#حب_مدفون

#الجزء_الثاني
المسا اجو اهلو انا وياه منتصنع الحب قدام العيلة وما بيحكيلي غير حبيبتي وهو مبتسم وانا كمان ما بحكيلو غير حاضر ومن عيوني 
حماتي:شو ليش ما رحت على شغلك اليوم
محمد:هيك ما اجى على بالي
لونا:شو عملتي غدا رهووف
رهف:....
محمد:طلبت اكل جاهز
حماتي:شو كيفكن مع بعض
محمد:ولا احسن من هيك 
حماتي:اي يا عيوني ديرو بالكن على بعض والله الرجال ما الو غير مرتو وبيتو وبكرى ولادو والمراة كمان هيك 
رهف:اي اكيد 
حماتي:يلا شدو الهمه بدنا ولد 
محمد:الله كريم
احمد:اي الله كريم ما اختلفنا صرلكن سنه متزوجين يعني خلص شهر العسل 
محمد:اي امبلا
حماتي:ازا من هون لشهر ما صار في حمل راح اخدتك ع دكتورة 
راح انجلط انا خجلانه منو ومن اخوه 😡😡 محمد:خلص ماما مشان الله خلص 
حماتي:طيب متل ما بدك بس انا كرمالك والله 
محمد:عادي ماني مستعجل ع لولاد 
لونا:خلص ماما اعتقيهن 
حماتي: ماشي 
احمد:اي سيد محمد وين مبارح كنت
محمد:عند امجد 
احمد:في وراك شي اليوم صح
محمد:اي سهرة😌
لونا:عند مين
محمد:عند اصدقائي
حماتي:خفف طلعات هدول بكرى بس يتزوجو بتصير تشتهي تلمحهن 
محمد:اي انشالله
حماتي:حدا بكون عندو مراة بتركها وبيروح يسهر 
محمد:حاضر ماما 
رهف:تعالي لونا ساعديني 
دخلنا المطبخ انا وياها عملت قهوة الوداع حاجتهن عكررولي مزاجي دردشنا بامور خطيبها شوي ورجعنا للصاله من دخلتنا سكتو فجاة 
احمد:ايييه يسلمووو
رهف:الله يسلمك 
حماتي:انا بحب قهوتك كتيرر وما بشبع منها
رهف:صحتين وهنا 
محمد:اي يا عمري من ايدين ما بعدمها 
رهف:يخليلي اياك 
لونا:حاجتكن غزل 
محمد:ما بيتغزل فيكي ابو بريص
لونا:ماماااااا
حماتي:خلص محمد عيب هاد صهرك
محمد:اه ايه

قعدت حدو وبلشنا نشف قهوة وحكاني وهو كازز على سنانو بصوت واطي
محمد:لا تعيشي الدور ماشي
وانا بنفس اللهجه رديت عليه
رهف:اي لا تسدء حالك بس ليروحو 
محمد:اي اريح 
حماتي:شو عم تتهامسو في شي
رهف:هم يحكيلي انو القهوة طيبه كتير
حماتي:هههه معو حق
احمد:يا ستي الله يهنيكن ببعض 
حماتي:شايفين هالنصيب 
محمد:احم احم
حماتي:صحه يا روحي
لونا:بكرة تعالو اسهرو عنا 
رهف:عندي طلعه ع بيت اهلي
لونا:وانت محمد
محمد:مواعد حدا
لونا:مين
محمد:وانتي شو دخلك 
لونا:اه بس ما تكون ميسون😂
حماتي:لونا ايمتى بدك تكبري 
لونا:يعني لو ما شفتو بالمطعم معها ما بشك فيها
احمد:ليش رجعت 
محمد:لونا خلص 
حماتي:محمد عم تشوفها 
محمد:كزابة هي
لونا:لا ماني كزابة 
محمد:بخلص عليكي هلا 
احمد:خلص طولو بالكن 
محمد:خليها تخرس اختك
حماتي:ليش هيك عم تحكي معها لانو مزبوط الكلام 
محمد:لاااا انتو اليوم صايرلكن شي 
احمد:خلص روق لا تضوج 
لونا:ماما خلينا نمشي 
حماتي:متل ما بدك الظاهر اخوكي صايرلو شي وعم يفش خلقو فينا 
محمد:هلا هيك يا امي
احمد:ما بدها ماما كل هالحساسيه 
وقفو الكل وهو ما هان عليه زعل اختو راح لعندا وباس جبينها 
محمد:انا اسف يا روحي 
لونا:لا لا تعتذر خلص اصلن ما زعلت منك 
محمد:يخليلي اختي لصغيرة انا 
