📚قصص||روايات||منوعة📚

سحر( تبكي): كذب انا ما عم لاحقو , هو يلي عم يلحقني و انا ما كذبت عليكي , نحن كنا رفقات ايه بس انا حبيتو و هو حبني , بس وقت سمعت انو رح يخطب بنت خالو تركنو ...خدي شوفي اكام مرة داققلي و باعتلي رسائل بس انا ما عم رد عليه
سوزان: احسن ما تردي, هاتي الموبايل لايدي
سحر: خلص قلتلك ما رح رد
سوزان : معلش هاتيه , انا يلي رح رد عليه
سحر:هو ما دخلو , امو هي السبب , بس عرفت انو بحبني , ركضت تفض الشراكة بين ابي و عمي و تخطبلو بنت خالو
سوزان: ايوا , كل هالقد خايفة بنت من بناتي تاخد واحد من اولادا , شو هالكره
انا و عم احكي معا , فاتت سالي
سالي: بعدك عم تبكي عليه لحبيب القلب,اصلا بعد ما عمل عمك بابوكي هيك ,لازم ما يناطق لسانك لسانو
سحر: اسمعو مين عم يحكي , قولي لحالك هالحكي , اعملي حساب لامك كمان
سالي: سحر , ما تخبصي
سوزان: شوفي , قولو
سحر: امي سالي بتحب عامر
سالي: سحر اخرسي , امي ما تصدقيا
سوزان: مين عامر ؟
سحر: عامر ابن خالي ناصر
سوزان : م ي ن ....ابن مين !!!!!!!!!!!
سحر: ابن اخوكي
سوزان: سالي ..شو هيدا يلي عم اسمعو ..وين انا ....نايمة على داني ....هيك بتكافؤني لانو وثقت فيكن
سالي: ما متل ما انت مفكرة , نحن زملاء بس
سحر: ما تكذبي على امك , كيف زملاء و هو اصلا متخرج من الجامعة و بيجي على جامعتنا كرمال يشوفك
سالي: سحر بدي شلك
سحر: امي و خالي بيعرف كمان و راحت سالي زيارة لعندن كذا مرة و انا نبهتا و قلتلا امك بتزعل اذا سمعت بهالشي
قعدت على التخت و انا مصدومة
سوزان: انت ما بتعرفي ابوه شو عمل , قتل ستك
سالي:ستي خلص عمرا
سوزان: ستك ماتت مجلوطة منو , اكلا حقا و حقنا , اسمعي على الجامعة ما بقا الك روحة و هاتي موبايلك انت التانية كمان , باعتتكن لتدرسو و تتعلمو بالجامعة ما كرمال تحبو و تعشقو
سالي: امي....
سوزان :سالي , ما تحكي معي ولا كلمة , هاتي لايدي و انا لسا ما حكيت لابوكن و اذا حكيت , رح يسحبكن من الجامعة و يقعدكن تشطفو و تجلو بالبيت , و اختك سارة ؟
سحر: شبا ؟
سوزان : حاببتلي حدا التانية ؟
سحر: لا
سوزان : منيح , اصغر وحدة فيكن فيها عقل اكتر منكن
اخدت موبايلاتن لسالي و سحر و فتت على غرفتي , رن موبايل منن , كان المتصل فادي, فتحت الخط و سكتت
فادي : سحر و اخيرا رديتي , ولله بحبك الك و مستحيل اخطب بنت خالي , ما واثقة فيني , سحر
سوزان: انا اما لسحر , سوزان
فادي : اهلين مرة عمي
سوزان : فادي اذا بتريد ما بقا ترجع تتصل ببنتي و موبايلا رح يضل معي لتشتري رقم جديد
فادي : مرة عمي انا ...
سوزان : اذا بتريد اتركا تلتفت لدراستا ومبروك الك سلفا على الخطبة و حتى لو ما اخدتا لبنت خالك , عمك ما بريد هالشي و اذا سمع سحر رح تضرر كتير و رح يحرما من روحة الجامعة
فادي : انا شوذنبي لتاخدوني بجملة ابي , انا ما كنت موافق على الشي يلي عملو
سوزان : فادي انت متل ابني ....ما تعب حالك , انت و سحر مستحيل تكونو لبعض
الجزء التامن:
سكرت الخط و اخدت نفس و قمت عملت فنجان قهوة الي و طلعت قعدت بجنينة البيت , اجا زوجي و ما خبرتو شي , ما حبيت زيد عليه و هو مدايق من شغلو الدائر , تاني يوم الصبح لبست و رحت زرت قبر امي و خالتي فاتن ,هون كانت اخر مرة شفتو لناصر من عشر سنين و ما بقا حطت عيني عليه بعدا , ما بعرف كيف صار , نصح ولا ختير , مبسوط الا مهموم , بعدو حاسس بتانيب الضمير الا مرتاح , انا و راجعة مريت على مرة اخي حامد لينا و شربت قهوة عندا
سوزان:لينا بدي اسالك شو اخبارا سلفتك ,مابتعرفي عنا شي؟
لينا: ما بعرف كتير ولله, بتعرفي حامد ما بطيق نجيب سيرتو لناصر و لا حتى سيرة عيلتو بس بعرف انو ابنا عامر الكبير تخرج من الجامعة كلية تجارة و اقتصاد و عم يشتغل مع ابوه بالتجارة , و ابنو معمر عم يدرس تجارة و اقتصاد كمان و الابن التالت رائد ما كمل دراسة, سمعت انو هيدا معذب اهلو كتير
سوزان: امممم, ايمت بيرجع حامد من الشغل؟
لينا: على السبعة
سوزان: بيتاخر, طيب انا معناها بدي روح , كنت حابة شوف معتز و راما , يلا لغير مرة و انتي تعالي قضي شي نهار عندي
لينا: انشاللله , بلكي هاليومين منجي نسهر
سوزان: اهلا و سهلا فيكن
رجعت على البيت , وانا على الطريق رن موبايل بجزداني , كان موبايل سالي ,و الاسم محطوط باسم نهال, ما رديت , رجع رن اكتر من مرة , رديت, كان صوت شاب
سوزان: مين معي ؟
مجهول: عفوا شكلي مخربط ,هيدا الرقم ما لسالي؟
سوزان: ايه و انا ااما , مين حضرتك؟
مجهول:.......
سوزان: الو ....الو
مجهول : احم عمتي انا عامر
سوزان: عامر , اسمع ما بقا ترجع تتصل لهون و بسببك بنتي هلا محبوسة بالبيت و ابوا حرما من الطلعة و الفوتة
عامر: عمتي
سوزان: ما تقلي عمتي , انت ما عندك عمة

سلوى:اسمعي يا غبية هالفترة ما بتروحي على الجامعة ،و موبايلك رح يبقى معي و رح يبقى مقفل

سحر:و بلكي فكرني عم اتهرب منو و نفذ تهديدو و نشر صوري و بكل الجامعة ،وقتا انا خلص مستقبلي و حياتي بتدمر

سلوى:يا فالحة ليش ما فكرتي بمستقبلك قبل ما تعملي هالعملة،ما ضل في شي اسمو مستقبل الك ،خلص انت انتهى وضعك انت ادمرتي و رح يفضحك بكل الاحوال و تصير سيرتك على كل لسان و ما رح يتزوجك ،بتزوج وحدة عندا كرامة و اخلاق ما متلك بس شو ذنبي انا و شو ذنب اختك سندس لنروح بجملتك..

رن جرس البيت ؛تركتا عم تبكي و رحت فتحت الباب و طلع بوجهي اياد ،تلبكت و رجعت خطوتين و انا عم زبط شعري كنت لابسة بجامة و رابطة شعري كعكة ؛انتبه على الفوضى يلي صارت فيني من شوفتو

اياد:بعتذر جيت من غير ما خبرك بس انشغل بالي و دقتلك ما رديتي

سلوى:اه عفوا بعتذر ما انتبهت

اياد:رح تتركيني واقف هون و الا بتفوتيني بتشربيني قهوة؟

سلوى:تفضل

فات و لحقتو و انا محروجة من وضع بيتي و من المصيبة يلي انا فيا ،اول ما شافتو سحر ،قامت و راحت على غرفتا بسرعة و انا فتت حطيت على الركوة و رجعت قعدت

اياد:شكلي جيت بوقت غير مناسب بس ما قدرت ابقى بعيد ،شو صار معكن؟

سلوى:ولاشي ،ما رح خليا تروح على الجامعة بالوقت الحالي

اياد:بس هيدا ما حل ،كل بنت بتمر بهيك مرحلة مراهقة و ...

سلوى:ما كل بنت بتعمل يلي عملتو سحر ...على كل حال هاي اختي و انا ادرى بمصلحتا

انا و عم احكي مع اياد ،انفتح باب غرفة سحر و طلعت هي و وجها اصفر و قبل ما تخطي خطوة وقعت على الارض ،ركضت عليا انا و اياد

سلوى:سحررر سحرررر اصحي شوصرلك

شفت بايدا ظرف مانع الحمل شاربتو كلو

سلوى(تبكي):سحر شو عملتي بحالك يا مجنونة

حملا اياد و طلعنا فيا على المشفى،دخلو على قسم الاسعاف بسرعة و بقيت انا واقفة برا و عم لوم حالي اني انا السبب لانو قسيت بكلامي عليا و اياد كان عم يهديني حتى طلعت الدكتورة و طمنتنا عن صحتا و انو صار معا نزيف و قدرت توقفلا اياه

سلوى:خلص اياد فيك ترجع على شغلك ما بدي لبكك اكتر من هيك معي

اياد:لا شو عم تحكي رح ابقى معك ما رح اتركك و الشغل ملحوق عليه

نقلوا لسحر على غرفة منفردة و نحن لحقناها،كان وجهها اصفر كتير،بقيت بالمشفى بدون ما حس عالوقت حتى صار وقت رجعة سندس من المدرسة ،ما كنت عارفة شو اتصرف حتى اياد اقترح علي انو ارجع على البيت كرمال سندس و هو يبقى عند سحر لبين ما ارجع ،رجعت بعد ساعتين و معي سندس على المشفى و اصريت على اياد انو يرجع على بيتو ،تاني يوم الصبح انا و عم جهز سحر لنطلع من المشفى ،اجا اياد

اياد:يلا رح انطركن تحت بالسيارة

سبقنا و نزلنا انا و اخواتي ،سبقتني سندس وهي عم تهدي سحر عليا و انا جيت لادفع حساب المشفى بس خبرتني الكاشير انو الحساب واصل و مدفوع ،عرفت انو اياد دفعو ،خجلني كتير بكرمو و بوقفتو جنبي بهالمحنة ،وصلنا على االبيت وسبقوني اخواتي و انا وقفت معو اتشكرو

سلوى:عذبتك معي شكرا الك و فاتورة المشفى خصما من راتبي لقدام

اياد:رح بزعل منك هيك ،ما بقا بيناتنا هالشي من يوم و رايح ، انا اعتبرت سحر متل اختي؛على كل حال ما رح اخرك هلأ بس بدي منك ترفعي بمعنويات اختك و كل شي بيتصلح

سلوى:انشالله

اياد:و انا ما رح اتركك ابدا ،طول ما معك اياد ما تخافي من شي ابدا

ابتسمت نزلت راسي و انسحبت بهدوء انا و خجلانة مشيت للباب و التفتت براسي شوي و شفتو بعدو واقف و عم يطلع فيني؛ابتسم و اشرلي بايدو ،فتت على البيت و سكرت الباب و حطيت ايدي على قلبي

سلوى:يا رب سبحانك ما بتقطع بحدا و بتبعتلي اولاد الحلال بطريقي

فتت لعند سحر على غرفتا و اعتذرت منا على كلامي القاسي

سلوى:كل شي بتصلح ،كنت رح اخسرك بثواني ،وجودك بحياتي اهم من كل شي يا سحر ما بتعرفي اديش انا بحبك و بحب سندس انتو كل حياتي و مستعدة موت كرمالكن و ما حدا يأذيكن او يجيب سيرتكن بالعاطل

لفتني و هي عم تبكي

سندس:هلا انا متل الاطرش بالزفة ،ما رح تفهموني شو القصة

اطلعنا فيا لسندس

سلوى:قلتلك ما في شي ،سحر تعبت نفسيتا شوي من ضغط الدراسة و اخدناها عالمشفى هاي كل القصة

سندس:ها طيب رح اعمل حالي انو صدقتكن

سلوى:سندس!

سندس:طيب طيب

كان اياد كل ساعتين يتصل فيني و يطمن عن سحر و وضعا الصحي و يسالني اذا ناقصنا شي ،و انا كنت متلبكة من اهتمامو الزايد و بنفس الوقت مبسوطة كتير لانو حسيت في حدا واقف جنبي و في رجال خرج اعتمد عليه و اثق فيه لهيك خبرتو لاياد عن قصة سحر تاني يوم وقت اجا لعنا ،كان جاي و معو اكياس كتير ،خجلت كتير منو وشكرتو على ذوقو

اياد:يا لطيف بس من اولاد الحرام،اسلوبو كتير واطي

سلوى: اياد بس الحق على اختي ،من طول عمرن اولاد الحرام موجودين بس نحن يلي لازم نكون واعين و ما ندخل حالنا بهيك قصص

اياد:اختك حبتو و الانسان وقت يحب بيعطي للاخر ،ما عاد.بميز حدود حتى الغلط بشوفو صح او ببررلو باسباب بشوفا هو وحدو منطقية ،و نحن البشر منفكر كل الناس بتفكر متلنا لهيك اي تفكير او تصرف مابمثلنا منستهجنو ،بس انا ما بدي تفهمي انو انا مع اختك سحر ،لا لا لا انا ما معا ابدا بس هي هيك فكرت انو ممكن تساعدك و تقيم حمل عنك بمصروفا ،هيك حدود تفكيرا ما فيكي تلوميا كتير لازم تفهمي السبب و الدافع قبل ما تقيمي تصرفا و الدافع كان بريء و شريف كتير بس الاسلوب و النتيجة غلط ،فهمتي علي ؟

كنت عم اطلع بعيون الاعجاب باياد،شاب ناضج و واعي و رايق و كل كلمة بيحكيا كانت بمحلا

سلوى:اي فهمت بس شو الحل و الخلاص من هل الفضيحة و انا متأكدة انو ما رح يتزوجا ؟

اياد:بسيطة بس تتحسن خليا تعطيني اسم االشاب كامل و عنوان سكنو يعني اي معلومات بتعرفا عنو و انا بتصرف

سلوى:كيف بدك تتصرف؟

اياد:هيدا يلي عملو اسمو ابتزاز و بيتحاسب عليه و بينحبس ما تخافي ابدا ،ما رح يأذي اختك او يسترجي يقرب عليا ابدا او ينفذ اي شي من تهديداتو ،اطمني و اوثقي فيني

سلوى:طيب اول ما تتحسن سحر رح اخد منا كل معلومات يلي طلبتا مني و بالنسبة للشغل انا رح حاول...

