📚قصص||روايات||منوعة📚

ع كتافي
عمااد : حياة فيقي وصلنااا
انا : بعتذرر .. نمت بلا ما حس
عماد : بعرف .. مبين عليكي تعبانة
انا:شكرا الك عمااد
عماد: شو رح تعملي هلاا؟
انا : بروح اخذ ستي و بعمل اكل ..
عماد : رح اتصل فيكي المسا ماشي
انا : ان شاء الله
مرت ايام و ما في شي تغير .. كلشي ضل ع حالو حتى مرت ثلاث شهور ..عماد و انا قربنا من بعض كثير ..كنا تقريبا نشوف بعض كل يوم .. و مرة قلي انو رح اتاخر بالشغل بليل .. نصدمت لانو كنت مفكرة عايش ع مصاري ابوه بس هو بالعكس يشتغل و نااجح بحياتو ..خجلت منو كثير لانو ايام تعرفنا كنت ناديه الطفل المدلل ..يعني عماد كان يشتغل و يهتم فيني بنفس الوقت و حامل مسؤوليتي كاني حدا من عيلتو .. كان يهتم فيني .. يتصل فيني كل الوقت ... تمسكت فيه كثير .. و بعد كم شهر قضيتا معو ك صديقة حسيت اني عشقانتو كثير ..حتى هو حسيتو انو يحبني كثير بس ما كان يحكيلي شي .. بس كان واضح من شي يلي يعملو دايما مشاني ..
____
مرو الشهور . و اجا الصيف و كان في حرارة كثير .. كنت عم نظف عند الختيارة ..هلمرة ما كنت زعلانة بالعكس متفاءلة و بضحك .. هداك اليوم عطتني المرا فستان تبع بيت مشان ما وسخ ثيابي .. بس بما انو هي قصيرة و ضعيفة .. هداك الفستان كان ضيق عليي شوي و قصيير .. بس ما كان معي مشكلة لانو عايشة لحاهااا و ما حدا يجي لعنداا .. كنت عم نظف و قربت خلص .. كنت عم اشطف الارض .. حتى سمعنا الباب يندق ..حتى شفت ابن بنتا شب فايت ع البيت بدون سلام .. هـ الشب بعمر25 سنة .. معروف بسهراتو و معروف .. كنت عم نظف جنب الباب .. وقفت لحتى خليه يفوت ..حسيتو طلع عليي بنظرات وسخة . نزلت راسي حتى ما تجي عيني بعينو ..هو راح ع مطبخ و انا كنت بالحمام .. حتى غسل وشي و البس ثيابي مشان روح ..حتى شفتو ورا ظهري و عم يطلع فيني و قلي
هو : حياة .. صرلي كثير ما شفتك هون .. عم تحلي اكثر و اكثرر
انا : تركني خلص شغلي بدي غسل و اطلع ...
و هون حط ايديه الوسخين على تمي مشان ما صرخ .. و قرب مني اكثرر و بلش يلمسني بايدو الثانية بكل جسمي ..مثل الحيوان ..كنت عم ابكي و عم جرب صرخ ..صار يقلي انو فيه يعطيني شغل احسن من هااد ..و اني حلوة كثير و فيني اكسب مصاري اكثر ..قلي انو فيه ياجرلي بيت و يعطيني كلشي بدي ياه ..قلي انو رح تعيشي مثل الاميرة .. قصدي مثل الـ ..... صرت صرخ اكثررر و عم ابكي مثل المجنونة ......
و هون .......+ .....
______________________
يتبع.

لاقيت ايمن واشرف قالو ,, سلاما قولا منرب رحيم ,, طبعا لانو ما شافو هل عضم قبل هيك ,, ايمن قال شو هاد لو محرووق ما كان هيك ,, كانت الاشاره انوو كهربت البيت كلا طفتت ,, وعلى قطع الكهربا كلوو سكت من الصدمه وانا بلشت اصرخ ياسين اشرف ايمن وينكن هاتو شمع ,, ما حدى رد منن ,, تحركت من محلي وعم شوف شوفي ادامي سممعت صسوت من المطبخ عم اصرخ مين بالمطبخ ,, ايمن عم بقول انا عم دور ع شمع ,, سمعت صوت اشرف كان عم بقول كان يوم اسود يوم ما رحنا ,, سمعت كلن بس ما سمعت ياسين ,, صرختلو ما رد ياسيين ياسيين ,, سمعت صوت خبط بالمطبخ ,, بس كان ايمن ,, التلن وين ياسين ما حدى رد ,, للاحساس الي كنت حاسو احساس منحسو كتير ,, اعد لحالك خايف وحاسس في حدى اعد وراك ولا جنبك ,,, لدرجه بتحس في حدى عم يتنفس جنبك او حراره جسم وراك او حدى عم يمشي من وراك وانت خايف تلف وتشوفو ,, الشعور هاد بيجي كتير لاي حدى انو اعد بغرفه لحالو او تحت التخت في حدى , هوه هاد الي كنت حاسس فيو انا بالصاله لحالي مافي غيريي ,,,,انا صرخت لاخلص من الرعب ,, هنن ماتو من سببي ,, قالولي انت عم تعمل حالك ذكي وعم تعملو رعب انت وياسين ,, ف انا وقفت وقلت يا ياسين بطل هل صوات كمان ,, ياسيين ما عم برد علي ياسين مالو وقت مزح رد علي وينك ,, عم امشي ودور عليه ,, فقدت توازني ووقعت لانو صربت ب طاوله الي كان عليها العضم ف العضم وقع علي وايدي صارت عليه ,, وكل همي انو ما بدي المسوو عم بعدو ,, وانا بالارض انا سامع صوت ,, ياسيين ياسسييين بكفي حاج ,, ايمن عم بقول خلص لاقيت شمع ,, التلو تعا لهون عم اسمع شي غريب تعا ايمن ,, ايمن جاب الشمع ,, ما لحق يقرب مني لانو الضو رجع اصلا ,,
ما لحقنا نسكر عيونا نفتحا ,, لانو ياسين كان جنبي ,, او مو ياسين الي كان جنبي ,, تحديدا الي كان جنبي هوه راس ياسين ,, !! راس ياسين جنب رجل الطاوله الي وقعت ,, وكان ايد ياسين فوق كرسي ورجلو ب مكان وايدو التايه ب مكان ,, الايد الي كانت ع كرسي ادامي كانت ماسكه ب عضمه سودا ,, هاد الي شافو ياسين بالحلم !!!
انا ما قدرت اتحرك ايمن واشرف عم يبكو ويصرخو وما حد ى فهمااان شي ,, انا وقعت متلن وفقدت الوعي ,, فقت ع صوت حدى عم بهزني وبقلي قوم يا هشاام كان صوت ايمن ,,, ما قدرتاربط افكاري بس كنت عم فتح عيوني شوي شوي ,, ايمن واقف كان مبسود انو فقت ,, التلو اشرف وينو لاقيتو خاف شوي وقال انت بعد ما طلعت اشرف خاف كمان كتير,, التلو اشرف وينو قلي ليكو ع الكرسي ,, قلي نحن صحيناك ,, التلو ياسين وينوو ياسين وينو ,, اشرف قلي مابايدنا شي نعملو انت شفت بعينك الي صار ,, قلي يعني نتركو مقطع بالبيت ,, قلي لا خلص التلو شو الي خلص ,, قلي مهو كلشي ظهر فجاه ,, كلشي اختفى فجاه ,, نحن بعد ما فيقناك ,, لاقينا كلشي اختفى يا هشام وياسين اختفى كمان ,, ما حدى كان فهمان شو حصل او ليش ,, رفيقي مات متقطع ,, وشو رح قول لاهلو ,,, نحن سكتنا وقررنا ما نقول شي لحدى وهنن يدورو عليه ,, وعدى الموضوع ,, كان في مشكله تانيه ,, انو اشرف احتفظ بالعضم معو انا ما كتشفت انو اخدو غير بعدا ,, نحن غيرنا البيت ,, ونسالنا ع ياسين قلنا ما منعرف ,, بس انا متاكد انو الي انا شفتو بالمقبره ما كان تهيئات هوه الي اجا وقتل ياسين واخد العضم تبعو ,, ما بعرف شو هاد اصلا ,, كلنا انشغلنا ,,, ايمن انشغل بس اشرف غريب كتيير طول اليوم حابس حالو بالغرفه وكان دايما منسمعو عم يحكي مع حالو انا قلت اكيد جن من يلي شافو ,,, وايمن قلي اكييد حاله نفسيه ,, بليله فقت من النوم ع صوتو بصاله ,, طلعت لاقيتو بالارض ع مبطالع صوت غريب ,, بس كان منيح وعايش ادامي حاولت اقرب منو صار يدفشني لدرجه الضرب ,, تعودنا ع الموضوع لانو كل يوم صار هيك يعمل ,, تاني يوم الصبح عم بقلو ايمن ع الموضوع ,, قلو انا ما متذكر هيك عملت وانكر كلشي ,, بس بمره ايمن فاق لاقاه بالمطبخ ,,, عاطيه ضهرو ,, ايمن لما قرب منو لاقاه عم بقطع ب ايدو بالمطبخ طبعا ايمن كتفو وصار يصرخ اشرف ,, وقرحنا انو ناخدو ع كتور ,, قلي شو رح نقلن رح نحكيلن ع ال صار ولا هوه يحكي ع يلي صار ؟؟ التلو طيب وبعدين ؟؟ طبعا سكتنا انا وهوه , تركناه وتجاهلنا الي بصير لانو صار يصير يومي ,, لحد ما اجا يوم ايمن قال تعا نطلع نغير جو شوي ,, هوه بدو يطلع يطلع ما بدو هوه حر ,, التلو انت ليش قلبت هيك ؟؟ قلي هوه الي صار غريب مو انا ,, فعلا طلعنا نغير جو قلي لا انا مستني مارح اطلع ,, ايمن قلي تركو ,, تعشينا برا ونبسطنا ,, وباخر اليوم رجعنا ع بيت ,, رغم ايمن وشخصيتو القويه بس كان خايف ,, لاقيتو عم بقلي الي صار كان بسبب العضم ؟؟ التلو انا عم اسالك العضم هوه السبب ؟؟ قلي ما بعرف خلص مات ,, وبعدين خلص سكر ع الموضوع التلو شكلا انا رح ضل مع اشرف لحالي بالبيت ,, قلي اعد معو ويطالع جن عليك , التلو لا مارح يطلع شي العضم اختفى مع ياسين خلص مارح يصير شي ,, قلي لا انت ما بتعرف التلو شو بدي اعرف قلي انت ما بتعرف انو ا

ام النور : ايه بعرف الحمدلله .. بس حبيت اطمن على حالي وبدي تعملولي فحوصات شاملة و بعدين هيك حاسة جسمي عم يوجعني من كل جهة

هزيت براسي .. بمعنى انو ماني مقتنعه بحكيها

وقربت وقعدت على تختها

سارة : يا خالة ما بصير تكوني موسوسة هيك لان هاد الخوف بيجيب المرض ، بعدين حرام تدفعي مصاري بدون داعي
و المشفى غالي كتير ..

ام النور : ايييييه بلا كترت حكي انتي دافعه شي ؟

سارة : مممم لا .. ماني دافعه .. خلص لكن .. اهلا وسهلا فيكي

طلعت وانا عم اضحك انو غريبه الانسان بس يكبر كيف بصير ..

مشيت بالممر و مرق دكتور طلال وسلمت عليه ..

