#الليلة_العاشرة
#قصة_رعب

الحلقة الاولى
الساعة تنتين بالليل قاعدة بغرفتي صاحية وقلقانه كتير ومو جايني نوم من بعد اللي صار قبل المغرب بساعة .. طول اليوم كنت مبسوطه ومروّقه بس بهاللحظات بالذات أنا حاسه برعب كبير مخليني صاحية وعم بتطلع حواليه كل شوي .. اسمي ناديا وعمري عشرين بدرس تصميم أزياء بجامعة وعندي اخت صغيرة إسمها ماسه .. عمرها ست سنين ونص .. واخ كبير اسمه كرم .. ماما بتشتغل بالبيت بصنع ا?شغال اليدوية وبتيعهم لجارة النا حالتها منيحه وهيه بتتصرف فيهم .. يا اما بتبيعهم لمح?ت يا أما ?شخاص .. بابا شغله برومانيا وكتير بسافر وبرجع .. كلنا بنحبه ومابنحس بوجوده بس يروح ?نه عوضنا عن غيابه بكمية حنان وحب كبيرة وببعتلنا مصاري كل شهر .. اخي خاطب بنت اسمها جيداء .. بنت غريبة شوي وبنحسها أنها مفصومة عن الواقع فبعض ا?حيان .. أنا واختي كتير بنقول هيك ?نه كل ما بتيجي عنا بتكون بمزاج مختلف وهالشي اللي مخلينا مستغربين منها .. قرايبنا شبه مختفين وكل شخص فيهم مسافر على بلد .. أما أنا برغم إني بحس حالي وحيدة إ? أني مرتاحه نفسياً بس بهالليلة بالذات تخربطت كل مشاعري وصرت حاسه بشي غلط عم بصير .. قبل المغرب بساعة تقريباً أجت لعندي اختي ماسه وحكتلي بدي موبايلك شوي .. حكيتلها ليش .. قالتلي عم نلعب أنا وصاحبتي غفران برا البيت وعم نصور بعض ونعمل عرض أزياء ?نه حابين ندرس متلك بس نكبر .. قلتلها طيب خديه بس رجعيه بسرعه ?نه محتاجيته .. أخدته وطلعت وأنا بقيت بالبيت بدرس وفاتحه الدفايه ?نه الجو كان آخر شهر عشرة والطقس بارد .. كانت ماما طالعه تبعت شغلها لفاديه جارتنا .. وماكان غيري بالبيت .. برغم انه حالتنا ا?جتماعية متوسطة وماعنا شي ينخاف عليه إ? إنه كنا حاطين كاميرة مراقبة جنب باب البيت الخارجي من خوف مايدخل لعنا حدا غريب خصوصاً إنه الحي اللي ساكنين فيه كتير في زعران وقطاعين طرق وبابا قبل سنتين أصر إنه نركب الكاميرا برغم انه ماما رفضت وقالت كرم موجود وحامينا بس هوه خوفه وحبه علينا كان مخليه يعمل أي شي ليكون مرتاح بغربته .. طلعت ماسه برا تلعب ومعها موبايلي وبعد نص ساعه سمعت صوتها جنب شباك غرفتي مع صاحبتها وشفتها عم تركض والموبايل مو بإيدها .. سألتها ماسه وين موبايلي .. حكتلي يي اسفه ناديا نسيته جنب باب البيت مع موبايل غفران ?نه جينا لهون حتى نلقط ورد لنزين فيه شعرنا مع ا?واعي .. صرخت عليها وحكيتلها جيبي الموبايل بسرعه انتي مابتنعطي شي .. زعلت وجابتلي موبايلي .. اخدته منها وحطيته جنبي وبعد ماخلصت دراسه فتحت احكي مع ميسم صاحبتي على الواتسب .. طلبت مني أصورلها جزء من المادة ?نه اخوها الصغير مازعلها الصفحه .. صورتلها الصفحه واجيت بدي أبعتلها ياها
يتبع ..