اياد:معك اجازة مفتوحة ،لنخلص من هالقصة بترجعي على الشغل،هلأ اختك اولى بوجودك جنبا

سلوى:انت عم تخجلني كتير بكرمك و ذوقك و وقفتك جنبنا ما رح انساللك هالموقف ابدا

اياد:اي حوشيلي اياه الا ما يلزم و ترديه هههههههه،يلا انا رح امشي مع انو ما حابب اتركك بس عندي شغل

سلوى:ماشي

طلع اياد من عندي و انا قلبي عم يرقص من فرحتي بوجود اياد بحياتي بس كنت خايفة كتير من هالفرحة انو تخلص او تنعكس ،بعد يومين خبرت اياد كل المعلومات عن الشاب

اياد:ايه عرفتو هيدا ابوه عندو مكتب صرافة بس ابوه منيح و سمعتو مسك ليش ابنو هيك طالع فاشل و ضايع

سلوى:شو رح تعمل هلأ؟

اياد:رح حكي ابوه لانو ابوه كان رفيق الوالد قبل ما يتوفى و هو بينبه ابنو و بيعاقبو بطريقتو و اذا رجع دايقا لسحر وقتا منبلغ الامن عنو بس ازبط نخبر ابوه كرمال الفضايح

سلوى:طيب ،خبرني شو بصير معك لانو سحر ما عم تنزل على الجامعة خايفة منو يرجع يهددا مرة تانية

اياد:خلص ما تاكلي هم؛انا حطيت الموضوع براسي

انا رجعت على شغلي و سحر بقيت هالفترة بالبيت لبين ما تخلص هالقصة ،بعد يومين بعت وراي اياد لاطلع لعندو على المكتب

اياد:تفاجئ اول ما سمع شو مخبص ابنو حتى الشقة ما كان بيعرف فيا ،المهم وعدني انو يعاقب ابنو و يضبو ،بقا خبريا لسحر ترتاح و تنزل داوم بالجامعة

سلوى:شكرا كتير الك ،طيب انا معناها لازم انزل كمل شغلي

اياد:ماشي ...سلوى لحظة شوي

سلوى:ايه

قان وقف و اجا لعندي

اياد: انت بتهميني كتير ،و مانك بالنسبة الي متل اي بنت بتشتغل عندي ،انت صرتي الك مكانة بقلبي و مكانة غالية

احمر وجهي و سكتت و ما عرفت رد عليه ،ابتسم ابتسامة اقرب للضحكة

اياد:ما رح خجلك اكتر من هيك بس حبيت عبر عن جزء صغير بس من يلي عم حسو اتجاهك و انشالله تكوني عم تبادريني نفس الشعور،شو؟

سلوى:ايه

اياد:ايه يعني ايه....معناها لتخلص قصة سحر بدنا نلتفت لحالنا شوي .. على كل حال انا ما بستاهل انعزم على فنجان قهوة مكافئة الي يعني

سلوى:اي اكيد بس...

اياد:ماشي خدي وقتك بس اتذكري انو في عزومة عليكي

نزلت للطابق السفلي و لاقتلي بانتصار بابتسامة خبيثة

انتصار:شو القصة ؟شي طالعة و شي نازلة من عندو

سلوى:روحي ولو ما رايقتلك

انتصار:بالله!بدك تخبريني كل شي

سلوى:ما في شي لخبرك اياه و يلي بيني و بين للاستاذ اياد شغل بس

انتصار:الله يسمعنا الاخبار الطيبة عن قريب

رجعت قعدت على ماكينتي و عيون البنات كلن علي و عم يتهامسو بين بعضن ،تجاهلت كل شي حكي انحكي من ورا ضهري انو عم حاول طبق الاستاذ اياد لانو كنت عارفة حالي شو انا و اني ما من هالنوع ،بس كلام اياد طيرني لفوق كتير و حسيت بنشوة الحب يلي كنت اسمع فيا و كان نفسي قلو انا اديش بحبو و بكل مرة بتأكد انو هو الانسان يلي بدي اياه بحياتي و اني حسيت جنبو بالامان و الحب ،رجعت على البيت خبرت سحر يلي تحسنت صحتا انو بتقدر ترجع على جامعتا

من عندن و رجعت على البيت نمت و فقت على سلوى راجعة من شغلا و عم تفيقني ،بس ما رفعت راسي من تحت المخدة ،حست انو صاير معي شي و ما قامت من جنبي الا لخبرتا شو صارمعي

سلوى:واحد ندل و واطي

سحر:ايه على كل حال ما تخبريه لاياد بشي لانو خلص خلصت القصة لهون ،ما رح يعمل اكتر من يلي عملو و انا خلص انتهيت

سلوى:ما تحكي هيك ،خلي يلي صار معك تجربة بحياتك و اعطتك درس ما تنسيه بحياتك؛بالاخر الواحد ما بيتعلم الا من كيسو ،قومي غسلي وجهك و ساعديني بالاكل ما بدي سندس تشوفك هيك

سحر:ما الي نفس اعمل شي

سلوى:سحر بدك ترجعي داومي بالجامعة

سحر:مستحيل بعد هاافضيحة ،ما الي عين حط عيني بحدا ،الكل عم يحكي عني

سلوى:بيحكو شوي و بكرا بينسو و بيلاقو شي تاني يحكو فيه ،قومي يلا ما تخلي شي بهالحياة يكسرك

نخن و عم نشتغل بالمطبخ رن موبايلا لسلوى

سلوى:هادا اياد ...الو

اياد:كيفك سلوى؟

سلوى:لحمدلله كيفك انت؟

اياد :لحمدلله ؛سحر اليوم رايحة على بيت وائل

سلوى:ايه هلأ خبرتني بس انت شو عرفك

اياد:امو التقت بسحر هي و طالعة من عندن اتصلت بامي و قلتلا انو انا حاطط ايدي بالموضوع و عم حمل زوجا على ابنا و عم خليه يقسى عليه و يحبسو بالبيت و خكت كتير لامي لدرجة اول ما وصلت على البيت و قبل ما غير تيابي علقت مع امي

سلوى:يالله ما بدنا نعملك مشاكل مع اهلك

اياد:ليش هيك عملت اختك ليش؟انا كنت عم حل الموضوع بطريقتي ،راحت عملتلي مشاكل الي كمان

سلوى: بعتذر كتير عنا

اياد:حصل خير

سلوى: معك خبر بالصور

اياد:ايه معي خبر بس ماهو يلي ناشرن ،رفيقو بس ما بيتصدق واحد ملعب

سلوى:طيب خلص انا بظن انتهت القصة هون

اياد:و بلشت قصتنا

سلوى:قصتنا !!!ما فهمت

اياد:ما امو لوائل قايلتلا لامي انو انا و اياكي في بيناتنا شي و بلشت امي تحقيق معي

سلوى:شي متل شو يعني بس ما تفكر انو متل سحر و وائل

اياد:لا لا ما هيك ،انا فهمتا منيح انت شو بتعنيلي ،طيب على كل حال ما شي مهم ،ترجع سحر تمارس حياتا الطبيعية و ما تستحي بحالا بتعاود الناس تمل و تلتهي بخبربة جديدة

سلوى:و انا هيك خبرتا

تاني يوم و انا قاعدة بالشغل ،دخلت امو لاياد على الورشة وو هاي اول مرة بتفوت لهون ،فاتت تمشت بين صفوف الماكينات و عم تطلع فينا وحدة وحدة ،بعدين وقفت قبالنا

ام اياد:مين سلوى بيناتكن؟

بلعت ريقي و قمت وقفت

سلوى:انا هي ...انا سلوى

ام اياد:ايه تعي وراي و جيبي اغراضك معك

طلعت من باب الورشة و انا لحقتا و حامل جزداني بايدي ،وقفنا برا بالساحة الخارجية ،طالعت ظرف من جزدانا و اعطتني اياه

ام اياد:هادا راتبك عن هالشهر و زيادة حبة ،خديه و ما بقا بدي شوف وجهك هون ،انا ابني اياد خاطب من 4 شهور بنت خالتو و بعد فترة عرسو ،حرام تتأملي بنتي على الفاضي

سلوى:بس انا و اياد ما...

ام اياد:بعرف ،خبرني اياد،اكيد ابني ما رح يحب وحدة بتشتغل عندو هو خبرني انو شفقان عليكي و على اخواتك انك ايتام

سلوى:شفقان!

ام اياد:بس وجودك هون عم يعملو مشاكل مع الناس و مع خطيبتو ،الله يرضى عليكي حبيبتي امشي من هون و انا فترة و بدبرلك شغل تاني بغير مطرح ،ما رح انساكي

سلوى:اممممم ماشي شكرا الك

حطيت الظرف بجزداني و مشيت انا و مصدومة و طلعت من المعمل انا و مقهورة كتير ،وصلت على البيت و تفاجأت سحر برجعتي بكير ،حكتلا امو لاياد شو حكت معي و اديش انا حسيت بالاهانة و حسيت حالي صغيرة قداما

سحر:كلو من وائل و امو ،هن السبب؛الله يلعنو من فوق ما دمرني ،كمان خربلك حياتك

سلوى:عادي ،انا ما زعلانة ،هاي امو و حقا تخاف على مصلحة ابنا ،المهم اني لاقي شغل تاني

سحر:سلوى ...لحظة

قامت سلوى و فتحت خزانتا و جابت كيس صغيرو رجعت فضت محتواه على التخت

سلوى:شو هدول؟

سحر:هدول هدايا كان يجبلي اياهن وائل،اذا بعناهن بظن يجيبو سعر منيح نمشي حالنا فيه لبين ما تلاقي شغل تاتي و انا رح دور على شغل كمان لانو ما ناوية ارجع على الجامعة هالفترة

سلوى:لا بدك ترجعي

سحر:ما قادرة

سلوى:لا رح تقدري،امشي و انت رافعة راسك و ما تطلعي بحدا ،ما في حدا معصوم من الغلط و غيرك بيغلط بس ما بينفضح بين ناس و انت حظك عاطل ،المهم انك عرفتي غلط و تربيتي منو ،ما تخافي علي انا قد حالي و بلاقي شغل

سحر:طيب بس خدي هدول بيعين

سلوى:لا هدول بدك ترجعين لهل الواطي

سحر:لاااا مستحيل

سلوى:ايه سحر بدك ترجعين و كل شي جبلك اياه بدك ترجعيه؛ليفهم انو انت ما بعتي حالك ،حاولي تستردي شوي من كرامتك يلي خسرتيا معو ،ضبين كلن بكيس زبالة اسود و ابعتيلو اياهن مع حدا يحطن على باب بيتو

سحر:فظيعة انت على هالافكار

سلوى:لانوالمال زبالة مقارنة مع الكرامة يلي ما بتنباع بمال الدنيا

فتت على غرفتي و انا مخنوقة كتير،اكتر شي كان قاهرني انو اياد طلع خاطب بنت خالتو و شفقان علي،ليش ما خبرني ،ليش ما شفتو لابس محبس بايدو ،ليش حسسني بانو مهتم فيني و انو في مشاعر اتجاهي و انا انجرفت ورا هالاحساس و لقيت حالي متعلقة فيه و ع

:ما في مشكلة انا بوصلا

قمر:بس في مسافة 3 ساعات على الطريق

عمار:انا اخدت اجازة اليوم

قمر:طيب ،انا رح روح معك

نهال:لا ،بدي روح لحالي ،انا بدي وقت كون فيه لحالي،انت ارجعي على المطعم

قمر:طيب،رح اتركك على راحتك ،ما رح اضغط عليكي

نزلنا عمارعلى الطريق انا و وليد ،وليد تابع على بيتو لينام و انا تابعت على المطعم و فتت بوجهي على غرفتي و نمت،على الساعة 6 المسا فقت و لبست تيابي و طلعت عند ابوسليم و خبرتو انو بدي اترك الشغل هون

ابو سليم : ليش؟شو يلي صار بينك و بين نهال؟

قمر:سوء فهم بسيط و انحل بس انا حابة اترك الشغل هون و افتح شغل لحالي

ابو سليم :اذا هيك شي تاني و الله يوفقك بس لازم عماد يعرف

قمر:اكيد رح خبرو بس بدي ابقى بالغرفة كام يوم لزبط وضعي و انتقل من هون

ابو سليم:ما في مشكلة خدي راحتك

نزلت على الغرفة ،ما كنت عارفة وين بدي روح و شو بدي اشتغل بس كان لازم اترك الشغل و ابعد عن منال لانو ما رح تتركني بحالي ،بلشت بنفس اليوم دور على شغل تاني مع منامة ،رجعت الساعة 8 انا و تعبانة و فاقدة الامل ،قبل ما وصل شفت عمر واقف قبال المطعم ،ركضت بالاتجاه المعاكس و تخبيت بشارع فرعي ،و بقيت واقفة ساعة انا و كل شوي اطلع عليه حتى ركب الموتور و راح و انا رجعت على المطعم ،كان بدي اطلع من هون بسرعة و اختفي عن عينو لعمر حتى ما بقا يلاحقني ،تاني يوم انا و عم غير تيابي ،فاتت لعندي دانية

دانية:ابو سليم بدو اياكي

قمر:يلا طالعة

خلصت لبس و طلعت لعندو ،شفت عماد قاعد معو و مخبرو اني رح اترك الشغل

عماد:ليش بدك تتركيه ،بعلمي كنت مبسوطة و مرتاحة هون

قمر:ايه بس اخر فترة صار فيه ضغط كتير و انا تعبت كتير

عماد:طيب ملاقية شغل تاني؟

قمر:لا بعدني عم دور

عماد:طيب ضبي تيابك و خلينا نمشي

قمر:طيب

طلعت انا و عماد بالسيارة ،ما كنت عارفة لوين بدو ياخدني و انا بقيت ساكتة حتى حكى

عماد:رح تنامي عند امي...

