😇 #ام_الكوارث 😇
Telegram:@rwayate
الجزء_التاني

بلشت رفيقتي تحكي عن الفكرة يلي اقترحتها كالتالي:
رح نعمل صفحة عالفيسبوك باسم ام الكواراث و هي رح تكون البداية و انا رح اتولى مهمة ترويجها بباقي الصفحات و الكروبات قلتلها ايييه لشو يعني هالصفحة ؟قلتلي ما تقاطعيني بالحكي بس خلص احكي قلتلها طيب كملي ..رح نحط فيها عن الكوارث يلي بتسببيها اذا تواجدي بمحل و نحكي بالتفصيل بشو ممكن تفيدي الناس بهالشي قلتلها ما فهمت عليكي شي ابدا بشو انا بفيد الناس اذا انا ما بعمل الا المصايب و الكوارث؟؟!قلتلي مثلا وحدة زوجها تزوج عليها بتروحي على عرسه و بتخربيله اياه بشي حريق او خناقة او مثلا وحدة بيت حماها مدايقينها بحياتها نحن منزبط طريقة تفوتي لعندن انت و كوارثك و طبعا كل هالشي بسرية تامة و مبلغ محترم و طبعا انا الي نسبة فيه قلتلا يبعتلك حمى الهي بدك تشغليني باذية الناس قالتلي لا لا انت بدك تساعدي الناس المظلومين يلي ما قادرين ياخدو حقن بايدن و هدول نسبتن كبيرة يعني ما رح تفوتي فوتة الا اذا كان الهدف منها نبيل قلتلها هيدا جنون و مستحيل تزبط هالفكرة قلتلي انت شو بدك اتركي الموضوع كله علي انا رح انزل عالسوق و اشتري العدة كاملة و من مالي و بس يبلش الشغل يمشي بترجعيلي اياهن قلتلها عدة شو ؟؟قلتلي مكياجات و بواريك شعر ما معقول ضلي بنفس الستايل لكل المهمات يلي بدك تعملين😃.....
Telegram:@rwayate
تاني يوم عملت رفيقتي نفيسة صفحة ام الكوارث و ثبتت عليها منشور:
زوجك خانك، زوجك بدو يتزوج عليكي ،حماتك مجننتك، سلفتك قاهرتك، حدا ضحك عليكي ، حدا سرقك ،حدا اتسلى عليكي و تركك بنص الطريق ، .....الحل مع ام الكوارث حصريا يلي رح تاخدلك حقك من يلي ظلمك و بسرية تامة لكل الزبائن و الدفع حصريا نصف المبلغ قبل المهمة و النصف الثاني بعد المهمة......
نستقبل رسائلكم و اتصالاتكم من 10صباحا حتى3عصرا..

ضحكت كتير و قلتلها اذا بتبعتلك وحدة رسالة او بدقلك بدي احملك و ابرم فيكي البيت كله😃بس بعد اسبوعين وصلنا اول اتصال من زبونة مقهورة كتير و عم تبكي من حماتها يلي نازعتلها حياتها و مسيطرة على ابنا كتير و بدها طلقها وتزوجو لوحدة تانية و تحرمها شوفة اولادها و كانت كل الاتصالات ترد عليهن رفيقتي نفيسة يلي كانت اجتماعية كتير و لسانها ما بفوت تمها ......
Telegram:@rwayate
سكرت نفيسة الخط مع اول زبونة و قلتلي قومي احمليني و لفي البيت فيني 😃😃 يلا قومي نحضر للمهمة الاولى اخدت العنوان و التفاصيل من الزبونة و وعدتها بكرا نبلش و انا اليوم رح انزل اخد نص المبلغ منها يلي اتفقنا عليه و كان 10الاف ما قبل و 10الف بعد .......

قمنا انا و نفيسة و حطينا الطريقة يلي بدنا نفوت على بيت الحماية يلي كان عندها بنت على وجه الخطبة و رح ادخل بصفتي عم اخطب لاخي لبست و ترتبت و دربت منيح على الحكي يلي بدي قولو و انطلقت .......
#يتبع

