قصة بقلم صديقة القناة " سما الشام "🌸✨
بعنوان: #استبدلت_العالم_بك_لماذا_خذلتني
............
قراءة ممتعة🦋💙"
#ⴅÂÐЄĦÂ

#استبدلت_العالم_بك_لماذا_خذلتني 💔
#الجزء_الأول :
#بقلم_سما_الشام

في ناس بتخون مشان تنسى ..
وناس بتنسى مشان تخون ..
وناس برغم أنو منعطيهن الحب بيخونو ..
وناس برغم انو بيعطونا الخيانة منبقى منحبهن ..
بس وقت يخونو بيصير إلنا كل الحق أنو نجردهن من #صفة_الوفاء .. من #صفة_الحب ..
بس يا ترى شو هو الحب ؟؟!
ويا ترى هنن حبونا عنجد؟؟!

قصتنا اليوم عن شب وصبية ..
كانت حب وعشق ❤️
بس انتهت فيهون الحياة لبعد وكره 💔
الشب اسمو سامي ..
والبنت اسما تهاني ..
البنت سنة أولى جامعة ..
والشب مانو دارس بس فهمان الحياة بكل تفاصيلا ..

ابتدت القصة من سنة 2015 الشهر 3 هي قصة الحب بيناتن
اما هنن كانو جيران بيعرفو بعض مضبوط ..
البنت عندها 4 اخوات بنات وهي الصغيرة فيهن ..
الشب عندو أخ واخت اصغر منو واخ واخت اكبر منو ..
عايشين بالريف ومبسوطين بحياتن ..

سامي من سنين اجتو فرصة السفر برا البلد ما وقف عند خوف الأهل تابع لحالو وشق طريقو وتحمل عذاب الغربة
طلع الشب وعارك وتعذب ونجح بحياتو وتغرب فترة من الزمن وكانت طويلة شوي بس رجع ع بلدو بنتيجة
لما رجع لعند اهلو وكانت أمورو ممتازة شاف جارتو #تهاني تطلع فيها وقال الحمدلله رجعت بالوقت المناسب ..
سامي شخص محترم وبيعرف انو الغلط ممنوع لهيك حافظ ع مبدأ التربية يلي نشأ عليها ..
#تهاني أهلها جماعة كتير طيبين ومحترمين و أكابر ما عندن اخوات شباب ..
برجعة #سامي عالبلد كانت #تهاني كبرت وصارت صبية وحلوة كتير ومهضومة وبتجنن ..
.
بهالفترة #سامي التحق بالجيش وراح احتياط
ما كان بيعرف إذا بيرجع ولا ما بيرجع بس ظل إيمانو بالله كبير وقدم يلي بيقدر عليه ..
ضل 3 سنين بالجيش وما بيعرف شي عن البنت يلي دخلت عقلو ..
تصاوب #سامي وكانت إصابتو خطيرة ..
بس الحمدلله إيمانو بالله ورضا أهلو مرق بخير وسلامة ..
بالفترة كانت اخبار #تهاني مقطوعة عنو وما بيعرف عنها شي ..
رجع #سامي ع بيتو وإصابتو كانت كتير صعبة وتعالج بالتخت فترة طويلة والحمدلله بعد سنة قام وقف ع رجليه وبلش يتحرك ..
رجع اتطوع بالجيش وما كان متعافي من جرحو القديم ..
و أول 3 أشهر بالدوام الجديد بالصدفة رجع التقى بجارتو #تهاني
كان اهتمامو فيها من زمان حب عذري يعني حب عادي كانت ع طول تمرق بخيالو بس وقت شافا صبية بتجنن وطالبة سنة أولى جامعة دخلت مخو أكتر ..
صار يرجع من دوامو بكير مشان ينطرها بالكراج ويطلع معها ع بيتا وكان الوضع عادي .. ضلو هيك حوالي شهرين
اخر شي #سامي ما حسن يتحمل هالشي وقرر يصارحا بحبو ..
فكر كتير قبل مايحكي معها ..
آخر شي أخد قرار وكانت النتيجة إنو يصارحها ..
رجع بكير من دوامو وخطط منيح لطريقة يخبرها عن مشاعرو بحيث هي ما تنفر منو أو تتدايق ..
هو عم ينطر بالكراج وعم يفتل متل المجنون وعم يحكي مع حالو ..
التفت وشافها جاية بأتجاهو ..
سلمت عليه وقالتلو : اليوم بالجامعة تعبت ورجعت بكير ..
ضحك #سامي وقلا : وأنا اليوم طلعت بكير بس مشانك ..
ستغربت #تهاني من كلامو!!
قالت :مافهمت عليك أنا شو دخلني؟؟
جاوب #سامي : معلش نروح نشرب فنجان قهوة بشي محل ونحكي ..
بحكم انو جيران وع طول بينطرو بعضن مشان يطلعو بنفس السيارة قبلت الدعوة و راحو قعدو بكفتريا ..