قمر:عند امك ؟انا ما بدي احرجك ،بدبر حالي

عماد:امي مرة كبيرة بالعمر و انا الي فترة عم دور على وحدة تقعد معا بالليل و النهار و انت جيتي بالوقت المناسب،شو رايك؟

قمر:ايه اكيد بوافق

فتح الباب و فات هو حامل شنتايتي

عماد:تفضلي

فتت انا و متلبكة شوي،صار عماد ينادي على امو،حتى طلت امو ،ما كانت متل ما تخيلتا ،كانت اقوى و انهض من الصورة يلي رسمتا براسي ،عرفني عليا عماد و رحبت فيني بابتسامة هادية

عماد:و قمر شاطرة بالطبخ حسب ما سمعت ،لهيك رح تنبسطي فيا

ام عماد:اهلا و سهلا فيا

عماد:انا نازل على شغلي امي بس انت فرجيا الغرفة يلي بدا تنام فيا و اعتبريا متل بنتك ،شو بدك اطلبي منا ،يلا سلام

ام عماد:الله يرضى عليك ابني ،الله معك

وصلت ام عماد ابنا على الباب و رجعت قعدت معي

ام عماد:ما تخجلي مني،قومي لفرجيكي على غرفتك

ما كنت مرتاحة كتير عند ام عماد بالاول ،بس يوم عن يوم كنت عم اخد وجه عليا و على االبيت؛و هي كانت تثني علي داىما بترتيبي و على طبخي و عماد كان يمر على امو المسا يتعشى و يشرب فنجان قهوة و يروح ،حتى اجا مرة و هو عم يتعشى

عماد:االيوم اجا شاب سأل عنك

قمر:عني انا؟مين؟

عماد:اسمو ...ولله نسيت اسمو
قمر:عمر؟

عماد:لا ...اه تذكرت اسمو وليد ،لحظة شوي
قام ورقة من ايدو و اعطاني اياها

عماد:اعطاني كرتو وقلي كرمال تتصلي فيه ضروري و شدد كتير على كلمة ضروري

قمر:معقول صاير شي مع نهال ،كيف بدي اتصل فيه

عماد:خدي موبايلي

اخدت موبايلو و فتت على غرفتي ،و اتصلت بوليد

وليد:لك وينك ،معقول انت ،نسيتي كل شي حكيناه و اختفيتي

قمر:مضطرة كنت اترك ااشغل

وليد:المهم وصلتلك ،ايمت بقدر شوفك كرمال نروح انا و اياكي لعند عمار كرمال القرض

قمر:انا غيرت رأيي و حاليا عم اشتغل شغل منيح و المنامة مأمنة فيه

وليد:بالله !قمر هاي فرصة دهبية قدامك؛ما اي حدا بيقدر يحقق حلمو و يكسب من موهبتو ،انا ما معك ابدا ،خلينا نقعد مع عمار و نسمع منو و بعدين قرري

قمر:ما بعرف،كيفا نهال؟

وليد:منيحة احسن ،عمار كل عطلة بيطلع لعندا و بيطمن عنا

قمر:ما سألت عني؟

وليد:ما بعرف ولله لانو ما عم اقعد منيح انا و عمار نحكي ،كنا نلتقي بالعطلة و هلأ بعد ما صار يطلع لعند نهال ما بقا قعدنا مع بعض متل اول

قمر:اممم طيب انا بدي ابعت مبلغ لنهال ،بياخدلا اياه عمار مو هيك ؟

وليد:ايه بطريقو

قمر:معناها بكرا بشوفك و منروح لعندو

سكرت الخط مع وليد بعد ما اتفقنا نلتقي بكرا و طلعت لاعطي الموبايل لعماد بس سمعتو عم يتناقر هو و امو ،وقفت شوي قبل ما فوت لانو خفت كون انا االسبب

ام عماد:ما عم قلك طلقا،تزوج عليا،انت من حقك يكون عندك اولاد من صلبك

عماد:يا اولاد منا يا اما ما بدي ،ما كتير قاتل حالي ،عادي عايشين و مبسوطين مع سوا

ام عماد:بس انا مامبسوطة انا بدي شوف خلفتك قبل ما موت

عماد:الله يطول بعمرك بس امي حاج تعبي حالك ،انا بحبا لسوزي و مستحيل اجرحا فوق انو ما بتجيب اولاد كمان روح اتزوج عليا ،شو

ن الاول للاخير ،اقتنعت شي؟

كمال: شو اسمك؟

اطلع فيني ابو رافت و اشرلي بعيونو لرد على السيد كمال

قمر:انا ..انا اسمي قمر

كمال:اسمك الحقيقي قمر؟

قمر:لا ..يمكن...ما بعرف

كمال:ما ببتذكري شي عن طفولتك ابدا ،انك ربيتي مثلا بميتم او ببيت مع عيلة ؟

قمر:لا ما بتذكر شي غير ام عبدو

كمال:شو عمرك؟

قمر:18 سنة

كمال:طيب انا اقتنعت بقصتك و انا رح اعطيكي القرض يلي بدك اياه

ابو رافت:سيد كمال ..

كمال:طبعا بعد اذنك ابو رأفت ،بس بدي منك عينة دم للتحليل ،يعني اجراء روتيني لاتأكد انك ما حاملة اي مرض او..

عماد:عفوا شو دخل القرض بتحليل الدم و الامراض،ناس كتير بتسحب قروض و ما بينطلب منا تحليل دم ،بقا انت شو قصدك من هالحكي ولا على شو عم ترسم

قام وقف عماد بعصبية

عماد:البنت صح مسكينة بس ما سلكت هيك طريق ابدا و ما ممكن تمشيه ابدا و يلي عم يدور ببالك ما بينطبق على قمر

اطلع فيني عماد

عماد:يلا نمشي و بالنسبة للقرض ما بقا بدا اياه و الهوية المزورة ما بيطلع من امرا شي و اعلى ما بخيلكن اركبوه

كمال:سيد عماد..انا ماقصدي هيك . انت فهمتني غلط انا ما فكرت هيك بالبنت

قمت وقف و مشيت لعند عماد يلي فتح الباب و بدو يطلع من المكتب

كمال:ممكن تقعد لفهمك وجهة نظري

عماد:وجهة نظرك احتفظ فيها لحالك ،عم تشكك باخلاقا للبنت ،لو هي هيك ما كنت اجت لعنكن على البنك لتاخد قرض و تفتح مشروع تعيش منو بتعبا ،عن اذنكن

طلع عماد و انا مشيت وراه بسرعة و نحن طالعين من باب البنك التقيت بوليد و خبرتو شو صار معي،وعدني يلاقيلي حل بس انا خبرتو انو لغيت الفكرة ،و بعدين انا رجعت لعند ام عماد لتابع حياتي محل ما وقفتا و نسيت فكرة المشروع بعد ما تأملت و تماديت باحلامي ،بعد يومين كنا نازلين على السوق انا و ام عماد و فاتت تشتري حجاب الا و التفتت علي

ام عماد:قمر بنتي انت ما بتفكري تتحجبي ؟

قمر:انا ولا مرة فكرت يعني اني اتحجب

ام عماد:بالعكس صار عمرك منيح و بتتحاسبي و الحجاب فرض على كل مسلم

قربت علي و لفت علي حجاب لونو ابيض و فتلت ضهري على المرية

ام عماد :شوفي ما احلاه عليكي ،زادك جمال ،فكري بالموضوع و بس تقتنعي بالحجاب ،خبريني و بنزل فورا بشتريلك حجاب و تياب مناسبة الو و بكسب فيكي ثواب

رجعت صلي بتشجيع من ام عماد يلي كانت بالنسبة شخصية متناقضة رغم انو متدينة و بتصلي و هيك بتعامل مرة ابنا ،بعد يومين اتصل فيني عماد من المعرض على بيت امو

عماد:البسي و تعالي لعندي على المعرض
قمر:في شي؟

عماد:هون السيد كمال

قمر:مين كمال ؟

عماد:يلي التقينا فيه بالبنك

قمر:يلا جاي

لبست و نزلت على المعرض وانا طول الطريق عم خمن سبب زيارتو لكمال بعد اخر لقاء النا معو و المشكلة يلي صارت

عماد:السيد كمال رح يعطيني القرض الي و انا رح اعطيكي اياه الك لتفتحي المشروع و انت يلي رح تسديه

قمر:انا خلص لغيت الفكرة و ما بدي دخل حدا و عذبو معي ،بحال ما نجح المشروع ما بدي ضرك

كمال:ما رح ضريه لعماد بشي لانو انا يلي رح اكفلو ؛يعني بحال ما سدو عماد انا بسدو عنو

قمر:اممم

كمال:معناها بكرا منكمل الاجراءات بالبنك عند ابو رافت ،ما تاكل همو لابو رأفت بكون صديق قديم الي و لللعيلة يعني ما رح يكون فيه اي مشكلة

عماد:طيب اتكلنا على الله

ما بعرف ليش هيك تصرف السيد كمال معي و حتى سالتو لعماد

عماد:ما تشغلي بالك بهالقصة ،بجوز حس بغلطو و حب يقدم الاعتذار بهالطريقة ،المهم رح تاخدي القرض

بعد ما سحبت القرض بلشت رحلة البحث عن مطعم ،كان اهم شي بالنسبة الي الموقع و المساحة ،و وليد ساعدني كتير و نزلي طلبي على الجرايد المحلية حتى لقيت طلبي و بلشت جهزو متل ما بدي بمساعدة وليد من الصيانة و الدهان و اختيار طاولات و كراسي و برادي و ادوات المطبخ و التقديم ،بعد 3 شهور خلصت وانا ما مصدقة حالي انو هالمكان الي ،ما كنت مصدقة اني وصلت لهون لافتح مطعم باسمي بعد ما كنت بنت مشردة و عم تبيع بسكوت بالطرقات ،يوم الافتتاح عزمت كل الناس يلي بعرفن عماد و امو و مرتو و وليد و عمار و ابو سليم و الطاقم يلي كنت اشتغل معو بمطعم ابو سليم باستثناء منال ،و حتى بعتت دعوة لنهال بس كنت متأكدة انو ما رح تجي ،يوم الافتتاح كنت متوترة كتير و فرحانة بس وليد كان يكسر جو التوتر بنكتو الخفيفة و يرفعلي معنوياتي ،اول ضيف كنت متوقعتو يكون عماد بس كان السيد.كمال و معو اخوه،اول ما فات استقبلتو بابتسامة ممتنة لكل شي عملو معي و اخدت منو بوكيه الورد و تركتو يتفرج على المطعم و يختار محل الو و لضيفو،عملتلن قهوة و رحت قعدت معن انا و ليد

كمال:هيدا اخي جماال ،كان عندي وقت تلقيت دعوة الافتتاح و حب يجي معي

قمر:اهلا و سهلا فيكن

جمال:شو عمرك انت؟

قمر:انا رح صير 19 سنة بعد 3 شهور

جمال:العمر كلو بس برافو عليكي بنت بعمرك و قدرت تعمل هالشي ...

وليد:اجا عمار و نهال

تشتت انتباهي عن حديث جمال وعم اطلع على الباب؛تركت القعدة و رحت فورا لاستقبل نهال ،كانت صحتا منيحة

سالي:شو هالتناقض،كيف فيك تكون خير و شر بنفس الوقت؟

عماد:كل البشر هيك ،ما في انسان منيح بالمطلق ،كلنا رمادين بس عندك الرمادي الغامق يلي بكون فيه الشر طاغي اكتر من الخير و الرمادي الفاتح يلي ...

سالي:الخير طاغي فيه على الشر و انت الرمادي الفاتح اكيد!!!

عماد:ما بعرف ...يمكن

سالي:انا ابيض

زم شفايفو كانو ما عجبو كلامي

عماد:ما في حدا ابيض

سالي:طب جرب و شوف انو انا ابيض

عماد:طيب ... لنفرض انو انطلب منك تقتلي حدا كرمال تنقذي حدا من عيلتك شو بتعملي؟

سالي:شو هالسؤال؟

عماد:شفتي كيف ما فيكي تكون ابيض بكل الاحوال ،ما حدا بيقرر شو بدو يكون ،الظروف هي يلي بتشكل الانسان ..

ساالي:يعني انت بدك تقتلني لتنقذ حدا من عيلتك؟

حط كاسة الشاي و بلع اللقمة

عماد:لااا ما رح اقتلك و لو بدي اقتلك كنت قتلتك من اول ما جيتي لهون و خاصة انو ما هضمتك من اول ما شفتك ،انسانة مستهترة و اندفاعية و ساذجة

سالي:انا؟

عماد:ايه

سالي:ليش؟

عماد:لبيتي الدعوة بسرعة و جيتي لحالك طريق طويل و بعيد بدون ما يكون معك حدا و حتى بدون ما يكون معك وسيلة دفاع عن نفسك بحال اتعرضتي لذات الموقف يلي تعرضتيلو . ...

