:طيب طيب

كان اياد كل ساعتين يتصل فيني و يطمن عن سحر و وضعا الصحي و يسالني اذا ناقصنا شي ،و انا كنت متلبكة من اهتمامو الزايد و بنفس الوقت مبسوطة كتير لانو حسيت في حدا واقف جنبي و في رجال خرج اعتمد عليه و اثق فيه لهيك خبرتو لاياد عن قصة سحر تاني يوم وقت اجا لعنا ،كان جاي و معو اكياس كتير ،خجلت كتير منو وشكرتو على ذوقو

اياد:يا لطيف بس من اولاد الحرام،اسلوبو كتير واطي

سلوى: اياد بس الحق على اختي ،من طول عمرن اولاد الحرام موجودين بس نحن يلي لازم نكون واعين و ما ندخل حالنا بهيك قصص

اياد:اختك حبتو و الانسان وقت يحب بيعطي للاخر ،ما عاد.بميز حدود حتى الغلط بشوفو صح او ببررلو باسباب بشوفا هو وحدو منطقية ،و نحن البشر منفكر كل الناس بتفكر متلنا لهيك اي تفكير او تصرف مابمثلنا منستهجنو ،بس انا ما بدي تفهمي انو انا مع اختك سحر ،لا لا لا انا ما معا ابدا بس هي هيك فكرت انو ممكن تساعدك و تقيم حمل عنك بمصروفا ،هيك حدود تفكيرا ما فيكي تلوميا كتير لازم تفهمي السبب و الدافع قبل ما تقيمي تصرفا و الدافع كان بريء و شريف كتير بس الاسلوب و النتيجة غلط ،فهمتي علي ؟

كنت عم اطلع بعيون الاعجاب باياد،شاب ناضج و واعي و رايق و كل كلمة بيحكيا كانت بمحلا

سلوى:اي فهمت بس شو الحل و الخلاص من هل الفضيحة و انا متأكدة انو ما رح يتزوجا ؟

اياد:بسيطة بس تتحسن خليا تعطيني اسم االشاب كامل و عنوان سكنو يعني اي معلومات بتعرفا عنو و انا بتصرف

سلوى:كيف بدك تتصرف؟

اياد:هيدا يلي عملو اسمو ابتزاز و بيتحاسب عليه و بينحبس ما تخافي ابدا ،ما رح يأذي اختك او يسترجي يقرب عليا ابدا او ينفذ اي شي من تهديداتو ،اطمني و اوثقي فيني

سلوى:طيب اول ما تتحسن سحر رح اخد منا كل معلومات يلي طلبتا مني و بالنسبة للشغل انا رح حاول...

اياد:معك اجازة مفتوحة ،لنخلص من هالقصة بترجعي على الشغل،هلأ اختك اولى بوجودك جنبا

سلوى:انت عم تخجلني كتير بكرمك و ذوقك و وقفتك جنبنا ما رح انساللك هالموقف ابدا

اياد:اي حوشيلي اياه الا ما يلزم و ترديه هههههههه،يلا انا رح امشي مع انو ما حابب اتركك بس عندي شغل

سلوى:ماشي

طلع اياد من عندي و انا قلبي عم يرقص من فرحتي بوجود اياد بحياتي بس كنت خايفة كتير من هالفرحة انو تخلص او تنعكس ،بعد يومين خبرت اياد كل المعلومات عن الشاب

اياد:ايه عرفتو هيدا ابوه عندو مكتب صرافة بس ابوه منيح و سمعتو مسك ليش ابنو هيك طالع فاشل و ضايع

سلوى:شو رح تعمل هلأ؟

اياد:رح حكي ابوه لانو ابوه كان رفيق الوالد قبل ما يتوفى و هو بينبه ابنو و بيعاقبو بطريقتو و اذا رجع دايقا لسحر وقتا منبلغ الامن عنو بس ازبط نخبر ابوه كرمال الفضايح

سلوى:طيب ،خبرني شو بصير معك لانو سحر ما عم تنزل على الجامعة خايفة منو يرجع يهددا مرة تانية

اياد:خلص ما تاكلي هم؛انا حطيت الموضوع براسي

انا رجعت على شغلي و سحر بقيت هالفترة بالبيت لبين ما تخلص هالقصة ،بعد يومين بعت وراي اياد لاطلع لعندو على المكتب

اياد:تفاجئ اول ما سمع شو مخبص ابنو حتى الشقة ما كان بيعرف فيا ،المهم وعدني انو يعاقب ابنو و يضبو ،بقا خبريا لسحر ترتاح و تنزل داوم بالجامعة

سلوى:شكرا كتير الك ،طيب انا معناها لازم انزل كمل شغلي

اياد:ماشي ...سلوى لحظة شوي

سلوى:ايه

قان وقف و اجا لعندي

اياد: انت بتهميني كتير ،و مانك بالنسبة الي متل اي بنت بتشتغل عندي ،انت صرتي الك مكانة بقلبي و مكانة غالية

احمر وجهي و سكتت و ما عرفت رد عليه ،ابتسم ابتسامة اقرب للضحكة

اياد:ما رح خجلك اكتر من هيك بس حبيت عبر عن جزء صغير بس من يلي عم حسو اتجاهك و انشالله تكوني عم تبادريني نفس الشعور،شو؟

سلوى:ايه

اياد:ايه يعني ايه....معناها لتخلص قصة سحر بدنا نلتفت لحالنا شوي .. على كل حال انا ما بستاهل انعزم على فنجان قهوة مكافئة الي يعني

سلوى:اي اكيد بس...

اياد:ماشي خدي وقتك بس اتذكري انو في عزومة عليكي

نزلت للطابق السفلي و لاقتلي بانتصار بابتسامة خبيثة

انتصار:شو القصة ؟شي طالعة و شي نازلة من عندو

سلوى:روحي ولو ما رايقتلك

انتصار:بالله!بدك تخبريني كل شي

سلوى:ما في شي لخبرك اياه و يلي بيني و بين للاستاذ اياد شغل بس

انتصار:الله يسمعنا الاخبار الطيبة عن قريب

رجعت قعدت على ماكينتي و عيون البنات كلن علي و عم يتهامسو بين بعضن ،تجاهلت كل شي حكي انحكي من ورا ضهري انو عم حاول طبق الاستاذ اياد لانو كنت عارفة حالي شو انا و اني ما من هالنوع ،بس كلام اياد طيرني لفوق كتير و حسيت بنشوة الحب يلي كنت اسمع فيا و كان نفسي قلو انا اديش بحبو و بكل مرة بتأكد انو هو الانسان يلي بدي اياه بحياتي و اني حسيت جنبو بالامان و الحب ،رجعت على البيت خبرت سحر يلي تحسنت صحتا انو بتقدر ترجع على جامعتا

