قناة

📚قصص||روايات||منوعة📚

@rwayate
📚قصص||روايات||منوعة📚
23.9k
عددالاعضاء
218
Links
2,827
Files
17
Videos
767
Photo
وصف القناة
قصص و كتب pdf 💚📚 محبي القراءة في نعيم لا يدركه غيرهم... لا تشيخ أرواحهم وعقولهم ولو شاخت أجسادهم.💚 فهرس القصص👇🏻💗 @rwayattt للتواصل @Rwayate_BOT بإدارة💙✨ ⴅÂÐЄĦÂ حسابي الانستغرام💚🌿👇🏻 https://instagram.com/madeha_alyan?igshid=YmMyMTA2M2Y=
Link
0
2.9k
11:112018/01/30
قـصة تانية: #دموع_الياسمين
.....
قراءة ممتعة💙🌸"
#ⴅმძ3Һค
Link
0
2.9k
11:112018/01/30
#دموع_الياسمين_بقلم_حلا_الشويكي

#قصة_واقعية

الجزء الأول + الثاني + الثالث + الرابع + الخامس + السادس + السابع #انتهت

الجزء الأول

الثقة .. لا تعطيها لأحد الا مرة واحدة .. فإذا خانها ارفع له يدك والق عليه السلام .. وارحل !

ياسمين : مرحبا خالتي

سهاد : اهلين حبيبتي

ياسمين : بتقلك امي وين رح نتجمع بيوم استقبال احمد ؟

سهاد : رح نتجمع عند مها .. ليش مو امك يلي حاكتني ؟

ياسمين : والله حكتلي دقلك اسألك وطلعت من البيت ههههه

سهاد : وين راحت ؟

ياسمين : ما بعرف

سهاد : طيب بس تجي خليها تدقلي

ياسمين : حاضر خالتي

سكرت الخط وقامت شغلت المسجلة .. رفعت شعراتا و بلشت تشتغل بالبيت

كانت عم ترقص مع الموسيقى وتشتغل .. وتغني بصوت عالي .. كانت فراشة عم تطير وتهدي بكل مكان بالبيت
خلصت شغل البيت وقعدت .. فتح باب البيت ودخلت امها ومعا اغراض راحت بسرعة اخدتن منها ...

ياسمين : لو اخدتيني معك كنت ساعدتك

سعاد : مو مشكلة .. حكيتي مع خالتك ؟

ياسمين : اي .. بتقلك تجمع الإستقبال عند خالتي مها

سعاد : اي ماشي

كانت رح تمشي ورجعت ..

ياسمين : ونسيت خبرك بتقلك دقيلا

سعاد : ماشي هلأ بس ارتاح شوي بدقلا

ياسمين : امي شو بيقربلنا هاد احمد يلي متلبكين فيه ؟

سعاد : ابن ابن خالي

ياسمين : وكل هاللبكة ؟

سعاد : اي لأنه كنا نحب خالي كتير الله يرحمو .. وبنحب ابنو كتير .. لهيك لازم نحترم احمد ونستقبلو استقبال يليق بمحبتنا لخالي وابنو صح ؟؟

ياسمين : مممم صح بس انا ليش اجي ؟؟ ليكني ببقى بالبيت بشتغل وبعمل بوشار وبقعد بتسلى لتيجو ما بحب الجمعات الكبيرة بضوج منها

سعاد : لا بدك تتعودي عالجمعات وبكرا بس تتجوزي بدك تحكي لجوزك خليني بالبيت ما بحب الجمعات ؟

ياسمين : ههههههه لمتى عم تحسبا امي بكير امي بكير عهالحسابات

سعاد : لا ابدا مو بكير

ياسمين : حاضر رح روح معك

سعاد : الله يرضى عليكي .. وبعدين بتتعرفي عمرتو بيحكو عنها منيحة وطيوبة ما شفتا ولا مرة بس تشوقت شوفا من كلامن

ياسمين : ههههه اي بنتعرف

اتصلت سعاد على سهاد واتفقو يخبرو الكل انو الجمعة رح تكون عند اختن مها ..

في يوم الإستقبال ...

لبست ياسمين فستان زهر طويل وعليه شال اسود .. حطت ميك اب خفيف كتير ونزلت شعراتا على كتافا .. ملامحا كانت ناعمة وحلوة .. عيونا العسليات مع الكحل كانو بيسحرو ..

دخلو على جنينة بيت خالتا مها .. رافعة فستانا بإيدا وماسكة جزدانا بإيدا التانية ..

سعاد : تعالي نسلم على احمد ومرتو ليكن قاعدين مع خالك اسعد

ياسمين : امي والله بخجل روحي انتي سلمي

سعاد : عيب ما بيصير صبيه انتي لازم تسلمي عليهن

ياسمين : حاضر

مشيت ورا سعاد بنعومة خطواتا .. وكانت خجلانة كتير

سعاد : والله ونورت البلد كلا .. الحمد لله عسلامتك

احمد : ( عم يتطلع على ياسمين ) الله يسلمك .. مين الأمورة يلي معك ؟

سعاد : هاي بنتي .. لك ليش متخبية تعالي سلمي .. هاي بنتي ياسمين

احمد : اهلين يا ياسمين .. بعرفك وقت كنتي هالقد طولك ( نزل ايدو لتحت خصرو ) بس بعدك حلوة متل ما انتي الله يحميكي

سعاد : هاي مدامتك ؟

احمد : اي .. بس ما بتفهم عربي كتير فيكي تحكيلا Hi بترد عليكي غير هيك ما بتفهم ههههه

ياسمين : انا بعرف احكي انجليزي شوي

احمد : يلا احكي معا ( ضحك )

رجعت ياسمين لورا ووشا احمر من الخجل ( ولي بشو ورطت حالي انا دوبني بعرف احكي هاي وباي وهاو ار يو وهالكم كلمة يلي تعلمتن بالإبتدائي )

ياسمين : تشرفت فيكن .. الحمد لله عسلامتكن .. رح روح لعد خالتي سهاد سلم عليها

مسكت فستانا ومشيت خطوتين وتفشكلت ووقعت .. اتطلعت حواليها وهي دايبة من خجلا .. اتجه احمد لعندا ومعو سعاد ..

احمد : خير خير ؟ هاتي ايدك ( مدلا ايدو )

اتطلعت ياسمين بسعاد بعصبية .. و حطت ايدا بإيد احمد وقامت

ياسمين : ( بخجل ) شكرا كتير

راحت لعند سعاد معصبة ..

ياسمين : مو قلتلك ما بدي اجي ؟ ليكي عالخجلة يلي طلعت فيها

راحت لعند سهاد .. عم تبكي من الخجل ...