وصلو عالكفتريا قبل مايقعدو قالت #تهاني معلش أنا ما فيني طول
قلها #سامي أكيد ما رح خليكي تتأخري
طلبو قهوة وبهالحظة كان #سامي كتير متلبك وعم يحسب ألف حساب كيف بدو يصارحها بمشاعرو ويقلها أنو بيحبا من زمان وهوي شارد مدت ايدها تهاني وصارت تأشر الوووو وين صافن؟؟
نقز #سامي وقلا لا لا مافي شي بس ممكن اسألك سؤال؟
قالت : تفضل!
قلا انتي في بحياتك حدا يعني مرتبطة؟؟
ما ستغربت طلبو كان ردت فعلا كتير عادية
قالت : ليك سامي أنا بحترمك كتير وأنت حدا كتير محترم فهمت عليك شو بدك تحكي خلينا هيك أحسن إلي و إلك
انصدم سامي من جوابا البسيط والسريع وسكت ..
قلها : متل ما بدك بس يا ريت لو سمعتي يلي بدي احكي..
حس أنو تسرع كتير وبين عليه أنو زعل ..
قلها :ممكن آخد رقمك؟؟
بكل بساطة عطتو الرقم ثبت رقمها وقلها معلش سميكي متل ما بحب أنا؟؟

ضحكت وقالت : ع كيفك سجل يلي بدك ياه
وقامو و رجعو مشي عالكراج
وهنن بالطريق بلش يسألها عن وضعا وعن علاقاتها
وكانت تجاوب بدون أيا تردد
وصلو عالكراج وطلعو بالسيارة بقى هو ساكن قبل بيتا نزل قدامها وضل واقف عالطريق لحتى شافها وصلت ونزلت من السرفيس وهي فايتة عالبيت اتطلعت فيه وابتسمت وفاتت عالبيت
رجع #سامي عالبيت غير تيابو وعمل دوش وما تغدى ولا إلو نفس ياكل شي كان عم يفكر كتير بالحديث يلي صار بينو وبين #تهاني ..
قدام بيت #تهاني في جنينة بيقعدو فيها وبنفس الوقت في شارع بيتمشو العالم فيه ..
إلو بالعادة يمرق من قدام بيتها ويرمي عليهن السلام والكل كان يبتسم ويرد عليه السلام .
بس هالمرة غير ..
هو مارق متلبك وخجلان مرق من قدام بيتها و بخجل سلم وعيونو يا دوب لحقو يشوفو مين قاعد ..