ا بقا بحاجة ،شكلك لقيتي واحد تاني تصاحبيه و عم يعطيكي اكتر

سحر:فشرت ،اترك ايدي هيك ،انا غلطت معك و ما مستعدة ارجع عيد الغلط مع غيرك ،بدي تطلع من حياتي

وائل:ايه ما على كيفك0،وقت تخلص مصلحتك بدك اياني اتركك

سحر(تبكي):انا بكرهك بكرهك كنت بدي موت حالي كرمال اخلص منك

وائل:و انا بكرهك بس ما تحلمي اتركك تابعي حياتك ،انت نزعتي علاقتي مع عيلتي و خليتي ابي يحرمني من المصروف و يسحب السيارة مني

سحر:ايه منيح بلكي بتعقل شوي

وائل:شايفتيني مجنون لانو حتى اعقل،ايه بس ما شفتي جنوني على اصولو ،ولله لخلي كل الشباب تتفرج على صورك و يبزقو عليكي ،ولله لخلي سمعتك و ممسحة الارض سوا

سحر:و انا رح بلغ الامن عنك و افضحك و خلي كل الناس تعرف شو انت و تجيب السمعة العاطلة لعيلتك و خلي ابوك يحبسك بالبيت

مسكني من ايدي و ضغط عليا بقوة

سحر:اخ اخ

وائل:وليه انا ما بتهدد ،ما استفزيني لاقتلك و اعتبر الله ما خلقك

سحر(تبكي):طيب طيب اترك ايدي ،شو بدك مني هلأ؟

ترك ايدي و اخد نفس و بعد شوي عني

وائل:وين موبايلك الي كام يوم بتصل فيكي،بيطلع مقفل

سحر:هو مع اختي سلوى،شافتو بايدي و اخدتو مني و قفلتو

وائل:ايوا ،و شو عرفكن باياد انت و اختك؟

سحر:اختي بتشتغل عندو و خبرتو

وائل:اها اها ليك ال....ليك و عامل حالو شريف و هو خاطب بنت و عم يتسلى مع بنت تانية

سحر:لا ،يلي بيناتن شي نظيف ما وسخ متل يلي بيني و بينك

وائل:ولله هلأ صار وسخ ،وقت كنت اعطيكي هدايا و مصاري ما كنت شوف كل هااشرف عندك

سحر:ندمانة ولله ندمانة اني عرفتك و لو كنت محتاجة ما كنت هنت حاالي كل هالقد الك ،بس انت بتعرف وضعنا منيح (تبكي) ،ما في معيل النا غير اختي و يا دوب اختي ملحقة بين مصروف البيت و مصاريفنا

ضمني لصدرو و مسحلي على شعراتي

وائل:.....سحر ما تبكي ...بتعرفي اني انا بحبك بس انت ليش هيك عملتي فيني كنا مرتاحين و مبسوطين.. ..بس اسمعي هلأ ،ما بدي اسمع منك انو جبتي سيرة لاياد او اختك انو شفتيني اليوم و انو رح ترجعي تشوفيني ،ماشي ،و رح انسى شو عملتي فيني بس خلينا نرجع متل اول

سحر:طيب

بعد شعراتي عن وجهي ،قرصني من خدي هو و عم يبتسم

وائل:روحي هلأ و بكرا بشوفك

سحر:طيب باي

طلعت من الشارع ،و انا عم مسح دموعي على الطريق ، اول ما فتت على البيت شفت سلوى بالمطبخ

سحر:شو عم تعملي؟

سلوى:عم اقلي بطاطا ،يلا شوي و بخلص الاكل

بقيت واقفة و مستندة بكتفي على باب المطبخ و ساكتة ،انتبهت علي سلوى

سلوى:شبك سحر صاير معك شي

سحر(تبكي): وائل...

سلوى:رجع دايقك و هددك

سحر:ايه و صار بدو يقتلني كمان ...شو اعمل يا ربي

لفتني من كتفي و طلعنا على الصالون

سلوى:هالحيوان ،خلص ما تخافي و تقلقي ،رح خبر اياد هلأ

سحر:لا لا دخيل الله بخاف يعصب اكتر و يأذيني

سلوى:حياتي بدو حدا يحطلو حد و الا بدو يضل يتمادى

سحر:سلوى وائل قلي كمان انو اياد خاطب بس حسيتو كذاب حتى يبين اياد انو واحد ندل متلو

سلوى:ما شفت انسان اندل من هيك واحد

اتصلت باياد و خبرتو

اياد:الله يلعنو ،حيوان نظامي هالبني ادم ،رح شوف كيف بدي حلا معو حل جذري ،بس انت ما تخلي سحر تروح بكرا على الجامعة

سلوى:ماشي و يا ريت ...

سحر:سلوى ....المطبخ عم يحترق

....

من عندن و رجعت على البيت نمت و فقت على سلوى راجعة من شغلا و عم تفيقني ،بس ما رفعت راسي من تحت المخدة ،حست انو صاير معي شي و ما قامت من جنبي الا لخبرتا شو صارمعي

سلوى:واحد ندل و واطي

سحر:ايه على كل حال ما تخبريه لاياد بشي لانو خلص خلصت القصة لهون ،ما رح يعمل اكتر من يلي عملو و انا خلص انتهيت

سلوى:ما تحكي هيك ،خلي يلي صار معك تجربة بحياتك و اعطتك درس ما تنسيه بحياتك؛بالاخر الواحد ما بيتعلم الا من كيسو ،قومي غسلي وجهك و ساعديني بالاكل ما بدي سندس تشوفك هيك

سحر:ما الي نفس اعمل شي

سلوى:سحر بدك ترجعي داومي بالجامعة

سحر:مستحيل بعد هاافضيحة ،ما الي عين حط عيني بحدا ،الكل عم يحكي عني

سلوى:بيحكو شوي و بكرا بينسو و بيلاقو شي تاني يحكو فيه ،قومي يلا ما تخلي شي بهالحياة يكسرك

نخن و عم نشتغل بالمطبخ رن موبايلا لسلوى

سلوى:هادا اياد ...الو

اياد:كيفك سلوى؟

سلوى:لحمدلله كيفك انت؟

اياد :لحمدلله ؛سحر اليوم رايحة على بيت وائل

سلوى:ايه هلأ خبرتني بس انت شو عرفك

اياد:امو التقت بسحر هي و طالعة من عندن اتصلت بامي و قلتلا انو انا حاطط ايدي بالموضوع و عم حمل زوجا على ابنا و عم خليه يقسى عليه و يحبسو بالبيت و خكت كتير لامي لدرجة اول ما وصلت على البيت و قبل ما غير تيابي علقت مع امي

