📚قصص||روايات||منوعة📚

همسةُ ذئب) الجزء الثاني 
بعد شوي قام ديب ليروح اتطلع فيها بالأول وقرب منها وقلها : بدي قلك شي قبل لروح ....همسة ....بحبك .
راح وتركها محتارة مين بكون وشو بدو وليه بيظهر فجأة ويختفي فجأة واتدايقت وقت اللي ركزت انو متى مابدو بيحكي وببين ومتى مابدو بكون بعيد وغامض وانو ليه هي هيك بتتوتر وقت اللي بتشوفو وبتقعد معو .
هالشي زاد من حيرتها اكتر وخلاها تقعد وقت وهي عم تفكر فيه وفتحت عالنت وصارت تقرأ بشغلات عن علم النفس لكن عقلها ما كان معها وماكانت مركزة منيح وقالت بحالها انو كيف ديب فيو يركز بشغلات كتيرة مع بعضها كيف بيقدر يسيطر عكل شي متل مابدو.
غاب هالمرة شهرين كاملين لا اجى ولا سمعت صوتو ولا حتى لمحتو لدرجة انو فقدتو وحست بغيابو .
بهالشهرين اتطورت شغلات كتير وتغيرت شغلات كتير من بينهن انو علاقة همسة بلؤي تزعزعت والنهاية كانت الأنفصال .
حست همسة بشوق غريب لتشوف ديب وخافت يبان عليها هالشي ازا ظهر مرة تانية ويشوف هالشوق وهاللهفة بعيونها لكن هالمرة كانت اكتر مرة بطول غيابو وظنت انو خلص نوى يطلع من حياتها لأنها بتحب رجال تاني .
كانت افكارها غريية احيانا بتحس بشوق انها تشوفو لتكتشفو وتعرف بشو عم يفكر ومين هو واحيانا بتستغرب من حالها انو مابتحبو لكان ليه عم تفكر فيه وليه شاغللها بالها .
واللي زاد حيرتها اكتر انو غاب بالوقت اللي تركت هي ولؤي بعض ..وقالت انو هلأ غاب وقت اللي صار عم يستحوذ على كل تفكيرها.
بعد فترة *
تفاجأت همسة بوجود ديب قريب من بيتها كانت رايحة لعند اختها مروى والتقت فيه صدفة ، ضحك وقت شافها وسألتو عن سبب وجودو بهالمنطقة. كان الو اسبابو وانو بيعرف ناس بهي المنطقة وقلها انو مابيعرف انها هون ساكنة وفعلا كان سادق بكلامو وماكان بيعرف بمكان سكنها .
قرب ديب منها وقلها : بقدر اعزمك عشي نشريو .
همسة : بس انا كنت رايحة لبيت اختي مواعدتها اني روح لعندها وارجع مع امي .
ديب: ماتخافي مارح أخرك عن موعدك ساعة زمن وبفرج عنك .
ضحكت همسة واحتارت انو ليه وافقت تروح بهالسهولة معو وانها امنت فيه .
وصلو عالكافيه وطلبو القهوة .
ديب: .....كيفك .
همسة : ...انا منيحة ....
ديب: انا منيح ....ورح ارضي فضولك وقلك ليه غبت هالفترة هي ووين كنت .
همسة ضحكت بحيرة : بس انا لسا ماسألتك عن صحتك ولا سألتك شي .
ديب: ...ههه بعرف لأنك ماعندك الجرأة تسأليني وين كنت وليه غبت كل هالمدة وخجلانة ومترددة تسأليني عن صحتي .
همسة مصدومة ومصعوقة وخايفة بنفس الوقت.
همسة : مشان الله قلي انك انسان وماتخوفني منك اكتر .
ديب عم يضحك من اسلوبها: لك والله انا انسان بتحبي ارجيكي بطاقتي الشخصية .
همسة : انتي كيف فيك تعرف كل هالأشياء وانا لسا مالحقت اقعد معك ولا احكي شي ولا حتى اتطلع فيك .
ديب: ليكي همسة انا من نظرة وحدة من عينك بفهم شو بدك تحكي وبحس فيكي وانتي مشكلتك مابتتجرئي تحكي لهيك بتتركي هالمهمة علي انا وانو انا اللي لازم قول بشو عم تحسي وبشو عم تفكري صح .
همسة : مابعرف انو كيف بتقدر تحس فيي هيك وانو بتقدر تعرف شو بدي احكي بدون حتى مااحكي .
ديب: وانا كمان بعرف انك كل هالفترة كنتي عم تفكري فيي صح .
همسة : ........شوووو ..لااا ...انااا.
ديب: ماتحاولي تخبي انا ماعم قلك انك عم تفكري فيي لأنك بتحبيني انتي عم تفكري بغيابي وانو ليه بظهر احيانا وبختفي بدون سابق انذار ...انا عم ثير فضولك بس مو اكتر وانو بجوز حبي لألك عم يعجبك ...هاد تفكيرك فيي .
همسة ساكتة ومصدومة انو مو معقول بس لأنو بيقرأ بكتب علم النفس عم يفسر كل اللي عم يصير معها ...اللي فسرتو انو زكي زيادة عن اللزوم لحتى فيو يقدر ويحدد اللي حواليه بشو عم يحسو من قبل مايعترفو حتى لحالهن .
ديب : مزبوط كلامي والا شو رأيك .
همسة مابيطلع بأيدها تنكر لأنو رح يحس عليها وانو رح يكشف كزبتها لو انكرت لهيك اعترفت انو كل كلامو مزبوط .
ديب : وهلأ رح فسرلك سبب غيابي مدة هالشهرين هدول ...عندك استعداد تسمعي .
همسة : ....تفضل .
ديب : انا قصدا تعمدت غيب كل هالفترة لحتى اجي ولاقي نفسيتك مرتاحة شوي لحتى ماتتضارب افكارك مع الي بدي قلك اياه.
همسة : شو بتقصد نفسيتي مرتاحة من شو .
ديب: اول شي طمنيني كيف وضعك انتي ورفيقك .
همسة : ......انا ولؤي تركنا .
ديب: ...تركتو وشو السبب .
همسة : ...صرت حسو بهالكم شهر اللي راحو متغير كتير طريقة تفكيرو اسلوبو معي ماعم يحترمني بيعلي صوتو عليي كتير بدو يعرف كل حركة وكل سكنة بعملها .
ديب : متل شو .
همسة : ...عندك مثلا كنت مرة عم احكي مع امي كانت تعبانة وطلعت من البيت عالشغل وكانت لساتها تعبانة وضغطها مرتفع ..دقيتلها لأتطمن عليها بحكم انها لحالها بالبيت ، وانا عم احكي معها دقلي لؤي بعد ماخلصت حكي مع امي دقيتلو صار يصرخ مع مين عم تحكي والك وقت عم تحكي وانو لازم وقت يدقلي هو انا لازم اقطع اتصالي باللي عم احكي معو لحتى رد عليه ليه قال هو اولى شي احكي معو ، قلتلو هي امي وكانت تعبانة ودقيتلها لأتطمن عليها قال ولو كان سكري

معها وردي عليي وبعدين بترجعي بتحاكيها .
ديب عم يسمع بتمعن وعم يراقب حركاتها واسلوبها وعيونها حتى نفسها عم يراقبو ليقدر يفهم ازا كانت لسا عم تفكر فيه للؤي او نسيتو .
كملت همسة : هاد غير قلة احترامو الي وين مابنروح لدرجة صار يعلي صوتو علي بأماكن عامة ومابهمو ازا في ناس وازا صرنا فرجة للعالم ، مابهمو ابدا المهم يفرغ طاقتو العصبية فيي بحجة شو قال مشتاقلي وانو ماعاد يصبر اكتر على بعادي.
ديب: واقتنعتي .
همسة : طبعا لأ عذر اقبح من ذنب ...يعني حتى لو متشاقلي هالشي مابيعطي مبرر يعلي صوتو علي ..بتعرف شو عمل فيي آخر مرة وكانت هي السبب بفراقنا .
ديب : ..عم اسمعك.
همسة اخدت نفس طويل لتقدر تكمل كلامها لأنها كانت بتحكي بسرعة وهالشي خلا ديب يكتشف انو همسة نسيتو للؤي ولاحظ عليها انو مابكت ابدا وهي عم تحكي عنو ومالمعو عيونا ابدا وكانت عم تحكي بعفوية ولا مبالاة وقت تذكر اسمو.
همسة : كنت انا واياه بالكافيه واختلفنا على شغلة تافهة وبسيطة كتير لأنو صار عم يسخف الأمور كتير، بعد شوي ماشفتلك اياه الا صرخ عليي قدام الناس وشلق الكل علينا ،بوقتها حسيت حالي ماالي قيمة بنوب وحسيت حالي بلا كرامة اتدايقت من اسلوبو قلتلو اني رايحة قام وقف وخبط ايدي عالطاولة بعصبية ومسكتي من ايدي ورجع يتطاول عليي ويعلي بصوتو بس فكرة انو يحرجني قدام الناس هي لحالا كفيلة تخليني اتركو وعلى طول وانا اللي قلتلو انو اللي بينا انتهى ونهيت كل شي من وقتها .
ديب: ....اها ..طيب وماحاول يرجع علاقتكن ببعض.
همسة : امبلى من تلات اسابيع حاول يتواصل معي عن طريق اختي مروى بس انا مارضيت ولا باي شكل ،وآخرة المتمة اجاني عالشغل وحاول كتير يحاكيني واختصرتو وحاكيتو كلام وضحتلو فيه انو انا نسيتو وماعاد بدي شوفو ومابدي شي يربطني فيه وحمدت ربي انو ماارتبطت فيه لحتى مااندم على اي شي بعدين .
ديب: ...وهلأ انتي نسيتي جد والا عم تضحكي عحالك .
همسة : ليك ديب ازا نسيتو بكون منيح كتير لكن ازا مانسيتو فبكون هيك عم عزب حالي والبي واكيد انا مابدي هالشي .
ديب: يعني ...
همسة : ماتخاف عليي انا بنت قوية وهو اللي سهل عليي اني مااتعزب بنسيانو بدون مايحس .
ديب: ايواا وكيف بقى.
همسة : ماقلتلك انو متغير عليي من فترة وهالشي خلاني كش منو ومن قربو وصرت ما اهتم كتير ازا شفتو او ماشفتو وصار الوضع شوي شوي يصير عادي بالنسبة الي وبهيك الحمدلله ماتعزبت لنسيتو.
ديب رشف رشفة قهوة واتطلع فيها بطرف عيونو وسألها: وماعم تحنيلو او تشتاقيلو .
همسة : هههههههه لا والله ابدا ولو حنيتلو او اشتقتلو مو كان رجعتلو وقت اللي قتل حالو ليرجع المي لمجاريها بس خلص انا جد شلتو من البي وعقلي وتفكيري .
ارتاح ديب بالرغم من انو عرفان انو همسة بالفعل نسيتو للؤي لكن حب يسمع هالكلام من تمها ليشوف كيف ردة فعلها و ازاطريقة كلامها بتعكس شي عوشها او لأ وكان سهل عليه يكتشف هيك شي .
ديب: طيب همسة ...بدي حاكيكي هلأ انا وبصراحة وبدون خجل ...انا كنت بعرف من الاول انك تركتي انتي ولؤي لهيك انا بعدت كل هالفترة لحتى ترتاحي انتي وتريحي نفسيتك ولحتى ماتتضارب مشاعرك مع بعض .
همسة : كنت بتعرف اني انا ولؤي تركنا .
ديب: اي .
همسة : وكيف عرفت ؟
ديب: هاد قبل شهرين كنت بالمشتل واجت اختك وحماتها وبنتها ومن سيرة لسيرة سألتها عنك وخبرتني انكن انفصلتو لهيك حبيت غيب وارجع بهيك وقت .
همسة : يعني ماقالتلي مروى وخبت عليي مع انها مابتخبي عني شي .
ديب: ماتلوميها انا اللي طلبت منها ماتقلك اني سألت عنك لحتى ماتفكري اني عم اتدخل بخصوصياتك .
كمل ديب كلامو : وهلأ انا رجعت مخصوص كرمالك ياهمسة .
همسة : مافهمت 
ديب: بصراحة وبلا طول سيرة (مسك ايدها) ...همسة تتزوجيني .
همسة انصدمت من جرأتو انو كيف مسك ايدها وبالزات وقت قلها تتزوجيني .
خجلت وانصدمت منو وماعرفت شو تحكي .
ديب: همسة مايروح فكرك لبعيد اني عم استغل انك هلأ بحالة فراغ عاطفي واني رح آخد هالشي لصالحي لا ابدا لو اني هيك ماكنت تركتك شهرين كاملين ،كنت استغليت الوضع وحاولت اتقرب منك لعوضك عن اللي تركو رفيقك ...بس انا مو من هالنوعية ومابفكر بهيك طريقة ...عم تفهمي عليي همسة .
همسة عم تهز براسها انو اي: ...اي ديب .
ديب: اوك هلأ انا مابدي تعطيني جواب عطلبي بس بدي تفكري بعقلانية. ماتفكري بعواطفك بدي تحكمي عقلك وشاوري مين مابدك امك اختك رفيقتك ياللي بدك اياه وخدي وقتك هلأ مابنكر اني مستعجل تكوني معي بس مابدي تاخدي قرار مستعجل تندمي عليه لا سمح الله .
همسة قعدت مع ديب شي مرتين تلاتة وكانت كل ماتقعد معو تعجب بطريقة تفكيرو وبأسلوبو بالحكي وبطريقتو بالأقناع خلاها توافق تفكر بالموضوع وماتعطي قرار متسرع.
همسة : ...اوك طيب احكيلي عن حالك عرفني بحالك اكتر .
ديب: ......اااااااخ اجينا لياللي مابحب احكي فيه واللي هو انو انا رجال وحيد يعني انا عايش لحالي ماالي لا ام ولا اب ولا اخوات .
همسة : ...كيف يعني هيك في ناس ماعندا اخوات اي لكن في حدا ماعندو ام واب .
دي