سهاد : شبك خالتي في شي ؟

ياسمين : ما شفتيني بس وقعت قدام الكل هنيك ؟

سهاد : لا والله .. صارلك شي موجوعة شي ؟

ياسمين : لا بس خجلت .. ماني متعودة البس كعب وفستان طويل عطول بتفركش وقلت لامي ما بحب هالجمعات وما بدي اجي ما خلتني ابقى بالبيت .. ياريتني ما جيت

سهاد : ولييي شو جدبة عم تبكي مشان وقعتي ؟

رفعت عيونا واتطلعت بالغلط على الطاولة يلي قاعد عليها احمد .. شافتو عم يتطلع فيها ومبتسم

ياسمين : معك مراي خالتو ؟ بدي زبط الكحلة اكيد شطت من الدموع

سهاد : لا والله .. فوتي زبطيها جوا وسلمي على خالتك مها هي متلبكة شوي لهيك مانها موجودة هون عم تشرف الطباخين جوا مشان العشا

ياسمين : ماشي

قامت ياسمين وفاتت وقبل ما توصل الباب ...

احمد : ياسمين

ياسمين : ( التفتت بخجل واستغراب ) نعم ؟

احمد : توجعتي شي ؟

ياسمين : لا ابدا ما فيني شي

تزكرت ياسمين الكحلة يلي شطت من دموعا وحطت اصبعتا تحت عينا ومسحت ..

احمد
Link
0
2.9k
11:112018/01/30
: بكيانة ؟

ياسمين : بلا ما تشوفك مرتك واقف معي وتزعل .. بدي روح

احمد : ههههه مرتي اجنبية ما بتغار متلكن
......

الجزء الثاني

ياسمين : متلنا ؟

احمد : اي قصدي المرأة العربية بشكل عام بتغار كتير ..

ياسمين : يمكن هههه اسمحلي روح هلأ

اتطلع احمد فجأة ورا ياسمين ومشي بلا ما يستأذن .. اتلفتت ياسمين تشوف ليش هيك عمل وما حسنت تفهم شو القصه

بقيت محتارة .. وكملت طريقا لجوا سلمت على خالتا و زبطت الميك اب وطلعت ..

رجعت عالجنينة .. بس هالمرة اختفى احمد من قداما وصار ازا شافا ما يتطلع فيها ابدا ..

اجا وقت العشا .. الكل قعد على الكراسي وبقي كرسي فاضي وكان كرسي مقابل كرسي احمد .. رجعتو ياسمين لورا وقعدت .. بس فورا قام احمد من مكانو وبدل الكرسي مع ابن خالتا لياسمين .. استغربت ياسمين من تصرفاتو كتير

سعاد : شبو ليش بس قعدتي قام من مكانو ؟

ياسمين : شو بيعرفني انا ؟ شكلو معو انفصام شخصية

سعاد : هسسس عيب شو هالحكي

بعد العشا استأذنو ورجعو عالبيت ..

نورس : شبها زعلانة ؟ فايتة عالبيت معصبة

سعاد : بنتك الها الف مزاج ههههه شو بيعرفني عنها انا .. بس هي بالحفلة وقعت وبعدا من الإحراج بقيت معصبة

نورس : وكيف كانت الحفلة ؟

سعاد : اشتهيتك معنا .. بتجنن يعني مو اغاني ورقص حفلة هادية ياريتك جيت

نورس : بتعرفيني ما بحب هالجمعات

سعاد : وبنتك طالعتلك ماشالله عم جريتا جر مشان تروح معي

نورس : وبس راحت وقعت وعصبت

سعاد : هههه وحطت اللوم علي كمان بتقلي مو قلتلك ما بدي اجي شفتي هالخجلة يلي طلعت فيها ؟ ههههههه

ياسمين : عم تحكو علي ؟

نورس : اي كيف صرتي بعد الوقعة موجوعة شي ؟

ياسمين : لا مو موجوعة بس ما عاد روح على هيك حفلات لو اموت .. لك لو امي بدا تتبرى مني بالجرايد الرسمية ما رح روح معا على هيك جمعات

بعد اسبوع ...

نورس : شو رأيك نعزم احمد عنا ؟

سعاد : مو انت ما بتحب الجمعات ؟

نورس : بس عيب هيك الكل عزمو شي على غدا وشي على عشا .. الا نحنا

سعاد : اي والله معك حق

اتصل نورس بأحمد وعزمو هو ومرتو لعندن ...

في يوم العزومة ...

دق باب البيت ودخل احمد لابس طقم .. و كانت شخصيتو بتجنن وشكلو بيجنن عيونو عسلي و لون بشرتو ابيض .. ومسرح شعرو بطريقة حلوة كتير ..

احمد : مرحبا

نورس : اهلين يا ابني تفضل

كانو كلن واقفين جنب بعض مشان يسلمو عليهن .. وصل لعند ياسمين ووقف اتطلع بعيونا نظرة تحدي وقهر و قوة نظرة فيها كتير معاني .. سلم عليها وشد على ايدا .. اتطلعت فيه بإستغراب ..

على الغدا ...

كان احمد عم يتصرف بطريقة راقية كتير .. ومرتو طبعا طول الوقت ساكته ما بتعرف تحكي عربي .. واي سؤال يسألوها ياه يترجملا ويرد عليهن شو حكت ..

كان بين كل كلمتين يتطلع بياسمين ويبتسملا ..

كانت ياسمين عم تراقب حركاتو وتصرفاتو .. نسيت الكل وصفنت بعيونو ..

بعد الغدا .. الكل عم يحكي ويضحك ويشرب عصير .. والجو كتير رايق .. وبالصدفة اجت سيرة الفيسبوك ..

نورس : والله يا عمي ما بفهملو لا انا ولا سعاد .. بس بنتي بتعرفلو منيح

اتطلعت ياسمين بنورس بصدمة ..

ياسمين : انا ؟

نورس : هههه شبك مصدومة اي انتي ..

احمد : وشو اسمك عالفيسبوك ؟

ياسمين : اسمي ... اي متل ما انا ياسمين نورس

احمد : لحظة لشوف صفحتك

طالع الموبايل وبحث عن اسما .. وياسمين وشا احمر متل الدم من الخجل ..

احمد : هاي صفحتك ؟

ياسمين : لا ..

احمد : اي وحدة فيهن ؟

قربت ياسمين مشان تفتحلو صفحتا نزل شعرا على وش احمد .. رفعتو بسرعة وفتحتلو عالصفحة .. اتطلعت بعيونو وكان نفسا قريب من نفسو كتير ..

