#حكى هالكلمة وهوي مو منتبه ..( ما بدي آخر شي شفتو هوي دموعك اسمعيني )
ليلاس : آخر شي ؟؟!!!! .. وطن انتا راجع صح .. وطن رد علي
وطن : أنا...
مسكة الباب بلشت تتحرك .. ركض لورا الباب وفتحو دون ما ينتبه يلي من برا .. دخلت سلام ونور .. وطن لسا ورا الباب
نور : هاااي
سلام : مرحبا ليلاسو كيف صرتي
ليلاس هزت براسها دون ما تحكي
نور : بس شبو الباب كان اتأخر لفتح
ليلاس : اه .. ايه هوي بعلق كتير
سلام : ايوا .. كيف صرتي وكيف البنوتة
ليلاس : الحمدلله
قربن من سرير البنت و وطن أشر لليلاس و رمالها بوسة بالجو .. ضحك وعملا كم حركة بوشو .. لوحلا وبعدين طلع برات الغرفة من دون ما ينتبهو نور و سلام ...
ركب بالسيارة وبأقصى سرعة ليوصل عند الشباب .. بعد ما وصل عندن جهزو كل أمورهن وكل شي لازم لعمليتهن .. وبعديها اتوجهو عند المكان المطلوب

أما عند ليلاس فبقيت طول الليل صحيانة والدمعة على خدها .. مو قادرة تعرف شو عم يصير معو .. ماسكة قلبها بإيدها وخايفة عليه كتير .. كتير أسئلة عم تخطر ببالها .. هوي راح بس يا ترى رح يرجع ؟؟ .. ليش وكيف راح .. لوين ولأيمتى .. كتير أسئلة عند ليلاس والجواب مع وطن ...
______

خلونا نحكي شوي عن العملية يلي رح ينفذوها .. سيارت رجال كتيرة مع وطن طبعا للتمويه و انو هوي شخص كتير متسلط فإجباري رح يكون حوليه كل هالرجال .. وطن رح يبقى قاعد بالسيارة ورح ينزل بدل منو شخص تاني متنكر بهويتو .. الرجال يلي مع وطن لابسين أسود بأسود منشان التمويه .. جاد و معو رجال رح يكونو واقفين بعيد عن وطن ولما بفوت الشخص المتنكر بهوية وطن وبقابل الأمرط رح يجي جاد مع رجالو ويكبسو عليهن ويمسكو كل شي بهالصالة وهيك بكون وطن سللم الأمرط وما أظهر هويتو الحقيقية بإنو ضابط بفرع المخابرات طبعا هالشي منشان يقدر يوصل لبقية العصابات و رجال المافيا بسهولة ..

_____
وصلو الرجال لإدام الصالة ودخل الشخص ومعو تنين من الرجال ليقابل الأمرط .. قعدو وحكو وسهرو سوا ولسا العملية ماشية تمام ...
وطن من سيارتو عم يحكي بالاسلكي مع جاد
وطن : يا جاد الزفت سامعني
جاد : يلعن أبو ديبك شو بدك
وطن : لا والله ولا شي بس حبيت جرب صوتي
وحكى بحدة .. : خلصني اتحركو ما بقي وقت ناقصني جنان آخر الليل أنا
جاد : اوك ماشي سلام
بيتقدم جاد مع العساكر وبيقتحمو الصالة و بيشتبكو مع الرجال يلي جايين مع وطن منشان التمويه وبعدين كلهن بهربو .. بيلقو القبض على كلشي كان جوا الصالة بما فيهم الأمرط و رجالو .. طبعا العملية ما كانت بهالسهولة يلي انتو متوقعينها بالعكس الشباب تعبو كتير و كمان كان شي كتير خطر على أرواحهن وبقي تنفيذ المهمة للخمسة الصبح ...