ب: اي انا .
همسة : هات اشرحلي اياها هي .
ديب: اعتبر هاد تعارف بينا لتفكري بالموضوع.
همسة خجلت : ....اي .
ديب: اوك ....انا امي توفت وقت كان عمري تلات سنين توفت وهي عم تلد ووقت توفت خنقت على اخي اللي عم تلدو ومات هو كمان ...وبعدها ابي تجوز ومرت ابي ماقبلت تهتم فيني وطلبت من ابي يرميني بدار للأيتام ،بس ابي طلع عندو شوية ضمير وماهان عليه يرميني هيك رمية وعطاني لخالتي وربتني خالتي واعتنت فيي وكبرت عأيديها واشتغلت لتربيني وتعلمني ورفضت تتزوج لحتى ماانظلم مع زوجها تخيلي خالتي ترفض تتزوج مشان ابن اختها وابي بيرميني مشان مرتو اللي مو من دمو ومو من لحمو وتوفت خالتي من عشر سنين بهداك المرض ..
همسة دمعت عيونا: وابوك.
ديب: مابعرف عنو شي .
همسة : ....كيف ...كيف مابتعرف عنو شي ماكان يجي ليشوفك ماكان يسأل عنك .
ديب: ازا انتي بتعرفي شكلو انا بعرفو يعني هلأ لو يمرق من قدامي مابعرف انو هاد ابي ....بس عموما انا بعتبر حالي بلا اب امي مو زنبها انها توفت لكن ابي مابسامحو ولو هلأ يجي ليقلي عن حالو مابستقبلو .
همسة : معقول ديب ....صحي ابوك غلط بس مهما كان بضلو ابوك .
ديب بكل ثقة: لا همسة انا ماالي اب ابي كانت وظيفتو انو يجيبني لهالدنيي وخلص انتهت مهمتو مرتو وولادو اولى هلأ ..وانا اصلا مابدي اياه ولا يمكن سامحو او اقبلو ..هلأ امي الله يرحمها ماتركتني بأرادتها ولا حتى خالتي لكن ابي مستحيل اقبلو ..مستحيل.
همسة : يعني عندك اخوات .
ديب: هيك سمعت من خالتي كانت تقلي عندي اخ واخت لكن مابعرف شكلهن .
همسة : طيب ابوك افروض انو كان مريض او عندو اي شي كان مانعو انو يجي لعندك .
ديب: همسة عندو شي يمنعو يجي يشوفني وماعندو شي يمنعو يخلف ويعمل تجارة ويصير تاجر كبير ااه لك حتى سؤال مابتزكر انو سأل عني ...لك شو لحقت تشوف مرتو مني لترميني ،طفل بعمر التلات سنين شو عمل لينرمي بهيك قسوة، والأقسى انو ابي يوافق ويرميني بكل ندالة لك حتى ابي لو شاف مني شغلات كتير وحتى لو ماكنت طفل مابصير الأب يرمي ابنو لو غلط بيوجهو بينصحو بيعاقبو مو بيرمي وبيتخلى عنو ومابيسأل في كيف عايش شو عم ياكل شو صار في ....انسي همسة انسي الله يخليكي انا مابحب احكي عنو .
همسة عم تبكي على وضع ديب انو اللي بشوف هالرجال بهيبتو وهيلمانو وقوتو وشجاعتو وشخصيتو اللي ماشافت متلها على رجال بيعاني كل هالقد وفي بحياتو هيك حزن وماكان مكترث كتير لوضعو كان قوي كتير وقادر انو يتجاوز هيك وحدة وهيك حياة صعبة وقاسية بدون اب او ام لكن كانت معو خالتو اللي تخلت عن ابسط حقوقها واللي هو الزواج وانها تجيب ولد يبقى معها عمرها كلو ...
ديب: همسة انا قلتلك قصتي مو لتبكي قلتلك لحتى تكوني عبيـّنة عن وضعي بالكامل بعدين ازا انا مو مهتم اني من دون اب انتي ليه لتبكي وتزعلي .
همسة من بين دموعها: ديب انا مابعرف انتي كيف فيك تكون بهالقوة وهالشجاعة هي وانت لحالك وحيد بدون رفيق بدون اخ او حتى اخت تخفف عنك وتحن عليك .
ديب عم يبتسم: ...همسة انا الديب مافيي كون ضعيف مافيي حسس حدا بعجزي انا الكل بيحسبلي الف حساب وازا عالرفقات رفقاتي كتار. صحابي اكتر والكل بدو خدمة يخدمني فيها انا مو عاطل مع الناس والكل بحبني وبحب رفقتي وازا مشان الأخوات فهيك نصيبي كون وحيد .
همسة : .... 
ديب: بكمللك عن وضعي وظروفي انا عندي هاد المشتل اللي بتعرفي عنو وعندي ارض صغيرة قريبة من بيتي زارع فيها اشياء كتير بحب آكل من اللي بزرعو بأيدي وبشتغل شغل حر ،هلأ اهل المنطقة بيبعتولي لقلهن شو بيناسب يزرعو بكل سنة وازا كانت محاصيلهن تعبانة او خربانة بيستشيروني وبشتغل شغلات كتيرة انا ...عندي بيتي كبير من خشب بس خشب قوي كتير متل اللي بتشوفيهن بأفلام الكرتون متل الكوخ وحواليه ارض حلوة خضرا ومزروعة ومسور من كل الجهات بعيد شوي عن البيوت بس كاشف المنطقة كلا والهوا فيها برد الروح....هلأ هي حياتي وهي انا قدامك .
همسة : وصفك للبيت كتير حلو شوقتني شوفو .
ديب بهمس : ....وقت تصيري للديب بتشوفي وعن قريب كتير.
همسة ابتسمت بخجل : ......ماقلتلي بدك تعطيني وقت لفكر .
ديب: اي اكيد ...طيب قديه بدك وقت لتفكري حدديلي موعد لأجي واخد جوابك وازا اي لأقدر اجي واطلبك رسمي .
همسة : .....
ديب: انا ماعم اضغط عليكي لتحددي وقت لأ بس لحتى اقدر اجي واخد الجواب لأني مابقدر اجي كتير بهالفترة .
همسة : ليه في شي .
ديب: لا مافي شي بس هلأ موسم قطاف وبيع وشري يعني مابكون فاضي كتير .....(ديب بأبتسامة خبث لحتى يجذب انتباهها وليثير خجلها) يعني منيح ازا قدرت اتزكرك وفكر فيكي .
همسة : ....لا يااا شو هالحكي اي براحتك ازا بتقدر لا تفكر فيي .
لمعو عيونو بحب كبير وركز بعيونها منيح: لا والله مابقدر مافكر فيكي صعب تمرق عليي دقيقة بدون ما تخطري ببالي اوالمح خيالك وقت غمض عيوني واتخيلك قدامي ....صعب همسة صعب ..
كانت عم تتطلع فيه وسرحانة بعيونو الساحرين وبكلامو المعسول ....
نادالها ديب وهو غرقان بعيونها : همسة .
همسة : ........اي 

ديب بصوت يادوب مسموع: ......بحبك .....بحبك .
همسة خجلت وتوردو خدودها وضحكو عيونها ورجف جسمها ودق البها بسرعة ...نزلت راسها بخجل وعضت عشفافها .
ديب : ...بعشق خجلك همسة .
همسة : ..ديب معليه اسألك سؤال .
ديب: ..ياريت .
همسة : ليه انا مو غيري .
ديب: حبيت فيكي طيبة البك وحنيتك وادبك واخلائك احساسك بغيرك باللي حواليكي بالصغير والكبير انتي انسانة رايقة وهادية حساسة رائعة بكل المعاني .
همسة عم تسمع : ...هلأ انا كل هاد .
ديب : لا انتي اكتر من هيك .
همسة : وكيف عرفت اني بحس باللي حوالي وانو البي طيب شو شفت مني لتحكم عليي بطيبة البي.
ديب: ....من يوم اللي بكيتي عالصغيرة اللي قربت منك لتبيعك العلكة وقتا بكيتي وشلقتي المطعم عليكي واخر شي اخدتيها بحضنك للبنت وساعدتيها واخدتي علبة العلك منا ...هاد مو دليل انك انسانة بسيطة حساسة حنونة وعطوفة هاد اللي مابتعرفي كيف اللي بكون قطعة منك ....لهيك لفتي انتباهي بالشي اللي انا كنت محروم منو ...كيف مابدي حبك و اعشقك وفيكي كل حنية الدنيي .
همسة : ...لحظة انتي كيف عرفت بموضوع البنت .
ديب: انا كنت موجود بالمطعم يوما وصار كل شي قدامي .
همسة : ماشفتك .
ديب: هههه مع اني كنت عالطاولة اللي جنبك .
انهى ديب حوارو ونقاشو مع همسة وطلب منها تاخد وقت وماتستعجل بالرد عليه المهم ياخد نتيجة مضمونة ورد يرضيه .
ضلت همسة اسبوع كامل وهي عم تفكر بالموضوع بالرغم من انها كانت بتعرف جوابها لكن ماحبت تعطي جواب متسرع وتندم عقرار اخدتو عمرها كلو .
حست همسة انها بحاجة تشوف ديب وحست انو عم يلمس شي داخلها وكل ماتأخر يوم يزيد شوقها الو 
....بالرغم انها كانت بتعرف انها مابتحبو لكن بترتاح كتير لوجودو وانها معجبة بشخصيتو رغم غموضها وسريتها .
مرق الوقت وهمسة ناطرة تشوف ديب على نار مو لتعطي الجواب لأ لحتى تشوفو وتستمتع بحديثو المشوق .
رجعت همسة من عند المدير مزعوجة وضايجةو هي بتعرف انو مقصرة بشغلها بسبب سرحانها وتقصيرها بأغلب الوظايف اللي كلفها فيهن المدير .
قعدت وحطت ايدها عراسها متدايقة كتير ....
بهديك اللحظة دخل ديب وشافها مخبية وشها بأيدها .....حط ايديه التنتين عالمكتب وكان عم يتأملها منيح ومبتسم ...واخيرا قال : كيفو الحلو اليوم.
رفعت همسة راسها بسرعة وابتسمت ابتسامة عرييييضة : .....اهلين ...اهلين ديب ....كيفك انت شو اخبارك .
ديب قعد وضل معلق عيونو عليها بشوق كبير: .....انا...انا مشتاااااااقلك خيرات الله ،وانتي كيف صحتك ليش متدايقة .
همسة : .....كنت متدايقة بس هلأ ارتحت .
ديب ابتسم : ....يعني وقت شفتيني بطلتي متدايقة.
خجلت همسة ونزلت راسها وزاحت شعرها ورا دانها بحركة خفيفة .
ديب: ....شووووو😉.
همسة : بصراحة كنت عند المدير وتخانقت معو .
ديب: ليه تخانقتي معو.
همسة: ...بصراحة لأني مقصرة بشغلي كتير .
ديب بخباثة😉: .....ومين قلك تاخديني معك عالشغل خليني بالبيت ووقت ترجعي بتفكري فيي متل مابدك.
همسة فتحت تمها مصدومة: ...وشو عرفك اني مقصرة بشغلي بسببك .
ديب عم يضحك: ....لأنك هي اول مرة بتقولي انك مقصرة الا من يوم فاتحتك بالموضوع ماهيك .
همسة : ...انت كيف بيطلع معك تربط الأحداث بسرعة وتستنتج اللي عم يصير.
ديب: هههههه لك انا الديب والشغلة بدها شوية تركيز.
ديب بنظرة حب : فينا نقعد ونحكي بغير مكان .
همسة خفق البها : ...اي يلا بس لسلم الملف للمدير مابدي اعلق معو من جديد.
ديب : ههههه اوك ناطرك.
رجعت همسة واخدت اغراضها وطلعت مع ديب وهي متشوقة تحاكيه وتتطلع بعيونو .
ماكانت بتعرف همسة سر السعادة وقت تشوف ديب يمكن لأن حست بسدء مشاعرو يمكن لأنو مثقف وواعي وفهمان يمكن لأخلاقو وهدوئو وروقانو يمكن لأن عم يحس فيها ويشعر ازا كانت مرتاحة ومبسوطة او متدايقة ويمكن لأن ماشافت كل هدول من لؤي مابتعرف شو السبب واللي كانت متأكدة منو انها كتير معجبة فيه .
كان ديب حاسس عهمسة انها مبسوطة وكان شاكك بسر سعادتها انو هو سببها .
طلبو القهوة وبقي صافن فيها عم يتأمل ملامحها .
ابتسمت بخجل وسألتو : ...ليه هيك عم تتطلع فيي .
ديب: ....اشتقتلك.
همسة خجلت ونزلت راسها.
ديب: همسة .....عم بشتقلك بكل وقت حتى وانتي قاعدة معي عم اشتقلك .
همسة : .....
ديب: ....هاتي خبريني شو صار معنا ....والا لسا بدك وقت.
همسة : بشو .
ديب: لا تجدبيها علي مو عالديب همسة .
ضحكت وعرفت انو كشفها : ....عيد عليي طلبك لحتى جاوبك .
ديب: تكرمي ....تتزوجيني .
همسة : ....موافقة.
ديب ابتسم ابتسامة واضحة ساحرة رغم انو كان بيعرف انها رح توافق لكن سماعو انها موافقة من تمها كفيلة تخلي ينبسط اكتر ويبان عليه انو مبسوط كتير.
همسة : شووو عم شوفك ساكت .
ديب: كنت حابب خلي صدا صوتك وانتي عم تحكي انك موافقة وقت اطول وضل اسمعو بأدنيي.
همسة : هههه طيب وبعدين رح اتضل ساكت.
ديب عم يمشي اصابعو عالطاولة لوصل لأيدها ومسكها بحنية : كنت عرفان جوابك ومع هيك حبيت اسمع منك .
همسة : كنت عرفان اني موافقة.
ديب: من يوم اللي طلبتك ...وكن



(الجزء الثالث) 
خلص العرس وبقيت همسة وديب وسهرو ببيت اهلها لأن رح تروح معو عبيتو بالريف وبجوز تغيب حصة منيحة مارح تقدر تجي لعند اهلها .
وهنن بطريقهن لبيتهن قرب منها ديب ومسك ايدها وباسها بلهفة كبيرة حست عليه همسة وعيونو كل شوي يسرقو نظرات عليها وكلام احلى من العسل يرمي على مسامعها وهمسة كل مالها عم تدوب خجل اكتر واكتر بقيو هيك لوصلو عبيتهن وكانو اهل المنطقة المقربين كتير من ديب ناطرينهن بالألعاب النارية وقدام بيتو لديب كانو عاملين زينة كبيرة و عملولهن حفلة صغيرة بوقت قصير ،فرحت همسة بالحفلة والمفاجأة اللي كانو محضرينها رفقات ديب .
واخيرا دخلت همسة وتعرفت عبيتها وكان ديب مزينلها اياه بالشموع والورد والبوالين ،حست همسة قديه ديب بحبها وانو قادر يعمل اي شي ليسعدها ويرضيها ،وبدورها وعدت حالها ماتقصر معو وتهتم فيه وتعوضو عن حرمانو من الحنية والأهتمام والراحة البدنية والنفسية وكمان قررت انو تعطي لحالها فرصة اتطور اعجابها بديب وتحولو من اعجاب لحب صادق وحقيقي .
ديب عم يتأمل همسة وهي بفستان العرس وعم يراقب ضحكاتها ونظراتها واعجابها باللي عملو كرمال يرضيها .
قرب منها وحاوطها بأيديه ،خجلت همسة ورفعلها راسها بأيدو وقلها : مبروك همسة الف الف مبروك نورتي بيتك .
همسة : ....الله يبارك فيك ديب.
ديب: عجبتك المفاجأة .
همسة : قصدك عالحفلة اللي صارت هون ...بتعرف شفت بعيونك فرحة كبيرة وكتير فرحت لفرحك انا .
ديب: الله يخليلي اياكي ...شو مابدك ترتاحي .
همسة : ....لا بدي شوف البيت بالأول .
اخدها ديب وارجاها البيت صحي كان بيتو من خشب لكن قوي ومتين كتير...كان الطابق الأرضي كلو صالون وبطرفو في المطبخ وعالطرف التاني الحمام ،وفي موقدة حطب كبيرة وحلوة وفوقها رفوف مزينين بالكتب مرتبين بشكل متناسق ورائع من الأكبر للأصغر ...وجنب الموقدة كرسي هزاز وقدامو طاولة صغيرة عليها مجلات وروايات ....وجنب الشباك طاولة سفرة صغيرة عليها كرسيين . اخدها ديب عالطابق التاني والي هو غرفة النوم كانت غرفة غريب بنظامها وحلوة انبهرت همسة فيها وبنظامها كان التخت مو عالي كتير بيرتفع عن الأرض قدر قدمين وخزانتو بدون ابواب مرتب فيهن التياب بشكل نظامي ومراية طويلة على جنبها تواليت مربع بأدراج ،وبزاوية الغرفة حمام خاص لغرفة النوم وتلاجة صغيرة ،كانت غرفة رائعة عجبت خمسة وابدت اعجابها فيها لديب .
همسة : ديب غرفتك هي جديدة .
ديب: يعني مو كتير بس ازا مو عاجبتك ببدلها .
همسة : لا لا شو تبدلها بالعكس عجبتني كتير موديلها غريب ولونها كتير مميز وحلو بس انتي مين بنضفلك البيت ومهتم هيك بعفش بيتك .
ديب: انا ....بصراحة انا مابحب العفاشة ومابطيق الكركبة وقلة النضافة ووقت بدي اشتغل بالبيت منيح ببعت ورا كم وحدة بيجو وبينضفولي البيت .
قرب منها وهمس بأدنها: ....سيبيكي من البيت هلأ وخبريني شو مابدك تتدلعي علي .
خجلت همسة : ...ديب انااااا بصراحة .
ديب: مو جاهزة ماهيك.
همسة باستغراب : كيف عرفت .
ديب ضحك: مابدها معرفة ....انا شايفك متوترة وخايفة شوي ماهيك وحاسس انك مو جاهزة ومو مستعدة لهيك ليلة ماهيك .
همسة : ديب انااا....انا بس بدي تعطيني شوية وقت لأتعود عليك واتعود عالمكان ازا هالشي مابدايقك .
ديب بكل حب: ...طبعا مابدايقني انا مابدي تكوني ببيتك مومرتاحة ،همسة انا مستحيل قرب منك واخد اي شي منك وانتي مابدك واناي مو جاهزة ومو رضيانة .
همسة : ...بوعدك مارح طول عليك ..بس شغلة وقت.
ديب: ماتوعديني بشي ، هلأ انا مابنكر اني حابب آخدك بحضني وخصوصي انو هي اول ليلة النا مع بعض لكن مابريد انو تكوني بحضني وانتي خايفة ومو رضيانة ، وقت تكوني جاهزة خبريني انتي اي حبيبي.
همسة : ...انا مافيي اجي وقلك هيك شي بخجل.
ديب : هههههه خلص انا بسألك كل كم يوم منيح .
همسة : يعني اكيد مارح تزعل مني او تتدايق .
ديب: والله والله مارح ازعل بكفيني انك معي وانك صرتي ملكي وعلى مهل كل شي بصير المهم انتي تكوني رضيانة.
همسة : ...ديب هلأ بس انت هيك والا في رجال متلك ...مابظن في متلك انسان متفهم واعي، بتتقبل حتى حقك مني انك تعطيني في وقت لآخد راحتي وعلى مية مهلي كل هاد لكون مرتاحة .
ديب وهو عم يبتسم: ....ليكي هلأ ازا بدي خليكي تحبيني لازم استحمل واعمل اي شي يرضيكي ومادايقك او اجبرك على شي وخصوصي هالشغلة لأنها هي اللي بتقرب بين الزوجين وبتعمل الألفة بينهن....لكن ازا جبرتك واخدت منك شي خارج عن ارادتك فمارح تكوني مرتاحة ومارح اعرف خليكي تحبيني ومو بس هيك ، لازم احترم رغبتك ورأيك وماانسى انو انتي هلا اول مرة بتكوني بعيدة عن بيتك اللي ربيتي فيه واول مرة بتكوني ببيت رجال انتي بالأساس مو متعودة عليه ....
همسة : طيب وانا هيك مابكون ظالمتك ...هاد حقك ياديب .
ديبقرب منها ومسكها من وشها : بعرف انو حقي ...بس مابدي آخد حقي منك غصب عنك بدي يصير كل شي برضاكي وعن قناعة ...فيي ابقى خمسين سنة وانا معك عهاد الوضع ومااخد منك شي غصب عنك.
همسة : .سامحني ديب.
ديب:

ماتقولي هيك قلتلك انا موزعلان بكفيني اتصبح واتمسى بهالوش الحلو(وباس جبينها وضمها ) .
تركها ديب لتاخد راحتها وتبدل تيابها ،بعد شوي رجع ديب وسألها ازا بدها شي وقلها انو رح ينام بالطابق الأرضي .
همسة : لا ديب مو لهالدرجة مارح خليك تنام تحت وانا فوق انت رح تنام هون وعتختك.
ديب: مابدي ازعجك .
همسة بدلع: ابدا ...اصلا انا بخاف نام لحالي .
ديب قعد عطرف التخت وقلها : ووين بدي نام .
همسة : كل هالتخت العريض ولسا عم تسأل ..(واشرتلو بأيدها ) هون اكيد .
ديب: وانتي .
همسة : وانا كمان هون قلتلك انا بخاف نام لحالي .
ديب: ومو خايفة اغدر فيكي وارجع بكلامي .
همسة : ممكن اتوقع هيك شي من اي حدا بس انت لأ ..انا بثق فيك كتير.
ديب: متأكدة انو نام هون.
همسة : هاد اقل حق بعطيك اياه.
نامو عنفس التخت وعنفس الغطا وتقاسمو حتى النفس اللي بالغرفة ...بقي ديب نايم عنفس الوضعية واخد وقت لستسلم للنوم .
اما همسة فكان النوم مجافيها بالمرة ييت جديد ومكان جديد وحياة جديدة ورجال رائع نايم جنبها واللي اسمو جوزها كل هاد كان كفيل يخلي همسة فايقة وقت طويل رغم انها تعبانة ونعسانة .
بعد اكتر من تلات ساعات كانت همسة عم تتقلب بفراشها والسهر عم يداعب جفونها قلبت لجهة ديب شافتو نايم ومرتخي بقيت حصة عم تتأمل هدوئو ونومتو الملائكية وتفاجأت همسة ....
ديب وهو مغمض عيونو: ..ليه عم تتطلعي فيي هيك.
همسة جفلت وبلعت ريقها: ....
غمضت عيونها وعملت حالها نايمة وماردت عليه.
ديب عم يضحك: ...سألتك ليه عم تتطلعي فيي وانا نايم .
حط ايدو عراسها وحسس عشعرها بلطف .
فتحت همسة عين وحدة واتطلعت فيه : .... بتعرف انك وقعتلي البي .
ديب عم يضحك : هههههه سلامة البك بس حسيت عليكي عم تتطلعي فيي ماهيك .
همسة : وكيف عرفت وانت نايم.
ديب قعد نص قعدة بالتخت ومرر اصابعو بشعرو وقلها : ليش انتي خليتيني اعرف نام .
همسة : اي بس انت كنت نايم وانا كنت شايفتك غرقان بالنوم.
ديب: بالبداية اي بس من كتر ماتحىركتي فقت .
همسة : بعتذر منك بس تغيرت النومة عليي .
ديب : بعرف انو لهالسبب مافيكي تنامي ولأنك مو متعودة تنامي ببيت تاني غير بيتك ولانك نايمة جنب رجال مو متعودة عليه .
همسة : مزبوط .
ديب: طيب بماانو طيرتي الناعوسة من عيني شو رأيك بفنجان قهوة.
همسة : هلأ انا اللي طيرت الناعوسة من عينك ...الله يسامحك 😔.
قرب منها وباس ايدها: لك انا ماعندي مشكلة انو مانام واتضلي قبال عيني كل الوقت .
همسة عم تتطلع فيه بعتب : اي يلا كول بعقلي حلاوة .
ديب: ههنهههههههه لا والله هةد الصحيح ....يلا شو قلتي بنشرب قهوة بلكي بنحكي شوي(ديب عم يتاوب ) وبتيجي الناعوسة و بننام...بصراحة مابدي اتضلي بدون نوم لان هالشي رح يرهقك ويتعبك .
همسة : ....اي ماشي الحال .
نزلو لتحت وعملت همسة القهوة وكان ديب قاعد قبالها وعم يتطلع عليها وهي عم تتفتل بالمطبخ وبالبيت وعم تسألو عن الاغراض .
حكو كتير وضحكو كتير وبلشت تبين خيوط الشمس ووقتها حسو التنين بالنعس وطلعو لفوق ونامو تعبانين كتير .
طولو وهنن نايمين لبعد الضهر بكتير .
فاق ديب قبل همسة لانو اصلا متعود يفيق بكير لكن همسة ضلت نايمة .
اتطلع فيها ديب وقت طويل وهي نايمة كانت متل الملاك نايمة وغرقانة ومو حاسة عشي ابدا ،كان كتير مبسوط انو حبيبتو صارت ملكو والو وببيتو ...حط ايدو عراسها وباس جبينها .
بعد شوي فاقت همسة عريحة القهوة ،كان ديب بالطابق الارضي عم يغلي القهوة وهو بكامل نشاطو .
همسة عم تتطلع فيه وبطولو وكتافو العريضة ورجولتو وعم تبتسم : ....صباح الخير .
التفتلها والبسمة عريضة عوجهو : يسعد اوقاتك ياعيوني .....الوقت بعد الضهر صار .
همسة : جد ....ليه قديه الساعة هلا .
ديب : وحدة ونص .....
همسة : ماحسيت بالوقت .
ديب عم بحطلها القهوة قدامها: اي لانك اخدتي وقت لنمتي ولانك تعبانة كتير من مبارح .
همسة : يسلمو ايديك ليه مافيقتني كنت عملت القهوة انا.
ديب: مابتفرق انا او انتي كلو واحد .
همسة عم تتطلع بالبيت : .....بتعرف حاسة شكل البيت بالنهار بيفرق عن الليل .
ديب: ...كيف شفتي ليلة مبارح وكيف شايفتي هلا .
همسة : مبارح كان دافي وهادي ومريح ...وهلأ كلو حياة وحيوية والشمس عم تضرب فيه تعطي نور حلو بتحسو فيو روح بتحس كل شي في حاسس فيك ...قلك عشغلة .
ديب عم يشرب قهوة ويتأملها وهي بتوصف : .....
همسة : البيت كتير مريح وحلو متل اللي بأفلام الكرتون ...شو كنت متمنية عيش ببيت خشب .
ديب: ...جد .
همسة : اي والله كنت شوف بالتلفزيون كمان الاجانب وبيوتهن الخشب كيف هادية ورايقة ومافيها فوضى.
ديب: ....مزبوط كلامك بتعطيكي هيك بيوت شعور مختلف بطريقة العيشة فيها ...انا بالنسبة الي برتاح بهيك بيوت اكتر من بيوت الحجر ..
همسة : ديب انا جوعانة ...ماجعت انت.
ديب : انا واااقع من جوعي .
همسة : شو بتحب اعمل اكل.
ديب: ماتعزبي حالك هلأ بجيب اكل .
همسة : ...بلشنا انا مابحب الأكل الجاهز كتير مليت منو وانا بشغلي .
ديب: انا مابدي تتعزبي وتشتغلي انت لسا عرو

س .
همسة : عادي ديب ماعندي مشكلة هلأ قلي شة بتحب اغمل اكل و انا جاهزة .
تغدت همسة وديب وطلبت منو يأرجيها المنطقة تبعهن .
كانت لابسة فستان ازرق فيروزي طويل بدون كمام ومنزلة شعرها عكتافها تاركة الهوا يلعب فيه ومكياج خفيف وهادي كانت بغاية الجمال.
اخدها ديب وارجاها عالبيت مم برة كان زارع بالارض كل شي طيب وشجر وورد كان منظر البيت من برا بياخد العقل والشجر عم يتعمشق بالبيت وعم يعلق ببعضو وريحةةالورد والياسمين معبقة بالمكان .
انفتنت همسة بالمكان وكانت عم تتطلع وتصرخ بصوت عالي : وااااااااااو يااديب المنظر والمكان بجننو ياالله مااحلى المنظر من هون والهوا بيرد الروح ....لك وين كنت عايشة انا شو هالهدوء وهالرواق وهالجمال سبحان الخالق عهيك منظر حاسة حالي بقطعة من الجنة والله .
ديب مبسوط انو عجبها المكان وعم يتأملها وهي عم اتدور وهي فاتحة ايديها وشعرها عم يطير معها وعم تروح عالشجرة هي وتشم الوردة هي وتلاعب ورق الشجر شوي .
ديب: هههههههه شو باكي همسة عشوي رح تجني .
همسة : ...والله ديب المكان بيسحر جد انا كيف كنت عايشة بالمدينة وتاركة هيك جمال.
ديب: هلأ اجا وقت جيتك لهون حياتي .
قرب منها و قطفلها وردة وحط بين شعراتها وعطتها حلا اكتر .
اخدها وطلعو من جنينة البيت واخدها عالأرض اللي برا البيت برضو جنت همسة بمنظر الخضار والشجر ، كان بيت ديب عطلوع الجبل بس مو مرتفع كتير وقبالو الشجر والجبال وكانت مكشوفة كل المنطقة قدامو كل شوي تصرخ همسة من جمال المنظر وتنط متل الولاد الصغار وديب يضحك بملات صوتو عليها .
ارجاها المنطقة كلها الي حوالين البيت وكان يصادف بطريقو ناس بتعرفو يسلمو عليهن وكان باين ان كل اللي شافتهن همسة عم يسلمو عديب انهن بحبو وبيحترمو .
تعبت من كتر المشي والركض وحست انها لازمها حمام وفنجان قهوة .
رجعو عالبيت اخدت دوش بارد وعملت ركوة قهوة ونادت لديب وقعدو بالجنينة قدام الببت كان في طاولة صغيرة وكراسي كانت حابة تشرب القهوة قدام هيك منظر خلاب لتنفتح نفسها.
مرق اسبوع عزواجهن وحس ديب انو صار لازم يسأل همسة ازا صارت جاهزة او لأ لأنو كان كتير متشوق ياخدها بحضنو ويضمها لصدرو .
ديب: ....حبيبي ....بدي اسألك .
همسة : اي ديب تفضل .
قرب منها وقعد جنبها: ...همسة انا وعدتك انو اسألك لان قلتيلي صعب عليكي تخبريني ازا جهزتي او لأ ، وانا علأ جاي لأسألك شو صار معك جاهزة هلأ والا بعد بدك وقت.
خجلت وحطت عيونها بالأرض ماعرفت كيف تخبرو انو مو وقتو.
ديب: شو همسة اعتبر سكوتك انو لسا بدك وقت ....ماتقلقي مارح اتدايق خبرتك انو ماحيصير شي بدون رضاكي.
همسة : ......لا ديب مو هيك القصة ....القصة انو .....انو ًانا ...انا معذورة هلأ وماحيمشي الحال.
ديب:... مافهمت شو يعني معذورة .
همسة : ......كيف بدي قلك اياها يعني البنت مابصير عندا عذر شرعي .....
ديب : ....اي اي فهمت عليكي .
همسة : ...اي وهاد قصدي .
ديب: ....اها ....يلا بسيطة يعني وحتاخد وقت هالقصة .
همسة بخجل : ....شغلة كم يوم .
ديب: .....كلو خير ...
همسة : ....اتدايقت .
ديب: لاابدا ...مابقولو كل تأخيرة فيها خيرة ....وان شاء الله هالتأخير ورا خير .
همسة : ...ديب هلأ كل الرجال بيحسو بالنسوان متلك هيك.
ديب: ...هههههه كل رجال والو صبرو ...صحي انا حابب قرب منك اكتر لأن هالشغلة بتزيد الألفة والمحبة بين الزوجين بس امر الله ..مافيي اعترض اكيد .
شغرت همسة بحسن اخلاقو لديب وشكرت الله انو عطاها رجال خلوق ومتفهم .
بالليل كانو نايمين فاقت همسة عصوت غريب برا البيت هافت وحاولت بعدها انو تنام ماعرفت لأن حست الصوت قريب .
ماقدرت تصبر وفيقت ديب من النوم: .....ديب ....ديب ...قوم قوم.
فتح عيونو وسند حالو عالمخدة : خير حبيبي في شي .
همسة : ديب شو هالصوت سمعانو متلي .
ديب : قصدك صوت العواء اللي برا .
همسة : اي اي ...شو هاد ..هاد مو صوت كلب .
ديب: هههه لا حياتي هاد ديب .
همسة بحلقت عيونها ومسكت بأيدو لديب : ولييي ديب ياامي .
ديب عم يضحك عليها : لك شوبك هاد ديب برا البيت مو جوا لتنرعبي هيك طولي بالك هلأ بروح.
همسة : بس الصوت كتير قريب ....وانا خايفة كتير .
ديب عم يتطلع فيها بخباثة وعم يبتسم: .... هلأ خايفة من الديب اللي برا ونو خايفة من الديب اللي نايم جنبك.
همسة فهمت عليه : ...بس ديب عن ديب بيفرق ..
ديب : اي وشلون هي.
همسة : الديب اللي برا متوحش ومؤذي ...تما الديب اللي هون حنون وهادي ومافي منو .
ديب: ومو خايفة الديب اللي جنبك يتحول من هادي وحنون ويفترسك .
همسة : ...اكيد لأ مابخاف منو انا بحترمو كتير وبثق فيه كتير .
رجع الصوت من جديد وهمسة عم تحكي حطت ايديها عأدنيها وسكرتهن وغمضت عيونها .
حس ديب انها خايفة كتير .
ديب: همسة ..تعي (وفتحلها ايديه ليضمها و تنام بحضنو .
اتطلعت فيه وبقيت وقت صافنة .
ديب : ...تعي همسة ماتخافي مارح اغدر فيكي اكيد بدي بس تحسي بالأمان ويروح الخوف منك .
قربت منو وحطت راسها عصدرو ، سمعت دقات البو منيح وقالت هالقلب عم

