البس شي مريح .. وبعدا بقعد بفكهن شوي شوي .. )
رفع اكتافو بعدم اهتمام ( طيب .. متل ما بدك ) ...
توجهت لغرفتها .. فاتت وسكرت الباب .. وقبل ما تكمل مشيها فتح نورس الباب .. ( عفواً بس خليني انا كمان اخود بجامتي )
يارا ( بس انت التلي انو نفذت الي اتفقنا عليه ! )
نورس ( بس انا فكرت انو لازم نستنا شوي لان خفت اهلي يطلعو معنا .. او مثلاً بس يجو بكرا الصبح ؟ )
رفعت عيونها للسقف كأنها عم تفكر .. ( ممم صح .. معك حق .. )
فتح الخزانة و اخد بيجامتو .. نزل عيونو وابتسملها وطلع من الغرفة .. لحقتو وقفلت الباب وراه .. وبلشت محاولاتها لخلع الفستان ..
كانت تحاول مره بايدها اليسار .. ومره بايدها اليمين .. بس ما قدرت توصل للسحاب .. بعد محاولات طويله وبعد ما حست انو الفستان رح يخنقها .. توجهت للصالة .. كان نورس لابس بيجامتو و عم يشرب قهوة
وقفت قدامو بتعب ( لو سمحت ساعدني .. )
نورس .. ( اي شو في ؟ )
مشيت لعندو بغضب واعطتو ضهرها .. ( نزلي السحاب لان ما عم اعرف نزلو .. )
نورس _ _ _
لفت وشها عليه واستعجلتو ( يلاااا بئى )
نورس ( طيب .. )
مد ايدو بتردد و وجه عيونو لمكان تاني ونزللها السحاب .. حطت ايدها على ضهرها بخجل ( شكراً .. ) ورجعت اتخبت بغرفتها على عجل .. وسكرت الباب ..
اخد نورس نفس طويل .. مسح وشو بايدو ورجع قعد مكانو وهو عم يفكر ..
فتحت يارا خزانتها لتختار بيجامة مريحه .. كانت تدور بين التياب وهي معصبة ( شووو هاد كلو يا ربي .. امي و لارا بدهن يجننوني .. شو هالتياب الي جايبينها !! ) ..
تابعت بحثها لوقت ما لقت بيجامه حمرا قطنيه واسعه .. مسكتها بفرح وبدلت تيابها .. لبست بابوج ابيض برجلها ..
وطلعت لبرا لعند نورس الي كان بعدو على نفس القعده ..
قعدت جنبو وهي عم تفك شعرها ( ساعدني يلا .. )
نورس ( بشو ؟ )
يارا ( لك راسي .. مليان شغلات غريبه ساعدني )
ضحك ضحكة بسيطة ( نزلي راسك طيب .. )
نزلت راسها وقربت لعندو .. وبلش يطلع الملاقط من شعرها وهو يحكي .. (لو جبنا معنا مغناطيس كنا سحبناهن بسرعه .. استني استني .. هاد ملقط صغير هون .. اي اي مسكتو .. )
يارا ( آآخ لك شعري شعري .. على مهلك )
نورس ( اسف اسف .. خلص تمام .. خلصت .. بعتقد ما ضل شي .. )
رفعت راسها وهي عم تتلمس شعرها ( ااخ يا راسي .. )
تطلعت عالطاولة جنبها و لقتها كلها دبابيس شعر .. ( ييي هدول كلهن كانو براسي ؟ )
هزلها براسو .. ورجع لقعدتو هو وعم يدخن ..
يارا ( عموماً .. يسلمو ايدك ... فايته نام لانو جسمي مكسر )
نورس ( ايه بس نسيتي شغله )
يارا ( شو ؟ )
اشر على عيونو .. بعدين على تمو .. بعدين على خدو .. بعدن على انفو ..
حطت ايدها على انفها باستغراب ( في شي على انفي ؟ )
نورس ( لك لأ .. )
يارا ( شو ؟ )
نورس ( قصدي المكياج ! ضل عليكي تغسلي وشك .. يعطيكي العافيه والله تعبتي ) .. ابتسم بسخرية وفتل وشو للجهة التانيه ..
يارا ( ايه طبعاً استاز نورس انت شو فرقت معك .. بس جيت لابس هالبدلة وانصمدت جنبي .. هم العرس كلو كان فوق راسي .. مو مسدئة انو خلصت اخيراً .. وشكراً لان زكرتني بالمكياج .. تصبح على خير )
قامت وهي عم تمشي و تطقطق بالبابوج الي برجلها ..
نورس ( يارا .. )
وقفت وعيونها دبلانين وعلى شوي رح تنام بمكانها ( ايه نورس ؟ )
وقف والتفت عليها .. ( انا بدي اتشكرك .. لانك وافقتي .. )
حطت ايدها على تمها وتثاوبت .. ( لا انا بدي اتشكرك .. عنجد انت وقعت علي من السما .. )
نورس ( اوف كل هالئد ؟ )
رجعت لعندو وهي عم تقاوم النعس .. ( لك ايه .. والله لهلأ بتزكر كيف لما فتت قعدت انا وياك .. واهلي تركونا نقعد لحالنا .. لما هيك وقفت وعقدت جبينك وقلتلي - انسة يارا .. انا بعرف الشي الي رح قلك ياه مستحيل توافقي عليه
انتي او اي بنت تانيه .. وبالواقع انتو عاشر بيت منفوت عليه و بنرفض لذات السبب .. انا بدي اتزوج بس زواج صوري لاسباب خاصة .. ولازم كون صريح معك .. )
ضحكت يارا وتابعت ( بتتزكر كيف مسكت بتيابك وقلتلك عنجد بتحكي ؟ هههه )
نورس بابتسامة بسيطة ( ايه بتزكر .. قلتيلي انا موافقة والحكي بضل بيناتنا .. للحظة فكرتك عم تمزحي بس لما شفت كيف نظرتك ونبرة حديثك استوعبت انك موافقه عنجد .. )
وجهت عيونها على الشباك وهي عم تحكي ( ما بتتخيل هالشي شو حلو بالنسبه الي .. انا كتير مبسوطه .. )
حس نورس بشوية انزعاج من طريقة حكيها وسعادتها بهل وضع الي ما بترضى فيه ايه صبيه .. ( اها .. وانا فعلاً سعيد كتير .. )
رجعت التفتت عليه وبنبرة صوت عاليه ( نورس .. هلأ انت عملت هيك لانك لسه بتحب مرتك الأولى ؟ )
نورس ( لأ .. ابداً .. )
يارا ( شكلي خالفت القوانين الي اتفقنا عليها .. )
نورس ( تماماً ، ما حدا فينا الو حق يسأل التاني عن شي .. )
وقفت وهي شابكة ايدها ببعضن ( اوكي .. اتفقنا .. يلا تصبح على خير .. )
فاتت على غرفتها .. توجهت للتواليت وشغلت المي وهي عم تتطلع عالمراي
#تعوويذة_الحب_بقلم_مال_الشام
الجزء الثالث
يارا : لك ايه ايه متل ما عم قلك .. هن كانو جيرانا بس هن مسيحين ونحنا مسلمين .. هلأ هاد الشي اكيد مانو مشكلة بالعكس كانت علاقة اهلي واهلو كتير حلوة بس انا كنت بحبو بجنون وما عندي استعداد اتخلى عن حبو
انا ما حبيتو بارادتي .. ولا قررت او خططت لهاد الشي .. حبو انزرع بقلبي بدون ما اعرف .. ولقيت حالي معلقة بقصة اكبر مني ومنو ..
نورس : العمى !! .. ماشي الحب بخلي الإنسان يتصرف بدون وعي او تركيز .. بس انتي النتيجة عندك واضحه كان لازم تفهمي هالشي
يارا : بتعرف شو ؟ .. لو بعيش حياة تانيه غير هي الحياة .. رح ارجع حبو مره تانيه ..
تطلعت هي ونور بعيون بعض .. وعلى ضو الشموع سرح بملامحها .. اديشها حلوة بشكل ساحر .. كانت عم تحكي وهو ما عم يسمح .. بس عم يراقب حركة شفايف وعيونها كيف عم يلمعو .. حركة ايديها
كيف بتستخدمهن لتشرح و توضح حكيها .. وكيف بطرف اصابعها كل شوي بتزيح خصل شعرها عن عيونها .. ابتسم وهو عم يتزكر لما كان يفكلها شعرها اديه كان مبهور بملمسو الناعم وريحتو الطيبه ..وكان
عم يتقصد يتأخر ليقدر يلمسو اكتر ..
فجأة اجت الكهربا ..
يارا بفرح : خييي .. اخيراً ..
وقفت وهي عم تلملم شعرها : تصبح على خير ..
نورس : بس انا لهلأ ما فهمت شو آخرة قصتك ؟
يارا : بس انا كتير تعبانه .. الساعه صارت 2 .. بدي نام الله يوفئك ..
نورس : طيب .. منحكي بكرا ..
يارا : منحكي ..
فاتت يارا .. سكرت الباب و ضلت واقفه شوي عم تفكر تقفلو او لأ ! قررت تتركو .. واول ما تمددت بالتخت .. نامت بعمق ..
تمدد نورس على الكنبايه وكتف ايديه وهو عم يفكر بقصة يارا .. اخد وقت طويل لقدر ينام ..
صحي هو وياها على صوت باب البيت عم يندق ..
قامت وهي عم تركض وتصحيه بصوت واطي
يارا : لك نورس .. نورس قوم .. لك نووووووورس
نورس : شو مين شو شو .. مين شو
يارا حطت ايدها على تمو : لك اهلي واهلك على الباب قوم
نورس : شو ؟ ليش اديه الساعه ؟
يارا : تنتين الضهر .. قوم بسرعه انا فايته البس ضب الصالة وحاول تشغل اهلك ..
تركتو يارا وفاتت بسرعه على غرفتها ..
قام و ضب الغطا و رماه بغرفه تانيه .. غسل وشو وحاول يرتب الصالة و الباب لسه عم يدق ..
حاول يرتب حالو وفتح الباب وهو مبتسم ابتسامة عريضه : اهلين ! .. اهلا وسهلا ..
فاتو امو وامها واختها لجوا وهن عم يلطشو حكي ..
ام نورس : شو ابني ؟ لهلأ نايمين ؟ يعني ايه حقكن تتاخرو بس ما لهل وقت ..
ام يارا : وينا بنتي ؟لتكون بعدا نايمة كمان
نورس بخجل : لا من زمان صاحيه .. يا يارا .. يارا حبيبتي .. يروشه القمر .. وينك حبيبتي ..
طلعت يارا وهي لابسه قميص ابيض حريري .. طويل و كاشف من عند الأكتاف .. و مسرحة شعرها ببساطة وراخيتو على كتفها .. وحاطة مكياج ناعم وساحر ..
كانت مبتسمة ابتسامة عذبة .. وقعت عيون نورس عليها وما قدر يشيلهن .. وهي عم تسلم على الي اجو وهو عم يتفحصها بدقه ويستغل الفرصة .. قربت لعندو و نكزتو بايدها : حبيبي امي عم تحكي معك رد
نورس : اه ؟ انا ؟ شو ؟ اي مرت عمي مزبوط صحيح
ام يارا : شو المزبوط ابني ؟ عم قلك بعد يومين عازمينك انا وعمك عالغدا عندنا
نورس : لك ايه قصدي انو مزبوط لازم نيجي مو هيك يارا ؟
قربها لعندو وهو عم يبتسم .. قربت هي منو وحكيت بصوت واطي من بين اسنانها : ما تلزق فيني هيك
رد نورس بنفس الطريقه : مشان يقتنعو مو اكتر ..
بعد الزيارة القصيرة .. وبعد ما ودعوهن وسكرو الباب ..
قعدت يارا وهي عم تاخود نفس طويل : لك ما ضل إلا يحطو كاميرات ليراقبونا .. شو هاد
نورس : طولي بالك هن بس بدهن يطمنو .. اهلك بيعرفو بمشكلتك واهلي بيعرفو مشكلتي .. لهيك طبيعي ينشغل بالهن
يارا : شو مشكلتك انت صحيح لهلأ ما فهمت ؟
نورس : خلينا ناكول هلأ ميت من الجوع ..
تهرب من الإجابه و يارا ما حبت تضغط عليه .. غافلتو لترجع تلبس بيجامتها الحمرا و البابوج تبعا وكانت رافعه شعرها بالكامل لفوق .. ولما طلعت خابت آمال نورس انو يرجع يتأملها مره تانيه ..
نورس : نمتي منيح امبارح ؟
يارا : ايه ما حسيت على شي .. كنت هلكانه
نورس : انا ما عرفت نام
يارا : ليه ؟
نورس : كنت عم فكر فيكي ..
قصدي انتي و يزن ..
قعدت عالكنباية ورجعت ضهرها لورا
يارا : الغلط كلو كان بسببي .. انا عنيده كتير ... وحب يزن عمى على عيوني وخلاني امشي بطريق ما الو نهاية ..
انت متخيل انو هو رفضني وضليت عم اعشقو سنتين وما بطلت حبو .. كيف بعد ما سمعتا من تمو !! كيف بعد ما حسيت بانفاسو و دفاه !! كان شي مستحيل انو اسمحلو يبعد عني ..
نورس : شو يعني خليتيه يحبك غصب عنو ؟
رفعت راسها وضحكت : لك ايه انا عنجد عملت هيك .. صرت نطلو كل ما يطلع من بيتهن .. وقفلو عالدرج وعلى باب البنايه .. وضل قاعده عند امو و استغل اي لحظة لالحقو وين ما بروح .. بالمطبخ بغرفتو بأي مكان
لوقت ما ..
___________________________________________
يارا : بس بس .. انا هون
رفع راسو و كمل طلعة الدرج لوصل لعندي ..
ح ما بدي اكتر من هيك وما عندي اي اعتراض على دراستك
يارا : اي بس انا عندي شروط ..
نورس : شروط ؟
يارا : بدي تحسس اهلي انو نحنا كتير مبسوطين مع بعض .. امي كتير عتلانه همي .. و بدي تهتم باموري وحاجياتي واهم شي انو
سكتت يارا لفترة قصيره .. فهم نورس شو بدها تحكي ..
نورس : طيب قومي اجلي وبلا تخبيص .. لان مستحيل يصير شي من الي ببالك .. ولا حتى بفكر مجرد تفكير
يارا بخجل : ايه ممتاز .. اتفقنا .. خلصت اكل ؟
نورس : اي ..
شالت الصينية وطلعت عالمطبخ باستعجال ..
لحقها نورس بعيونو وهو عم يفكر (( انا مجنون لأرجع اعلق مع جنس حوا !! .. انا بس بدي اوصل لاولادي .. وما فيني اوصلهن الا عن طريقك يارا ))
وهي عم تجلي .. كانت عم تراقب المي والصحوان وكل شي حواليها بدقة .. عيونها ما عم يرمشو .. وعم تتزكر اصوات متل لما كانت ببيتها هي ويزن واجو اهلها
تزكرت اصواتهن كأنهن هلأ حواليها .. حست نار عم تمشي بجسمها .. نفس اللحظة ونفس الشعور .. اللحظة الي اخدوها فيها من يزن ..
وقعت كاسة من ايدها وانكسرت .. على صوتها قدرت تطلع من ذكريتها .. واجا نورس بسرعه ..