مرقت جنب مكتب الدكتور ليث .. ميلت راسي وضحكتلو : صباح الخير دكتور

د.ليث : سارة سارة تعي شوي لو سمحتي

رجعت لورا ووقفت عالباب

سارة : خير دكتور في شي مشكلة ؟

د.ليث : تفضلي فوتي

فتت وانا مستغربة وماني متوقعه شو بدو يحكي معي ابداً

د.ليث : كيفك اليوم ؟

سارة : الحمدلله منشكر الله كيفك انت

د.ليث : الحمدلله تمام .. صحتك منيحه ؟

سارة : ايه منيحه ليش خير ؟

د.ليث : بصراحة وضعك مو عاجبني هالفترة .. قلت يمكن تكوني بحاجة مساعده او عم يوجعك شي

نزلت راسي عالأرض وما رديت ، قام هو من ورا مكتبو .. وقعد على طرف الطاولة

د.ليث : لسه مأثر فيكي ذات الموضوع ؟

سارة : ما بعرف ..

د.ليث : بهديك الليلة انا كنت نايم .. من التعب ما قدرت اصحى عالأصوات الا متأخر للاسف .. انا جد بعتزر
لو كنت موجود ما كنت سمحت بأنو يصير ذات الشي

ابتسمت وانا عم داري انكساري و وجعي : نصيبها يا دكتور

د.ليث : انا مقتنع انو نصيبها بس انتي لازم تقتنعي

سارة : ان شاء الله عم حاول .. بس الشي الي ما رح اقتنع فيه ابداً .. هو انو الي عمل فيها هالشي ما يتحاسب وانا ما
رح اسكت عن الموضوع

د.ليث : يا سارة هي ما شغلتك .. اتركيها للي اكبر منك

سارة : مين الي اكبر مني ؟ د.عبدالله ؟ على فكرة انا ماني خايفه منو .. وماني هون لاني دابحة حالي على الشغل
بس انا هون ليتسكر موضوع لين ..

رجع ورا مكتبو وفتح ملف على قدامو وحط نظارتو : موضوع لين تسكر

سارة : ما تسكر ..

و سحبت حالي وطلعت من عندو

رحت عالاستقبال لعند زهرة وبيسان وانا معصبة

سارة : اعطوني مي ..

كان وشي احمر كتير ومتوترة .. التفتت وراي .. كان الكريدور الي بودي على غرف الأطفال حديثي الولادة واقف فيه شب
استغربت انو شو موقفو هنيك وهاد مو موعد الزيارات لسه ما صار الوقت ..

قربت شوي وميلت حالي لشوفو منيح ..

كان شب طويل واشقر كتير عم يتطلع فيني ..

سارة : صبايا هاد ليش هون ؟

التفتت عليهن وانا مستغربة

سارة : مين سمحلو يفوت ؟

زهرة : مين هو ؟

ناولتني بيسان كاسة المي

سارة : لك هاد

مسكت الكاسة وحطيتها بتمي والتفتت وراي وعم اشرلهن على الشب

سارة : ليكو

وقت رفعت ايدي واشرتلهن .. انصدمت انو ما في حدا ابداً

وقعت كاسة المي من ايدي ..

بيسان : سارة شبك ؟

سارة : وين راح ؟

بيسان : لك مين هو ؟

قامت زهرة وطلعت من ورا الريسبشن و وقفت جنبي واتطلعت محل ما كنت عم اشرلهن

زهرة : مين !!

سارة : كان هون !! والله كان هون !!وين راح

الجزء_السادس:
فقت الصبح كنت كتير دايخه وراسي رح ينفجر ... وحسيت بالآلام بكل محل بجسمي 😖...
جسمي كان معضل ومو قادره أتحرك .. ماكنت مستوعبه شو صار او بالأحرى ماني متذكره شي نهائيا .. شفت حالي بالمشفى وامي جنبي ..وماعرفت ليش كل هالقد عم أتألم ...
تطلعت بالساعه للي عالحيط ⏱كانت الساعه بحدود 7 الصبح وامي كانت نايمه بالتخت للي جنبي
قمت بدي حرك حالي توجعت كتير وماقدرت أتحرك وصرت صرخ من وجعي 😫، فاقت امي ع صوتي وركضت لعندي
ام فؤاد ؛ شوبك ياعمري ..شوبك ياقلبي؟؟
شو عم يوجعك .. سلامتك ياروحي انتي ...
انا : امي انا كتير موجوعه ..ماني قادره اتحمل الوجع ... شو للي صار ؟؟
ام فؤاد : مابعرف ... انا للي بدي اسالك ..شو صار معك ...
بهي للحظه كان امين جاي عالمشفى من الصبح وسمع صوتي انا وامي عم نحكي وبقي واقف برا عند الباب عم يسمعنا بس مادخل 👂🏻... وماخلانا نحس بوجوده
انا : امي بترجاكي انا ماني متحمله .. كل شي فيني عم يوجعني ...
ام فؤاد : ارتاحي وحاج تبكي هلق بخلي الممرضه تجي تعطيكي مسكنات 💊...
انا : لا امي انا بخاف من الابره 💉...
امين برا ضحك 😄وقت سمعني عم قول اني بخاف من الابره ...
ام فؤاد : معليش صح شوي بتوجعك بس بتريحك من وجع جسمك ...
رفعت ام فؤاد السماعه📞 وحكت مع الممرضه👩🏻⚕️ مشان تجي تعطيني الابره ...
وانا صرت ابكي متل الولاد الصغار😭 وانا قلها مابدي أبره ..
فتحت الممرضه الباب ودخلت وانا لمحت امين واقف عند الباب ... وقت شفته خفت كتير 😰وتذكرت فورا كل شي صار معي....
اجت الممرضه بدا تعطيني الابره💉 وانا صرت ابكي بصوت عالي وأقلها :
مابدي .. مابدي بعدي عني .... بعدو كلكن عني..
كانت كلماتي كمان موجهه الو ...وبطريقه غير مباشره عم قلو بعد عني...
امي مسكتلي ايدي وثبتتها مشان اخد الابره ... وانا بلشت أقاومهن ...
الممرضه : حبيبتي مابيصير تتحركي وإلا بتنكسر الابره بإيدك ...
امي ماعاد قدرت تسيطر عليي
قام دخل امين وبعد امي عني ... ومسكلي ايدي التنتين وثبتلي هنن بقوه ع التخت وانا سكتت وتطلعت فيه وعيوني كلهن دموع وخوف وماعاد قدرت حرك ايدي ...
كل نظراتي كانت جامده فيه وهوه كان بس عم يتطلع بعيوني بجمود وبدون اي تعبير ... عطتني الابره الممرضه وانا اول ماتوجعت غمضت عيوني وهوه ضَل عم يتطلع فيني .... وبس سحبت الممرضه الابره ..عقمت مكانها وامين بعد ايديه عني وتركني
انا : ااخ تعبانه ... كل شي فيني عم يوجعني ...
امين : هلق بياخد المسكن مفعوله ومابتعودي تتألمي ....
مضت ربع ساعه وبس ام فؤاد هيه الوحيده للي كانت عم تحكي طول الوقت وتسألني كيف صار الحادث ،.وانا أقلها مابعرف ماني متذكره🤔
كنت بدي اهرب من أسئلتها وماعندي نيه جاوبها ع شي ...
امين كان معه جريده📰 وعامل حالو ملتهي فيها بس فكرو وادنيه👂🏻 عنا .،
ام فؤاد : اي ابني .. احكيلي انت شفت الحادث ؟؟؟ شو للي صار
امين : اي خالتي انا كنت على دراجتي الناريه 🏍ماشي بأمان الله وقمت شفتها عم تركض وطلعت سياره فجاه من المفرق وضربتها ... وانا اتصلت بالإسعاف 🚑وجينا لهون هي هيه كل القصه.
اتطلع امين عليي لاقاني بديت انعس 😴قرب لعندي وغطاني
امين : انسه لازم تنامي وترتاحي ...
انا : رجلي ماعم حس فيها
امين : لانو تحت الجبصين ...
انا : الحمدلله صرت مشلوله
امين : لا ماتحكي هيك ... الحمدلله انقضت ع هيك وبس ... كلا كم شهر وبترجعي متل ماكنتي ...
انا : عطيني مرايه
امين : بلاها هلق ..لازم تنامي
انا حطيت ايدي ع وجهي وكان في شاش وبلاستر وميه قصه ع خدي اليسار ...
انا : ليش بلاها ؟؟؟؟ بدي شوف شو صاير فيني ...
ام فؤاد : بنتي والله لاحقه ناميلك شوي
انا كان عندي فضول شوف وجهي بس ماكانوا يخلوني ونعست كتير وأمين استأذن وطلع من عنا وانا نمت 😴...
وع فتره الظهر إجى بابا واجو اخوتي وحاولو يفرفشوني بس انا ماكنت قادره أتجاوب معهن وكمان اجو البنات لعندي وزاروني وحاولوا يفهموا مني شو صار بس قلتلن حادث عادي وماجبتلهن سيره امين ابدا

الجزء الثالث :
@rwayate
مر كذا يوم ومارجعت شفت ليث كان يطلع من الصبح بكير لمحاضرات الجامعه ومايرجع للمسا احيانا يدخل عالمطبخ يعمل لحاله اكل واحيانا لا
عزمناه مره تانيه عالعشا بس اعتذر … كان عم يحاول يضل متجنبنا نوعا ما … لانو مابدو يتقل علينا ..
بيوم شفتو بالجامعه طبعا هوه ماحكا معي ابدا حتى لما شافني ضَل ماشي بطريقه كانو مابيعرفني ابدا ، كنت ماشيه مع رفيقتي مايا تركتها وركضت لعندو ومشيت ورآه مباشره خطوه بخطوه
صباح الخير كيفك ؟
ليث أتلبك : هلا صباح النور كيفك انتي
انا : تمام منيحه حبيت سلم عليك بس
ليث: شكرا كلك زوق ماعندك محاضرات ؟
انا جاوبت وبكل ثقه : عندي بس انا مابحضر
ليث : بس مابيصير هيك
انا : عادي كل طلاب الآداب هيك
ليث : الله يكون معكن ، طيب انا بدي امشي مستعجل شوي
انا : مع السلامه
طبعا انا انزعجت لانو حسيتو رسمي وتجاهلني وانسحب بسرعه من الحديث معي
كان ليث شب هادي وبارد ومابيحكي الا الكلمه اللازمه وكلامه موزون وبيجاوب قد السؤال ومابيعطي كلمه زياده بس كنت أحب اتطلع بعيونو الشهل وأتخيل العسل الصافي وهوه عم ينسكب
ليث كان من الديانه المسلمه …
بنفس اليوم بالليل كنت عم حضر العشا مع امي وخطرلي اسال أمي مشان نعزمو معنا
ماما شو رايك نقلو لليث يجي يتعشى معنا اليوم ؟
ام فادي : اي ليش لا ، ناديلو شب ادامي ، كانت امي بهل لحظه عم تحكي مع حالها لانو انا من فرحتي
خلال ثواني طرت لغرفتو قبل ماتخلص امي كلامها وفتحت الباب لاقيتو قاعد عم يدرس قدام مكتبو وعم بسمع موسيقا كلاسيك هاديه هوه أتفاجأ من تصرفي وأتطلع فيني وعيونو مفتحه من الدهشة
بس انا كان تصرفي مندفع وعفوي واكيد متسرع سالتو :
ليث ، ماما بتقلك تعال تفضل تعشى معنا
ليث : انسه كاترين المفروض تدقي الباب قبل ماتدخلي صح ؟؟
انا تلبكت وخجلت واعتذرت
ليث : طيب ماصار شي خير
اسبقيني وانا لاحقك
انا : شو عم تسمع ؟
ليث : موسيقا الفصول الاربعه لڤيڤالدي
انا : انا كمان بحب الموسيقا وكنت اعزف على آله الفلوت لما كنت صغيره
ليث بابتسامه : حلو كتير لازم تضلي تعزفي لانو الموسيقا اذا تركتيها بتتركك
انا : انت بتعزف شي ؟
ليث ؟ اي كنت اعزف كمان واعزف بحفلات المدرسه لما كنت بالإعدادي والثانوي بس بعد مادخلت الجامعه اهملت الموسيقا وصار فيني متلك تركت الموسيقا قامت تركتني …
يالله روحي وانا هلق بخلص للي بايدي وبلحقك ..
اجا ليث سلم علينا وقعد معنا عالطاولة وتعشينا وحكيو كان قليل وبابا كان مستلم الحديث من اولو لآخره بشكل مغيظ … وماخلالي فرصه احكي وانا ادعي يقوم يروح ع غرفته او عالاقل يسكت ويخليلنا دور نحكي
وتذكرت جمله امي الدائمه انو انا جايه لبابا بكل شي …. كمان بس بديت بحديث مابخلي دور لحدا …
تاني يوم شفت ليث بالكلية عنا بالآداب ومعو شله شباب … ركضت ورحت اسلم عليه
كيفك ؟ ليث : أتفاجأ وانحرج قدام رفقاتو : وقلي : الحمدلله شو بشوفك هون كيف الأهل ؟
انا : بس تروح عالبيت اسالهن كيفهن كنت معصبه منه لانو كل مابيشوفني بيقلي كيفك كيف الأهل وماعندو حديث يفتحو معي ولازم انا للي أبادر واغلب الأحيان بيعتذر وبيقلي مستعجل وعندي محاضرات
كان طالع جذاب لابس قميص بني وبنطلون بيج وحاطط أيديه بجيوبه والكتب مسنودين بين ايدو وخصره
انا بصوت عالي : شو عم تعمل هون بكليتنا ؟؟ كمان انت بتهرب من محاضراتك وبتقيع بين الكليات ؟ ليث أتفاجأ بطريقه كلامي ورفقاتو كانو بدن يضحكو بس خبو ضحكاتهن
وضحك بصوت عالي
ليث : ليش انتو اهل الآداب بتقيعو ؟؟؟؟
انا : اي شو بدنا نعمل انا بمل بسرعه من حكي الدكاتره وبيحل علي النعس بالمحاضرة وبشرد بقا بعمل جوله بين الكليات مشان ضَل منشطه حالي
ليث : لساتك سنه أولى ومانك أخده الموضوع بشكل جدي
انا : كيف يعني ؟
ليث : يعني بس تحسي ع حالك تورطتي بمواد كتيره بتصحي ع حالك……
يالله سلام انا لازم روح سلمي عالاهل
انا بانزعاج : بيوصل الله معك
شفتو راح مع رفيق من رفقاتو كان رفيقو بيشتغل ومابيدرس بالجامعه واسمو ايمن ..
ايمن : مين هالبنت الحلوه اللي كنت واقف عم تحكي معها ؟
ليث : هي البنت اللي مستأجر عندهن الغرفه
ايمن : يالله مااحلاها وماانعمها بس شكلا فضيحه وضحك بصوت عالي وقال
عجبني اسلوبها جريئة وما اهتمت انو في خمس ست شباب واقفين معك
ليث بنبره حده : أيمن حركاتك خليهن بعاد عن الناس للي بعرفهن وبرجع بذكرك انا مستأجر عند ابوها والبنت صغيره مالها بقصصك
وحركاتها هية هيك طبعها عفويه ومابتقصد اي شي
ايمن : شو بيش

