@rwayate
لين: شكلو مهتم فيكِ يا شهد
شهد بلامبالاه: هو حس بالذنب لأني اتبرعتلوا بالدم وهاي كل القصة
لين بشرود: يمكن
شهد: وانا إذا شفتوا بدي فهموا يحل عن طريقي
__
أحلام بقلق: وين مسافر اخوك يا هاني ليش ما اتصل فيني وحكالي
هاني حاول ان يكون جادا: شكلو عندو مؤتمر او اشي وأجالوا بشكل مفاجئ
غسان: اهدي يا احلام ولادتك ما عادوا صغار.. يلا يا هاني ع الشركه
*
كانت تشاهد ع اليوتيوب عن أجهزة الحماية والأمن
دخل إليها هاني فأوقفت ما تشاهده
لين: خير في اشي
هاني: خلصت شغلي في اشي أعملوا
لين: اجلس
هاني: وهيني جلست
لين: تفضل هاد التصميم
هاني: بس هاد مش كامل
لين: عارفه ناقصوا اشياء بسيطه معك نص ساعه ويكون جاهز أقصاها ساعة
هاني: اشتغل هين عادي
لين: براحتك
بدأ بالعمل وهي بدأت تكمل ما تشاهده واضعه السماعات في أذنيها
بعد مدة من الوقت
هاني: شو بتحضري يا لين
لم تسمعه
نهض وبخفة أزال السماعه عن أذنيها
نظرت له باستغراب
لين: مالك؟
هاني: كنت بحكي معك مش سامعتيني
لين: بعتذر في اشي
هاني: شو بتحضري
لين: عن اجهزة الحمايه
هاني باستغراب: ليش بتحضري هيك اشي
لين بارتباك حاولت اخفاؤه: هيك اعجبني الفيديو وعم أحضروا
هاني بشك: اه
لين بِخفة: شو مطول
هاني : ضايل آخر اللمسات
لين: عم أنتظر يا مهندس
هاني رافعا حاجبه: شو قولنا
لين تنهدت: تعرف بتذكرني بأخي الله يرحمه
هاني: الله يرحمه
لين: تعيش.. كان اسمو هاني نفسك ولو عايش هو بسنك كان مثل تصرفاتك لما اكون حاطه السماعات بذنيي
هاني بابتسامه: طيب اعتبريني اخوكِ يا لين ولا ما بنفع
لين : تنفع ونص يا هاني
هاني بسعاده وفخر: طبعا يصحلك أخ مثلي
لين تنظر له باستخفاف: قوم ع مكتبك وفرجيني عرض كتافك يلا
هاني بضحك: ما حزرتِ انت قلتِ انا اخوكِ وما بتقدري تطرديني
لين بابتسامه: طيب يلا شوف شغلك
هاني: ماشي
______
مرّ يومان في إحدى الليالي
شهد: يا الله شو نعسانه يا راما
راما: روحي ارتاحي شوي لأنه الليل بأولوا
شهد: ياريت بس اذا ما شافتني ميادة بتعملي عرس
راما: هههه
شهد ياشهد
شهد بضيق: جبنا سيرة القط
راما بضحك: إجى ينط
جاءت إليهم
ميادة: في مريض كنتِ مشرفة عليه روحي شوفيه وهو في غرفه 201
شهد بضيق: ماشي
..
طرقت الباب ودخلت وعندما رأته قالت بامتعاض: هو إنت داخلي بالسحب
معتز: افندم شو بتقولي
شهد: سلامة سمعك يا إخي
معتز رافعا حاجبه باستنكار: يا اخي؟!
شهد: هو مش عاجبك يا اخي ولا يابني آدم شو بعجبك
معتز: هوفش الي اسم ولا شو
شهد: بتتذكر شو قلتلك المرة اللي فاتت ما تطلبني اطلب حد غيري
معتز باستفزاز: بصراحه جيت الصبح ما كنتِ مداومه فرجعت بالليل
شهد بحدة:شو بدك يا اخي حل عني
معتز: قلتلك دخلتِ دماغي
شهد: لا والله إنت تغيرت لما عرفت اني تبرعتلك بالدم فشكلك شايفها ثقيله عليك اعتبرني ما اتبرعتلك وحل عني يا
معتز: ادفعلك مصاري حق الدم ما بتشوفيني
شهد نظرت له بصدمه
معتز: شو قلتِ
شهد بكبرياء: انا مستحيل أوخذ منك فلوس قصاد اشي عملته من نفسي
معتز: إذن طيب تعالي غيرلي على الجرح
شهد بضيق: ارفع قميصك
بدأ بفك أزرار القميص
شعرت بالإحراج من منظره
شهد بحرج: قلت بس ارفع شوي مش ضروري تفتحوا كلو
معتز: شو مستحيه اكيد بتشوفي اكثر من هيك
تجاهلت كلامه وباشرت عملها وخرجت دون أن تتفوه معه بكلمه أخرى
معتز مع نفسه: غير عن البنات بس عنيدة وراسها يابس بس انا بلينوا وطبعا مارح خليها تكمل شغل بالمشفى شو شغل ليلي ممنوع عندي
قاطعت كلماته يسرى: شو يا سيادة الضابط عم تكلم نفسك شو بلشت تهلوس هههه
نظر لها بحنق وشعر بالاشمئزاز وخرج سريعا