سلوى:يالله ما بدنا نعملك مشاكل مع اهلك

اياد:ليش هيك عملت اختك ليش؟انا كنت عم حل الموضوع بطريقتي ،راحت عملتلي مشاكل الي كمان

سلوى: بعتذر كتير عنا

اياد:حصل خير

سلوى: معك خبر بالصور

اياد:ايه معي خبر بس ماهو يلي ناشرن ،رفيقو بس ما بيتصدق واحد ملعب

سلوى:طيب خلص انا بظن انتهت القصة هون

اياد:و بلشت قصتنا

سلوى:قصتنا !!!ما فهمت

اياد:ما امو لوائل قايلتلا لامي انو انا و اياكي في بيناتنا شي و بلشت امي تحقيق معي

سلوى:شي متل شو يعني بس ما تفكر انو متل سحر و وائل

اياد:لا لا ما هيك ،انا فهمتا منيح انت شو بتعنيلي ،طيب على كل حال ما شي مهم ،ترجع سحر تمارس حياتا الطبيعية و ما تستحي بحالا بتعاود الناس تمل و تلتهي بخبربة جديدة

سلوى:و انا هيك خبرتا

تاني يوم و انا قاعدة بالشغل ،دخلت امو لاياد على الورشة وو هاي اول مرة بتفوت لهون ،فاتت تمشت بين صفوف الماكينات و عم تطلع فينا وحدة وحدة ،بعدين وقفت قبالنا

ام اياد:مين سلوى بيناتكن؟

بلعت ريقي و قمت وقفت

سلوى:انا هي ...انا سلوى

ام اياد:ايه تعي وراي و جيبي اغراضك معك

طلعت من باب الورشة و انا لحقتا و حامل جزداني بايدي ،وقفنا برا بالساحة الخارجية ،طالعت ظرف من جزدانا و اعطتني اياه

ام اياد:هادا راتبك عن هالشهر و زيادة حبة ،خديه و ما بقا بدي شوف وجهك هون ،انا ابني اياد خاطب من 4 شهور بنت خالتو و بعد فترة عرسو ،حرام تتأملي بنتي على الفاضي

سلوى:بس انا و اياد ما...

ام اياد:بعرف ،خبرني اياد،اكيد ابني ما رح يحب وحدة بتشتغل عندو هو خبرني انو شفقان عليكي و على اخواتك انك ايتام

سلوى:شفقان!

ام اياد:بس وجودك هون عم يعملو مشاكل مع الناس و مع خطيبتو ،الله يرضى عليكي حبيبتي امشي من هون و انا فترة و بدبرلك شغل تاني بغير مطرح ،ما رح انساكي

سلوى:اممممم ماشي شكرا الك

حطيت الظرف بجزداني و مشيت انا و مصدومة و طلعت من المعمل انا و مقهورة كتير ،وصلت على البيت و تفاجأت سحر برجعتي بكير ،حكتلا امو لاياد شو حكت معي و اديش انا حسيت بالاهانة و حسيت حالي صغيرة قداما

سحر:كلو من وائل و امو ،هن السبب؛الله يلعنو من فوق ما دمرني ،كمان خربلك حياتك

سلوى:عادي ،انا ما زعلانة ،هاي امو و حقا تخاف على مصلحة ابنا ،المهم اني لاقي شغل تاني

سحر:سلوى ...لحظة

قامت سلوى و فتحت خزانتا و جابت كيس صغيرو رجعت فضت محتواه على التخت

سلوى:شو هدول؟

سحر:هدول هدايا كان يجبلي اياهن وائل،اذا بعناهن بظن يجيبو سعر منيح نمشي حالنا فيه لبين ما تلاقي شغل تاتي و انا رح دور على شغل كمان لانو ما ناوية ارجع على الجامعة هالفترة

سلوى:لا بدك ترجعي

سحر:ما قادرة

سلوى:لا رح تقدري،امشي و انت رافعة راسك و ما تطلعي بحدا ،ما في حدا معصوم من الغلط و غيرك بيغلط بس ما بينفضح بين ناس و انت حظك عاطل ،المهم انك عرفتي غلط و تربيتي منو ،ما تخافي علي انا قد حالي و بلاقي شغل

سحر:طيب بس خدي هدول بيعين

سلوى:لا هدول بدك ترجعين لهل الواطي

سحر:لاااا مستحيل

سلوى:ايه سحر بدك ترجعين و كل شي جبلك اياه بدك ترجعيه؛ليفهم انو انت ما بعتي حالك ،حاولي تستردي شوي من كرامتك يلي خسرتيا معو ،ضبين كلن بكيس زبالة اسود و ابعتيلو اياهن مع حدا يحطن على باب بيتو

سحر:فظيعة انت على هالافكار

سلوى:لانوالمال زبالة مقارنة مع الكرامة يلي ما بتنباع بمال الدنيا

فتت على غرفتي و انا مخنوقة كتير،اكتر شي كان قاهرني انو اياد طلع خاطب بنت خالتو و شفقان علي،ليش ما خبرني ،ليش ما شفتو لابس محبس بايدو ،ليش حسسني بانو مهتم فيني و انو في مشاعر اتجاهي و انا انجرفت ورا هالاحساس و لقيت حالي متعلقة فيه و ع

م حبو ،هو يلي غلط ولا انا يلي غلطت و املت حاالي بشي ما الي ،كنت تعبانة كتير نفسيا هديك الفترة من وضعي اني تركت شغل و قاعدة بالبيت و سحر تركت جامعتا و قاعدة بالبيت و كملت معي وقت اجت رفيقتا لسندس عندي بعد ما راحت سندس عالمدرسة و خبرتني انو سندس عم تهرب من اخر حصتين من المدرسة و انا جنيت على الاخر،نطرتا لترجع من الدوام و فاتت متل العادة عم تضحك و مبسوطة

سلوى:وين كنت؟

سندس:شو هااسؤال يلي بضحك،كنت بالمدرسة

سلوى:و داومتي الدوام كامل من اول حصة لاخر حصة

سندس:..ايه ...طبعا

سلوى:سندس انا مصدومة فيكي ،لك انت ما بتخبي شي عني شو صايرلك

سندس:...شبك شوفي

سلوى:لوين عم تهربي و تروحي باخر حصتين..