كل هاد وانا ولا حرف بلعكس متل الصنم بموقف لا احسد عليه قلبت قد النملة وهنن عم يحكو عن ميسون حبيبتو السابقه لا عم بيتغدا معها كل يوم وكلمه شايفين هالنصيب قطعتلي قلبي لو انا هلا مع محمود يمكن كون مرتاحه ولا وقت صالح اختو ببوسه نار جواتي شاعله لكان مخنزر معي ومع باقي الكون حنون 
محمد:لا تمشو وصيت على حلو 
لونا:طيب ماشي 
رجعو لاماكنهن وهو قعد حد حماتي وكانو ما سدء ايمتى راح من جنبي لحالي منعزلة عن الموجودين وما حدا معطيني اي اهتمام 
بعد ما وصل الحلو اخدتو وحطيت بصحون وضيفت الكل وقعدت اتامل لصحون المليانه 
حماتي:رهف ما تاكلي 
رهف:لا عم باكل 
لونا:ليكون زعلتي كنت امزح 
رهف:بعرف انو مزح انا واثقه ب محمد 
احمد:هي عادتك ما بتبطليها بدو يعرف الرجال اليوم ينام 😂😂خربتي عليه الله يخرب بيت عقلك
حماتي:لا رهف اوعى من هيك 
محمد:اي واضح 😏😏
رهف:شكرا

بعد ما خلصو السهرة طلع ليودعهن وما الي نفس ارجع اتخانق معو دخلت للغرفه البست قميص نوم وتمددت بتختي وتغطيت منيح نسيت اقفل باب الغرفه وفورا رجعت لاقفلو اسمعت صوت باب غرفتو تسكر قفلت الغرفه ورجعت لمكاني فتحت تلفوني وبلشت اتصفح الفيس لشوف اخر الاخبار التافهة ودغري مليت سحبتها نومة حسيت على الساعه عشرة طبعا محمد بدوامو افطرت واشربت القهوة وتجهزت لسهرة بيت اهلي ومع انو الوقت لسى بكير بس بلشت تحضير تحممت وعملت شعري لحتى وصل وكنت خايفه يرفض بس دغري حكالي صحيني ايمتى ما حبيتي تروحي او اتصلي باخوكي خليه ياخدك وبالفعل اتصلت ب مروان اخي الوحيد واجى اخدني ع الموعد هاد عصبي ومجنون كمان ما بسترجي ناقشو بحرف شو ما سال بجاوب من تم ساكت 
مروان:وين جوزك 
رهف:نايم 
مروان:متخانقين 
رهف:لا 
مروان:يعني من شهرين ما فات بيتنا شو صايرلو ولا ليكون مو من مقامو نحن
رهف:لا مو هيك بس بيتعب بالشغل
مروان:ما حدا بيشتغل غيرو متل لحمار كل نهاري عم كد واشتغل 
رهف:لا انت اكبر قدر هو نعنوع مو متلك

قصة جديدة: #حب_مدفون
.............
قراءة ممتعة🦋💙"
#ⴅÂÐЄĦÂ

#حب_مدفون

#الجزء_الأول 
رهف:محمممممد😠😠رد عليي وينك...تعال نظف الحمام تاركو كلو شعر من دقنك شو هالقرف هاد خلصنييي بدي اتحممم 😡😡محمد
-اجى وبدم بارد وبأشمئزاز
محمد:اطلعي لبرا لنظفووو بس اجتني مكالمة ضرورية ونسيتو

-طلعت وانا حاملة اواعيي ومتخنصرة وعم هز برجلي 
دخل وبلش عملية الشطف والتنظيف لحتى خلص وفرشى اسنانو واطلع فيني 
محمد:فوتي لا يرتفع ضغطك 
رهف:اي فايته 
-دخلت وريحه النظافه عم تهفهف اي ها لكن متل قبل والله كان ناقص هو يحلق وينعم وانا ابتلي فيه ونظف وراه تحممت والبست اواعيي مضطرة البسهن بالحمام ودخلت لغرفتي نشفت شعري بالسشوار وربطت كنت لابسه جينز مع بلوزة بيضة وشحاطة البيت دخلت ع المطبخ وهو دخل وراي بلشت اعمل القهوة الي لحالي اكيد وهو كمان بلش يعمل القهوة جهزتلي صحن حلو مرتب وكنا واقفين حد بعض ونحن عم نعملها شكلو مافي اليوم مشوار اكيد لو عندو مشوار كان من الصبح تجهز بس ليش اليوم حالق 😒😒صرلو اسبوع يمكن ما زبط حالو 😰لك رهف شو دخلك فيه مو على اساس ما بهمك لا هو ولا حالو 