كانت عم تطلع عالأرض وانفاسها عم تتسارع ..
نورس : اتركيهن انا بلمهن ...
قرب منها ونزل للأرض يجمع البلور وهي ما عملت اي حركة
نورس : عادي بتصير ما تزعلي حالك .. لو تعرفي اديش بزماناتي كسرت كاسات وصحون ، بدك الصراحه الجلي معنة راقيه
علم بحد ذاتها .. لازم يدرسوها بالجامعات ..
رفع راسو وهو مبتسم وتطلع فييها : فداكي بسيطه ..
اختفت ابتسامتو لما شافها دموعها مغطين وشها ..
نورس : شبك يارا ؟
وقف وحاول يحكي معا بس ما كانت ترد عليه ..
ترك من ايدو وطلعها من المطبخ ..فوتها على غرفتها هو وعم يقنعها انو ما في اي مشكلة لان الكاسة انكسرت .. بس ماكن فهمان انو قلبها الي انكسر ..
تمددت بالتخت هي وعم تبكي .. غطاها وطفى الضو وبدو يطلع من الغرفة ..
يارا : لا تطفي الضو خليه شغال
نورس: طيب ..
شغل الضو ورجع قعد جنبها
نورس : بتخافي من العتمه ؟
يارا : من لما مات .. كتير بخاف من العتمه
نورس باهتمام : كيف مات ؟
تطلعت فيه يارا وشفايفها عم يرجفو ..
((
يارا : انا بدي ارجع عالبيت ..
يزن بعصبية : ما في ترجعي .. بدك تروحي معي غصب عنك امشي يلا ..
مسك ايدي وسحبني بقوة بس رفضت وصرخت فيه : لك اتركني عم ئلك ما بدي ما بدي
يزن : يارا .. حبيبتي انا بعرف انك خايفه بس انا بوعدك احميكي
رجعت خطوتين لورا : انا اسفه .. بس ما فيني ..
يزن : ببوس ايدك لا تروحي هلأ .. ببوس ايدك .. ازا رحتي مستحيل سامحك .. ازا رحتي هالمره مستحيل ارجع لعنك
يارا : اصلاً نهايتنا مبينه .. مو مكتوبلنا نكون لبعض
يزن : ببساطه هيك ببتخلي عني ؟ .. مو انتي الي جبرتيني حبك ؟
يارا : انا اسفه ..
يزن : اسفه ؟ .. اسفه ؟ ..
نزل راسو وابتسم .. لمعت بعينو دمعه ومدلي ايدو
يزن : روحي يارا .. روحي ..
ضليت اتطلع فيه وحاسه البي رح يوقف .. كنت بدي احميه .. واول مره بيجيني هالشعور انو خلص انتهينا ..
تركني يزن ومشي .. مشي مسافه منيحه وكان منزل راسو بالأرض كأنو عم يحكي مع حالو
نفسي اركض وراه والحقو .. بس كنت حاسه رجلي انشلو وما فيني اتحرك ..
يمكن يزن ما كان بوعيي .. كان عم يفكر بشي تاني .. نزل عن الرصيف وكان متجه للجهة التانيه .. وكل اصوات العالم حواليه وكل اصوات السيارات
ما خلتو ينتبه على حالو وين صار ..
حتى صوتي ما قدر يصحيه وينبهو .. ))
يارا : تخيل نورس .. قدام عيوني مات .. قدام عيوني .. الي بشوفو بقول انو انتحر .. ما كان بالدنيا ما كان معنا بنوب .. صرختلو كتير لينتبه ما سمعني ما رد علي
ما لحقت اوصل لعندو الا والسيارة ضاربتو و هو عم ينزف
حطت ايدها على تمها وكتمت شهقتها ..
يارا : تخيل ؟ هيك وراح .. لك هيك ببساطة راح !! راح وهو زعلان مني .. راح بعد ما فكرني تخليت عنو .. ما لحقت فهمو انو عملت هيك لاني بحبو
نورس : يعني .. انا ..
غمرت وشها بالمخده : اتركني لحالي لو سمحت
نورس : ما بدي اتركك وانتي بهي الحالة ..
يارا : اتركنييييييي مشان الله .. اتركني لحالي اتركني ..
نورس : طيب .. طيب متل ما بدك .. متل ما بدك
________________________________________________
سكر عليها الباب .. وقف ثواني وهو محتار .. لازم يضل جنبها ولا يتركها لحالها !! .. ضل يروح ويجي لوقت ما خفت صوتها و وقف صوت بكيها ..
قعد على الكنبايه .. تمدد وحط مخده تحت راسو .. حط ايدو على جبيني وهو عم يفكر
نورس (( شكلي وقعت بمشكلة كبيرة ... يارا لازمها شغل كتير لتقدر تحققلي اهدافي .. شو هالورطة ))
يتبع
#تعوويذة_الحب_بقلم_مال_الشام
الجزء السادس
مع مرور الأيام .. بلشت حياة نورس ويارا تنتظم بشكل مستقيم .. كان يعاملها بكل حنية ولطف .. جزء من هاد اللطف لصالح سخصية .. وجزء منو تعاطفاً مع وضعها وقصتها المؤلمة ..
سجلت يارا معهد لغة إنجليزية ، وتابع نورس شغلو كانت تنحصر محادثاتهم على الطريق من البيت للمعهد لما يوصلها الصبح .. و من بيت اهلو لبيتهن لما رجعها المسا ..
طلعت يارا مستعجلة من بيت حماها بعد ما رنلها نورس لتطلع لعندو .. حملت شنتتها وطلعت هي ومستعجلة .. ركبت السيارة وهي مبسوطة ومندفعه بالحكي
يارا : لك تأخرت علي .. ليش ما نزلت تتغدا ؟ امك عامل شيخ المحشي أما شو طالعين ؟ شي بطير العئل .. احزر اليوم شو قلي الاستاز بالمعهد ؟ قال انو مستواي عم يتطور بشكل ملحوظ
وازا ببئى هيك بطلع مني شي مميز بالمستقبل ..
نورس : اها ..
يارا : وتخانئت مع بنت .. يخرب بيتها شو مئنزعة .. بس طلعت من خرجها هههه
نورس : تمام ..
يارا : مممم شبك في شي ؟
نورس : لا ابداً .. مشاكل بالشغل ..
يارا : مممم .. خير ان شاء الله
نورس : وصلنا .. انتي انزلي انا عندي مشوار
يارا : وين ؟
تجاهل نورس سؤالها .. وفهمت انو ما رح يعطيها جواب ..
يارا : اوكي .. انا رح جهزلك اكل ما تتأخر
نورس : تمام ..
نزلت يارا وسكرت الباب بتردد .. ما كان عاجبها وضع نورس ملامحو كتير غريبه وردودو مختصرةعلى غير العاده ما اهتم بتفاصيل يومها ولا خبرها شي عن يومو ولا قال انو جوعان
والأغرب انو راح على مكان وما قلها وين !! ..
غابت السيارة عن عيونها وهي عم تفكر .. رفعت كتافها باستغراب ( شكلو جانن )
طلعت عالبيت .. اخدت دش وبدلت تيابها وفاتت على المطبخ .. بلشت تقطع الخضار و تطبخ اللحمة والرز ..
جهزن صينية خضار و رز بجنبو لحم مدخن .. مشي الوقت وهي قاعده بالصالة وعم تقلب المحطات .. بلشتت تتثاوب من النعس وتحكي حالها
( ايه والله تأخر .. بدي اكول وانام وبعدين !! )
عالساعه 12 .. خلص صبرها .. وما عاد قاومت جوعها .. قعدت واكلت بشهية .. خلصت اكل وحاولت تغطي على الجزء الي اكلت منو وترتب الصحون ..
( ههههه كأني صايره اكول كتير ، عالراحة النفسية .. اديشها الحياة حلوة هون .. الحمدلله كأن رب العالمين فضلي نورس تفصيل على قياسي .. )
حطت ايديها تحت راسها وتمددت عالكنباية .. تطلعت بالسقف وهي مبتسمة .. ( بدي تابع دراستي .. وبس خلص معهد بدي ارجع قدم بكلوريا حره .. وصير انسة .. ودرس بنات وصبيان وعلمهن كتيير شغلات
وبصيرو هن ولادي وانا امهن .. و بتطلق من نورس او لأ ؟ .. )
قلبت عالجهة التانيه وغمضت عيونها بفرح ( لا مستحيل اتطلق .. بدي ضل معو .. بس بلكي هو قرر يطلقني !! .. )
حاولت تنام بس الأفكار كانت تاخدها كل شوي لمطرح .. رفعت الهاتف بعصبيه واتصلت على نورس عدة مرات وما رد..
الساعه وحده ونص رجعت اتصلت .. وفتح الخط .. وجاوبها صوت انثوي ( الو ؟ مين معي ؟ )
تطلعت يارا عالرقم وتاكدت انها طلبت رقم نورس .. ورجعت ردت ( عفواً مو موبايل نورس ؟ )
( ايه صح موبايل نورس .. بس هو نايم .. في شي ضروري ؟ )
يارا بعصبية ( كيف يعني في شي ضروري ؟ مين انتي ؟ )
( شو مين انا .. انتي الي مين !! و وطي صوتك واحكي متل الناس .. انتي مين ؟ )
يارا ( الله ياخدك يا نورس .. )
سكرت الخط ورمت الهاتف ..
يارا ( كان لازم افهم .. كان لازم اعرف .. غياباتو كل فترة والتانيه .. و شرطو الي حطو للزواج .. عم يستخدمني واجهة محترمة وهو بالسر عم .. !! الله ياخدو .. انا حمارة شو كنت مفكرة ! )
تاني نهار .. لبست يارا تيابها ونزلت لتروح عالمعهد .. كان نورس ناطر تحت البناية بسيارتو .. لمحتو يارا وتجاهلتو ولت توقف تكسي بس نزل ليأشرلها انو موجود ..
يارا (انا بروح لحالي .. )
نورس ( شبك انا جيت على وشي لالحق وصلك على دوامك ! )
يارا ( لا معليه شكلك تعبان ومكتر .. اطلع ارتاح يعطيك العافيية )
نورس ( ايه فعلاً تعبان بس لازم روح على دوامي .. )
يارا بعصبيه ( العمى ما اوقحك !!)
نورس ( عفواً !! انا ؟؟؟؟؟؟ )
الشوفير ( لو سمحتي يا مدام .. سكريلي الباب بدي امشي .. )
يارا ( لا اخي طالعه معك .. )
مسكها نورس من ايدها ( كيف يعني طالعه معو شبك انتي جنيتي ؟ )
سحبتي ايدها وتطلعت بعيونو بثقة ( اخ نورس .. ما تتجاوز حدودك .. نحنا بيناتنا شروط .. )
نورس ( اخ نورس ...!!! ما اتجاوز حدودي !! )
تركها تطلع بالتكسي .. ورجع لسيارتو ومشي على شغلو .. رجعت يارا المسا مباشرة على البيت لحالها .. جهزت غدا واكلت وفاتت على غرفتها ..
اتصل عليها كتير وما جاوبتو ... وصل البيت وهو بقمة عصبيتو وتوترو ... فاتت باتجاه غرفتها وصدم بالباب لان كانت قافلتو من جوا على غير العادة
نورس ( كمان قافلة الباب !! شو قصتك افتحيلي ياه لاحكي معك وافهم شبك )
يارا ( شو بدك ؟ الأكل جاهز وبجامتك برا و الغطا والمخدة كالعاده عندك .. في شي تاني ؟ )
نورس ( يارا انا لهلأ ضابط
ى يارا .. اتصلت باهلو وما كان عندهن ... بالنهاية اتصل فيها المحامي وخبرها انو نورس عندو ليطمنها ..
انتظرت يومين تانيات وما رجع .. وقتها فهمت انو رح ينفذ حكيو .. وما رح يرجع على البيت لتطلع هي منو ..
اخدت جولة بالبيت وهي عم تطلع بكل زاوية وبكل مكان ..
كيف كانت تقعد هي وياه يفطرو بسرعه .. وياخدها عالمعهد وما يمشي ليتاكد انها فاتت ..
وكيف يرجع ياخدها العصر من بيت اهلو وتشوف بعيونو انو مشتاقلها ..
كيف يساعدها بالغدا ويمزح ويضحك معا كأنها طفلة ..
كم ليله سهرو على التلفزيون يضحكو يلعبو !! ..
عيونها عم تدور بكل زاوية وقلبها عم يغص بكل ذكرى ..
لملمت اغراضها بشنته صغيرة .. رتبت البيت للمره الأخيره .. وطلعت منو ..
_________________________________________________
بعد اربع شهور
_________________________________________________
يارا : اختي مشان الله بلا هالروحة ما بدي روح ما بدي روووووح لك ما بدي اطلع من البيت اتركوني بحالي
سحبتها لارا من ايدها : ايه مو على كيفك .. يلا صرتي لابسه .. وايمن عم يستنانا يلا ..
يارا : يا الله منكن ما حدا بدو يتركني بحالي اوووف ياربببببببببببي ..
لارا : اي حاج حكي ... يلا ..
(( تكسسسسسسسسيييييييي ))
وقفت لارا تكسي وطلعت هي واختها .. كانت عازمتها على المطعم الي بيشتغل فيه جوزها ايمن .. حاولت بكل الطرق تطلعها من حالتها ..
من وقت ما رجعت من عند نورس وهي على طول شاردة .. ما كانت بهل حالة الا بفترة وفاة يزن ..
طول الطريق وهي عم تحاول تتحركشها ..
لارا ( ايمن بس عرف انو جايين لعندو على المطعم .. فرح كتير وقال رح يوي على طاولتنا .. مو هو المحاسب هنيك والكل بدهن رضاه .. شو جاي على بالك تاكلي ؟ )
يارا ( اي شي اختي .. ما بتفرق .. )
وصلو عالمطعم ..
نزلت يارا هي وعم تتلفت حواليها بملل وعصبيه ..
فاتو عالمطعم واستقبلهن ايمن بسعاده وفوتهن على طاولة جنب الشباك ورحب فيهن كتير ..
لارا ( يارا وين سرحانه ؟ ايمن عم يسالك شو بدك تاكلي ؟ )
يارا ( اه ؟ عفواً ما انتبهت .. .الي بدكن ياه ما عندي مشكلة .. )
اتطلعت لارا وايمن ببعض بيئس ..
لارا ( خلص حبيبي نزللنا غدا على زوقك .. )
ايمن ( تمام رح وصيهن يستعجلولكن بالأكل .. يلا انا راجع لمكتبي .. في شوية حسابات بايدي لان اجتنا طلبية هلأ بس بسلم المصاري للشباب وبجي لعندكن ايه ؟)
لارا ( تمام ناطرينك .. )
راح ايمن .. وتطلعت لارا باختها الي رجعت سرحت كأنها مو معها ..
لارا ( الله يهدي بالك يا اختي .. )
التفتت عليها يارا وابتسمت .. ( امين اختي .. امين .. )
وصل الأكل .. وبلشت لارا تحاول تطعمي يارا و تحكيها ..
وهن عم ياكلو .. حست يارا انو في شي تحت رجليها عم يتحرك
فكرت حالها عم تتوهم .. بعد شوي رجعت حست نفس الشي ..