ياسمين : هاي هي

ابتسملا ابتسامة خفيفة .. تنحنحت ياسمين وبعدت عنو ..

ياسمين : احم .. احم .. اييييي شو بدي قلك يعني فيك توصل لكل العيلة عن طريق حسابي لأنه عندي كل العيلة .. اي حد بدك ياه بتلاقي بصفحتي

احمد : يسلمو

بعد ساعة ..

احمد : ( اتطلع عالساعة ومسح على شعراتو بإيدو ) يالله بنستأذن ..

نورس : بكير

احمد : من عمرك .. ( اتطلع على ياسمين وفتل وشو عنها ) الأيام جاي .. باجي شي يوم على سهرة .. انبسطت معكن كتير والله لا تواخذوني مرتي ما بتفهم عربي ابدا لهيك ساكتة وبتوزع ابتسامات هههه

سعاد : دخيل قلبك وقلبا .. مو مشكلة ابتسامتا بتجنن كأنها حكت وزيادة

طلع احمد من عندن .. ودخلت ياسمين بدلت تيابا ورفعت شعراتا وبلشت تشتغل بالبيت .. وتتزكر كلامو وحركاتو .. ضحكتو وريحة عطرو ..

( لا لا مستحيل .. مين هو لحتى اعجب فيه الظاهر الشوب عم يحرقلي مخي ما عاد قدرت فكر ههه قال ضحكتو بتجنن وريحة عطرو حلوة .. لا لا كلا اوهام بس الساعة والكندرة عنجد بيجننو وبيدلو على اناقتو وزوقو الحلو والراقي باللبس .. اي بس هاد ما بيعني ابدا اني معجبة فيه اصلا متجوز )

شالتو من بالا وكملت شغلا ...

عالساعة 12 بعد نص الليل .. رنت نغمة الماسنجر استغربت ياسمين ما في حد بيبعتلا بهيك وقت ..

- مين ؟

انا احمد

- مين احمد ؟

احمد .. شبك نسيتيني اليوم تغديت ع
Link
0
1.7k
11:112018/01/30
ندكن لسا

- اها .. اهلين

ازعجتك ؟

- لا بس تفاجأت ما حد بيبعتلي بهيك وقت

يعني ازعجتك ؟ بعتزر منك ما قصدت

- لا ولا يهمك

الجزء الثالث

سكرت الماسنجر .. ونامت

تاني يوم الصبح .. دق موبايلا ..

ريماس : هاي ياسمينووو

ياسمين : يعدمني صباحك .. حد بيتصل بحد الساعة 8 الصبح ؟ شو عم تحلمي فيني

ريماس : اي والله حلمت فيكي شلون عرفتي ؟

ياسمين : ريماس احكي شو بدك بدي روح نام

ريماس : حلمتك واقعة ببير عميييييق .. عميق كتير وعم تستنجدي

ياسمين : اي ؟ وقت احلامك لأن

ريماس : خليني كمل تضربي

ياسمين : كملي لنشوف اخرتا

ريماس : كنتي عم تستنجدي وفي شب واقف عم يتطلع فيكي ويضحك .. كان الشب هاد رفيقي انا .. يعني رفيق قديم لألي بس تجوز وسافر .. كان واقف جنب البير وعم يضحك عليكي وانتي عم تستنجدي

ياسمين : دخلك حلو رفيقك ؟ مشان ازا مو حلو سبو لانه عم يضحك علي

ريماس : تضربي شو بتموتي بالمسخرة

ياسمين : طيب وشو صار فيني ؟

ريماس : انا انقذتك

ياسمين : لا تنقذيني مرة تانية مشان ما تفيقني من الساعة 8 ... يلا باااي

ريماس : ههههههههه باي

فاقت متل دايما نشيطة و حضرت فطور وافطرت مع سعاد ..

ياسمين : اني عبالي روح لعند ياسمين .. مليت من البيت بدي غير جو

سعاد : روحي بس لا تتأخري

ياسمين : ماشي

لبست ياسمين وراحت لعند ريماس .. كانت ياسمين بالنسبة لريماس رفيقتا ومتل اختا تحبا وتخاف عليها .. ما كانت ترضى ابدا حد يحكي عليها او يزعلا ..

ريماس : جيتي بوقتك جهزت الأركيلة

ياسمين : بدك امي تقتلني ؟

ريماس : لك وشو عرفا ؟

ياسمين : بخاف هههه .. كيفك انتي ؟؟

ريماس : الحمد لله .. حاكاني رفيقي هلأ قال بدو يشوفني ضروري وانا يلي كنت مفكرتو مسافر لسا .. اجا من السفر وارتاح وبعدا حاكاني والله غير اقلب وشي فيه بس شوفو وازعل .. مشان يعرف ما يحاكيني اول ما يوصل .. انتي كيفك ؟؟

ياسمين : هههههه وانا اجا قرايبنا من السفر من اسبوعين .. وعملتلو خالتي حفلة استقبال

ريماس : خالتك مين ؟

ياسمين : بس قلك حفلة ببيت خالتي مين بتتوقعي ؟

ريماس : مها او سهاد

ياسمين : بالزبط مها هههههه والله لا يورجيكي شو صار فيني بالحفلة

ريماس : ( عم تسحب سحبة من الأركيلة ) هاتي لنشوف احكيلي

ياسمين : وقعت قدام الكل تفشكلت اما شو فشكلة

ريماس : ( عم تكح ) ههههههه وليييي لك كان لازم تحكي هلأ متت راح نفسي اختنقت .. كان صبرتي لانفخ السحبة بدك تروحيني انتي

ياسمين : عم تضحكي .. والله انا دبت من خجلي وبكيت

ريماس : لحظة بدي رد عرفيقي هههههه وقعتي قلتيلي .. الو اي اصلا انا زعلانة منك لك ما تزكرتني الا هلأ .. اها اي منيحة هي شبها ؟ عنجد عم تحكي انت ؟ والله ما خبرتني ولا شفتا اصلا هالفترة طيب .. خلص ماشي بتطمنلك عليها بنحكي بعدين وبنتفق متى نلتقي انا وانت وبحاول اقنعا تيجي يلا سلام

ياسمين : عن شو عم تحكي ؟

ريماس : هاد حبيب رفيقتي وبنفس الوقت رفقة انا وهو .. عم يقلي انها تركتو .. يا الله يا ياسو لو تشوفيهن شو تعزبو بحياتن .. بيحبو بعض لدرجة جنونية

ياسمين : ليش ما تجوزو ؟

ريماس : اهلا ما قبلو وهو بس شاف الوضع مستحيل كل هالقد سافر من البلد مشان ما يشوفا .. هي ما تجوزت بس هو تجوز