سالي:لا هيدا ما تهور ،هيدي ثقة بالنفس

عماد:الثقة الزايدة عواقبا وخيمة

سالي:فعلا و انا ندمت كتير ليش جيت لهون و حسيت من اول يوم انو ما مرغوب فيني هون

سكتت و اطلعت على لساعة

سالي:تاخر الوقت وين سحر لهلأ؟

عماد:ما رح ترجع

سالي:امممم هلأ سحر اختك الا مرتك؟

عماد:شو بيهمك الموضوع

سالي(بتسرع)بهمني كتير

اطلع فيني كانو حكيت شي ما مزبوط ،عبق وجهي و تابعت حكي

سالي:يعني بهمني اعرف ....حتى اعرف...يعني كيف انا بدي اتعامل معك

ابتسم ابتسامة اقرب لضحكة مكبوتة

عماد:كيف يعني تتعاملي معي !يعني مثلا اذا قلتلك سحر اختي كيف بدك تتصرفي معي مثلا....ايه ....احكي ....شبك ساكتة

قمت بسرعة من محلي و حملت الصحن يلي قدامو و كاسة الشاي و بدي روح فين على المطبخ

عماد:بس انا لسا خلصت

تركتن من ايدي انا و عم اطلع فيه

عماد:قصدي ما خلصت حكي حتى تقومي و تروحي ،بدك تفتحي موضوع و تناقشي كمليه للاخر ايه

رجعت قعدت محلي و حطيت العلكة بتمي و هزيت برجلي ،اطلع فيني نظرة سريعة و تابع اكل

عماد:شكلو كلامي وترك مو هيك

سالي: لا ابدا انت شكلك فهمتني غلط

عماد:طب فهميني صح

بقي عم يطلع فيني و ناطرني لاحكي و اشرح الحكي يلي خبصتو و انا كل اعصابي مشدودة

سالي:انا ما بحب قلل بقيمة رجال قدام مرتو ...هيك كان قصدي

عماد:ايوا فعلا جواب مققنع

سالي:ايه ...طيب...ماشي ..انا بدي قوم نام ...تصبح على خير

مشيت انا و عم اطلع عليه و هو صافن بالحيط قدامو ،تاني يوم الصبح نزلت انا و عم اتلفت حولي ،ما كان في صوت لحدا ،فتحت الباب و جيت لاطلع ضربت فيه ،رجعت لورا انا و حاطة ايدي على قلبي

سالي:رعبتني

عماد:وين رايحة؟

سالي:شم شوية هوا

عماد:ايه فوتي لجوا

فات و سكر الباب و برم ضهرو قفلو و فات و انا بقيت واقفة بمحلي

سالي:يعني لايمت انا بدي ضل محبوسة هون؟

عماد:.....

سااي:عم احكي معك جاوب ،عيب انو حدا يكون عم يحكيك و انت تبقى ساكت هيك ،سكوتك بيقتل .....اوووف ....طب شو صار بسيارتي ما صلحتا

عماد:....

سالي:طيب ماشي ...خليك ساكت و انا هلأ بدي اطلع من هون...و هلأ هلأ

بقي ساكت و لا كانو حدا واقف عم يحكي معو ،اطلعت على الغرفة انا و معصبة على الاخر ،فتحت الشباك و مديت راسي انا و عم قيس المسافة بين الشباك و الارض ،كان نسبة 50 بالمية انو اذا زتيت حالي تنسكر رجلي ،بس ما كان عندي حل تاني،زتيت المخدات تحت الشباك مباشرة و بعدين جبت كرسي و طلعت حالي من الشباك انا و عم اطلع لتحت و عاين المطرح يلي بدي اوقع عليه ،قبل ما نط سمعت صوت باب البيت الخارجي عم ينفتح ،طلع عماد هو و عم يلحق الصوت ،حتى شاف كل جسمي برا معلقة ايدي بمجاري الشباك و ساندة رجلي على الحفة ،ركض لتحت الشباك

عماد:مجنونة ...مجنونة ....اوعى تزتي حالك بتنكسري و بنبلى فيكي

سالي:قلتلك بدي اطلع من هون هلأ ،و قوم بعد من تحت احسن ما انزل عليك و انت يلي تنكسر

عماد:ما رح بعد قبل ما ترجعي تفوتي لجوا

سالي:ما رح فوت ...بعد من هون

عماد:ياللله ...شو هاالبلوة هاي ....طب فوتي و خلينا نتفاهم

ساالي:انا ما بدي اتفاهم مع واحد بحكي معو و بسالو و بضل ساكت كانو قاعدة مع حيط،بدي اعرف اولا ليش انا هون

عماد:طيب فوتي و بخبرك

سالي:لا هلأ بدك تقلي

عماد:قلت فوتي جوا و بخبرك

سالي:انا عنيدة و ما رح فوت

عماد:و انا اعند و قلت فوتي لجوا و بخبرك

شافني ما اتيت باي حركة ، بعد من تحت الشباك

عماد:يلا زتي حالك بس عم قلك اذا انكسرتي ما تفكري انو رح اركض فيكي و اسعفك اصلا هون ما في لا دكتور و لا مشفى ،انا يلي علي عملتو يلا زتي حالك

سكتت شوي

سالي:طيب رح فوت

ضل واقف عماد تحت عم يتفرج علي و انا حطيت ايدي و جيت لارفع جسمي حتى فوت بس فلتو رجلي و صارو معلقين بالهوا

سالي(تصرخ):رح اوقع رح اوقع

عماد:ضلك ماسكة منيح لبين ما اوصل لعندك

سالي:بسسسرعة

فات عماد لجوا و انا ماسكين ايدي بالشباك وصل لعندي مسكني من ايدي

عماد:امسكي برقبتي منيح

كان قلبي عم يدق كتير ما بس من خوفي من انو اوقع لانو كنت متأكدة انو ما رح اوقع لانو واثقة فيه ،بس كنت كل ما قرب منو لعماد و شم ريحة عطرو و اطلع بعيونو حس قلبي رح يوقف و رح غيب عن الوعي ،رفعني و هو ماسكني من خصري و سحبني لجوا ،وقعنا على الارض و انا فوقو ،جيت لقوم بسرعة بس التقت عيوني بعيونو و نسيت حالي و انا عم اطلع فيه كان بعيونو في جاذبية كتير سود مكحلين و رموش طويلة و نظرات قوية ، لوبقيت اكتر من دقيقة كان رح يغمى علي بس وقعت العلكة من تمي على وجهو ،غمض عيونو باشمئزاز ،مسك العلكة و رجع حطا بتمي

عماد:حنكك ما بيتعب ،ريحيه شوي

سالي:....

عماد:شكلك مطولة هيك

سالي:.....

.قمت بسرعة انا و عم سرح شعري بتوتر و نفض تيابي

قام عن الارض

عماد:ما بقا تعيدي هالتصرف ماشي

قرب على الشباك و سكرو و انا كنت عم احكي مع حالي

سالي:شحلو !يما الحب يما

عماد:اجت سحر

نزل بسرعة لتحت و انا لحقتو فورا متل المخدرة و المسيرة

عماد:شو صار معك؟

سحر:معتصم بسرعة اطلع من هون ،رجال سيراج كانو عم يلحقوني حتى يوصلولك و بصعوبة لضيعتن بالطريق بس بجوز باي لحظة يوصلو

هي و سحر عم تحكي؛سمعنا صوت سيارات عم تشحط ،ركضت سحر على الشباك

سحر:ليكن ...اطلع من الشباك و انزل بين الشجر و لاقيلك شي مخبئ لبين ما يروحو

..... @rwayate

الجزء الرابع:

معتصم:ما رايح محل ،و ما انا يلي بهرب و بتخبى متل الفيران

فاتو 5 رجال على البيت كانو فايتين مداهمة ،بقي معتصم واقف بمحلو

معتصم:اهلين بالشباب الطيبة

رد واحد منن كانو هو رئيسن

_اهلين فيك ،شو صار معك؟

معتصم:ما صار شي بعدين لسا المهلة ما خلصت و باقي يومين

_اي بعرف بس حبينا نعملك زيارة كرمال نذكرك بس مو اكتر

معتصم:ما نسيت و بعدني عم اشتغل على الموضوع و قلو لمعلمك معتصم بحياتو ما خيس معك ،بس يلي صار هالمرة شي فوق ارداتي و ارادتو و بعدني على كلمتي ،يومين و القطعة او المبلغ بكون صار عنكن

_ايه بس المعلم بقلك انو بدو القطعة و ما عاد بدو يبيعا

معتصم:طيب ،منجبلو القطعة

_و بقلك كمان انو ما تفكر تهرب او تتخبى لانو بجيبك من سابع ارض وين ما كنت

معتصم:ليش في بالعادة اهرب و اتخبى

_لكن ليش قاعد هون بهالمنطقة المقطوعة و هالبيت القديم بعلمي معتصم متل الطير الحر ما بهدي بعش

معتصم:ايه و انا هيك بس هيدا جزء من شغلي و انا ادرى فيه و انتو شو بدكن غير انو تاخدو هالقطعة و تفرقوني بريحة طيبة

_ايه صح

انتبه الشاب علي هو و عم يحكي مع معتصم ،اشرلو براسو علي

_مين هاي؟
معتصم:بظن ما دخلك

_طيب بس وضعكن مشبوه

معتصم:ايمن خليك بحالك و ما تغلط معي ماشي و خود رجالك و روح من هون و شي يومين انا بجي لعنكن

_طيب كل حال اذا ما جيت انت ،نحن رح نرجع نجي و نجيب ضيافة المعلم معنا و انت بتعرف المعلم اديش كريم و بيهتم بحسن الضيافة

معتصم:فهمت

طلع الشاب من البيت هو و عم يطلع فيني نظرات غريبة،وقف معتصم على الشباك هو و عم يراقبن حتى راحو ،التفت لعند سحر

معتصم:شو صار معك و الا قلك ما تحكي مبين من وجهك

اشرتلو سحر بعيونا علي

معتصم:انت اطلعي لفوق على غرفتك

سالي:طيب

اطلعت على غرفتي بس ما فتت طبقت الباب بصوت عالي لاوهمن انو انا فتت و رجعت على روس اصابعي و وقفت على راس الدرج لاتسمع علين

سحر:انا برايي تسالا،بجوز بتعرف

معتصم:هاي بدا تعرف !،بتحسيا بلهاء بضلا فاتحة تما هيك او بتكون عم تعلك،مستفزة

سالي(بصوت منخفض):بلهاء !انا بلهاء ،معقول هيك عم يشوفني بس شو يعني بلهاء؟

معتصم: و حتى لو بدي اسالا ،شو بقلا ؟،ولله عم ندور على قطعة حقا ملايين و هي عندك اعطينا اياها ،هيك بكون عم فتحلا عيونا و اذا كانت القطعة هي مخبيتا رح تنكر و تبطل تعطينا اياها ،سعرا ما قليل ابدا

سحر:طب معقول خالد يكون باعا؟

معتصم:لا لانو قبل ما يموت بساعة كنت عم حكيه و قلي لساتا معي و ما لقتلا زبون دفيع

سحر:طب شو الحل لكن؟الوقت عم يمضى بسرعة و حياتك على كف عفريت يا معتصم ،انا خايفة عليك كتير

سكتو الاتنين سوا و ما عاد عرفت شو عم يصير تحت ،بس قررت انزل و شوف ،نزلت بهدوء انا و موطية جسمي؛شفت سحر حاطة ايدا على وجه معتصم و عم تطلع فيه و عم تقرب عليه شوي شوي و بدا تبوسو هاللعينة ،ما قدرت ابقى واقفة عم اتفرج هيك و كبست علين ،اول ما سمعو صوتي ، جفل معتصم و رجع لورا

معتصم:انت شو عم تعملي هون؟

سالي:انا كان بدي بس .....موبايلي ...نسيتو هون

قربت على الطاولة و عملت حالي عم دور عليه

معتصم:شو ما بين معك؟

سالي:لا بس بتذكر اني انا حطيتو هون ....طيب رح دور عليه مرة تانية فوق بغرفتي

معتصم:ما في غيرك

سالي:ههههههه انا ،كيف بدي اخدا و انا ما بعرف بوجودا اصلا

معتصم:ما تغشمي حالك ،انا متأكد انو هي معك و انت مخبيتيا ،فتحي عينك منيح هالقطعة بكفة و حياتك بكفة تانية

سالي:و اذا قلتلك ما بعرف انت عن شو عم تحكي و لو معي كنت اعطيتك اياها هلأ ،يعني شايفني مبسوطة بالسجن عندك

تابعت علك علكة و انا عم برم خصل شعري و اطلع بسحر يلي كانت واقفة و عم تهز رجلا ،قاوم وقف معتصم

معتصم:طيب ...ماشي ...بس انت رح تبقي هون و ما رح تطلعي من هالبيت قبل ما تقليلي وين الماسة

سالي:جد ما بعرف وينا

سحر:بس عيونك عم تقول غير هيك

ساالي:ليش حضرتك بتعرفي تقراي لغة العيون ،شو شايفة بعيوني لسا

اطلعت بمعتصم و ابتسمت

سحر:مشي معتصم و خليا هون مزروبة ،مصيرا بالاخير تقر و تعترف

نزلو الاتنين من غرفتي و انا قمت و فتحت الشنتا فورا ،دورت على كيس الاكسسوارات يلي حطتلي اياه ام العبد ؛فتحتو و طالعت الخاتم

سالي:هيدا انت يلي قايمة الدنيا عليك

لبستو و رفعت ايدي

سالي:30 مليون دولار مع انك ما بتعبي العين

رجعت شلحتو بسرعة و خبيتو بجيبة بجامة و رجعت طويتا بسفل الشنتا و رجعت تسطحت انا و عم فكر ،معتصم واضح انو صادق كلامو بس انا اذا اعطيتو الخاتم رح ارجع على البيت ا و ما بقا رح ارجع شوفو بحياتي و هو عجبني كتير و طيرلي عقلي و انا ابتليت و انفتنت فيه ،بعد ساعة من التفكير قررت ابقى على موقفي انو ما بعرف شي عن الماسة و رح العب باعصابو ليومين ،ابتسمت ابتسامة خباثة ،قمت غيرت تيابي و لبست بجامة اللولو كاتي و نزلت لتحت ،كانو سحر و معتصم قاعدين جنب بعض و عم يحكو ليلاقو حل ،اطلع فيني معتصم من تحت لفوق و دار وجهو ،فتت على المطبخ فتحت البراد و حشرت راسي جواتو و طلعت بتفاحة على وشك انو تخرب و قنينة مي و طلعت وقفت على باب المطبخ انا و عم اكلا و معتصم و سحر عم يتهامسو