نزلت راسها بحذر لتشوف شو القصة ..
يارا بضحكة عريضة ( مرحبا يا شب .. )
الطفل رفع راسو باستغراب ..
يارا ( شو عم تعمل هون ؟ )
رفع اكتافو ومد شفافا .. ( الطابة تبعي وقعت تحت طاولتكن .. بدي ياها .. )
وقفت يارا عن الكرسي ( رح دور عليها معك .. )
قبل ما تفتل وشها عنو رجعت اتطلعت فيه بتركيز ..
الطفل بعصبية ( شو ؟ )
نزلت يارا على ركبتها وتطلعت بعيونو .. عقدت حواجبها وبلعت ريقها بتوتر
يارا ( انت .. انت وين امك ؟ )
الطفل ( ماما جوا هلأ بتيجي .. يلا بدي الطابة .. بدي الطااااااااااااااابة .. )
توترت يارا والتفتت على الطاولة وتناولت كاسة المي و شربت ..
يارا ( انت شو اسمك ؟)
الطفل ( ما دخلك .. )
يارا ( قلي شو اسمك بعطيك الطابة ؟ )
الطفل ( طيب .. اسمي احمد .. اعطيني الطابة يلا .. )
حست حالها فقدت توازنها ،، قعدت عالكرسي ولسه عيونها على الولد .. ازدادت ضربات قلبها .. وحست كأنها شمت ريحة نورس .. قامت لارا لعند الولد و طلعتلو الطابة من تحت الطاولة واعطتو ياها
اخدها وبعد عنهن ويارا بعدا عم تطلع فيها ..
لارا ( يارا فيكي شي ؟ )
هزت راسها ورجعت شربت مي ..
وصل ايمن هو وعم يعتزر
ايمن ( عفواً يا جماعة .. بس ما اتفقنا انا وياهن واضطرينا ننادي المدير .. متفقين على السعر وهلأ بعد ما استلمنا غيرو رأيهن .. )
لارا بغضب ( اي شو على كيفهن ؟ شو قال المدير ؟ )
ايمت ( المدير ؟ ... عندو ست الحسن ما همو .. قلي اعطيهن الي بدهن ياه ومشيهن .. حاسبتهن متل ما بدهن ورجع على مكتبو )
يارا باستغراب ( مين ست الحسن .. مرتو يعني ؟ )
قرب ايمن راسو ووطى صوتو ( لك لا .. هي وحده وضعها مو زابط .. بتضل تيجي لهون وبتفوت على مكتبو .. بتغط ساعه ساعتين وبتطلع .. الله يستر علينا .. )
لارا ( يييييييي يا عيب الشوم .. الي استحو ماتو .. )
كانت يارا لسه عم تفكر باحمد .. قدرت تتزكرو من الصورة الي ورجاها ياها نورس ..
قدرت تعرفو من نظرتو .. من طريقة حكيو .. من عيونو ..
رجعت تدور عليه وما شافتو ..
خلصو اكل ولارا تقنع فيها ليقومو وما رضيت يارا تقوم ..
… )
نورس ( طيب فايت لعندهن… )
فتح باب الغرفه و سمع ضحكاتهن..
احمد ( عنننننن عننننن… بيييييب… بعدي عن القطار السريع يا ريماس)
ريماس وهي تركض و احمد يركض وراها ( احمد غليييظ لا تدعسني لا تدعسنييييي) …
ركض نورس و حملها و حطها على كتافو ( ما حدا بدوس بنتي ابحلوة و انا موجود)
مدت لسانها لاحمد بفرح ( انا ركبت بالطيارة، ئا ئى ئاااا)
احمد ( بابا زعلت منك… هاد غششش ماعاد بدي العب..)
ريماس ( لا بابا مو غشاش و لا وحش انتو يتضحكو علي)
نورس ( وحش؟ ) ..
احمد ( ايه ماما قالت انك وحش بس انا ما سدئت، بس ريماس سدئت..)
نزلها عالارض و قعد على ركبتو.. ( هلأ انا وحش بابا؟ )
مسكت فستانها و صارت تلفو على اصبعها بخجل ( مممم لأ)
نورس ( لكن بوسيني.. )
قربت وباستو بحب..
تطلع على احمد وغمزلو ( و انت تعال بوسني يلا.. )
ضمهن لحضنو و مسح على راسهن… كان حاسس حالو بالجنة...عم يشم ريحتهن ومو مسدئ…
________________
________________
يارا قاعدة عالبرندة عم تشرب قهوة.. رن جرس البيت اكتر من مرة…
ام يارا: خليكي انا بفتح الباب… هي اختك لارا…
فتحت الباب وبوستها ( وين ولادك بنتي؟)
لارا باستعجال ( تركتهن عند ستهن، وينها يارا… ياااارااا… يا ياااارااااا)
مشت يارا لعندهن ( شوفي شبك؟ )
لارا ( تعي على غرفتنا بسرعه في شي مهم)
ام يارا: اسراركن ما بتخلص… الله يستر العالم منكن…
لارا: ههههه منعجبك ام اللول…
سحبت يارا من ايدها و فاتو على الغرفة… قفلت الباب و اخدت نفس..
يارا ( لك شو في شو صاير؟؟ )
لارا ( الاولاد صارو عند ابوهن...الهن اسبوع تقريباً… و وداد تنازلت لنورس بالحضانة قانونياً)
حطت ايدها على قلبها بسعادة ( ياعمري يا لارا، الي سنين مافرحت هالفرحة يا حبيبتي يا اختييييي)
غمرت اختها هي و عم تبكي ( الله يخليلي ياكي ياعمري، سامحيني بعرف الي صار مو سهل عليكي سامحيني)
لارا ( اااخ كسرتي عظامي وليه… بفديكي بروحي بس شوف ضحكتك الحلوة… بعمل هيك و اكتر كرمال اختي الصغيرة المدلله….)
مسحت دمعتها وضحكت.. فكت ايديها عن لارا…
)) مبسوطة كتير، حاسة حالي صلحت غلطي…. الحمدلله يارب))
لارا (( الحمدلله… بس في مشكلة… ))
يارا بقلق ( مشكلة؟ شو؟ )
لارا (( شو بدنا نعمل بالمليون؟! ))
يتبع :*
#تعوويذة_الحب_بقلم_مال_الشام
الجزء الثالث عشر
يارا : اه ؟ المليون ؟ .. لك كنت نسيانتو
لارا : ينعن ديبك هاد مليون .. بينتسى ؟؟؟؟شو رأيك نطلع سيراااان ؟ ونعمل مشاوي و سلطة و مناخود دربكة والله مننبسط
يارا : مو معقول شو غليظة ، وعطول تفكيرك ببطنك
حطت ايدها على بطنها و سبلت بعيونها : مو انا حبيبتي .. هاد الببو الجديد
يارا : شووو ؟ حااااااااامل ؟
لارا بخجل : ايه .. لسه ما خبرت امك اعملي حالك ما معك خبر بتزعل ازا ما كانت اول حدا بيعرف هههه
يارا : ييي لك تئبري البي .. مشتهية مشاوي ؟ نوصيلك ؟
لارا : لك لا كنت امزح معك ، عنجد شو بدنا نعمل بالمليون ؟ ايمن كتير متدايق انو المصاري عندنا بالبيت ..
يارا : يعلي عليكن .. حقك علي اختي .. عزبتكن كتير معي وجوزك صفى بلا شغل بسببي .. طيب ليكي .. اديه صرف ايمن عليها للحرباية ؟
لارا : ممم 150 الف .. بين هدايا وتياب و طلعات وروحات وجيات ..
يارا : حلو .. خدو 150 وجيبيلي الباقي .. انا بعرف اتصرف فيهن
لارا : طيب فهميني شو بدك تعملي ؟
يارا : خلص بعدين بقلك .. المهم .. بأي شهر صرتي وليه ؟
_____________________________
_____________________________
الساعه 9 المسا .. طلع نورس من غرفة اولادو بعد ما حطهن بالتخت وحكالهن حكاية لينامو ..سكر الباب و قعد على الكنباية بتعب ..
رجع راسو لورا وغمض عيونو هو وعم يفكر .. (( يا الله اديش تربية الأولاد صعبة ، تركتلي ياهن امي وراحت .. خايف يكونو حاسين بتقصير او ناقصهن شي .. صحيح ما عم يقولو .. بس ماني مرتاح .. ))
مرض ابو نورس وقعد بالفراش ، فــ انجبرت امو ترجع على بيتها لتشوف طلباتو وتدير بالها عليه .. كان نورس كل يوم الصبح ياخود الأولاد يحطهن عندا .. وبعد ما يرجع من شغلو الي دبرو بصعوبة يرجع ياخد الأولاد
من عندها ويشوفها اديه تعبانه ..
حس انو بحاجة سيجارة ليهدي راسو .. تزكر انو ما ترك بالبيت اي اثر للداخن وزتهن كلهن مشان ما يدخن قدام اولادو ..
قام فتح باب البرندة و حاول يشم هوا نضيف .. ومع اول نسمة باردة .. مرقت صورة يارا قدام عيونو .. وسمع صوتها بادنيه وسمع ضحكتها .. (( نورس .. نورس .. ))
التفت وراه (( يارا ؟ ))
تطلع حواليه .. تخربطت نبضات قلبو ..
(( بدي ضل اتخيلك ؟ .. هه ))
رجع شق على اولادو .. وفات على غرفتو وحاول ينام ...
بعد يومين تانيات .. وهو راجع لياخود اولادو كانت ريماس هادية كتير وما عم تحكي .. نامت بالسيارة وحملها عالبيت ..
حطها بتختها وقرب ليبوسها .. حس عليها حرارة ..
توتر وجرب يتأكد .. عليها حرارة .. مسك موبايلو واتصل بامو ..
نورس (( امي .. شو بدي قلك .. ريماس كأنها مريضة ؟ ))
ام نورس (( والله يا ابني ما بعرف .. هي اليوم ما لعبت كتير وما تخانقت هي و احمد ..))
نورس (( طيب امي بس عليها حرارة شو اعمل ؟ ))
ام نورس (( حرارة ؟ طيب .. طيب اعمللها كمادات ودفيها كتير منيح .. خليها تتعرق ازا تعرقت بتطيب .. وشربها زهورات .. ))
نورس (( زهورات ؟ ما عندي زهورات !! خلص بدبر حالي .. ديري بالك على ابي .. ما ينشغل بالك .. ))
سكر الخط هو ومتوتر و احمد قاعد جنب ريماس ..
أحمد (( بابا .. مطول وانت تفكر ؟ يلا خلصنا .. ))
نورس (( اه ؟ شو ؟ شو اعمل ؟ ))
ضرب احمد ايدو على جبينو (( يا حبيبي .. شربها دوا يلا ))
نورس (( لا مو دوا .. لحظة خليني اعمل كمادات .. خليك جنبها .. لا تتحرك ها .. ))
راح عالمطبخ بسرعه ورجع ومعو مي دافية وقطعة قماش .. بللها و حطها على جبين ريماس .. شهقت وصارت تبكي ..
احمد (( بااااابااااااا اعصرها اعصرهااااا... لازم تعصر الكمادات قبل ما تحطهن على جبينها ستي هيك كانت تعمل اووففففففف ))
نورس بهمس (( نسيت .. معك حق .. ))
بعد ربع ساعه بلشت تنزل حرارة ريماس .. ورجعت نامة براحة .. واحمد نام من التعب ..
تركهن نورس وطلع من الغرفة .. اول ما قعد على الكنباية رن جرس البيت ..
نورس (( اااخ بس .. مين جاي هلأ .. ))
قام وفتح الباب ...
يارا بخجل .. (( مرحبا .. نورس .. ))
نورس (( _ _ _ _ ))
يارا (( انا .. كنت .. ))
نورس (( اهلا وسهلا يارا .. فوتي فوتي .. ليش واقفه برا ؟ ))
يارا (( لا معليه مو ضروري ))
فتح الباب هو ومبتسم .. (( لك فوتي .. ))
فاتت هي ومتلبكة وعم تطلع حواليها .. مافي شي تغير .. بس في تياب والعاب اطفال مرمين هون و هون ..
يارا (( شو وين الولاد ؟ ))
نورس ((بغرفتهن نايميــ ـ ـ ـ )) .. تطلع فيها باستغراب (( لحظة انتي شو بعرفك انهن هون ؟ ))
حكت راسها وابتسمت (( كل هالفوضى وهالالعاب ؟ معقول التياب هدول الك يعني ؟ ))
نورس (( اي معك حق .. هلأ نامو بغرفتهن .. و ريماس مريضة .. ما عرفت شو اعمل الحمدلله حرارتها نزلت بسرعه .. ))
يارا (( خير شبها ؟ فوت شوفها ؟ ))
نورس (( لا صارت منيحه خليها نايمة وهلأ برجع بتطمن عليها .. ))
يارا (( طيب .. ))
طلعت ظرف كبير من شنتتها ومدتو لنورس .. ((
#تعوويذة_الحب_بقلم_مال_الشام
الجزء الرابع عشر و الأخير
حكى نورس مع اهل يارا ورجع طلبها منهن .. اهلها رحبو فيه و وافقو .. ويارا اعطتهن موافقتها .. وبحكم انهن اساساً متطلقين ما كان في خطبة وغيرو .. مجرد كتب كتاب واخدها على بيتو مره تانيه ..
طلعت من بيت اهلها هي وياه .. وما حدا فيهن قدران يتطلع بالتاني او يحكي شي ..
وصلو على بيتهن .. كان تارك ولادو عند امو ..
فاتت يارا هي وعم تحاول تكون طبيعيه بس دقات قلبها كانت عم تتسارع بشكل كبير ..
يارا ( ايه وين الولاد ؟ )
نورس ( بدك ياهن حبيبتي ؟ ما بينفع ابوهن ؟ )
هربت بوشها منو واتطلعت حواليها .. ( البيت متل ما هو .. بس كأنك مغير السجادة ؟ )
لف خصرها بايدها وحضنها .. قرب منها وهمس .. ( كأني مشتقلك ؟ .. ولك انتي اعند مخلوقة شفتها بحياتي .. صعب كتير عليكي تحكي ؟ شو كان بكلفك الموضوع غير تقوليلي تعا لتشوفيني بين ايديكي ؟ )
بلعت ريقها بتوتر ونزلت عيونها .. ( انا .. ما .. ما بعرف .. )
حط ايدو على خدها وشدها .. ( انا بعرف .. بعرف اني بحبك .. شو ما عملتي بحبك .. كيف وليش ما بعرف .. مع انو الي متلي بعمرو ما برجع يآمن بجنس حوا
بس انتي كانك فتي على هالقلب .. وقرأتي عليه تعويذة باسمك .. تعويذة حب ما في شي قدر يفكها .. )
يارا : _ _ _
حملها بين ايديه .. ومشي فيها على غرفتهن .. تعلقت برقبتو وغمرت وشها بحضنو ..
نورس ( هلأ ما بطلعلك شي عندي صح ؟ انا حر التصرف .. )
كانت مبتسمة بحضنو .. قبل ما تمرق صورة يزن قدام عيونها ..
شدت على تياب نورس بقوة وحست سهم انغرز بصدرها .. نزلها نورس عالتخت وانحنى باتجاها .. بعد شعرها عن وشها والتقت عيونو بعيونها .. كان متوقع منها نظرة حب .. نظرة فرة .. او نظرة شوق ..