-جهزنا القهوة سوى هو اخد فنجانو وراح وانا حطيت فنجاني بالصينيه ولحقتو ع الصاله متابعه برنامج صباحي بنفس الاتجاه قعدنا وبلشت انسجم بالبرنامج هو مشغل سيكارة وعم يدخن بدون نفس 
علاقتي فيه سطحية صحيح تزوجنا بس كنا مجبورين على بعض كنت مخطوبة لاخوه وبعد ما توفى بحادث سير صحيت على حالي وانا لابسه خاتم خطبه الو هو طبعا كان عشقان بس انا خربتها عليه لانو اهلي عرفو انو خطيبي السابق عمل معي علاقه قبل الزواج ورغم انها كانت مشروعه بس مستحيل الناس ترحمنا اهلي خبرو اهلو واتفقو على تزوجينا لبعض خطبنه سنه كاملة وبعد السنه عملنا عرس عائلي وخلال هالسنه ولا مشوار تسجلنا مع بعض بس عزايم رسميه ونقضيها نقار وخناق بتزكر مرة تخناقت معو واربع اشهر ما شفتو فيها شو ايام مرو معو ولا بالاحلام بعد القهوة شغل على مباراة ناطرها
رهف:ليش بدلت لمحطه
محمد:عندي مونديال عندك مانع
رهف:اي المونديال بالكافيه 
محمد:لا هاد تحضير وما بينعرض بالكافيه
رهف:لكن رجعلي ع لبرنامج
محمد:لاااا ما حزرتي وما عجبك افرقيني بريحه طيبة 
رهف:اي فشرت لكن قاعدة هون وعلى قلبك
محمد:اي من تم ساكت لكن ولا بس شاطرك برد الجواب 
رهف:.......
محمد:اليوم اهلي جايين يسهرو ما بدي تخجليني متل اخر مرة وتتركي السهرة وتنقلعي
رهف:اه انقلع مو انت الي بهدلتني 
محمد:لكن كبيتي كاسه العصير على امي
رهف:بالغلط 
محمد:اه يمكن
رهف:وانا بدي اسهر عند اهلي بكرى
محمد:اي ولا ترجعي بكون احسن 
رهف:ما حزرت 
محمد:يلا اسكتي بلش اللقاء 
-سكتت واخدت مجلة لاتسلا فيها احسن ما شوف مباراة متلو والفريق الي عم يشجعو عم ادعي عليه من قلبي 😂😂وبالناقص خلي يعصب 
محمد:شو اتصل ببنت الجيران تعملي فطور
رهف:ماله ودايق خلقي اعملو انت
محمد:لا انت ما بتستحي من المرة 
رهف:هلا لعرفت 
محمد:لا من زماااااان كتير بعرف 
رهف:محمد😢😢
محمد:لا مسكينه راح ابكي عليكي كمان شوي 
رهف:اطلب من المطعم
محمد:ولشو انتي بالبيت قاعدة لطق الحنك ولمناقرة 
رهف:انا ماني جوعانه 
محمد:اي عمرك ما تعمليه انا بعملو 
رهف:😛😛😛
-مع انو المباراة ما بتتفوت بس راح 😂😂😂يلا هلا بس يخلص انا بحضر لحالي فطور شي ربع ساعه وندهلي
محمد:تعاالي فطري 
-يا خجلتك يا رهف 😂ما راح روح كرامتي اكبر من هيك
محمد:رهف 
رهف:خييير
محمد:تعالي بدي اياكي 
-شو بدو فيني معقول يضربني بكاسه الشاي لا حباب ما بيعملا صابر عليي من سنه 😂😂 تفادي للشر بس دخلت راسي 
محمد:تعالي افطري
-دخلت ع المطبخ واعملت حالي مو هامنني
محمد:مو لسواد عيونك بس كل مين شافك بيحكيلي ما عندك اكل مرتك قالبه على نصها
رهف:اه خايف يحكو عليك بخيل
محمد:بكرى بيصيبك فقر دم ونقص كلس واعلق يا محمد بلسان ابوكي وامك
رهف:كرمال هيك يعني 
محمد:اي وغيرو لو بتموتي ما فارقه معي
رهف:بعيد الشر عن قلبي انت عني
محمد:فشرتي افديكي بأصبع رجلي لصغير مو فيني
رهف:اي سكر تمك وبلا علاك 
محمد:لسانك بدو قطع مو قص انا جوزك وليه
رهف:ع لورق فقط
محمد:بس احترامي واجب عليكي
رهف:اي احترمني 😂😂
محمد:الله جعلني احترمك الهي 
رهف:اتسمم ولا تندهلي مشان الاكل