ومن الصبح بكير نزل الكل عند ليلاس على المشفى لأنو اليوم صار لازم تطلع من المشفى .. كانت الساعة ثمانية .. شام عم بتساعد ليلاس لتلبس المانطو .. وسمية حاطة البنت بحضنها وعم تشربها مي من الرضاعة .. و ام مراد عم بتضب شنتة الأواعي .. نور كانت واقفة مع مراد وعم يحكو وفجأة رن جوالها
نور : عن ازنك مراد
مشيت عند الشباك وكان الرقم غريب .. فتحت الخط وحكت
نور : ألو
.... : صباح الخير
نور : يا هلا صباح الفل
.... : حضرتك الآنسة نور ولا غلطان
نور: ايه مبلا أنا نور بس مين معي
.... : أنا رفيق أخوكي بالفرع بدي خبركن إنو وطن استشهد و أعطاكن عمرو
.... : ألو نور .. ألو نور سامعتيني .. ألوووو
نور سكتت وما بقي الكلام يطلع منها .. التفتت لأهلها يلي كلهن اتطلعو فيها وبالصدمة على وشها .. من دون إرادتها نزلت دمعة من عينها لتغمر خدها بالدموع ...
شام : شبك نور
أم مراد : شو صاير حبيبتي
سمية : وين راح لسانك إم لسان خلصيني شو في
نور صارت تحرك شفافها ببطئ بس مو قادرة تحكي
🍃💥مبتعدين🌹 عن🔥 العالم🍃🌍
مراد : شوووو صاير نوووووور .. لككك شبككككك
التفتت ليلاس وحكت بغصة بس كان باين على وشها القوة أو الثقة .. أو كان قلبها حاسسها
ليلاس : وطن صرلو شي
نور اتطلعت عليها ودموعها على عرض خدودها : وطن استشهد
الكل اتطلع بليلاس يلي حاولت تمنع حالها عن البكي .. ارتمت على الكرسي ونزلت دمعة من طرف عينها وهيي عم تتطلع بالطفلة الصغيرة يلي لسا ما شافت أبوها .. لسا ما حست بحنانو .. استعجل و راح على بكير
لحظات معدودة والكل عم يتطلع بليلاس بعديها شام صرخت ..
مراد : يا جماعة مستحيل
قرب ومسك نور من كتافها : ميييين مين قلك .. لك ردي عليييي
نور ببكي : ما بعرف مااااا بعرف .. وطن لا لااااا مستحيل
مراد : ليلااااااااااااااااس
ركدو عليها وكانت غميانة و واقعة من الكرسي .. مسكها وصار يمسح على وشها ويبوسها وهيي بحضنو
مراد : منشااان الله اختي أومي .. منشان الله أنا معك .. ليلاس ردي علي
أم مراد : يعمري يا ليلاس يا روحي .. ردي علييي .. ليلاس
اجو الممرضات ومددو ليلاس على التخت وبلشو شغلهن

الجزء الرابع عشر 😻👇

#قعدو اتغدو عمر ما شال عيونو عن شهد يلي كانت ميته من الخجل وعيونا على الاكل قيس كان مبسوط وعم يطلع عليهون بفرح .. بعد الغدا خصلت شهد جلي واتصلت ب وداد ..

شهد: اممم......

قيس:شبكي كانو في بتمك حكي ..

شهد:وداد عزمتني على فنجان قهوه عندون ..

عمر:خليا هي تجي ..

شهد:حباب عمر خليني روح ما بكفي حضرتك منعتني اطلع برا البيت ..

قيس:خليا تروح ما في عندون حدا ومندق لحسن يجي لعنا ..

شهد: ايه عمر الله يخليك اصلن قالتلي انو اخوها مالو بلبيت ..

عمر:طيب بس لا تتأخري ..

شهد: شكرااا عموره ..