سندس:انا...لا ...مين قلك

سلوى:ما مهم مين قلي ،المهم تقليلي وين عم تروحي ،انا فيني كنت روح و راقبك و اعرف بس انا عاطيتك ثفة عميا و بدي انت تخبريني احكي لشوف

سندس:....

سلوى:احكي

سندس:طيب ...انا عم روح شوف راجي

سلوى:راجي مين...راجي ابن عمك

سندس:ايه

سلوى:سندس ما تقليلي انو انت وراجي....بتحبو بعض

سندس:....

سلوى:يا ربي رحمتك علي بس ،بشو ولا بشو انا ،بتحببه لراجي؟

سندس:ايه شو دخلو هو بأبوه ،هو منيح كتير و بحبني وبعدين انا ما عدت صغيرة

سلوى:خلص ...ما بقا بدي اسمع هالحكي يطلع من تمك مرة تانية ،بعدك صغيرة على هالقصص ،و الا راجي ما فيكي تحبيه ابدا ابدا فهمانة ابدا مستحيل

سندس:ليش مستحيل ؟

سلوى:ما تناقشيني و من يوم و رايح انا باخدك و انا بجيبك من المدرسة فهمانة

سندس":سلوى الله يخليكي انا و اياه متفقين نتزوج

سلوى:خلص دخيل الله وقفتيلي شعر بدني اسكتي و روحي من وجهي

فتت على غرفتي و انا عم قرمط اظافر ايدي ،لحقتني سحر

سحر:شبك طولي بالك على البنت ،بعمرا البنت بتمر بهيك مرحلة

سلوى:سحر في شي انت ما بتعرفيه ،االا راجي ما بتقدر تحبو سندس ما بتقدر ما بتقدر ،يالله على هالمصيبة

سحر:سلوى فهمانة عليكي عمك ما تارك الو شي منيح

سلوى:ما فهمانة انت ما فهمانة شي ،اسمعي بدك تساعديني لازم بعدا لسندس عنو

سحر:طيب قعدي معنا بالبيت ههههههه صايرة و صايرة

سلوى:سحر ما ناقصتك انا

سحر:طيب ماشي يوم انت بتاخديا و انا بجيبا

تاني يوم رحت وصلتا لسندس و حكيت مديرتا و انساتا كرمال ينتبهولا و يبلغوني اذا في حصة ما حضرتا و بعدين رحت لدور على شغل الي؛اتصل فيني اياد انا و بالشارع بس ما رديت عليه و قفلت موبايلي ،رجعت على البيت بعد 3 ساعات رجلي عم بجعوني من كتر اللف و المشي

سحر:شو صار معك ،ما لقيتي شغل؟

سلوى:لا ،شو بدي لاقي بين ليلة و ضحاها،بكرا برجع بدور و انت من بكرا ارجعي على الجامعة

تاني يوم لبست و طلعت انا و سلوى،وصلنا سندس على المدرسة و كانت طول الطريق عم تتذمر من توصيلتنا الا و بعدين تابعت طريقي انا و سلوى على بيت وائل ،طالعت الكيس من جزداني

سلوى:يلا اطلعي حطيه على الباب و ناطرتك هون

سحر:ههههههه

سلوى:ليش عم تضحكي عند هالصبح

سحر:عنجد فكرة مجنونة الساعة 7 الصبح اكيد ما حدا بكون فايق بيناتن ،خايفة انا و عم حطو على الباب ينفتح و يطلع ابوه او هو مثلا

سلوى:الكل بكون نايم هلأ،اطلعي يلا

طلعت حطيت الكيس و نزلت على روس اصابيعي و وقت حسيت باب بيتن انفتح ،نزلت ركض فورا و رحت لعند سلوى مسكت ايدا و صرت اركض انا و اياها و سلوى عم تصرخ علي و انا عم اضحك

سلوى:انقطع نفسي ليش عم نركض

سحر:في حدا فتح الباب و نزل من بيتن ،خفت يشوفونا

سلوى:اخ منك ،ايمت رح تكبري انت ،يلا روحي على جامعتك

انا تابعت على جامعتي،كنت طول الطريق اتذكر كلام سلوى،فتت على الكلية و انا عم اطلع لقدام بدون ما التفت على حدا ،حسيت الكل عم يطلع فيني و يحكي علي بس ما اهتميت لشي لانو يلي لازم كون خجلانة منو هو ربي ما الناس ،فتت حضرت محاضراتي و شربت قهوة بالكافتريا لحاالي وانا طالعة من باب الكافتريا ،التقيت بوائل فايت ،مر من جنبي و هو عم يطلع فيني و انا عملت حالي اني ما شايفتو حتى طلعت من المحاضرة التانية على صوت صراخ و علقة شباب بين بعضا ،وقفت من بعيد اتفرج ،شفت وائل عم يعلق مع رفيقو باسل و هاجمين على بعض و باقي الشباب عم تفك بيناتن ، حتى شافني وائل واقفة عم اتفرج علين ،نزلت راسي و عملت حالي ملتهية بدفتري و طلعت من االمبنى بسرعة و بعدين سمعت صوتو

وائل:سحر...لحظة شوي

وقفت انا و عم نفخ

سحر:نعم شو بدك ؟

وائل:انت يلي حطيتي كيس الاغراض يلي جبتلك اياهن على باب بيتي

سحر:ايه انا ،ردتلك اياهن مشان ما تفكر حالك انك اشتريتني

وائل:بعدك مصدقة انو انا يلي نشرت الصور،ولله العظيم ما انا ،و هاي شفتي بعينك هلأ علقتي مع هالواطي

سحر:ما مهم وائل ،قصة و راحت و ما حابة اتذكرا

وائل:بس انت بتعنيلي كتير،انا صح كنت حيوان اخر فترة معك و استغليتك بس انا بدي تعطيني فرصة تانية

سحر:لا تانية و لا تالتة وائل،انت فكرت حالك للحظة انو فيك تمسكني من ايدي يلي بتجعني بس ما حذرت و فوق منا رحت خربتلا شغلا لاخ

تي و خليت امو لاياد تقلعا من شغلا

وائل: انا ما خربتلا اياه بقصد ولله ،بس امي خبرت امو و لسوء الصدفة كانت خالتو و خطيبتو موجودة ،و وقت عرفت خطيبتو كانت رح تبطل عنو لهيك امو تصرفت هيك و هيدا واحد حقير عم يضحك على اختك و يقطع وقت لبين ما يتزوج

سحر:اختي سلوى ما غببة متلي حتى ما تميز اذا اياد عم يضحك عليا الا لا ،المهم ما بقا تطلع بطريقي مرة تانية