الجزء الرابع :
@rwayate
كنت قاعده بغرفتي عم حاول ادرس مليت ونزلت لتحت وشفت الضو شاعل من غرفه ليث ترددت أني دق عليه بعدين دقيت وقلي تفضل ادخل …
دخلت وكان عندي فضول اعرف عنه اكتر لانو كان شخص بحالو
كان عم يدرس كالعاده وانا بدي اخترع شي حديث أتناقش معو فيه
انا : عم اشغلك عن دراستك ؟
ليث : لا عادي تفضلي خمس دقايق ما رح تاثر علي
انا : يعني بفهم من كلامك أنو ما أطول اكتر من خمس دقايق !

ليث خجل وقام عن الكرسي و وقف مقابيلي وقلي : لا بالعكس خدي راحتك البيت بيتك
بس طبعي بحب ادرس اول بأول مشان ما اراكم عليي

كان فرق الطول بيني وبينو واضح هوه شب طويل عضلاته حلوين وستايلو حلو كتير وانا نحيفه وناعمة

انا : برافو ياريتني متلك وعندي صبر عالدراسة
ليث : اذا بدك بتصيري متلي وأحسن بس بدك تنظمي حياتك وتخلصي من الفوضى والعشوائية وتركزي شوي على أولوياتك

انا انتهزت الفرصه واخدت هالكلمتين لأعمل منهن حديث
كيف يعني فوضى وعشوائية ؟؟

ضحك ليث وأتطلع فيني وقال : صح انتي طايشه بس انا متاكد انك ذكيه وبتعرفي شو يعني ….

انا خجلت كتير لانو عرف شو هدفي من السؤال وانو بس بدي افتح حديث وقصص وضلينا دقيقه كامله عم نتطلع بعيون بعض
ومن خجلي قمت وقلت : انا بدي قوم نام تاخر الوقت ونعست تصبح على خير ….
ليث عم يبتسم : وانتي بخير ورجع قعد وحط عيونو بالكتاب وهوه عم يضحك

وانا طلعت بالخجله لانو طلع فاهم عليي انا شو بدي منه …
صرت اتقابل معو بالجامعه نسلم ع بعض ومره سلمت عليه وعزمني على كاسه شاي بالمقصف
ليث : شو رايك نشربلنا كاسه شاي تدفي عظامنا !
انا : يالله بسرعه لانو انا رايحه اتجمد من بردي ياريتني ضليت بفرشتي الدافية
اليوم اللي قررت احضر فيه تأخرت خمس دقايق وسكر الدكتور الباب بوجي وماخلاني ادخل
ليث : كنتي تعي قبل خمس دقايق
….سكتنا شوي ورجعت أحكيه
انا : في شي مره تأخرت وسكر الدكتور الباب وماخلاك تدخل ؟
ليث : اي مره وحده بالسنه الاولى لما كنت مستهتر
شربي الشاي هلق بيبرد
انا : طيب بدي صير اجي احضر بكير واجتهد مابدي ارسب
قمنا تمشينا ع الرصيف من السور الخارجي للجامعه وكان في شجره ياسمين متدلايه وريحه الياسمين فايحه وقفنا عندها وسألني
كم ماده عندك ؟
قلتلو تسعه وكنت خجلانه انو يفكرني كسلانه
تطلع فيني من طرف عينه العسليه ورفع خصله من شعره عن وجهه وقلي هلق مارح اضحك عليكي لانو باقي شهرين لامتحانات اخر السنه بس حاولي تطلعي اكبر عدد منهن
انا : طيب ساعدني
ليث : كيف بدك ساعدك اروح اقدم عنك ؟ مابفهم فرنسي
انا : اول خطوه بطريق النجاح تفيقني بكير
ليث : كيف بدك فيقك ؟
خلص بقلا لخالتي ام فادي تفيقك
انا : لا مابدي انت اتصل لعندي فيقني
بعطيك رقم موبايلي
ليث : مابقدر بخاف ابوكي يزعل مني ما بيصير هيك مابقبل ع حالي اتصل ع بنتو وانا قاعد ببيتو بخاف يفهمني غلط
انا سكتت وبنفس اللحظه قطف ياسمينه وحطها ع شعري
ليث : الابيض والاسود الوان متباينه والياسمين زاد جماله على شعرك الاسود وخصوصي لانو مموج متل موجات البحر بليله فيها ضو قمر
كلامو كان مفاجئ
لاني ماتوقعت هيك حكي شاعري
من شخص بارد جامد قرب عليي شوي بعدين انتبه ع حاله
واستأذن مني ومشي وبعدين رجع لعندي …
انا رايح عالبيت بتحبي وصلك بطريقي ؟ طريقنا واحد
انا وافقت بسرعه وطول الطريق وانا ادخل بقصه واطلع بقصه وهوه ساكت عم يسمع وأحيانا يضحك …

بعد فتره من التزامي التمثيلي بالدوام والاجتهاد مع انو بالواقع كان دوامي لأجل شوف ليث وانفرد فيه بعيد عن البيت كان الجو بلش يتحسن والربيع بدي يدفي الجو شوي فقت بكير ومتنشطه فتحت خزانتي لبست بلوزه ضيقه قصيره وتنوره نافشه لعند الركبه ولبست كعب عالي مع انو مالي عاده اطلع عالجامعه بكعب عالي وعملت شعري عالسيشوار وصار ناعم وعالتنعيم صار أطول من العاده وصار لامع وملفت للنظر واختفت تمويجاته وحطيت مكياج خفيف وصار وجهي متل وج الالعاب البورسلان مع انو بشرتي ماكانت بيضا بس كان وجهي ملامحه ناعمه وطفوليه وخدودي متوردين دايما والغمازات ع خدودي بتوحي بخباثه بريئة وانا وصلت للجامعه شفت رفقاتي وتمشينا للمقصف دورت ع ليث ماشفته
دخلنا المقصف وطلبنا سندويشات وانا عم اكل
دخل ليث وأيمن ومعهن شبين تانيين ليث اخد قهوه وطلع وماشافني انا قمت
وطلعت ورآه ومن عبطتي نسيت السندويشه بايدي وركضت ورآه وعم ناديلو بصوت عالي
ليث ليث كيفك اليوم ؟ وقف ليث والتفت لعندي وكمان رفقاتو لاشعوريا التفتو معو
ليث رد علي و

الجزء الخامس :
@rwayate
بعد ماودعت ليث مشيت لطريق البيت
وانا شارده وبايدي الياسمينه للي كانت على شعري وعم بسترجع كل كلمه حكيناها سوا ووصلت لمنطقه بيتنا ودخلت بالحارات القديمه وفجاه حدا بيلفني من خصري وبيرفعني عن الارض وبيسحبني لعندو وايد كبيره بتنحط ع تمي وسحبني لجوا الحاره الضيقة وانا عم خبط برجليي وقاوم واحاول اصرخ بس مو قادره اعمل شي ايدو كانت كبيره وحسيت كأنو مغطيه وجهي كلو حسّيت حالي عم اختنق وصوتي مخنوق