ياسمين : يقطع عمرو ليش تجوز كان نطرا كان حارب الدنيا كرمالا

ريماس : حارب الدنيا كلا وما الهن نصيب سوا

ياسمين : لك ليش عم تحكي نصيب .. قولي غبائها وغبائو فرقهن لا تقولي نصيب .. ما ترمي كل حمل غباء البشر وقلة حيلتن عالنصيب

ريماس : والله ما بعرف .. لك خدي سحبة والله طيبة

ياسمين : هههههه هاتي .. ( بتكح ) يخرب بيتك شلون بتسحبي متعبة كتير ولي جيبيلي مي

ريماس : لا المي بتخليكي تتعبي اكتر استني بس تروقي بجيبلك بيبسي او عصير المي مو هلأ

ياسمين : انا متأكدة انك بدك تخلصي مني تضربي شو هاد وطعما ابدا مو طيب

ريماس : ما رح تكبري عن عمر الإبتدائي ههههههه

ياسمين : ازا الكبر بهالشي يلي بسحب منو وبموت ما بدي اكبر .. المهم كفيلي قصة رفيقتك

ريماس : ما تركو بعض ابدا .. حتى بس تجوز كان يتصل مكالمة دولية من برا لهون شوفي شو بتكلف .. بس مشان يسمع صوتا

ياسمين : اووووه الحب .. وشو صار ؟

ريماس : اتصل فيني اليوم الصبح بيقلي بدو نلتقي انا ما كنت بعرف انو اجا اصلا ههه وهلأ بيقلي شوفيلي شو اخبار نور .. وخبرني انها تركتو بس والله ما فهمت شي ولي شو حشرية انتي هههههه

ياسمين : بتأثر بهيك علاقات .. فورا ببكي ( تبكي )

ريماس : دخيلو الحساس

ياسمين : لك ما بتحمل شوف حبيبين مفترقين بحس الوجع بقلبي انا

ريماس : طيب امسحي دموعك تضربي شو حساسة على اساس عمرك جربتي الحب ولا حد فارقك ههههه

ياسمين : مو لازم عيش الوجع لحس فيه بس انا بعرف انو شي بيوجع بحط حالي مكانا لو عيش ذكريات واشتاق وغار يمكن انتحر من القهر .. لك مو سهلة وربي

ريماس : طيب شو تشربي يا حساسة ؟

ياسمين : بدي روح انا .. بستأذن

طلعت من عند ريماس والدمعة بعدا عم تلمع بعيونا .. مشيت با
Link
0
1.5k
11:112018/01/30
لطريق شافت مرة عجوز بدا تقطع الشارع راحت مسكت بإيدا .. كملت مشي وشافت طفل عم يبيع علكة عطتو مصاري وما اخدت منو شي ..

الجزء الرابع

بقيت تمشي وهي عم تفكر ..

( يا الله شو بخاف من الحب مشان ما فارق الشخص يلي بحبو بعد ما اتعلق فيه .. بخاف حب شخص يجرحني ويتركني انا ما فيني عيش بوجع الحب .. انا بتأثر بأي حالة فراق وكأني عايشتا .. بس ولا مرة جربت مرارة الإحساس يارب ما بجربو ابدا )

بعد يومين ...

مكالمة ماسنجر ...

احمد : مرحبا

ياسمين : اهلين

احمد : كيفك ؟

ياسمين : بخير الحمد لله وانت كيفك ؟

احمد : الحمد لله .. مو منيح متدايق تعبان

ياسمين : متدايق ؟ تعبان ؟

استغربت ياسمين من كلامو لأنه ما في بينن حكي ليفضفضلا .. سكتت شوي وكملت حكي ..

ياسمين : خير خير ؟ شو في ؟

احمد : انا مالي حد احكي معو لهيك حكيتك رح اوثق فيكي ونصير رفقات انا بحاجة حد فضفضلو واحكيلو عن وجعي حسيت انك طيوبة ..

ياسمين متل المصدومة ما عم تعرف تحكي شي ..

احمد : الووو معي انتي ؟

ياسمين : اي معك .. اكيد بنصير رفقات .. بس مرتك لازم تعرف

احمد : مرتي اساس الزعل .. ماني مرتاح معا عاداتن وتقاليدن بتفرق عن عاداتنا وتقاليدنا ..

ياسمين : بعدك ما تعودت على عاداتن وتقاليدن ؟

احمد : ولا رح اتعود .. لك صارلي 10 سنين بأمريكا وما عم اتعود على البلد ولا على مرتي ..

ياسمين : انت اصلا ليش سافرت ؟؟

كانت عم تحكي معو برسمية .. تسألو سؤال وتسكت تسمعو شو رح يحكي وترد جواب بسيط كتير ..

احمد : سافرت .. مشان اشتغل

ياسمين : ما بقي شغل بالبلد لتسافر وتتجوز اجنبية ؟ المهم لا تدايق رح تتعود عليها وعلى عاداتا وتقاليدا وتتعايش معا اكتر

احمد : طيب انا رح سكر وارجع دقلك بس روق تعبان كتير

ياسمين : سلامتك .. لا تتعب ابدا هاد نصيبك بدك ترضى فيه

احمد : بنحكي بعدين

سكر الخط وصفنت ياسمين بالشاشة بقيت تتصفن وتتزكر يلي صار وتحاول تستوعبو .. ( يعني ليش دقلي الي يفضفضلي ؟ ما عرف يدق لحدا من خالاتي ؟ ما بعرف شو القصة بس مبين على صوتو عنجد متدايق )

قامت من مكانا رفعت شعراتا وربطتن منيح .. راحت عالمطبخ عملت كاسة شاي ورجعت قعدت بغرفتا .. دق باب الغرفة

ياسمين : مين ؟

سعاد : انا

ياسمين : فوتي امي

سعاد : قلقتيني شبك فايقة ؟ مو بعادتك تسهري وتعملي شاي وتقعدي هيك

ياسمين : اه ؟ مو على بالي نام حابه اسهر شوي

سعاد : طيب لا تتأخري بالسهرة مشان ما تتعبي

ياسمين ولا يهمك حاضر

طول الوقت عم تفكر .. شو يلي خلاه يتصل ويفضفضلا ؟ وليش امنلا ووثق فيها بلا ما يعرفا ..

( اووووه طلع الصبح وانا لسا ما نمت )

رفعت الغطا على حالا و سكرت عيونا ..

بعد ساعة صرخت صرخة قوية .. انتفضت من مكانا ..