خابت كل امالو لما شاف الدموع مغرقين عيونها ...
نورس ( شبك يارا ؟ )
يارا ( ما .. ما في شي .. )
فتلت وشها للجهة التانية وتابعت بكي بصوت مسموع ..
نورس ( يارا .. فهميني شبك ؟ .. يارا ردي علي .. )
__________________________________________
تاني نهار كان نورس قاعد بالصالة بنفس تيابو .. بس الفرق انو هيئتو تعيسة وفرحت امبارح كلها تلاشت .. كان عم يدخن بشراهة لما طلع الضو عليه ..
وقفت يارا على باب الغرفة و الكحل متراكم تحت عيونها من اثار البكي ..
يارا (( ما نمت ؟ ))
التفت عليها وطفى سيجارتو .. وحاول يبتسم .. (( صباح الخير حبيبتي .. لا غفيت بس هلأ صحيت .. شبك انتي ليش هيك وشك تعبان ؟ ))
قربت لعندو وقعدت جنبو .. حطت راسها على صدرو ولفها بايدو ليقربها منو ..
يارا (( ما تزعل مني .. انا ما بعرف شو صار .. ))
مسح ايدو على شعراتها بحنان (( عادي ، ما في مشكلة المهم انتي معي .. ولاحقين على كل شي .. ))
يارا (( يعني مو زعلان مني ؟ ))
نورس (( لا حبيبتي ، عادي متفهم وضعك .. كل شي بيصير بوقتو ما تفكري بالموضوع))
حطت ايدها على دقتو بحب .. (( اسفه .. ))
وغمضت عيونها واستلمت للنوم بعد ليلة طويلة من البكي ...
تنهد نورس بألم .. وهو عم يفكر .. (( انا مو زعلان لان ما صار شي .. انا بس زعلان لان للحظة فكرت قلبك صار معي .. بس يزن لسه عايش بيناتنا رغم انو مات من سنين .. الي مخوفني .. انو شي نهار
رح يموت يزن عنجد .. ولا بدك تخليه عايش ؟ ))
تطلع فيها هي ونايمة متل الأطفال .. باسها على جبينها وضل متل ما هو مشان تبقى نايمة ومرتاحه ..
_ _ _ _ _
بعد تلات ايام .. كانت يارا عازمة اختها لارا وجوزها لعندهن عالبيت .. جهزت عشا وكانو كلهن قاعدين على البرنده عم يشربو شاي بانتظار وصول نورس ليبلشو عشا ..
اولاد لارا و اولاد نورس عم يلعبو بغرفة الألعاب ..
ولارا و يارا وايمن قاعدين عم يحكو ويضحكو ..
لارا : اييييييي لك بعمري ما بنسالك ياها يا ايمن ، يا لطيف لما شفتك مسكتلها ايدها وبستلها ياها .. حسيت تيار كهربا ضرب مخي .. كان نفسي قوم ادبحك انت وياها
يارا : اي صهري اختي معا حق
ايمن :يارا .. هي اختك شوفة عينك .. كل ما نتخانق بتقلي انا مو ناسيتلك ياها .. لك شو انا كنت خونك ؟ فوق ما عملت كل هالشي كرمالك وتركت شغلي ؟
يارا : اي اختي جوزك معو حق ..
لارا : ييييي شو كزاب .. نحنا قلنالك تعلق وداد وتوعدها بالزواج وتقلها ما بدك ولاد .. ما قلنالك تبوس ايدها
يارا : اي صهري اختي معا حق ..
ايمن : ومو انتو قلتولي قلها انو مرتي بدها تطلق و حاطه مأخر مليون ليرة وحالياً مصاري حاطهن بصفقة كبيرة وما بقدر ادفعلها ؟ كيف كنت بقدر اقنعها و وقعها لو ما عملت هالحركات وسمعتها حكي حلو
يارا : اي اختي والله جوزك معو حق
لارا : لا مو صحيح ، كنت بتقدر تقنعها بدون هالولدنة .. ولا رسائل تبعون الليل ((ابعتيلي صورك بالبيجامة !!!!!!! )) يا عيب الشوووووووووم
يارا : ييييي اي والله يا صهري اختي معا حق
ايمن :ايه لا بئى ، الي بسمع بفكر انو شفت شي .. مو انتي اغلب الأيام كنتي تسهري معها وتحكو رسائل على اساس انا
؟ وكل الصور تنقليهن على جوالك مشان ما شوف شي وتحذفيهن من عندي ؟ ما بكفي تحملت تقالت دمها وطلباتها ودلالها
يارا : اي اختي والله جوزك معو حق
لارا : لكن اميرتي ؟ بتقلها اميرتي يا ظالم وانا صرلي ست سنين متجوزتك وما قلتلي لا اميرتي ولا بطيختي !!
يارا : يااااخ ، والله يا صهري اختي معا حق ..
ايمن : لك انا عملت هيك كرمالك ، حاولت ارفض وصرتي تترجيني وتقليلي اختي بتحبو لنورس واختي تعزبت كل حياتها وانا بدي وقف جنب اختي وانا بوثق فيك ومتاكده انك قدها و نورس حرام بدو ولادو !!
يارا : ممممم اختي .. والله جوزك معو حق ..
تطلعت لارا وايمن ببعض .. وتطلعو ب يارا وحكو سوا .. (( يخرررب بيتك .. ))
يارا : ايه جننتوني شو بعممللكن .. بس يا جماعة .. كلو كوم .. ولما كنت متخبيه انا ولارا و راح ايمن وقعد معها وقلها انو مرتو اخدت المليون وما رضيت تطلق
وهو خسر كل مصاريه بالسوق وصفي عالحديده وما بقدر يطلق مرتو ... وشها بهديك اللحظة عنجد بيستاهل مليون ليرة ههههههه
ضحكو تلاتتهن بصوت عالي .. بدون ما يلاحظو انو نورس واقف على الباب وماسك مفاتيح البيت بين ايديه وعم يضغط عليهن بقوة ..
طلع احمد من الغرفة ليروح يشرب مي وشاف نورس وعيط بصوت عالي (( بابا انتي جيييييييت ؟ ))
انقطع ضحك الكل .. التفتت يارا جنبها وشافت نورس واقف وعم يطلع فيهن ..
اختفت ضحكتها ... وحست نفسها دائ وما عاد قدرت تنطق ..
يارا (( نورس .. انت هون ؟ ))
ابتسم نورس .. وتركهن وفات على غرفتو ..
تطلعو تلاتتهن ببعض بخوف ..
لارا : دخيلكن حاسه حالي رح اطلق من الرعبة .. معقول سمعنا ؟
ايمن : الأفضل نمشي يارا .. فوتي جيبي الولاد .. يلا
لارا : طيب ماشي..
بقيت يارا ساكته ومو قادرة تفكر ..
ايمن : يارا .. ما تخافي بسيطة .. نحنا ما عملنا شي غلط .. قلتلك من الأول .. الأحسن تخبريه بس !!
قعدت يارا و صارت تهز رجلها بتوتر وتتحرك لقدام وترجع لورا ..
ايمن : نورس بحبك .. حاولي تفهميه انك عملتي هيك كرمالو ..
يارا : كيف .. لك شو بدي قلو .. كيف !!
طلعت لارا ومعها ولادها .. (( يلا ايمن خلينا نمشي .. ))
ايمن : عن ازنك .. تصبحو على خير ..
يارا : تصبحو على خير ..
وصلتهن عالباب وسكرت وراهن .. وقفت ثواني عم تحاول تنظم نفسها وتهدي حالها .. كل شوي تنزل دمعتها وتمسحها ..
احمد : خالة يارا .. شو في ؟
التفتت هي وعم تبتسم : احمد ؟ لا ولاشي حبيبي .. تعال حطلك عشا انت واختك مشان تاكلو ، انا وابوك مو جوعانين مناكول بعدين ..
احمد : مممم طيب ..
فاتت عالمطبخ وعقلها مو معها .. سكبت اكل لريماس و احمد وفوتتلهن على غرفتهن حطتلهن الأكل ..
مشيت باتجاه غرفة النوم وهي خايفه .. فتحت الباب شوي شوي (( نورس ؟ نايم ؟ ))
كان ضو الغرفة مطفي وعتمه ..
انتبهت عليه قاعد على جنب التخت .. تشجعت وفاتت وسكرت الباب وراها .. وشغلت الضو ..
نورس (( انتي ورا كل هالشي ؟ ))
قربت وقعدت جنبو .. حطت ايدها على كتفو .. (( انا اسفه ، ما حبيت دايئك .. خفت تعمل شي غلط ازا عرفت بتصرفات وداد .. ))
نورس (( لهلأ ما حدا فهمان ليش طلقتها ، لهلأ الكل شايفيني متوحش و ظالم ,, يا ترى اي رجال مكاني كان عندو زوجة متل وداد كيف كان رح يتصرف ؟ يصفقلها ؟؟ لك شووووو بيعمل ؟ ))
يارا بتوتر (( خلص انسى ، الي راح راح .. روق هلأ .. انت زعلان مني ؟ ))
نورس (( هه .. انا زعلان على حالي .. حاسس حالي حمار يا يارا .. حاسس راسي فااااااااااضي .. انو كيف ؟ كيف ما فكرت فيها ؟ والمصاري الي رجعتيهن .. شو في براسي انا !! ))
يارا (( لا تحكي هيك الله يوفئك ، مو هيك الموضوع بـــس انا .. ))
التفت عليها ومسكها من ايدها بقوة (( انتي شو ؟ بتحبيني ولا لأ ؟ بدك ياني ولا لأ ؟ ولك يزن طلع من راسك ولا لأ فهمييييييييني ردي عليييييييييي ؟ ))
رجفت ايدها وما عاد عرفت تحكي ..
نورس (( رجعتي بس لانك متعاطفة معي صح ؟ كل شي صار لانك حاسة بالذنب ما هيك ؟ ))
غمضت عيونها بقوة هي وعم تبكي (( لا مو هيك والله مو هيك ))
نورس (( ما قدرتي تحبيني ؟ ))
يارا (( والله بـــــــحــــــــبـــــــــك .. ))
فتحت عيونها وتطلعو ببعض و هن ساكتين .. والكلمة عم ترن براس نورس .. (( والله بحبك !! ))
شدها لصدرو بقوة .. حط انفو عند خصل شعرها و استنشقها ..
نورس (( انتي واحمد وريماس .. اهم ناس بحياتي .. ما بدي شي يبعدكن عني .. ))
يارا (( ولا شي بيبعدني عنك .. بوعدك .. ))
رفعت عيونها فيها .. وتطلعت بنظرة قدر يفهمها .. نظرة كلها حب وحاجة ..
ابتسملها ومسح بقايا الدموع بعينها ..
يارا (( ما تزعــل مني .. ))
حط ايدو على شفافها .. (( هــس .. انا بس بحبك .. ))
خلخل اصابعو بين شعرها .. جذبها باتجاهو .. وهمسلها اكتر من مره .. ( بحبك .. ) ..
___________________________________________________
فتحت عيونها الصبح وما لقت نورس جنبها .. ابتسمت و قلبت عالجهة التانيه وشدت الغطا لحضنها ..
انفتح باب الغرفة وفات نورس هو وعم ينشف
#تعويذة_الحب
(1) + (2) + (3) + (4) + (5) + (6) + (7) + (8) + (9) + (10) + (11) + (12) + (13) + (14)
Telegram:@rwayate
رغم كل الضجة الي حواليهن بس ما كانو سامعين شي .. عيونها معلقين بعيونو .. وايديها الصغار مطوقين رقبتو بكل نعومة وحب .. حطت خدها على صدرو ..
كان الضو مركز عليهن .. وهن عم يرقصو سلو على أغنية More Than Words ..
كانو عم يتحركو بكل تناسق وكل اتقان كأنهن عم يطيرو على إيقاع النغمات .. حط ايدو تحت دقنها و رفع عيونها لعندو .. باسها على جبينها وسط تصفيق وتشجيع الكل ..
مسك ايدها و مشي معها ليقعدو على عرشهن .. لأن بهاد اليوم المميز .. كل شي بيشهد انو هي وياه .. ملك و ملكة ..
ميلت راسها لعند ادنو ... ( شكراً .. )
مسك ايدها وباسها بحب .. ( شكراً الك .. )
باللحظات الآخيرة من العرس .. وبعد ما بلشو ينسحبو الضيوف واحد ورا التاني .. اقتصرت الحفلة على العائلة .. فاتو اهل يارا و باقي عائلة نورس ..
بجو كلو محبة وفرح باتمام هاد الزواج ... كانت يارا عم تطلع على وجوه الكل وتبتسم ..
حط ايدو على ايدها ( كل شي منيح ؟ )
يارا وهي عم تهز راسها برضى ( ايه كلو تمام .. وانت مرتاح ؟ )
نورس ( ايه ، الوضع لهلأ تمام .. )
يارا ( لهلأ ؟ بعتقد الحفلة خلصت .. معقولة يصير شي ينزع علينا هاليوم ؟ )
نورس ( لا لا .. بس انا دائماً حريص و قلق .. ما تهتمي لكلامي .. بعدين الحفلة خلصت عند الكل .. بس رح تبلش عندنا )
اخدت لحظات يارا لفهمت شو قصدو .. خبت ضحكتها والتفتت على الجهة التانية ..
اجت اختها لارا و قعدت جنبا وهمستلها .. ( شو اختي تمام وضعك ؟ )
( اي الحمدلله .. ما كنت متوقعه الحفلة تطلع بهل جمال هاد .. كان كل شي متل ما بدي عنجد انا مبسوطه )
لارا ( وانا كتير مبسوطه انك اخيراً حطيتي عقلك براسك .. برافو الي عملته صح و نورس انسان منيح .. )
يارا ( شكراً اختي .. )
مالت لارا لعندها باستها على خدها .. تطلعت بعيونها كأنها عم تتاكد انها منيحه ..
لارا ( دير بالك على اختي صهري .. هي صغيرة العيلة و المدلله .. )
لف ايدو حوالين خصر يارا وهن عم يتابدلو النظرات ( الله يسامحك معقول توصيني عليها ؟ .. يارا بعيوني .. )
مع اللحظات الآخيرة .. نزلت يارا هي ونورس باتجاه باب الصالة والكل حواليهن .. اخدت نفس طويل ولمعو عيونا .. شد نورس على ايدها كأنو عم يشجعها ..
رفعت فستانها الأبيض .. ومشيو بهدوء .. وامها عم تزغرد وتبكي ..
طلعو بسيارة نورس الي كانت مزينة بالورد ..
بالكرسي الخلفي قعدت هي وياه و جنبها امها و جنبو امو .. و ابوه لنورس مشي بالسيارة ليوصلوهن على بيتهن ..
وكل الطريق حديث يارا و نورس ما انتهى .. كانو يحكو بالهمس وبعدا تنطلق ضحكات عالية ..
وامو وام يارا يتبادلو النظرات بين بعض ويبتسمو ..
نزلو من السيارة .. قدام البناية الي فيها بيتهن الجديد .. نزلت يارا وساعدتها امها لتنزل الفستان ..
اخدتها على جنب وصارت تأكد عليها وتفهما كيف تتصرف ..
و نورس اختلى بأبوه وامو من الجهة التانيه ..