مجهول : هس
خرسي حاج تحاولي تصرخي ولاحركه وحاج تقاومي مارح تستفيدي شي د
بس انا ضليت قاومو حتى هوه تعب مني بعدين طلع سكينه صغيره وقلي
: رح شيل ايدي عن تمك بس بتمشي جنبي طبيعي ولا كانو في شي ومتل ايا تنين ماشيين مع بعض واذا بسمع حسك والله بقتلك بارضك سمعتي هزيت برأسي انو موافقه .. رفع أيده عني دفشني لقدامه وقلي امشي …
مشيت جنبه تقريبا عشر خطوات وشفتو فتح باب خلفي لسياره مفيمه كلها ومو بين شي بقلبها ..
وقلي طلعي بسرعه … كان مبين عليه متلبك كل شوي عم يتطلع حواليه
طلعت من ورا وانا جسمي عم يرجف ووجهي اصفر من الخوف وشعري انتكس ورجعت بدي اصرخ طلع السكينه وفات وراي عالسياره وسكر الباب
طلعت بوجه وقلت : ايمن ؟ هادا انت؟
كنت مصدومه فيه … تجاهلني ومارد عليي ومسكلي أيدي لورا وربطلي هنن بحبل خلا ايدي ينجرحو من خشونته صرت ابكي وقلتله : بترجاك بِعد عني ، عم توجعني وفوراطلع قماشه من جيبه ولفها على تمي كانت قماشه سميكه وقاسية ومشدوده وماقدرت احكي حرف طلع عالسياره من قدام وساق وانا عم حاول أتحرك كتير لفك حالي وماعم اقدر بعد شي عشر دقايق وقف السياره ونزل ليتفقد الطريق بعدين نزلني وخلاني امشي قدّامه .. دخلني على بيت صغير وريحته رطوبه وبعدين دخلنا ع غرفه عتمه ومليانه كراكيب والغبرا أكلتها … سطحني عالتخت وربطلي أيدي عالتخت وقلي انتي كنزي قرب مني وكانت ريحته دخان تقيل
وانا دموعي متل المطر ماني قادره دافع عن حالي او اعمل ايا شي كنت متل المشلوله وكنت خايفه منه كتير قرب عليي صرت ارجف لفني من خصري وباسني من خدي وطلع وقفل الباب من برا وحسيت كأنه في حدا بالغرفه التانيه
ليث دخل لعند أيمن ليجتمعو الشباب بالسهره … كان ليث اول واحد بيوصل على غير العاده لانو كان اخر مين بيوصل بجمعاتهن
ليث : بلاقيك لحالك وين الشباب ؟ مافي لعبه ورق اليوم ؟؟
ايمن : لا صرفتهن كلن مالي خلق شوف حدا ضايج
ليث : خير شو فيك ، بدك مصاري ؟
ايمن : ضحك ليش انا ايمتا ماكان بدي مصاري انا دايما شحدان …. بس هالمره انا رح غير من حالي ومابقا بدي عيش هيك بس انا محتاج مساعدتك … مسك ايمن ايدو لليث و
أخدو عالغرفه للي كنت فيها وفتح الباب كانت الغرفه كتير معتمه ومكركبه اول شي ليث ماشاف شي بعدين لما اتضحت عندو الرويه شافني عالتخت بهل حاله وانا عم حاول فك حالي
وحاول صرخ ..ليث أنصدم وماعاد قدر يحكي ولا كلمه وضل واقف كانو تجمد
وأيمن شدو و طلعو برا الغرفه
انا لأول وهله فكرت انو ليث متفق مع ايمن على خطفي وهالفكره خلتني أحزن اكتر
طلع ليث لبرا بس بنفس اللحظه بلش يستوعب للي شافه ورجع ركض لجوا وفتح الباب ودخل وإجا لعندي مشان يفكني
اجا ايمن من وراه ومسكو وطلعو برا الغرفه مره تانيه وسمعت ليث عم يعيط بعصبيه وكان وجهو محمر من التعصيب
ليث : مجنون انت مجنون ؟ انت بتعرف أني مستأجر عندهن هي متل اختي انا مابسمحلك تأذيها انت شو عملت …
ايمن : هدي عَلِينا ابو ألوفا مارح اعملا شي لاتخاف … مابدي منها شي ولا رح المسها
بدي بس كم مليون من عند ابوها
كم مليون مابيأثرو عالملايين للي عندو بس انا بتعملي كتير وبتحللي ميه قصه
واظن هيه اغلا عند ابوها من كم مليون محطوطين عندو ع جنب وانت رفيقي المقرب ويتعرف البير وغطاه وصدقني مارح اعملا شي
بس ربطتها لانو هلكتني
بدي دور ع فرصتي ، انت مو فارقه معك تسطفل انت اهلك مرتاحين بس انا مليت من قرف العازه وكل يوم شغل شكل وياريت رواتب بتكفي
ليث : الفرص مابتكون بهيك اُسلوب وسخ تستغل وتتقاوى ع بنت ضعيفه ، واحمد الله عم تلاقي شغل غيرك ماعم يلاقي …وبرجع بقلك البنت هلق بترجع ع بيتها وإلا صداقتي معك رح تنتهي اليوم
ايمن : لا ماحزرت ياسيدي وبالناقص من هيك صداقه ، وطلاع برا بيتي فورا … واسمع ….والله لو بتحاول تبلغ عني لحتى ماتعرف شو رح ساوي فيها والله بتندم

ليث بكل قوه وبصوت عالي خبط أيده عالباب وقال : ماني طالع خطوه من هون الا وهيه معي
دخل ليث لعندي وقرب مني كانوا ايدي عم يوجعوني ومجروحين ومخدرين من الالم …

الجرء العاشر :
@rwayate
بيوم من الأيام : فاقت ساره من النوم ولاقت جنب تختها ظرف وخاتم ليث وورده حمرا
فتحت الظرف وقرت الرساله :
( ساره عزيزتي انا جد أسف كتير انا ماني قادر اظلمك معي اكتر انتي بنت رائعه وبترجاكي تفهميني وانا بعرفك واعيه ومتفهمه
انا سافرت اليوم ولحقت قلبي ومشاعري وبتمنى تلاقي شب احسن مني يعوضك ويعطيكي كل شي حلو بالدنيا
سامحيني … ليث )
ساره سكتت كانت صاحبه كبرياء كبير وتقبلت الواقع مع انو كانت بتحبه
انا كنت عم جهز فطور الصبح وسمعت صوت دق الباب رحت فتحت لاقيت بوكيه ورد قدامي وبعدين شفت ليث ورآه ومن فرحتي لفيتو وامي من جوا سألتني مين
ماما اجا ليث هادا ليث برا عالباب تفضل ليث
دخل ليث لجوا وسلم على امي
ام فادي : اهلين ابني الحمدلله ع سلامتك وألف مبروك تخرجك
حماتك بتحبك تفضل الفطور جاهز
ليث : الله يسلمك ياخالتي ويبارك بعمرك يارب والله سبقتكن قبل مااجي الف صحه وهنا
ام فادي : طب عالاقل اقعد معنا شاركنا بلقمتين
ليث : بقعد وبشارككن بكاسه شاي بس وهوه عم يتطلع فيني من طرف عيونو
بعد شوي قعدنا بالصالون وساويت قهوه وضيفتهن وقعدنا وسكتنا اول شي
ليث كسر الصمت : خالتي انا جاي وناوي أتقدم لبنتك وبتمنى توافقي عليي
ام فادي متفاجاه ومتلبكه : حبيبي انت أحرجتني هيك لانو أول شي ابوها مانو هون ولازم هيك موضوع يكون في تراضي ومباركه من كل الأطراف قراركن لحالكن مابيكفي
انا : بس بابا مارح يرفض
ام فادي : انتي اسكتي ومابتقاطعيني لما بحكي
ليث انحرج وسكت وبعدين قال
انا أسف ع كل حال انا باقي هون اسبوع برجع ان شالله لما يكون عمو ابوفادي موجود وطلع وسكر الباب ورآه
انا : ماما ليش هيك عملتييييي ياربيييي
ام فادي : بس وليك انتي مراهقه مابتعرفي مصلحتك وانا مابدي جوزك هلق
انا: بس انا بدييي.
ام فادي : روحي عرفتي تتخرجي بالاول بعدين فكري بالزواج
اجا بابا وماما حكتله وكنت متوقعه بابا يكون من صفي لانو بعرفو بيحبو كتير لليث وكان دايما يمدح منه
ابو فادي : عملتي عين العقل
انا اتضايقت طلعت عالجامعه شفت ليث قريب بيتنا عم يستناني اطلع
طلعنا بالسياره وساق شوي بالشوارع وبعدين وقف السياره وطلع فيني
اهلي مو موافقين واهلك مو موافقين شو الحل !!!!! القصه صعبه
قضينا يومنا كلو سوا ومارحت عالجامعه وصلني المسا عالبيت وانا طلعت ع غرفتي وماحكيت مع اهلي ابدا
ليث نايم بالبيت اللي مستاجره وهوه عباره عن أستديو صغير.
صحي على صوت الباب عم يندق بقوه وورا بعض ، طلع ليث بالساعه كانت الساعه ٢ بالليل
فتح الباب وشافني واقفه ومعي شنته صغيره وعم ابكي وخايفه
دخلني بسرعه وسكر الباب
ليث : مجنونه انتي مجنونه
شو جابك لهون
مو حلوه حدا يشوفك داخله لعند شب عزابي بهل وقت
كيف طلعتي من بيتك انتي عارفه اديش الساعه هلق ؟؟ وشو هاد للي لابستيه
كنت لابسه بلوزه بروتيل وكتافي طالعه وشورت لعند الركبه
ليث : هيك طالعه بنص الليل ؟ منيح ماحدا اعترضلك
ضليت واقفه محلي عم ابكي وساكته
ليث : خلص حاج تبكي
انا : ليث انا جيت لعندك بكامل ارادتي وبدي ضَل معك للصبح والصبح مننزل للمحكمة ونتزوج وانا مستعده غير ديني كمان لأجلك بدي اعمل اي شي بدي ضَل معك
انا هربت من عند اهلي بدي كون الك
قرب ليث لعندي وحاوطني من خصري بأيديه التنتين وقربني لصدره وانا بايدي التنتين حاوطته من رقبته كان المكان هدوء
بس دقات قلبنا مسموعة وصوت نفسنا
حملني وحطني عالتخت وقرب عليي مسك طرف البلوزه وبدو ينزلها وكان بدو يغلط بس ضميرو ماسمحلو
بعدين صحي ع حالو وبعدني عنو
وحمل الشنته وقلي تعي معي
طلعنا بالسياره وماعرفت لوين رايحين وهوه كان لسا بالبيجاما قلتلو لوين رايحين مارد علي
بعدين رجعت سالتو قلي هلق بتعرفي حطيت راسي عالشباك وشردت بعدين فجاه وقف السياره قدام باب بيتنا وانا خفت طلعت بالساعه كانت بحدود ٣ صباحا دق ليث الباب فتح بابا الباب وكان مندهش من شوفه ليث بهيك وقت
وماكان عندو علم أني طالعه من البيت
دخل ليث وسكر الباب وانا كنت لسا بالسياره
ليث : عمي ابوفادي ممكن نتفاهم ! ابوفادي كان لسا مستغرب انو شو جابو ليث بهيك وقت
دخلوا عالصالون وقعدوا
ليث : بنتك اجت لعندي من ساعه تقريبا وبدا تهرب معي بس انا جبتلك بنتك لعندك بسلامه ، عمي مارح اكذب عليك ، اجاني لحظه ضعف قدامها بس انا ماني إنسان عاطل وعندي اخوات بنات وبخاف عليهن ، لو انا عاطل كنت باخدها وبروح او كنت استغليتها وعملت فيها شي بس انا برجع بقلك انا بدي بنتك بس برضاكن وانا مابقبل ع حالي اوعليها او عليكن أني أتزوجها بهي ألطريقه
انا رجعتلك بنتك متل م

ااجت لعندي بس بدي منك وعد رجل انك ماتعملها شي او تعاتبها او تعاقبها لانو فهمت غلطها لانو مارح اتركها تتعاقب واسكت ابدا
برجع باكدلك أني عم استنى موافقتكن وبوعدك اذا مابدك ياني رح ارجع سافر وماعاد رح خلي بنتك تشوفني نهائيا ورح اقطع علاقتي فيها … ووعدي وعد رجال مارح ارجع عنه لو بدي دوس ع قلبي ومشاعري .
ابوفادي سكت وقال : بيصير خير ومارجع حكا شي بس كان خجلان من ليث بسبب تصرفي …
امي كمان كانت عم تسمع وزعلانه مني
طلع ليث ونزلني من السياره كنت خايفه من اهلي كتير وخايفه من رده فعلهن حملني ودخلني عللبيت
ليث : لاتخافي اهلك تفهموا الموضوع وماحدا رح بعملك شي طلعي لغرفتك
…دخلت عالبيت وانا موطيه راسي
بابا بس قلي كلمه وحده :
ياخساره
الكلمه كتير جرحتني وكانت متل الكف بوجي ودخلت ع غرفتي
ابوفادي : خير عمي تسلم ايديك بتقدر تروح هلق وأسفين ع ازعاجك بنص الليالي الله يعطيك العافيه
راح ليث وانا حسّيت انو ليث حطني بموقف محرج قدام اهلي وقررت أني خلص أنساه نهائي مع انو كان صعب
تاني يوم مانزلت عالفطور
خلصو اهلي فطورهن وابي نادالي لأنزل
نزلت وقعدت قدّامه وعيوني بالأرض
ابوفادي : شوفي بنتي اللي عملتيه غلط كبير جرحتيني وجرحتي امك وكنتي رح تعمليلنا فضيحه
انا ماني قادر سامحك من جوا قلبي
ولانو الشب شهم و وعدته ما اعمل معك شي رح اكتفي بس بمعاقبتك انو ماتطلعي من غرفتك لحتى قلك ومافي روحه عالجامعه
رحت ع غرفتي وبقيت فيها طول الأسبوع وكان اسبوع بطيئ وماطلعت ابدا من البيت وكنت فكر بليث طول الوقت وأتذكر اللحظه اللي كان رح يلمسني فيها وليث ببيته مارحت من باله وهوه يفكر فيني وبآخر الأسبوع