محمد:روحه بلا رجعه 
-طلعت من المطبخ ورغم اني جوعانه بس ولا يمكن ذل حالي على شان فطور وياما جوعانه للجكارة يومين وتلاته 
-اخدت عدة المنكير ع الصاله وبلشت اعمل منكير للرجليي وايديي وابرد اظافيري 
-اجى وحامل كاسه الشاي معبي بطنو بيطلعلو يكون مروق رمى حالو ع الكنباية رفع رجل والتانيه خلاها بالارض وشغل سيكارة وانخنقت من دخانو 
رهف:خنقتني 
محمد:سكري انفك 
رهف:بالله شو 
محمد:ريحه المنكير لحالها بتعمل ربو
رهف:اي سكر انفك 
-سكتنا شوي وانا حاطه رجل على رجل وعم ابرد اظافيري على مهلي وحاطه علكه بتمي 
رهف:شو ما بتخلص اليوم المباراة
محمد:لا 
رهف:بدي احضر مسلسلي
محمد:التلفزيون بغرفتك اكبر من هاد والله
رهف:اخنق حالي بالغرفه كرمالك احضر بغرفتك انت
محمد:رهف على

#حب_مدفون

#الجزء_الثالث
صحيت الصبح سمعت صوت بالمطبخ اكيد محمد عم يجهز شي بدلت اواعي النوم والبست جينز مع جاكيت البيجامه ومشطت شعري وربطو بربطه خفيفه دخلت للمطبخ كان عم يشرب حليب القى عليي نظرة وانا دغري بلشت اعمل القهوة بدون ما صبح عليه
محمد:بشو ضاربك اخوكي
انقهرت انا لهلا قلبي عم يوجعني
رهف:.....
محمد:اكيدبشغله حديد صح
رهف:لا بايدو
محمد:هاد كلو من ايدو جبار مشالله وشو مفكرك عندو بالفرغ وعاملة جريمه لحتى ضربك
رهف:اسالو الو
محمد:ليش اسالو وانتي لسانك اطول مني
رهف:طيب اسال
محمد:ليش ضربك
رهف:لاني طلبت منو يوصلني ع البيت
محمد:ما عجبتك السهرة ببيت اهلك
رهف:لا شكيت يكون عندك حدا
محمد:اي منيح انو ما طاوعك.
رهف:اي بعرف انو كانت ميسون عندك بالبيت
محمد:مو صحيح هالكلام
رهف:كزاب
محمد:لو قص لسانك مو يضربك هاد الكف بس بتستاهلي والله يا ريتو كسرلك راسك كمان
رهف:برتاح منك ومنو
محمد:بالناقص يا ستي
رهف:اليوم راح احكي مع عمي
محمد:😏بخصوص شو
رهف:بدي احكيلو انت ضربتني
محمد:اي منيح كتير وبيضربني هو وبترتاحي انتي
رهف:اي لا تجاكرني لكن
محمد:بس بتعرفي جايب هيبتك هالكف😉😂😂يا مسكينه رايحه الواجهة كلها
رهف:😢😢
محمد:بتعرفي مستحيل تروحي ع حفله شم ئرين
رهف:لا بدي روح
محمد:😂😂انت ما شفتي وشك قبل تطلعي
رهف:لا ما شفتو
محمد:اي روحي شوفيه لكن
صبيت الفنجان ودخلت ع الحمام وشفت هالشوفه 😢😢"لعمى كيف وشي محمر ومزرق مكان الكف وفي جرح حد تمي مستحيل يختفي بالمكياج 😭😭😭
رجعت للمطبخ على اساس مو هاممني وهو عم يرميني بنظرات الشماته اخدت فنجاني وشغلت التلفزيون على قناة اغاني غير موجة الحزن الداخلي كان عم يلبس جاكيتو وباين عليه رايح ع الشغل
محمد:اتصل برغد انا واعتذرلك عن الحفله😂😂
رهف:ريح حالك انت
محمد:شو رايك تسهري عند اهلك كمان اليوم والله بشوهوكي 😂😂
رهف:انقلع من وشي
محمد:يا حرام كيف مقهورة
رهف:اي مقهورة وانت اخرس
محمد:بينشحد عليكي شو رايك اخدك لباب الجامع
رهف:محمد😡😡😡
محمد:يلا انا رايح تغدي انا ما بدي ارجع معزوم على سهرة خاصه 😂😂ولا قلك على حفله رغودة
رهف:مين عزمك
محمد:ما حدا انا بروح وبقدم عنك اعتذار وهي مستحيل تخليني روح بدون ما اتحلى
رهف:😷😷😷مبروك
محمد:يلا باااااي
رهف:.....