ردو عليه الس

#استبدلت_العالم_بك_لماذا_خذلتني 💔
#الجزء_الثاني :
#بقلم_سما_الشام

ضحكنا وتسلينا و أكلنا وشربنا ومرق الوقت بسرعة وصار لازم نمشي
قبل ما نمشي قالت شو رأيك نكتب أسامينا ع الشجرة يلي كنا قاعدين جنبها؟
قلتلها : اكيد فوراً
وكتبت اسمي واسمها والتاريخ مع قلب صغير ..
ومشينا ونحنا ماسكين إيدين بعض وعم نطلع بعيون بعض .. رحنا عالسوق وصرنا نفتل مرق الوقت بسرعة ما تمنيت هاليوم يخلص بحياتو
وصلنا عالكراج وركبنا سيارة ورحنا عالبيت .
أنا ماسك إيدها وحاططها ع صدري وكل ما تشيل نظرها عني ارفع إيدها وبوسها
وهي تقلي : لك عيب هلق بشوفونا العالم يلي جنبنا
وأنا قلها : هاد اليوم بيخصني إلي وما حدا دخلو 😌
وهي تخجل وتقلي : أي لشوف آخرتها معك وتبتسم
وصلنا عالبيت ما كنت انزل قدامها ضليت حدها لحتى وصلنا لجنب بيتها
قالتلي : لا تنزل معي انزل بعدي مشان أهلي.
قلتها : أكيد هيك بدي ساوي
هي ونازلة أنا ما تركت إيدها ضليت ماسكها وسحبت إيدها بهدوء كبير وكأنو عم تقلي لا تترك إيدي .. نزلت وأنا بعدا بشي 50 متر نزلت ورجعت لناحيتها
كانت الدنيا ليل وهي فوراً فاتت عالبيت .
وانا صرت اتمشى ع مهلي من قدام بيتها لحتى بعتتلي رسالة
قالت : مشي الحال ما حدا سألني شي
هي بالعادة بتتأخر لأنو بعد الجامعة أحياناً كانت تشتغل بمحل خياطة و تتأخر لهيك ما حدا انتبه
رجعت أنا عالبيت و كالعادة عالسريع مسكت هاتفي وفتحت واتس بس هالمرة غير ..
صرت ابعت كلام غزل وحب وشغلات كتير بتدل ع العشق ..
أنا وعم راسلها فتحت هي
وبعتتلي : روق روق شو هاد يلي باعتو؟؟
أنا وقفت بطلت اكتب شي ..
قالت : اليوم عيد ميلادك وخلص هي متل ما حبيت يكون يومك مميز وكان مميز ..
كتبتلها : بس أنا بحبك

قالت : أنا بعرف إنك بتحبني بس أنا ما عم فكر ارتبط واليوم قبلت هالشي منك لانو عندك مناسبة وأنا ما حبيت خرب عليك هاليوم ..
قلتلا : انتي في بحياتك حدا ؟؟
قالت : لا أنا ما عم فكر بهالموضوع عندي دراستي هلق أهم ..
وهيك صار ..
ضلينا هيك حوالي شهر ونص ع نفس الروتين ..
كل يوم بنهار شوفها وبالليل نحكي واتس ..
أنا ما تراجعت وكل يوم قلها بحبك ..
بيوم كان مطر و غيم ورعد وبرد كتير ..
حاكيتها كانت بالبيت ..
عالواتس قلتلها :كيفك؟
قالت : تمام ..
قلت : شوعم تساوي وكيف البرد معك؟؟
قالت : برد كتير وأنا هلق عم ادرس ..
قلت : شو مشان أنو انا بحبك وبحبك كتير أيمت انتي بدك تبادليني نفس الشعور؟؟؟
قالت : هلق ..
انا تلخبطت قلت : شوو!! كيف؟!
شو شو شو قلتي عيدي عيدي شو قلتي؟!!
قالت : وأنا بحبك
هون انا تركت الهاتف وبلشت نط من الفرح واعمل حركات بتضحك إرجع إمسك الهاتف و اتأكد من الكلمة يلي قريتها وارجع نط وجن وصفق 😂
دقيتلها فوراً
ألووو
#تهاني: نعم
#سامي : حبيبي أنا بموت فيكي أنا بعشقك أنتي حياتي وعمري وروحي
#تهاني : وأنا بحبك
#سامي : يا الله ما أجمل هالكلمة طالعة من تمك متل العسل
#تهاني : أنا بحبك بس في شغلات كانت عم تخليني ارفض هالعلاقة ..
بس بعد ما عرفتك مضبوط وفهمتك أمنتلك وعرفت إنك بتستحق قلبي ومستحيل تغدر فيني .
#سامي : أنا مستحيل اغدرك أو اتخلى عنك رح ابقى حدك ومعك وكون سندك ونشالله ما بقصر شي من ناحيتك ..