سعاد : شبك شو صارلك ؟ بسم الله عليكي .. اشربي مي

ياسمين : اول مرة شوف كابوس بشع كل هالقد .. كنت ماشية ووقعت ببير ..بير عميق كتير كتير

سعاد : خلص لا تكملي .. اشربي مي ونامي لا ترجعي تفكري بالحلم ..

غطتا وطلع وهي خايفة ووشا متغير .. ( بنتي رح توقع بمشكلة ... البير ابدا مو منيح بالمنام الله يستر )

بعد يومين ...

دق باب بيتهن وطلعت سعاد فتحت الباب ...

ياسمين : مين اجا امي ؟

سعاد : هاد احمد

ما بتعرف ياسمين ليش تلبكت ... ورجفت وتزكرت مكالمتو معا .. ورجعت تحاول تنظم انفاسا مشان تهدى ..

سعاد : جيبي العصير وتعالي

ياسمين : ماشي

مسكت العصير وفاتت تقدمو .. كانت لابسة بنطلون جينز اسود وتيشيرت احمر ..

ياسمين : مرحبا

احمد : اهلا بالقطة

سعاد : ياسمين قطة ؟ هههههه

احمد : لكن نمرة ؟

سعاد : القطة بتخرمش بتعض بتإذي .. بس بنتي مستحييييل تإذي حد

احمد : القطة بتإذي يلي بيإذيها

سعاد : ياسمين ما بتإذي حتى يلي بيإذيها تخيل ؟؟

اتطلع احمد بباسمين نظرة مكر .. اتطلع فيها وكان عم يطلع شرار نار من عيونو ..

احمد : اي مبينه .. نسمة ما بتجرح ابدا .. ابدا

ابتسمت ياسمين بخجل وعفوية ..

راحت سعاد عالمطبخ وبقيت ياسمين مع احمد لحالهن بالغرفة ..

احمد : ممكن احكيكي اليوم بالليل ؟

ياسمين : ( رفعت عيونا واتطلعت فيه ) .........

احمد : خلص السكوت علامة الرضا لكن

رجعت سعاد من المطبخ وسكت احمد .. استأذن مشان يمشي ..

سعاد : بكير .. هلأ جيت لسا

احمد : ( اتطلع بياسمين ) والله جيت شوفكن وروح

سعاد : طيب فنجان قهوة

احمد : خلص ماشي ما رح قول لا مشان اكسب شوفتكن اكتر ..

كانت نظرات احمد لياسمين كلا اعجاب و وراها شي مخفي .. سر ما عم تقدر توصفو نظرات

شرب القهوة واستأذن ومشي من عندن .. للحظة وقفت ياسمين عم تحاول تفهم نظراتو لألها ..

( هي نظرات اعجاب ؟ بس ليش كان عم يجحرني كل شوي وبس اتطلع عليه يبتسم !! معقول هو معجب فيني وخايف يخبرني ؟ او خايف من مرتو ؟ شو يلي عم بيصير ؟ طيب وانا ليش مهتمة ؟ لا وعم فكر واحكي مع حالي كمان ههههه )

سعاد : ياسمين صاراي ساعة عم بحكي معك .. نضفي المكان قبل ما يجي ابوكي بتعرفيه بيحب الرتابة والنضافة

يا
Link
0
1.5k
11:112018/01/30
سمين : اسفة امي كنت شاردة

سعاد : وين شاردة ( ضحكت وخبت ضحكتا ) كتير عم تشردي هالفترة ليش ؟

ياسمين : انا ؟

الجزء الخامس

سعاد : هههه خلصي شغلك وتعالي نسهر سوا .. جبت بزر وكولا وتسالي كتير مشان نسهر سهرة حلوة على فيلم التايتنك

ياسمين : امي انا ليش اسهر معكن ؟ اسهري انتي وابي انا ليش اقعد بالنص وعكر صفو سهرتكن ؟

سعاد : ولي عليكي من وين جايبة هالحكي .. روحي اشتغلي ما بتستحي انتي ( تضحك )

راحت ياسمين تشتغل وحضرت التسالي .. حطو فيلم التايتنك ..

ياسمين : طيب ليش ما بدن ياها تتجوز جاك

سعاد : لأنه فقير .. وهنن متكبرين يعني مو مناح

ياسمين : بس هو بيحبا وهي بتحبو .. وما بدا تاخد غيرو

سعاد : ياسمين احضري وانتي ساكته شبك هلكتيني كل شوي سؤال

ياسمين : حرام ما يتجوزو .. بيتجوزو شي ؟؟

سعاد : ياسمين كل مرة بنشوف الفيلم بتعيدي نفس الحكي حافظتيه عن غيب انتي

بآخر الفيلم ..

ياسمين عم تبكي وتشهق وعيونا حمر متل الدم ..

سعاد : ياسمين فوتي على غرفتك لسا كل مرة بنشوف فيلم بتبكي وبتنوحي .. تمثيل هاد مو عنجد لحتى تبكي كل هالقد

ياسمين : اي رح روح نام .. انتو ما بتحسو فيني انا ما بتحمل شوف فراق وقهر وبكي حتى لو تمثيل .. تصبحو على خير

فاتت على غرفتا وهي عم تمسح دموعا .. مسكت موبايلا كان عم يدق احمد عالماسنجر .. ردت بصوت مبحوح من البكي ..

ياسمين : الو

احمد : مرحبا

ياسمين : اهلين

احمد : شبك صاير شي ؟ ليش هيك صوتك ؟

ياسمين : مات

احمد : شووو مين مات ؟

ياسمين : جاك مات

احمد : مين جاك ؟

ياسمين : حبيب روز .. مات

احمد : ( صفن شوي ) ههههههه قصدك عفيلم التايتنك

ياسمين : اي

احمد : هههههههههه وليش زعلانة مات مليون مرة عالتلفزيون وليكو عم يحضر لفيلم جديد

ياسمين : عم تضحك الله يسامحك ما حد حاسس بمشاعري بتعب نفسيا بس شوف حبيبين افترقو بختنق بحس الوجع فيني

ضحك احمد ضحكة مسخرة وكمل حكي ..

احمد : ايي اييي حساسة .. بتقدري نحكي شوي ؟

ياسمين : اي

احمد : ياسمين ممكن نصير رفقات ؟ انا ما الي حد حاكيه ويسمعني .. ما عندي حد يخاف علي ويهتم فيني

بحكم انو ياسمين كانت عاطفية وحساسة كتير .. وافقت على علاقة الصداقة تصير بينو وبينا ..