سالي:على فكرة البراد فاضي ،انتو ما بتجوعو يعني ،عايشين على الطاقة الشمسية و هاي ان وجدت بهالبقعة من الكوكب

فتت بمياعة انا و عم اتمايل و قعدت على الكنباية و مديت رجلي على طاولة قبالي ،اطلع فيني معتصم نظرة غضب و عض على شفايفو

معتصم:طيب روحي انت هلأ و شوفي شو بدك تجيبي للبيت بس ما تكتري لانو شغلة يومين و منخلص من هالقصة

قامت سحر و اخدت مفتاح السيارة و طلعت و بقيت انا و معتصم يلي قعد على الكنباية يلمع سلاحو و يطلع فيني ليرهبني ،بعد ما خلصت اكل التفاحة زتيتا على سلة الزبالة من بعيد بس ما اجت بالسلة وقعت على الارض

سالي:اوووبس ...ما بعرف حدد الهدف و صيب منيح

معتصم :بس انا بعرف كتير حدد الهدف و صيب من اول رصاصة

سالي:ما في شك لانو هاي شغلتك

قربت شعري على وجهي و صرت مشطو بايدي و افتح تمي و نفخ الخصل ليطيرو عن وجهي ،بعدين صرت نفخ بوالين بالعلكة

سالي:هلأ انت بدك تقتلني بهالمسدس؟

معتصم:ايه

سالي:وين بدك تضرب الرصاصة ؟براسي الا بقلبي؟

معتصم:لوقتا ما منختلف عن المكان

سالي: انا بفضل تكون براسي

معتصم:....امم

سالي:ما سالتني ليش....انا رح قلك ليش ...لانو ما عندي قلب

معتصم:ما عندك قلب .... يعني عندك تشوه خلقي كمان بقلبك

سالي:لاااااا ...قصدي كان عندي و بعدين اعطيتو لحدا ...يعني انا ما اعطيتو ...هو اخدو لحالو

هز براسو و عيونو مركزين بسلاحو ما اهتم ولا لكلمة قلتلو اياها ،قهرني كتير ببرودة اعصابو و انا من جوا كنت عم اغلي

سالي:انا عرفت انو سحر ما بتكون اختك و بتكون حبيبتك

معتصم:ايه و كيف عرفتي هالشي؟

سالي:لانو شفتك عم تتوددلا و تلاطفا

رفع راسو و اطلع فيني هو و مكشر

معتصم:شو عم اعمل ؟

سالي:عم شئسمو ..

معتصم:بدي اسالك سؤال

سالي(مبتسمة): تفضل

معتصم: .انت بتعرفي كيف بجيبو اولاد؟

احمر وجهي و تلبكت و بلعت ريقي

سالي:طبعا بعرف اصلا ما في حدا ما بيعرف

معتصم:معناها انت عم تفهمي شو عم تحكي

سالي:اي اكيد انا فهمانة و كتير كمان

معتصم:هههههههههه ولله ما واضح انك بتفهمي شي يا عمو

صار يضحك علي و يهزو اكتافو هو و عم يضحك ،اطلعت عليه من تحت لفوق و عبست

سالي:شو هاي عمو ؟شو شايفني بنت صغيرة قدامك و ما معبية عينك

قمت وقفت انا و عم شد حالي

معتصم:شبك شادة حالك و عم تمطي حالك لفوق من غير شي غرقانة بهالبجامة يلي مطروشة بالقطط

استفزني كتير و طلعت فورا على الغرفة ،فتحت الشنتا و نكشت فيا انا و عم ادعي انو تكون ام العبد حاطتلي شي فستان اظهر فيه انوثتي
،بالاخير طلع بايدي فستان ابيض ديق قصير ساتان و فيه شوية دانتيل على اكتافو ،لبستو بدون ما اتردد ولبست عليه سكربينا عالية و سرحت شعري و حطيت روج ازهري و كحلة سودا و نزلت انا و عم طق بكعب الكندرة قبل ما اوصل لتحت شفتو عم يطلع على مصدر الصوت و اول ماشافني اطلع علي من فوق لتحت بعدين انفجر بالضحك رجع استفزني بضحكتو كتير ؛قربت لعندو و انا حاطة ايدي على خاصرتي

سالي:فيني اعرف ليش عم تضحك؟

معتصم:ههههههههههه مجنونة شو عم يصير معك ،انا قلت اطلعتي تنطمزي بغرفتك و ارتاح راسي شوي من حكيك،بس رجعتي و مغيرة اللوك كلو ،يعني بدك تفهميني انك كبيرة

ساالي:ايه و انشالله تكون هلأ شفت بعينك

معتصم:هههههههههه شفت شفت ،شفت طفلة صغيرة لابسة تياب اختا الكبيرة مدري اما و عم طقطق بالكعب و رح تتفشكل فيه و ما عارفة تمشي فيه

سالي:فظيع انت ....بتموت ....متجعرف

معتصم:اسما متعجرف

سالي.انا ما عندي لا اخت و لا ام ....و هدول تيابي ولله تيابي

معتصم:طيب خلص صدقتك روحي اشلحين

رجع ركز نظرو بسلاحو و شغل سيجارة ،رجعت خطوتين و رحت قعدت بمحلي ،اطلع فيني نظرة سريعة و رجع ركز بسلاحو ،انا جلست ضهري و حطيت رجل على رجل ،اطلع فيني كيف قعدت ضحك ضحكة مكبوتة و انا صرت هز برجلي و طق بالعلكة

معتصم:انت جسمك جسم صبية بس هون عقلك ،عقل بنت عمرا 13 سنة و الدليل كيف عم تعلكي العلكة بطريقة مستفزة

سالي:امممم ...طيب ...بعلكا متل ما بدي

معتصم:اعلكيا بهدوء بدون ما اطلعي اي صوت و تكهربيلي بدني

سالي:ماشي ....من ايمت بتعرفا لسحر؟

معتصم:بعتقد هاي امور خاصة و يلي بيني و بين سحر ما بيعنيكي بشي ،لهيك ريحي راسك و ركزي كيف بدك تطلعي من هون

سالي:طيب اذا قلتلك انا بعرف وين الماسة يلي عم دورو عليا اديش رح تعطيني نسبة عليا؟

اطلع فيني و عبس

معتصم:ها هلأ تغير الحكي و صرتي عم تفاوضي،معناها بتعرفي وينا و ما عم تحكي

سالي:لا ما عم اعرف بس بجوز اعرف يعني اذا عصرت مخي و حاولت اتذكر مثلا

معتصم:القطعة رح ردا لصاحبا يعني ما رح اخد ولا ليرة عليا

سالي:ايه و انا شو بضمنلي هالحكي يكون صحيح و شو بيضمنلي انك ما تقتلني بعد ما اعطيك اياها و خاصة انو انا حاسستك بتكرهني كتير

معتصم:شو بدك ضمان انو ما رح اذيكي بعد ما اخدا منك و انو وصلك براسي على بيتك و زبطلك سيارتك و اطلع من حياتك و ما عاد تشوفي وجهي

سالي:بس انا ما بدي هيك ...قصدي انا بدي ضمان شي ملموس و مادي ما بدي كلام و وعود بس

معتصم:طيب رح اعطيكي مبلغ رح يعجبك ...

سالي:ما بدي مصاري

معتصم:هلأ عم تقولي بدك نسبة

سالي:و هلأ غيرت رايي

معتصم:شايفة كيف انك طفلة

سالي:اتركني فكر و بخبرك شو بدي الضمان و المقابل

معتصم:طيب بس اسرعي بالتفكير لانو ما معنا وقت كتير

ضب سلاحو ببيتو و حسيتو ارتاح نفسيا و رجع سند ضهرو على الكنباية هو و عم يدخن و انا عم العب بخصل شعري و اسرح بخيالي و اطلع فيه ،كنت بكل مرة بصفن فيه بلاقي فيه شي حلو كتير ما شفتو من قبل ،انتبه علي انا و عم اطلع فيه ،حطيت ايدي على خدي و درت وجهي ،شلحت السكربينة و حطيت تحت الكنباية و رفعت رجلي و غفيت انا و جوعانة و عم فكر بالمقابل ،ما فقت الا على صوتو عم يفيقني

معتصم:قومي كلي ما صرعتي راسنا بدك تاكلي

سالي:اي يلا بس شوي

و تابعت نومة ،ما فقت الا بنص الليل ،كان الصالون عتم كلو و ما في ضو ابدا ،فتت على المطبخ انا و عم لمس قدامي ،شغلت الضو و فتحت البراد لشوف سحر شو جابت معا

سالي:هالمقوصة جايبة بروستد و ما تركولي الا قطعة وحدة ....اووف

اكلتا هي و باردة و معا كام حبة بطاطا و كولا و انا و طالعة من المطبخ كنت عم دور بالصالون على معتصم ،شفتو نايم على الكنباية ،قربت لعندو انا و عم اطلع فيه ،عيونو ..رموشو السماك ...شفايفو الزهر ،مرقت اصابعي بشعرو و بدقنو
بعدين سكرتلو فتحات انفو باصابعي انا و كاتمة ضحكتي،صار يطلع صوت من تمو، ، حطيت راسي على صدرو انا و عم اسمع دقات قلبو و اتنفس انفاسو

سالي:اصابني عشقك ...

معتصم:شو عم تعملي؟

رفعت راسي و هو قام فورا و جلس قعدتو
سالي: عم حس دقات قلبك تك تك تك تك ، ليش ما تركتولي غير قطعة فروج وحدة

معتصم:فيقتك لتاكلي انت بدك تنامي

ساالي:وين يور كيرل فريند سحر؟

معتصم:ما هون ،راحت

جلس قعدتو و هو عم يفرك بعيونو

معتصم:شو صار معك؟فكرتي؟

سالي:ايه قبل ما اخرق بالنومة كنت عم فكر قمت نمت و حلمت فيك

تنهد

معتصم:المهم شو طلع معك؟

سالي:جايتك بالحكي ...حلمت انو انا لابسة بدلة بيضا و الناس عم تزت علي ورد ابيض

معتصم:شكلك رح تموتي

سالي:لاااا بعيد الشر عن قلبي ...المهم انو كنت عم نزف بالبدلة و اذ ...

معتصم:ايه

سالي:بتجي انت و لا بس بدلة سودا و كرافيتا سودا ،كنت مبسوطة كتير بالحلم و وقت جيت فيقتني قطشتو للحلم

معتصم: انا ما عم اسالك شو حلمتي انا عم اسالك شو قررتي ؟

سالي:نفس الشي ،بدك القطعة ترجعلك ،بدي اتزوجك ...قصدي تتزوجني ...ما بعرف كيف بقولوها المهم نتزوج انا و اياك

.....يتبع

الجزء الخامس:
@rwayate
معتصم:نعم !!

سالي:هيدا قراري

معتصم:لحظة راجعلك بس لغسل وجهي

راح غسل وجهو و رجع و هو عم ينشفو ،شغل الضو و اجا قعد قبالي و شغل سيجارة

معتصم: شو بدك اعمل؟

سالي:بدك تتجوزني

معتصم:حسبي الله و نعم الوكيل بسما هالبلوة ،يعني سراج بيرتاح و انا ببتلي

سالي:هلأ انا بلوة

معتصم:لك يا بنت انا ما مصدق ايمت اخلص من القصة و ندرا علي لاعتق الكار كلو من بعد هالقصة

سالي:على كيفك ،هاي انا قلتلك ،جيب شيخ و خليه يكتب كتابنا و بعدين بعطيك الماسة

طفى السيجارة بالمكتة و مسكني من ايدي و شدني لعندو

معتصم:انت عم تلعبي فيني و عم تلعبي باعصابي ،انت بتعرفي انو حياتي بخطر من ورا هالقطعة ...شبك احكي

سالي:يا ويل قلبي و انا حياتي بخطر و هيك بضمن انك ما تقتلني (مبتسمة)

معتصم:انت شو بدك مني او بالاحرى شو بدك فيني انت بتعرفيني منيح ولا بتعرفي كيف انا عايش و كيف بفكر ،انا ما بناسبك ابدا و حرام اصلا تسميا على حالك جازة و انت بعدك صغيرة

سالي: انا ما صغيرة

معتصم:طيب ما صغيرة بس قدامك مستقبل طويل و فرص لتلتقي بالشخص المناسب و انا انسان سيء كتير

سالي:بعرف هالحكي و اعتبرو زواج مصلحة او زواج ممشروط

سند ضهرو على الكنباية و هو عم ينفخ

سالي:يلا انا طالعة كمل نومتي فوق و هلأ انت يلي لازم تقرر ،اوك الطابة بملعبك ،تصبح على خير

اطلعت على الدرج انا و عم اطلع فيه،كان واضح عليه انو اقتراحي عليه جبلو هم جديد و رح يخلص من شي و يفوت بشي تاني بس حسيت حالي انو من بعد ما شفتو ما عاد.بقدر اتركو ،تاني يوم الصبح و يلي كان اخر يوم بالمدة الممهولة الو ،ما نزلت من غرفتي ابدا حتى هو اجا ،دق الباب و فات

معتصم:معك هويتك

قمت نطيت على التخت

سالي(مبتسمة):اي طبعا ما بتحرك بلاها

معتصم:طيب

بعد شوي سمعت اصواتو عم يتخانق مع سحر ،طلعت لعندي سحر هي و معصبة ،اول ما شافتني مسكتني من شعري

سحر:وليه فجلة ام نص دكة انت بتعرفي وين القطعة احكي عن محلا و بلا هالالاعيب

سالي:اخ اخ شعري

معتصم:ميرفت اتركيا خلص ،نحن ما صدقنا ايمت نوصل لهل النقطة ،ما في وقت

ميرفت:مستحيل ...مستحيل خليك تتزوجا و خلي كلاما يمشي علينا

اطلع فيا و هو عم يسحب ايدا من شعري

معتصم: خلص فترة و بتعدي و انا قبلت

اطلعت فيني بغيظ

ميرفت:،انا بفرجيكي ،طالع منك يا قزمة

الساعة 4 العصر اجا شيخ ليكتب كتابنا انا و معتصم ،كانت سحر واقفة معصبة و متوترة و عم تهز برجلا ،اعطاني الشيخ ورقة من كتب الكتاب و اطلعت على غرفتي انا و مبسوطة ،لحقني بعد شوي معتصم دق الباب دقتين و فات شافني عم ضب شنتايتي و لم اغراضي من الغرفة

معتصم:و هاي مشينا متل ما بدك ،خبريني وين القطعة ؟

سالي: يلا هلأ منروح انا و اياك سوا و بعطيك اياها

معتصم:سيراج عاطيني مهلة للساعة 12 لجبلو اياها و الا...