بس انتي خليكي معي وكوني إلي وأنا جبل صامد إلك بس حبيبي بحسن أعرف وجعك وشو السبب أنك أخدتي كل هالوقت لحتى قبلتيني بحياتك؟؟
حبيبي نحنا روح وحدي وقلب واحد
حكيلي ولا تخبي شي بقلبك ..
قالتلي : معلش نأجل هالموضوع لبعدين
قلت : أي أكيد حبيبي متل ما بدك ..
حكينا شوي وبعدا قالت : حبيبي أنا بدي سكر مشان كمل دراستي معلش؟!
قلت : أكيد حبيبي أكيد ..
وسكرت من هون وفتحت عالواتس من هون وفوراً حطيت صورتها ع بروفايلي ..
بعتلها رسالة وقلتلها :حبيبي شوفي شو حطيت صورة عالواتس ..
فتحت و دقتلي فوراً
قالت : مشان الله شيلها ما بدي حدا يشوفها إذا سمحت شيلها
فوراً شيلها
حاكتني بعصبية أنا توترت فيها وشلتها فوراً ما عرفت السبب وغضيت النظر عن الموضوع بالوقت الحالي ..
مرت أيام ونحنا كل يوم عم يزيد حبنا عن يوم ..
كل ما حاول ارجع افتح الموضوع تقلي بعدين ..
وأنا غرقت بحبا وعشقتا بجنون ..
صارت أساس بحياتي وأول أولوياتي ..

فكر فيها ع مدار الساعة ..
التهيت عن كلشي وصارت أيامي محسوبة ع قربي منها وتعلقي فيها لا شغل ولا نوم ولا سهر ولا أهل ولا رفقات صارت هي كلشي كلشي ..
مر وقت منيح ونحنا ع نفس الحب وكل مانو عم يزيد من ناحيتي أنا ..
أما من ناحيتها وقف وما حسيت فيه ولا خلتني اشعر بهالشي ..
كنت اتحمل أغلاطها بس ما انتبه ولا دقق ع السبب وقول معلش ضغط دراسة ..
ل مرة تخانقنا مشان موضوع كتير صغير ..
موضوع شغلها بالمشغل ..
وهون اضطريت آخد موقف واحكي بشخصيتي يلي كنت عادمها قدامها وماني محسسها بهالشي أبداً ..
تفاتشنا وتحدثنا بالموضوع ..
وفجأة صارت تبكي ..
أنا اهتز كياني لما شفت دموعها ولمت حالي ألف مرة لأني كنت سبب بهالشي .
لما طلبت منها ت

#استبدلت_العالم_بك_لماذا_خذلتني 💔
#الجزء_الثالث :
#بقلم_سما_الشام

تاني يوم لبست تيابي وصحتي كانت لسا تعبانة كتير دقيتلها ردت 10 وربع ..
قالت : صباح الخير ..
أنا صباح النور أيا ساعة بدي شوفك؟؟
قالت: عندي محاضره الساعة 11 وبعدا بدي روح عالمشغل بخلص الساعة 5 بشوفك
انا : طيب 5 ونص بكون ناطرك قبل باب السكن باي ..
سكرت وأنا عم ادعي لربي يكون إحساسي غلط ..
نطرت الساعة 5 بالثانية ..
صارت الدقيقة عندي شهر مرق الوقت بصعوبة و روحي طلعت مع كل ثانية ..
صارت الساعة 5 أنا بعرف أنو هي ما بتكون دايقة الأكل كل النهار ..
أخدت معي سندويش وكولا ونطرتا مطرح ما اتفقنا ..
إجت وكانت ابتسامتها ك العادة قلبي فرفش بس ما فارقني هداك الشعور وما حسنت انسى النار يلي بصدري ..
قالت : كيفك حبيبي وباستني من خدي ..
أنا واثق من شعوري ما حسنت اتجاهل هالشي ..
رديت : أهلين حبيبي أكيد بتكوني جوعانة جبتلك معي أكل يلا تعي ناكل
ضحكت وقعدنا أكلنا ..
غصت ألف مرة وما حسنت تاكل متل العالم .. شالت السندويشة ع جنب وصارت تبكي ..
هي بدها تحكي حطيت إيدي ع تمها وسكرتو ..
قلتلها : سمعي ما تحكي ولا كلمة فهمتي ..
هزت راسها أنو اي فهمت ..
شلت إيدي عن تمها وقلتلها :
بدي اعطيكي ورقة قرأيها هي كتبتا مبارح العصر ..
أخدت الورقة وقراتها وفجأة وهي ماسكتا
بتقوم عن الكرسي بتوقف وبتقعد ع الأرض ع ركبها وبتصير تبكي بصوت عالي وتشهق ..
أنا بنسى كلشي وبتحمل كلشي الا دموعها كانو نقطة ضعفي ..