تركني اغلي متل بريق الشاي هدول اهلي وحطوني بالموقف هاد وصرت مسخرة ل محمد يعني الحمد الله لا سند ولا رجال 😢😢كلو منك يا محمود ليش تركتني بيوم عرسي ومتت مو حرام عليك خليتني انذل لاخوك كرمال لفضيحه ليش ما اجلتها بس اسبوع ليش لو انا الي متت يومها لسى منظرو ببالي وقت اجى الاتصال وانا مصمودة عند لكوافيرة ومتجهزة وحكولي محمود بالمشفى بين الحياة والموت بحادث سيارة حملت فستاني ودغري عالمشفى بوجود كل اهلو واهلي وبعد ساعه تحت العملية فقدناه بنزيف حاد دخلت بصدمه شهر وما عدا اقاويل الناس والعروس نحسه وما عدا لمصيبه قبل باسبوع محمود اخدني ليفرجيني غرفه النوم وضل ورايي لحتى اخدني شبه الغصب بس 😢😢نفضت راسي حاجتك رهف احمدي ربك انو ما انفضحتي واهلو رضيو فيني وهو كمان موقليله ترك ميسون بسببي بس عم يطلع ويروح لعندا ويمكن حاكيلها انو متزوجني غصب عنو

رجع المسى وحامل معو اغراض كتيرة دخل ع المطبخ وحطهن ع الطاولة وانا لحقتو لشوف شو جايب
رهف:افتكرتو غدا
محمد:جوعانه
رهف:راح موت من جوعي
محمد:شو اطلبلك
رهف:اي شي ما بتفرق
محمد:ماشي
بلشت رتب الخضرا ولفواكه بالبراد وباين في سهرة هيك اكتشفت
رهف:عازم حدا
محمد:اي رفقاتي ع الطريق
رهف:الشباب
محمد:لا والصبايا كمان
رهف:وليش ما خبرتني
محمد:هي ادريتي
رهف:والضربه
محمد:تمكيجي
رهف:مستحيل تروح
محمد:دبريها او لا تسهري معنا
رهف:هيك لكن
محمد:اي هيك
رهف:اممم ماشي متل ما بدك
تركتو بالمطبخ وطلعت حردانه وبلش يرفع صوتو ويحكي معي
محمد:لو انا الي ضاربك كنت هلا مدفون تحت لتراب روحي فشي قهرك ب مروان مو فيني عم تفهمي ولا تحاولي تعكري مزاجي عندي السهرة مع رفقاتي بتسوى راسك وراس اهلك
رهف:فشرت بتسواك انت لا تحكي ع اهلي عم تفهم شو مفكرني بنت شوارع
محمد:رهف اخرسي والله بكمل على الجهة التانيه وازا ما عورتك
ضربت باب غرفتي الله يعينو للباب شو بيتحمل مني عملت دورية ع الشباك لشوف الاوادم الي راح يزورنا والي السهرة معهن بتسوى راسي وراس اهلي وبعدها انصفطو سيارتين ونزل منهن افواج شباب وصبايا المنظر لحالو هز بدني اشكال الوان شي لفوق الركبة وشي لتحتها وبالاضافه لاخوه احمد وخطيبتو ولونا وخطيبها وميسون كمان لابسه فستان احمر لفوق الركبة وكانها رايحه ع حفله مو سهرة عادية اسمعت صوت دقه الباب واكيد راح ليفتح اتزكرت شو كان لابس قميص ابيض مع جينز غامق وبوط جديد ورافع شعراتو ولابس ساعه بتجنن ولا ريحه البارفان
كانو بحفله هو التاني اكيد هالتزبيط كرمال ميسون هلا بكون قلبو عم يرفرف فرحان فيها ليش يعني😢😢هو بحبها كتير اكتر مني ليش شو انتي يا جدبة بنظرو انا وحدة

#حب_مدفون
#الجزء_الرابع
وصل مروان ونزل من السيارة وقفت وجهزت حالي لاطلع معو
محمد:مافي تروحي
مروان:شو الي صار
محمد:هي مرتي وانا بدي اياها
رهف:ماني كندرة عندك ايمتى ما اعتزتني بتلبسني وايمتى ما بدك بتشلحني
مروان:شو القصه
محمد:اتركنا وروح انا بتفاهم معها
رهف:لا مروان لا تروح
مروان:شو جنيتو انتو لتنين
محمد:اسمعني منيح خليها بس اليوم لا ترد عليها لمرة وحدة هي معصبه مو اكتر
مروان:شو رهف
محمد:هي ما بتنسأل
مروان:ليكي رهف الشغل لفوق راسي يا اما اطلعي ما اما روحي مع جوزك
قررت اطلع معو بس ما تركني اجى لعندي ومسكني وشد على ايدي
محمد:والله ليتصلح كل شي
رهف:كزاب
محمد:انا عند وعدي
رهف:مالي اي رغبه فيك والله
محمد:بتحملك
مروان:وبعدين معك انت وياها
محمد:خلص اخر قرار روح انت ورهف معي
مروان:روح
رهف:.....