يحبني بشكل كبير وعم ينبض بحبي وشكلي مارح طول لحتى بادلو نفس المشاعر، كان حاطط ايد عضهرها ضاممها والأيد التانية عشعرها عم يحسس عليه لتعرف تنام ....وغنالها (نامي عصدري وتعي شدي الغمرة ،الليلة حياتي رح يطول عمرا ) .
اكتشفت همسة انو عندو موهبة جديدة انو صوتو بجنن وكتير حلو وقت يغني وقالت ازا صوتو حلو وقوي وقت بيحكي كيف ماانتبهت انو رح يكون صوتو حلو ازا غنى ....اتطلعت فيه وقت غنالها ابتسمتلو وابتسملا وباس جبينها ونامو.
طلع الصبح وهمسة نايمة بحضنو لديب ووقت حس انها رح تفيق عمل حالو نايم وكل ماحاولت تقوم يشد بأيدو عليها لحست انو عم يتقصد يعمل هيك ....
ديب بنص عين: ....لوين رايحة ماسدقت ايمت اكمشك .
همسة خجلت وهي عم تتطلع عصدرو العريان: .....قايمة شو مابدك تقوم.
ديب كمشها من خصرها : ...امبلى بدي قوم بس......بدي منك شغلة وحدة .
همسة : ...تفضل.
ديب: حني عليي ببوسة عخدي .
همسة :....اي تكرم عينك 😚.
ضحك ديب وابتسمت عيونو انو لمستو وقربت منو.
مرق اليوم عادي وكان ديب طالع بشغلةةبعتو ورا اهل المنطقة كانو عايزينو بالأرض تبعهن، وكانت همسة لوحدها بالببت وقت اندق الباب وفتحتو : ....اهلا وسهلا مين حضرتك .
كانت ست بأول الخمسين ومعها ولد بعمر ال15 سنة وبنت بعمر ال13 سنة: مساالخير .
همسة : مساالورد ياهلا .
الست : عفوا مو هاد بيت ديب المجدي .
همسة : اي هوي تفضلي بشو بخدمك .
الست: هو موجود ....
همسة : لا والله هو طالع بشغلة تفضلي .
دخلت الست مع الولاد وقت قعدت سألت همسة : حضرتك مين بتكوني .
همسة : انا مرتو .
الست : ......ديب اتجوز ...من متى .
همسة : النا قريب العشر ايام.
الست : ..ايوا ..اي الف مبروك حبيبتي .
همسة : الله يبارك فيكي بس عفوا منك ماعرفتيني عليكي ومن وين بتعرفي لديب .
الست : .......بصراحة ...انااا ...انا مرت ابو لديب اسمي عايدة وهدول اخواتو هاد مهدي وهي عبير .
همسة انصدمت وقت عرفت انو هي مرت ابو وهدول اخواتو : اي اهلا وسهلا فيكن ....كيفكن حبيباتي.
رد الولد واببنت عليها بهدوء: ...الحمدلله.
عايدة : ...ماخبرك عنا ديب ....هو مابيعرفنا بس اكيد خبرك بقصتو وووو ..... شو عملت و انا وابوه .
همسة نزلت راسها بيأس : ...بصراحة اي والله وخبرني كيف ماتت امو وكيف ربتو خالتو وكيف توفت .
عايدة بخوف: ....وماقلك عنا شي ...قصدي انا وابوه.
همسة : ..هلأ هو قال بس مو كتير لأن مابيعرفكن منيح.
خجلت عايدة من همسة والفكرة اللي اخدتها عنهن.
قعدت عايدة تحكي لهمسة انو كيف ندمت هيي وابوه لديب وكيف مرض وصارت تبكي وولادها عم يسمعو كل كلمة عم تقولها .
همسة برقة البها وبعفويتها وانوثتها تعاطفت معها لعايدة وكانت آكلة هم وقت يجي ديب شو رح يصير وكيف رح يستقبلها

(الجزء الرابع) 
سمعت همسة صوت الباب الخارجي عم ينفتح وزادت دقات البها انو شو رح تكون ردةةفعلو وقت يشوف عايدة عندو بالبيت.
دخل ديب واتفاجأ انو عندهن ضيوف وتأكد انهن مو من اهل الضيعة، لكن كانت مفاجأة عايدة اكبر وقت اللي شافت انو ديب رجال ناضج وحلو كتير وكان باين عليه انو مهيوب والو شخصية قوية .
ديب: ...مساالخير .
همسة : ....اهلا ..اهلا ديب الله يعطيك العافية .
ديب كان حاسس بشي غريب ومو مريح : شو عنا ضيوف اهلا وسهلا .
عايدة بخوف وقلق وتردد: ....اهلين فيك ابني .
طلبت همسة من ديب انو يقعد وسألتو ازا رايق او لأ .
استغرب ديب من سؤالها لأن مافي بالعادة تسأل هيك سؤال .
ديب عم يوجه الحكي لعايدة وعم يتطلع بالولاد نظرة شك : ...عفوا حضرتك مو من اهل هالمنطقة ماهيك وشك مو مألوف عليي ...بس حاسس حالي بعرفك تقابلنا شي .
قامو مهدي وعبير ليسلمو عديب وقربو منو ومدو ايديهن ...حس ديب بشي غريب ناحهن .
سلم ديب عليهن والبنت رمت حالها بحضنو وصارت تبكي بصوت عالي ...اما الولد فكان اقوى منها بطبيعتو الذكورية لكن دمعت عيونو وبعدها نزلو دمعاتو عخدو متل الشلال واستسلم بالاخر لحضن ديب .
همسة واقفة عم تتطلع وناطرة ردة فعلو لديب وصارت تبكي لا ارادي مع مهدي وعبير والست عايدة صارت تبكي بندم وخوف .
ديب استغرب الموضوع وكان حيران باللي عم يصير .
واخيرا ديب قال : ......انتو اخواتي ماهيك .
همسة وعايدة اتطلعو ببعض باستغراب انو كيف عرف وقالو بجوز يكون لامحهن او بيعرف اشكالهن اكيد مافي تفسير تاني غير هيك .
اتطلعت عبير بديب وعيونها علقانين بعيونو الواسعين اللي متل البحر غامضين وقويين : ...اي اخي انا اختك عبير وهاد اخوك مهدي .....(وماقدرت تحكي انو هي امها مع انها كانت ناوية تعرفو عليها لكن مااسترجت).
ديب صفن شوي فيهن وبعدين اخدهن بحضنو الواسع وبقي وقت وهو صافن وفاتح عيونو .
همسة عم تبكي وحطت ايدها عتمها بفرح وقت عانقهن ديب ،وعايدة استغربت انو ماتوقعت هالتصرف من ديب وتوقعت انو يقلعها هي واياهن.
مهدي وهو عم يبكي : ....انا كتير كنت حابب اتعرف عليك حابب اتعرف عأخي الكبير وزاد حبي اكتر وقت اللي سمعنا عنك كل منيح وكلام مرتك الحلو عنك .
ديب اتطلع فيه وبعديها اتطلع بهمسة بقي صافن كل الوقت...اما اختو اخدت وقت وعي متعمشقة بقميصو وكانت اضفيرها رح تغرز بلحمو كتر ما كانت كامشتو ..
عبير رفعت عينها وحاكتو وصوتها عم يتقطع من البكى: من زمان انا واخي حابين نشوفك ونعرفك من قريب ومو مسدقة اني شفتك وانك قبلت فينا .
ديب عم يمسح دموعها : ....حبيبتي انتي واخوكي مادخلكن باللي صار زمان مابقدر احقد عليكن او ولومكن اصلا ما كنتو موجودين .
مهدي: ...يعني رح بتقبلنا اخي .
ديب قربو لعندو وقعدو جنبو : ...معلوم انتو اخواتي وبرجع بقلك انتو ماالكن زنب باللي عملو امك وابوك فيي .
مهدي: ....اخي اني وابي ندمانين كتير ...وامي جاية لتطلب منك السماح .
ديب بلا مبالاة : ....انسالي هالموضوع ...المهم طمني كيفك انت وكيف دراستك ، قد حالك وبتعرف اتدافع عن حالك والا كيف.
اتدخلت عبير: ....بيدايقو اصحابو بالمدرسة واحيانا بيجي مزعوج كتير منهن .
ديب: ..ايواااا وليش ليدايقوك شو السبب.
مهدي: احيانا بختلف انا واياهن وبيطلبو مني اطلع معهن ونهرب من المدرسة وانا مابرضى .
ديب: ...اي معلوم مالازم ترضى العلم اهم شي .
مهدي: اللي بدايقني انهن بسمعوني كلام كتير قاسي ومابعرف رد عليهن واوقات بجاوبهن وبردلهن الكلمة عشرة .
ديب عم يبتسم: لاترد عليهن الكلمة اختصر جوابك وردك بكلمة وحدة ، يعني فيك تتركهن يحكو ويقولو اللي بدهن اياه وانتي ماتجاوب ولا بشي يااما اتركهن بلا ماتجاوب يااما احكي كلمة او كلمتين ...خير الكلام ماقل ودل .
مهدي: ...انا بدي اتعلم منك كل شي ديب .
ديب ضربو عكتفو برجولة: ..اي شو عليه وانا جاهز .
عبير: وانا كمان ....
ديب عم يضحك : وشو انتي كمان بدك تصيري رجال متل مهدي.
صارت همسة تضحك وقربت لعندها وقالتلا: انتي لازم تتعلمي اللي بيعملو الصبايا لتصيري بنوتة راقية ورقيقة وحلوة الشباب بيتعلمو من بعض والبنات بيتعلمو من بعض .
ديب: ...ها وهي ليكي لقيتي مين يخليكي صبية واعية وفهمانة وهمسة احلى صبية وارق انسانة شفتها بحياتي كلا.
همسة ابتسمتلو بحنان: ....اي بس ديرو بالكن نحنا رح نكون اقوى منكن ، شو رأيك عبير نتحداهن ونكون فريق وهنن فريق.
عبير : اي مو غلط انا وانتي وديب ومهدي .
ديب: ايواااااا ...هيك ياهمسة بس رح تكونو انتو الخسرانين بتشارطي همسة ..
همسة: لا مابشارطك انت مافي حد بيقدر عليك واللي بشارطك خسران عطول ..بعترف انا مو قدك وبعلن هزيمتي من هلأ .
صارو يضحكو الكل ..
واخيرا حكت عايدة : .....وانا بفريق مين رح كون .
اتطلع فيها ديب بطرف عينو وقال لأخواتو: ...ايمت ماحبيتو تزورزني وتجو لهون اهلا وسهلا فيكن .
عايدة : ..وانا ديب ....مابدك تسامحني انا وابوك ..نحنا غلطنا وجايي انا اليوم لاطلب منك السماح .
ديب: .....مهدي عبير اقعدو هون وشو مابص

ير او شو مابحكي مابدي تتدخلو اي .
طلب ديب من همسة تعمل شي ليشربو .
عايدة مرت تانية : ديب وانا .
اتطلع فيها نظرة حقد خلت كل بدنها يرتعش منها : ....انتي شوو ..ليش انتي مين .
عايدة : ...انا عايدة.
ديب: مين عايدة .
عايدة : ...مرت ابوك .
ديب: ...مين ابي ...وقف وعطاها ضهرو وكان عم يحاكيها وهو عم يتطلع من الشباك وعم يشعل سيجارة .
عايدة : ....ديب انا بعرف انو غلطنا فيك انا وابوك وانو ظلمناك كتير وانت صغير .
ديب: ..انتو ماغلطتو فيي كتير كلها غلطة وحدة ..وكبرتوها وقت اللي رميتوني بدون حتى ماتسألو عني ولا كيف عايش او ازا كنت عايش او لأ (التفت عليها وهو واقف مكانو) بس بدي اسألك سؤال شو شفتي من طفل عمرو تلات سنين لتطلبو من ابو يرميه، شو شفتي من طفل ماتعلم شي من هالحياة ،شو شفتي من طفل فقد امو وهو صغير ومابيعرف حدا ومابميز حدا غيرا، شو بتخسري لو احتويتيني وحنيتي عليي واخدتيني بحضنك وربيتيني مع ولادك ...كنت بكون السند الك والهن لو صار لأبي شي ، وين كان البك وقت اللي قلتي لأبي يرميني وانك مو ملزمة فيني وين كان ضميرك وقت اللي شفتيه عم ياخدني قدام عينك ويبعتني لمكان انتي مابتعرفي عنو شي ، وين كان عقلكن انتي واياه وقت اللي مافكرتو تسألو عني ولا مرة لتتطمنو عليي ، اضعف الايمان هو يسأل عني وانتي طبعا ماخطرلك ابدا تطلبي منو يسأل عني خفتي يعطيني شي من اموالو ماهيك ..بس مع هيك مرت الأب بتضل قاسية وهمها وفكرها بضل محصور بس بولادها ...
همسة عم تحط الشوكولا الساخنة عالطاولة: ...بس ياديب مو كل وحدة مرت اب بتكون مو منيحةوقاسية .
ديب: ..مزبوط حياتي ..بس هدول بكون قلة بالمجتمع تبعنا وانا بحترم كل مرت اب بتحتضن ولاد جوزها مع ولادها وخصوصي ازا كانو كبار ليكونو سند لولادها والها عكبر.
عايدة عم تبكي : ...كل اللي قلتو مزبوط ونحنا عرفنا غلطنا وجايي لحتى استسمح منك انا وابوك .
ديب عم يضحك بصوت عالي: .......هههههههههههههههههه جايي تستسمحي مني ..بكل سهولة بكل بساطة بدك قلك مسامحك.
همسة: ديب ...الانسان القوي هو اللي فيو يسامح ويعطي فرصة لغيرو ليصحح غلطو وانت رجال قوي وانا متأكدة انك بتقدر تعمل هيك .
ديب: ..همسة هي مو غلطة هي اغلاط بغلطة وحدة وانا ازا صرت قوي صرت لأني لحالي مااعتمدت عحدا كبرت وتحديت كل شي قابلتو تحديت الوحدة والخوف تحديت الوجع والحرمان من الحنان الا اللي عطتني اياه خالتي الله يرحمها ...مو سهل عليي سامح بس لانها اجت وطلبت مني هيك شي .
عايدة : ...بس انا. ....
ديب قاطعها بعصبية: انتي شووو ..انتي شووو انتي ولاشي ماكنت انا بحياتك ولا شي وهلأ انتي وهو ولا شي .
عايدة : ...حقك ياديب والله حقك تحقد عليي وتزعل مني وماتسامحني ..بس عالأقل سامح ابوك لأنو مريض.
ديب: ...سامحو ابي ولأني مريض ..ههه انتي يمكن فكر لو للحظة اني سامحك رغم انك اتتي اللي لعبتي براسو وخليتي يرميني لأنك مو امي ولا حتى بتقربيني وبضل ابن ضرتك الميتة وابن جوزك اللي انتي مو ملزمة تتحملي ...لكن ابي هو اللي مافيي سامحو لا هلأ ولا بعدين بتعرفي ليش ...لأنو ابي ولأني ابنو اللي لازم وقت اللي تجوزك جبرك تهتمي فيي لأني ماالي حدا وللاني يتيم ولأني طفل ...وبالنسبة انو مريض انا ياما مرضت وتعبت وحميت وكنت بحاجتو وماشفتو قدامي عم يساعدني وعم يحن عليي وماشفت منو ذرة خوف عليي ..وليش ماهو اللي اجا ليطلب مني السماح ليش ليبعتك مندوب عنو.
عايدة : مالو عين يواجهك .
ديب بمسخرة : ...هههه ليش هو من ايمت بيعرف يواجه حتى انتي ماقدر يواجهك وقت اللي طلبتي يرميني وانصاع لاوامرك بدون مايفكر ...وواضح انو تاركلك المهمات الك لأنك بتعرفي تتصرفي بأنانية اول مرة وقت اللي رميتيني بدون رحمة والمرة التانية وقت اللي طلبتي بكل بساطة اني سامحك وسامحو.
همسة : ...بس ياديب.
ديب رفعلها ايدو : ...خلص همسة مابدي احكي بهالموضوع .
عايدة شافت الحزم بعيونو وبكلامو وماقدرت تناقشو اكتر خافت ينفجر فيها متل بركان ثاير .
وقفت عايدة، ووقف مهدي وعبير وراحو لعندو وقالولو: بس انت قبلتنا كيف مافيك تقبل امي وابي .
ديب مسكهن من ايديهن بحنية ووجه الحكي لمهدي: لازم تكون قوي وتعرف تميز بكل شي ..انا ما بخلط الصالح بالطالح ازا هني غلطو انتو ماالكن زنب ومافيي حاسبكن عشي غيركن غلطو .
حسو اخواتو فيه وما زعلو منو عردة فعلو ووعدو يرجعو يزروو من جديد.
وقت راحو حاولت همسة تحاكيه لكن اللي صدمها انو كان عطبيعتو ومو متدايق من اللي صار .
حست بقوتو وانو رجال حازم وقادر يتخطى مصاعب كتير بحياتو وانو هالشي كان اكبر عقبة بحياتو وقدر يتخطاها .
همسة : ديب فيي اسألك سؤال.
ديب: ....اكيد حبيبي .
همسة : كيف عرفت انهن اخواتك انت قلتلي انك ماشفتهن من قبل ماهيك كيف عرفتهن معقول احساسك ورابط الدم اللي بينكن هو اللي خلاك تميزهن.
ديب: ..همسة هالشي مابيحتاج لزكا كتير لما بتجي طفلة صغيرة مابعمري شفتها بترتمي بحضني وبتصير تبكي وبيكملها مهدي بعانقني وبصير يبكي كمان وانا بعرف انو عندي اخوا

