فاتت لجوا نارماء ولقت الدنيا قايمة قاعدة بالمطبخ ...وبلشت تساعدهم بالتنظيفات وضب الأكل .....وبعد شوي
الطباخة : سمعي......كأنو حلل الهدوء برا ؟؟؟؟
نارماء : اي ...صح ..مدري ليش ....وإذ بتجي ثريا وبتفتح باب المطبخ بسرعة معجوقة : ..تعالو تعالو .....الكل طلع للحديقة وصاروا عند البوابة عم يودع الملك والملكة برا ...بسرعة
ركضت لبرا الطباخة ومسحت أديها @rwayate بتيابها من المي ووراها نارماء اللي وهي مارة بغرفة الضيوف لمحت ظرف على الطاولة عند الخزفيات مسكتو وقرت اللي مكتوب عليه ..انفلجت ....(.مصيبة )...أخدتو وركضت لبرا ....
الكل عم يودع بالتلويح بالأيادي ....والمستشارة عم اضبطب وتساعد الملكة بقعدتها جوات العرباية اللي بيجرها أربع أحصنة :
المستشارة: ..تروحوا وترجعوا بالسلامة يا مولاتي ...صارت تبكي وتمسح دموعها بمنديلها المطرز
الملكة : له له يا مسنشارة ....قعدي قدامي لشوف ......لا تبكي حبيبتي ...هي مو أول مرة منسافر فيها لبلاد بعيد وبالبحر وانت بتعرفي هالشي ....القصر بحاجتك هلأ ....ديري بالك منيح بغيابي ...بدي كل شي متل مابعرفو ...وانتي ما بينخاف عليك ...بعرفك قدها وقدود .....
المستشارة نفخت بحالها : اكيد ...اكيد يا مولاتي .....كللو متل مابدك رح يصير ....
واجى الدوق الأكبر وباس إيد أمو عم يودعها ....وامو وأبوه عم توصيه بكتير شغلات بالقصر ...والأخ الأصغر عم يتفرج ورح يجن لأن على طول الاهتمام بالكبير وهو مبين طمعان بشي .......واجت جلنار كمان سلمت ع الملكة وهي مو طايقتها بس تمسيح جوخ ......قرب انمار وهمستلوا الملكة بكم كلمة ....مرة فرح ومرة اتدايق ....وراح من عندها شبه مهزوز ........كمان توليب كان الها النصيب الأكبر من التسليم ........مع امها ......
اللي عم يقود العربة: مولاتي نحنا جاهزين حتى ننطلق ....باست المستشارة إيدها للملكة ....وطلعت من العرباية وطلع الملك ....وصاروا جاهزين @rwayate حتى يمشوا ........
(((هييييييي هاااااا تيااااااا .)))..وتحركت هالعربابة والملكة طلعت راسها عم تلوح للكل مع الملك ..اللي فوت راسوا بعد لحظات من الشباك من التوديع
واذ في حدا من بعيد لمحتو عم يركض .......لك مين هي ؟؟؟؟ صرخت: وقف ..وقف
الملكة متوترة : في حدا عم يركض لهون .....وقفت العرباية .....
وفتحت الملكة العرباية ....: شو في حبيبتي
نارماء ( تلهث )ورافعة إيدها بإيدها الظرف : هي ....هي .....كححح كح
على مهلك على مهلك يا بنتي ...طلعي لجوات العرباية لفوق حتى تاخدي نفس وراحة .....طلعت نارماء ....ومدت إيدها وعطتها الظرف للملكة . @rwayate
نارماء شوبت وعرقت من كتر ماركضت فقامت الامطة من راسها وانفردوا شعراتها وهي عم تهوي فيها عم تتصفن بالشباك وتتنفس وتمسح عرقها بكمها المكشكش
مسك الملك الظرف من إيد مرتو الملكة ؟؟؟؟
الملك : لك هاد ظرف العقود اللي بيننا نحنا والمدينة الشمالية ......كيف نسيناه ....بتعرفي منيح اللي جابتو هال...واطلع الملك والملكة بنارماء ..فجأة أجتهم الجمدة ووقفت عيونهم عن الحركة ...رح ينفلجوا ... نارماء بعالم تاني ...عم تهوي وعم تطلع بالشباك مو منتبهة لسى ..اندارت لما حست بهدوء غريب ..اطلعت فيهم ولقتهم بهل الحالة ....!!!!!ماعرفت شبهم ....
نارماء خايفة : عفوا ..مولاي ..مولاتي .....في شي ...أنا آسفة إذا زعجتكم .....انا طالعة
مسكتها الملكة قبل ماتروح ....وقربت وجهها لعندها إجتها لنارماء قشعريرة كبيرة : عفوا يا مولاتي في شي
مو معقول ......مو معقول .....زوجي شوف ..شوف
الملك ملؤم: اي شفت .........لاتردي تفتحي هالسيرة انا مليت منها
لك ما رح احكي شي ...بس ..دقق معي @rwayate معقول هالحكي ...
..قربتها ضمتها عم تعانقها بقوة وراسها على كتفها عم تلحمس على شعرها ...ولسى نارماء مافهمت شي ..بس حست بدفا حضن الملكة لقلبها ...وحست بالطمأنينية اللي اول مرة بتحس فيها .....
الملكة رفعت راسها عن كتف نارماء: مو معقول شو بتشبهيا ......
مين يا مولاتي ؟؟؟؟
بدها تحكي الملكة بس قاطعها الملك : لا تذكري اسمها قدامي بنوب ......سمعتي ....يلا تأخرنا وصار لازم نمشي.....خلصيني .
الملكة زعلت لأن بقلب جوزها لافيه شفقة ولا رحمة .حكت وعينها بجوزها ..: خلص يا حبيبي الشي اللي مضى راح ....نساه
بالنسبة الك راح ....بالنسبة الي @rwayate خرب الدنيا كلها ...فضيحة اسمها هي .......فضيحة بتعرفي شو يعني فضيحة ؟؟؟؟؟
خلص لا تحكي بعرف شو بدك تقول ....
....اطلعت بنار ماء اللي مو فهمانة كلمة وحدة من اللي عم تسمعو .....قربت لعندها الملكة اكتر لعند وجهها: فعلا انك بتشبهيا ...بتعرفي ماعندي وقت ...بس حبيبتك يا بنت ....شو اسمك
نارماء .....
كيف وصلتي لعنا ؟؟؟
انا جارية واشتراني السيد أنمار ......لهيك انا عندكم ....
اي تذكرتك انتي اللي كنتي مع الصغيرة توليب ...وانقذتيها من السيوف ....صح ؟؟؟
اي انا ......