سالي:معتصم قلتلك رح اعطيك اياها ولله انا ما بنت صغيرة انت وفيت بكلامك و انا رح اوفي بوعدي ،نزل الشنتاية بطريقك خلينا نمشي بسرعة

معتصم:طيب

نزل معتصم الشنتا و انا لحقتو و طلعنا نحن التلاتة سوا ،معتصم عم يسوق و انا قاعدة جنبو و سحرا قاعدة ورا و قالبة وجهها ،نزلت سحر على الطريق و انا و معتصم تابعنا على البيت ،فتت على البيت كانت فوضى و خربانة الدنيا فيه ،حملت الشنتا و فتت على غرفتي و بقي معتصم ناطرني برا،اخدت الخاتم من الشنتا و طلعت لعندو ،فتحتلو ايدو و حطيتو بكف ايدو

سالي:هاي هي

رفعا بالعاالي هو و عم يدقق فيا

معتصم:بس انا ما اعطيتا لابوكي خاتم

سالي:ايه شكلو اخدا عند صايغ و حطلو اياها بخاتم

معتصم:وين كنت مخبيتيه؟

سالي:اكيد ما رح قلك بس انا ما كنت بعرف انو عم دورو عليه الا لما قلتلي ...طيب هلأ روح اعطيه لسيراج و ناطرتك بكرا الصبح على الفطور ايه

معتصم:......

طلع من عندي بدون ما يرد علي بكلمة و انا اتصلت بام العبد لتجي و نرتب البيت ،تاني يوم نطرتو جهزت حالي و نطرتو لمعتصم ،كنت متوقعة انو ما يجي ،على الساعة 11 اجا شاب اسمو رائد من طرفو

رائد:انا بعتني معتصم لحت اخدك لعندو

سالي:وينو هو و ليش ما اجا ؟

رائد:عندو شغل و ما بقدر يجي لهيك انا بدي اخدك

سالي:طيب بس لالبس جاكيت

كنت لابسة فستان اسود سبور حطيت علي جاكيت جلد

ام العبد:كيف بتأمني و بتروحي لعندو نسيتي انو كذب عليكي و حبسك عندو

سالي:ايه بس هلأ الحكي اختلف ،انا صرت مرتو

ام العبد :بلكي عملك شي ،ولله يا بنتي الثقة الزايدة ما منيحة ...انت خليكي هيك اعملي يلي براسك و ما تردي علي

تركتا لام العبد تحكي و بقيت ماشية ،طلعت مع رائد ،بقينا ساعة على الطريق ،طلعنا لطريق برا البلد

سالي:لوين رايحين؟

رائد:بلا رح نوصل ،رايحين على المستودعات القديمة

الجزء السابع:
@rwayate
سحبني من ايدي غصب عني ،حاولت افلت منو ،ضربني كف على وجهي هو و عم يسبني ،ما كنت متخيلة الوضع بشعة لهل الدرجة الحيوانية ،زتني على التخت انا و عم صرخ و حاول خلص حالي منو بس كان يضربني زيادة حتى استسلمت و ارتخت اعصابي انا و عم القط انفاسي ،ما قدر يكمل للاخر بعد عني و طلع من الغرفة هو و متلبك و قفل الباب علي ،بعد نص ساعة رجع فتح الباب و فات ،عملت حالي نايمة على التخت ، ،حسيت بانفاسو واقف فوق راسي ،بعدين فتل ضهرو و فتح الخزانة ،فتحت عيوني لشوف شو عم يعمل،بعد التياب المعلقة عن بعضا و قرفص على ركبو ،كان في خزنة صغيرة بالحيط ،ضغط 4 ارقام قدرت احفظن و فتحا ،مد ايدو و طالع مسدس منا و رجع قفلا و رجع التياب بايدو و سكر الخزانة ،غمضت عيوني و انا خايفة و عم فكر شو بدو يعمل بالمسدس،معقول يكون عم يفكر يقتلني فيه حتى ما اطلع و احكي عنو انو ما طلع معو شي ،بس ارتحت كتير وقت طلع من الغرفة و قفل الباب ،قمت بسرعة و فتحت الخزنة ،كان فيا مصاري كتير و علب مجوهرات كتير ،فتحت معظم العلب للقيت القطعة الملعونة يلي بدي اياها ،اخدتا و بدلتا فورا بالمقلدة و رجعت العلبة لمحلا و سكرت الخزنة و اتصلت بمعتصم

سالي:مشي الحال

معتصم:شو مشي الحال ،قرب عليكي شي ؟

سالي:القطعة يلي بدكن اياها صارت معي و بدلتن بس المشكلة انو مقفل الباب علي ،يعني طلعتي صعبة كتير من هون

معتصم:عملك شي؟

سحب سيراج الموبايل من معتصم

سيراج:كنت عارف انو بتقدري تاخديا ،برافو عليكي وين كان حاطة؟

سالي:بالخزنة

سيراج:طيب شوفي كمان بهاي الخزنة؟

سالي:مصاري و مجوهرات ...

سيراج: طيب اسمعي جيبي شو في بالخزنة متل هاي القطعة و رح اعطيكي نسبة منيحة على كل قطعة....

سالي:لا بدك اياني اسرق ،ما كان هيك اتفاقنا ،انا بدي رجعلك هالقطعة و اخلص

سيراج:ما خرجك بشي ،يا مجنونة بتعرفي انك بتغني لولد الولد..

سالي:ما بدي . ...

سحب الموبايل معتصم منو

معتصم:سالي ما تفوتي حالك بهيك قصص ،المهم هلأ انت تطلعي من عندو و بسرعة فهمانة بسرعة ،ما في وقت كتير

سالي:طيب طيب....رح سكر يمكن اجا

ركضت على الحمام و قفلت الباب وراي ،سمعت صوت باب الغرفة عم ينفتح ،كنت خايفة كتير منو ،فتح باب الحمام وشافو مقفل

لؤي:مقفلتيه؟

سالي:طلع الضو و انا بدي ارجع على بيتي ،اذا بتريد خليني اطلع من هون و بوعدك ما احكي شي

لؤي:طيب

فتحت الباب و طلعت

لؤي:روحي من هون و ما بقا بدي ارجع شوف وجهك مرة تانية و حتى بالمطعم ما بدي شوفك

سالي:حاضر

فتح باب غرفة النوم لاطلع ،حسيت حالي متل العصفور و انفتحلو باب القفص ،و طلعت بلمح البصر من بناية لؤي ،لمحت معتصم بالسيارة و جنبو سيراج ؛رحت لعندن انا و عم افتح جزداني ،و اول ما وصلت لعندن فتحت جزداني و قمت العلبة و زتيتا بوجهو لمعتصم من الشباك و تابعت طريقي ؛سمعت صوتو عم يناديني و يلحقني بس ما رديت عليه ،حتى مسكني من ايدي

معتصم:شبك ...عملك شي لؤي

سالي:ليش شو بهمك انت ؟

معتصم:شبو وجهك ؟

سالي:ما شبو شي ،هاي القطعة صارت عنكن و خلص ما بقا بدي شوفكن

انا و عم اعلق معو لمعتصم بنص الشارع ،اجت سيارة و بدا تمر ،صار يزمرلنا صاحب السيارة بس ما انتبهنا حتى طلع راسو من الشباك

_ يا عيني انت و اياها بعدولنا من الطريق

سالي :ما توقعتك هيك و لهل الدرجة من الندالة

معتصم: سالي انا بعرف شو عملت و كنت متاكد انو ما رح يقرب عليكي

سالي:و شو عرفك انو ما قرب (تبكي)،ابشع كابوس بحياتي قضيتو ليلة مبارح ..ضربني

معتصم:انا اسف

مسكني من ايدي و سحبني لصدرو انا و عم ابكي

معتصم:انا الحق علي ما كنت لازم اقبل بس صدقيني كنت اكل همك و ما غفلت عيني طول الليل

_دخيل عينكن اطلعوو ترمسنو على الرصيف ،مسكرين الطريق بوجهي و ما بقدر لف اوف يااا

معتصم:ثواني و برجعلك بس لسكتو لهل الكلب الجعاري

سالي:انا تعبانة كتير و بدي روح على البيت و نااام

معتصم:انا بوصلك

_يا رب جيبك يا طولة البال على هالنهار

لفني من كتفي و مشينا لطلعنا بسيارتو و بقينا ساكتين طول الطريق،كانت الفوتة على بناية لؤي كابوس بشع و الثواني فيا ساعات و الليلة عمر كامل

معتصم:بالنسبة لسيارتك بهاليومين بجبلك اياها

نزلت بدون ما رد عليه بكلمة و طبقت الباب بعصبية ،فتحتلي الباب ام العبد و ارتميت بحضنا انا و عم ابكي

ام العبد:سالي وينك لهلأ شو صاير معك ...ليش هيك وجهك ...ما قلتلك ما تروحي

سالي:طلع واحد ندل و حقير و تركني روح معو

ام العبد:شو القصة احكيلي؟

سالي:بدي نام،طول الليل ما نمت

بعد يومين بعتلي معتصم السيارة مع شاب من طرفو،كانت متصلحة ،استلمت السيارة من الشاب

سالي:قلو لمعتصم انو سالي بدا تشوفك كرمال ....ولا قلك خلص ما تقلو شي ...انا متاكدة رح يجي لحالو لانو هو هيك بدو

مرت الايام و ما شفتو لمعتصم ابدا و لا انا حاولت اتصل فيه او اعرف عنو شي و خاصة انو ما بعرف كيف اوصلو و التهيت ببيعة سيارتي و سيارة ابي،حتى مرة كنت قاعدة عم اجلي جليات الفطور و ام العبد.كانت زايرة عند ابنا ، اتصل فيني رقم غريب

معتصم:وينك انت ؟

سالي:بالبيت

معتصم:مسافة الطريق و بكون عندك ،ضبي شنتا صغيرة و نزليا معك

سالي:ليش؟

معتصم:لؤي عم يدور عليكي ،كانو رجالو من ساعة بالمطعم و عم يسالو عنك يعني بالاخير رح يوصلولك

سالي: انا ما بقا بصدقك بشي

معتصم:ساالي ما في وقت ،اعملي متل ما عم قلك بسرعة

ما رديت عليه ابدا و بقيت قاعدة بمحلي حتى سمعت صوت زمور سيارتو ،اطلعت من البيت بالبيجامة لقلو كلمتين تزعجو بلكي بيشفى غليلي منو ،شفتو قاعد بالسيارة و عم يضرب باصابع ايدو على الكيدون ،اول ما شافني تفاجا و نزل من السيارة

معتصم:ليش بعدك بالبجامة و ليش ما نزلتي شنتايتك

سالي:لانو ما روح محل معك ما الي ثقة فيك و انت اكتر واحد لازم خاف منو

معتصم:توقعت تحكي هيك

قرب علي بسرعة مخيفة،رجعت لورا ،حملني على كتفو

سالي:نزلني قلتلك ما رايحة محل معك

معتصم:ما على كيفك ،و لا تنسي انك مرتي

سالي:هلأ تذكرت اني مرتك

فتح باب السيارة و ،قعدت انا و عم اطلع فيه بعصبية هو عم يلف ،طلع محلو و مشي

سالي:طيب هيك بالبيجامة

مشي يالسيارة مسافة مية متر لقدام وبعدين حط ايدو على راسي و نزلي اياه

سالي:شو في؟

معتصم:رجالو ل لؤي مرو من هون ،هدول رايحين لعندك

سالي:ااذا لقطوني رح يقتلوني ،لوين بدك تاخدني؟

معتصم:على بيت ميرفت

سالي:لااااا ميرفت لا ،يعني بهرب من الموت على الموت

معتصم:ما رح تعملك شي ،رح تقعدي عندا فترة مؤقتة

سالي:لا ما بدي ،خدني على بيتك او رجعني على بيتي

اطلع فيني

سالي:شبك هيك عم تطلع كأنو حكيت شي غلط

معتصم:مجنونة

سالي:يعني ميرفت شو بدا تعملي اذا عرف لؤي محلي اما انت بدافع عني و بتحميني

معتصم(مبتسم):طيب بس انشالله ما اندم

سالي:لا ما رح تندم ابدا

كنت من جوا مبسوطة كتير و نسيت كل شي مضى،فتت على بيت معتصم انا و متلبكة كتير بس كنت عم خبي هالشي ،كان بيتو متل اي بيت عذابي فوضى و تياب مرمية بكل محل ،اطلعت على وجهو لمعتصم كان حاطط ايدو على رقبتو و خجلان

معتصم:لو بعرف انو رح جيبك لهون كنت اشتغلت شوي

سالي:يلا بسيطة

معتصم:طب انا نازل اشتري كام غرض و برجع بشتغل ؛من هون غرفة النوم

طلع معتصم و انا ركضت على غرفة النوم و تسطحت على التخت و انا مادة ايدي الاتنين على طولن و عم اطلع بالسقف و اضحك

سالي:و اخيرااا

لفيت المخدة بايدي و انا عم شم ريحة عطرو عليا

سالي:اخ يا قلبي ،ريحتك بتموتني

معتصم:كنت بدي اسألك بس اذا...