ت تنين شي طبيعي بدي شك انهن اخواتي ...همسة هالشي مابدو لا احساس بعلم النفس ولا بدو زكا كتير بدو بس شوية تركيز لتقدري تفهمي كل شي ، نصيحة مني خلي عقلك حاضر وموجود بين الناس لتقدري تفهمي كل شي من حواليكي .
همسة : بس هالشي صعب كتير ياديب مو كل الناس عندهن الزكا اللي عندك ولا الكل عندو دقة الملاحظة اللي عندك ...بس لانو اجت طفلة صغيرة وعانقتك قدرت بلحظة تدرك انها اختك ...هالشي مو موجود عند الكل .
كملت همسة كلامها وكانت قلقانة من ردة فعلو عاللي بدها تقولو : ....ديب ...هلأ انت مافيك تسامحو لأبوك بنوب.
اتطلع فيها بنظرة جدية اول مرة بتشوفها عليه وكانت اول مرة بتشوفو معصب وقت اللي كانت عايدة موجودة .
ديب: ..همسة هلأ انتي فيكي تسامحي امك تتركك من واتتي طفلة وترميكي وماتسأل عنك لحتى صرتي صبية وتزوجتي وبكل بساطة تجي وتقلك سامحيني اوام فيكي تسامحيها .
همسة : هلأ ليك انا معك انو هالشي مو سهل بس عطي حالك فرصة انو تتصالح معو وانو تتصلح الأمور بيناتكن .
ديب: وقت اللي كنت بحاجتو مادورت عليه وماسامحتو كيف هلأ وقت اللي صار هو بحاجتي مافيي ياهمسة مافيي صعب مو بس صعب لأ ياستي مستحيل ...همسة انا تعزبت كاير وقت اللي كنت صغير كنت خس حالي ناقص عن هالولاد اللي من عمري ...وقت اللي كانت الآنسة تطلب اولياء الأمور كنت جيب خالتي ولما كانت تسألني ليه مااجى ابوك كنت قلها ابي متوفي ....بتعرفي ليش لأنو ميت من البي ومن حياتي (ودمعو عيونو وصارو ينزلو عوشو دمعات بتحرق بتكسر ضهر اي رجال بيبكي قدام مرتو وبحسسها بضعفو ) كانت الآنسة تطلب يجي ابي ليحضر حفل تكريمي لأني كنت طالب متفوق كنت حس بنقص وبغصبة بألبي لما شوف هالأهالي والآباء يجو عالمدرسة لياخدو ولادهن وانا ماعندي اب وماكان يصحلها لخالتي تجي دايما لعندي عالمدرسة وتاخدني وتحضر اجتماع الأهالي كنت مميز ومتفوق بدراستي ومميز بوحدتي انو ماالي اب متل البقية يسأل عني ويحضر اي شي بخصني بالمدرسة ....شو بدي قول لقول قضيت حياتي مع خالتي الله يرحمها كانت الي ام واب وعيلة كاملة ماقصرت بتربيتي وبتعليمي والكل بيحلف فيي مو مدح بحالي لكن انا كمان ربيت حالي مع خالتي لأتحدى ابي ازا اجا يوم وقرر يسأل عني متل هاليوم وانو قلو اني صرت وكبرت وتعلمت وقويت وصرت رجال بدونك ....
همسة عم تبكي عليه : ......ديب انت عم تبكي مستحيل سدء انو انت هيك .
ديب وهو عم يبكي بحرقة: ماعم ابكي عليه ....لا والله عم ابكي عطفولتي على حياتي اللي كنت اتمنى يكون ابي معي ليعلمني وينصحني ويضربني وقت اللي اغلط تمنيت يعطيني من خبرتو ...انتي لو محلي بتسامحي قولي بتسامحي.
همسة : بفكر بالموضوع وبحاول اجبر كسر هالعلاقة لغيش حياتي وعوض الحرمان اللي عشتو .
ديب: انتي عم تحكي هيك لأنك ماعشتي بيهك ظروف لكن لو عشتي فيها كان رأيك حيكون مختلف ...ويمكن تسامحي انتي بتضلي بنت وبطبيعتك الحنية والرقة وبتضلي ضلع قاصر لكن انا رجال وجرح الرجال مو متل جرح البنت انا مابصير انكسر مابصير ابكي مابصير حس بحرمان .
همسة : بس يا ديب....
قاطعها : خلص همسة كرمالي حاج تحكي بالموضوع (وضلو عم يبكي وكانت اول مرة بتشوف ديب القوي المهيوب اللي الكل بيحسب الو الف حساب عم يبكي وبحسرة متل الأطفال وكان بدو حضن حنون ليكسر عنو ويخفف همو) .
ضمتو همسة وبكى بحضنها كتير
وصارت تبكي معو وجنت انو رجالها عم يبكي وقالت بحالها انو لولا ماحزنو كبير وحرمانو اكبر ما كان بكي متل ولد مضيع امو ومضيع الحنان والامان.
استرجع ديب قوتو وقال لهمسة انو بدو يطلع لبرا ليغير جو ويشم هوا نضيف ...سألتو ازا بدو تبقى معو خبرها انو مابدو يزعجها بسكوتو لأنو ماحيرضى يحكي شي بخص هالموضوع.
نام ديب بصعوبة وحست همسة كل الوقت عليه انو عم يتقلب بفراشو لحتى استسلم للنوم واخيرا.
فاقت الصبح همسة وانتبهت انو ديب مو نايم حدها وسمعت صوت تقطيع شي ...قامت لعند الشباك وشافت ديب عم يقطع خشب وكان باين عليه من طريقة تقطيعو انو عم يفش خلقو بالخشب ليفرغ طاقتو السلبية اللي بقيت معو كل الليل ...لمحت حبات العرق اللي كانت مغطية صدرو العريان واللي كانت كمان عم تنزل من شعراتو لتبلل وجهو كانت عم تتمايز جسمو الأسمر وعضلاتو البارزين والقوة اللي عم تتفجر من ملامحو وجسمو العريض.
بعد شوي نزلت لعندو وكانت حاطة شال خفيف عكتافها وشعرها عم يطير من نسمات الهوا الي عم تلاعب شعرها وبشرتها الناعمة.
همسة : صباح الخير .
وقف ديب وقت شافها وسمع صوتها : يسعدلي صباحك ياعمري.
همسة : ....كيف حاسس حالك هلأ ...احسن؟.
ديب عم يبتسم كعادتو : ...اي حياتي انا كتير منيح .
همسة : لمين عم تقطع هالحطب.
ديب: النا للبيت ولأهل المنطقة بيطلبو مني قطعلهن حطب لأن بيعرفوني بحب هالشغلة .
همسة : بس متعبة هالشغلة .
ديب: بالعكس ....انا هوايتي تقطيع الخشب بتقوي بدني وبتريحني وبفش خلقي فيهن...بس هاتي خبريني ليه كنتي عم تتطلعي علي من فوق .
همسة مصدومة😳 : شو عرفك .
ديب: هههه حسيت فيكي وبعديها لمحتك لمحة سريعة

.
همسة : ماشاء الله عليك ...ماقلتلك عندك دقة ملاحظة مو موجودة عند حدا .
ديب: ...احيانا مابحب هالشي فيي لأنو بتعبني وبوجعلي راسي .
همسة : ....طيب مابدك تفطر .
ديب: يلا شوي ولاحقك خلصت.
رجعت همسة عالبيت وعملت فطور ....دخل ديب لعندها وقرب منها وشافت بأيدو وردة بيضا بدون عودها وحط الوردة بتمها من العنق وقرب كتير عهمسة وقرب شفايفو وباس الوردة وهي بتم همسة 😘.
غمضت همسة عيونها واستسلمت للبوسة الوردية اللي منحها اياها ديب .
بعد عنها وشافها مغمضة عيونها ضحكلها وقلها : بحبك .
خبرها انو رايح ياخد دوش سريع ونازل .
وهنن عم يفطرو كانت عم تتطلع فيه قلقانة عليه لأن بتعرف انو غامض وانو ماحيحكي شي وماحيبينلها انو ضعف لو لوقت صغير وانو احتاج لحضنها ليخفف عن حالو شوية ضغط .
ديب وهو عم ياكل وبدون مايتطلع فيها : ليه عم تتطلعي فيي .
همسة 🤨: كيف شفتني وانت مارفعت عينك فيي من وقت اللي قعدنا .
ديب: قلتلك انا بحس فيكي وبحس بنظراتك وقت بتلاحقني ...هالميزة مو بس عند النسوان كمان موجودة عند اللي بركز فيها.
همسة : كل يوم عم يزيد اعجابي فيك .
ديب عم يتطلع فيها وعم يبتسم : انا مابدي بس اعجاب بدي يتطور هالشعور .
همسة خجلت وقالتلو : ...ان شاء الله.
طلع ديب ليشوف واحد كان طالب منو يشوفلو ارضو ليش بتحرق وبتخرب اي شي بيزرعو فيها.
التقى ديب بنسوان المنطقة وسألو ازا صحيح اتزوج او اشاعة وطلبو منو انو بدهن يتعرفو عهمسة وخبرو انو في اجتماع لاهل المنطقة متل حفلة صغيرة متعودين يعملوها بكل شهر بيجتمعو الأهالي رجال ونسوان وبنات وشباب بساحة المنطقة، وبيعملو اكلات بييوتهن وحلويات والرجال بتشوي اللحم والجاج والخضرة وبيقعدو بيجتمعو وبينبسطو وعزمو ديب وهمسة عالحفلة ليتعرفو عليها ...وعدهن ديب يجيبها عالموعد.
وقت رجع ديب خبر همسة بعزيمة نسوان الضيعة وفرحت كتير وطلبت تروح معو عالسوق الموجود بالضيعة لتجيب اغراض الحلو اللي قررت تعملو وقت يروحو عالحفلة .
بيوم الحفلة لبست همسة فستان ابيض طويل خفيف بشيالات رفيعة وعملت شعرها غحري ولبست اكسسوارات غجرية ومكياج هادي وناعم كتير .
وقت وصلو الحفلة اعجبت همسة بالحفلة كتير وكيف المكان معجوق بالناس والكل بيحكي وبيضحك وشي عم يشوي وشي عم يغني وشي عم يضحك وصغار تركض ورا بعض فرحانين .
تعرفت همسة عستات الضيعة اللي كانو بيتميزو بالجمال والرقة والنعومة حبتهن وحبوها واندمجت معهن كتير وكانت اخدة معها اكتر من صنف حلو واكلت معهن وانبسطت فيهن وبمعرفتهن.
ديب كان كل الوقت عم يدقق باللي حواليه ولاحظ عواحد اسمو فراس كان عم يتطلع بهمسة نظرات اعجاب وكان كل شوي يقرب منها اكتر.
قرب منو ديب وهمسلو بأدنو : خود بالك عم تلعب بالنار وانت مامو منتبه.
فكر فراس انو ديب عم يقصد النار اللي كان عم يشوي فيها اللحم ومافهم قصدو منيح.
تركت همسة الناس بالحفلة وراحت لترد عتلفونها كانت اختها مروى عم تتطمن عليها وعديب وخبرتها انو لؤي جن وقت عرف انها تجوزت .
همسة : اختي ليه ليجن نو شو دخلو اللي كان بينا انتهى وخلص وازا رجع مرة تانية وحاكاكي احكي يااما لجوزك او لاخي غسان ليتصرفو معو ،او بتخبري اني بحب جوزي وماببدلو بكل رجال الدنيي .
كان ديب رايح ليشوف همسة ليه تاخرت وخاف من هاد فراس ليقرب منها ،سمع ديب المحادثة اللي دارت بين همسة واختها مروى وانبسط وقت سمع همسة عم تحكي لاختها انها بتحبو .
ديب: شو حياتي تاخرتي ماخلصتي اشتقتلك .
همسة عم تبتسم: لحقت تشتقلي ماغبت يادوب عشر دقايق .
ديب : انا وقت بغمض عيوني بهالطرفة هي بشتقلك فيها كيف لو تغيبي عشر دقايق.
ضحكت همسة وديب ورجعو للحفلة.
رجعت همسة وديب عالبيت وكانت باينة الفرحة بعيون همسة والرضا عن اهل الضيعة وكيف استقبالهن الها وطلبت من ديب يضل ياخدها كل ماصارت جمعة او حفلة .
بعد يومين كانو ديب وهمسة نايمين اجا لديب احساس انو في شي حدا قريب من البيت قام بدون مايحسس همسة لحتى ماتخاف اخد بارودتو وطلع من البيت بشويش وقام طفى كل الأضوية اللي حوالين سور البيت ليتأكد من اللي شاكك فيه .
لمح رجال تنين عم يركضو لبعيد عن البيت وقت اللي عتم المكان ووقت قوص بالهوا .
عرف ديب مين اللي كان جاي ناح بيتو وشو كان بدو .
كان طالع عالغرفة وكانت همسة نازلة خايفة .
همسة : ديب وين كنت .
ديب: سمعت حركة حوالين البيت طلعت لأتفقد انتي شو فيقك .
همسة : فقت عصوت القواص ومالقيتك جنبي مين كان عم يقوص .
ديب: هاد انا قوصت بالهوا .
همسة : ليه طيب.
ديب: حسيت انو في شي قريب من البيت قلت لبعدو ماتخافي مافي شي بخوف كان كلب بجوز جوعان .
همسة : يعني راح خلص .
ديب: اي حبيبي راح ماتقلقي .
رجعت همسة وكملت نومتها لكن ديب بقي حصة فايق عم يفكر باللي كان عند البيت وقال الصبح بيعرف يتصرف معو .
تاني يوم من بكير نزل ديب وراح عشغلو ورجع شاف ارض ابو غندور .
ديب عم يفرك بتراب الأرض : عمي ارضك مافيها شي بس التربة فيها ديدان ضارة عم تخرب المحصول عندك لهيك بدها مبيد ليقضي عكل هالديدان وبعدها