ياسمين : بس مو اكتر من صداقة .. اتفقنا ؟

احمد : اي اتفقنا

بقيت علاقتن ايام .. كان يفضفضلا ويشكيلا من ظروف حياتو .. قويت علاقتن واتحولت لإعجاب .. بس حاولت ياسمين تتجاهل هالمشاعر

بعد شهر ...

احمد : بتعرفي شي ؟

ياسمين : شو ؟

احمد : انتي فيكي كل صفات البنت يلي بحبا بشرتك البيضا عيونك الواسعات جمالك العربي الجذاب بحبو .. قلبك الطيب عاطفتك واحساسك

ياسمين : انو شو ؟

احمد : فكري بكلامي .. شو رأيك ؟ شو بيكون ؟ رح اتركك تفكري وبكرا بنحكي .. تصبحي على خير

سكرت الخط وصفنت .. ( معقول قصدو انو بيحبني ؟ لا لا لا ما بدي .. اصلا هو متجوز مستحيل .. ريماس بتفهم بهالشغلات رح روح و استشيرا بكرا شو بتقلي رح اعمل )

تاني يوم من الضهر راحت ياسمين لعند ريماس ..

ريماس : ليش عيونك حمر ؟

ياسمين : لك تعبانه .. ما نمت من مبارح

ريماس : خير انشالله شبك ؟

ياسمين : ( حطت ايدا على تما و عم تتاوب ) لك اعمليلي فنجان قهوة بدي احكي معك

بعد نص ساعة ..

ريماس : واخر شي قلك فكري ؟

ياسمين : اي

ريماس : ومتجوز ؟

ياسمين : لك صارلي ساعة عم فهمك القصة

ريماس : اي بس ما فهمت انا شو دخلني ؟

ياسمين : تضربي اي .. لك شو رأيك ؟

ريماس : لا تقبلي

ياسمين : خلص ماشي وانا هيك بقول كمان

اتطلعت ريماس فيها وضحكت بإستغراب ..

ريماس : جيتي وانتي بلا نوم مشان تحكيلي هالكم كلمة وانا قلك كلمتين وعلى طول تقتنعي ؟ طيب ناقشي

حطت فنجان القهوة من ايدا ...

ياسمين : بدك الصراحة انا معجبة فيه بس خايفه من علاقتنا

ريماس : شو اسمو ؟

ياسمين : احمد

ريماس : لحظة .. اسمو احمد ؟ وعايش برا ومتجوز امريكية ؟

ياسمين : اي اي شبك مصدومة ؟

ريماس : لا تقبلي .. لا تقبلي خلص

ياسمين : بتعرفيه شي ؟

ريماس : لا شو يعرفني فيه ؟

ياسمين : طيب انا بدي روح نام نعسانه كتير

ريماس : ديري بالك على حالك .. لا تقبلي اي ؟

ياسمين : حاضر

رجعت عالبيت وصارت تفكر بردة فعل ريماس بس سألتا عن احمد عن تعابير وشا وعن طريقة كلاما ..

الساعة 12 بنص الليل ...

احمد : مرحبا

ياسمين : اهلين

احمد : شو يا حلوة فكرتي ؟

ياسمين : بشو فكرت ؟

احمد : انتي فاهمة قصدي

ياسمين : ......

احمد : انا بحبك

تسارعت نبضات قلبا .. وتلبكت كتير وسكرت الخط بلا استئذان .. بعد ربع ساعة رجع دقلا ..

احمد : لك وين رحتي ؟

ياسمين : تلبكت ما عرفت جاوبك

احمد : لأنك بتحبيني

ياسمين : لا .. ما بحبك .. وشلون حبك وليش حبك ؟

احمد : بتحبيني

ياسمين : لا ما بحبك

احمد : طيب لا تتركيني خلص متل ما بدك لا تحبيني بس انا بحاجتك لا تتركيني

ياسمين : ماشي

احمد : ورح تتأكدي اني بحبك وبدي ياكي

ياسمين : لك احمد لا تجلطني ومرتك ؟ مرتك
Link
0
1.5k
11:112018/01/30
شو ؟؟

احمد : لك ياريتني عرفتك قبلا ياريت الزمن بيرجع واخدك الك

ياسمين : وهلأ انت متجوز ما فيني كون معك .. ما فيني

الجزء السادس

تاني يوم .. دق باب البيت وراحت ياسمين تفتح .. كانت لابسة بيجامة وشعرا مو زابط .. فتحت الباب واتطلعت بأحمد ونزلت عيونا بالأرض من خجلا ..

ياسمين : تفضل

احمد : ( كتم ضحكتو واتطلع فيها من فوق لتحت ) الظاهر جيت بوقت مو مناسب ؟

ياسمين : لا ابدا ليكا امي جوا تفضل

دخل احمد لجوا .. وياسمين خجلت تتحرك بالبيجامة قدامو .. استغلت انو فاتل وشو على امها وعم يحاكيها وركضت عالمطبخ .. حطت ايدا على صدرا وتنفست بعمق .. تلخبطت دقات قلبا بس شافتو .. في شي عم يجذبا لألو

فاتت بدلت تيابا وعملت شاي وطلعت قدمتو .. بس كانت هي اول مرة تشوفو بعد ما قلا بحبك كانت المشاعر مختلفة كانت كتير متلبكة

بنفس اليوم بالليل دقلا ..

احمد : على فكرة كنتي بتجنني بالبيجامة

ياسمين : لا تحكي معي هيك بخجل

احمد : اصلا اكتر شي بحبو فيكي هو خجلك وبرائتك

ياسمين : .....

احمد : اوثقي فيني .. انا بحبك من قلبي وبدي ياكي .. مرني ما رح طول معا .. ماعم نفهم على بعض خصوصا بس رجعت لهون وهي معي ما عم تتأقلم ابدا

ياسمين : ما بدي

احمد : لك اعترفي انك بتحبيني حاج دلال

ياسمين : ما .. بحبك شو غصب ؟

احمد : طيب براحتك بس انتي بتحبيني هههه

مرت الأيام وكانو احمد وياسمين عم تزيد علاقتن ببعض وتعلقت ياسمين فيه كتير .. لحتى اجا اليوم يلي اعترفتلو فيه انها بتحبو ..

احمد : كمان اليوم رح تنكري انك بتحبيني ؟

ياسمين : لا ما بنكر .. انا بحبك بس امنتك على قلبي لا تجرحو

احمد : معقول اجرح قلبك ؟ انا بعشق قلبك البريء الحنون الطيب ..

تغير صوتو للحظة .. اختنقت نبرتو ..

