الجزء الثاني
نائل : بلاها اختي بربك كرمال عيوني بلاها ما رح تتحملي وانا كمان مارح اتحمل .. هلأ بخلي السواق يجي ياخدك روحي ارتاحي و قولي للخدم شو يعملو وشو يحضرو .. اتفقنا ؟
كاميليا : وامي ؟
نائل : امي رح تنام لبكرا وانا بجنبا هلأ لا تخافي
كاميليا : ماشي .. يلا خبر السواق يجي فعلا انا تعبانة كتير
وصلت كاميليا الفيلا دخلت عالجنينة اول شي .. اتطلعت حواليها ..
( مبارح قبل ما تطلع كنت عالمرجوحة انا .. وجيت انت قعدت بجنبي وصرت تمزح معي .. مبارح اتطلعت بعيوني وقلتلي اني احلى اخت بالدنيا وضميتني .. وقلتلي انك رح تعرفني على حبيبتك كمان .. وانا كنت رح عرفك على رامي .. انا وانت كنا رفقات واخوات وكلشي .. ليش رحت وتركتني ؟ )
اجت الشغالة من بعيد ...
لونا : اهلين انسة كاميليا طمنينا على لؤي بيك ؟
كاميليا : ها ؟ عم تحكي معي ؟
لونا : اي عم بسألك شلون صار لؤي بيك ؟
كاميليا : اي اي .. الله يرحمو
قالت الكلمة ومشيت كم خطوة ووقفت سمعت صوت الشغالة عم تبكي التفتت لعندا ..
كاميليا : عم تبكي ؟
لونا : انتي عم تمزحي صح ؟
كاميليا : لأ .. بس عيوني ما عم تنزل دموع خلصت دموعي من كتر ما بكيت .. قلبي عم يصرخ .. رح يوقف ما عم اتخيل حياتي بدونو .. بس شو اعمل ؟ فيني رجعو ؟
لونا : كان كتير منيح .. يعاملني متل اختو وما يتكبر علي ابدا .. كتير كان قلبو طيب
كاميليا : روحي خبري الكل جوا يحضرو قهوة سادة لبكرا ويلبسو اسود .. انا بدي فوت عالبيت وبس حس اني بقدر اطلع من غرفتي رح اطلع منها لعند امي عالمشفى
لونا : شبها نهال خانم ؟
كاميليا : برايك ام راحت تزور ابنا بالمشفى خبروها انو مات شو رح يكون وضعا ؟
لونا : ( تبكي ) الله يخفف وجعكن ويصبر قلبكن
كاميليا : امين .. انا رح ادخل لجوا واطلع على غرفتي لا حد يجي الا ازا في شي ضروري كتير
طلعت كاميليا على غرفتا .. فاتت واتسطحت عالتخت .. حطت وشا عالمخدة وكتمت صرختا وصارت تبكي بحرقة
مسكت موبايلا كان مكسر .. فتحت الدرج وطالعت موبايلا القديم وحطت الشريحة جواتو ... ودقت لرامي
رامي : الو
كاميليا : اخي ماااات يا رامي .. تركني ورااااح اخي رااااح
رامي : الله يرحمو ويصبركن اهدي يا قلبي اهدي
كاميليا : كان روحي .. وعمري وحياتي كان دنيتي يلي بعيشا واكسجيني يلي بتنفسو
رامي : والله حاسس فيكي .. بس روقي ولا تبكي ما فيني شوفك زعلانه .. ما فيني شوفك بتتوجعي وانا ما عم احسن ساعدك
كاميليا : تعال عندي هلأ
رامي : هلأ ؟ لا مستحيل الوضع عندكن ما بيسمح اني اجي ..
كاميليا : عم قلك تعال هلأ محتاجتلك رح طق رح موت بنقعد بالجنينة .. بس تعال
رامي : خلص خلص حاج تبكي ليكني جاي .. اعطيني العنوان بالزبط
كاميليا : مرة كنت معك و وصلتني انت نسيت ؟
رامي : ما نسيت اني وصلتك حبي بس مو معقول اتزكر الفيلا مكانا واسما وكلشي من مرة وحدة وصلتك عليها صح ؟
كاميليا : ماشي .. اكتب العنوان عندك .........
بعد ربع ساعة ...
رامي : الو حبي انا على باب الفيلا انزلي
نزلت كاميليا فتحتلو الباب وضمتو وصارت تبكي .. لف ايديه ورا ضهرا وشدا لعندو ..
رامي : كوكي .. حياتي .. عمري .. روقي يا عمري .. الله يرحمو يارب .. انا معك انا جنبك .. حاج تبكي
ضلت تبكي لحتى دموعا بللت تيابو
رامي : اتطلعي فيني حبي ( مسك وشا ورفعو وقرب من وشا )
كاميليا : قولك رح اتحمل الحياة من بعدو ؟
رامي : حاج تعزبيني
كاميليا : انا عم عزبك ؟
رامي : حاج تعزبيني بحزنك ما فيني شوفك حزينة وعم تبكي
كاميليا : هي السيارة يلي ورا لشو اجت معك ؟
رامي : كلن عم يحرسوني
كاميليا : اي خليهن يحرسوك .. ياريت كان وائل عندو سيارة كلا حرس او حتى حارس واحد يدافع عنو .. ما كان يحب مشان الناس ما تفكرو متكبر
رامي : شوفي كم الساعة يا قلبي .. انا لازم روح جيت مشان ما تزعلي بس
كاميليا : دير بالك على حالك امانة .. ما بدي اخسر حدا بعد هلأ كتير صعب الفراق
رامي : ولا يهمك حبي وانتي ارتاحي .. واتزكري اني معك وجنبك وبحبك
راح رامي ورجعت كاميليا على غرفتا .. نامت من تعب البكى والقهر .. شافت كابوس مرعب كتير .. شافت انها واقفة بوسط بحر دم وعم تبكي وترجف و وائل غرق بالدم لحتى اختنق .. هي وصل الدم لعند انفا وصارت تصرخ وتنستنجد لحتى اجا شخص ما بتعرفو مسك ايدا وطالعا من هاد البحر
صرخت بقوة وفتحت عيونا ... شهقت شهقة قوية وبكيت كتييير .. مسكت المخدة بإيديها وشدت عليها وهي عم تبكي بصوت مخنوووق .. مسكت موبايلا ودقت لنائل ..
كاميليا : الو
نائل : اي معك
كاميليا : كيف صارت امي ؟ طمني عنها
نائل : لسا ما فاقت بس اكيد تعبانه .. لسا كلنا بدنا وقت لنستوعب الصدمة ( غص بدمعتو ورجف صوتو ) بس لازم نستوعبا مشان ناخد بتار اخي ..
كاميليا : اجي لعندك ؟
نائل : لا ما في داعي .. ارتاحي للضهر بتج