ديب عم يفرك بتراب الأرض : عمي ارضك مافيها شي بس التربة فيها ديدان ضارة عم تخرب المحصول عندك لهيك بدها مبيد ليقضي عكل هالديدان وبعدها بترجع الارض متل الليرة الدهب .
ابو غندور: يعني بس هيك ديب يعني مافيها شي تاني .
ديب: لا عمي مافيها شي .
ابو غندور: طيب وانا من وين بدي جيبو هاد المبيد .
ديب: انا بجبلك اياه ولا يهمك .
ابو غندور : يكتر خيرك يازينة شباب هالضيعة ويحميك .
ديب باس جبينو لأبو غندور : خير الله عمي مافي شي محرز .
نزل ديب عسوق الضيعة ليجيب من عند واحد ويتعامل معو بهيك شغلات بتخص الأرض ليجيب المبيد لأبو غندور وشاف بدربو فراس وشريكو فاضل .
اتطلع ديب بفراس نظرة تهديد وبينلو انو شاكك فيه .
قرب ديب من فراس وقلو : ...انت منيح .
فراس : ......اي منيح ليش في شي .
ديب قرب منو وزورو : لا ابدا بس كنت قلقان عليك وقلت بقلك انو بس الدياب اللي بتطلع بالليل ...اما الكلاب مابتطلع الا ازا كانت جوعانة او سعرانة ودير بالك من شي ديب يقرب من الكلب ويقضي عليه.
فراس : بس الدياب بتخاف من الكلاب ازا مابتعرف.
ديب بضحكة استهزاء: انت اللي مابتعرف انك عديم ثقافة ومعلومتك غلط ولصححلك اياها الديب مابخاف من الكلب لأنو اقوى واشرس لكن الديب بيبعد وقت اللي بيسمع صوت كلب بخاف يكون معو انسان وصلتك .
فراس : بس الكلب وفي .
ديب : هههههه مزبوط بس بضلو كلب وبخاف من الديب.
فراس : ....وانا ليه عم تقلي هالحكي ليكون بتقصدني اني انا الكلب.
ديب: وانت ليه عم اتدافع عن الكلب.
فراس : ااااه لا بس قلت بنحكي .
ديب: بدي انصحك نصيحة قبل لا امشي ...اوعك تلاعب ديب نايم والا انت بتعرف النتيجة ..سلاااام.
فاضل : شو كان بيقصد بكلامو هاد اكيد عرف انو نحنا اللي كنا عند بيتو مبارح بالليل ....قلتلك هاد الديب مابينمزح معو ومابينقرب مارديت عليي ، اتفضل النتيجة الله يستر من اللي رح يعملو .
فراس صار عقلو يودي ويجيب ويضرب اخماس بأسداس.
فراس : بس انا ماكان بدي منو شي كنت بس بدي شوف القمر اللي عندو .
فاضل: والقمر اللي عندو شو رح تعمل برا البيت بنص الليل ...والله حذرتك بس الحق علي اللي طاوعتك ورحت معك .
فراس : لك خلص حاج تولول متل الحريم ...بس اللي محيرني كيف عرفنا الدنيي كانت عتمة كتير كيف قدر يميزنا .
فاضل: ..ولك هاد الديب الديييييب افهم بقى عأساس غشيم عنو ومابتعرفو لك هاد داهية .
رجع ديب لعند ابو غندور ورشلو ارضو بالمبيد وقلو بكرة او المسا بتشوف التتيجة .
وصل ديب عالبيت وكانت همسة بالجنينة عم تنضف ورق الشجر اللي عالأرض وعم تسقي الزريعة ..وتعودت همسة تساعدو لديب كيف بيهتم بأرضو وياخد بالو منها .
المسا عملت همسة القهوة وحطت لديب فنجان القهوة قدامو ورجعت لمكانها .
كان ديب عم يقرأ بكتاب وقت اللي قربت همسة منو اتطلع فيها وقلها: ليه بطلتي تحكي .
همسة : شو بدي احكي .
ديب: كنتي بدك تحكي شي ومو عرفانة كيف بدك تحكي او من وين بدك تبلشي صح.
همسة : ديب جد انت مو طبيعي لك كل هاد عرفتو عني وانا ماحكيت شي لسا .
ديب : هههههه اي للانو باين عليكي انك متوترة ورايحة جاية وفي بتمك حكي وماعم يطلع معك .
همسة : .يااميي عفكرة بينخاف منك والله لك صرت خاف فكر بشي قدامك من خوفي لتعرف بشو عم فكر .
ديب: ههههههههه طيب هاتي لشوف شو كنتي بدك تحكي .
همسة متوترة كتير وخجلانة وعقولة ديب مابتعرف كيف بدها تصيغ الكلام وكيف رح تحكي معو .
همسة : ديب ....انااا...انا كنت ..بدي قلك انو ...
راح لعندها وقعد جنبها واتطلع بعيونها بحب وعيونو عم تلمع : اي انو شو احكي.
همسة : ...ديب ...انااا......
ديب: اي 
همسة : ..... ديب ساعدني مو انتي بتحس فيي شو بدي قول مشان الله هون عليي وووو.وساعدني.
ديب: ههههههه طيب ماشي الحال .
همسة: يعني انت فهمت عليي شو بدي قول .
ديب: ...ازا انا مابدي اعرف بشو بتحسي مين بدو يعرف .
قرب منها اكتر واتطلع فيها وصار يحكي بصوت مهموس : ....همسة ...انتي بدك تخبريني انك صرتي جاهزة ماهيك .
همسة ارتعبت وقت عرفت انو حاسس فيها حتى بهيك شغلة وقالت بحالها معناها رح يهون علي شغلات كتير بدي قولهن ومارح حس بالخجل منو ازا هو اللي قال .
ديب: ...صح همسة ..مو هاد اللي كنتي بدك تحكيلي عنو .
همسة عم تشيل شعراتها عن وشها بخجل : ......اي .
ديب عم يبتسم : ........يعني خلص قررتي تكوني عروسي الليلة .
اتطلعت فيه ودابت بعيونو وكيف كان عم يتطلع فيها برومنسية كبيرة .
قامت من حدو وراحت لعند الموقدة ومسكت مجلة عن الطاولة وصارت تقلب بصفحاتها بسرعة وتوتر وقالتلو : ديب ...كنت بدي قلك شي تاني .
راح لعندها وطفى اضوية البيت وخلا ضو واحد باللون الأحمر كان خافت وهادي ورومنسي كتير .
قرب منها ودحشها بالحيط ومسكها من خصرها وعم يتطلع بعيونها: .....احكي همسة عم اسمعك .
همسة عم تتنفس بسرعة : ......اي ...رح احكي ...ديب انا ...كنت بدي قلك ...تساعدني بهي كمان انو شو بدي قول .
ديب عم يهمس وتمو قريب من وشها: ....شششششششش ولا كلمة زيادة مني بهي بالزات انتي اللي بدك

تحكي ، ساعدتك كتير وهونت عليكي شغلات كتير ، هلأ دورك انتي تحكي بعي اللحظة رح وقف كل احاسيسي وانو ساعدك بدي اسمع منك بدي تحكي انتي وانا اسمع حاجتي ساعدتك بكل شي كنتي متوترة تحكيه لكن بهي بالزات مستخيل عينك فيها .
همسة والبها عم يخفق بسرعة والحكي عم يطلع منها مقطع : ......يعني ...انت ..عرفان شو بدي احكي .
ديب وايد عخصرها والتانية رفعها عم يزيح شعراتها عن وشها: ...اي همسة بعرف شو بدك تقولي ...بس مارح ريحك من هالمهمة هالمرة ...هالمرة انتي اللي بدك تحكي، انتي اللي بدك تتشجعي وتقولي ....قولي همسة ..قولي ..عطي حالك فرصة تعترفي باللي عم يجول ببالك ...احكي مارح ساعدك ...احكي انتي واتركيني اسمع واستمتع اتركي البي يحس باللي بدك تقولي .
همسة : ....ساعدني بس هالمرة .
ديب: ....آآآآآ بهي بالزات مارح ساعدك بدك تحكي لحالك ...احكي ...ناطف البي لتحكي وللاسمع منك .
همسة : ......ديب ....انااا ...انا ..
ديب : اممممم
همسة: ....انااااا بحبك ..
ديب غمض عيونو وقرب منها اكتر: ....شوووو.
همسة :....بحبك ...بحبك ديب ..بحبك.
ديب: .....واخيرا ياهمسة واخيرا نطقتيها واخيرا حررتي هالكلمة اللي كنتي حابستيها بألبك ...واخيرا صار فيي اسمعها منك .
كمل ديب: ...يعني هلأ صار فينا نتجوز .
همسة بخجل : ....اي حبيبي .
ديب : لك ياعيون حبيبك بحبك همسة... بعشقك ..بتنفسك انا .
تزوجو وصارت حياتهن طبيعية متل اي زوجين حلوين بحبو بعض .
تاني يوم الصبح فاق ديب وهمسة وكان ديب باين عليه السعادة والراحة والرضا غير عن كل الأيام وحست همسة انو هالشي باين عليه لأنو صارت حياتهن طبيعيو وانو عرفت كيف تريح ديب عالآخر .
وهنن عم يفطرو كان ديب مبسوط كتير وعيونو عم يحكو كلام حب وغزل وكان شايف الدنيي بمنظور تاني وحس انو بحياتو مع همسة صارت مكتملة .
همسة: حبيبي.
ديب: ياروحو .
همسة : رضيان ديب.
ديب : شو بدي اكتر من هيك حبيببة البي صارت ملكي بالكامل وسلمتني البها وحبها ...وووحالها .
همسة عم تبتسم برضا: ...طيب فيي احكي معك بشي .
ديب عم يشرب الشاي: ...اتفضلي .
همسة : ديب كنت بدي قلك بخصوص.....بخصوص ابوك .
اتطلع فيها : كنت عرفان انك رح ترجعي لهالموضوع ...حبيبي كرمال الله خلص ماتجيبيلي سيرتو ....طيب انا رح ريحك ...رح فكر بالموضوع منيح هيك .
همسة : جد ديب جد رح تفكر والااااا والا عم تحكي هيك بس لتخليني اسكت .
ديب: ماني بحاجة لشي لاقدر خليكي تغيري رأيك بالموضوع بس رح حاول كرمالك انتي .
مسكت ايدو وقربت منو وباست خدو وقالتلو : كنت عرفانة انك مارح تخذلني .
ديب: ...هيك رح تخليني اشحطك لفوق من جديد .
همسة : هههههههههه لا خلص رح اقعد عاقلة .
ديب: الك عندي مفاجئة .
همسة : شو هي .
دؤب: بهاليومين رح نروح لعند اهلك ..انا عندي شوية شغل قلت بنزلك لتشوفي مرت عمي اكيد بتكوني اشتقتيلا وانا بشوف شغلي وبرجع بنتغدى عندها وبنشوف ازا غسان قرر يحدد موعد زواجو والا لساها خطيبتو زعلانة عموت ابوها .
همسة بفرح: اي ياريت والله كتير اشتقت لامي ولأخي ولأختي مروى ...قولتك بكونو حددو موعد لعرسهن بس ابوها توفى قبل لنتزوج بشهر وهي نحنا النا اسبوعين متزوجين يعني اكيد بكون صار لازم يتزوجو ماهيك .
ديب: هيك المفروض الا ازا كانت خطيبة اخوكي لساها زعلانة .
همسة : اكيد لساها زعلانة ...ورح نقضي اليوم كلو عند امي والا كيف .
ديب: اكيد حياتي رح تقضي اليوم كلو عند مرت عمي بحطك عندها وبروح بشوف شغلي وبرجع بنتغدى سوا وبنضل للمسا بتعرفي طريق الرجعة طويلة .
همسة : اي حبيبي وهو هيك .
بعد كم يوم التقى ديب بفراس مرة تانية بالضيعة وكاانت همسة معو عم يشترو هدايا لبيت اهلها بقي ديب كل الوقت عينو عفراس .
نادالو فراس لان عرف انو مو قدو لديب وحاول يتوددلو ويعتذر منو بطريقة غير مباشرة ومشي حالهن عادي لكن ديب ماارتحلو وقرر ياخد احتياطاتو منو وياخد بالو منيح من همسة.
راحت همسة وديب عالمدينة لعند اهلها وعانقت امها واخوها واختها كتير وكانت حاملتلهن اشواق كتير واخدت لأمها كم نوع زريعة حلوين فرحت امها فيهن .
ديب وقت رجع عالغدا التقى بغسان وسألو ازا حددو موعد للعرس وقلو انو خطيبتو كانت بدها لبعد شهرين تلات وقلو وقت يحددو موعد رح يخبروهن ليحضرو اكيد.
همسة كانت عم تحكي لامها عن بيتها قديشو حلو وقديش المنظر روعة و بيسحر وهوا الضيعة نضيف وبرد الروح وعزمت هي وديب عأمها تجي وتقضي عندهن وقت وقت يتجوز غسان .
بعد شوي قعدت همسة مع امها ومع مروى وفهم ديب من حديثهن انو لؤي اكتر من مرة حاول يعرف اخبار همسة وكان كتير مزعوج ومتدايق انها تزوجت .
مشي نهارهن حلو ورايق وكانو مبسوطين كتير و كانو ناطرين زيارة منهن بالوقت القريب.
رجعو عبيتهن بالسلامة كانو مبسوطين بالمشوار وكل الطريق كان ديب ماسك ايد همسة عم يبوسها ويغنيلها ويتغزل فيها ،وهمسة كتير مبسوطة وفرحانة وكمان هي كانت كل الوقت عم تعبرلو عن حبها وامتنانها لحسن طلبو من امها انو تجي وتزورهن وتقضي عندهن وقت كبير .
اما بالنسبة لديب حا

هيي ..