سمعت صوت الباب فتحت ماما لاقت ليث
عفوا خالتي بقدر حاكي عمي ابوفادي
ام فادي : تفضل ابني على الصالون هلق بيجي عمك ابوفادي
قعدوا سوا بالصالون
ليث : عمي انا جيت مشان اخد جوابك على موضوعنا وهي اخر محاوله الي و رح اتفهم وأتقبل رايك
وانا جاي من الباب وبوعدك أني رح حطها بعيوني ومارح تكون الا مبسوطه واذا بدها تضل ع دينها انا مارح اجبرها تغيرو
ضَل ابوفادي ساكت
ليث : عمي ،، بترضى فيني ؟؟؟
قام ابوفادي من محلو ومشي بالغرفه ببرود وليث قلبو عم يدق بسرعه … بعد خمس دقايق تفكير ابوفادي مشي باتجاه ليث وحط أيده ع كتفو وسكت وأتطلع بعيونه
كانت عيون ليث بحاله ترجي بس ساكت
ابوفادي : موافق يا ابني انت شب شهم وخلوق وهادا بس بيكفيني
ابتسم ليث بكل حنيه وقلبو طاير من الفرح ومن فرحته رَكض لعندي عالغرفه وفتح الباب بدون مايدقه
كنت قاعده عم اسمع أغاني وتفاجأت بوجوده بنص غرفتي فجاه وكنت لابسه بيجاما ، اجي لعندي وحملني ودار فيني الغرفه كلها
وانا ماعدت اعرف ليش جن
نزلني ومسكني من كتافي وقلي : مبروك حبيبتي
مبروك عليكي انا ، ربحتي هديه عمرك
انا فرحت وصرت زلغط وبعدين تطلعت فيه وقلتلو : انت دقيت الباب قبل ماتدخل ،،؟؟ ضحك بصوت عالي وقلي
وحده بوحده ولفينا بَعضنا

و يتقل علينا ..
بيوم شفتو بالجامعه طبعا هوه ماحكا معي ابدا حتى لما شافني ضَل ماشي بطريقه كانو مابيعرفني ابدا ، كنت ماشيه مع رفيقتي مايا تركتها وركضت لعندو ومشيت ورآه مباشره خطوه بخطوه
صباح الخير كيفك ؟
ليث أتلبك : هلا صباح النور كيفك انتي
انا : تمام منيحه حبيت سلم عليك بس
ليث: شكرا كلك زوق ماعندك محاضرات ؟
انا جاوبت وبكل ثقه : عندي بس انا مابحضر
ليث : بس مابيصير هيك
انا : عادي كل طلاب الآداب هيك
ليث : الله يكون معكن ، طيب انا بدي امشي مستعجل شوي
انا : مع السلامه
طبعا انا انزعجت لانو حسيتو رسمي وتجاهلني وانسحب بسرعه من الحديث معي
كان ليث شب هادي وبارد ومابيحكي الا الكلمه اللازمه وكلامه موزون وبيجاوب قد السؤال ومابيعطي كلمه زياده بس كنت أحب اتطلع بعيونو الشهل وأتخيل العسل الصافي وهوه عم ينسكب
ليث كان من الديانه المسلمه ...
بنفس اليوم بالليل كنت عم حضر العشا مع امي وخطرلي اسال أني مشان نعزمو معنا
ماما شو رايك نقلو لليث يجي يتعشى معنا اليوم ؟
ام فادي : اي ليش لا ، ناديلو شب ادامي ، كانت امي بهل لحظه عم تحكي مع حالها لانو انا من فرحتي
خلال ثواني طرت لغرفتو قبل ماتخلص امي كلامها وفتحت الباب لاقيتو قاعد عم يدرس قدام مكتبو وعم بسمع موسيقا كلاسيك هاديه هوه أتفاجأ من تصرفي وأتطلع فيني وعيونو مفتحه من الدهشة
بس انا كان تصرفي مندفع وعفوي واكيد متسرع سالتو :
ليث ، ماما بتقلك تعال تفضل تعشى معنا
ليث : انسه كاترين المفروض تدقي الباب قبل ماتدخلي صح ؟؟
انا تلبكت وخجلت واعتذرت
ليث : طيب ماصار شي خير
اسبقيني وانا لاحقك
انا : شو عم تسمع ؟
ليث : موسيقا الفصول الاربعه لڤيڤالدي
انا : انا كمان بحب الموسيقا وكنت اعزف على آله الفلوت لما كنت صغيره
ليث بابتسامه : حلو كتير لازم تضلي تعزفي لانو الموسيقا اذا تركتيها بتتركك
انا : انت بتعزف شي ؟
ليث ؟ اي كنت اعزف كمان واعزف بحفلات المدرسه لما كنت بالإعدادي والثانوي بس بعد مادخلت الجامعه اهملت الموسيقا وصار فيني متلك تركت الموسيقا قامت تركتني ...
يالله روحي وانا هلق بخلص للي بايدي وبلحقك ..
اجا ليث سلم علينا وقعد معنا عالطاولة وتعشينا وحكيو كان قليل وبابا كان مستلم الحديث من اولو لآخره بشكل مغيظ ... وماخلالي فرصه احكي وانا ادعي يقوم يروح ع غرفته او عالاقل يسكت ويخليلنا دور نحكي
وتذكرت جمله امي الدائمه انو انا جايه لبابا بكل شي .... كمان بس بديت بحديث مابخلي دور لحدا ...
تاني يوم شفت ليث بالكلية عنا بالآداب ومعو شله شباب ... ركضت ورحت اسلم عليه
كيفك ؟ ليث : أتفاجأ وانحرج قدام رفقاتو : وقلي : الحمدلله شو بشوفك هون كيف الأهل ؟
انا : بس تروح عالبيت اسالهن كيفهن كنت معصبه منه لانو كل مابيشوفني بيقلي كيفك كيف الأهل وماعندو حديث يفتحو معي ولازم انا للي أبادر واغلب الأحيان بيعتذر وبيقلي مستعجل وعندي محاضرات
كان طالع جذاب لابس قميص بني وبنطلون بيج وحاطط أيديه بجيوبه والكتب مسنودين بين ايدو وخصره
انا بصوت عالي : شو عم تعمل هون بكليتنا ؟؟ كمان انت بتهرب من محاضراتك وبتقيع بين الكليات ؟ ليث أتفاجأ بطريقه كلامي 🙈ورفقاتو كانو بدن يضحكو بس خبو ضحكاتهن
وضحك بصوت عالي
ليث : ليش انتو اهل الآداب بتقيعو ؟؟؟؟
انا : اي شو بدنا نعمل انا بمل بسرعه من حكي الدكاتره وبيحل علي النعس بالمحاضرة وبشرد بقا بعمل جوله بين الكليات مشان ضَل منشطه حالي
ليث : لساتك سنه أولى ومانك أخده الموضوع بشكل جدي
انا : كيف يعني ؟ ليث : يعني بس تحسي ع حالك تورطتي بمواد كتيره بتصحي ع حالك......
يالله سلام انا لازم روح سلمي عالاهل
انا بانزعاج : بيوصل الله معك
شفتو راح مع رفيق من رفقاتو كان رفيقو بيشتغل ومابيدرس بالجامعه واسمو ايمن ..
ايمن : مين هالبنت الحلوه للي كنت واقف عم تحكي معها ؟
ليث : هي البنت اللي مستأجر عندهن الغرفه .
ايمن : يالله مااحلاها وماانعمها بس شكلا فضيحه وضحك بصوت عالي وقال
عجبني اسلوبها جريئة ومااهتمت انو في خمس ست شباب واقفين معك .
ليث بنبره حده : أيمن حركاتك خليهن بعاد عن الناس للي بعرفهن وبرجع بذكرك انا مستأجر عند ابوها والبنت صغيره مالها بقصصك
وحركاتك هيه هيك طبعها عفويه ومابتقصد اي شي
ايمن : شو بيشتغل ابوها ؟
ليث ؟ تاجر الماس وهي البنت وحيدتو وعندو شبين عم يدرسو برا البلد
ايمن كان رفيق ليث بالغربه بس اهل ايمن رجعو للبلد واستقرو بينما بقيو اهل ليث بالغربه
ايمن ترك الدراسه بسبب الوضع المادي واشتغل
بينما ليث كمل دراسه ومع انو ايمن كان مانو بنفس اخلاق ليث وكان سرسري بس بقيه صداقتهن لحد الان ..
كان ايمن الو علاقات بنات كتيره بخلي البنات تتعلق فيه وتصرف عليه بدون اي خجل ... وبيوعدهن بالزواج وبعدين يختفي وأله عادات سيئه ...
الجزء الرابع :
كنت قاعده بغرفتي عم حاول ادرس مليت ونزلت لتحت وشفت الضو شاعل من غرفه ليث ترددت أني دق عليه بعدين دقيت وقلي تفضل ادخل ...
دخلت وكان عندي فضول اعرف عنه اكتر لانو ك

ان شخص بحالو
كان عم يدرس كالعاده وانا بدي اخترع شي حديث أتناقش معو فيه
انا : عم اشغلك عن دراستك ؟
ليث : لا عادي تفضلي خمس دقايق مارح تاثر علي
انا : يعني بفهم من كلامك أنو مااطول اكتر من خمس دقايق !
ليث خجل وقام عن الكرسي ووقف مقابيلي وقلي لا بالعكس خدي راحتك البيت بيتك
بس طبعي بحب ادرس اول بأول مشان مااراكم عليي
كان فرق الطول بيني وبينو واضح هوه شب طويل عضلاته حلوين وستايلو حلو كتير وانا نحيفه وناعمه
انا : برافو ياريتني متلك وعندي صبر عالدراسه
ليث : اذا بدك بتصيري متلي وأحسن بس بدك تنظمي حياتك وتخلصي من الفوضى والعشوائية وتركزي شوي على أولوياتك
انا انتهزت الفرصه واخدت هالكلمتين لأعمل منهن حديث
كيف يعني فوضى وعشوائية ؟؟
ضحك ليث وأتطلع فيني وقال : صح انتي طايشه بس انا متاكد انك ذكيه وبتعرفي شو يعني ....
انا خجلت كتير لانو عرف شو هدفي من السؤال وانو بس بدي افتح حديث وقصص وضلينا دقيقه كامله عم نتطلع بعيون بعض
ومن خجلي قمت وقلت : انا بدي قوم نام تاخر الوقت ونعست تصبح على خير ....
ليث عم يبتسم : وانتي بخير ورجع قعد وحط عيونو بالكتاب وهوه عم يضحك
وانا طلعت بالخجله لانو طلع فاهم عليي انا شو بدي منه ...
صرت اتقابل معو بالجامعه نسلم ع بعض ومره سلمت عليه وعزمني على كاسه شاي بالمقصف
ليث : شو رايك نشربلنا كاسه شاي تدفي عظامنا !
انا : يالله بسرعه لانو انا رايحه اتجمد من بردي ياريتني ضليت بفرشتي الدافيه
اليوم للي قررت احضر فيه تأخرت خمس دقايق وسكر الدكتور الباب بوجي وماخلاني ادخل
ليث : كنتي تعي قبل خمس دقايق
....سكتنا شوي ورجعت أحكيه
انا : في شي مره تأخرت وسكر الدكتور الباب وماخلاك تدخل ؟
ليث : اي مره وحده بالسنه الاولى لما كنت مستهتر
شربي الشاي هلق بيبرد
انا : طيب بدي صير اجي احضر بكير واجتهد مابدي ارسب
قمنا تمشينا ع الرصيف من السور الخارجي للجامعه وكان في شجره ياسمين متدلايه وريحه الياسمين فايحه وقفنا عندها وسألني
كم ماده عندك ؟
قلتلو تسعه وكنت خجلانه انو يفكرني كسلانه
تطلع فيني من طرف عينه العسليه ورفع خصله من شعره عن وجهه وقلي هلق مارح اضحك عليكي لانو باقي شهرين لامتحانات اخر السنه بس حاولي تطلعي اكبر عدد منهن
انا : طيب ساعدني
ليث : كيف بدك ساعدك اروح اقدم عنك ؟ مابفهم فرنسي
انا : اول خطوه بطريق النجاح تفيقني بكير
ليث : كيف بدك فيقك ؟
خلص بقلا لخالتي ام فادي تفيقك
انا : لا مابدي انت اتصل لعندي فيقني
بعطيك رقم موبايلي
ليث : مابقدر بخاف ابوكي يزعل مني مابيصير هيك مابقبل ع حالي اتصل ع بنتو وانا قاعد ببيتو بخاف يفهمني غلط
انا سكتت وبنفس اللحظه قطف ياسمينه وحطها ع شعري
ليث : الابيض والاسود الوان متباينه والياسمين زاد جماله على شعرك الاسود وخصوصي لانو مموج متل موجات البحر بليله فيها ضو قمر
كلامو كان مفاجئ
لاني ماتوقعت هيك حكي شاعري
من شخص بارد جامد قرب عليي شوي بعدين انتبه ع حاله
واستأذن مني ومشي وبعدين رجع لعندي ...
انا رايح عالبيت بتحبي وصلك بطريقي ؟ طريقنا واحد
انا وافقت بسرعه وطول الطريق وانا ادخل بقصه واطلع بقصه وهوه ساكت عم يسمع وأحيانا يضحك ...

