الحلقة الثلاثون
#الأسيرة_بقلم_كنانة_غميان
@rwayate
ماحصل قبل الحرب الثانية :
طلعت نارماء بسرعة وفاتت لعند السيد آدم حتى تفوت بالممر السري ......متل المرة الماضية ..بس اللي صار
السيد آدم : ...صح في حرب ..وصح في ناس بدها معونة ..بس ...ما بعتقد في داعي حتى تروحي يا نارماء ...من الطريق السري .
ليش؟؟؟؟خليني روح يا سيد آدم ...شو فيها...كتير بخاف ترفض المستشارة
طالما مالك عاملة شي غلط ..والسيد أنمتر بنفسو وافق الشي اللي عم تعمليه ..طلعي من الباب الأمامي ...وخلص
طيب متل مابدك ....أنا رايحة .......وهي ماشية وقفها : استني .......دقرت نارماء ووقفت خايفة عم تعرق
أنتي متأكدة أنك رايحة لعند الناس وتساعديها يا نارماء؟؟؟
إي ...ليش ؟
سمعي يا نارماء ...مابعرف ليش قلبي مو مطمن على روحتك هي ...بس بدي منك ما تعملي شي غلط ....فهمتي ...وعديني يانارماء ....وعديني أنك.فعلا رايحة لعند الناس وتساعديها مو شي تاني
(سامحني )حاضر ...بوعدك ......وراحت نارماء .....وطلعت من القصر بحجة تساعد الناس وهالمرة طلعت هية وثريا سوا .......وصاروا يمشوا حتى يصلوا للكوخ ...وهنن بالطريق
ثريا : نارماء ...سمعس ..بدي قلك شغلة شاغلتلي بالي ...وخايفة كتير منها
قولي ..شبك ؟؟؟شو في يا ثريا ؟
مبارح بالليل قبل ماروح على بيتي ...سمعت شغلة ..حسيتها خطيرة
شو هية ..احكيلي
ما بعرف كيف بدي احكيلك ....(سكتت)
يييي هلأ قلتيلي منشان ما تحكيلي ؟؟؟
طيب سمعي ...نادتلي السيدة شمس منشان أعملها كاسة حليب لبنتها توليب ...وجبلها ياها ع تختها
حلو ...وأنا وين كنت؟؟؟؟
كنتي برا ..عم تاكلي لفاليف السكر ....وقت لحقك السيد أنمار
ممم..اي طيب ...كملي ...وبعدين.
طلعت بدي جبلها كاسة الحليب ...بس كانو الكل تقريبا قاموا عن السفرة ..شي برا عم يشرب الشاي وشي طلع لينام وصار لازم شيل السفرة بتعرفي ...بس لازم جيب كاسة الحليب للصغيرة توليب .......وبعدين رحت طلعت ع الدرج ...وبدي اصل لغرفتها ...وأنتي بتعرف أنو غرفتها صايرة بالطابق التاني بس بالصدر
اي صح ......وبعدين
المهم وأنا ماشية .....سمعت حكي بين تنين ...شب وبنت ...حكي خطير طالع من غرفة حدا منهم بس ماعرفت مين تشوشت من الأفكار والحكي
أوف لهدرجة ...
وأكتر يا نارماء ...عم يقول الشب: أن مخطط المعركة تبدل لمكان قريب من الوادي ...وبنفس الوقت صار قريب من القصر !!!!
أوف ...عنجد ؟
أي ...وعم يقول بس العدو اللي بيعرف ...وهالشي عملوه لشي معين ...يعني مستقصدين هالشي .....مدري ليش
اي وا .. ......وبعدين
البنت بتقلوا أنو خايفين ننكشف ....خاصة أن المحرمة مو مبينة
ليش ما حكيتلي جوا هالحكي ومن مبارح ؟؟؟
أنتي ما كنتي منيحة ولما ناديتلك ما رديتي ...وديت كاسة الحليب ورجعت كملت شغلي ورحت على بيتي ...بس شو ...قلبي عم يرقص من الخوف ....
نارماء سكتت وعم تفكر .....
ثريا: خفت كتير يا نارماء ...كأنهم عم يخططوا يعملو شي غلط بجيشنا ....والخونة من قلب القصر كمان .ما بتتخيلي أديش قلبي رجف
معك حق .....وهلأ صار لازم يعرفوا بتغيير الطريق جيش السيد نبال .....منشان ما يصير هجوم على القصر والبلدة ...بكل الأحوال لازم جيشنا يعرف
طيب ...وشو رح تعملي
رح اكتب رسالة وابعتها بعد ما اتنكر لحدا من الجنود ...ويبعتها للملك ..
اي منيح ....ريحتيني ....يلا تعالي ليكنا وصلنا للكوخ .....(عملت هي وياها متل المرة الماضية وراحت نارماء .....بس )
وبعد ما خلصت الحرب التانية
عند السيد نبال
أنمار ركض بساحة المعركة ....ولقى اللي بدو ياه ...فك الشاش عن يد السيف وأجتو الصدمة .....فات ع الخيمة لعند أبوه عم يصرخ متفاجأ : أبي ...أبي
شبك ...شبك شو لقيت ؟؟؟
أبي هاد سيف الشبح الأسود ...شوف إيدوا .....مو ملاحظ متلي ؟
لا...مو كتير ...شو شايف أنت؟
أبي هاد ملكنا ....تبعنا ....تبع جدودنا ولوووو
شو عرفك أنت يا أنمتر .؟؟؟
لأني شفتو.......وسكت ..وحط إيدو على تمو...وباش يتذكر .....
شبك يا أنمار شو صرلك؟؟احكي شفتو وبن
أبي ..سمعني منيح ...لما كنا بالقصر الريفي هالسيف بالذات مسكتو نارماء وأبدت إعجابها فيه وحبتو كمان .....بس مو معقول يكون الاي عم فكر فيه صحيح ......أنا لازم أرجع ع القصر وحالا
وأنا جاي معك .....يا جنود أي حركة خبروني ....لأن مضطر أطلع للقصر مع أنمار
حاضر سيدي
وركض أنمار متل المجنون بحصانو للقصر ....وأول ما فات نزل عن حصانو ...وعطاه لسيد آدم ....وىاح السيد نبال لعند السيد آدم مع حصانو
فات أنمار ع المطبخ صار يصرخ ....نارماء ....نارماء .....يا نارماء ...وينك ؟؟؟
فاتت جلنار سمعانة صوتو ..مسمومة عم تهز بمروحتها : شو بدك منها ...لناربطيخ .؟؟؟
جلنار ...مو ناقصك ها ...وينها شفتيها ؟؟؟
راحت مع ثريا من الصبح حتى تشوف الناس الفقرا والمعترة على أساس وتساعدهم بالحرب ...ياحرام (مو عاجبها)
اي وا؟؟؟؟هيك لكن ....ووين هالناس يعني
مابعرف على أساس بالقرية وشو بيعرفني أنا ليش عم تسألني ...شو عاملتلك حتى هيك عم تسأل عنها ياقاتل يا