قمت بسرعة على صوتو لمعتصم بس وقعت عن التخت

معتصم:الله الله ،صار معك شي

سالي؛لا بس فكرتك نزلت ،ارتعبت بس ؛كنت عم ..عم ..نفضلك المخدة حتى رتب التخت ،شو كان بدك؟

معتصم:كان بدي اسالك اذا لازمك شي؟

سالي:لا ولاشي …باستثناء العلكة يعني

معتصم:طيب

نزل معتصم من البيت و انا بلشت شغل بالبيت ،ما كنت بعرف اشتغل كتير لانو ام العبد كان كل الشغل عليا ،لميت تيابو لمعتصم و حطيتن بالغسالة دفعة وحدة و جليت الجليات يلي على المجلى و كل شي كان بالبراد كبيتو بالزبالة لانو كان قديم و شي خربان حتى رجع

معتصم:ليش معذبة حالك كل هالقد...

وقعت عينو على الغسالة عم دور و جواتا التياب

ركض بسرعة و قرفص قبالا

معتصم:شو هادا

سالي(مبتسمة):عم اغسلك تيابك

معتصم:حاطة الابيض مع الملون مع الاسود على اعلى درجة

سالي:ايه قلت بنظفو و بتعقمو احسن

قام وقف و تنهد

معتصم: خلص انت ما تغسلي ،انا بغسل

سالي:ما عجبك غسيلي يعني ،من فوق ما حبيت ساعدك

معتصم: بس ما هيك ،تاني مرة افصلي كل شي لحال

سالي:اوك ؛جبتلي علكة

معتصم:جبتلك بس حاولي ما تسمعي الحارة التانية انت و عم تعلكيا ،لانو بتوقع لؤي يعرف محلك و يجي على صوتا

سالي:لا ما لهل الدرجة ولو

استند على الغسالة

معتصم:جبتلك ملوخية حتى تطبخي

كنت عم افتح العلكة و حطا بتمي اطلعت فيه

سالي:ملوخية!

معتصم :ايه هاي اكلتي المفضلة ،بس ما تقليلي ما بتعرفي تطبخي ؟

سالي:لا ايه امبلا... طبعا بعرف

معتصم:معناها رح اتركك تكملي شغل و انا طالع على الصالون و شوف وين وصل لؤي و رجالو

سالي:ماشي

طلع معتصم من المطبخ بعد شوي رحت وقفت على باب المطبخ شوف شو عم يعمل كان قاعد عم يحكي تلفون ؛طلت موبايلي من جيبتي و اتصلت بام العبد

سالي:ام العبد دخيل الله قليلي كيف بيعملو الملوخية؟

ام العبد:بدك تعملي ملوخية ؛حبيبتي دبري حالك لبين ما ارجع انا ما مطولة عند ابني

سالي:لا لا خدي راحتك ،انا حابة جرب يعني ،قليلي كيف يلا سامعتك

سكرت مع ام العبد و بلشت ،كانت متلبكة كتير انا و عم اطبخ و ما ملحقة و صار جلي كتير ،بعد 3 ساعات لخلصت و طلعت من المطبخ كأنو كنت بمعركة

سالي:خلصت ،قوم تغدا

معتصم:يلا قايم ها لنشوف شو ابدعتي

معتصم:سالي جيبي فنجان قهوة لميرفت

سالي:ولله!طيب

فتت على المطبخ ،جبت فنجان و رجعت ،صبتلا القهوة و فتت على غرفة النوم ،بس كنت اسمع صوت ضحكتا المصطنعة و المتعمدةواصل لعندي ،طلعت انا و حاملة مناشف بايدي و فتت تحممت و طلعت انا و لافة المنشفة علي و وقفت قبالن

سالي:بعملكن شاي ؟

اطلعت فيني من تحت لفوق

ميرفت:لا ما بدي شي

سالي:و انت معتصم ،بدك شي مني(مبتسمة)؟

معتصم:...لا ...

سالي:طيب انا فايتة البس ؛اذا بدكن شي نادولي ،تصبحو على خير

فتت على غرفة النوم و سكرت الباب ،لبست تيابي بسرعة و رجعت حطيت عيني ببخش الباب لشوف شو عم يعملو برا ،شفتن على نفس القعدة ،معتصم ساكت و ميرفت عم تحكي ،رجعت تسطحت على التخت انا و عم فكر بميرفت كيف بدي بعدا عنو لمعتصم و خليا تنساه و تقطع الامل منو ،حتى غفيت انا و عم فكر بهالشي و طول الليل عم احلم اني ماسكة راسا لميرفت و عم اخبطو بالحيط،فقت بنص بالليل مفزوعة ،اطلعت جنبي ،ما شفت معتصم ؛قمت بسرعة من التخت و فتحت الباب و طلعت على الصالون ،شفتو نايم لحالو على الكنباية،ارتاح قلبي

سالي:يبعتلك حمى يا ميرفت صرت عم كوبس فيكي

قربت على معتصم ،كان غاطط بالنوم متل اولاد صغار ،طلعت على الكنباية و نمت جنبو من جهة ضهر الكنباية ،فاق على حركتي

معتصم:انت شو عم تعملي هون تركتلك التخت لتنامي عليه

سالي:بس حضنك ادفى

معتصم: قومي نام جوا

سالي:ما بدي الا اذا نمت جنبي

معتصم:حدا قلك من قبل انك جلئة

ساالي:لا في حدا قلي بلهاء من قبل بس جلئة هاي اول مرة بسمعا شو يعني؟

معتصم:يعني بتعربشي بالواحد و بتزتي حالك عليه و بضلك مطبعة فيه

سالي:ايه صح انا هيك

معتصم:هههههه

طمرت راسي بصدرو

سالي:خلص اسكت و اتركني كمل نومتي اذا بتريد

معتصم:معك حق على اساس انا يلي قطشتلك نومتك و زعجتك

ساالي:ايه انت لو كنت نايم جنبي ما كنت فقت و جيت لهون

معتصم:يعني شو ؟ما في حل منك وين ما رح نام بدك تنامي جنبي؟

سالي:ايه

معتصم:بس ريحتك ملوخية و توم؟

سالي:ما انت يلي بدك ملوخية!

معتصم:على اساس يلي عملتيا اسما ملوخية ،الملوخية مرسبة بالقاع متل الطحالب و الفروج عايم على السطح و فصوص التومة متل ما هي عم تسبح بالمي و حاطة كمون بدل الكزبرة

ضربتوعلى صدرو

سالي:لا ولو ما هيك كانت

معتصم:ههههههه امبلا بس خجلت قلك ،انا متأكد انو هاي اول مرة بحياتك بتطبخي

سالي:لا ما اول مرة ،دايما بطبخ اندومي ...

معتصم:اندومي! نامي نامي

سالي:طيب تصبح على خير

معتصم:و انت من اهلو

غفيت و انا عم حس باصابع معتصم عم تتغلغل بشعري؛كان القرب من جنبو سعادة ابدية بس ما اكتملت ؛فقت تاني يوم الصبح على صوت اغاني فيروز

معتصم:صباح الخير

سالي:صباح النور ،وين رايح؟

معتصم:نازل جيب فطاير بين ما تكون قمتي و غسلتي وجهك و حطيتي على الشاي

سالي:من التخت على الاكل فورا

معتصم: عصافير بطني عم تزقزق من مبارح بعد اكلتك الطيبة

سالي:طيب هلأ بقوم

معتصم:ما ارجع لقيكي بعدك نايمة؟

سالي:لااااا ولو ،خلص بترجع بتلاقيني ناطرتك انا و ابريق الشاي

نزل معتصم من البيت و انا حطيت المخدة على راسي و كملت نوم حتى اندق الباب ،قمت فتحتو انا و نص نايمة شفت رجال لؤي بوجهي

......

صار يضحك

معتصم:مو

سالي:هلأ فينا نقول خلصنا

معتصم:ايه ،انشالله ما يكون لؤي زعجك بشي

سالي:لا ابدا ،كيف اخدتو المصاري من سيراج؟

معتصم:خلينا نطلع من هون و على الطريق بحكيلك

حط ايدو ورا ضهري و مشينا ،لطلعنا بسيارتو

معتصم:لحقناه بعد ما طلع من الحفلة بالسيارة و كان في دفعة تانية من رجالو ل لؤي ماشين قدامو ،حتى فات بطريق فرعي ،قطعولو الطريق و نزلنا اخدنا الشنتا

سالي:ما شافك؟

معتصم:لا لانو كنت ملتم و كانت ميرفت معو كمان

سالي:ها شفتا يعني لميرفت ،هي السبب بكل شي

معتصم:ايه بعرف و علقت انا و اياها بس هي نكرت انو هي يلي خبرت عن محلك ،المهم طعميناه قتلة لسيراج و خاصة انو قلبي مليان منو من المواقف يلي حطنا فيا

ساالي:طيب بس يصحى معقول يعرف انو لؤي ورا القصة

معتصم:ما في اثبات على انو نحن رجال لؤي و شو بيطلع بايدو يعمل بس ما بيسترجي يعمل شي

وصلني معتصم على البيت ،حطيت ايدي على المسكة وبدي افتح الباب و انزل

معتصم:لحظة

سالي:ايه

معتصم:...انا ...بعتذر كتير على المتاهة يلي فوتك فيا و الوضع يلي حطيتك فيه،ما كنت عرفان انو الامور بدا توصل لهون ابدا

سالي:ايه؟

معتصم: و بدي قول كمان اني انا ...

ساالي:ايه؟

معتصم:انو انا لازم طلقك هلأ لانو خلصت القصة

فتحت تمي و انا عم حرك راسي

سالي:اه ...طلقني!بدك اطلقني و هلأ هون و هيك بهالبساطة ،عنجد صدمتني ، شو يلي بيضمن انو ما حدا يرجع يتعرضلي مثلا سيراج يخطفني و يقتلني ،هااا قلي شو بيضمن

لفني من خاصرتي و شدني لعندو هو و عم يضحك

معتصم: يلي بيضمن انو انا بحبك

قرب باسني من خدي و انا بعدني مصدومة

معتصم:يلا نزلي ،عندي مشوار

فتحت الباب انا و ساكتة و نزلت ،رحت على الباب انا و عم اطلع وراي شفتو عم يطلع فيني درت وجهو بسرعة ،رنيت الجرس ،فتحتلي ام العبد

ام العبد:سالي ...وين كنت

فتت و سكرت الباب برجلي

سالي:اخيرا اخيرا اخيرا

ام العبد:شو اخيرا

مسكت ايديا و صرت ابرما لام العبد انا و عم اضحك و غني

سالي:اخيرا قالها قال احبك قالها و انا قلبي قلبي قلبي توقف بعدها

ام العبد:ييييي دخيل الله رح دوخ و اوقع ،بنتي حاج تبرميني معي ضغط

سالي:قال احبك قالها

تركتا لام العبد و ركضت على غرفتي انا و ماسكة الفستان بايدي ،ركضت وراي ام العبد

ام العبد:بس فهميني ...

اطلعت على التخت انا و عم ارقص و ام العبد واقفة و عم تضرب ايد بايد

ام العبد:جننا للبنت

ما نمت من فرحتي؛تاني يوم الساعة 10 الصبح لبست و رحت لعند معتصم و مريت اشتريت فطاير حتى نفطر سوا الفطور يلي ما فطرناه باخر مرة ،رنيت جرس البيت مرتين ما حدا رد وقفت شوي على الباب رجعت رنيت انفتح الباب و كانت الصدمة ،ميرفت هي يلي فتحتلي الباب و هي لافة شعرا بمنشفة كانو طالعة من الحمام

ميرفت:شو ما في صباح الخير

سالي:وينو معتصم ؟

سالي:بعدو نايم

اجا معتصم من وراها و هو عم يفرك عيونو ،اطلع فيني متفاجئ

معتصم:سالي ...

ساالي:اي سالي ...تفضلو

ناولتا الكيس لميرفت

سالي:يبقى افطرو سوا

نزلت فورا و لحقني معتصم

معتصم:ساااالي ...شبك ...وقفي شوي . .خليني احكي بس

سالي:انا الحق علي يلي صدقتك ،قلتلي مبارح انك بتحبني و اليوم بشوف ميرفت عندك و عم ...

تركتو و مشيت ؛رجع لحقني و مسك ايدي

معتصم:ما متل ما انت مفكرة ،ميرفت اجت نامت عندي مبارح بعد ما صار هيك مع سيراج و هي كانت معو ،عصب عليا و اتهما انو الا ايد بالموضوع لهيك خافت و اجت تنام عندي

سالي:و انت قبلت و انت بتعرف انو هي يلي خبرت لؤي عن محلي عندك حتى يفضالا الجو معك

معتصم:انا قبلت لانو ميرفت وقفت معي كتير بمواقف منيحة و ما حبيت انو صدا هالمرة

سالي:..اترك ايدي خليني روح و اوعى يا معتصم ارجع شوف وجهك مرة تانية

تابعت طريقي انا و عم ابكي و احكي مع حالي

سالي:مين هيدا اصلا ...هو واحد شغل عصابات و مافيا و تهريب....كيف حبيت هيك واحد بهالسرعة ...انا غبية و رح ابقى طول عمري هيك

فتت على البيت انا و قالبة وجهي و مكشرة،شافتني ام العبد

ام العبد:يا بنت شو صاير معك طلعتي مبسوطة رجعتي زعلانة

سالي:ولا شي ،ما في شي

فتت على غرفتي و قفلت الباب ،نكشت على CD هاني شاكر و قعدت اتسمعلو و ابكي ،بقيت كام يوم مكتئبة و بلشت حس حالي اني ظلمتو لمعتصم و تسرعت بس كنت ناطرتو يتصل فيني حتى ما رد عليه او يجي عندي و قلعو بس كان بارد كتير و ما شفت وجهو ابدا و وقت فقدت الامل منو انا اتصلت فيه

سالي:كيفك؟

معتصم:لحمدلله كيفك انت؟

سالي:كتير منيحة ،غير شكل و لا احسن من هيك ،اتصلت فيك حتى تعتذرلي

معتصم:اعتذرلك؟؟؟؟ولا انت يلي بدك تعتذري لانك انت الغلطانة ،شكيت فيني ،انا قلتلك بحبك يعني بحبك يعني ليش لكذب عليكي وخونك مع وحدة تانية و انت بتعرفي ميرفت ما بتعنيلي شي

سالي:بس هي بدا اياك

معتصم:المهم انا مين بدي

سالي:ها ،عم تضحك على عقلي

معتصم:هاي المشكلة انك بتشك فيني و باي كلمة بحكيا ؛يعني انا رح ابقى كذاب طول عمري بنظرك

سالي:انا صدقت يلي شفتو بعيني

معتصم:شو شفتي ؟شفتيني مع ميرفت عم ...استغفر الله العظيم ...