مسكتها وقعدتها حدي وضميتها ..
ما كان في كلمة عندها غير سامحني مو بأيدي ..
سامحني الله يخليك .. والله بحبو بس بكرهو ..
أنا هالجملة ما بتروح من حياتي لحتى موت ..
سكتت ما فتحت تمي بحرف ولا كلمة ما حكيت ..
ضليت هيك شي ساعة تقريباً بس دموعي ما عرفت هنن وجع ولا حب ..
غيرة عليها ولا كسرة قلب منها ..
ما حسنت ميز شي ..
كان حبها أقوى من أيا شي ممكن صادفو أو عيشو ..
حبي إلها أعمى ..
حبي إلها خيال ..
حبي إلها كان مقدس ..
ما حسنت حاسبها ولا وجهلا أيا كلمة
صراحتها كانت أقوى من حبي وعشقي إلها ..
ضعت ونكسرت بس ما عرفت شو ساوي اتركها و امشي ولا ابقى معها وانغدر كل حياتي ..
ضاقت الدنيا فيني ..
وهي كانت ع بواب امتحانات خفت من كتير شغلات ..
ضعت وغرقت أكتر ما شفت حالي الا وعم قلها أنا السبب انتي ما دخلك أنا السبب ..
أنا لو إجيت ما كان صار فيكي هيك أنا يلي لازم يطلب السماح منك ..
وضميتا وسكتت ..

مسكتا بأيدها ومشينا وصلتا ع باب السكن وقلتلها روحي نامي و ارتاحي أنتي تعبتي كتير ..
قالت : لا ما في روحة أنت مانك منيح أنا بعرفك ..
ابتسمت وبوستها من خدها وقلتلها : بالعكس أنا منيح كتير بس انتي شوفي حالك ..
قالتلي : أنت سامحتني صح؟؟
أنا : أكيد سامحتك ..
قالت : وين كلمة بحبك؟؟؟
هون بوستها وسكتتها وعطيتا الجواب بهالحركة ..
ضحكت وقالتلي : الله لا يحرمني منك أنت حبيبي وحياتي وسندي ..
أنا كنت عم اسمع حكيا وما يخطر ببالي غير شغلة وحدة إنها طفلة هي طفلة
غبائها وقلبها الطيب هنن يلي وصلوها لهون ..
قلتلها : أكيد حبيبي انتي حياتي ونور عيوني ونشالله ببقي سند إلك كل حياتي .. يلا سنفورة درملي ع غرفتك أنا بدي انطرك هون لحتي توصلي وتاشريلي من البلكون ماشي حبيبي؟؟
قالت : أي حبيبي يلا باي بشوفك بكرا ..
أنا : أي حياتي بكرا بشوفك ..
طلعت ونطرتا لحتى ا وصلت ع غرفتها واشرتلي من البلكون من بعيد ..
....
ومشيت .. مشيت .. مشيت ..
ما عرفت استقر ع رأي ..
قول مابدي ياها يعص قلبي ..
قول بدي ذلها يعص قلبي ..
قول بدي عاقبها يعص قلبي ..
وبعدين ..
كان حبها وعشقها جواتي أكبر من أنو حدا يتخيل هالشي ..