أم نورس ( الف مبروك حبيبي .. الله يتمملك على خير .. اخيراً فرحت فيك بعد ما نشفتلي البي .. بس صبرت ونلت .. يا هيك العرايس يا بلا )
نورس ( ايه مو تنقايتك أم نورس اكيد بدا تكون غير شكل .. )
أم نورس ( مشان تعرف بس .. قلتلك من الأول خليني جوزك على زوئي ركبت راسك وضيعت عمرك بس لانك .. )
قاطعها ابو نورس بهدوء ( مو وقتو هالحديث .. مبروك ابني .. يلا خود عروستك ما بصير تضل بالشارع هيك .. )
ابتسم .. ونده ليارا ( يلا حبيبتي نطلع ؟ .. )
نزلت عيونها بخجل ( ايه يلا جايه .. )
باست ايد امها و مشيت بسرعه باتجاه نورس .. شبكت ايدها بايدو ( يلا نطلع . . )
فاتو مدخل البناية و تنيناتهن ساكتين ... تطلعت يارا وراها وشافت امها واهل نورس تحركو والسيارة مشت .. سحبت ايدها من ايد نورس .. وتطلعت عليه وابتسمت ..
يارا ( يا ترى عملت الي اتفقنا عليه ؟ )
نورس ( ايه تماما كلو حسب الاتفاق .. )
يارا ( ايه هلأ منشوف .. )
مشيت باستعجال .. ونورس عم يلحقها ويرفعلها فستانها .. وصلو لباب البيت .. فتحو الباب .. غمضت عيونها وتنهدت ..
فات هو و نطرها لتفوت .. اكتفى بالصمت وما حكى شي ..
ترك الباب مفتوح و مشي لجوا .. شلح جاكيت البدلة وحطو على ضهر كرسي ..
فتحت عيونها وكانت الرؤية مشوشة على اثر الدموع الي تجمعو بعيونا ..
فاتت و سكرت الباب .. ضلت واقفه دقايق وقت قاطعها صوت نورس ( شو مطولة عندك ؟ يلا فوتي .. )
مسحت دمعتها بطرف اصبعها التفتت عليه وابتسمت .. ( اخيراً .. ما عم سدء .. )
شلحت السكربينة من رجلها .. و مدت ايدها باستعجال على شعرها ( ما خلو ولا دبوس ولا بكلة ولا ملقط الا حطوه براسي .. والفستان رح يخنئني .. يا ربي هدول شو بدو يفكهن .. شعري صار معقد كتير .. )
قرب لعندها وهو مستغرب ( عنجد ؟ .. طيب خليني ساعدك شوي .. )
مشي باتجاها .. وقبل ما يوصل رفعت ايدها بارتباك ( لا لا .. قلك شو ؟ .. خليني بالأول اشلح الفستان بدي البس شي مريح .. وبعدا بقعد بفكهن شوي شوي .. )
رفع اكتافو بعدم اهتمام ( طيب .. متل ما بدك ) ...
توجهت لغرفتها .. فاتت وسكرت الباب .. وقبل ما تكمل مشيها فتح نورس الباب .. ( عفواً بس خليني انا كمان اخود بجامتي )
يارا ( بس انت التلي انو نفذت الي اتفقنا عليه ! )
نورس ( بس انا فكرت انو لازم نستنا شوي لان خفت اهلي يطلعو معنا .. او مثلاً بس يجو بكرا الصبح ؟ )
رفعت عيونها للسقف كأنها عم تفكر .. ( ممم صح .. معك حق .. )
فتح الخزانة و اخد بيجامتو .. نزل عيونو وابتسملها وطلع من الغرفة .. لحقتو وقفلت الباب وراه .. وبلشت محاولاتها لخلع الفستان ..
كانت تحاول مره بايدها اليسار .. ومره بايدها اليمين .. بس ما قدرت توصل للسحاب .. بعد محاولات طويله وبعد ما حست انو الفستان رح يخنقها .. توجهت للصالة .. كان نورس لابس بيجامتو و عم يشرب قهوة
وقفت قدامو بتعب ( لو سمحت ساعدني .. )
نورس .. ( اي شو في ؟ )
مشيت لعندو بغضب واعطتو ضهرها .. ( نزلي السحاب لان ما عم اعرف نزلو .. )
نورس _ _ _
لفت وشها عليه واستعجلتو ( يلاااا بئى )
نورس ( طيب .. )
مد ايدو بتردد و وجه عيونو لمكان تاني ونزللها السحاب .. حطت ايدها على ضهرها بخجل ( شكراً .. ) ورجعت اتخبت بغرفتها على عجل .. وسكرت الباب ..
اخد نورس نفس طويل .. مسح وشو بايدو ورجع قعد مكانو وهو عم يفكر ..
فتحت يارا خزانتها لتختار بيجامة مريحه .. كانت تدور بين التياب وهي معصبة ( شووو هاد كلو يا ربي .. امي و لارا بدهن يجننوني .. شو هالتياب الي جايبينها !! ) ..
تابعت بحثها لوقت ما لقت بيجامه حمرا قطنيه واسعه .. مسكتها بفرح وبدلت تيابها .. لبست بابوج ابيض برجلها ..
وطلعت لبرا لعند نورس الي كان بعدو على نفس القعده ..
قعدت جنبو وهي عم تفك شعرها ( ساعدني يلا .. )
نورس ( بشو ؟ )
يارا ( لك راسي .. مليان شغلات غريبه ساعدني )
ضحك ضحكة بسيطة ( نزلي راسك طيب .. )
نزلت راسها وقربت لعندو .. وبلش يطلع الملاقط من شعرها وهو يحكي .. (لو جبنا معنا مغناطيس كنا سحبناهن بسرعه .. استني استني .. هاد ملقط صغير هون .. اي اي مسكتو .. )
يارا ( آآخ لك شعري شعري .. على مهلك )
نورس ( اسف اسف .. خلص تمام .. خلصت .. بعتقد ما ضل شي .. )
رفعت راسها وهي عم تتلمس شعرها ( ااخ يا راسي .. )
تطلعت عالطاولة جنبها و لقتها كلها دبابيس شعر .. ( ييي هدول كلهن كانو براسي ؟ )
هزلها براسو .. ورجع لقعدتو هو وعم يدخن ..
يارا ( عموماً .. يسلمو ايدك ... فايته نام لانو جسمي مكسر )
نورس ( ايه بس نسيتي شغله )
يارا ( شو ؟ )
اشر على عيونو .. بعدين على تمو .. بعدين على خدو .. بعدن على انفو ..
حطت ايدها على انفها باستغراب ( في شي على انفي ؟ )
نورس ( لك لأ .. )
يارا ( شو ؟ )
نورس ( قصدي المكياج ! ضل عليكي تغسلي وشك .. يعطيكي العافيه والله تعبتي ) .. ابتسم بسخرية وفتل وشو للجهة التانيه ..
يارا ( ايه طبعاً استاز نورس انت شو فرقت معك .. بس جيت لابس هالبدلة وانصمدت جنبي .. هم العرس كلو كان فوق راسي .. مو مسدئة انو خلصت اخيراً .. وشكراً لان زكرتني بالمكياج .. تصبح على خير )
قامت وهي عم تمشي و تطقطق بالبابوج الي برجلها ..
نورس ( يارا .. )
وقفت وعيونها دبلانين وعلى شوي رح تنام بمكانها ( ايه نورس ؟ )
وقف والتفت عليها .. ( انا بدي اتشكرك .. لانك وافقتي .. )
حطت ايدها على تمها وتثاوبت .. ( لا انا بدي اتشكرك .. عنجد انت وقعت علي من السما .. )
نورس ( اوف كل هالئد ؟ )
رجعت لعندو وهي عم تقاوم النعس .. ( لك ايه .. والله لهلأ بتزكر كيف لما فتت قعدت انا وياك .. واهلي تركونا نقعد لحالنا .. لما هيك وقفت وعقدت جبينك وقلتلي - انسة يارا .. انا بعرف الشي الي رح قلك ياه مستحيل توافقي عليه
انتي او اي بنت تانيه .. وبالواقع انتو عاشر بيت منفوت عليه و بنرفض لذات السبب .. انا بدي اتزوج بس زواج صوري لاسباب خاصة .. ولازم كون صريح معك .. )
ضحكت يارا وتابعت ( بتتزكر كيف مسكت بتيابك وقلتلك عنجد بتحكي ؟ هههه )
نورس بابتسامة بسيطة ( ايه بتزكر .. قلتيلي انا موافقة والحكي بضل بيناتنا .. للحظة فكرتك عم تمزحي بس لما شفت كيف نظرتك ونبرة حديثك استوعبت انك موافقه عنجد .. )
وجهت عيونها على الشباك وهي عم تحكي ( ما بتتخيل هالشي شو حلو بالنسبه الي .. انا كتير مبسوطه .. )
حس نورس بشوية انزعاج من طريقة حكيها وسعادتها بهل وضع الي ما بترضى فيه ايه صبيه .. ( اها .. وانا فعلاً سعيد كتير .. )
رجعت التفتت عليه وبنبرة صوت عاليه ( نورس .. هلأ انت عملت هيك لانك لسه بتحب مرتك الأولى ؟ )
نورس ( لأ .. ابداً .. )
يارا ( شكلي خالفت القوانين الي اتفقنا عليها .. )
نورس ( تماماً ، ما حدا فينا الو حق يسأل التاني عن شي .. )
#تعويذة_الحب
الجزء الثالث
Telegram:@rwayate
يارا : لك ايه ايه متل ما عم قلك .. هن كانو جيرانا بس هن مسيحين ونحنا مسلمين .. هلأ هاد الشي اكيد مانو مشكلة بالعكس كانت علاقة اهلي واهلو كتير حلوة بس انا كنت بحبو بجنون وما عندي استعداد اتخلى عن حبو
انا ما حبيتو بارادتي .. ولا قررت او خططت لهاد الشي .. حبو انزرع بقلبي بدون ما اعرف .. ولقيت حالي معلقة بقصة اكبر مني ومنو ..
نورس : العمى !! .. ماشي الحب بخلي الإنسان يتصرف بدون وعي او تركيز .. بس انتي النتيجة عندك واضحه كان لازم تفهمي هالشي
يارا : بتعرف شو ؟ .. لو بعيش حياة تانيه غير هي الحياة .. رح ارجع حبو مره تانيه ..
تطلعت هي ونور بعيون بعض .. وعلى ضو الشموع سرح بملامحها .. اديشها حلوة بشكل ساحر .. كانت عم تحكي وهو ما عم يسمح .. بس عم يراقب حركة شفايف وعيونها كيف عم يلمعو .. حركة ايديها
كيف بتستخدمهن لتشرح و توضح حكيها .. وكيف بطرف اصابعها كل شوي بتزيح خصل شعرها عن عيونها .. ابتسم وهو عم يتزكر لما كان يفكلها شعرها اديه كان مبهور بملمسو الناعم وريحتو الطيبه ..وكان
عم يتقصد يتأخر ليقدر يلمسو اكتر ..
فجأة اجت الكهربا ..
يارا بفرح : خييي .. اخيراً ..
وقفت وهي عم تلملم شعرها : تصبح على خير ..
نورس : بس انا لهلأ ما فهمت شو آخرة قصتك ؟
يارا : بس انا كتير تعبانه .. الساعه صارت 2 .. بدي نام الله يوفئك ..
نورس : طيب .. منحكي بكرا ..
يارا : منحكي ..
فاتت يارا .. سكرت الباب و ضلت واقفه شوي عم تفكر تقفلو او لأ ! قررت تتركو .. واول ما تمددت بالتخت .. نامت بعمق ..
تمدد نورس على الكنبايه وكتف ايديه وهو عم يفكر بقصة يارا .. اخد وقت طويل لقدر ينام ..
صحي هو وياها على صوت باب البيت عم يندق ..
قامت وهي عم تركض وتصحيه بصوت واطي
يارا : لك نورس .. نورس قوم .. لك نووووووورس
نورس : شو مين شو شو .. مين شو
يارا حطت ايدها على تمو : لك اهلي واهلك على الباب قوم
نورس : شو ؟ ليش اديه الساعه ؟
يارا : تنتين الضهر .. قوم بسرعه انا فايته البس ضب الصالة وحاول تشغل اهلك ..
تركتو يارا وفاتت بسرعه على غرفتها ..
قام و ضب الغطا و رماه بغرفه تانيه .. غسل وشو وحاول يرتب الصالة و الباب لسه عم يدق ..
حاول يرتب حالو وفتح الباب وهو مبتسم ابتسامة عريضه : اهلين ! .. اهلا وسهلا ..
فاتو امو وامها واختها لجوا وهن عم يلطشو حكي ..
ام نورس : شو ابني ؟ لهلأ نايمين ؟ يعني ايه حقكن تتاخرو بس ما لهل وقت ..
ام يارا : وينا بنتي ؟لتكون بعدا نايمة كمان
نورس بخجل : لا من زمان صاحيه .. يا يارا .. يارا حبيبتي .. يروشه القمر .. وينك حبيبتي ..
طلعت يارا وهي لابسه قميص ابيض حريري .. طويل و كاشف من عند الأكتاف .. و مسرحة شعرها ببساطة وراخيتو على كتفها .. وحاطة مكياج ناعم وساحر ..
كانت مبتسمة ابتسامة عذبة .. وقعت عيون نورس عليها وما قدر يشيلهن .. وهي عم تسلم على الي اجو وهو عم يتفحصها بدقه ويستغل الفرصة .. قربت لعندو و نكزتو بايدها : حبيبي امي عم تحكي معك رد
نورس : اه ؟ انا ؟ شو ؟ اي مرت عمي مزبوط صحيح
ام يارا : شو المزبو
#تعويذة_الحب
الجزء السادس
Telegram:@rwayate
مع مرور الأيام .. بلشت حياة نورس ويارا تنتظم بشكل مستقيم .. كان يعاملها بكل حنية ولطف .. جزء من هاد اللطف لمصالح سخصية .. وجزء منو تعاطفاً مع وضعها وقصتها المؤلمة ..
سجلت يارا معهد لغة إنجليزية ، وتابع نورس شغلو كانت تنحصر محادثاتهم على الطريق من البيت للمعهد لما يوصلها الصبح .. و من بيت اهلو لبيتهن لما رجعها المسا ..
طلعت يارا مستعجلة من بيت حماها بعد ما رنلها نورس لتطلع لعندو .. حملت شنتتها وطلعت هي ومستعجلة .. ركبت السيارة وهي مبسوطة ومندفعه بالحكي
يارا : لك تأخرت علي .. ليش ما نزلت تتغدا ؟ امك عامل شيخ المحشي أما شو طالعين ؟ شي بطير العئل .. احزر اليوم شو قلي الاستاز بالمعهد ؟ قال انو مستواي عم يتطور بشكل ملحوظ
وازا ببئى هيك بطلع مني شي مميز بالمستقبل ..
نورس : اها ..
يارا : وتخانئت مع بنت .. يخرب بيتها شو مئنزعة .. بس طلعت من خرجها هههه
نورس : تمام ..
يارا : مممم شبك في شي ؟
نورس : لا ابداً .. مشاكل بالشغل ..
يارا : مممم .. خير ان شاء الله
نورس : وصلنا .. انتي انزلي انا عندي مشوار
يارا : وين ؟
تجاهل نورس سؤالها .. وفهمت انو ما رح يعطيها جواب ..