....امل .
نوال: .....اي مزبوط ...هالبنت كتير خالتي ارتاحت معها حتى نفسيا ...بس شو دخل هاد بأنك ماعم تحاكيني منيح .
لؤي: .....خليني كمل كلامي لتفهمي شو بدي وصللك .
نوال: ..تفضل كمل .
لؤي: .....ابوها لأمل مو رفض انو ترجع وتبقى مع امي لأني موجود بالببيت وانو مابصير نكون مع بعض بنفس البيت بدون صلة قرابة .
نوال: ....اي .
اخد نفس عميق وكمل كلامو: ....لهيك انا لمصلحة امي وكرمال انو تتحسن وتلاقي حدا يريحها وياخد بالو منها ....قررت ......بصراحة نوال انا رحت لأبو امل ....وطلبتها منو.
فتحت نوال عيونها عالآخر: ......كيف يعني طلبتها منو ....وضحلي اكتر .
لؤي: .....كرمال امي تقدمتلها لأمل لحتى يكون قعادها عنا شرعي ولحتى مايتحجج ابوها بالرفض.
نوال: .......شوووو ...تقدمتلها ...رح تتزوجها يالؤي ....كيف هيك وليش.....طيب وانا ..ونحنا انا وانتي شوووووو .....هيك بهالبساطة بدك تتركني وتتزوج غيري ....وحبنا وكلامنا عن مستقبلنا وزواجنا وولادنا ....وين راح هاد كلو اااااه .
لؤي: .....نوال انتي حياتي وحبي الوحيد .....انتي بتعرفي اني بموت فيكي وانو مافي بحياتي غيرك والله شاهد ....بس ظروفي حكمتني وجبرتني اعمل هيك .
نوال بعصبية : ....ظروووف ....ظروف شوووو ......ظروفك بتقلك تتزوج من غيري وانت لسا من يومين كنت تقلي عن حياتنا وشو عم نخطط لقدام اااه ...هيك فجأة ظروفك حكمت عليك .
ام لؤي: ...امي خلص انسى الموضوع ...روح لأبو البنت وتفاهم معو واعتذر منو .
لؤي: ....امي شو ولد انا لحتى ارجع بكلمتي ...هيك موضوع مافيو مزح وبعدين انا عم بعمل هالشي كرمالك انتي .
ووجه كلامو لنوال اللي كانت عم تحرقو بنظرات الغضب .
لؤي: ....انا مابدي اتزوجها لأني بحبا اصلا ماشفتا منيح يادوب لمحتا للبنت ...وعم قلك انو رح بتزوجها لتاخد بالها من امي ....بكفي اني رح كون اناني مو معك بس لا ومعها هي كمان يعني هي بس وسيلة رح تكون كرمال راحة امي عم تفهمي عليي .....لك مو كل شي عليي وانتي كمان عليي بدي تفهميني انا مارح اتركك رح نتزوح وكل شي خططنالو رح يصيرر وبموعدو كمان ...بس هالموضوع صار فجأة وانتي شايفة كيف وضع امي عم يسوء يوم عن يوم .
نوال: ....اي وشو مطلوب مني هلأ ....بدك قلك مبروك مثلا.
لؤي: ....حبيبتي كرمال الله افهميني انتي بتعرفي انو مافي بحياتي غيرك وهالجازة فيكي تقولي بس مصلحة مو اكتر .
نوال: ....فيك اتدور منيح وتلاقي لخالتي ممرضة منيحة .
لؤي: ....لك كم ممرضة صرنا جايبين وكلو على عينك صح ومافي وحدة قبلت تبقى هون بسبب الظروف او لأنو امي ماارتاحت معها .
نوال: .....هالحكي انا مابفهمو ...ازا بدك تتزوج هالبنت بتنساني نهائيا وبتطلع من حياتي عم تفهم لؤي .
لؤي عصب وطلع صوتو : .....لك نوااااال ماتكوني انانية وتفكري بس بحالك لك فكري بخالتك وبوضعها الصحي ...انا مشان امي بحرق الدنيي كلها وبرجع بقلك مارح تكون هالبنت الي زوجة بالمعنى الكامل لأ ....رح اتزوجها بس كرمال امي واللي اتفقنا عليه انا وانتي هو اللي رح يصير وبس .
نوال: ....اي وشوي شوي بتتعلق فيها وبتصير تحبا مو هيك ....لأ يالؤي انا مو هبلة ...خالتي ماتزعلي مني بس انا مافيي كون زوجة تانية ....ليك لؤي اعمل اللي بدك اياه لكن انسى انو كنت بيوم من الايام بحياتك ...عن ازنكن .
راحت ودموعها معبيين عيونها مقهورة انو معقول حب عمرها رح يصير لغيرها .
لحقها لؤي وحاول يقنعها ويفهمها وجهة نظرو وانو ليه هيك رح يعمل لكن غيرة نوال كانت اكبر من انها تفهم انو كل اللي عم بعملو لؤي لمصلحة امو .
ضبت اغراضها وراحت لبيت خالتها التانية وخبرتهن بالموضوع .
ام لؤي: .....ياامي برضاي عليك رجع بنت خالتك لهون والغي زواجك من امل ...خلص امي رح اقبل باي وحدة بتجيبولي اياها او قلك خلص ماتجبلي حدا ازا الي باقي عمر رح عيشو وازا ماالي بكون احسن بس ماشوفك زعلان وماتاخد البنت اللي بتحبا.
لؤي بضيق وصدمة : .....بعيد الشر عن البك ياامي ....الله يخليلي اياكي .....بس ليه هيك نوال عملت تقدر انو انا كمان هالشي صعب عليي انو تكون وحدة تانية عأسمي غيرها وانو كل اللي بعملو كرمالك انتي....هيي مافكرت فيكي مافكرت غير بحالا .....بس لا امي مارح غير رأيي ولا رح الغي مع ابو امل عجبا لنوال او ماعجبا ...امل رح ترجع لهون كل شي كرمالك ياامي بهون حتى لو كانت سعادتي .

الجزء السادس)
لؤي: ....... شو امل سمعينا شي غنية لنحكم عليكي متل ماعم تقول شيماء .
امل : ....طيب شو بتحبو غني .
شيماء غمزتها لأمل : ...عزوئك واللي بريحك .
اختارت امل غنية اليسا ....خد بالك عليا دي مش معاملة تعاملني بيها ...كانت قاصدة هالغنية وبنفس الوقت ماحبت تلفت نظر كتير لكن كانت هالغنية عالقة براسها دايما وبتحسها كأنو الها وبتحكي عنها .
غنت امل بأحساس كبير ورومنسية واضحة وهدوء سابق لطباعها ...كان تأثير هالغنية واضح عالكل وخاصة بصوتها الهادي الناعم .
من كلمات الغنية اتأثر لؤي اكتر شي لأن حس انو هو المقصود وانو الغنية بتحكي عن اهمالو الها ...حس بوخزة بألبو وضل هيك كل الوقت .
قبل لتخلص الغنية مااستحملت امل ونزلت دموعها وماشافت حالها الا عم تبكي بصوت عالي ومسموع للكل لقامت وركضت للبرندا .
لحقتها شيماء وام معتز وامينة ليشوفو شو قصتها ...شيماء كانت بتعرف كل شي بحكم علاقتها القوية بأمل وفهمت عصديقتها سبب بكاها وجرحها ووجعها .
اجى لؤي ليقوم حاولت نوال تمنعو لكن كان لؤي صاحب شخصية قوية ومافي شي بيقدر يمنعو ازا كان بدو شي ومافي شي بأثر عليه وعقرارتو .
لحقها لؤي وطلب من الكل يقعد مع امل لحالهن .
مسحت دموعها وقت شافتو .
لؤي: .....امل ليه بكيتي ...فهميني .
امل: ....مافي شي ....بس انا بتأثر كتير بهي الغنية وبحبا.
لؤي: ....وليه غنيتيها ازا بتدايقك وبتبكيكي .....امل ....انتي قاصدة حدا معين بهي الغنية ما؟
توترت امل وشكت انو رح ينفضح امرها: .....لا لا مافي حدا مقصود بهي الغنية ...بس.......شيماء طلبت هي الغنية .....بسبب.....اهمال جوزها ووووو ....وحبت انو لو ياخد بالو منها شوي.
لؤي وكان حاسس انها عم تخبي عليه شي : .....اكيد بس هيك القصة امل .
امل: ....اي بس هيك شو بدو يكون في .
وقت رجعو عالبيت راحت نوال لغرفتها متدايقة وزعلانة من لؤي ليه يبين اهتمام بأمل ..
امل رجعت لغرفتها واول مادخلت لحقها لؤي وسكر الباب وراه ومسك امل وشد عليها وطلب منها بأصرار ترجع تشرحلو سبب بكاها عالغنية لأنو مااقتنع بجوابها .
امل: .....لك مافي شي ...ليش مصر هيك انت.
لؤي: لأني مااقتنعت بجوابك وبدي تحكي الحقيقة .....احكي امل ليه بكيتي لك احكي .
صارت امل تبكي وتحاول تسحب ايدها من لؤي ...
امل: ......مشان الله لؤي عم توجعني اتركني ..
لؤي: ......انتي كنتي قاصدتيني انا ماهيك .
امل : ......لا ليه ....لحتى اقصدك انت ...قلتلك شيماء طلبت مني هالغنية .
لؤي: .....مااقتنعت بهالحكي .
امل: قصدك اني عم كزب .
لؤي: .....انتي ماعم تكزبي انتي عم تخبي ....واللي عم تخبي لازم اعرفو ياامل لازم .
امل : .....لك شو بدك تعرف سدقني مافي شي من اللي ببالك .
لؤي: ......وقت اعرف اللي بدي اياه رح تتضطري تواجهيني وبوعدك بهالشي.
قعدت امل عطرف التخت وصارت تبكي وتزكرت انو لازم تنبه شيماء ...حملت تلفونها ورنت لشيماء ..
شيماء : ....اي امولة .
امل عم تبكي: ....شيماء حبيبتي بدي قلك شي .
شيماء:....خير امل ليه عم تبكي صاير معك شي .
امل: ....لؤي مو مقتنع اني غنيت الغنية الك حاسس انها الو انا خبرتو انو انتي طلبتيها مني ليحس جوزك وينتبه انو مهمل فيكي وبالولاد بس لؤي رجع وسألني مرة تانية .....ازا حاكاكي او شفتي خلي كلامنا واحد مابدي اطلع كزابة قدامو ....كرمالي عندك ياشيماء اعملي متل ماعم قلك .
شيماء: ....خلص حبيبتي ولا يهمك رح يصير متل مابدك .
بعد كم يوم كانت امل قاعدة هي وام لؤي بالبرندا وهنن قاعدين دخلت ام معتز وشيماء وامينة وعدي وكانو جايبين معهن جاتو وحلو وورد .
استغربت ام لؤي انو شو في .
قبل ليوصلو نزل لؤي من غرفتو وقعد مع امل وامو .
رحبت ام لؤي وامل فيهن .
عدي : ......امل انا خبرت ماما انو لازم اجي وعايد عليكي اول واحد .....كل سنة وانتي سالمة امل ....انا بحبك كتير ..
وعانقها لأمل بقوة وعانقتو امل وباست راسو وضحكة ودمعة بعينها وعخدها .
ام لؤي: .....شو في اختي لشو كل هالحلو .
ام معتز : ....نحنا جايين كرمال امل اليوم عيد ميلادها ونحنا جايين نباركلا بهيك يوم .....شو اختي كأنو ماعندكن علم .
ام لؤي اتطلعت بأمل وبلؤي ونزلت راسها .
لؤي عينو عأمل كيف معانقا عدي وكان رح يطق من غيظو وغيرتو عليها حتى لو كان ولد صغير.
قربت شيماء وباست امل : ....كل سنة وانتي سالمة حبيبتي ....عدي اصر الا يجي هو ويعمللك حفلة صغيرة لو انتي مابدك تعملي قال رح يعمللك هو ....لك انتي شو عاملة للولد لحتى بحبك هالقد .
امل عم تضحك وتبكي : ....هههههه ولاشي والله ..بس بجوز لأني بحبو كتير لهيك هو حاسس فيني .
ام لؤي غمزت لؤي ليقرب منها .
ام لؤي: .....انت مابتعرف انو اليوم عيد ميلاد امل؟
لؤي: ....لا والله ياامي ماعندي علم .
ام لؤي: ....بدون ماحدا يحس عليك بتروح بتجيب هديتين مني ومنك وورد وجاتو ....ماتتأخر .
راح لؤي وامل افتكرتو طلع عند نوال .
خاب املها ورجعت للحاضرين واندمجت معهن بالأغاني والحديث .
نزلت نوال : .....شووو عاملين حفلة ومابتعزموني .
شيماء:

الجزء السابع)
ام لؤي: ..........
امل: .....الله يخليكي مرت عمي خليكي حنبي بهالشغلة ماتصفي ضدي قدام لؤي.
ام لؤي: .....انا موضدك والله بس كيف بدي اقنعو بشي انا مو مقتنعة فيه .....بس كرمالك رح قلو ازا وافق .
مسحت دموعا: ....وليش لحتى مايوافق انا عهامش حياتو ليه ليرفض انتي وتحسنت صحتك والحمدلله وحبيبتو تزوجا شو ضل بعد بدو ....يتركني ليريح راسو .
ضلت امل كل اليوم مو عبعضها ناطرة مرت عمها تحكي للؤي وماقبلت تنزل تاكل معهن بنوب.
وقت رجع لؤي من شغلو شافتو امو كان متدايق ماحبت تخبرو لكن وقت رجع المسا من مشوارو طلبت منو يقعد هو ونوال .
ام لؤي: ...اقعدو شوي بدي احكي معك امي بموضوع وبدي نوال تكون حاضرة عليه .
لؤي: ....خير امي شو في .
نوال: تفضلي خالتي .
ام لؤي: ....امي انت هلأ تزوجت البنت اللي بتحبا صح ....وانا صحتي صارت احسن من اول ماهيك .
لؤي: ...الحمدلله .
امو: ....لهيك امي مالازم نفكر بأنانية وننسى غيرنا ومايهمنا حدا تاني بهالدنيي .
لؤي: ....امي لشو بدك توصلي فوتي بالموضوع دغري .
امو: ...رح احكي ضميري انا .....ياامي انا شايفة انو امل وجودها بحياتك متل عدمو يعني مابصير البنت اتضل عنا هيك بلا ماتاخدها زوجة كاملة تعتبرها متلا متل نوال .
نوال: .....شو يعتبرا متلا متلي .
ام لؤي: .....لا تسبقي الكلام يانوال ليش هو شايفها اصلا .
لؤي: .....امي شو هالكلام ولشو بدك توصلي فهميني .
امو: ....بصراحة يااامي انا من رأيي امل حرام تبقى عوضعها هاد يعني لازم تعيش متلها متل باقي هالبنات المتزوجات .
لؤي بعصبية والدم عم يغلي بعروقو: .....امي هاد مو كلامك ..انتي من يومك بتحبيها لأمل ومابتحكي كلمة عليها ....بس هالمرة هالكلام مو من عندك .
اتطلع بنوال وزورها .
نوال: ...ليه عم تتطلع فيي هيك انا مادخلني بشي .
ام لؤي: ....لا ياامي نوال مالا علاقة بالحكي اللي عم قولو .
لؤي جن: .....لكان شو لزومو هالكلام .
امو: .....بصراحة ياامي امل هيي اللي قالتو .
لؤي : ......امل !
امو: ....اي ياامي امل طالبة الطلاق .
لؤي: ......نعم نعم .....هي نغمة جديدة .
امو: .....والله معها حق ...البنت قاعدة لا معلقة ولا مطلقة وانت مو حاسبها مرتك متل نوال من يوم اللي كتبت كتابك عليها مافي محبس بأيدا لمبارح ومن يوم اللي دخلت هاللبيت ماخصيتها بشي الها منك انت ....وغير كل هاد انت مابتحبا حتى انك مافكرت تاخدا متل مااخدت نوال صح يالؤي .
لؤي : .......المعنى شو .
امو: ....بدها الطلاق بتقلي الكل شايف حياتو وانا صار لازم شوف حياتي كمان .
عصب بشكل جنوني : .....شو يعني بدها تتزوج.
امو: ....هيي وقت سألتها قالتلي انا مابفكر بالموضوع ...بس ولو فكرت لقدام من حقها (وقتها بلشت امو تغيظو لتطالع اللي مخبى جواتو ويعترف ازا في بألبو شي لأمل والا لأ) يكون عندها رجال يحميها وياخد بالو منها ويحبها ويعطيها اللي انت ماعطيتها اياه ....يعني يشوفها مرة الو تصون بيتو يحبا وتحبو يحسو ببعض ......حاجتا قاعدة هيك عندك .
لؤي وغضب الكون كلو بعيونو: .......انا خلي رجال تاني يلمس امل .......امل اليييي ......امل الي انا مو لغيري وازا بتفكرو اني ممكن طلقها بتكونو غلطانين..مارح طلقها ورح حاسبها بس لأنو اجى ببالها هيك شي .
نوال: ......لؤي ليش لأ ازا هيي مابدها اياك ...وبجوز تكون يعني انا عم قول بجوز تكون حابة حدا لهيك عم تطلب الطلاق.
لؤي بصراخ: ......نواااااال هلأ بقوم بكسر البيت كلو فوق راسك ...اصلا ماطقت براسا هالفكرة الا اليوم معناها اكيد واصلا كلام عن موضوع المحبس او بجوز سمعتك مبارح.
نوال: ......ازا هيي هيك بدا ليش انت لتتدايق ...طلقها وخلينا نعيش حياتنا.
لؤي: ..مستحيييييييل مابطلقا لو بتطقي نصين ....وهديك حسابا عندي .
دخل لؤي لعندها وكان حاطط الشر بين عيونو .
لؤي: .......شو الكلام اللي قايليتو لأمي .
امل: .....خبرتك مرت عمي.
لؤي: .....بدك تتطلقي ...ليش اااه ليش ....انا اسأتلك شي ....
حسستك اني متدايق منك ...زعجتك شي .
امل: .......بجوز لأنو ماعملت ولا وحدة من هدول .
لؤي: مافهمت .
امل: ....لؤي ....صار لازم تشوف حياتك وانا شوف حياتي .
لؤي: ......بدك تتزوجي يعني.
امل: ....ماعم فكر بهالموضوع.
لؤي: ....اي لكان شو بدك .
امل:...بدي استقر بحياة عادية هادية بدي حس بكل اللي قلتو هلأ .
لؤي : ....وازا قلتلك مارح طلق.
امل : .....ليش لؤي ...ليه باقي علي انت مابتحبني وتزوجت من البنت اللي بتحبا ....لا تفكر بأنانية واتركني شوف حالي .
قرب منها ولزقها فيه مافي شي بيفصل بينهن: ......امل انا تعودت عليكي مستحيل شوفك مع غيري او حس انك لغيري مستحيل اتركك تروحي مني ...انتي الي انا عم تفهمي .
امل عم تتنفس بصعوبة من قربو منها: ......الزواج مو تعويد وبس .....الزواج حب مشترك عطاء تبادل بكل شي بالمشاعر والاحاسيس حس فيك وتحس فيي تقدملي وقدملك ...شوفك بعين الرضى وتكون مالي عينك مني وتحس بوجودي ماكون بس وسيلة لراحتك وراحة غيرك .....حس فيي مشان الله .
لؤي عم