أنا وصلت لمرحلة ما شوف غيرها ولا بيهمني شي غيرها كانت حبي وحياتي وعشقي ..
كانت سبب دماري وانهياري ..
ما بعرف كيف وليش وشو السبب ..
ما هتميت للتفاصيل يلي كانت مهمة كتير ما اهتميت لشي أبداً ..
أدمنت ع حبها وصار يمشي بدمي ..
رغم إني أكبر منها بكتير ..
بس كانت مسيطرة عليي بطريقة غريبة ..
مرق اليوم بس كيف ما بعرف ..
عجزت لاقي حل ..
مع الأسف كانت مشاعري وقلبي هنن المسيطرين ..
طلع الصبح وبدون أيا وعي كتبت الرسالة اليومية ..
(صباح الخير ياعشقي ❤❤)
بدون أيا تنبيه بعتت الرسالة وكأنو ما في شي ..
نزلت الصبح لعندا ..
حاكيتا من قدام الجامعة وقلتلها أنا ناطرك بس خلصتي المحاضرة أنا بالحديقة ..
لوقتا طلعت وفوراً اجت لعندي و أول ما وصلت لحشت حالها بحضني ..
أنا هون عنجد نسيت كلشي ..
بقينا هيك لفترة منيحة ..
حتى إجا يوم كنا قاعدين على شط البحر ..
طلبت منها تخبر أهلا أنو أنا جاي اطلب إيدها وتساعدني بهالموضوع ..
اتفقنا ع الحديث يلي لازم نحكيه ..
وهيك صار ..
رجعنا عالبيت ك العادة هي فاتت عالبيت وأنا عم افتل و امشي وحوص متل المجنون امسك راسي وقول يارب يارب يمشي الحال ..
نشالله يكون في إقبال عالموضوع من طرف أهلا ويكونو م

#استبدلت_العالم_بك_لماذا_خذلتني 💔
#الجزء_الرابع_والأخير :
#بقلم_سما_الشام

سنتين ما حسنت شوفها ..
أنا بعدت عن المنطقة وبلشت شغل بعيد ولما ارجع قضي وقتي كلو قدام بيتها ما في خبر عنها ..

مرت أيام شتوية قاسية كتير وأنا ع طول قدام بيتها ..
وبالصدفة شفتا ..
شفتا حسيت روحي رجعتلي حسيت حالي ملكت الكون ..
فرحة وسعادة دخلو بقلبي وروحي ..
عشت أسبوع بحياة جديدة وفرح جديد وبسمة كنت محروم منها من سنين ..
لاقيت طريقا أتواصل معها لأنو هي غيرت أرقامها وكان صعب عليي جيب أيا رقم بيخصها ..
تواصلت معها عن طريق الفيس بوك ..
بس بدون ما تحس إني عم تابعها ..
كنت شوف تعليقاتها ومنشوراتها ..
وظليت شوف صورها يلي كانت تحطهن ..
أنا وعم اتصفح صفحتي الشخصية
شفت صورة إلها أنا يلي صورتها بأيدي ..
رجعت بذاكرتي ع الموقف وكان صعب عليي كتير بلشت اتذكر مواقف كانت غافلة عني أو أنا كنت عم غض نظر عنها ..
تزكرت كلمتها لما قالت :
((بحبو بكرهو غصبن عني عملت هالشي))
ولما قالت : ((أهلي رفضو الفكرة إني ارتبط فيك))
وبلشت عيد حساباتي ..
بس بدون نتيجة ..
كان حبها بقلبي عامي ع عيوني ..
صفنت بالصورة كتير وبدون شعور علقت عليها ..
وسكرت فوراً ..
أنا كنت محتفظ بكل محادثات الواتس والصور القديمة ..
رجعت بذاكرتي وكانت ذكريات كتير حزينة ..
فيها الفرح وفيها الحزن وفيها كتير شغلات بتخليني انسى يلي صار فيني ..
تواصلت معها وحاكيتا عالمسنجر ..
ألو كيفك طمنيني عنك ..
قالت : أهلا وسهلا تمام كيفك أنت؟!!
أنا : ماشي الحال طمنيني عنك وين هالغيبة وين أراضيكي طمنيني عنك؟؟؟
((مع حرقة بصدري))
أنتي منيحة؟؟؟
نخطبتي تزوجتي؟؟
قالت : لا لساتني متل ما أنا بس تركت كلشي ورايي وحطيت هدف الدراسة وهو أساس كلشي عندي هلق ..
باقيلي هالسنة و بتخرج نشالله وبحقق حلمي ..
أنا : الله يوفقك يارب ..
آسف إذا أخدت من وقتك .. بس كتير مبسوط إني سمعت صوتك وعرفت إنك بخير ..