تركتو و مشيت و رجعت على البيت ،من بعيد شفت اياد مرتكي على سيارتو قبال بيتنا قربت و سلمت عليه

اياد:وينا سلوى؟

سحر:اذا ما جوا؛بعدا عم دور على شغل...ها ليكا اجت هي و سندس

_سلوى_____

شفت اياد من بعيد ،شديت على اعصابي و بقيت عم عيد الحكي يلي بدي قلو اياه بعقلي حتى وصلت لعندو ،فاتت سندس لجوا و انا سلمت عليه ببرود

اياد:فيني اعرف شو عم تعملي،تركتي الشغل هيك بهالبساطة وبدقلك ما بترد علي لا و بالاخير بتقفليه

سلوى:اياد انا ما بدي اعملك مشاكل بحياتك هيدا اكتر شي فيني ردلك اياه على جمايلك معي

اياد:بس انت هيك ما رديتي شي؛بالعكس زعجتيني كتير ،سلوى انا بحبك

سلوى:و انا كمان و انا بحبك بس وقت قلي وائل انك خاطب ما صدقتو ،قلت هيدا واحد وسخ و بدو يشوه صورتك بعيني...

اياد:سلوى الموضوع ما متل ما انت فاهمة ،لازم تسمعيني بالاول

سلوى:بس اجت امك و اكدتلي انك خاطب و عرسك بعد فترة على بنت خالتك و انا شو ،شو كنت بحياتك محطة بس،انا ما طلبت منك شي انت يلي دخلت حياتي و فرضت حالك

اياد:انا ما بحبا

سلوى:بس انت خاطبا ،و بعد فترة بتصير مرتك و انا شقفة وحدة بتشتغل عندك و شفقان عليا لانو يتيمة موهيك قلتلا لامك

اياد:انا...

سلوى:اذا بدك تنكر و تحكي كذب سكوتك افضل و خلي انطباعك الاخير بذاكرتي حلو

قرب علي و بدو يمسك ايدي ،رجعت لورا

اياد:انا ولله بحبك الك و موضوع الخطبة صار بسرعة و غصب عني ولله ضغط من امي و احراج من بيت خالتي،انا ما بقدر قول لا لامي لانو هي يلي ربتني و وقفت جنبي بكتير مواقف لصرت انا يلي قدامك

سلوى: و انا ما طلبت منك تقول لا بس ما تأمل بنت تانية فيك و انت بتعرف حالك ما عندك الجرأة لتاخدا،على كل حال الله يسعدك و يهنيك و اتركني بحالي مع مشاكلي و همومي ،شكرا الك ما بدي عذبك اكتر من هيك معي

اياد:و مين قلك اني ما بدي اتعذب ،اشتكيت شي ،هلأ ما حلوة نضل هيك واقفين على الباب

سلوى:و انا بعتذر منك ما بقدر دخلك انت بضل غريب علينا

اياد:ولله هلأ هيك صرت انا

مريت من جنبو لفوت على البيت ،قبل ما فوت ،فتلت وجهي لعندو

سلوى:انا قوية بحالي ماني ضعيفة و مسكينة لتشفق علينا ، انصدمت بطريقة نظرتك الي لهيك ما تصدم خطيبتك وقت تعرف انو انت معا غصب عنك ،مع الايام بتحبا و تتقبلا

اياد:سحر اعطيني شوية وقت بس لاترك خطيبتي و اقنع امي تجي تخطبك .

سلوى::......

اياد: بس طالب منك شوية وقت و ما رح تندمي ،انا بكل الاحوال ما رح تابع بهالخطبة ونحن منحب بعض و حرام ما نكون لبعض صح الا لا

سلوى:ما بعرف

اياد: اعطيني فرصة تانية و ما رح تندمي ،اوثقي فيني و ما رح خيبلك امالك ابدا

سلوى:طيب

ابتسم
اياد:ماشي هلأ انت ما ترجعي على الشغل بس انطريني

سلوى:ماشي.. ناطرتك

ر اح اياد بعد ما اتفقنا انو نرجع نلتقي بعد ما يكون زبط امورو مع امو و ترك خطيبتو ، فتت و سكرت االباب ،شفت سحر بوجهي ،كنت غاصة بدموع و صرخة مكتومة

سحر:شو صار معكن؟

سلوى:ولاشي

كانت واقفة سندس جنبا و متكتفة و عم تهز برجلا

سلوى:شبك انت التانية

سندس:ولاشي؛بس ليش انت مسموح الك تحب و انا لا

اطلعت سحر فيا و ضحكت

سحر:ولله هيدا الناقص

سندس:انا بحبو لراجي و قد ما حاولتو تبعدونا عن بعض ما رح تقدرو ما رح تقدرو فهمانين

فاتت على الغرفة و سكرت الباب بعصبية

سلوى:اخ بس

فتت على غرفتي و قفلت الباب و قعدت ابكي على الساكت ، تاني يوم اتصلت باياد اكتر من مرة بس ما رد علي، بقيت فترة احمي انا و اياد فترة على الموبايل و احيانا اطلع شوفو بشي كافتريا حتى مرة اتصلت فيه كذا مرة بس ما رد علي ،انشغل بالي عليه كتير و رحت لشوفو بالمشغل ،بس تفاجأت بوجود سكرتيرة برا مكتبو ،طلبت مني اقعد انطر لبين ما تفوت و تخبر اياد اني بدي شوفو ،بعد.دقيقتين طلعت من مكتبو

السكرتيرة:الاستاذ اياد مشغول حاليا و ما بيقدر يشوفك ،فيكي تراجعيه بغير يوم

الجزء السابع:
@rwayate
سندس:اهلين مراد

اطلعت انا و سحر بسندس يلي كان واضح انو بتعرفو

سندس:شبكن هيدا مراد ..اخوه لراجي الكبير...ابن عمكن

سلوى:اها ..نحن ما عنا اولاد عم

مسكت االباب و خبطتو بوجهو بس حط ايدو على الباب و رجع فتحو

مراد:ما حبيتا منك هالحركة يا سلوى ،نحن منضل اولاد عم و حتى لو تجاهلتي هالموضوع سنين طويلة ،في صلة دم بيناتنا