محمد:خلص روح على مسؤوليتي
مشاني معو على سيارتو فتحلي الباب وقعدت انطر الجواهر الي راح يحكيها
رهف:شو بدك مني
محمد:هلا بدي تروقي تهدي وبس لا تفكري لا بالماضي ولا بالمستقبل بس بهي اللحظه فكري
رهف:بحاول
محمد:ماشي حاولي معك معك خطوة بخطوة لحتى انصلح كل شي
رهف:معقول انت محمد
محمد:اي انا شو بدو يصير عليي
رهف:يمكن ...بس ازا بدك تصالحني خوف من اهلك ما بدي
محمد:شو دخل اهلي بتفكريني بخاف من حدا لسى ما عرفتيني
رهف:اي انت كتير غريب شفت منك العجايب بهي السنه وما عدا سنه الخطبه
محمد:بس تروقي راح وضحلك كل شي
رهف:......
ضليت ساكته طول الطريق لوصلنا ع البيت دخلنا سوى وانا بدلت تيابي اخدت قسط راحه استجمعت كل قواي وهالمرة ولا يمكن سدء اي تبرير ولاخر نفس ما راح اعطيه فرصه للتصالح واحد عم يجيب عشيقتو على بيتي بغيابي شو اتوقع منو كمان اتصل فيني مروان وانا دغري رديت عليه
مروان:رهف انا ما فهمت شي من شي بس اعطيتو فرصه اليوم مو اكتر وازا ما توفقتو خلص ارجعي لعنا معززة مكرمة
رهف:خلص ماشي وانا هيك مقررة من اول بس حابة اسمع اخر المستجدات
مروان:ماشي وخبريني شو بيصير معك
رهف:ماشي
سكرت تلفوني البست بيجامه سودة شتوية حاسة بالبرد حاطه الشر بين عيوني ولونن محمر من البكي وفيهن حزن كل ايتام العالم وظلم البشرية قعدت انطرو تربعت ع الكناية وحطيت ايديي بجياب الجاكيت وراقبتو بعيوني الدبلانين لوصل لعندي وقعد حدي
رهف:خير شو بدك تحكي
محمد:بدك توعديني بلاول
رهف:بشو
محمد:تسدءيني
رهف:حسب والله
محمد:اساليني وانا بجاوبك
رهف:لا انت الف على كيفك
محمد:متل ما بدك ..........يمكن ما تسدءي اني بحبك بس هاد واقع عم اتعايش معو كل يوم انا بحبك بدون ما احلفلك عايش على امل انو نفرح ببعض انا هيك طبعي متهور تصرفاتي انا ما برضى عنها انتي قلبك طيب متل لولاد لصغار وانا بعرف انو ورا هالبرود القوى والرد القاسي انسان مهزوم ضعيف وبخاف من كل شي الماضي المستقبل وكلامك بينزل عليي متل العسل لو بعمل حالي معصب وياما بستفزك بس لاتامل جمال هالعصبيه الممزوجة بالحنيه يعني وحدة متلك بتبكي على ولد جريج او ام ابنها مات او وحدة حبيبها تركها او مات بالمسلسل شو بدو بكون قلبها اكيد قلب ولد صغير بلاحظ عليكي شغلات كتيرة خلتني مع الزمن اتعلق فيكي............سكت وشغل سيكارة
رهف:كيف عرفت انو محمود خبص معي
محمد:كتير كان يحكيلي عنك عن حبو الك وشوقو لكبير الك كنت بيت اسرارو ولسى كلشي كان يحكيلي اياه بس بيني وبينو يمكن هو ندم وحس بغلطو اجى لعندي ع الغرفه وضل ساعه يمهدلي لحتى خبرني وانا ما حملتو هم بالعكس حكيتلو من شو خايف الاسبوع الجاي انشالله بتكون متزوجين ما صار شي حكالي رهف ما كان بدا وترجتني بس انا تيست وبصدها الي خلت رغبتي تزيد فيها وبالفعل امور العرس كانت ماشيه متل ما خطط ولاخر لحظه يحكيلي الله يكملها معي انا وصلتو ع الحلاق واتصلت فيني امي لتخبرني انو عمتي بالمطار وناطريتني قبل اوصل ع الصاله اتصلت فيه وما رد اجاني اتصال من امجد وعلى قد مو متلبك كان عرفت انو الي صاير مصيبه وخبرني انو محمود عمل حادث بطريق الرجعه ع الصاله عند الدوار طلعت بوشو شاحنه وما قدر يتحكم بالسيارة بعد ساعه الكل كان موجود بالمشفى وانتي كنتي بفستان عرسك دموعك ترجمولي كل معاني الاسى الصدمه كانت اكبر شي منك كنت متمني معجزة تعطيه عمر ل محمود ليفرح فيكي وبعدها كنت مقرر اخطبك بشكل رسمي بس لتروح موجة الحزن بس اهلك سبقوني واهلي من حبن ب محمود ما رفضو بالعكس ماما فرحت من قلبا وبابا كمان بايام الخطبه انا ما قدرت افرح او انبسط فيكي ظروف صعبه عن تمري فيها انتي وانا كان لسى ظهري مكسور جديد """اتزكرت محمود كيف كان بأحلى طلة كأنو عريس لا لا عنجد كان عريس وقت سمحولي شوفو قبل يكفنوه بكيت
