#المجهول #الحزء_التالت
@rwayate
رجعت ع البيت رجليي مو فادربن يحملوني و راسي رح ينفجر دقيت الباب ومالقيت حدا طالعت مفتاحي فتحت و فتت ع البيت ..
دلع : ماما .. بابا.... وينكن ؟
ماحدا رد عليي مابعرف وين راحو .. سمعت صوت حركة ع البرندا فقلت يمكن هن اعدين برا وماسمعوني .. طلعت لبرا مالقيت حدا .. تسكر عليي باب البرندا و انا برا صرت دق و حاول افتح الباب بس انقفل من جوا ..

حاولت انزل من البرندا ع الشارع لان بيتنا أرضي بس ماقدرت كان في مسافة و في حجار و صخور بعني اذا نطيت رح انأذى .. رجعت حاول افتح الباب فتح بسهولة !!

فتت لجوى لقيت بابا بمكتبو و عم يشرب قهوة
دلع : بابا بابا انت هون ؟

بابا : اهدي حبيبتي شبك شو صاير معك ؟

دلع : قبل شوي صرخت ومالقيت حدا وين كنت انت وين و باب البرندا تسكر عليي لحالو يالله بابا انا خايفة مو طبيعي يلي عم يصير ..

كنت عم احكي و الهث من خوفي و دقات قلبي المسموعة .

بابا : ياعمري اهدي اهدي بجوز الباب سكر من الهوى .. قومي غيري تيابك و غسلي خلينا نطلع نتمشا برا وناكل شي و تغيري جو
@rwayate
غيرت تيابي و غسلت و طلعت انا و بابا .. ماما كانت ببيت خالتي و بقانونا الصارم كانت الزيارة خاصة فيا يعني ممنوع روح معا او الحقا .. مستعدة ادفع عمري لاعرف ليش أمي عندا هالنظام الشديد القاسي

بابا طلع ع مكتبو و انا فتت ع غرفتي كنت خالصة يومين بدون نوم و تعب و خوف يعني اذا حدا بيجي يخنقني ماعندي استعداد قوم دافع عن حالي .. مجرد ماحطيت راسي ع المخدة غفلت ..

بعد ساعتين فئت ع صوت نقر خفيف ع الشباك .. لقطت نفس بخوف .. الساعة بحدود ال ١٢ بالليل و البيت عتمة و الشوارع فاضية و معتمة مافيا الا صوت كلاب .. قربت ع الشباك و فتحتو و انا عم اتردد .. لقيت بوجهي مرة وجها شاحب و شعرا اسود ناشف كأن صرلا سنين بلا حمام .. عيونا سود وحواليهن اسود ولابسة توب طويل فضفاض ..
أول ماشفتا خفت و شهقت ، كانت عم تطلع فيني و تحاول تحكي بس ماعم يطلع صوتا وماعم تقدر تحكي الا بعض حروف . بعدين تركتني وركدت وفاتت ع بيت جارنا !!

كنت جمدانة بمكاني ومو عارفة شو اتصرف.. اخدت عصا و طلعت من بيتنا .. وصلت لعند باب بيت جارنا الباب مفتوح ، دخلت بخوف و انا عم اتطلع بكل زاوية .. بيت قديم وفاضي فيه كنباية مكسورة من الخشب .. و طاولة صغيرة و تلفزيون عليه غبرة ..

و انا عم اتطلع و صافنة اجا جارنا من ورايي : شو عم تعملي هون ؟
@rwayate
اتطلعت فيه و انا عم ارجف دفشتو وهربت فتت ع بيتنا و سكرت الباب و فتت ع غرفتي قفلت الباب ع حالي و قفلت الشباك ... اعدت بزاوية الغرفة و صوت نفسي اعلا من صوت الموسيقى

بقيت بمكاني لأول مابلش يطلع الضو .. ئمت طلعت ع الصالة .. بابا كان غفلان ع مكتبو فيقتو و اخدتو لغرفتو نيمتو فيا .. ورجعت ع غرفتي فتت و انا عم سكر الباب .. سمعت صوت شي انكسر ... الصوت بجهة مكتب بابا طلعت بسرعة .. وصلت وبعد اللي شفتو تغير لوني .. وجهي صار أصفر .. بابا ع مكتبو ..؟؟ بس قبل شرب انا نقلتو ع الغرفة و غطيتو وهو بتختو!! مين نقلت انا وين بابا شو عم يصير..
رحت ع غرفة بابا فتحت الباب مالقيتو بتختو و التخت مرتب .. رجعت ع المكتب فيقت بابا وسألتو إذا هو رجع لهون .. بس قلي انو هو ماتحرك و انا مانقلتو و لا حكيت معو ولا شافني ..

صارت الساعة ٧ و انا لسا عم فكر وخايفة .. لبست تيابي و طلعت ع جامعتي .. رفقاتي كانو من بعيد عم يتطلعو عليي وهنن مستغربين شكلي مو مريح ابداً وواضح عليي آثار التعب و قلة النوم ..
اجا لعندي صفوان : دلع شبك ؟

دلع : انا رح موت .. تجوزني بقى وخدني ع بيتك
@rwayate
صفوان : شو صاير معك فهميني ؟

دلع : انا ماني مجنونة وفي شغلات مو طببعية عم بتصير معي والله مخي ماعد يتحمل .. اكيد في جن ببيتنا و حارنا يمكن بيشتغل بالسحر مبارح شفت جنية ..

صفوان : اهدي وحاج تبكي فهمتي ؟؟ انا مارح اتركك و بوعدك اعرف شو عم يصير معك.. الليلة لازم نفوت انا وياكي ع بيت جاركن لنعرف شو عم يصير عندو وشو عم يعمل

#بقلم_رند_محمد يتبع

#المجهول #الجزء_الرابع

أمي كانت عم تطبخ و ابي عم يكتب .. فتت ع غرفتي ارتميت ع سريري ونمت مابعرف اديش المدة يلي نمتا بس مو أقل من 6 ساعات فئت منشطة .. بس كان صوت صريخ أمي فوق راسي قوي و بشع ... لان فتحت الباب و لقتني نايمة بهالوقت و نايمة بتياب الجامعة و مرتمية ع التخت بدون تنظيم خلاها تفقد السيطرة و بلشت تبهدل فيني و تصرخ عليي و انا نايمة .. فئت ولأول مرة نفرت بوجها : خلصصصص بنتك عم تموت و انتي كل همك الترتيب و النظام حسو فيني .. حسو فيني ..
@rwayate
صرت ارمي تيابي ع الارض و مكياجاتي و غراضي و انا عم صرخ : حسو فيني لك حسووووو..

اجا بابا ع صوتي و صار ينبه امي و يخانقا لان عم تقسى عليي بشي ما الو طعمة .. صوتن صار عالي بغرفتي و انا مو قادرة اسمع و لا صوت من وجعي : لك خلص طلعو لبرا حاسة دماغي عم يتقطعو طلعو طلعوووو...

دخل صفوان ع غرفتي : شوفي ي جماعة