سلوى:و انا ما بتشرف بهالصلة

حطيت ايدي على الباب و بدي سكرو ،بس سحر مسكت ايدي و نزلت من عن الباب

سحر :خلص سلوى خلينا نسمعو بالاول شو بدو و ليش جاي

سلوى:واضحة جاي كرمال اخوه

مراد:لا ما بس كرمال هيك

سلوى:لكن؟

مراد:اكيد ما رح احكي هون على الباب

سحر:تفضل

اطلعت بسحر و زورتا
بعدتلو الطريق هي و سندس و مر من جنبي هو و عم يطلع فيني و يبتسم كانو حابس ضحكتو ،فات قعد بغرفة القعدة و انتبه انو كنا عم نتعشى ،قامت سندس و صبتلو كاسة شاي و ضيفتو اياها

مراد:شكرا الك

سلوى:سندس و سحر فوتو على غرفتكن

سندس:يالله ،بدي ابقى

مراد:خلص اسمعي كلمة اختك اذا بتريدي

فاتت سحر و سندس و بقيت انا و مراد

سلوى:يلي جاي تحكي فيه مستحيل و من سابع المستحيلات تكون سندس لراجي

مراد:ليش ؟ليش بدك تظلمين و هن بحبو بعضن ،ما بحقلك تاخدين بجملة عمك،انا بعرف ابي منيح و ما رح دافع عنو بس راجي ما لانو اخي ،هو بحبا لسندس كتير

سلوى:ما حدا رح يفهم ليش انا رافضة بس مستحيل يا مراد و انت لازم تحكي اخوك و تخليه ينساها لسندس يعتبرا متل اختو

مراد:ما بقدر ،صعب كتير تقيمي حدا من قلبك بسهولة حتى لو عرفتي انو هو ما الك ، و انا جيت اليوم بعد ما خبرني راجي انو فارضة حصار على اختك و عم توصليا و تجيبا من المدرسة ،اختك قادرة تقرر مصيرا هلأ و فينا تتركن و تتزوجو لراجي وقتا بتكوني خسرتي اختك

سلوى:مستحيل ما رح اسمحلا

مراد: و انا رح اعمل كل جهدي لياخدو بعض

سلوى:ما بتقدر ،الموضوع ما لانو راجي ابن عمي الموضوع اكبر من هيك

مراد:شو الموضوع لكن ؟

سلوى:.....ما بقدر احكيه و خلص و ابعد من طريقنا انت و اخوك

قمت وقفت و قمت كاسة الشاي من قدامو

سلوى:بعتقد تأخر الوقت و خلصت زيارتك

قام وقف و مشي ليطلع من باب البيت ،و انا لحقتو لسكر الباب وراه

مراد:يا خسارة بس انك تستقبلي الغريب بطريقة احسن من استقبالك لابن عمك
سلوى:مين قصدك الغريب؟

مراد:انت بتعرفي قصدي منيح تصبحي على خير

طلع و سكر الباب وراه و انا بعدني عم فكر بجملتو و مقصدو يلي كان قاصد فيه اياد؛طلعت سندس بوجهي

سندس:شو قلتيلو؟

سلوى:انت كل شي بصير عنا عم تروحي تقوليه لراجي

سندس:لا ابدا

سلوى:واضح على كل خال انسيه لراجي و انسي العيلة كلا

سندس: ما على كيفكن ،انا بحبو و هو بحبني

رجعت زعلت و فاتت على غرفتا

سحر:طب خلص ليش مكبرة الموضوع ،ياخدو بعض

سلوى:ضبي العشا و الحقيني انت

فتت على غرفتي و انا ضايعة و مترددة بس لازم حدا تاني يشاركني هالحمل ،تعبت احملو لحالي و تعبت اشرح و ما حدا عم يفهم

سحر:ايه شوفي احكي

سلوى:اسمعي سندس ما بتقدر تتزوج راجي لانو هي بتكون اختو

سحر:شو هههههههههه

سلوى:ولله توقعت تاخدي الموضوع ضحك

سحر:شو عم تحضري هندي

سلوى:سحر انا ما عم امزح،انا عم احكي عنجد و الموضوع كبير و ما حدا بيعرف فيه و انت اول وحدة خبرتك لانو ما عارفة اتصرف ،ما قدرت قول هالشي لمراد لانو خفت ياخدا مننا

سحر:هلأ انت عم تحكي جد؟

سلوى:شكلي عم يمزح

سحر:كيف بالله هيك ؟

سلوى:رح احكيلك ،عمك الله لا يرحمو و لا يسامحو بعد ما مرض ابوكي و صار مقعد ،كان يطلطل علينا كل يومين لحتى اختلى بامك و اعتدى عليا و طلعت حامل منو و ما دريت و حست الا بالشهر التالت ،و ابوكي عرف انو امك حامل

سحر:عرف انو حامل من عمي؟

سلوى:ايه امك خبرتو بس ما كان قادر يعمل شي و بعد ما ولدت امك سندس بيومين ابوكي توفى من القهر و من حرقة قلبو

سحر: ما عم صدق يعني سندس ما اختنا و اختن لراجي و مراد؟

سلوى:سحر شبك وليه هبلة ما عم تفهمي علي ؛سندس اختنا و اختن ،اخت مشتركة

سحر:جمد عقلي و ما بقا عم استوعب شي بس انت شو عرفك بكل هالشي؟

سلوى:امك خبرتني قبل ما تموت بيوم و قلتلي ما خبر حدا الا للضرورة بس انا ما توقعت ابدا الامور توصل لهون و سندس من كل شباب العالم ما بتحب الا ابن عما

سحر:يالله يا سلوى ،شو بدنا نعمل،لازم نخبرا هيدا احسن شي

سلوى:لااا منكسرا مندمرا على الاخر ،صعبة كتير تعرف انو هي اجت من علاقة اغتصاب،رح تتعقد و تشوف حالا ناقصة عننا و عن اي بنت تانية

سحر:معناها منخبر مراد و هو بتصرف ،باينتو كبيررو واعي و بالنهاية مصلحة سندس اهم شي

سلوى:قلتلك بخاف يخبرو هن و ياخدو مننا

سحر:ايه مرة عمك ما بطيقنا و ما رح تقبل ابدا و رح تكرهنا الضعف اذا عرفت هالشي

سلوى:انا ضايعة ..ضايعة ...المهم انت ما تخبريا بشي

ملت قهوة و طلعت حطتلو فنجانو على الطاولة ،كان عم يشتغل بشوية اوراق،خلصن و قام قعد معي

سحر:شو الموضوع؟

وائل:شبك روقي بس لاشرب اول شفة من الفنجان

شرب شفة و رجع حط الفنجان على الطاولة

وائل:الموضوع كرمال مراد ،ما هاين علي وضعو هيك،اختك زودتا كتير

سحر:ايه صح زودتا بس حست بغلطا و راحت اعتذرتلو و قلتلو خلينا نتزوج و هو فجاة مدري شو صرلو ،يمكن اشتغل العرق ااشرقي عندو

وائل:العرق الشرقي !