😇 #ام_الكوارث 😇
Telegram:@rwayate
#الجزء_الثالث_والاخير

دقيت الباب و فتحتلي الصبية يلي جايي اخطبها لاخي😃كيفك حبيبتي وينها امك يا حلوة قلتلي ماما جوا قليلها مدام رنا بدها تشوفها راحت نادت البنت لامها و عرفتا عن حالي انا مدام رنا سمعت عندك بنت حلوة خرج خطبة قلتلي اهلا و سهلا تفضلي و انا تفضلت فورا 😃و فتت قعدت و بلشت اسالها عن البنت و دراستها و عمرها و بعد ربع ساعة قلتلها في ريحة ما مزبوطة كانو في شي عم يحترق عنكن 😃 ركضت البنت عالمطبخ امي نسيتي الزيت عالنار يا امي عم يحترق المطبخ تعالي فورا و قامت الام بسرعة و بلشو يصرخو يا ناس الحقونا بيتنا عم يحترق و بلشو الناس تفوت لطفي الحريقة و انا طلعت فورا و بعد يومين دقتلنا الزبونة و تشكرتنا و قالت حماتها التهت عنها بنفض المطبخ و اذا رجعت نكدت عليها حماتها رح ترجع تحكينا لنروح و نلهيها لهوة تانية لشهر زمان ......

بلشت اخد شهرة و تهافتت الزباين علي و كل يوم عندي مهمة شكل بمنطقة شكل حتى وصلت شهرتي لكل انحاء الوطن العربي 😃و طلبت ناس كتير مني خصص يوم بالاسبوع كل مرة لدولة محددة و حتى وقت سافر انا و مديرة اعمالي نفيسة كانت اللافتات تعبي الطرق و الشوارع بانو ام الكوارث الان في مصر او ترقبو ام الكوارث في دبي قريبا و طبعا تلقيت عروض كتير متل العاالم الفلكي الشهير(.......)دقلها لنفيسة و قلها بدنا نوقع عقد مع ام الكوارث قبل راس السنة كرمال هو يقول توقعاته و انا طبقن بعدين😃 و غير عروض الافلام الوثائقية يلي طلبو الاذن مني حتى يعملوها عني و عرضو علي مبالغ ضخمة ليعملو معي لقاء تلفزيوني بس انا طبعا ما قبلت حتى ما حدا يعرف شكلي و اثر على شغلي....
Telegram:@rwayate
يعني باختصار صرت بدل ام الكوارث صرت ام الملايين من ورا هالنحس يلي ما كنت متخيلة بيوم من الايام يكون باب رزق و باب سعادة انفتحلي و كل هالشي بيرجع لرفيقتي نفيسة و افكارها....

سحر....
سحر...
لك شبك قومي بقا العمى نومك ما اتقله 😃لك قومي رح تتاخري على محاضرتك الك 12ساعة نايمة ما شبعتي نوم ومنبهك صرع راسي

لك اي اي قايمة الواحد ما بيعرف ينام بهالبيت

خدي موبايلك الو ساعة عم يرن رفيقتك ديما عم دقلك
Telegram:@rwayate
قمت من النوم و لبست و نزلت ركض لالحق محاضرتي بعد ما نمت 12ساعة و صدفت رفيقتي ديما على باب القاعة يلي قلتلي لك وينك لهلا ما بتعرفي انو هالدكتور لئيم كتير و ما بفوت حدا بعده قلتلها كنت عم احلم شو حلم غير شكل و كنتي فيه للحلم بس كان اسمك نفيسة ههههه قلتلي نفيسة تضربي ما لقيتي غير هالاسم و شو حلمتي فيني قلتلها هلا لنطلع من المحاضرة بحكيلك بالتفصيل و نحن عم نحضر المحاضرة اجته سكتة قلبية للدكتور و قلب مات بارضه و بلشو الطلاب يتراكضو بالقاعة ليسعفوه الا انا وقفت عم قلها لديما وليه نفيسة رح صير ام الكوارث و الملايين😃😃....