سالي:هيك شكلكن كان بيوحي ،المهم يعني ما رح تعتذرلي

معتصم:لاااا ما رح اعتذر انت يلي لازم تعتذري

سالي:و انا مستحيل اعتذر سلام

معتصم:اييه سلام

سكرت الخط انا و عم نفخ و شلحت الموبايل على التخت

سالي:اوووووف علينا ،انا بفرجيك يا معتصم بدك تعتذرلي غصب عنك ،العمى ولو ما ابردك

بقيت عم اكل باضافري و اعلك و هز برجلي و فكر حتى طلعت براسي فكرة ،على الساعة 11 بالليل ،بعتلو رسالة

ساالي:ليك معتصم انا كنت واقفة من شوي على البلكونة و كانو لمحت 3 رجال عم يطلعو على بيتي ،انا خايفة كتير يكونو من رجال سيراج شو اعمل؟

بعتلو المسج انا و عم اضحك ،و نطرت اتصالو بعد ربع ساعة اجتني مسج منو

معتصم:تغطي منيح و نامي

سالي:ياللله شو انك دب

زتيت الموبايل و رحت لعند ام العبد كانت واقفة عم تحط عشا

سالي:ام العبد هلأ بدي اسالك سؤال

ام العبد:تفضلي

سالي:هلأ الرجال بحب البنت التقيلة ولا الخفيفة ؟يعني مثلا اذا صار مشكلة مين لازم يراضي و يبادر

ام العبد:ولله ما بعرف شو بجاوبك لانو رجال ايام زمان تغيرو عن رجال هلأ،ابو العبد الله يرحمو ما كان يخليني نام زعلانة و انا بنفس الوقت ما خليه يزعل مني ابدا ،كنت فاهمة عقلو منيح كيف بفكر

سالي:و انا كيف بدي اعرف هيدا كيف بفكر ؛اصلا اذا كان عم يفكر فيني

ام العبد:تعي تعشي يلا

سالي:ما الي نفس

ام العبد:سالي ..تعي بدي احكي معك كلمتين

سحبت كرسي الطاولة و قعدت

ام العبد:انا ماني حدا من اهلك بس امرك بهمني و بعتبرك متل بنتي و بحس حالي مسؤولة اتجاهك على الاقل لوجهك على الطريق الصح ،انا مراعية عمرك الصغير و قلة خبرتك بالحياة بس هيك ما منيح الك ابدا ،اخر فترة صايرة عم تتصرفي بدون ما تفكري ابدا ،بدي اياك تعدي للعشرة قبل اي خطوة بتعمليا ،بدي تكون مسؤولة عن حالك و تصرفاتك حابة شوفك كبيرة و تلتفي لمستقبلك شوي و تنسي هالشاب يلي دخل لحياتك بالصدفة و يلي بينكن ما اسمو زواج و لو بدو اياكي ما كان خلاكي هيك ضايعة

سالي:بس هو بحبني و انا متأكدة و عنجد نحن تزوجنا

ام العبد:الحب افعال ما بس حكي و كلام ،و انت هلأ عليكي شغل كتير دراستك و...

سالي:يالله انا ما بحب الدراسة

ام العبد:بدك ابوكي يكون زعلان منك !

سالي:لا

ام العبد:معناها كملي دراستك و تخرجي و اعتمدي على حالك ،هل اكام ليرة يلي اجوكي من حق سيارتك مصيرن يخلص بالاخر ،وقتا من وين بتصرفي على حالك ،بتضطري تبيعي الهدايا يلي جبلك اياهن ابوكي

سالي:لا مستحيل

ام العبد:و حتى البيت يلي قاعدة فيه كمان بتبيعيه و بتصفي بالشارع عم تتخيلي حالك بالشارع لا دراسة و لاشغل

سالي:لا ابدا

ام العبد:معناها قومي يلا على دراستك

ام العبد:هاتي الموبايل و قومي على دراستك يلي الك هاملتيا كتير

سالي:لااااا

ام العبد:يلا هاتيه

اعطيتا الموبايل بتردد

سالي:بس اذا اتصل بتخبريني ايه

ام العبد:ايه بس انت ركزي بدرسك و ما تزعلي ابوكي بقبرو و ما تخليه يحس انو دلالو الك كان غلط كبير بحقك

فتت على غرفتي و اتصلت بشذى لتجي عندي و شوف شو متراكم علي،رجعت على جامعة لعوض كل شي فاتني ،كان تفكيري بمعتصم عم يخف يوم عن يوم و خاصة انو ما عاد شفتو و لا حتى سمعت عنو شي بس بقي شوقي و لهفتو الو متل ما هي ،حتى رجعت يوم من الجامعة و فتت على البيت انا و عم نادي ام العبد بصوت صبياني

سالي:ام العبد .....ام العبد

انا و فايتة على المطبخ ،لمحت حدا واقف على شباك الصالون،قربت و و قفت على الباب ،دار جسمو لعندي و اطلع فيني و ابتسم،انا قلبي صار يدق بسرعة

سالي:معتصم!!

ركضت لعندو بدون ما فكر ابدا و لا حتى عد للعشرة متل ما قلتلي ام العبد و لفيتو ،صار يضحك

معتصم:انت الواحد قد ما غاب عنك بتبقي متل ما انت

فاتت ام العبد على الصالون هي و حاملة صنية و فيا فنجان قهوة ،خجلت و بعدت عنو ،اطلعت فيني ام العبد هي و عم تبتسم و تهز براسا كأنو ما في مني امل

ام العبد:بدك اعملك الك شي سالي؟

جاوبتا انا و عم اطلع بمعتصم

سالي:انا لاا ..مابدي ... كنت جوعانة بس هلأ ما الي نفس

معتصم:شو شوفتي سدتلك نفسك؟

سالي:لااا بالعكس بس يعني فاجئتني

طلعت ام العبد و تركتنا لحالنا

سالي:وين هالغيبة؟لا بتتصل فيني و لا بتجي تشوفني

معتصم:كنت عم اتزوج

سالي:نعم ؟

معتصم:ههههههه ،معقول يعني ،الحمار هو يلي بيوقع بالجورة مرتين؛المهم انا جاي اخدك معي

سالي:لوين؟

معتصم: بدي عرفك على ابي

سالي:ليش عندك اب انت؟

معتصم:لا ما عندي طبعا ،ما بعرف من وين جيت انا لكن

سالي:لاااا ما قصدي هيك ،قصدي انو ابوك عايش؟

معتصم:ايه

سالي:يلا بس لغير تيابي ،بس بدك تحكيلي وين هالغيبة

معتصم:على الطريق بحكيلك

اطلعت على غرفتي و لحقتني ام العبد فورا

ام العبد:بدك تروحي معو ؟

سالي:ايه طبعا ...ام العبد خلص ما تاكلي همي انا بحبو لهل الشاب و متأكدة انو هو بحبني و ما رح يأذيني ابدا

ام العبد:طيب الله يسعدك

غيرت تيابي بسرعة و نزلت ،طلعنا بالسيارة

سالي:قلي وين هالغيبة

معتصم:كنت عم غير بيتي و رتب حياتي من جديد و لاقي شغل جديد ،بس هيك بس انت يلي ما رجعتي اتصلتي و لا سألتي ابدا بس بعدين عرفت انك رجعتي على الجامعة

سالي:و كيف عرفت؟

معتصم:شفتك بالصدفة

سالي:بالصدفة لكن هههههه

معتصم:هههههه

بعد ساعة انتبهت على الطريق ،قلقت شوي

سالي:كأنو طلعنا برا البلد

معتصم:ايه

سالي:ليش ابوك وين ساكن؟

ضحك بخبث ،و انا توترت اعصابي،فتح درج السيارة و اعطاني علكة

معتصم:خديا رح تلزم

حطيتا بتمي انا و عم اطلع فيه و عم فكر

سالي:معتصم الماسة ما بقى معي ،اخدا لؤي

معتصم:امممممم

سالي:شبك احكي؛لوين اخدني

معتصم:......

فتنا بدخلة ضيقة و صف السيارة جنب بيت قديم و حوليه شجر و ورد ،التفت علي ،كان لون وجهي اصفر

معتصم:انا جبتك لهون حتى خلص عليكي حتى ما تطلعي و تفضحي شغلنا ....

سالي:اااانا ..

معتصم:مع اني تأخرت بهالمهمة بس ان تصل متاخرا خيرا من ان لا تصل ...

اانفتح باب البيت و طلع منو رجال هو و ماسم بارودة بايدو

ابو معتصم:اهلا وسهلا بابني و كنتي يلا نزلو

اطلعت بمعتصم،كان غشيان ضحك

سالي:ولله ما مسامحتك ؛رجلي ما بقا حاسة فين

معتصم:انزلي يلا ما حلوة الحج صار ناطرنا

فتنا وراه لابو معتصم،علق البارودة على الحيط

معتصم:شو يابي كنت عم تصيد ؟

ابو معتصم:ايه عم اتسلى و اقطع وقت لبين ما الحق امك

معتصم:الله يطول بعمرك

ابومعتصم:تعي بنتي قربي و اقعدي هون

قعدت جنبو هو و عم يطلع فيني

ابو معتصم:ها حلوة يا ضرسان ،عارف تنقي

معتصم:فرخ البط عوام يابي

ابو معتصم:بس الله يهديك و تبطل شغلتك ..

معتصم:تركتا يابي هالمرة من غير رجعة

ابو معتصم:انشالله ،هلأ صار عندك عيلة و بكرا بصير عندك اولاد كتاكيت متل هالامورة ،بدك تقعد و تركز

معتصم:خلص وعدتك هالمرة ما في رجعة

ابو معتصم:شو بتشربو شاي الا قهوة ؟

سالي:يلا انا بقوم بعملكن شاي ...من هون المطبخ مو

ابو معتصم:ايه من هون

فتت فورا على المطبخ ،كنت خجلانة و متلبكة و مبسوطة بنفس الوقت ، ، قعدنا مع ابوه لمعتصم ساعتين ،كان دمو خفيف كتير و علاقتو مع ابنو علاقة اصدقاء ،بعدين وصلني معتصم على البيت

سالي:هاي عرفتني على ابوك و تركت شغلك بالتهريب و غيرت بيتك ،شو ضل ناقصك؟

معتصم:ما ناقصني شي لحمدلله

ساالي:ولاشي ولاشي

معتصم:ولاشي

سالي:طيب ..يلا تصبح على خير

معتصم:و انت من اهلو

تركني و طلع بسيارتو و انا بعدني واقفة و مصدومة فيه ،شغل سيارتو و راح و انا سكرت الباب بعصبية و فتت

ام العبد:تأخرتي ،انشغل بالي عليكي

سالي:يي رعبتيني ...ايه كان بيت ابوه بالضيعة بعيد شي ساعتين عن هون

ام العبد:ايه شو اتفقتو؟

سالي:ولا على شي ولا على شي،انسان مستفز بارد ....يا ريت ما شفتو اليوم و ضل بعيد ما اجا

ما بقى رجعت شفت معتصم الا بعد 3 ايام ،كنت قاعدة سهرانة انا و ام العبد ،انا عم حل وظيفة عملي عندي و ام العبد عم تابع مسلسل تركي،رن جرس بيتنا و راحت ام العبد تفتح االباب و انا رجعت قعدت محلي ،اجت ام العبد هي و عم تبتسم و معا صبية ،قمت وقفت انا و عم اطلع بام العبد و اشرلا براسي مين هاي

سهر:انا سهر من صالون بيوتي للتجميل ...

سالي:يعطيكي العافية بس انا ما بشتري مكياج

سهر:لا فهمتيني غلط ،انا ما جيت لهون حتى بيعك مستحضرات ،صاحبة الصالون اعطتني هالعنوان و قالتلي فيه عروس و لازم جهزا و بعتت معي هالفستان كمان

سالي:عروس؟انت مخربطة

سهر:ما هون بيت سالي اغا؟

سالي:ايه انا هي

سهر:معناها انا ما مخربطة ،خلينا نبلش بسرعة ،و بعتذر على التأخير بس عجأة سير

اطلعت بام العبد و رفعت حواجبي

سالي:طب مين الشاب يلي مر لعنكن ؟

سهر: ما بعرف يا حياتي لانو اتفق مع االست جمانة انا ما شفتو ،خلينا نبلش

سالي:طيب

سارة : بس صعب كتير , انت متزوج و انا كنت رح كون خطيبة اخوك و رح توقع بمشاكل كتير مع اهلك و فوق كل هيدا اانا ما بناسبك , صح , هيدا يلي بدك تقولو
فادي: لا لا ما هيدا يلي كنت بدي قولو مع انو فكرت فيه بس ما اخد من تفكيري كتير انا كبير و واعي و بعرف شو بدي و كيف اخد يلي بدي اياه بدون ما اسال على راي حدا , بس كنت بدي قول انو كان يلي موقفني عن أي خطوة هو انت و انو ما تكوني عم تبادليني نفس الشعور
سارة : .........
فادي : ما عندك تعليق على هالحكي ؟
سارة : عندي ايه تزوجني
.........................................