ياسمين : احمد شبك ؟ في شي ؟

احمد : لا بس فرحان كتير لأنك قلتيلي بحبك وامنتيني على قلبك

ياسمين : انا وثقت فيك وانت قد انك تحفظ هالأمانة وتصونا صح ؟

احمد : صح

بعد اسبوع من بداية علاقة الحب المشتركة بيناتن

ريماس : لك مو قلتلك بلالك هالعلاقة ليش انتي غبية ؟

ياسمين : لك شبك .. بحبو بحبو

ريماس : ياسمين لا تجني اتركيه .. اتركيه انا ما بدي اجرحك وقلك انو عم يتضحك عليكي اتركيييي

ياسمين : بس انا متأكدة انو يحبني

ريماس : لا يا مجنونة ما بيحبك

رجعت ياسمين خطوتين لورا وصفنت شوي ..

ياسمين : لحظة انتي شو عرفك انو ما بيحبني وكيغدف يعني ما بدك تجرحيني ؟

ريماس : اقعدي لقلك بس اهدي وحاج تصرخي فيني

ياسمين : احكي

ريماس : تتزكري رفيقي يلي تركتو حبيبتو ؟

ياسمين : مين ؟

ريماس : لك ركزي معي .. مو قلتلك رفيقي اجا من السفر وكان يحب بنت وسافر مشان ما يشوفا وتجوز برا وبس رجع تركتو ؟

ياسمين : اي ؟

ريماس : لك شو اييي شو اييي هاد هو

ياسمين : لا في شي غلط .. انا بستأذن

ريماس : اقعدي ... اسمعي مني ياسمين انتي ما بتتحملي هيك صدمات تركيه انتي لا تسمحيلو يجرحك

ياسمين : اتركي ايدي وما تدخلي فيني ابدا ابدا

كانت اول مرة تتصرف مع ريماس بهالطريقة .. الحب خلاها تتصرف بلا تفكير .. رجعت عالبيت فاتت على غرفتا و قعدت عالتخت حطت ايدا على تما وصارت تبكي بحرقة مسكت موبايلا وهي عم ترجف وطلبت من احمد يتقابلو ضروري

احمد : لك .. حب شو شبك ؟

ياسمين : انت كنت تحب قبل مرتك او لا ؟

احمد : ......

ياسمين : وبقيت معا لبعد الزواج او لا ؟

احمد : خلص ياسمين خلص شبك انا بحبك انتي وبس .. ما بحب غيرك

ياسمين : ( عم تطلع بعيونو ودموعا عم تنزل ) احلف بحياة اغلى شي عندك انك بتحبني

احمد : وحياة هالعيون البكيانة .. بحبك ( مسحلا دمعتا )

سندت راسا على صدرو وصارت تبكي ..

ياسمين : كنت خايفه تروح مني انا كتير بخاف من الفراق

لأول مرة كانت نظرتو الها بلا اي حقد ولا اي شر .. لفا بإيدو وضما اكتر مشان تهدى .. هاللحظة كانت اللحظة يلي صدقتو فيها ياسمين بلا اي شك .. وثقت فيه بلا اي خوف

كملو سوا بعلاقة حب .. وبطلت ياسمين تحاكي ريماس وصارت تتهرب منها ازا حاولت تحاكيها

مع الأيام صارت تحس بتغيير احمد .. احمد صار ما يحكي معا حكي حب كتير .. وما عاد يحاول يشوفا ويتقرب منها ..

ياسمين : احمد .. انت بعدك بتحبا ؟

احمد : هففف الف مرة قلتلك لا بحبك انتي وبس

ياسمين : شبك عصبت علي ؟ عم بسألك !

احمد : شي مليووون مرة سألتيني هالسؤال

ياسمين : اي لأنك متغير .. ما عاد طلبت تشوفني ولا عاد حكيتني متل اول

احمد : بس انا بحبك انتي نسيتا .. نسيتااا

صدقتو من جديد وامنت بصدق كلامو .. كملت معو وبقيت تتعلق فيه كل يوم اكتر واكتر وتحبو اكتر واكتر

وبيوم اجت لعندا ريماس ..

ريماس : خالتو بدي شوف ياسمين ضروري

سعاد : فوتي بس والله هي بس عرفت انو انتي فاتت وقفلت الباب شبكن انتي وهي كنتو اقرب من الاخوات لبعض شو صاير بينكن ؟

ما ردت ريماس وفاتت وهي معصبة وصارت تدق على باب غرفتا بقوة لحتى فتحتلا وعيونا عم يطالعو شرار من القهر ..

ياسمين : شو بدك ؟؟

ريماس : هلأ بدي نح
Link
0
1.7k
11:112018/01/30
كي سوا انا بشو زعلتك اه ؟

ياسمين : ....... ( اتطلعت فيها نظرة قهر وعيونا عم تلمع من الدموع )

ريماس : احكي بشو زعلتك ؟

الجزء السابع

ياسمين : فوتي ( شدتا من ايدا دخلتا لجوا وسكرت الباب ) اعطيني موبايلك

ريماس : شو بدك فيه ؟

ياسمين : مو انتي بدك اقتنع بكلامك ؟ اعطيني موبايلك وافتحي على اسم احمد

ريماس : وامك يا مجنونة ؟

ياسمين : مو هاممني شي .. اعطيني او اطلعي برا وانسيني

ريماس : خدي

كبست ياسمين على زر الإتصال و غيرت نبرة صوتا شوي .. ودقتلو من موبايل ريماس

ياسمين : الو

احمد : اهلين ريماس

ياسمين : كيفك ؟

احمد : هههه شبو صوتك ؟

ياسمين : جريب بسيط مافي شي .. شو بدي قلك

احمد : قولي

ياسمين : حبيبتك اليوم اتصلت فيني

تغير صوت احمد .. تلبك كتير ..