#الليلة_العاشرة
#قصة_رعب
#الحلقة_الثالثة 3


انتي كان صاير معك شي قبل بليلة من لما اجت واختك طلبت منك التلفون حكيتله صح .. أنا بعرف شب إسمه ميّار وكنا متخانقين بهالليلة وأنا كان عندي امتحان اللي رح اقدمه بعد نص ساعه ومن الشي اللي صار مبارح مادرست عليه .. الشب بحبني .. بس هوه عم يغيّر أسلوبه معي كل مرة .. يعني مزاجي كتير وانا صرت بمشي على مزاجه لهيك كان وقتها متدايق وأنا متدايقه بسببه .. نحنا بنعرف بعض من ست شهور وهوه بشتغل مو بالجامعه معي .. بشتغل بشركة موباي?ت .. حكالي حلو كتير .. وموبايلك هاد من وين جبتيه ؟ ! حكيتله هوه جبلي ياه من محله هديه .. بس ?نه حالته الماديه صعبة شوي جابه مستعمل وأنا قلت ?هلي انه اشتريته من مصروفي الشخصي .. نحنا حالتنا متوسطة يعني بابا برا بشتغل برومانيا وببعتلنا مصاري واخي خاطب ومو ملحق مصروف وماما بتشتغل بأشغال يدوية للمطبخ والبيت وبتبيعهم لهيك ماكان معي وقتها لحتى اغير موبايلي القديم لجديد حكالي اذا صح هالشي صاير معك وصاحبتك ماشافته فأنتي بتكوني شفتي شي ماحد بشوفه .. وياخوفي اللي ببالي يكون صحيح .. خصوصاً إنه اللي صار من شوي ماكان من فراغ .. قلتله شو قصدك دكتور؟ قلي وقعة الموبايل بالقهوة ممكن تكون صدفة وبسبب انفعالك بأني ما اشوف صورك الشخصية بس دخول الطالب المفاجئ وضربة إيده بأبو محمد ووقعة الموبايل تاني مرة تحت رجله ! هي مو مصدفة الموبايل وقع لحتى أنا ما أشوف الفيديو .. يمكن لو شفته من موبايلك كنت قدرت أكشف شي .. حكيتله دكتور شو يعني هالحكي أنا متشتته .. قلي مابدي ياكي تتعبي نفسك .. انا رح اقعد معك على رواق وبعيد عن الجامعه وبدي توصفيلي شكله بالضبط وبدي أعرف كيف صار معك هيك وكيف صاحبتك ماشافت شي وكيف كاميرة المراقبة برا بيتكم مافرجتك وجود الشخص برغم انها عامة ورؤيتها عريضه وفيها تكشف المشهد بسهولة .. انتي صادقة أنا متأكد بس بدي أتأكد من كل شي وقت نقعد سوا .. حكيتله وبس نقعد سوا شو رح يصير ؟ ! قلي رح اخدك معي على بيتي واعملك تنويم مغناطيسي أو إسقاط نجمي .. بدي أعرف انتي شو شفتي واعرف حقيقة هالشي .. هل انتي توهمتي أو فع?ً شفتي شي ماحد شافه غيرك .. تطلعت عليه نظرة غريبة وفهم عليه فوراً .. قلي بعرف بعرف شو بتفكري .. ماتخافي انا زلمه متزوج ورح يكون الشي بوجود مرتي .. بس أوثقي فيني .. قلت كيف اروح عنده وما احكي ?هلي .. خايفه ولو عرف كرم رح تصير قصة .. وفجأة دخلت ميسم للمكتب طقت الباب وقالت مرحبا دكتور .. ناديا وينك .. تركتيني ورحتي ا?متحان قرب يبلش وما راجعتي شي ! وفي شي مهم كتير كنت بدي قلك ياه بس مالقيتك ورنيتلك كان مغلق قلتلها شو ؟ ! قالت اختي خلّصت الرسمة .. قال الدكتور أي رسمة
يتبع ...