بعد فتره من التزامي التمثيلي بالدوام والاجتهاد مع انو بالواقع كان دوامي لأجل شوف ليث وانفرد فيه بعيد عن البيت كان الجو بلش يتحسن والربيع بدي يدفي الجو شوي فقت بكير ومتنشطه فتحت خزانتي لبست بلوزه ضيقه قصيره وتنوره نافشه لعند الركبه ولبست كعب عالي مع انو مالي عاده اطلع عالجامعه بكعب عالي وعملت شعري عالسيشوار وصار ناعم وعالتنعيم صار أطول من العاده وصار لامع وملفت للنظر واختفت تمويجاته وحطيت مكياج خفيف وصار وجهي متل وج الالعاب البورسلان مع انو بشرتي ماكانت بيضا بس كان وجهي ملامحه ناعمه وطفوليه وخدودي متوردين دايما والغمازات ع خدودي بتوحي بخباثه بريئة وانا وصلت للجامعه شفت رفقاتي وتمشينا للمقصف دورت ع ليث ماشفته
دخلنا المقصف وطلبنا صندويشات وانا عم اكل
دخل ليث وأيمن ومعهن شبين تانيين ليث اخد قهوه وطلع وماشافني انا قمت
وطلعت ورآه ومن عبطتي نسيت الصندويشه بايدي وركضت ورآه وعم ناديلو بصوت عالي
ليث ليث كيفك اليوم ؟ وقف ليث والتفت لعندي وكمان رفقاتو لاشعوريا التفتو معو
ليث رد علي وكان منحرج :
منيح تمام وسكت
وأتطلع فيني من فوق لتحت
ليث اتطلع لعند رفقاتو وقلهن : ياشباب سبقوني و انا لاحقكن
راحو الشباب بس كانوا عم يحكوا بسيرتنا وأيمن صرف الشباب وقعد يتفرج عَلِينا من بعيد
طلع ليث فيني وقرب عليي وقلي :
شو هاد للي لابستيه ؟؟؟؟
هادا منظر طالبه جامعه ؟ ؟؟؟هادا لبس حفلات أو زيارات او حفله صبايا ،. مانو مناسب ابدا يكون لبس طالبه جامعه جاي تدرس .،
بعدين وين موجات شعرك ؟؟
قلتلو : حبيت غير شكل
ليش مو حلو اللوك ؟
ليث : حلو كتير بس مو هون ..
انا انحرجت وماعدت اعرف كيف اهرب قمت مشان غير الحديث مالاقيت الا قمت و مديت الصندويشه لعندو
نزل ليث راسو باتجاهي وعض عضه من

وراي عالسياره وسكر الباب
طلعت بوجه وقلت : ايمن ؟ هادا انت؟
كنت مصدومه فيه ... تجاهلني ومارد عليي ومسكلي أيدي لورا وربطلي هنن بحبل خلا ايدي ينجرحو من خشونته صرت ابكي وقلتله : بترجاك بِعد عني ، عم توجعني وفوراطلع قماشه من جيبه ولفها على تمي كانت قماشه سميكه وقاسية ومشدوده وماقدرت احكي حرف طلع عالسياره من قدام وساق وانا عم حاول أتحرك كتير لفك حالي وماعم اقدر بعد شي عشر دقايق وقف السياره ونزل ليتفقد الطريق بعدين نزلني وخلاني امشي قدّامه .. دخلني على بيت صغير وريحته رطوبه وبعدين دخلنا ع غرفه عتمه ومليانه كراكيب والغبرا أكلتها ... سطحني عالتخت وربطلي أيدي عالتخت وقلي انتي كنزي قرب مني وكانت ريحته دخان تقيل
وانا دموعي متل المطر ماني قادره دافع عن حالي او اعمل ايا شي كنت متل المشلوله وكنت خايفه منه كتير قرب عليي صرت ارجف لفني من خصري وباسني من خدي وطلع وقفل الباب من برا وحسيت كأنه في حدا بالغرفه التانيه
ليث دخل لعند أيمن ليجتمعو الشباب بالسهره ... كان ليث اول واحد بيوصل على غير العاده لانو كان اخر مين بيوصل بجمعاتهن
ليث : بلاقيك لحالك وين الشباب ؟ مافي لعبه ورق اليوم ؟؟
ايمن : لا صرفتهن كلن مالي خلق شوف حدا ضايج
ليث : خير شو فيك ، بدك مصاري ؟
ايمن : ضحك ليش انا ايمتا ماكان بدي مصاري انا دايما شحدان .... بس هالمره انا رح غير من حالي ومابقا بدي عيش هيك بس انا محتاج مساعدتك ... مسك ايمن ايدو لليث و
أخدو عالغرفه للي كنت فيها وفتح الباب كانت الغرفه كتير معتمه ومكركبه اول شي ليث ماشاف شي بعدين لما اتضحت عندو الرويه شافني عالتخت بهل حاله وانا عم حاول فك حالي
وحاول صرخ ..ليث أنصدم وماعاد قدر يحكي ولا كلمه وضل واقف كانو تجمد
وأيمن شدو و طلعو برا الغرفه
انا لأول وهله فكرت انو ليث متفق مع ايمن على خطفي وهالفكره خلتني أحزن اكتر
طلع ليث لبرا بس بنفس اللحظه بلش يستوعب للي شافه ورجع ركض لجوا وفتح الباب ودخل وإجا لعندي مشان يفكني
اجا ايمن من وراه ومسكو وطلعو برا الغرفه مره تانيه وسمعت ليث عم يعيط بعصبيه وكان وجهو محمر من التعصيب
ليث ؛ مجنون انت مجنون ؟ انت بتعرف أني مستأجر عندهن هي متل اختي انا مابسمحلك تأذيها انت شو عملت ...
ايمن : هدي عَلِينا ابو ألوفا مارح اعملا شي لاتخاف ... مابدي منها شي ولا رح المسها
بدي بس كم مليون من عند ابوها
كم مليون مابيأثرو عالملايين للي عندو بس انا بتعملي كتير وبتحللي ميه قصه
واظن هيه اغلا عند ابوها من كم مليون محطوطين عندو ع جنب وانت رفيقي المقرب ويتعرف البير وغطاه وصدقني مارح اعملا شي
بس ربطتها لانو هلكتني
بدي دور ع فرصتي ، انت مو فارقه معك تسطفل انت اهلك مرتاحين بس انا مليت من قرف العازه وكل يوم شغل شكل وياريت رواتب بتكفي
ليث : الفرص مابتكون بهيك اُسلوب وسخ تستغل وتتقاوى ع بنت ضعيفه ، واحمد الله عم تلاقي شغل غيرك ماعم يلاقي ...وبرجع بقلك البنت هلق بترجع ع بيتها وإلا صداقتي معك رح تنتهي اليوم
ايمن : لا ماحزرت ياسيدي وبالناقص من هيك صداقه ، وطلاع برا بيتي فورا ... واسمع ....والله لو بتحاول تبلغ عني لحتى ماتعرف شو رح ساوي فيها والله بتندم .،،
ليث بكل قوه وبصوت عالي خبط أيده عالباب وقال : ماني طالع خطوه من هون الا وهيه معي
دخل ليث لعندي وقرب مني كانوا ايدي عم يوجعوني ومجروحين ومخدرين من الالم ...
ليث : لاتخافي انا معك مارح أتركك رح طلعك معي ...
اول مابدي ليث يفكلي ايدي شفت ايمن جاي ومعو عصايه خشب حاولت اشر لليث لينتبه بس مافهم عليي ايمن ضرب ليث بكل قوه فيها وبعدين بلشو يضربو بعضهن بعنف وشفت دم بأرض الغرفه وكانوا الاثنين عم ينزفوا بس ضربه العصايه لليث كانت مؤلمه وماعاد قدر يقاوم قعد عالارض متألم وتعبان وعم بنزف وانا انهارت أعصابي وكان صار الوقت بعد العشا
وبالبيت اهلي كانوا قلقانين علي لانو مافي بالعاده أني أتأخر بعد الساعه ٨
وصارت الساعه ١٠ ومارجعت عالبيت وتلفوني مسكر اتصلوا لعند رفقاتي وماكنت عند حدا ...
الجزء السادس :
... ليث كان ممدد عالارض و مانو واعي لشي بسبب الضربه للي أكلها ايمن جلس ليث للارض وربطلو أيديه لورا ظهرو .... وإجا لعندي نزلني من التخت وربطني ورا ظهر ليث حط أيده تحت دقني ورفعلي وجهي كان شعري نازل خصل مموجه على وجهي وطلع بعيوني للي كانو محمرين من البكا وقلي : ماتخافي كم ساعه بخلص شغلي معك وبتطلعي من هون ... مارح اعملك شي .... طلع برا الغرفه وقفل الباب وكان الوقت كتير أتأخر وانا عم فكر بأهلي شوي وشوي تانيه فكر بليث وأحاول انكشه مشان يصحى ...كنت خايفه عليه خصوصا لانو كان عم ينزف ... بس هوه كان مغمي ... بعدين نمت وانا بهي الحاله من تعبي ...
طلع الصبح و ليث فتح عينيه وشاف ضو النهار طالع من فتحات الشباك طلع على حاله لاقى أيديه مربوطه لورا ضهرو وشافني وراه كنت كمان مربوطه ... وقاعدين عالارض ظهري لظهرو وأيدينا مقابيل بعض
ليث نادالي كذا مره وصار يفيقني ويصحيني
ليث : كاترين ، اصحي ..