احمد : بربك ؟؟

ياسمين : اي وسألتني عنك كمان ... هي مرضانة كتير

احمد : شبها ؟ فيها شي ؟ احكي شبك سكتتي شبها ؟

ياسمين : اي هي عرفت انك عم تحكي مع بنات مرضت من الغيرة

احمد : هي بتعرف اني ما بحكي مع بنات واني بحبا .. بس هلأ عم بحكي مع بنت وحدة هي كانت سبب فراقنا

ياسمين : سبب فراقكن ؟

احمد : اي قلتلك عنها هي يلي كانت واقفة معي بالحفلة وشافتا حبيبتي وفهمت غلط وتركتني .. لك قلتلك عنها هي يلي غارت منها وتركتني بسببا

ياسمين : شو اسما ؟ نسيت شو قلتلي اسما ؟

احمد : ياسمين

اتطلعت ياسمين بريماس .. نزلت الموبايل عن ادنا والدموع متل الشلال عم تنزل من عيونا .. رجعت رفعت الموبايل وكملت حكي

ياسمين : وكيف بدك تنتقم منها ؟ وهي شو زنبا ازا حبيبتك تركتك لأنها غيرانه عليك منها يعني حبيبتك لو بتحبك ما كان تركتك بس لأنها شافتا واقفة معك

احمد : رح انتقم منها لانها كانت سبب فراقنا حتى لو مو قصدا .. رح خليها تتعلق فيني لتموت واتركا وربي لأشربا من نفس الكاس يلي شربتو يا ريماس

رجعت ياسمين الموبايل لريماس وخبت ايديها بوشا وصارت تبكي بحرقة

ريماس : ما كنت بدي تنجرحي .. بعرف كل هالحكي كنت بس ما كنت بدي خبرك كنت بدي تجي منك تتركيه قام تركتيني الي

ياسمين : والله ما بعرف بكل هالحكي ولا قصدت فرقن لك انا كل تصرفاتي كانت عفويه .. والله ما بعرف انو هيك صار

ريماس : وهاي كمان نقطة اصلا حبيبتو ما بدا ياه .. لهيك عملتك حجة لتتركو .. قالتلو ليش واقف معا ؟ هو حب يتغالظ قلا بربك مانا حلوة ؟ تركتو .. السبب مو مقنع والبنت هي بدا تتركو وانتي السبب الوحيد يلي طلع بوشا

ياسمين : لك اصلا شلون اجت عالحفلة هي ؟

ريماس : هي بتكون رفيقة بنت خالتك

ياسمين : ماشي .. ماشي خلص لازم اهدى انا اصلا ما كان لازم اوثق فيه .. ما كان لازم امنلو

ريماس : اهدي .. امك عم تدق الباب امسحي دموعك وروقي

سعاد : شبها عم تبكي ؟

ريماس : ما بتعرفي بنتك ؟ بس بدا شي تبكي عليه هههه

سعاد : طيب خدي العصير من ايدي حبيبتي

ريماس : يسلمو خالة

بعد ساعة ...

ريماس : اوعديني تبقي بخير .. والله خايفة عليكي انتي ياسمين وفعلا رقيقة متل ورقة وردة الياسمين

ياسمين : كنت رقيقة .. كنت حساسة انا ما عاد فكر الا بسعادتي .. انا ما عاد بدي حد بدي الكل يطلع من حياتي وابقى لوحدي عايشة على وجه الكرة الأرضية

ريماس : حاج تبكي .. حاج ياسو .. تتزكري حلم البير يلي انا طالعتك منو وكان رفيقي عم يضحك ؟

ياسمين : اي

ريماس : احمد كان رفيقي يلي عم يضحك وانتي بالبير بالحلم ..

ياسمين : وانا شفت نفس منامك بس جيت احكيه لماما ما خلتني كفي

ريماس : وانا طلعتك من البير بس لا ترجعي توقعي فيه .. لازم روح انا تأخرت عالبيت

ياسمين : الله معك

بعد ساعتين اتصلت ياسمين بأحمد واتفقت معو يلتقو برا ..
بس شافتو غصت بدمعتا .. حاولت ما تتلبك ..

ياسمين : مرحبا

احمد : اهلين حبيبتي

ياسمين : انا جيت شوفك مشان تطلع بعيوني منيح .. هي عيون بنت ممكن تفرق حبيبين ؟ ممكن تتسبب بوجع فراق حد ؟

احمد : ( تلبك ) عن ش .. ش .. شو بتحكي

ياسمين : انا كتير بعتزر ازا كنت سبب دمار حياتك وعلاقتك مع حبيبتك .. انا كتير اسفة ازا كنت حلوة بالحفلة وحبيبتك غارت مني وتركتك انا اسفة على ذنب ما عملتو .. بس عنجد ما قصدت انا لو متت اهون علي من اني فرقك عن يلي بتحبا

احمد : ياسمين انا ....

ياسمين : وتأكد اني مستحيل حب شوفك زعلان لأني ... ( غصت بدمعتا ) لأني ما بحب شوف اي حدا زعلان ومجروح .. دير بالك على حالك .. وتأكد انو هالقلب يلي كسرتو بيحبك كتير

احمد : اوووف انا عنجد بحبك .. يمكن ببدايتا كنت بدي انتثم منك بس هلأ انا بحبك

ياسمين : وانا ببساطة ما عاد اوثق فيك .. ولا عاد صدقك

مشيت خطوتين ووقفت اتطلعت لورا ..

ياسمين : بس تأكد كمان .. انو لو حبيبتك بتحبك ما كانت تركتك لسبب تافه .. بس لأنك عم تحكي معي تركتك .. لانه هي بس بدا فرصة تتركك .. انا مو السبب .. ابدا ابدا

كملت طريقا .. ودموعا ما عم توقف .. واحمد عم يتطلع فيها بحسرة وقهر .. وكل ما عم تبعد خطوة عم تزيد دموعا لانها بتعرف انو هاد اخر لقاء .. والشي يلي
Link
0
2.4k
11:112018/01/30
كانت عم تبكي عليه بالأفلام صار معا وحرقلا قلبا حستو وعاشتو

#انتهت
رسالة من بطلة القصة

انا تعزبت كتير .. تعبت من بعدو بفراقو صرت اتخيلو بكل مكان .. جرحلي قلبي جرح عميق كتير .. مرضت وانهرت وبقيت شهر كامل 30 يوم بلا اكل .. وعيت على حالي .. انا معي بكلوريا بس ما كنت دارسة جامعة .. قدمت للجامعة وبلشت ادرس .. وخلصت دراستي .. ما بنكر اني لسا بحبو .. وبس اسمع اسمو بيدمعو عيوني بس ما وقفت حياتي عندو .. بحن لحظات وبضعف بمسك الجوال مشان حاكيه .. بتزكر الدمعة يلي متل النار نزلت بسببو .. بتزكر قلبي يلي كسرو .. ما بدقلو ولا بحكيه لأنه هو راح وبيجي غيرو .. بس كرامتي ازا راحت .. ما برجع بوثق بحالي .. انا فقدت ثقتي بكل الناس بس ما فقدت ثقتي بحالي ابدا .. بتعامل مع الكل بحدود .. لأنه على طول بشك انو يلي قدامي عم يخبيلي ورا بسمتو سم .. رح يقتلني فيه بيوم من الأيام
Link
0
3.0k
11:112018/01/30
مشاركات مشابهة

الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com

الرئیسيه
المجموعات و القنوات
Disclaimer

All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com