#الليلة_العاشرة #الحلقة_الأخيييرةة

#قصة_رعب


صرخت بصوت عالي لحد ماتشنجت أعصابي وحسيت بإنهيار قوي .. شفت جثث ?طفال على ا?رض مرميه بكل الغرفة .. أعضائهم كلها برا .. عيونهم طالعه من مكانها .. صدورهم مشقوقه وأحشائهم كلها طالعه .. الغرفة كلها أطفال أموات ومابنعدو .. ومتمثّل بجثثهم .. من صدمتي ماقدرت أتحرك بس كان بدي أطلع من الغرفة .. صرت اطبل على الباب ساعدوني بترجاكم .. من الصدمة اللي شفتها نسيت انه تلفوني بالشنطة اللي على ظهري .. نزلتها والمصباح لسه بإيدي وطلعت التلفون وحكيت مع كرم قلتله الحقني بترجاك انا علقانه بالبيت تعال خدني .. قلي نحنا برا البيت .. دُريد اعترف وقال انه ميار مغريه بالمصاري وقايله انه يحكي انه ?زم تروحي لحالك بدون مانكون معك .. انا والدكتور قادر جنب الباب بنحاول ندخل بس مش عارفين .. حكيتله رح اموت هون اكسروه اعملو شي بسرعه .. حكالي ميّار جنب البيت ودمه نازل من راسه .. ? تكوني انتي قتلتيه ناديا ..!!! حكيتله رح احكي كل شي بس طلعوني من هون .. سكرت الخط وصرت ارجف ومغمضة عيوني .. فتحت عيوني بعد دقيقه لقيت الغرفة فاضية .. ماكان في حدا ..! ا?طفال وين .. أنا عم بتوهم معقول .. سمعت في صوت تكسير وكان كتير واضح ?ذني .. دقائق وسمعت صوت كرم والدكتور قادر برا .. بنادو ناديا .. اتطمنت وفتحت الباب وصرت اقلهم طلعوني بترجاكم رح يقتلوني .. مسكني كرم من إيدي ونزلني .. حكالي شو شفتي شو صار معك .. قلتله مرعوبه البيت كله بخوّف .. بترجاكم خلينا نطلع .. وصلنا للباب وكان شبه مخلوع .. قلي حاولي تطلعي من طرف الخشب .. كنت بحاول اطلع وعم بدفعني لقدام .. وفجأة صار المطر برا يزيد بقوة وأصوات تطلع من كل البيت أعلى وأعلى .. صوت صفير قوي .. وا?ثاث بتحرك وبوقع كل شي بالبيت متل الزلزال وكأنهم بدهم ينتقمو منا ?نه دخلناه .. سمعنا صوت حدا بركض من بعيد .. كان ميّار جاي لعند الباب بقلنا اهربو قبل ليقتلوكم .. بترجاكم هاد نفس الصوت اللي سمعته قبل سنة .. وشفتهم بدهم يقتلوني من بعد ماكشفتهم وحرقتهم .. بسرعه مافي وقت .. تذكرت صوت الصفارة القوية اللي كنت بسمعها بأذني .. وعرفت بهاللحظة إنه مصدرها هيه وصوت البنت من هون من البيت .. يعني السر كله فبيت أهل ميّار .. ماكان عندي وقت أسأله أو أفكر ?نه كان بدي بس اهرب .. شدو إيدي وطلعت لبرا .. وهمه طلعو من نفس شق الخشب تبع الباب وطلعو معي .. كنا رح نمشي للسيارة ونهرب بس ميّار ضل واقف .. قال مانسيت ومارح أنسى .. رح أنتقم منهم .. حكيتله يامجنون وين داخل .. تعال كل شي عم بوقع بالبيت مش شايف كأنه زلزال .. اهرب بترجاك .. قلي ناديا انتي الوحيدة اللي حبيتيني من قلبك .. وأنا أكتر حدا حبك من قلبه .. كذبت عليكي كتير صح بس أنا حبيتك
يتبع ..