يارا : اوكي .. انا رح جهزلك اكل ما تتأخر
نورس : تمام ..
نزلت يارا وسكرت الباب بتردد .. ما كان عاجبها وضع نورس ملامحو كتير غريبه وردودو مختصرةعلى غير العاده ما اهتم بتفاصيل يومها ولا خبرها شي عن يومو ولا قال انو جوعان
والأغرب انو راح على مكان وما قلها وين !! ..
غابت السيارة عن عيونها وهي عم تفكر .. رفعت كتافها باستغراب ( شكلو جانن )
طلعت عالبيت .. اخدت دش وبدلت تيابها وفاتت على المطبخ .. بلشت تقطع الخضار و تطبخ اللحمة والرز ..
جهزن صينية خضار و رز بجنبو لحم مدخن .. مشي الوقت وهي قاعده بالصالة وعم تقلب المحطات .. بلشتت تتثاوب من النعس وتحكي حالها
( ايه والله تأخر .. بدي اكول وانام وبعدين !! )
عالساعه 12 .. خلص صبرها .. وما عاد قاومت جوعها .. قعدت واكلت بشهية .. خلصت اكل وحاولت تغطي على الجزء الي اكلت منو وترتب الصحون ..
( ههههه كأني صايره اكول كتير ، عالراحة النفسية .. اديشها الحياة حلوة هون .. الحمدلله كأن رب العالمين فضلي نورس تفصيل على قياسي .. )
حطت ايديها تحت راسها وتمددت عالكنباية .. تطلعت بالسقف وهي مبتسمة .. ( بدي تابع دراستي .. وبس خلص معهد بدي ارجع قدم بكلوريا حره .. وصير انسة .. ودرس بنات وصبيان وعلمهن كتيير شغلات
وبصيرو هن ولادي وانا امهن .. و بتطلق من نورس او لأ ؟ .. )
قلبت عالجهة التانيه وغمضت عيونها بفرح ( لا مستحيل اتطلق .. بدي ضل معو .. بس بلكي هو قرر يطلقني !! .. )
حاولت تنام بس الأفكار كانت تاخدها كل شوي لمطرح .. رفعت الهاتف بعصبيه واتصلت على نورس عدة مرات وما رد..
الساعه وحده ونص رجعت اتصلت .. وفتح الخط .. وجاوبها صوت انثوي ( الو ؟ مين معي ؟ )
تطلعت يارا عالرقم وتاكدت انها طلبت رقم نورس .. ورجعت ردت ( عفواً مو موبايل نورس ؟ )
( ايه صح موبايل نورس .. بس هو نايم .. في شي ضروري ؟ )
يارا بعصبية ( كيف يعني في شي ضروري ؟ مين انتي ؟ )
( شو مين انا .. انتي الي مين !! و وطي صوتك واحكي متل الناس .. انتي مين ؟ )
يارا ( الله ياخدك يا نورس .. )
سكرت الخط ورمت الهاتف ..
يارا ( كان لازم افهم .. كان لازم اعرف .. غياباتو كل فترة والتانيه .. و شرطو الي حطو للزواج .. عم يستخدمني واجهة محترمة وهو بالسر عم .. !! الله ياخدو .. انا حمارة شو كنت مفكرة ! )
تاني نهار .. لبست يارا تيابها ونزلت لتروح عالمعهد .. كان نورس ناطر تحت البناية بسيارتو .. لمحتو يارا وتجاهلتو ولت توقف تكسي بس نزل ليأشرلها انو موجود ..
يارا (انا بروح لحالي .. )
نورس ( شبك انا جيت على وشي لالحق وصلك على دوامك ! )
يارا ( لا معليه شكلك تعبان ومكتر .. اطلع ارتاح يعطيك العافيية )
نورس ( ايه فعلاً تعبان بس لازم روح على دوامي .. )
يارا بعصبيه ( العمى ما اوقحك !!)
نورس ( عفواً !! انا ؟؟؟؟؟؟ )
الشوفير ( لو سمحتي يا مدام .. سكريلي الباب بدي امشي .. )
يارا ( لا اخي طالعه معك .. )
مسكها نورس من ايدها ( كيف يعني طالعه معو شبك انتي جنيتي ؟ )
سحبتي ايدها وتطلعت بعيونو بثقة ( اخ نورس .. ما تتجاوز حدودك .. نحنا بيناتنا شروط .. )
نورس ( اخ نورس ...!!! ما اتجاوز حدودي !! )
تركها تطلع بالتكسي .. ورجع لسيارتو ومشي على شغلو .. رجعت يارا المسا مباشرة على البيت لحالها .. جهزت غدا واكلت وفاتت على غرفتها ..
اتصل عليها كتير وما جاوبتو ... وصل البيت وهو بقمة عصبيتو وتوترو ... فاتت باتجاه غرفتها وصدم بالباب لان كانت قافلتو من جوا على غير العادة
نورس ( كمان قافلة الباب !! شو قصتك افتحيلي ياه لاحكي معك وافهم شبك )
يارا ( شو بدك ؟ الأكل جاهز وبجامتك برا و الغطا والمخدة كالعاده عندك .. في شي تاني ؟ )
نورس ( يارا انا لهلأ ضابط اعصابي وعم قول بنت صغيره بدي سايرها .. بس اوعي تستفزيني اكتر ! )
فتحت يارا الباب وحكت بنبرة هادية و قوية ( اخ نورس .. بتتجاوز شرط .. رح اتجاوز عشرة .. حطها براسك هي .. )
ضغط نورس على اسنانو وحاول يحكي بهدوء وبنفس طريقتها .. ( اخت يارا .. عنادك و طفولتك ما تجربي تستخدميهن علي لان ما عندي طولة بال .. احكي بوضوح شو وجعك ؟ )
يارا ( اتفقنا يكون في احترام بيناتنا .. انا ما بهمني شو هي علاقاتك وشو وضعك .. بس ما تستغبيني .. وما تخلي حدا يشوفني الزوجة الجدبة الي زوجها عم يعمل السبعه وذمتها من وراها
خليني بالصورة بالمرات الجايه .. )
فتلت ضهرها لتتركو ورجعت التفتت عليه ( اه ونسيت شغله ، انا سبب موافقتي عالزواج الصوري خبرتك ياه .. وبهي الحالة من حقي افهم انت شو هدفك لان ما بدي كون اداة رخيصة بين ايديك لتحقق اهداف غير اخلاقية )
نورس ( حلو .. حلو كتير .. وشو بتأمري كمان يارا خانوم ؟ )
رفعت حواجبها وابتسمت ببرود ( ونزواتك خليها بعيده عن العيون .. متل ما انا عم اعمل .. )
بحركة لا ارادية .. مد نورس ايدو على شعرها وسحبها لعندو بقوة وبنفاذ صبر ( شو تفضلتي ؟ )
يارا ( اتركني .. اتركني عم توجعني )
نورس ( انتي عرفانه حالك شو عم تخبصي ؟ )
غمضت عيونها بألم ( انت الي مو عرفان حالك شو عم تخبص ، انا حكيت مع الفلتانه الي كنت عندا الليلة الماضية ، ان شاء الله بتنام كل يوم عند وحده وحياتك ما بيهمني بس انا ما هربت من الذل للذل .. ما تفكرني صغيرة وجدبة اوعى يا نورس
انا الي عشتو اقوى رجال ما بتحملو .. )
فتحت عيونها وتطلعت بعيون نورس .. كان قريب كتير منها .. كانت الدموع عم تتجمع بعيونها ..
يارا ( اتركني .. )
ترك شعرها من ايدو وهو مصدوم من حالو !! .. عيونها انغرزت بصدرو .. حس حالو ضعيف قدام نظرتها كأنها كسرتلو ايدو !! ..
رجعت لورا بهدوء هي وماسكه شعرها ..
مدت ايدها للباب وسكرتو شوي شوي .. قفلت الباب .. قعدت بالأرض وحطت راسها على ركبتها .. وبلشت تبكي بقهر ..
حط ايدو عالباب وهو لسه مصدوم .. ( انا شو عملت !! .. )
__________________________________________
شهر كامل من التعامل البارد .. بدون اي حكي او تواصل بيناتهن .. حتى مشوار المعهد منعتو انو يوصلها عليه .. صارت تدبر امورها بنفسها وتكتفي انها تاخود المصروف الي بتركلها ياه على طاولة المطبخ
كل ما يحاول يعتذر كان يخاف ترجع تلتقي عينو بعينها !! .. محاولاتو بالأعتذار الغير مباشر كانت غير كافية .. الفطور والغدا والعشا الجاهز ..
والورد الي جنب التخت ..
و السؤال عن دراستها ..
كانت محاولات فاشله ما اعطت يارا الهن اي تجاوب ..
لوقت ما بيوم من الأيام .. فتح عليها باب غرفتها بدون استأذان ... استفزها تصرفو وخلاها تطلع عن صمتها وترد باستياء
يارا ( كأنك نسيت تدق الباب ؟ )
نورس بخجل ( اه صح .. بعتزر بس لان بالي مشغول بشي .. )
يارا بعدم اهتمام ( بتمنى ما ترجع تنسى مره تانيه ، مشان ما اضطر ارجع اقفلو وترجع تزعل .. )
نورس بارتباك ( تمام .. بس كنت بدي قلك شي .. )
يارا ( خير ؟ )
نورس ( هديك الليلة .. لما اتصلتي .. الي ردت عليكي هي زوجتي .. )
يارا ( شوووووووووو؟ )
نورس ضرب بايدو على راسو ( قصدي .. قصدي طليقتي )
قامت لعندو باستعجال ( ييي نمت عندا ؟ لك كيف بتعمل هيك شي ؟ واهلها كيف بيسمحو !! انت عم تكزب مو )
نورس ( يارا .. يارا روقي لنعرف نتفاهم انا هيك ما بعرف احكي !! )
يارا ( طيب طيب .. كيف بدك نحكي ! خلصني ! )
مشي جنبها وراح قعد عالتخت .. لحقتو وقعدت جنبو ( اي ؟ )
نورس ( بصراحه انا تزوجتك لسبب .. ما بعرف كيف ممكن تشوفيه .. استغلالي او تافه او ظلم الك ما بعرف .. بس انا مضطر .. وانتي وافقتي بكل ارادتك .. وانا حاولت ما تكوني خسرانه بنهاية هي الصفقة )
رفعت حواجبها باستغراب ( صفقه ! )
نورس ( ايه .. لان قبل ما يجي وقت انو طلقك .. رح اعطيكي مبلغ محترم لهيك هالزواج يعتبر صفقه .. تنيناتنا رح نربح منها )
يارا ( هه !! .. نورس عرفان حالك شو عم تحكي ؟ )
حط ايدو على شفايفها بلطف ( ممكن تعطيني فرصه لوضحلك ؟ )
يارا : _ _ _
نورس ( المشكلة بلشت من تلات سنين .. بهديك الفترة كترت مشاكلي انا و زوجتي .. وصارت حياتنا اشبه بالجحيم .. لدرجة مديت ايدي عليها .. وضربتها عدة مرات .. وطلقتها مرتين .. طلاق رسمي ..
وبكل مره كنا نرجع كرمال الأولاد .. أحمد وريماس .. لوقت ما بيوم من الأيام .. انقلبت حياتي تماماً .. و وقعت على وشي ..
وقت مع بعض قبل ما وكل المحامي يرفعلي قضية
خلال هالفترة .. ازا شفتي مني اي تصرف بخليكي تحسي انو ما بستاهل شوف اولادي متل اي اب بالدنيا .. وقتها لا تشهديلي .. واشهدي ضدي .. اتفقنا ؟ )
يارا : _ _ _
نورس : انا ما بدي اخدهن منها .. بس بدي تسمحلي المحكمة اخدهن كل شهر اسبوع لعندي عالبيت .. ما بدي ولادي يكبرو بعيد عني هاد كل شي بدي ياه
يارا بتردد : انو بس يقضو معك وقت ببيتك هون ؟
نورس : اخيراً بلشتي تفهمي علي .. ايه هيك تماماً ..
يارا : طيب .. والموضوع موقف على شهادتي بسلوكك وتصرفاتك وعلاقتك معي ؟
نورس : ايه نوعاً ما .. مشان نثبت للمحكمة انو علاقتي مع وداد كانت ناتجة من خطئ وقع عللا الطرفين .. مو لانو انا غير متزن او عنيف
يارا : طيب .. وازا حكمتلك المحكمة .. بتطلقني وقتا ؟
نورس باستغراب : طلقك ؟ ما بعرف ما فكرت بهل موضوع .. انتي شو بدك ؟
يارا : انا ما بدي اتطلق .. ازا منضل عايشين هيك .. بدي ابقى هون !
نورس : طيب معناها بتقدميلي خدمة وانا بقدملك خدمة انك رح تضلي مرتي (شكلياً) ورح تتابعي حياتك بحريتك المطلقة ، وبالمقابل انا ما بدي شي الا اولادي يكونو حوالي كل فترة والتانيه
ما بدي امهن تضل تحط براسهن انو انا ما بحبهن
ومابزورهن لانو ما بدي ياهن !!
يارا : طيب انت حاولت تتفاهم معا ؟
نورس : ما في اي طريقة للتفاهم .. مرتين جابتلي الشرطة لما رحت بغير موعد الزيارة ! واهلها حاولو يتواسطولي .. بس هي عم تستغل الأولاد .. اقسم بالله العظيم عم تستغلهن لتعاقبني
يارا بشك : ليش انت شو عامل لتعاقبك بهل طريقه هي ؟
هرب بعيونو منها و حرق سيجارة جديدة باستعجال .. ( مشاكل قديمة ، مابدي احكي فيهن .. ) ..
يارا .. : طيب ..
نورس بفرح : طيب ؟ يعني موافقه ؟
نزلو خصل شعرها على عيونها .. نزلت راسها وضغطت على ايدها : اي .. موافقه
_____________________________________________________________________
كل انسان عندو جزء أناني .. قد ما حاول يخفيه ويدعي انو ما عندو ياه .. بس هو موجود وحي .. بيظهر بمواقف معينة .. هاد الجزء من يارا .. ظهر بهل فترة من حياتها
ما كان عندها اي رغبة تتخلى عن هي الحياة الي مستحيل تحصل عليها بمكان تاني ومع شخص اخر غير نورس .. متل ما هو عم يستغلها ليرجع اولادو ..
هي عم تستغلو لتبقى عايشه على ذكرى يزن بحرية .. وبدون ضغوط ..
مع الأيام المسافة بين يارا ونورس كانت تقصر اكتر بحكم حياتهم اليومية وقعداتهن مع بعض والمسرحيات الي بمثلوها قدام الناس وقدام اهلها واهلو .. نشأت علاقة صداقة لطيفه بيناتهن ..
وكان كل شخص يسعى ليريح التاني .. مشان تضل مصالحهن قائمة ..
نورس بتوتر (( لك يا يارا وينك يلا .. العالم حضرت العرس وخلصو وانتي بعدك ما جهزتي !! ) )
يارا من غرفتها (( ايه لا تعيط علي عم توترني .. ثواني بس .. رح خلص .. ))
قعد على الكنباية واتطلع على الساعه الي بايدو كمان مره .. وهمس (( لازم نرجع بكير بدي لحق احضر المباراة !! ))
بعد خمس دقايق كانت يارا واقفة وراه وريحة عطرها الجذاب سبقتها ..
