👇 👇
//
#بريئــة//#بقلمي 📖 ✏️
#نـــورايـــة@rwayate
الجزء1+2+3+4+5..يتبع
(الشخصيات)
عائلة توفيق حرز الله
الأب:توفيق
الأم:منيرة
الأبناء(بالترتيب حسب الأكبر فالأصغر)
1.عمار بعمر 35 ⬅️ ⬅️حنان(زوجته) وعنده طفلين(رهف 5سنوات... كرم3سنوات)
2.فراس بعمر33
3.رامز بعمر29 ⬅️ ⬅️شيماء(زوجته) ولديه طفل(مجد سنتان)
4.شادي بعمر 26
(((جميع الأولاد يعملون في شركة أبيهم للتجارة)))
***
عائلة الراشد
الجدة: كوثر
أحفادها 👇
ياقوت بعمر 28
يقين... يزن(توأم بعمر 21 سنة)يدرسان الهندسة
***
//1//
ياقوت: صباح الخير يا أجمل جدة بالكون @rwayate
كوثر: صباح النور ..شو هالروقان كلو
ياقوت: شو مابصير أتغزل بحبيبة قلبي
كوثر: ههههه خدي بعقلي حلاوة.. شو انا أقول عن جمالك
ياقوت تقترب منها وتقبلها على جبينها: لولاك ماكنت جميلة مثلك ياجميل إنت
كوثر: هههههه طيب يلا تعالي افطري
ياقوت: لأ مستعجلة هسا بتكون الطريق ازمه بدي ألحق أوصل الشغل
كوثر: طيب كلي سندويشه
ياقوت: شكرا ياستو بوكلها بالطريق.. اه ستو كمان ساعة بتنبهي الخم نوم اللي جوا عشان يلحقوا يروحوا ع جامعتهم (وفتحت يد جدتها ووضعت بها نقودا) وهدول خليهن معك
كوثر: معي يا ياقوت لسا ماخلصن المصاري
ياقوت: بعرف حطيهن مع مصروف البيت ..يلا مع السلامة
كوثر: الله يرضى عليكِ ويعطيكِ حتى يرضيكي يارب
ياقوت: الله يخليلي إياكِ اهم اشي تكثري هدول الدعوات
وتنطلق إلى عملها في إحدى الشركات
*
ننتقل إلى مكان آخر وهو بيت عائلة توفيق
يجلس الوالدان وفراس وشادي على مائده الافطار @rwayate
توفيق: اليوم توقيع الاتفاقيه ولازم تكونوا جميعكم حاضرين فيا فراس بتخبر عمار ورامز يكونوا بالشركة ع الساعه 12 واحكيلهم بلاش مهيصة
فراس : حاضر
منيرة: خليهم يا توفيق ع راحتهم كل واحد مع عيلته
توفيق بحدة: إنت اللي مدلعتيهم يا منيرة جوزناهم قلنا بعقلوا ع الفاضي كمان زادوا عدم المسؤولية
منيرة: بأول عمرهم بدري عليهم يا توفيق خليهم يتهنوا بشبابهم
توفيق(قام): انا ماشي يا اولاد لأنو امكم رح تجبلي الجلطة
شادي ضاحكا: ههههه خذني معك ياكبير انا كمان مثلك
توفيق نظر الى فراس: وانت يا فراس مابدك تقوم
فراس: شوي وبلحقم
توفيق: ماشي ما تتأخر
شادي: مع السلامه يا برنس(ويذهبان)
منيره: مالك يا فراس سرحان
فراس: ولا اشي ماتقلقيش
منيرة: رجلك بتوجعك شي
فراس بنرفزة: كل ما أكون صافن بتحكيلي رجلك بتوجعك (قام من مجلسه) مش ضروري تضلك تفكريني (وذهب)
منيرة: لا حول ولاقوة إلا بالله
@rwayate
تصل الشركة وتجلس خلف مكتبها وتفتح الحاسوب الذي أمامها ..تأتي زميلتها بالعمل
تمار: صباحو
ياقوت: يا أهلا نورت
تمار وهي تجلس: منورة بوجودك ما بدها نقاش الشغلة
ياقوت: طيب اسمعي اوراق مبايعة عندك
تمار: اها بدك إياهن
ياقوت: بس تخلصي منهن عطيني خليني اكمل شغل عليهن
تمار:اوك
**
يقين: صباااح الخيرات
كوثر: صباح النور شو وين يزن ما صحي
يقين وهي تتثاءب: لأ صحي هيو في الحمام
كوثر: طيب شدو حالكم حتى تلحقوا تِصلوا الجامعة
يزن يأتي: جود مورننج(good morning)
كوثر: ما تتكلم عِدل ياواد
يزن يضحك: مالك يا ستي بحكيلك جود مورننج يعني صباح الخير
كوثر: وما تحكيها بالأول مش ضروري تحكي هذيك الكلمة يلا تعال افطر مع اختك
يزن يجلس: ياقوت طلعت؟
كوثر: اها سبقتكم حتى تلحق شغلها
يقين: نشيطه على أختها
يزن: لا مهو واضح
كوثر: الله يرضى عليها يارب
يزن: بس لياقوت الرضى كلو
كوثر: الله يرضى عليكم كلكم . بس إنتوا بتعرفوا معزة ياقوت عندي
يقين: طبعا ياستو وخصوصا إنها ماخذة لون عيونك السماوي غير بشرتك البيضه ولا هالشعرات الذهبيات
يزن: ييييي بتحسد بأختها @rwayate
يقين: لا والله ما بحسدها بمدحها
يزن: كل ها ومش حسد
يقين: اسكت اسكت
يزن: بنت اتعدلي ف كلامك
كوثر بحدة: اسكتوا انتِ ويا عاملين مثل ريا وسكينه
*
أنهت عملها الذي ينتهي الساعة الثالثة تذهب الى البيت تسلم على جدتها
كوثر بحنيه: يعطيك العافيه يا زمردة
ياقوت: ههههههه ستو ياقوت مش زمردة
كوثر: انت ياقوت وزمرد ومرجان
ياقوت: هسا بغتر ع فكرة
كوثر: بصحلك.. يلا قومي غيري بكون مجهزلك الاكل
ياقوت: لأ خليني أقوم اصلي بعدين أوكل وبعدها انزل كمان مره ع الشغل
كوثر: ما خلص ضغط الشغل ياحبيبتي
ياقوت بكذب: لأ لسا ما خلص ... صحيح ما تشغلي بالك إذا تأخرت ما بعرف شو بصير معي ..
ياقوت في سرها: سامحيني ياستو بس خبيت عليك لأنك مش رح تقبلي اني اشتغل هاي الشغلة
بعد فتره راحة تذهب إلى عملها الآخر
...
ينجز الإخوة الأربعة عملهم في الشركة
رامز: شو رأيكم نطش اليوم
عمار: فكرة لووووز
شادي: انا اعفوني بدي أروح أنااام مسطل نعاس
رامز: طيب إنت مش مهم اه يا فراس شو قلت
فراس: مليش نفس روحوا انتوا
عمار: طيب شو رأيك نروح ع مطعم مابدنا طشه لأنو رح نتأخر
فراس : طيب يلا مشو مابدنا نتأخر
@rwayate
في إحدى المطاعم يطلبون الطعام
رامز: شفتوا المزز اللي هين
عمار: كل وحدة بتقول للقمر قوم حتى اقعد محلك