#الليلة_العاشرة ..
#الحلقة_الخامسة

#قصة_رعب ..


شفت مرته للدكتور بعيونها غضب كبير .. كانت واقفه جنب الباب وعم تتطلع علينا بوحشيه بعد مادخلنا الصالة وحكت .. شو ضل؟ .. مو خلص عملت اللي عليك شو بقي بدك منها .. قلها إذا سمحتي أول مايجي الشب مابدي أسمع منك صوت .. وفجأة صرخت بصوت عال كتير .. ماحزرت .. أغريتني بك?مك وقلتلي رح تجبلي السنسال اللي شفته بس عشان الخانم تدخل البيت وه? بدك تجيب حبيب القلب تبعها كمان .. احنا شو دخلنا فهمني .. اتركها تمشي ومادخلنا بشي .. قلها بجبلك خاتم كمان بس بترجاكي مابدنا فضايح .. حكتله انت عشو متمسك بهالموضوع؟ ! ليش عم تساعدها وشو بدك منها ?نه مستحيل كل هالغلبه هيك لله بالله .. أنا مرتك وبعرفك ..! وفجأة قام ومسك ايدها وقلي عن إذنك .. سكّر باب غرفة نومه وماعرفت شو اللي نحكا جوا .. ?نه بعد خمس دقايق بالضبط دخلت من جوا معه طبيعية ومافيها شي .. راحت عالمطبخ تعمل قهوة ودقيقه وكان ميّار عم يرن .. مسكت التلفون ورديت عليه قلي أنا تقريباً تحت البناية اللي وصفتيني عليها .. نزل هوه من البيت وأنا بقيت بستنى .. وبهاللحظة دخلت مرته للدكتور واستفردت فيني وصارت تصرّخ بوجهي وتحكي شو بدك من زوجي .. بدك تبلينا بمصيبتك .. نحنا مادخلنا وابعدي عنه .. إذا مخك فيه شي نحنا ما إلنا ع?قة وزوجي مو طبيب نفسي .. روحي شوفيلك دكتور يعالجك ولّا الظاهر أشكالك ما معها تدفع لدكتور لهيك جايه تشحدي عنا لحتى زوجي يعالجك بب?ش .. وفجأة ابنها كسّر شي بالمطبخ .. دخلت لجوا تركض وبعد دقيقه كنت سامعه صوت صراخه ببكي وهيه بتضربه بوحشيه .. وكنت سامعة ألمه ووجعه منها بأذني .. وماقدرت أتخيل كيف في أم بهون عليها إبنها اللي حملته تسع شهور وربّته تضربه بهالطريقه .. دخل ميّار البيت .. شافني قاعدة وحاطه إيدي على وجهي وصافنة .. قلي ناديا .. خير؟ ..! قله الدكتور ماتقلق .. رح تفهم كل شي .. مرت نص ساعه .. مرت الدكتور قدمت القهوة .. شربناها .. دخلت جوا واخدت ابنها وسكرت الباب بطرقة قوية .. الدكتور قادر فتح الموضوع مع ميّار وقله ناديا مسّلط عليها شر من حد مجهول مابنعرفه .. أنا بطريقتي قدرت أعرف هالشي وقدرت أخليها ترجع لماضيها .. طلّع صورة الزلمه المرسومه وفرجاه ياها .. سأله بتعرفه؟ ! قله ? .. وأول مرة بشوفه .. مين هاد؟ ! قله و? نحنا بنعرف .. هالشخص ظهر لناديا بتسجيل فيديو مدته ربع ساعه .. واللي اتضحلنا بعدين إنه هالشخص غير مرئي للواقع وماحدا قدر يشوفه غير ناديا .. وهالشي توضحلنا أكتر من دليل .. كاميرة المراقبة اللي ما شهدت على وجوده باللحظة اللي تصوّر فيها المقطع .. وصديقتها ميسم اللي ماقدرت تشوفه و? ت?حظ عليه .. هاد دليل كافي إنه الموضوع في شيء غلط .. إعرف إنه ناديا بخطر
يتبع ..