سحر:يعني وقت صارت بدا اياه و عم تلحقو و تتصل فيه صار ما بدو اياها،انا قلتلا خلص اتركيه على راحتو و اذا بدو اياكي بيرجع بيحكي معك ،المهم الكرامة

وائل:الله لا يعطيكي شطارة على هالنصيحة ،ليش وقت كان عم ينطرا و هي عم تتكبر و تتقل ليش ما قال كرامة ،ولله انتو بحقلكن يكون عنكن كرامة و نحن لا

سحر:اختي ما قلتلو ينطرا هو نطرا لانو بحبا و انا لو بمحلا بوافق انا و مغمضة عيوني لانو مراد الله خلقو و ما خلق متلو على وجه الارض ،من بعدو ما في رجال

وائل:ولله و نحن الباقي شو تصنيفنا؟

سحر:في ذكور و في رجال

وائل:دخلك انا من اي فصيلة؟

سحر:بعتقد طلعنا عن موضوعنا الاساسي

وائل:طيب ،هلأ شو لازم تعملي انت؟

سحر:شو لازم اعمل انا؟

وائل:لازم تريحي لسانك شوي عن النصائح الضارة يلي عم تعطيا لاختك و قليلا تحاول باي طريقة تراضيه

سحر:شو بتعملو يعني اكتر من هيك؟

وائل:لك هي ما عملت شي لهلأ

سحر:عندك افكار يعني؛يعني لو ماسكة شي عليه متل صور مثلا كانت ابتزتو فين و غصبتو يتزوجا ،شو رايك بهيك فكرة ؟

وائل:سحر

سحر:نعم

وائل:خلص.. ،ماضي و راح ،ليش عم ترجعي تنبشي باوراق محروقة ،قلتلك ما انا يلي نشرت الصور

سحر:و انا صدقتك بس انت استغليتني كتير

وائل:استغليتك صح و انت كنت ما بتحبيني ،انا كنت حاسس بهالشي و متاكد كنت مرافقتيني كرماال مصرياتي بس و انا حسيت حالي عم عاقبك بهالطريقة لانو انا كنت متفاجئ فيكي لانو كنت سهلة و بتحب المصاري

سحر:صح انا هيك كنت بالاول بس بعدين حبيتك و رجعت كرهتك

وائل:هلأ انت بتكرهيني؟

سحر:...لا ...لا بحبك و لا بكرهك لانك ما بتعنيلي بشي ،انت صاحب الشركة يلي انا بشتغل فيا و بس

وائل:اي منيح لهون هلأ،بجوز ترجعي تحبيني ...

سحر:لا مستحيل

وائل:طيب ..قليلا لسلوى متل ما فهمتك ،يعني تتصل فيه تبعتلو ورد لمحلو يعني انتو بنات و بتعرفو بهيك قصص اكتر مننا

سحر:طيب ماشي بقلا ،غيرو ؟

وائل:ولاشي سلامتك

قمت و مريت من جنبو و رجعت التفتت عليه بدي قلو انو الشبكة صاير ضعيفة ؛شفتو عم يلوي لسانو و يقلدني بالحكي على الساكت،انتبه علي اني بعدني واقفة ،حط ايدو على دقنو

وائل:حنكي عم يجعني من مبارح

سحر:الشبكة ضعفانة هاليومين

وائل: ليش ما عم طعموا منيح ههههه

نزلت من عندو انا و عم اضحك منو،وقت رجعت على االبيت خبرتا لسلوى شو اقترح وائل

سلوى:انا بدي اعمل هيك حركات ،ما كتير شاطرة بهيك شي

سحر:انا بساعدك

نحن و عم نحكي ،رجعت سندس من الجامعة،فاتت على غرفتا بدون ما تسلم علينا ،لحقتا و سلوى و فتنا شفناها عم تبكي

سلوى:سندس شوفي؟

سحر:ليش عم تبكي شو صاير معك بالجامعة

سندس:اتركوني و اطلعو لبرا ،ما بدي احكي مع حدا ،انتو ما اخواتي و انا ما اختكن

سلوى :شو هالحكي ؟

سندس:بنت عمي قالتلي كل شي

سلوى:شو قالتلك؟

سندس:علقت انا و اياها باللجامعة و بلشت تحكي حكي اول مرة بسمعو ،فكرتا عم تكذب و تالف حكي لتجاكرني و تكسرني قدام رفقاتي بس وقت تذكرت كل شي ليش رفضتي علاقتي مع راجي و ليش راجي تركني و قلي بحبني متل اختو ،عرفت انو كلاما صح و انتو كلكن خبيتو علي .....ليش انا جيت على الدنيا ليش

كنت كتير خايفة دائما من انو تجي هيك لحظة و تعرف سندس ،وقفنا انا و سحر ساكتين ما عرفنا شو نحكي و حتى وقت جينا لنواسيا و نحاول نكذب روئ صارت تصرخ اكتر و تبكي و تدفشنا حتى قلعتنا من الغرفة و قفلت الباب على حالا ،خفت تعمل بحالا شي ،اتصلت بمراد بس ما رد علي كالعادة ؛بعتلو رسالة

سلوى:مراد تعال فورا لعنا اختك روئ حاكية لسندس كل شي و سندس مقفلة على حالا الباب و خايفة تعمل بحالا شي ..

بعد نص ساعة اجا مراد،ركضنا انا و سحر و فتحنالو الباب

مراد:ما فتحتلكن

سلوى:لسا ،النا ساعة عم نحاول معا

دق مراد على الباب

مراد:سندس افتحيلي الباب بدي احكي معك

سندس:ما رح افتحو لحدا ،كلكن كنتو بتعرفو و خبيتو علي

مراد:طيب افتحيلي الباب لنحكي و اذا ما رح تفتحيه رح كسرو

سندس:ما رح افتحو

مراد:رح عد ل 3 ما فتحتيه رح كسرو ...1 ....2 ....