يارا بصوت رقيق (( ليك شوفلي هيك تمام ؟ ))
التفت بعدم اهتمام (( اي خلصينا يلا .. تأخــ ـ ـ ـ .. تأخر..نا .. ))
يارا (( شو شبك ليه هيك عم تطلع ؟ ))
نورس بابتسامة بسيطة (( كتير حلوة .. ما معقولة !! ))
بفستانها الأحمر الطويل .. وخصل شعرها الي نازلة ورا ضهرها بتناسق واهتمام .. مع مكياج فضي ناعم ..
قرب لعندها (( يلا نمشي ؟ ))
يارا (( ان شاء الله اعجب امك واخواتك .. اهتميت بحالي خصوصي حتى اعجبهن .. ))
قرب لادنها وهمس (( رح تفلجيهن !! ))
عالطريق كان نورس بين الوقت والتاني يسرق نظرة على يارا الي متلبكة بفستانها وشعرها ..
نورس (( يارا ارفعي الشال على كتافك منيح .. لو سمحتي .. ))
يارا بخجل (( تمام .. ))
بعد نص ساعه من وصولهن للحفلة .. بلشت رسائل نورس توصل على موبايل يارا
( ممكن تطلعي ؟ .. )
( خلينا نمشي .. انا ناطرك برا )
(يارا تأخرتي .. )
( ازا ما بتطلعلي فايت اخدك خلصينا .. )
ردت يارا بمسج ( نورس انا مبسوطه كتير بالحفلة .. بعرف انك مستعجل مشان المباراة .. خلص انت روح وانا رح نام عند اهلك .. وبنت عمك طالعه احلى عروس كتير حفلتها حلوة )
استلم نورس المسج وما عجبو .. رد بسرعه ( لا لازم احكي معك بموضوع .. يلا ناطرك برا .. )
انزعجت بعد ما وصلتها رسالتو ... اعتذرت من حماتها وخبرتها انو نورس استعجلها .. وطلعت لعندو هي وحامله فستانها ومعصبة .. ومجرد ما شافها عبت ابتسامتو وشو ..
طلعت يارا بالسيارة ( يلا يارا .. خلصينا يا يارا .. يارا تأخرنا .. يارا بدنا نمشي .. لك ما خليتني اتهنى بالحفلة .. لك ما لحئت اقعد مع العالم
و الناس مفكرينك قاتل حالك علي ودايب بجمالي .. قال روحي لعند جوزك بكون مشتئلك .. عنجد عصبتني بتعرف ؟ والمشكلة عرس بنت عمك يعني انا جايه كرمالك .. وفوق هاد كلو .. )
حط ايدو على تمها ( حااااااااااااج .. شو صرلك
بيت وما كان يرد على يارا .. اتصلت باهلو وما كان عندهن ... بالنهاية اتصل فيها المحامي وخبرها انو نورس عندو ليطمنها ..
انتظرت يومين تانيات وما رجع .. وقتها فهمت انو رح ينفذ حكيو .. وما رح يرجع على البيت لتطلع هي منو ..
اخدت جولة بالبيت وهي عم تطلع بكل زاوية وبكل مكان ..
كيف كانت تقعد هي وياه يفطرو بسرعه .. وياخدها عالمعهد وما يمشي ليتاكد انها فاتت ..
وكيف يرجع ياخدها العصر من بيت اهلو وتشوف بعيونو انو مشتاقلها ..
كيف يساعدها بالغدا ويمزح ويضحك معا كأنها طفلة ..
كم ليله سهرو على التلفزيون يضحكو يلعبو !! ..
عيونها عم تدور بكل زاوية وقلبها عم يغص بكل ذكرى ..
لملمت اغراضها بشنته صغيرة .. رتبت البيت للمره الأخيره .. وطلعت منو ..
_________________________________________________
بعد اربع شهور
_________________________________________________
يارا : اختي مشان الله بلا هالروحة ما بدي روح ما بدي روووووح لك ما بدي اطلع من البيت اتركوني بحالي
سحبتها لارا من ايدها : ايه مو على كيفك .. يلا صرتي لابسه .. وايمن عم يستنانا يلا ..
يارا : يا الله منكن ما حدا بدو يتركني بحالي اوووف ياربببببببببببي ..
لارا : اي حاج حكي ... يلا ..
(( تكسسسسسسسسيييييييي ))
وقفت لارا تكسي وطلعت هي واختها .. كانت عازمتها على المطعم الي بيشتغل فيه جوزها ايمن .. حاولت بكل الطرق تطلعها من حالتها ..
من وقت ما رجعت من عند نورس وهي على طول شاردة .. ما كانت بهل حالة الا بفترة وفاة يزن ..
طول الطريق وهي عم تحاول تتحركشها ..
لارا ( ايمن بس عرف انو جايين لعندو على المطعم .. فرح كتير وقال رح يوي على طاولتنا .. مو هو المحاسب هنيك والكل بدهن رضاه .. شو جاي على بالك تاكلي ؟ )
يارا ( اي شي اختي .. ما بتفرق .. )
وصلو عالمطعم ..
نزلت يارا هي وعم تتلفت حواليها بملل وعصبيه ..
فاتو عالمطعم واستقبلهن ايمن بسعاده وفوتهن على طاولة جنب الشباك ورحب فيهن كتير ..
لارا ( يارا وين سرحانه ؟ ايمن عم يسالك شو بدك تاكلي ؟ )
يارا ( اه ؟ عفواً ما انتبهت .. .الي بدكن ياه ما عندي مشكلة ..
)
اتطلعت لارا وايمن ببعض بيئس ..
لارا ( خلص حبيبي نزللنا غدا على زوقك .. )
ايمن ( تمام رح وصيهن يستعجلولكن بالأكل .. يلا انا راجع لمكتبي .. في شوية حسابات بايدي لان اجتنا طلبية هلأ بس بسلم المصاري للشباب وبجي لعندكن ايه ؟)
لارا ( تمام ناطرينك .. )
راح ايمن .. وتطلعت لارا باختها الي رجعت سرحت كأنها مو معها ..
لارا ( الله يهدي بالك يا اختي .. )
التفتت عليها يارا وابتسمت .. ( امين اختي .. امين .. )
وصل الأكل .. وبلشت لارا تحاول تطعمي يارا و تحكيها ..
وهن عم ياكلو .. حست يارا انو في شي تحت رجليها عم يتحرك
فكرت حالها عم تتوهم .. بعد شوي رجعت حست نفس الشي ..
نزلت راسها بحذر لتشوف شو القصة ..
يارا بضحكة عريضة ( مرحبا يا شب .. )
الطفل رفع راسو باستغراب ..
يارا ( شو عم تعمل هون ؟ )
رفع اكتافو ومد شفافا .. ( الطابة تبعي وقعت تحت طاولتكن .. بدي ياها .. )
وقفت يارا عن الكرسي ( رح دور عليها معك .. )
قبل ما تفتل وشها عنو رجعت اتطلعت فيه بتركيز ..
الطفل بعصبية ( شو ؟ )
نزلت يارا على ركبتها وتطلعت بعيونو .. عقدت حواجبها وبلعت ريقها بتوتر
يارا ( انت .. انت وين امك ؟ )
الطفل ( ماما جوا هلأ بتيجي .. يلا بدي الطابة .. بدي الطااااااااااااااابة .. )
توترت يارا والتفتت على الطاولة وتناولت كاسة المي و شربت ..
يارا ( انت شو اسمك ؟)
الطفل ( ما دخلك .. )
يارا ( قلي شو اسمك بعطيك الطابة ؟ )
الطفل ( طيب .. اسمي احمد .. اعطيني الطابة يلا .. )
حست حالها فقدت توازنها ،، قعدت عالكرسي ولسه عيونها على الولد .. ازدادت ضربات قلبها .. وحست كأنها شمت ريحة نورس .. قامت لارا لعند الولد و طلعتلو الطابة من تحت الطاولة واعطتو ياها
اخدها وبعد عنهن ويارا بعدا عم تطلع فيها ..
لارا ( يارا فيكي شي ؟ )
هزت راسها ورجعت شربت مي ..
وصل ايمن هو وعم يعتزر
ايمن ( عفواً يا جماعة .. بس ما اتفقنا انا وياهن واضطرينا ننادي المدير .. متفقين على السعر وهلأ بعد ما استلمنا غيرو رأيهن .. )
لارا بغضب ( اي شو على كيفهن ؟ شو قال المدير ؟ )
ايمت ( المدير ؟ ... عندو ست الحسن ما همو .. قلي اعطيهن الي بدهن ياه ومشيهن .. حاسبتهن متل ما بدهن ورجع على مكتبو )
يارا باستغراب ( مين ست الحسن .. مرتو يعني ؟ )
قرب ايمن راسو ووطى صوتو ( لك لا .. هي وحده وضعها مو زابط .. بتضل تيجي لهون وبتفوت على مكتبو .. بتغط ساعه ساعتين وبتطلع .. الله يستر علينا .. )
لارا ( يييييييي يا عيب الشوم .. الي استحو ماتو .. )
كانت يارا لسه عم تفكر باحمد .. قدرت تتزكرو من الصورة الي ورجاها ياها نورس ..
قدرت تعرفو من نظرتو .. من طريقة حكيو .. من عيونو ..
رجعت تدور عليه وما شافتو ..
خلصو اكل ولارا تقنع فيها ليقومو وما رضيت يارا تقوم
نورس ( طيب فايت لعندهن… )
فتح باب الغرفه و سمع ضحكاتهن..
احمد ( عنننننن عننننن… بيييييب… بعدي عن القطار السريع يا ريماس)
ريماس وهي تركض و احمد يركض وراها ( احمد غليييظ لا تدعسني لا تدعسنييييي) …
ركض نورس و حملها و حطها على كتافو ( ما حدا بدوس بنتي ابحلوة و انا موجود)
مدت لسانها لاحمد بفرح ( انا ركبت بالطيارة، ئا ئى ئاااا)
احمد ( بابا زعلت منك… هاد غششش ماعاد بدي العب..)
ريماس ( لا بابا مو غشاش و لا وحش انتو يتضحكو علي)
نورس ( وحش؟ ) ..
احمد ( ايه ماما قالت انك وحش بس انا ما سدئت، بس ريماس سدئت..)
نزلها عالارض و قعد على ركبتو.. ( هلأ انا وحش بابا؟ )
مسكت فستانها و صارت تلفو على اصبعها بخجل ( مممم لأ)
نورس ( لكن بوسيني.. )
قربت وباستو بحب..
تطلع على احمد وغمزلو ( و انت تعال بوسني يلا.. )
ضمهن لحضنو و مسح على راسهن… كان حاسس حالو بالجنة...عم يشم ريحتهن ومو مسدئ…
________________
________________
يارا قاعدة عالبرندة عم تشرب قهوة.. رن جرس البيت اكتر من مرة…
ام يارا: خليكي انا بفتح الباب… هي اختك لارا…
فتحت الباب وبوستها ( وين ولادك بنتي؟)
لارا باستعجال ( تركتهن عند ستهن، وينها يارا… ياااارااا… يا ياااارااااا)
مشت يارا لعندهن ( شوفي شبك؟ )
لارا ( تعي على غرفتنا بسرعه في شي مهم)
ام يارا: اسراركن ما بتخلص… الله يستر العالم منكن…
لارا: ههههه منعجبك ام اللول…
سحبت يارا من ايدها و فاتو على الغرفة… قفلت الباب و اخدت نفس..
#تعويذة_الحب
الجزء الثالث عشر
Telegram:@rwayate
يارا : اه ؟ المليون ؟ .. لك كنت نسيانتو
لارا : ينعن ديبك هاد مليون .. بينتسى ؟؟؟؟شو رأيك نطلع سيراااان ؟ ونعمل مشاوي و سلطة و مناخود دربكة والله مننبسط
يارا : مو معقول شو غليظة ، وعطول تفكيرك ببطنك
حطت ايدها على بطنها و سبلت بعيونها : مو انا حبيبتي .. هاد الببو الجديد
يارا : شووو ؟ حااااااااامل ؟
لارا بخجل : ايه .. لسه ما خبرت امك اعملي حالك ما معك خبر بتزعل ازا ما كانت اول حدا بيعرف هههه
يارا : ييي لك تئبري البي .. مشتهية مشاوي ؟ نوصيلك ؟
لارا : لك لا كنت امزح معك ، عنجد شو بدنا نعمل بالمليون ؟ ايمن كتير متدايق انو المصاري عندنا بالبيت ..
يارا : يعلي عليكن .. حقك علي اختي .. عزبتكن كتير معي وجوزك صفى بلا شغل بسببي .. طيب ليكي .. اديه صرف ايمن عليها للحرباية ؟
لارا : ممم 150 الف .. بين هدايا وتياب و طلعات وروحات وجيات ..
يارا : حلو .. خدو 150 وجيبيلي الباقي .. انا بعرف اتصرف فيهن
لارا : طيب فهميني شو بدك تعملي ؟
يارا : خلص بعدين بقلك .. المهم .. بأي شهر صرتي وليه ؟
__________________________
الساعه 9 المسا .. طلع نورس من غرفة اولادو بعد ما حطهن بالتخت وحكالهن حكاية لينامو ..سكر الباب و قعد على الكنباية بتعب ..
رجع راسو لورا وغمض عيونو هو وعم يفكر .. (( يا الله اديش تربية الأولاد صعبة ، تركتلي ياهن امي وراحت .. خايف يكونو حاسين بتقصير او ناقصهن شي .. صحيح ما عم يقولو .. بس ماني مرتاح .. ))
مرض ابو نورس وقعد بالفراش ، فــ انجبرت امو ترجع على بيتها لتشوف طلباتو وتدير بالها عليه .. كان نورس كل يوم الصبح ياخود الأولاد يحطهن عندا .. وبعد ما يرجع من شغلو الي دبرو بصعوبة يرجع ياخد الأولاد
من عندها ويشوفها اديه تعبانه ..
حس انو بحاجة سيجارة ليهدي راسو .. تزكر انو ما ترك بالبيت اي اثر للداخن وزتهن كلهن مشان ما يدخن قدام اولادو ..
قام فتح باب البرندة و حاول يشم هوا نضيف .. ومع اول نسمة باردة .. مرقت صورة يارا قدام عيونو .. وسمع صوتها بادنيه وسمع ضحكتها .. (( نورس .. نورس .. ))
التفت وراه (( يارا ؟ ))
تطلع حواليه .. تخربطت نبضات قلبو ..
(( بدي ضل اتخيلك ؟ .. هه ))
رجع شق على اولادو .. وفات على غرفتو وحاول ينام ...
بعد يومين تانيات .. وهو راجع لياخود اولادو كانت ريماس هادية كتير وما عم تحكي .. نامت بالسيارة وحملها عالبيت ..
حطها بتختها وقرب ليبوسها .. حس عليها حرارة ..
توتر وجرب يتأكد .. عليها حرارة .. مسك موبايلو واتصل بامو ..
نورس (( امي .. شو بدي قلك .. ريماس كأنها مريضة ؟ ))
ام نورس (( والله يا ابني ما بعرف .. هي اليوم ما لعبت كتير وما تخانقت هي و احمد ..))