#الليلة_العاشرة
#الحلقة_التاسعة

#قصة_رعب


شو بدك بالصغار أأذيني أنا .. ليش عم تعمل معهم هيك ليش ..!! فادية كانت صافنه فيني بطريقة عجيبة وحكتلي شو عم تخبصي شو صرلك .. مين هاد وبنتي ليش عملت هيك شو عم بصير فهموني أنا رح أجن .. وبعد دقيقه نطقت غفران .. نفس الصوت ونفس ا?سلوب .. نفس كل شي عم ينعاد متل الشريط مرة تانية .. اللي صار مع ماسه عم يصير مع غفران .. صارت تحكي بصوت الزلمه وتقول اطلعو برا واتركوني لحالي .. فايدة من صدمتها صار رح يغمى عليها وعيونها بطلت تشوف فيهم .. قالت بنتي .. شو فيكي؟ ليه صوتك هيك؟ كانت متوحشة وقلبت مية وتمنين درجة بلحظة .. ماكنت بعرف ليه اللعنة القوية عم تنتقل ل?طفال بسهولة وليه همه بالذات .. رن تلفون ميسم وكانت امها عالخط قالتلها روحي بسرعه اختك قالتلي شو صاير مع صاحبتك ناديا واذا ه? مابترجعي على البيت ? انتي بنتي و? بعرفك .. حكتلها ماشي امي .. قالتلي امي بدها مني روّح على البيت ورح تغضب عليه وتكرهني لو ماروّحت بترجاكي ناديا ديري بالك على حالك وخبريني شو بصير .. اخوكي اكيد ه? رح يجي من المستشفى ويوخدك وتروحي لعند هداك الشخص .. احكيلي شو رح يصير معك .. رح ضل ادعيلك .. طلعت وتركتني مع فادية .. وكنا لحالنا بالبيت وفايدة عم تطلب من بنتها تنزل من فوق الخزاين بس ماكانت عم ترد .. كنت بسأل حالي كيف طلعت لفوق بس الجواب كان انه اللعنة اقوى من كل شي وعم تسيطر عليهم بسهولة .. ضلت عم تحكيلي شو عملتي ببنتي .. شو صار بيتكم مسكون احكيلي شو في؟ وشوي وكانت رح تضربني .. ولسه عم تحكي وتحكي وتشدني من كتفي .. رمت غفران من فوق السكينة على راس امها .. تزحلقت من راسها لكتفها ودخلت بظهرها بعد ماوقعت .. صرخت وهربت من المطبخ وغفران نطت من فوق وكأنه فيها قوة عجيبة .. طفلة بهالعمر كيف بتتصرف هيك ؟ ! ماعندي جواب ..! سكرت باب المطبخ وصرت شده بإيدي لقدام .. بس هيه كانت ايدها اقوى مني .. زلمه اللي عم بشد مو بنت .. كنت عارفه انه موجود بالبيت وعايش معنا وورايه بكل مكان .. بس اللي ماتخيلته انه كل ماشاف طفل بتلبّسه وبصير بده يأذيني من خ?له .. هالشي تكرر كتير أوله عند بيت الدكتور لما كان عم يعالجني وابنه عمل نفس الشي .. وتاني شي ماسه .. وه? هون .. عرفت انه موجود معي بكل لحظة بس اللي ماعرفته ليه عم يخلي ا?طفال يطعنو امهم بعد مايتلبسهم ويثير الرعب جواتي .. كنت عم شد الباب بإيد وعم حاول اوصل للتلفون با?يد التانية .. وبعد كتير محاو?ت قدرت امسك التلفون من قريب .. رنيت لكرم .. قلتله على كل شي صار .. قلي امي بالعمليات واختي مافيها شي وتحسنت بس الضربة كانت قوية على رجلها شوي .. حكيتله مافي وقت تعال على البيت بسرعه .. بعد ماتعبت وانا شادة الباب بإيدي
يتبع ..