#انتهت

😇 #ام_الكوارث 😇
Telegram:@rwayate
#الجزء_الاول

منحوسة ....اي اي انا منحوسة ....و المشكلة ما بس انا يلي بعرف اني منحوسة لا كل الناس يلي بتعرفني بتعرف اني منحوسة و وين ما رحت باخد نحسي و مصايبي معي....النحس بلش معي من اول يوم جيت على هالدنيا وقت امي كانت عم تولدني دقو للقابلة افتخار يلي ولدت كل نسوان الحارة و قلولها تعي ولدي نظمية موجوعة كتير و عم تاكل حالها اجت افتخار لتقوم بمهمتها يلي بتعملها عشر مرات بالنهار و هي مغمضة عيونها و قامت افتخار تشغل ببور الغاز و تسخن مي عليه بس ببور الغاز هب بوجها لافتخار و انحرق وجها لافتخار و حملوها عالمشفى لافتخار و اعتزلت مهنتها افتخار من هداك اليوم بس امي بعدا عم تطلق و موجوعة لازم انا اجي على هالدنيا بعتو للقابلة فخرية😃 اختها لافتخار من ام تانية تجي تولدني بس فخرية ما قبلت و خافت و توسوست بعد ما سمعت شو صار باختها لهيك اخدو امي عالمشفى لتولدني و هي عم تصرخ الصرخة الاخيرة لاطلع على هالدنيا صار ماس كهربا بالمشفى😃 و بلشت الدخنة تطلع و اشتعل حريق كبير بقسم التوليد و اجت سيارات الاطفائية لطفي الشي يلي انا عملته بجيتي على هالدنيا بس جيت بالاخير 😃.....
Telegram:@rwayate
ياريت لو الكوارث وقفت على هون وبس كنت على اي محل فوته لازم يصير شي كارثة حريق او انفجار او خناقة و حتى توصل احيانا للموت يعني مرة اصريت على امي احضر معها عرس و كان عمري 10سنين امي كانت خايفة تاخدني بس انا وقتها بكيت كتير و قلتلها بضلك حابستيني بالبيت ما كانو انا بنتك بس وافقت امي بعد ما شفقت علي و اخدتني و ياريتها ما اخدتني😃 علقت العروس مع بيت حماها و ضربو بعض بالصالة بقوالب الكاتو و نزلت العروس عن البرزة و رجعت مطلقة لبيت اهلها بنفس الليلة قبل ما تتجوز وهيدا كان اول و اخر عرس بحضره .......

و مرة بعتتني اشتريلها خبز من الفرن اول مرة كانت بتبعتني و وقتها كنت واقفة عالدور وقت احترق الفرن و بلشت الناس تركض و تعبي بالمي و طفيه و من وقتها ما بقا بعتتني لمحل حتى الناس كلها لقبتني بام الكوارث....

حتى بالمدرسة طلبت المديرة من امي انو ما اجي عالدوام ابدا 😃بس حصرا لقدم امتحان حتى وقت فكر اجي داوم بالمدرسة كان يصير كارثة و تبعت المديرة فورا تسال ام الكوارث اليوم مداومة بصفها😃 لهيك كانت تبعتلي انسة لعندي تعطيني كل يوم شو كانو يعطو بالمدرسة و كان الجلاء يجي لعندي عالبيت بس المهم انو انا ما روح عالمدرسة و كانت المديرة بذاتها تسعالي بالتقرير الطبي لتبرير غيابي😃......
Telegram:@rwayate
خلصت دراستي بصعوبة و كانو علاماتي بأهلوني لفوت جامعة و باول محاضرة حضرتها اجته سكتة قلبية للدكتور و هو عم يشرحلنا عن المنهاج قلب و مات لا من تمه و لا من كمه و من وقتها قعدت بالبيت لا بقا رحت و لا طلعت محل بس كان عندي رفيقة هي الوحيدة يلي ما تركتني ابدا او نفرت مني كان اسمها نفيسة ...و كانت فعلا اسم على مسمى حتى افكارها كانت نفيسة ......

الك سنة قاعدة بهالبيت و حابسة حالك قومي اطلعي و شوفي الدنيا حرام عليكي حتى روحك بتنسالي عليها هيك كانت تقلي نفيسة على طول يلي كنت حسها زعلانة علي و على حالتي و حابة تساعدني بس كيف ما بتعرف بس انا دائما كنت جاوبها ما بدي اطلع محل انا رضيانة بقعدتي بهالبيت احسن ما اطلع اذي الناس و انت حلك تتعبي من هالموضوع كل يومين بتعيديه نفسه خلص يا اختي انا هيك جيت على الدنيا منحوسة و رضيانة وبقيت على هالحالة ليوم اجت نفيسة فيه لعندي و قلتلي قومي و ركزي معي شو بدي قلك جايبتلك فكرة معي رح تقلبلك حياتك قلب و تخليكي تحمدي ربك على هالنعمة يلي الله اعطاكي اياها و تصير باب رزق الك صرت اضحك كتير و قلتلها بتعرفي ليش انت بقيتي رفيقتي لهلا لانك هبلة و لو ما هبلة😃 ما كنت ضليتي معي لهلا عن اي نعمة عم تحكي لك انا ام الكوارث قلتلي اسمعي للاخير و بعدين احكمي.....
#يتبع