قالت : لا ولا يهمك مافي مشكلة ..
إنت كيفك شو أخبارك ..
وين صفيت بهالدنيا .
أنا : والله لساتني متل ما تركتيني ما تغير فيني شي لساتني الشب يلي عرفتيه ..
قالت : معلش بعد إزنك مضطرة سكر ..
عنا بيت أختي والولاد حواليي ما عم يخلوني ركز منحكي بعدين .. (بااي)
أنا : الله معك .. وسكرت ..
فرحتي كانت كبيرة وبنفس الوقت كانت غصه بقلبي ..
بس يلي ردلي روحي إنها قالت منحكي بعدين ..
بقيت فترة ..
صبح عليها ..
ومسي عليها ..
هيك شي أسبوع صرنا نحكي مضبوط رجع قلبي يدق من جديد ..
ورجعنا نحكي عن حياتنا بشكل غميق شوي ..
هيك مرت أيام حوالي شهر وطلبت منها إني شوفها ..
قالت : أي ممكن نلتقي بس وقتي كتير ضيق ما بحسن طول ..
وهيك صار والتقينا ..
كان يوم الإثنين ..
الساعه 11 ونص الصبح أنا ناطرها ع باب السكن الجامعي ..
وعم احسب حساب كيف بدي استقبل قلبي يلي ضاع مني كل هالفترة وأنا مشلوش بالتفكير ..
ما حسيت فيها غير صارت ب وشي ..
مديت إيدي وسلمت عليها ..
وكانت روحي عم تطلع مني شميت ريحتا وحسيت بنار البعد قديشها كانت قاسية ..
مدت إيدها وسلمت كان شعور ما بينوصف عندي ..
أنا : ممكن نتمشى شوي؟!!
قالت : أي ممكن ..
مشينا وأنا كان في كتير كلام بدي احكيه بس وقت شفتها ما حسنت احكي ولا كلمة ..
ما حسنت شيل عيوني عنها ..
قلبي كان دقاتو أقوى من صوت الموج الهايج ..
وحرارة جسمي بتشبه البركان ..
وشوقي لضمها أقوى من شوق الطفل لأمو ..
ما حسنت احكي حرف ..
إما هيي كانت كتير قوية وثابتة ما هزت منها شعرة ..
ما طولنا خلص مشوارنا بسرعة ..
رجعتا ع جامعتا وأنا رجعت ع شغلي ..
نطرت الليل بفارغ الصبر ..
حتى نحكي وحاول آخد منها موعد تاني ..
صارت الساعه 8 المسا وأنا ناطر تفتح مسنجر حتى نحكي .. فتحت وشافت رسالتي .. يسعد مساكي ..
قالت : مسا النور
أنا : ومساكي يارب كيفك نشالله أمورك تمام؟؟
قالت : الحمدلله ماشي الحال ..
أنا : حاولت ارجع افتح حب قديم
قالت : إذا سمحت ما حابة افتح الماضي ..
أنا : تكرمي المهم إنك بخير وموجودة حدي ..

ما حكت شي ..
أنا حاولت اتقرب منها بتفاصيل مدروسة وبعرف إنها بتهتم بالهشي ..
وبلشنا نتقرب من بعض بطريقة غريبة وأساليب جريئة حتى مرت أيام دقلها هاتف وترد من قدام أهلا وهنن يسألوها مين عم يحكي تجاوب بصراحة أنو أنا يلي عم احكي معها ..
وأحياناً نحكي مكالمة أكتر من 4 ساعات متواصلة
صارت هي تقلي بدي شوفك وأنا ما صدق تقلي هيك وفوراً لبي طلبها و إجي لعندها ..
صار اتصالي فيها أقوى من أيا اتصال حبيبين أو عشيقين مع بعض ..

بكل بساطة وبدون أيا حساب أو تخطيط دخلت ع بيتا وكان استقبالي كتير طبيعي ما حسيت بالكره يلي زكرتو زمان ولا أيا نوع من أنواع الرفض يلي عانيتو ..
بالعكس كنت كتير حدا مرغوب فيه و مرحب فيه ..
مرت شهور وأنا عم اطلب منها نرجع لبعض ..
وكان جوابها الرفض وبنفس الوقت كانت تعطيني أمل أنو ممكن نكون لبعض ..
أنا تهت كت