#الليلة_العاشرة
#الحلقة_السابعة

#قصة_رعب ..


تركناها ودخلنا جوا .. صرّخ عليه كرم وقلي احكيلي كل شي .. حكيتله كل شي من بداية معرفتي بميّار لحد تسجيل الفيديو الغريب .. حكا ?مي كيف ماعندك بكل هاد .. بنتك على ع?قة بشب وفي قصص تانية عم بتصير بالبيت وانتي مابتعرفي شي ! قالتله ابني ماتظلمني أنا بكون مشغولة باللي بعمله بإيدي وببيعه لنسوان الحارة .. كل هاد لنأمن مصروف زيادة على اللي ببعته أبوك .. قالها شو فايدة المصاري إذا البيت عم بنهار فوق روسنا ونحنا ماعنا علم بشي .. قلتله خلص اهدى متل ماصار هالشي رح ينتهي .. حكيتله عن الدكتور وقلتله رح يساعدني لنفك الشر عن العيلة بس مابعرف شو ?زم أدفع ثمن لحتى تخلص هالقصة .. قلي رجلي على رجلك بكرا .. كانت ليلة صعبة خصوصاً بعد اللي صار بماسه وشفناه بعيونا .. طلع الصبح عطّلت عن الجامعه .. كرم هيئ حاله ليروح معي .. اتصلت بالدكتور قلي انه ماعنده غير محاضرة ورح يعتذر منها بس عشاني .. طلعت مع أخوي ولما رنيت على الدكتور كان عم بستنانا بشارع بعيد عن وسط البلد .. شفنا سيارته قلنا اتبعوني وين مابروح .. وبعد نص ساعه تقريباً وصلنا بيت صغير موجود بمكان شبه مقطوع .. والمنطقة بغلب عليها البيئة الصحراوية .. نزل وأشرلنا على البيت .. رحت انا وكرم وراه ولما قربنا منه .. قلنا هاد بيت دٌريد .. هاد شب شاطر عمره بالت?تين بفتح بالكف .. ساكن بمكان بعيد عن الناس لحتى اللي بده ياه يوصله و?نه عليه قضايا كتير من ا?من بسبب اللي بعمله .. في كتير ناس بتخاف تيجي لعنده ?نه كل شي بقوله بصير وهاد اللي خلّا كتير ناس تقدم فيه ب?غات .. طق الباب ووقف بالنص .. سمعنا صوت واحد عم بحكي من ورا الباب بصوت هادي .. مين ؟ .. قله أنا الدكتور قادر مو هون بيت دُريد .. قله ايوه .. فتح الباب واتطلع من طرفه .. شافنا تطمن ?لنا وفتحه كامل .. قلنا تفضلو .. حكاله الدكتور رح نحكي طلبنا على الباب؟ نحنا جايين من مكان بعيد كتير .. دخلنا لعنده .. كان بيته مكركب كتير وباين انه فقير بس في شي خوفني وخ? قلبي يدق بسرعه أكتر اول مادخلت جوا بيته .. قلناله كل شي على مسمع اخوي كرم .. قلي مدي إيدك .. اعطيته إيدي .. صار يحرك أصابعه على كفي .. وبعدين يتطلع بعيوني بتركيز .. وبعد ت?ت دقايق تقريباً صرخ صرخه عاليه وشد بإيده على راسه .. وقلنا إطلعو برا .. قله الدكتور دُريد بتطردنا؟ انت عارف مين بتطرد ؟ انا الدكتور اللي درّستك وقدمتلك كتير .. بتطردني؟ قله غصب عني صدقني ولله اللي شفته مابنشاف .. انا قشعر بدني وكان بدي اعرف شو شاف .. قله بترجاك احكيلنا شو شفت .. حكاله أنا ممكن يجيني مشاكل من ورا هالبنت .. بس قبل ?قول خليها تحكيلي هيه شو عامله ؟ ! قلتله شو قصدك ؟
يتبع ..