طمنيني عنك ، انتي منيحه ؟؟؟؟؟
صحيت بصعوبة كنت تعبانه وجسمي عم يوجعني بس هوه كان تعبان اكتر مني بس عم يكابر ...
ليث :

كيف صرتي ؟ منيحه ؟ عم يوجعك شي ؟ عملك شي ؟
هزيتلو برأسي أني منيحه لانو كانت القماشه لسا ملفوفه حوالين تمي
وخانقتني ، طلعت عليه لاقيت وجهو كلو جروح وكدمات
مسكلي ايدي ليطمني وضل ماسكهن عشر دقايق وانا فكري كلو عند اهلي وشو ممكن يكون وضعهن .. قرب وجهو على وجهي ومسك القماشه للي كانت على تمي بسنانو وبلش يشد فيها وانا ساعدته وصرت حرك راسي وأخيرا ارتخت القماشه ونزلت عن تمي ... حسّيت حالي كأني كنت غرقانه بالمي وطلعت عالبر وبلشت اسعل وليث علمني كيف اسحب هوا وارجع انظم نفسي
رجع مد أيديه عالحبل للي عايدي وبلش يحاول يفكو مع انو كان صعب عليه لانو هوه كمان كانت أيديه مربطه بس ركز عليه وبعد شوي انفك الحبل وقدرت احرر ايدي ورحت لعندو بلشت فكو وقلتله ؛ انت حالتك تعبانه لازم فورا تروح ع المشفى
قام ليث عن الارض وإجا يفتح الباب بس طلع مقفول جرب يفتحه ماقدر
ليث : الباب مقفول من برا بس سمعي
اول مايجي يفتح الباب انا رح ادفشه وانتي بتهربي بسرعه وانا بلحقك فهمتي ؟؟؟
انا : ليش هيك عمل رفيقك ؟؟؟؟
ليث ؛ هادا مانو رفيقي .. هادا ابليس ... انا بعرف شغلي معه .. ياخساره صداقه ١٦ سنه معه ....

بالبيت اهلي لاحظو انو كمان ليث مارجع وانو مافي بالعاده ينام برا الغرفه
وبلشت افكارهن تاخدهن وتجيبهن ورجحوا انو اختفاءنا تنيناتنا بيوم واحد معناها نحنا مع بعض
والأفكار السودا عبت راسهن وامي تبكي وتقتل بحالها وتقول بس لو اعرف شو صاير معها ياربي طمني وابوفادي محاول يمسك حالو ومو قادر يعمل شي
قعدنا انا وليث عالارض بعد مااخدتو ع الحمام للي جوا الغرفه وغسلتله وجهه وايديه ورقبته من الدم ورجعنا قعدنا عالارض انا بلشت ابكي وقلتلو :
ليث ماتتركني ماتتركني انا خايفه .
قرب ليث لعندي
رفعلي راسي بايده التنتين وطلع فيني
ليش عم تبكي ؟ خلص قلتلك مارح أتركك لو بدي موت .... أنا هون معك وجنبك
بلشو دموعي ينزلو متل المطر ع خدودي
ليث : انتي هلق صرتي مسؤوليتي بعد ماشفتك هون مابقدر اطلع بلا ماتكوني معي
حطيت راسي ع صدرو وحسيت أني ارتحت لحكيو وهوه لفني بأيديه التنتين وضمني لعندو وانا رجعت نمت وانا متمسكة فيه بقوه وهوه عم يتأملني وانا نايمه
وبعد شي ساعتين تقريبا سمعنا صوت دعسات جاي للغرفه وقف ليث وفيقني وقلي :
بتعملي متل ماقلتلك قلتلو اوك
فتح ايمن الباب بدو يدخل وفجاه بينزل فيه ليث ضرب وانا استغليت الفرصه و هربت ونزلت عالدرج ووقفت اخر الدرج عند الباب الرئيسي عم اتفرج عليهن وهنن عم يضربو بعضهن
ليث صرخ فيني : لك روحي بسرعه ليش واقفه روحي عم قلك روحي ماعم تفهمي ؟ ترددت بس سمعت كلامو و
طلعت من البيت وانا عم اركض بسرعه بس عقلي ضَل عنده ياترى قدر يهرب ولا لا ياترى ايمن اذاه !
رحت على دكان صغير وطلبت احكي تلفون لانو ضيعت موبايلي اتصلت على امي ولما سمعت صوتي ماتركت شي ماحكتو
كلام عتب على لوم على خوف وبكا
وشوي تدعي عليي ... وشوي تقلي وينك مشغول بالي
هديتها وحكيتلا رؤوس أقلام
عن اللي صار معنا كنت بدي امهدلها وبدي ياها تكون عارفه شوي من القصه قبل مااروح عالبيت
رجعت عالبيت كانت حالتي حاله اتطلعو فيني اهلي وانا كنت موطيه راسي
وقَعَدت حكيتلهن وابي اصر يتصل بالشرطه ويبلغ عن ايمن
وانا قلتلو لازم نرجع عالبيت لانو ليث هونيك
وامي كل شوي تسألني لحتى ضيقت خلقي وهيه تقول حدا لمسك ! حدا عملك شي وكانت عم تعقملي ايدي مكان جروح الحبل
وانا ضجت منها وبعد كم ساعه ليث مااتصل ولا بين وانا بلشت اقلق اكتر
واضوج ... بابا لازم نبلغ الشرطه ليث اكيد صايرلو شي اكيد متأذي ...

نزل بابا عمل بلاغ اول تهمه خطف
وبلاغ تاني اختفاء ليث بس ماقبلت الشرطه البلاغ التاني لانو لسا مامضى ٢٤ ساعه عن الأختفاء
وبلّشوا يحققوا معي عن التفاصيل للي صارت وحكيت كل شي وتسجل كلو بالمحضر
بس اصريت على الشرطه يروحو عالبيت واكدتلهن انو ليث هونيك وانو هوه جوا وممكن صايرله شي وخصوصي انو مصاب وتعبان وبلشت الأفكار السودا تعبي راسي
وصلت مع الشرطه وابي للبيت دقينا ماحدا فتح بلشت انا ادق بكل قوتي وماحدا رد
الشرطه رفضت تكسر الباب لانو لازم يكون في إذن بالكسر
بس انا بلشت اعيط و اصريت وحملتهن المسؤوليه لو صرله شي وحلفت اكسره انا ... وافقوا على كسر الباب تحت إصراري
انكسر الباب وفتنا لجوا ...
وشفنا ليث قاعد عالدرج قريب الباب وايديه مربوطه على درابزين الدرج وتمو ملزق بلاصق وكان غايب عم الوعي ومبين انو اكل قتله اكتر من قبل وغرقان بالدم وعم يرجف من البرديه للي صابته ، انفه كان عم ينزف
وجروحو بديت تلتهب
ركضت لعندو لفيتو وانا عم ابكي من زعلي على حالتو ... فيقتو و فكيتو طلع فيني كان كتير ضعيف ومريض
حسّيت فيو حراره عاليه وعم يقلي بردان غطيني
ركضت لجوا وجبت حرام وغطيتو واتصلنا بالإسعاف اجت اخدته للمشفى ، الشرطه فتشت البيت مالا

قت حدا
ايمن كان مختفي
الجزء السابع : الشرطه عم تلاحق ايمن والتحقيقات كل يوم والتاني لحتى قرفت
ليث بالمشفى وممنوعه الزيارات عنه
ايمن كان رامي فوقه خزانه خشب وتسببله بكسر بضلع من أضلاعه اليسار وتسببله بكسر بساق اليسار
ماعدا الجروح والكدمات والتهابات الجروح كنت اتطمن عليه من الدكاتره
وبعد يومين شفت ست كبيره مقدره ومعها بنتين صبايا فهمت بعدين انو هي والدته لليث واخواتو البنات
ليث ماكان عنده غيرهن
ابوه توفى من زمان وتركلهن شركه صغيره بالغربه عم تديرها الام وأخواته التنتين أصغر منه عم يدرسو لسا بالجامعات
مرق أسبوعين واهلو عنده وانا مااسترجي ادخل لعندن او واجههن لاني السبب باللي صار معه ومره قررت أصير قويه وادخل اتطمن عليه وشوفو بعد ماعرفت انو تحسن شوي
فتحت الباب ودخلت اتطلعو كلهن لعندي
انا بخجل : مسالخير
ليث : ياهلا وينك انتي ؟ كيفك هلق
ماما ، رولا ، سنا هي كاترين الي حكيتلكن عنها بنتو لعمو ابوفادي
طلعو فيني بتعجرف وردوا اهلا وسهلا بس حسيتهن ماحبوني ابدا او لانو كنت سبب مرض ابنهن
كانت رجله اليسار مجبره
انا : الحمدلله ع سلامتك ليث ماعليك شر
وماقدرت اهرب من الموقف للي انا فيه الا بالبكا
ليث : ليش عم تبكي ! نصيبي واكلته انتي مادخلك
امو انزعجت من اهتمامه فيني
ام ليث : كان المفروض تتخرج وتستلم محلك بالشركه وساره
بنت خالك كمان عم تستناك ومجهزة حالها للخطبه وكمان هيه كتير قلقانه عليك وكان بدا تجي معنا وماخليناها
انزعجت من اُسلوب ام ليث وهيه تسمعني كلام انا قويت حالي وتطلعت فيه
يالله لكن لازم تشد همتك وترجع للجامعه وتخلص لحتى نفرح فيك حاجتك دلال
كان هالكلام اكيد مو من قلبي بس كان رد اعتبار للكلام للي سمعته
ليث ماحكا شي وضل ساكت
وطبعا كانوا أهلي يزوروا ليث وابي دفع كل تكاليف العلاج وأجره المشفى وإجت الشرطه كمان وكملت تحقيق مع ليث وكان ايمن لسا مختفي من الشرطه
بعد كم يوم رحت اشتريت باقه ورد ورحت للمشفى كنت لابسه افارول اسود وكعب عالي ورابطه شعري لفوق
دخلت كان ليث قاعد ع البرنده لحالو ولابس برنص وعم يشرب قهوه ويقرأ جريده
دخلت لعندو ماخليتو يقوم
كيفك اليوم
ليث : لا احسن بكتير وان شالله كم يوم وبدي اطلع حاجتي مليت وقرفت
سكتنا وصار صمت
انا : ليث انا اسفه
ليث : الله يسامحك
بالعكس انا كتير مبسوط أني شفتك وتعرفت عليكي
حط ايدو تحت دقني ورفعلي وجهي وعيوني كانت مدمعه
شرد فيني شوي وقلي حاج بيكفي عيونك للي دايما بتضحك حرام تمليهن دموع وفجاه وبحركه سريعه مسكلي شعري من فوق وسحب البكله من شعري ونزل كل شعري على أكتافي متل الموج
تطلعت بعيونو الشهل للي كانو نقطه ضعفي حسّيت حالي بحبو كتير وماقادره بعد عنه تذكرت اخوتي الشباب وحنانهن كان هوه متلهن تمام
حطيت راسي ع صدره وسمعت دقات قلبو وحسيت بنفسو سخن وهوه ضمني اله بكل حنان
وفجاه تذكرت كلام أمه عن بنت خالو وهوه انتبه عليي وعرف شو للي عم فكر فيه ... بعدني شوي عنه وقلي :
انا بدي قلك شغله انا اول شي مارح ارجع لعندكن عللبيت
جيت لأحكي حط ايدو ع تمي وضل يتأمل عيوني وماعطاني مجال أقله يضل عنا وقال :
السنه خلصت تقريبا وأنا ماتخرجت بسبب قعدتي هون بالمشفى وراح عليي امتحانات
وأهلي رح ياخذوني معهن واقضي عطله الصيف هونيك
ورح ارجع بالخريف لاخلص جامعتي بس بدي انزل بالمدينه الجامعيه وأهلي مابدهن استأجر عند حدا
نزلو دموعي لحالهن
ليث : رجعتي تبكي ؟ انا الحق علي عم أحكيلك كان لازم روح وماخليكي تعرفي عني شي
وصار يمسحلي دموعي
انا : انا تعودت عليك ... ليث انا ......
سكتت بنفس اللحظه وهوه فهم علي شو بدي أقله بس بقي ساكت
بعدين قلي :
المفروض اخلص وارجع أخطب بنت خالي ساره الموضوع منحكا فيه زمان
والأهالي متفقين مع بعضهن
انا حاولت احتفظ بشويه كرامه : الله يوفقك يارب انت بتستاهل كل خير وبتمنى تدير بالا عليك منيح
هوه كان بدو ياني انصرف عنه وماافكر فيه ومابدو يجرحني اكتر من هيك ... كان بدو ياني أنساه ...
سلمت عليه وطلعت ورجعت مشي عالبيت وانا عم ابكي طول الطريق كانوا رجلي عم يوجعوني من الكعب العالي بس وجع قلبي كان أقوى وخلاني ماحس على وجع رجلي