معها رقصة رومنسية ..
لؤي: .....امل بدي اعتزر منك عن تقصيري وتأخيري لشوفك عروس الي بهيك يوم .....حقك علي .
امل: .....عملتلي هيك لتقنعني ابقى معك .
لؤي: ....لا وربي مو مشان هيك عملت هيك لأثبتلك انو مافيي عيش بدونك ولقلك اني .........بعشقك ....بحبك ياامل ....بحبك بموت فيكيي .
امل: .......
لؤي عم يضحك عمنظرها وهي مصدومة: .....ههههههههه لك اي حبيبي بحبك بحبك ....بدك اياني طلقك ماااااا ليش قالولك عني جنيت لخلي كل هالحلاوة وهالرقة تروح لرجال غيري .
امل: لؤي انت عم تحكي جد والا انا عم احلم والا شو .
لؤي: .....ههههههه لك ياروح البي انتي ماعم تحلمي وانا هلأ ضامك وعم ارقص معك وعم اتطلع بعيونك اللي بيفتنو واللي رح .......اخدك الليلة وخليكي كل الليل بحضني واعملك زوجة كاملة ...والا شو رايك مابدك تجيبيلي عتريس وحنفي ووطفة .
ضحكت امل وخجلت : ....لك شو هالأسماء لؤي .
لؤي: .....اي انا هيك ماعجبك ارجعي جيبو غيرهن وسميهن عزوئك بس من هلأ انا ابو عتريس مشي .
ضحكت امل وضمتو ضمة كبيرة وماسدقت انو الدنيي واخيرا ضحكتلا .
صارت لامل حفلة اكتر من رائعة صحي هيي صغيرة بس كانت رومنسية كتير مليانة حب وشوق وكلام غزل ونظرات جريئة .
اللي فهمتو امل انو نوال زعلت كتير من لؤي وقت قرر يعمل لامل عرس صغير وانو كان بقيان عليها ومابدو يطلقها لانو تأكد.من حبو القوي الها .
بعد يومين ....
لؤي: .....اي دكتور خير طمني كيف صارت.
الدكتور : .....بعتزر منك يالؤي بس المدام اجهضت .
لؤي: .....شووووو اجهضت ليش كانت حامل .
الدكتور: ...اي كان الها شهر ونص .....عوضك عألله.
دخل لؤي لعند.نوال وكانت دبلانة وتعبانة كتير .
لؤي: .....حمدالله عسلامتك ياروحي .
ماردت عليه ولا التفتتلو .
لؤي: .....لك نوال ليه ماخبرتيني انك كنتي حامل .
نوال: .......شو كنت رح تعمل كنت رح تغير رايك وتبطل تعمللها عرس .
لؤي: .......لك شو دخل هي بهي .
نوال. .....دخلا ......دخلا انو انا مااستحملت شوفك عم تنزف لمرة غيري .
لؤي: .....لك ماانا انزفيت الك وقداما وماحكت شي ولا عملت شي .
نوال: ....لانك ماكنت تحبا .
لؤي: ....اي وحقا انو اعمللا عرس وقت اتأكدت اني بحبها كمان وصار الوقت انو اعطيها حقها موو.
نوال: ...اي وانا بطلت تحبني .
لؤي: ....لك ليه هيك عم.تقولي انتي بتعرفي شو انتي عندي صح .
صارت نوال تبكي .
ضمها لؤي لصدرو : ....خلص ياروحي ولا يهمك الأيام جاية وبازن الله رح بترجعي بتحملي من جديد وبتجيبيلي بنوتة قمر متلك واللي راح الله بعوض فيه .....بس بدي اسالك كيف اجهضتي وقعتي والا من الزعل .
نوال بجرأة : ......لا ماوقعت انا اجهضت حملي قصدا .
لؤي بصدمة كبيرة: .......شووووووووو ...شو قلتي .
نوال: ....اي لؤي انا مابدي منك ولاد.
لؤي: .....لك انتي شو عم تقولي نوال ...قتلتي ابني .
نوال: ...اي ...اي قتلتو لحتى مايكون عندو مرت اب .
لؤي: .....لك انتي جنيتي لك كيف فيكي تقتلي ابني .....لك مو هاد اللي كنت انا وانتي ناطرينو ...مو هاد اللي كنا نحلم فيه ونربي سوا ....مو هاد كان ثمرة حبنا .....لك جنيتي انتي .
نوال عم تبكي : ...لأ ماجنيت ....انا مابدي ولاد منك ...بتعرف ليش ....لاني بدي منك اتطلقني عم تفهم .
لؤي: .....هي نغمة جديدة كمان .....لك انتي وعيانة عحالك شو عم تحكي او عم تخبصي .
نوال: ....اي وعيانة وانا ماعم خبص عم احكي وانا بكامل عقلي وماجنيت ....مستحيل اقبل انو ابني يكون عندو مرت اب .
لؤي: ....لك ليش مين اللي رح يربي مرت ابو والا انتي .....شفتي انك انانية من اول ماتزوجت امل وانتي عنفس انانيتك يوم اللي كتبت كتابي عليها حردتي وتركتي البيت وماهمك انو امي مريضة وانو زواجي من امل كان بس مصلحة كرمال امي وهيي كانت فهمانة هالشي ...وهلأ كمان بينتي انانيتك انو اسمحلا تكون زوجة بعد سبع شهور زواج منها وفوق كل هاد قتلتي ابني ...لك ابني شو دخلوووووووووو ....ردي ..ابني شو دخلووووو ......الله لا يسامحك يانوال ...الله لا يسامحك .
تركها ووجعوبألبو كبير كتير كان لؤي يحب الاولاد كتير وبيتمنى طول عمرو يجيلو ولاد.كتير لانو وحيد لأمو وكان محروم من العزوة والاخوة لهيك قرر يجيب ولاد كتير ليعوض النقص اللي عندو وكان حابب يجي ولادو من نوال حبيبتو ...ومن بعد ماحب امل كمان فرصتو زادت انو يجيب ولاد اكتر .
رجع عالبيت وخبر امو وامل باللي صار .
زعلت امل انو كل هالشي صار بسببها وصارت تلوم بحالها قدام لؤي وامو .
لؤي : ....لك امل انتي مادخلك ....نوال جنت عالآخر لك ليش لتنزل الولد شو دخل زواجنا بالولد .......مستحيل خلي هيك مرة عزمتي .
جنت امل : ......لا لؤي حرام لا تكسر بخاطرها اكتر ...هيي هلأ مجروحة اكيد لأنو سقطت حملا وهالشي رح تكتشفو بعدين ...وموجوع البها بسبب زواجنا كمان ...بس مو تقوم انت تزيدها عليها واتطلقها كرمالي عندك .....برحمة ابنك الي راح ماتعمل هيك .
صار لؤي يبكي متل طفل صغير: .....ابني لك ابني هيي اللي قتلتو ....كيف بدي سامحها والا اتطلع بوجهها .
امو:

عادل:عدنان وائل اعرفولي مين الي عمل هيك والله لاحرقو ورح جيب حقها اخخخ من هالبيت صار كل واحد عم يعمل ع الي بدو ياه
لؤي :سما قومي ما بصير انتي قويه قومي وبوقفها وبتوقع
عمر:شو عم تتفرجو نادو ع الممرضه العمى
لؤي بحملها وبحطها بغرفه
Telegram:@rwayate
الممرضه :ممكن تطلعو لبرا
نسرين:طلعو انا رح ابقى
شو كيفها
الممرضه :اعطيتها مهدى لازم ترتاح كتير منهاره وضغطها نازل
نسرين:اي يعني ما رح تفيق هلا
ممرضه:اي اعطيتها منوم
نسرين:بكون احسن
طلعت الممرضه
لؤي:كيفها
ممرضه:اعطيتها مهدى
لؤي:يعني ما رح تفيق هلا
ممرضه:لا بجوز تفيق بس بترجع عطول تنام رح ارجع شوفها المسا
لؤي:اوك
عمر:مسكينه كانو كتير قراب من بعض بس بهاد البيت ما في شي بدوم
راح يشوف سما
ضل قاعد عنا كل الوقت
سما:بصوت مبحوح امير
لؤي:اييي سما انتي منيحه لا تخافي امير منيح وليكو بغرفتي لا تخافي عليه
سما:بد دي ش ش وو فو
لؤي:شو ما عم افهمك
سما:....
Telegram:@rwayate
عمر:بعدها نايمه
لؤي:اي ليش
عمر :حبيت اطمن عليها شو رح تبقى هون
لؤي:اي
عمر:قصدي سما ما رح تنام بغرفتها اكيد يعني كيف رح تطلع بهيك حاله
لؤي:اااه لا لا تخاف انا بطالعها
عمر:ليش تعب البنت خليها نايمه
لؤي:اي خليها نايمه
عمري:لك شو عم تعمل
لؤي:انت امسك السيرون وخليك ورايا
عمر:افففف منك ها كانها فاقت
لؤي:سما لا تخافي نامي انا لؤي
سما :ا ا مير
عمر:لوين اخدها
لؤي:افتح الباب خلصني
عمر:لشوف لوين رح توصل
امير:سمااا عمو لؤي شبها سما
لؤي:مرضانه شوي لا تخاف خليك جمبا اي
امير:عمو عمو
لؤي:شو في
امير:سما سما دم
لؤي:شوو وين
امير:ايدا
عمر:السيرون انفك
لؤي:كيف صار هيك
Telegram:@rwayate
امير:سما هي الي فكتو
لؤي:اييي
عمر:بعد هيك بعرف اعمل غير هات ايدا
لؤي:بظن انو في ممرضه
عمر:الشغله مو محرزه
وعملا ياه
امير:يبكي
لؤي:ليش عم تبكي
امير:ايمت بدا تفيق
لؤي:بعد شوي
صارت الساعه 9 المسا
سما بتصحى بتلاقي امير نايم جمبا وماسك ايدا
ولؤي نايم ع كرسي جمب التخت
سما:تزكرت نرجس وصارت تبكي بس بلا صوت مشان امير
بفيق لؤي :هسس لا تبكي
سما:راحت 😭 😭
لؤي:بوعدك اعرف مين قتلا
سما:امير عرف
لؤي:لا اوعك قلتلو انو سافرت بشغل لاسبوع
سما:اخخ ايدي بدي شيلو
لؤي:اصلا خلص بس لا تشليه الممرضه رح ترجع
سما:بس انا منيحه
لؤي:حتى ولو
سما:ممكن اطلب منك طلب
لؤي:اكيد اتفضلي
سما:بدي اطلع
لؤي:......
سما:والله تعبانه ضاق خلقي من القعده نفسي امشي شوف الدنيا العالم والله ما رح اهرب وخليكي اخد امير معي وانت كون معنا الله يخليك
لؤي:طيب بس مو هلا بكرا
سما:بجد
لؤي:اي
سما:ونسرين وعادل
لؤي:شو دخلن
سما:رح يمنعوك
Telegram:@rwayate
لؤي:لا تخافي تركي هي عليي
سما:اي
لؤي:الو اي يلا تعي اي فاقت
ممرضه:كيف صرتي
سما:احسن
ممرضه :هاتي ايدك
سما:شو هي
ممرضه:لا تخافي هي مجرد ابرا لحتى تهدي
سما:بس انا منيحه طلعت ب لؤي وهزلها براسو انها ترضى
سما:اخخخ
ممرضه:الحمدالله ع سلامتك
سما:الله يسلمك
لؤي:ليش خفتي منها
سما:انا ما عاد اوثق بحد بهاد البيت
لؤي:معناتو ما بتوثقي فيي
سما:بحسك مو من هالبيت اكيد بوثق فيك صحيح انا شو بعمل بغرفتك
لؤي:بترقصي
سما: 😕
Telegram:@rwayate
لؤي:شو يعني حابه اخدك ع غرفتك مشان تكوني الضحيه رقم 2 وبعدين امير رح يضل هون وانا هيك بضمن سلامه امير انتي بتبقي معو وانا هون ما حد بسترجي يفوت لغرفتي
سما:وامك
لؤي:امي عادي
سما:لا اه
لؤي:شو حاسس بدك تحكي شي
سما:لا بس نعست
لؤي:نعستي لك كل اليوم نايمه
سما:والله نعست
لؤي:طيب نامي
............
نسرين:شو اعطيتها ياها
ممرضه:اي بس حستها شاكه
نسرين:مو مهم المهم اخدتها
عادل:برافو عليكي هي تاني ابرا تاخد اليوم
نسرين:قلتلي لازم تاخد خمس ابر وكيف بدنا نعطيها الباقي
عادل :لازم نعمل شي يخليها تنهار او اي شي
الممرضه:من هالابرا رح يصير معا دوخه كتير
نسرين:تمام هيك فينا نكمل بلا شك
ممرضه:اي
عادل:من وين جبتي هالفكره
نسرين:هلا هي اكيد عرفت بكلشي واكيد رح تعمل شي مشان تكشفني بس قبل هيك انا فكرت وقلت انا رح ارميها بالفراش بس خلص منها
عادل:اييي بس مبين انو بحبها خلص خلينا نبلش بالخطه
نسرين:اصبر بعد بكير
هلا رح يصير معا دوخه ونعس كتير وهيك ابني رح يثبتلي انو بحبها او لا وكمان بكسب انو ما فيها تعمل شي لانو ما رح تقدر توقف حتى
عادل:ما توقعتك كل هالقد قويه
نسرين:لكن
تاني يوم
Telegram:@rwayate
امير :سما سما سما يا الله قومي بقى
لؤي:شو لهلا ما فاقت
امير:ليش هيك صارت خم نوم
لؤي عم بهز ب سما:سما قومي سما امير هات كاسه المي
كب المي عليها
سما:يححح شو هاد
لؤي:سنه تا تقومي
سما:لا بس ما بعرف
لؤي:شكلك مو مصحصحه روحي اتحممي لبين ما ننزل نفطر اناووامير
سما:اي
راحو
سما قامت بس مو قدرانه توقف صارت تستند ع الحيط
سما:يا ربي شبني