#الليلة_العاشرة #الحلقة 11/12

#قصة_رعب

طلعت ميسم وقالت مين في برا لحتى واقفين انتو التنتين عم تحكو معه .. شافتني نصدمت وقالت ناديا حبيبتي فوتي ليه على الباب .. ليه موقفينها ؟ ! قلتلها امك واختك حكولي انك مو هون .. الظاهر أنا غير مرغوب فيني وبدهم يمشوني .. قالت ? ماتفهميهم غلط .. امها قالت بنتي نحنا مو ناقصنا مصايب .. اللي شافوه بناتي مبارح عندكم بالبيت بقشعر البدن وبطيّر العقل .. بترجاكي نحنا مو حمل هيك قصص .. نحنا بنخاف من ها?مور .. اطلعي لو سمحتي .. ميسم صرخت بأمها وقالت كيف بتطرديها .. بطلع معها ولله العظيم ..! دخلتني على غرفتها وضلت يسرى مع أمها .. كانو يحكو بصوت واطي وكنت عارفه انهم عم يغلطو عليه .. كنت مع ميسم بغرفتها .. وقلتلها ليه هيك حكو معي .. لهالدرجه؟ ..! قالتلي ميسم ماتزعلي يا حبيبتي بترجاكي عشاني .. وفوراً قلت لميسم .. أختك أذتني ..! قالتلي شو ..! قلتلها الشب اللي فتح بالكف .. قلي أختك إلها أيد .. حكت هاد مجنون ومصروع يخرب بيته شو كذاب .. قلتلها يمكن مو كذب .. يمكن أختك بتعرف الشخص اللي شفته بالتسجيل واللي خرّب حياتي ويمكن رسمته بسهولة ?نها على معرفه فيه ..! حكت مستحيل .. اختي مابتعمل شي غلط .. قلتلها ارجوكي ياميسم .. لو بعز عليكي خليني أسألها .. ولو ضل بقلبك ذكرى حلوة ?لنا خليني أتأكد قبل ?روح البيت الملعون .. قالتلي بيت مين ميّار .. قلتلها بعد أربع ساعات رح أواجه الموت .. لو ماحكت أختك شي أنا رح أروح على المجهول .. بدي أعرف .. قالتلي خليكي هون .. دخلت لجوا .. ورجعت بعد عشر دقايق ومعها يسرى .. قالتلها ناديا حابه تشوف لوحاتك .. قالت انا عم برسم ه? ومركزة خليها ليوم تاني .. قالتلها ي?اا يا يسرى انتي كريمه ونحنا بنستاهل خلينا نشوفهم قبل المعرض .. ناديا كتير ذوق ورح تعطيكي رأيها ويمكن تستفيدي منها بعدين ظروفها سيئة ه? وبدها شي يسليها .. قالت الحقوني عغرفتي .. لحقناها وانا مو عارفه شو بدها تعمل .. دخلنا على الغرفة شفناها غرقانه با?لوان واللوحات .. ومكركبة وكأنها مو لبنت .. قلت بعقلي فع?ً كل فنان مجنون متل مابحكو .. شو هالبنت الفوضجيه ..!! صرنا نشوف لوحاتها .. كلها دموع وأشخاص سودة مجردة بشكل مخيف .. وعيون وأيادي حمره وبيضه وبنفسجية .. ألوان صاخبة وفاقعة ومرعبة .. شفتهم وخفت أكتر ما انا خايفه .. حسيت ميسم متعودة على طريقة فن اختها ومو سائلة .. حكت اختي هيك شخصيتها .. يسرى متل ماعرفناها .. قلت بس ماتوقعت يكون رسمها هيك .. شي بخوّف .. وفجأة بصوت عالي قالت ميسم .. يسرى حبيبتي روحي اعمليلنا شي نشربه .. ?نه نحنا مطولين لنشوف كل شي هون .. قالت ه? ماما بتعمل ليه اروح انا ؟ ! قالت ?نه العصير من إيدك اطيب صراحه .. ي? دللينا شوي
يتبع ..