_وحظنتو بكل قوتي"كنت عم احكي معو "ليش محمود ليش ....تركتني اليوم وانا بدي اياك ليش عملت هيك فيني كسرت جناحاتي "كان اشبه بالملائكه ودعتو وانا عم بوس فيه بايديه المجروحين بجمالو بلونو المخطوف حتى الدفن حضرتو وكرامة الو عملت عدة اربع شهور وعشر ايام وبوقتها لبسوني خاتم خط

#حب_مدفون

#الجزء_الاخير
دخلنا للصاله واجواء السينما بتاخد العقل قعدنا بحد بعض ومتحمسه للفيلم كوميات انطفت الاضوية بالقاعه والصاله شبه مليانه يعني فيلم حلوو اكيد
رهف:انت بتحبو للفيلم
محمد:بدك الصراحه ولا مرة احضرتو
رهف:شوهو امانه
محمد:ها ليكو بلش
من بداية الموسيقى اعرفت انو فيلم "تايتنك"الموسيقى لحالها بتاخدني لعالم تاني واجواء الهدوء سحرتني وقت اتأملت محمد اخدلي عقلي ومنسجم كتيير ما قدرت ما ابتسم 😍😍كملنا الفيلم سوى دفشتو بكوعي على صدرو ونقز
رهف:شو انعست
محمد:😂😂لا ما انعست بس انسجمت
رخف:شفت غمضت عيونك
محمد:😂😉شو عم تحضري الفيلم ولا مراقبيتني
رخف:هيك وهيك😂😂
محمد:خلينا نكفيه شوي وبيخلص
رهف:مشالله حافظ الموعد
محمد:لسى عنا شغلات كتيرة ناطريتنا
رهف:شو هي
محمد:مفاجاة اكيد
رهف:الله يجيرني
بعد الفيلم تمشينا ونحن مشنكلين بعض وعم نحكي كتير بشغلات حلوة ونتناقش باحداث الفيلم سرقنا الوقت من بعض ما حسينا على شي بس عم نتمشى بكل الحارات والشوارع وقفنا عند محل ورد واشترالي وردة جورية بتشل كل الوقت وانا عم شم ريحتها ورواقو مو معقول كتير قلبو طيب عفوي وبس عم يمزح ليضحكني وانا عم بحس بكميه فرح مو طبيعيه اشترى بوظة على زوقو واكلناها ونحن عم نتمشى وبعدها رجعنا لعند السيارة كنت هلكانه من لسكربينه بس بدي اتحمل هي ضريبه الفرحه شحلتها بالسيارة وحسيت اني هلا تنفست
محمد:عجبك المشوار
رهف:كتير مو شوي
محمد:خلص كل اسبوع النا طلعه متل هي
رهف:انشالله
محمد:شو بتحبي تسمعي
رهف:اي شي على زوقك خليه
محمد:متل ما بدك
من جهتي انا رضيانه عنو كتير بس لحد هلا في حواجز كتيرة بيناتنا ولازم نحلها بس وصلنا ع البيت كل واحد فينا دخل لغرفتو انا ما تحملت وجع رجليي لهيك حطيتهن بمي باردة لحتى ارتحت بدلت اواعيي ونمت
صحيت الصبح
وتحضيرات حفله احمد ماشيه بسرعه مستعجل كتير نزلت اناومحمد ع السوق لاول مرة سوى بالاول تفتلنه بمحلات لرجال واختار طقم رسمي بياخد العقل اسود مع كندرة وبعدها دخلنا لمحلات النسواني المحل كتير فخم وحلو وكلشي فيو فساتين بيسحرو هو ماشي قدامي وكانها قنصتو الي عم تشتغل حسيتها فرفحت وقت شافتو وقفنا بجنب صف كلو فساتين نفس الشكل بس مختلفين الالوان اجت الصبيه وهي عم ترحب فينا
الصبيه:بشو بقدر ساعدتكن
رهف:لا شكرا انتي ارتاحي نحن منعرف شو بدنا
الصبيه:متل ما بدك مدام وازا اعتزتو شي انا موجودة
محمد:ليش ما حكيتيلا شو طلبك احسن ما هلا تقلبي المحل على فستان
رهف:وهي شو بعرفها بطلبي انا بعرف شو بدي اختار
محمد:متل ما بدك..
