أحمد: هلأ من وين ؟
كرز: ما بعرف...هاد الطريق ما بعرفو...و الغابة مليانة شجر و بتضيع
أحمد: طيب...خلينا نقعد و نحاول نصحي تسنيم هلأ
قعدنا تحت ظل شجرة....
كرز: نفسها ضعيف شوي... هلأ بتتحسن ع الهوا النضيف..ليك...قطعلي خشبتين من الشجر مشان اربطلها رجلها ..
أحمد: يلا
بحالة الكسور منثبت العضم المكسور بأي شي صلب و منربطو ببعض القمايش لحتى يضل ثابت و ما يتحرك..
أحمد: خلصتي ؟
كرز: تمام... رح تكون منيحة هلأ بتصحى
أحمد: جعت كتير
كرز: هلأ وقت الأكل ؟ لازم نطلع من هون بسرعة..لازم لحق أختي ورد
أحمد: تمام بس لنعرف كيف
كرز: قوم خلينا نمشي بأي جهة و منجرب
أحمد: و بلكي كنا عم نفوت أكتر بالغابة ؟
كرز: ما عنا غير هالحل كرز يلا..
______________________________
ماريا: كأنها عم تصحى؟
فتون: اي...
ورد: بدي مي
ماريا: اي يلا رح شربك
ورد: يسلمو ايديكي
فتون: انتي مجنونة شي ؟ كيف بتعملي بحالك هيك؟
ماريا: خلص فتون سكتي
ورد: الموت أهون علي من إني كون بضاعة رخيصة
فتون: يا حبيبي...انتي من جماعة المبادئ و الأخلاق
ماريا: خلصنا فتون... سكتي.. ليكي ورد...ما بعرف بس إذا بدك عملي حالك تعبانة قد ما فيكي بهي الحالة ما بياخدوكي لعند حدا
ورد: هو هيك
_________________________
شغف: علاء سدقني أنا مو موقعة ع هدول الوراق و لا بحياتي شفتون و الختم ما بعرف كيف وصل عليهون
علاء: شغف أنا مسدقك بس بدنا هنن يسدقونا لهيك لازم تساعديني منيح..انتي موقعة ع شي شغلة و مو منتبهة...يعني عقد عمل شراء سيارة بيت اي شي برا شركتك ؟
شغف: لا أبدا ما في هيك شي...
علاء: طيب الختم بيوصل لإيد حدا غيرك ؟
شغف: مستحيل...أنا بحطو بخزنتي و ما بطلعو غير للشي الضروري بس
علاء: طيب طيب...أنا رح ضل متابع الموضوع و انتي خليكي مصرة على أقوالك أوعك تتنازلي
شغف: مستحيل... أنا متأكدة من حكيي.
علاء: تمام...شغف
شغف: نعم ؟
علاء: أبوكي تعبان
شغف: شو كيف يعني شبو ؟
علاء: وصلو خبر باختفاء ورد و بحبسك.. تعب كتير هيك فهمت من صديقو
شغف: يا الله.... مو متحملة أكتر من هيك يا ربي
علاء: شغف...انتي قوية..اوعك تضيعي هالعادة فيكي
شغف: بس أنا بالنهاية بشر ماني من فولاذ
علاء: تحملي معليش...أنا رح ضل جنبك و رح طلعك من هون بوعدك
شغف: شكرا الك علاء..خليك عم تجي لهون ما في حدا غيرك يونسني..
علاء: رح ضل عم اجي.. و حضري حالك للجلسة و خليكي قوية
شغف: ماشي الله معك
_______________________
ياقوت: برابو...شفتي كيف قدرنا عليها
هالة: هههههه اي ولله ما توقعت شغف غبية لهالدرجة
ياقوت: و أكتر..و هلأ لازم نخلي الشركة تحت سيطرتنا
هالة: ليش مو الشركة تحت الحجز ؟
ياقوت: أنا بدبر كلشي لا تخافي...
هالة: تمام تمام هههههه
____________________
كرز: أحمد...بلشت تعتم الدنيا و ما قدرنا نوصل لمخرج
أحمد: ما بعرف...شو بدنا نعمل ؟ خلينا قاعدين هلأ ما رح نقدر نشوف شي ع العتمة... رح اشعل نار
كرز: كيف ؟
أحمد: انتو الدكاترة ما بتعرفوا
كرز: بالله! و شو دخل بقا ؟
أحمد: ههههه و لا شي بس يعني مالك بهيك شغلات
كرز: ممممممم.... جوعانة
أحمد: هلأ وقت الأكل ؟
كرز: بلا غلاظتك هلأ
أحمد: هلأ بخلص شعل النار و بشوف شي شجرة فيها شي يتاكل
كرز: ورجيني كيف بتشعل النار
أحمد: شوفي...بتاخدي حجر كبير و عود خشب...و بتخلي العود يفتل فوقو و يحتك معو مشان يشعل...ها..شفتي بلش يطلع نار
كرز: لك اي ولله صح
أحمد: و هلأ منحط خشب أكتر لتشعل النار
كرز: مممممم منيح...ليك بلشت تفيق تسنيم
أحمد: اي
كرز: تسنيم...تسنيم عم تسمعيني ؟