نورس (( طيب امي بس عليها حرارة شو اعمل ؟ ))
ام نورس (( حرارة ؟ طيب .. طيب اعمللها كمادات ودفيها كتير منيح .. خليها تتعرق ازا تعرقت بتطيب .. وشربها زهورات .. ))
نورس (( زهورات ؟ ما عندي زهورات !! خلص بدبر حالي .. ديري بالك على ابي .. ما ينشغل بالك .. ))
سكر الخط هو ومتوتر و احمد قاعد جنب ريماس ..
أحمد (( بابا .. مطول وانت تفكر ؟ يلا خلصنا .. ))
نورس (( اه ؟ شو ؟ شو اعمل ؟ ))
ضرب احمد ايدو على جبينو (( يا حبيبي .. شربها دوا يلا ))
نورس (( لا مو دوا .. لحظة خليني اعمل كمادات .. خليك جنبها .. لا تتحرك ها .. ))
راح عالمطبخ بسرعه ورجع ومعو مي دافية وقطعة قماش .. بللها و حطها على جبين ريماس .. شهقت وصارت تبكي ..
احمد (( بااااابااااااا اعصرها اعصرهااااا... لازم تعصر الكمادات قبل ما تحطهن على جبينها ستي هيك كانت تعمل اووففففففف ))
نورس بهمس (( نسيت .. معك حق .. ))
بعد ربع ساعه بلشت تنزل حرارة ريماس .. ورجعت نامة براحة .. واحمد نام من التعب ..
تركهن نورس وطلع من الغرفة .. اول ما قعد على الكنباية رن جرس البيت ..
نورس (( اااخ بس .. مين جاي هلأ .. ))
قام وفتح الباب ...
يارا بخجل .. (( مرحبا .. نورس .. ))
نورس (( _ _ _ _ ))
يارا (( انا .. كنت .. ))
نورس (( اهلا وسهلا يارا .. فوتي فوتي .. ليش واقفه برا ؟ ))
يارا (( لا معليه مو ضروري ))
فتح الباب هو ومبتسم .. (( لك فوت
ن لارا ..
سكرت الموبايل وقعدت تبكي لنشفو دموعا ... حست بخجل من نورس .. شو ممكن يفكر وكيف رح يفهمها ..
بعد ما استسلمت للي صار فتحت الجوال وردت عليه .. ( شو المشكلة ؟ )
نورس ( المشكلة انو هو ما عاد بدو جواز صوري .. بدو تصيري مرتو وشريكة حياتو .. يا ترى .. بتقبلي ؟ )
قرأت الرسالة اكتر من مره ..
مره تبتسم .. ومره تتوتر .. شدت الدبدوب لحضنها ..
و ردت على نورس .. ( ايه .. بــــــــــــــــقـــــــــــبـــــــل .. )
_ _ _ _ _ _ _
احياناً .. بكون الطريق للشي الي بدنا ياه سهل كتير و واضح .. بس منحسو صعب وطويل .. احتياطاً ما منمشي فيه ..
واحتياطاً منعمل حالنا مو شايفينو ..
واحتياطاً منخاف على كبريائنا .. بس بهل حالة ما حدا بيخسر غيرنا .. وبتروح مشاعرنا ضحية وقت ( بدل ضائع .. ) و بتروح سعادتنا ضحية الاحتياط...
_ _ _ _ _ _
حكى نورس مع اهل يارا ورجع طلبها منهن .. اهلها رحبو فيه و وافقو .. ويارا اعطتهن موافقتها .. وبحكم انهن اساساً متطلقين ما كان في خطبة وغيرو .. مجرد كتب كتاب واخدها على بيتو مره تانيه ..
طلعت من بيت اهلها هي وياه .. وما حدا فيهن قدران يتطلع بالتاني او يحكي شي ..
وصلو على بيتهن .. كان تارك ولادو عند امو ..
فاتت يارا هي وعم تحاول تكون طبيعيه بس دقات قلبها كانت عم تتسارع بشكل كبير ..
يارا ( ايه وين الولاد ؟ )
نورس ( بدك ياهن حبيبتي ؟ ما بينفع ابوهن ؟ )
هربت بوشها منو واتطلعت حواليها .. ( البيت متل ما هو .. بس كأنك مغير السجادة ؟ )
لف خصرها بايدها وحضنها .. قرب منها وهمس .. ( كأني مشتقلك ؟ .. ولك انتي اعند مخلوقة شفتها بحياتي .. صعب كتير عليكي تحكي ؟ شو كان بكلفك الموضوع غير تقوليلي تعا لتشوفيني بين ايديكي ؟ )
بلعت ريقها بتوتر ونزلت عيونها .. ( انا .. ما .. ما بعرف .. )
حط ايدو على خدها وشدها .. ( انا بعرف .. بعرف اني بحبك .. شو ما عملتي بحبك .. كيف وليش ما بعرف .. مع انو الي متلي بعمرو ما برجع يآمن بجنس حوا
بس انتي كانك فتي على هالقلب .. وقرأتي عليه تعويذة باسمك .. تعويذة حب ما في شي قدر يفكها .. )
يارا : _ _ _
حملها بين ايديه .. ومشي فيها على غرفتهن .. تعلقت برقبتو وغمرت وشها بحضنو ..
نورس ( هلأ ما بطلعلك شي عندي صح ؟ انا حر التصرف .. )
كانت مبتسمة بحضنو .. قبل ما تمرق صورة يزن قدام عيونها ..
شدت على تياب نورس بقوة وحست سهم انغرز بصدرها .. نزلها نورس عالتخت وانحنى باتجاها .. بعد شعرها عن وشها والتقت عيونو بعيونها .. كان متوقع منها نظرة حب .. نظرة فرة .. او نظرة شوق ..
خابت كل امالو لما شاف الدموع مغرقين عيونها ...
نورس ( شبك يارا ؟ )
يارا ( ما .. ما في شي .. )
فتلت وشها للجهة التانية وتابعت بكي بصوت مسموع ..
نورس ( يارا .. فهميني شبك ؟ .. يارا ردي علي .. )
____________________________________________
تاني نهار كان نورس قاعد بالصالة بنفس تيابو .. بس الفرق انو هيئتو تعيسة وفرحت امبارح كلها تلاشت .. كان عم يدخن بشراهة لما طلع الضو عليه ..
وقفت يارا على باب الغرفة و الكحل متراكم تحت عيونها من اثار البكي ..
يارا (( ما نمت ؟ ))
التفت عليها وطفى سيجارتو .. وحاول يبتسم .. (( صباح الخير حبيبتي .. لا غفيت بس هلأ صحيت .. شبك انتي ليش هيك وشك تعبان ؟ ))
قربت لعندو وقعدت جنبو .. حطت راسها على صدرو ولفها بايدو ليقربها منو ..
يارا (( ما تزعل مني .. انا ما بعرف شو صار .. ))
مسح ايدو على شعراتها بحنان (( عادي ، ما في مشكلة المهم انتي معي .. ولاحقين على كل شي .. ))
يارا (( يعني مو زعلان مني ؟ ))
نورس (( لا حبيبتي ، عادي متفهم وضعك .. كل شي بيصير بوقتو ما تفكري بالموضوع))
حطت ايدها على دقتو بحب .. (( اسفه .. ))
وغمضت عيونها واستلمت للنوم بعد ليلة طويلة من البكي ...
تنهد نورس بألم .. وهو عم يفكر .. (( انا مو زعلان لان ما صار شي .. انا بس زعلان لان للحظة فكرت قلبك صار معي .. بس يزن لسه عايش بيناتنا رغم انو مات من سنين .. الي مخوفني .. انو شي نهار
رح يموت يزن عنجد .. ولا بدك تخليه عايش ؟ ))
تطلع فيها هي ونايمة متل الأطفال .. باسها على جبينها وضل متل ما هو مشان تبقى نايمة ومرتاحه ..
_ _ _ _ _
بعد تلات ايام .. كانت يارا عازمة اختها لارا وجوزها لعندهن عالبيت .. جهزت عشا وكانو كلهن قاعدين على البرنده عم يشربو شاي بانتظار وصول نورس ليبلشو عشا ..
اولاد لارا و اولاد نورس عم يلعبو بغرفة الألعاب ..
ولارا و يارا وايمن قاعدين عم يحكو ويضحكو ..
لارا : اييييييي لك بعمري ما بنسالك ياها يا ايمن ، يا لطيف لما شفتك مسكتلها ايدها وبستلها ياها .. حسيت تيار كهربا ضرب مخي .. كان نفسي قوم ادبحك انت وياها
يارا : اي صهري اختي معا حق
ايمن :يارا .. هي اختك شوفة عينك .. كل ما نتخانق بتقلي انا مو ناسيتلك ياها .. لك شو انا كنت خونك ؟ فوق ما عملت كل هالشي كرمالك وتركت شغلي ؟
#تعويذة_الحب
الجزء الرابع عشر و الأخير ..
Telegram:@rwayate
ابتسم نورس .. وتركهن وفات على غرفتو ..
تطلعو تلاتتهن ببعض بخوف ..
لارا : دخيلكن حاسه حالي رح اطلق من الرعبة .. معقول سمعنا ؟
ايمن : الأفضل نمشي يارا .. فوتي جيبي الولاد .. يلا
لارا : طيب ماشي..
بقيت يارا ساكته ومو قادرة تفكر ..
ايمن : يارا .. ما تخافي بسيطة .. نحنا ما عملنا شي غلط .. قلتلك من الأول .. الأحسن تخبريه بس !!
قعدت يارا و صارت تهز رجلها بتوتر وتتحرك لقدام وترجع لورا ..
ايمن : نورس بحبك .. حاولي تفهميه انك عملتي هيك كرمالو ..
يارا : كيف .. لك شو بدي قلو .. كيف !!
طلعت لارا ومعها ولادها .. (( يلا ايمن خلينا نمشي .. ))
ايمن : عن ازنك .. تصبحو على خير ..
يارا : تصبحو على خير ..
وصلتهن عالباب وسكرت وراهن .. وقفت ثواني عم تحاول تنظم نفسها وتهدي حالها .. كل شوي تنزل دمعتها وتمسحها ..
احمد : خالة يارا .. شو في ؟
التفتت هي وعم تبتسم : احمد ؟ لا ولاشي حبيبي .. تعال حطلك عشا انت واختك مشان تاكلو ، انا وابوك مو جوعانين مناكول بعدين ..
احمد : مممم طيب ..
فاتت عالمطبخ وعقلها مو معها .. سكبت اكل لريماس و احمد وفوتتلهن على غرفتهن حطتلهن الأكل ..
مشيت باتجاه غرفة النوم وهي خايفه .. فتحت الباب شوي شوي (( نورس ؟ نايم ؟ ))
كان ضو الغرفة مطفي وعتمه ..
انتبهت عليه قاعد على جنب التخت .. تشجعت وفاتت وسكرت الباب وراها .. وشغلت الضو ..
نورس (( انتي ورا كل هالشي ؟ ))
قربت وقعدت جنبو .. حطت ايدها على كتفو .. (( انا اسفه ، ما حبيت دايئك .. خفت تعمل شي غلط ازا عرفت بتصرفات وداد .. ))
نورس (( لهلأ ما حدا فهمان ليش طلقتها ، لهلأ الكل شايفيني متوحش و ظالم ,, يا ترى اي رجال مكاني كان عندو زوجة متل وداد كيف كان رح يتصرف ؟ يصفقلها ؟؟ لك شووووو بيعمل ؟ ))
يارا بتوتر (( خلص انسى ، الي راح راح .. روق هلأ .. انت زعلان مني ؟ ))
نورس (( هه .. انا زعلان على حالي .. حاسس حالي حمار يا يارا .. حاسس راسي فااااااااااضي .. انو كيف ؟ كيف ما فكرت فيها ؟ والمصاري الي رجعتيهن .. شو في براسي انا !! ))
يارا (( لا تحكي هيك الله يوفئك ، مو هيك الموضوع بـــس انا .. ))
التفت عليها ومسكها من ايدها بقوة (( انتي شو ؟ بتحبيني ولا لأ ؟ بدك ياني ولا لأ ؟ ولك يزن طلع من راسك ولا لأ فهمييييييييني ردي عليييييييييي ؟ ))
رجفت ايدها وما عاد عرفت تحكي ..
نورس (( رجعتي بس لانك متعاطفة معي صح ؟ كل شي صار لانك حاسة بالذنب ما هيك ؟ ))
غمضت عيونها بقوة هي وعم تبكي (( لا مو هيك والله مو هيك ))
نورس (( ما قدرتي تحبيني ؟ ))
يارا (( والله بـــــــحــــــــبـــــــــك .. ))
فتحت عيونها وتطلعو ببعض و هن ساكتين .. والكلمة عم ترن براس نورس .. (( والله بحبك !! ))
شدها لصدرو بقوة .. حط انفو عند خصل شعرها و استنشقها ..
نورس (( انتي واحمد وريماس .. اهم ناس بحياتي .. ما بدي شي يبعدكن عني .. ))
يارا (( ولا شي بيبعدني عنك .. بوعدك .. ))
رفعت عيونها فيها .. وتطلعت بنظرة قدر يفهمها .. نظرة كلها حب وحاجة ..
ابتسملها ومسح بقايا الدموع بعينها ..
يارا (( ما تزعــل مني .. ))
حط ايدو على شفافها .. (( هــس .. انا بس بحبك .. ))
خلخل اصابعو بين شعرها .. جذبها باتجاهو .. وهمسلها اكتر من مره .. ( بحبك .. ) ..
_______________________________________________
فتحت عيونها الصبح وما لقت نورس جنبها .. ابتسمت و قلبت عالجهة التانيه وشدت الغطا لحضنها ..
انفتح باب الغرفة وفات نورس هو وعم ينشف شعرو ..
غمضت يارا عيونها بسرعه ..
نورس .. (( اي قومي قومي .. شفتك .. ))
يارا (( انا لسه نايمة .. ))
نورس (( اي يسلملي النايم وهو مفتح ... قومي حبيبتي .. الفطور جاهز .. ))
بعد مرور سبع شهور ...
اهل وداد زوجوها لختيار كبير بعد ما سيرتها صارت على كل لسان .. حاول نورس ما يجيب سيرتها بالعاطل وحاول يصون العشرة
بس هي ما قدرت تصون حالها ..
اخدها زوجها وسافر فيها .. اتصلت بعد هيك على اهلها اكتر من مره مشان تشوف اولادها و بدها تتطلق بس اهلها تخلو عنها وتبرو منها .. وحكت مع نورس اكتر من مره وما قدر يساعدها بشي
بس كان يخليها تحكي مع الاولاد دايماً وبشكل مستمر ..
كانت يارا حامل بالشهر الخامس .. قاعده على الكنباية واحمد وريماس حواليها .. وحاطين صحن البوشار على بطن يارا وعم يتفرجو على توم وجيري ويضحكو ..
طلع نورس من المطبخ وهو لابس مريول الطبخ ..
نورس (( احمد انت بدك معكرونة صارت جاهزة .. يارا عملتلك نقانق وبطاطا مقلية .. يارا نسيت شو قلتيلي بدك تاكلي ؟ ))
يارا (( سوشي حبيبي .. ))
حك راسو باستغراب (( سوشي حبيبي .. طيب حاضر .
. ))
فات ع
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com