عمر:😍😍😍😄😄😄

#عمر طق عقلو وصار قلبو يرقص دبكه لانو قالتلو عموره هي اول مرا بتقول هيك .. طلعت شهد عند وداد وقيس حس انو عمر استوا على الاخر قيس شفق عليه وحب يعترفلو بكل شي

قيس:عمر بدي قلك شي مهم بس وعدني انك ما تعصب ول اتزعل مني وانا ما عملت هيك غير لاني حسيت انك بتحبا وهي بتحبك وحبيت ساعدكون

عمر:😳😳😳😳 مافهمت عن شو عم تحكي

#حكى قيس القصه كلا ل عمر وكيف اتفق هو وشهد انو يحركو غيرة عمر بعد ما حس قيس انو عمر بلش يحبا ...... كان عمر عم يسمع ومصدووم

عمر:يعني كنتو عم تمثلو علي..

قيس: عمر صدقني عملت هيك لاني بعرف انك ما رح تلاقي احسن من شهد تكون زوجه صالحه الك وهي ..

عمر:يعني انت ماكتبت كتابك عليها ؟؟؟ يعني هي مالها مرتك هلق؟؟؟

قيس: لأ انا قلت هيك قدامك انو رح اتزوجا ورح يكون زواجنا علورق بس الحقيقه انو انا جبت ابن عمو لرفيقي عأساس هو شيخ عملنا هيك بس قدامك لك عمر شهد متل اختي ومستحيل انا اتزوجها حتى لو كان علورق .. وشهد بلاول ما قبلت بالفكره بس اقنعتا بعد ورجيتا انك عم تغار عليها مني وغرفت انك بتحبا لهيك نحن مثلنا قدامك هالمواقف لحتى نحرك غيرتك ....

عمر:يعني شهد بتحبني؟؟!

قيس:ولك ايه بتحبك والله بتحبك
وهي ما بتعرف انو انا هلق عم احكيلك بس انا حسيت انو لازم بقى تعرف انت وتتزوجو بقى ونخلص من هالقصه

عمر:ولك دخيييل الله شو بحبك يا اخي تعى هاات بوسه

قيس:هههههههههه لا وقف عندك شو مفكرني شهد

عمر:هههههههه ولك ابوس قلبا لشهد

قيس: الله على الحب الله

#وبهالحظه اندق الباب وكانت الصدمه

قيس: هاد انتي شو جااابك لهون

لمى:بدي حاكي عمر

عمر:انتي شو جاي تعملي هون

#دخلت لمى بسرعه ما قدر قيس يمنعا وطلبت تحكي مع عمر على انفراد طلع قيس وهو معصب ونزل وقف بلحاره

عمر:شو بدك

لمى:صلي فترا عم حاول اتصل فيك موبايلك مسكر

عمر:غيرت رقمي

لمى: هيك يا عمر هيك بتنسى كل الحب يلي بيناتنا انا بحبك

عمر:انا ما بشرفني حب وحده متلك فيها بلحظه تتهم العالم بشرفا

لمى:انا عملت هيك لاني ما اتحملت تكون في وحده غيري على ذمتك

عمر:لو سمحتي هاد الكلام ما بقى ينفع اتفضلي لبرا

لمى:انت طلقتا لانك بتحبني صح

عمر:لأ مو صح

#وهون اندق الباب وكانت شهد صارت تقول فتحولي الباب ولما لمى سمعت الصوت وراح عمر يفتح الباب لمى شلحت قميصا ورمتو على الارض ومسحت الحمرا من على تما يعني حتى يصير الوضع مشبوه .. فتح عمر الباب وكان متلبك خاف شهد تفهم غلط فاتت شهد وانصدمت من المنظر..

عمر:ولك انتي شو عملتي ليش هيك شلحتي قمصيك لك انتي ما بتستحي

لمى:شو صلك عمر انتي يلي قلتلي انك شتقتلي وانا ما بعرف كيف طاوعتك وشلحتو

عمر:ولك حاج تكذبي لعمى انتي اوسخ حدا بشوفو بحياتي شهد ليكي لاتصدقيا هي كذابه

شهد: وليش عم تبررلي انا ما بهمني .......😔😪😭

#فاتت شهد على غرفتها ودخلت بنوبة بكي شديده ..