فتحت سندس الباب فات مراد و جينا لنفوت وراه؛اطلع فينا و ابتسم وسكر الباب بوجهنا ،رجعنا قعدنا نتصفن ببعض ،بعد ربع ساعة فتح الباب و طلع هو و سندس

سحر:لوين رايحين؟

سلوى:مراد ما اتفقنا هيك ،سندس بتبقى اختي و رح تبقى معنا

مراد:رايحين نتغدى بشي محل و راجعين

طلعو الاتنين و نحن بقينا انا و سحر نتحذر شو قلا مراد لسندس حتى قدر يقلبلا مزاجا ،رجعو الساعة 7 ،سمعت صوت تسكيرة باب السي

ش من شغلي

مراد:طيب طيب نحن عم نتناقش ما في داعي لكل هالعصبية

سلوى:لا انا ما عصبت ،انا بعدني رايقة

وصلني على البيت و نزلت من سيارتو انا و عم تافأف

سلوى:يالله كانو انا ناقصتك كمان

فتت على البيت و نطرت سندس ،اجت بعد ساعة ،ما حكيتا ابدا بس ارتاح قلبي شوي ،اتصل فيني مراد المسا ،فتت على غرفتي لحكيه بالهمس

سلوى:خبرتو لراجي؟

مراد:ايه ،خبرتو وخبرت العيلة كلها هيك افضل ،امي انقهرت و فاتت على غرفتا و راجي جن و صار يبكي و طلع من البيت،بقا االيوم شكلو ما رح ينام بالبيت ،ما في مشكلة بكرا بكون احسن و بتقبل الموضوع

سلوى:ايه لحمدلله ،هم و انزاح بس يا ربي كملا للاخير و تمرق هالقصة على خير

مراد:انشالله

سلوى:طيب انا رح سكر هلأ و بكرا رح تروح سندس لحالا على المدرسة؛ما رح وصلا

مراد:اي خلص ،و بس يتقبل راجي الموضوع انا بخبرو شو يعمل

تاني يوم على االساعة عشرة لبست تيابي و فتحت الباب لاطلع دور على شغل ،طلعت بوجهي انتصار

انتصار:وليه وين غاطة ؟

سلوى:اهلين انتصار فوتي

فاتت قعدت و هي عم تعلك العلكة

انتصار:لك وين رحتي ،شو عم تشتغلي هالايام

سلوى::عم اشتغل بالدوارة على شغل ،اما شو دوام غير شكل من 9 الصبح ل 4 و انا عم افتل من محل لمحل

انتصار:يييي طب ليش تركتي الشغل ولله كان راتب منيح و مرتاحة ؟اكيد السبب امو للاستاذ اياد بس ليش هيك عملت

سلوى: المهم قليلي ليش ما انت بالشغل؟

انتصار:ولله هال 3 ايام معطلين ،مبارح كان عرسو لاياد عقبال عندي و عندك

سلوى:اياد تزوج ؟

انتصار:ايه و شو عرس يا سلوى ،شي رفع و تقيل ،نيالا صاحبة النصيب بس قالو انو بنت خالتو يعني العز ما راح لحدا غريب

سلوى:كيف قهوتك؟

انتصار:سادة ،اعمليا بسرعة ما مطولة عندي نزلة على السوق

قمت فورا و فتت على المطبخ و سكرت االباب و بكيت على الساكت ،اخر شي توقعتو اياد يتزوج و انا ناطرتو ،عملتلا فنجان قهوة لانتصار بدموع عيوني؛غسلت وجهي و طلعت ضيفتا ،حسيتا انتبهت علي و على وجهي بس ما سألتني و غيرت السيرة عن عرس اياد ،شربت قهوة و راحت و انا فتت على غرفتي ابكي ،بقيت طول نهار ابكي حتى رجعت سحر و شافتني هيك

سلوى:اياد تزوج

سحر:ييييبه هالواطي ،طلع مخبى بتيابو

سلوى:ما تحكي عليه هيك

سحر:و عم دافعي عنو ،يالله ليش هيك عمل ولله كان واضح انو بحبك

سلوى:اممم لا ما بحبني ،انا الحق علي حبيتو بسرعة و نسيت شو انا و شو هو ،انا غبية

سحر:انت ما غبية بس كلن نفس الشي؛كلن بتسلو و بقضو وقتن مع بنت و وقت يجو يتزوجو ما بتزوجو الا على ذوق امن ،بتزوجو وحدة شريفة ما الها ماضي و هو بكون الها ماضي بس ما بيعرفوه ،هيك بحسو حالن انو رجال و ما انضحك علين ...خلص سلوى ما تبكي دخيل الله ...بالناقص منو ،اذا ما قدر يوقف بوجه امو و يقلا انا بدي اتزوج هالبنت معناها مانو رجال و ما بيستاهلك و ما خرج تعتمدي عليه ،انت بتستاهلي تاخدي رجال قوي و قد كلمتو وقت يحبك يتحدى كل العالم كرمالك

سلوى:ولله حاسة قلبي رح يوقف من الزعل

لفتني سحر و صارت تبكي معي

سلوى:طب انت شو دخلك ليش عم تبكي

سحر:ما بعرف يمكن تذكرت قصتي مع وائل

انفتح الباب و فاتت سندس هي و عيونا حمر و منفخين و عم تبكي

سندس:راجي تركني ،انتو السبب ما رح سامحكن بحياتي

اطلعنا انا و سحر فيا و بعد ما كنا عم نبكي انفجرنا ضحك عليا

سندس(تبكي):عم تضحكو علي ،تركني و قلي بحبك متل اختي ،قال بحبني متل اختو ..يالله

راحت على غرفتا هي و عم تحكي مع حالا

سلوى:انت قومي لعندا هالمجنونة و حكيا ،هلأ هي شهادة ما وقت تكتئب و تنطمز

سحر:حاضر اليوم انا شغلتي طبطبة على المدمرين عاطفيا

سلوى:سحر عم تشوفي وائل شي؟

سحر:ايه كنت شوفو اول فترة بس بعدين ما عاد.لمحتو و سمعت انو سفرو ابوه

سلوى:ايه احسن

سحر:...يلا لروح شوف المجروحة التانية

مرت علينا ايام صعبة كتير ،سندس عذبتنا كتير لرجعت على مدرستا و دراستا و انا كانت نفسيتي محطمة بعد زواج اياد و قاعدة بلا شغل ،الساعة عشرة الصبح رن جرس البيت و انا كنت لحالي؛فتحت الباب و طلع بوجهي مراد و عبودة

مراد_عبودة:صباح الخير

سلوى:صباح النور

سكتو الاتنين و انا انحرجت و فتحت الباب شوي

سلوى:تفضلو

فاتو قعدو بغرفة القعدة و انا فتت عملتلن قهوة و طلعت ضيفتن

مراد:وينن سندس و سحر؟

سلوى:وحدة بمدرستا و وحدة بجامعتا

مراد:اي منيح

اطلعت فيه و زورتو ،تجاهلني و قام ظرف من جيبة جاكيتو و حطو على الطاولة و انا بلشت اتوتر و هز برجلي

سلوى:شو هيدا ؟

....................

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................