الجزء التاسع :
ليث : ماما ياماما ياست الكل انتي عندي موضوع وبدي احكي معك فيه
اجت ام ليث من المطبخ وقعدوا سوا بالصالون
ليث : انا الحمدلله تخرجت وصرت اقدر اعتمد ع نفسي وشغلي منظرني بالشركه وبيتي جاهز وباقي العفش
ام ليث ؛ اي حبيبي الله يوفقك يارب يامرضي انت
ليث : ماماتي حياتي بس عندي شغله وحده بدي قلك عنها
ام ليث : شو حبيبي احكي عم أسمعك
ليث مسك أيد أمه بحنيه ونزل عيونو وهوه عم يحكي : ماما انا مابدي تكون ساره زوجتي انا وهيه مافي انسجام مع بَعضُنَا مافي من ناحيتي مشاعر اتجاهها
ام ليث : بالعكس حبيبي أنتو كنير لابقين لبعضكن ومين ماشافكن بيصلي عالنبي وبيخاف يحسدكن
انتو الاتنين ادب وجمال واخلاق ومرتبين وبكفي إنكن ولاد عيله مرتبه والبنت بتحبك كتبر
ليث : ماماتي انا عم قلك مابحس اتجاهها بايا شي كيف بدك اتجوزها واظلمها
عالاقل خافي ع مشاعرها وقت للي مارح تحس بايا اهتمام من ناحيتي
ام ليث ؛ حبيبي الزواج مانو مبني بس عالحب
الزواج مبني على تكافؤ وانسجام والحب بيجي بعدين
بعدين اتطلع فيني اذا كان في ببالك بنت تانبه من للي بالي بالك بقلك شيل الموضوع من رأسك نهائيا البنت ماعجبتني مايعه وخفيفه
ليث عَصّب ووقف : اي بدي هي البنت وانا هي البنت للي بحس معها انها بتكملني بحبها
البنت مانا مايعه البنت ذكيه وعندها طاقه ، بتعرفي انو خربطتلي كل حياتي وعم فكر فيها دايما بعدين انتي بتوثقي فيني وبكل اختياراتي وكل شي بعمله
مو صح ؟ بعدين تأكدي أني شب راكز وماني من النوع للي بيوقع بايا بنت بس جد هي غير كل البنات ماما فهميني
ام ليث : حبيبي روح غسل وجهك وأنسى الموضوع مادخل مخي غير بنت اخوي مابقبل ومابضحي فيك لوحده غيرها وانا بعرف مصلحتك اكتر منك
ليث : ماما
ام ليث : بيكفي مابقا بدي اسمع وماني متعوده عليك هيك لحوح
ام ليث تركتو وطلعت من الغرفه
حاول ليث يقنع اخواته البنات بس ماتجاوبو معو
مع انو كان شب مرضي وحنون معهن لانو كان يعتبر نفسو مسؤول عن امو واخواتو وانو هوه رجال البيت
بيوم كان عم يتمشى مع ساره بالحديقة تبعت البيت وكان الجو بارد كتير متل مشاعرهن وكانوا ساكتين
هوه حاطط أيديه جوا جاكيته وساره لابسه كفوف وقبوعه صوف
ساره : ليث حبيبي انا بردت بدي ادخل لجوا مليت من المشي
ليث : ساره بدي احكي معك موضوع بيخصنا وبتمنى تكوني متفهمه
ساره وقفت : تفضل عم أسمعك
ليث : ساره انتي الصراحه بنت جميله وبتاخدي العقل وكلك ادب واخلاق والله عطاكي شغلات بتحلم فيهن كل البنات
وألف شب بيحلم بنظره منك بس للاسف بكل صراحه بقلك انو مشاعري ناحيتك جامده
ساره : .....
ليث : حاولت أعطي حالي كذا فرصه وجربت اتقربلك اكتر بس ماقدرت ومابدي اظلمك معي بدي تفهميني
مابدي نتزوج ونعيش حياه ممله بلا مشاعر وبلا جنون
ساره : مشاعرك جامده ناحيتي ولا رايحه لعند حدا تاني!!!
طبعا كانوا اخوات ليث حاكينلها عن قصص ليث وكاترين بس هيه كانت تمثل انها مابتعرف شي
ليث : .....
ساره : ليش سكتت
ليث : ساره بتعرفيني انا لابحب اكذب او الف ودور
كلامك صح في وحده تانيه ببالي
وهي مشاعر خارجه عن ارادتنا انا معاها بحس غير معك بدي تفهميني وتشوفي حياتك
ساره : بس هادا القرار مو قراري ومو بايدي هادا القرار بايد اهلي
ليث بعصبيه : ليش انتي وين رايك ووين شخصيتك ؟
مسكها من كتافها وصار يهزها
كيف بتسمحيلهن يحددوا مصيرك وإنتي عم تتفرجي
ساره : هدول اهلي وهنن ادرى بمصلحتي
ليث : لا مو صحيح انا كنت هيك قول بس قلبك الك وحدك والقرار الك وحدك انتي بتختاري كيف تعيشي ومع مين وهادا حقك مو هنن للي بيختارولك لاتكوني لعبه بأيدهن
ساره : ...
ليث : أسف ... خلينا ندخل جوا برد الجو وانتي فكري منيح بترجاكي

ك تشوفني نهائيا ورح اقطع علاقتي فيها ... ووعدي وعد رجال مارح ارجع عنه لو بدي دوس ع قلبي ومشاعري .
ابوفادي سكت وقال ؛ بيصير خير ومارجع حكا شي بس كان خجلان من ليث بسبب تصرفي ...
امي كمان كانت عم تسمع وزعلانه مني
طلع ليث ونزلني من السياره كنت خايفه من اهلي كتبر وخايفه من رده فعلهن حملني ودخلني عللبيت
ليث : لاتخافي اهلك تفهموا الموضوع وماحدا رح بعملك شي طلعي لغرفتك
...دخلت عالبيت وانا موطيه راسي
بابا بس قلي كلمه وحده :
ياخساره
الكلمه كتير جرحتني وكانت متل الكف بوجي ودخلت ع غرفتي
ابوفادي : خير عمي تسلم ايديك بتقدر تروح هلق وأسفين ع ازعاجك بنص الليالي الله يعطيك العافيه
راح ليث وانا حسّيت انو ليث حطني بموقف محرج قدام اهلي وقررت أني خلص أنساه نهائي مع انو كان صعب
تاني يوم مانزلت عالفطور
خلصو اهلي فطورهن وابي نادالي لأنزل
نزلت وقعدت قدّامه وعيوني بالأرض
ابوفادي : شوفي بنتي للي عملتيه غلط كبير جرحتيني وجرحتي امك وكنتي رح تعمليلنا فضيحه
انا ماني قادر سامحك من جوا قلبي
ولانو الشب شهم ووعدته مااعمل معك شي رح اكتفي بس بمعاقبتك انو ماتطلعي من غرفتك لحتى قلك ومافي روحه عالجامعه
رحت ع غرفتي وبقيت فيها طول الأسبوع وكان اسبوع بطيئ وماطلعت ابدا من البيت وكنت فكر بليث طول الوقت وأتذكر اللحظه للي كان رح يلمسني فيها وليث ببيته مارحت من باله وهوه يفكر فيني وبآخر الأسبوع
سمعت صوت الباب فتحت ماما لاقت ليث
عفوا خالتي بقدر حاكي عمي ابوفادي
ام فادي : تفضل ابني على الصالون هلق بيجي عمك ابوفادي
قعدوا سوا بالصالون
ليث : عمي انا جيت مشان اخد جوابك على موضوعنا وهي اخر محاوله الي ورح اتفهم وأتقبل رايك
وانا جاي من الباب وبوعدك أني رح حطها بعيوني ومارح تكون الا مبسوطه واذا بدها تضل ع دينها انا مارح اجبرها تغيرو
ضَل ابوفادي ساكت
ليث : عمي ،، بترضى فيني ؟؟؟
قام ابوفادي من محلو ومشي بالغرفه ببرود وليث قلبو عم يدق بسرعه ... بعد خمس دقايق تفكير ابوفادي مشي باتجاه ليث وحط أيده ع كتفو وسكت وأتطلع بعيونه
كانت عيون ليث بحاله ترجي بس ساكت
ابوفادي : موافق ياابني انت شب شهم وخلوق وهادا بس بيكفيني
ابتسم ليث بكل حنيه وقلبو طاير من الفرح ومن فرحته رَكض لعندي عالغرفه وفتح الباب بدون مايدقه
كنت قاعده عم اسمع أغاني وتفاجأت بوجوده بنص غرفتي فجاه وكنت لابسه بيجاما ، اجي لعندي وحملني ودار فيني الغرفه كلها
وانا ماعدت اعرف ليش جن
نزلني ومسكني من كتافي وقلي : مبروك حبيبتي
مبروك عليكي انا ، ربحتي هديه عمرك
انا فرحت وصرت زلغط وبعدين تطلعت فيه وقلتلو : انت دقيت الباب قبل ماتدخل ،،؟؟ ضحك بصوت عالي وقلي
وحده بوحده ولفينا بَعضنا

-رواد: اي كنت حاول حبك لانك بتستحقي الحب ..... بس تأكدي انو مستحيل كان خونك او خون ليث .... لانو مشاعري كنت عم بدفنها ......

-بيسان: وانا شو ذنبي بكل هالشي .......

-رفيف: انتي ما ذنبك شي الا انك اخدتي كل شي مني ..... انا كنت بدي انهي بارو لينتهو هني مش انتي ... انا كنت خبر الصحافة عن كل خطوة بتمشوها ليطلعو بوجكن وين ما رحتو لحد ما كنت بلشت تنفيذ خطتي ...... انا ما قربت عليكي ... انا كان بدي هني ينهارو ليبعدو عنك لتعيشي لعيشتيني ياه مش اكتر ...... انتقامي الاكبر كان من هدول الجوز .....

-بيسان: ما عم صدق انو نار الحقد والانتقام بتوصل لهون ......

-رفيف: طبعا بدا توصل لهون لما ضليت سنتين وشهرين اتعالج وانتو عاملينلي قبر فاضي ع اساس انو جثتي صارت رماد بعد الحادث ..... ولما ينتهي مشواري مع العلاج والادوية ارجع لاقي حالي قدام جريدة بتحكي بصفحتا الاولى عن الزواج الاسطوري بين رواد حبيبي السابق وصديقتي الخاينة .......

-بيسان: كان زواج شكلي .....

-رفيف: عرفت هالشي متأخرة .... بس ما نقص شي من رغبة الانتقام ................. شو ليث بيك مبين ساكت ...... اتعاونت مع ابوك ضدي ؟؟؟!! .... بس لاني عرفت بتجارتكن بالاسلحة والمخدرات ......

-بيسان: !!!!!!!!!!!!!!!!!!!!! .........

-رفيف: ليه انصدمتي ..... اعرفي زوجك ع حقيقتو ..... تتذكري بالنهار اللي غلي قلبك ع ليث ... وشغلتي الدنيا اتصالات ورجع قللك انو كان تلفونو ضايع .... بوقتا متل الهبلة صدقتيه ..... وهوي كان عم يشحن بضاعة للتهريب هوي وابوه ...... وبتعرفي بوقتا لعبلي بعقلي كتير وخانك معي ....

-ليث: رفييييييييف .........