بلشت اختار بلا نفس واتأمل وع الفاضي ما عجبني شي محمد ما يأس بلعكس صار يختار معي وما الو خلق على هالشغلات بس حسيتو انجبر بدو يثبتلي انو هو اكتر حدا بيستوعبني وبيتحملني
رهف:كأنو هاد الفستان متل الي رسمتو ببالي
محمد:هاد !!!!
رهف:بياخد العقل
محمد:بس قصير كتير
رهف:هي حفله كانو مو عزا
محمد:طيب ومن فوق قطع ومكشوف كتير
رهف:لشو هالتلميحات احكيلي لا مافي تشتريه
محمد:خلص بدك اياه مناخدو
رهف:اوف وكانك زعلت
محمد:اي بدي ازعل اختيارك مو حلووو ابدا وما بيناسب عيلتنا
رهف:اي هاد انت ما بتتغير
محمد:شو رأيك شجعك لتشتري فستان بدو يكشف كل اجزاء جسمك وانا اوقف اتفرج عليكي وهنن الشباب عم يتاملو انوثتك
رهف:هلأ هيك
محمد:هيك ونص انا رجل شرقي وبغار كتير على عرضي
رهف:بدك تقتعني لونا راح تلبس اطول ومستر كمان
محمد:خلص خديه مشان الله خديه
رهف:لا معاد بدي اياه راح شوفلي شي ختايري كتير عليي وبعدين خليني مدفونه بالحيا شو راح يصير عليي
ما رد عليي وراح لعند الصبيه وسالها عن موديلات متل ما هو بحب لتحت الركبة ومن فوق مستر واجت معنا لتفرجينا على موديلات
الصبيه:هاد اخر شي نزل هون ومتل ما طلبت
محمد:شو رهف حلو
رهف:ماشي حالو
محم.:ازا ما عجبك لسى معنا وقت منفتل كل السوق
رهف:بدك الصراحه ما عجبني شي وراح بتصل برغد هي بتعرف محلات حلوة
محمد:لكن لشو كل هالعي من الاساس هيك احكي
رهف:اي حكيت
محمد:طيب يعطيكي العافيه
الصبيه:ولوو بتشرفونا ايمتى ما حبيتو انت والمدام
طلعنا من المحل ونحن عم نتناقر
محمد:اتصلي برغد
رهف:لا ما بدي راح البس شي من الي عندي متل ما بتحب الي جهزتن بجهازي صارلن دهر عندي
محمد:رهف بلشنه
رهف:😡😡😡😡اي بلشنه
محمد:ما بيصير تلبسي مكشوف انا بعرفك اوعى من هيك
رهف:شو بيصير يعني
محمد:الصاله راح بتكون اكترها رجال ومو حلوة يشوفوكي او يحكو هي مرت محمد
رهف:اي على اساس محمد شيخ وملتزم احكيلك ولا خلي الطابق مستور
محمد:رهف انا عم سايرك مو اكتر وبعد ما طالعت جناني فيكي انا حكيت انو مافي تلبسي قصير ما عجبك لا تحضري
رهف:اي وهو هيك راح يصير
طلعت بالسيارة وعم انفخ منو وانا قاصدة نرفزو والله زمان ما عصب😂😂قلبت خلقتي بوشو وهو شغل السيارة وطلع من المكان دغري بأقصى سرعه وما كنت بعرف انو راح نتعشى برا البيت وقت وصلنا ع المطعم فرفحت بس ملامح الزعل ما بدلتها قعدنا وم