قصة اليوم: #قاتلتي
.............
قراءة ممتعة🦋💙"
#ⴅÂÐЄĦÂ

#قاتلتي ♡♬♡
#الجزء_الاول
#بقلمي #امل_احمد

(◕‿◕✿)

☆ ╚══════ღღ══════╝

ِلُآزُلُتْ أجُْهلُ كِيَفَ جْْعلُتْنَيَ أْعشِقًڪَ حُدِ الُجْنَوَنَ
لم أكن وحدي يوماً ما كان نبض قلبك يرافقني على الدوام ما إن تبلل قلبي بملح دمعي، و أوشكت على الغرق كانت دقاته بمثابة قشة تنتشلُني من الغرق.

♬♫♪◖(● o ●)◗♪♫♬

ككل صباح توجهت السيده ماجده لغرفة ابنتها الوحيده وهي ترفع الاغطيه وتنادي بصوت حنون

ماجده : صبا لك صبا يلا فيقي بنتي اتأخرتي ع شغلك

صبا بتململ : ممممم يلا يلا امي بس خمس دقايق تانيه

ماجده : يوه حاجتك كسل يلا قومي غسلي وجهك وتعي لنفطر سوا حظرت الفطور والشاي

مدت ايديها وبلشت تتثاوب وانعدلت من مكانها : ممممممهه ليكني فقت صباح الخيرات ست الكل

ماجده : صباح الورد ياروحي يالله انا سابقتك عالمطبخ غسلي وجهك والحقيني

صبا : حاضر امي

قامت صبا غسلت ولبست اواعيها وسرحت شعرها وسحبت شنتتها وتوجهت عالمطبخ لتفطر مع امها

ماجده : يعني ضروري حتى بيوم الجمعه بدك اداومي لك سرت اشتهي اقعد معك يابنتي

صبا ب اسف : معلش امي منتي عارفه شغلي مافيه اجازات بس بوعدك اخد يوم بنص الاسبوع وقضيه معك ونطلع نغير جو انا وانتي وساره… . صحيح وينا ساره لسه نايمه

ماجده : صباح الخير ساره من امبيرحه راحت لبيت خالك تقضي اجازة نهاية الاسبوع عندهم

صبا : مممممم الله يصلحك امي كنتي رحتي معها لبيت خالي وغيرتي جو

ماجده : واتركك وحدك

صبا : يا امي هو انا صغيره لك صار عمري 24 سنه يلي بعمري صار عندهم عر ولاد

ماجده : والله لو تمشي عالعكازه رح تبقي بنظري طفلتي المدلله

قامت صبا وحوطت امها بين ذراعها وباستها من جبينها : لك الله مايحرمني منك ياست الكل انا بلاكي ولاشي

ماجده : ولا منك ياروحي الله يسعدك ويستر عليكي ويبعد عنك ولاد الحرام

صبا : امين يارب يالله بدك شي بدي انزل عالشغل

ماجده : والله هالشغل كله ماله لازمه هو انا مقصره معك بشي

صبا : يا امي ياضي عيني انتي مانك مقصره عليي بشي بس الواحد لازم يخلي عنده دم… انتي عم تكبري ولازم شيل عنك مو معقول تقضي حياتك ورى مكنة هالخياطه

ماجده : هلأ ماعادت عجبتك مكنة الخياطه لك هالمكنه هيه يلي

صبا بعجل : بعرف بعرف امي هالمكنه هيه يلي ربتني وكبرتني وعلمتني وطعمتني وشربتني واشترتلي جرابات… .. يالله خااااااطرك امييي ديري بالك عحالك سلاااااام 😘

ماجده : هههههههه الله يسهل امرك ويكتبلك بكل خطوه سلامه

☆ ╚══════ღღ══════╝

نترك هالبيت الصغير الدافي ونترك هالمنطقه الشعبيه المتواضعه ونروح لارقى المناطق السكنية بعمان حيث قصر السيد عبدالرحمن الماضي

☆ ╚══════ღღ══════╝

بقصر فخم منحوت ب امهر الايدي وبين قطع الأثاث الفخمه ورائحة الاطباق الشهيه التمت عائلة عبدالرحمن على مائدة الافطار
هالعيله مكونه من الاب عبدالرحمن والام كوثر والاخ الاكبر كرم 32 سنه والاوسط سفيان 25 سنه اما اخر العنقود بتول 20 سنه

☆ ╚══════ღღ══════╝

عم يطلع عالكرسي الفارغ يلي بحدو وبين عليه علامات الغضب

عبدالرحمن : شو وين المحترم الكبير

كوثر : بعدو نايم ابو كرم امبيرحه رجع وجه الفجر

هز راسه وصاح عالخدامه بصوح عالي : اعتداااااال

اجت الخادمه مهروله بخطوات سريعه وامتثلت امام السيد عبدالرحمن

اعتدال : نعم عبدالرحمن بيك

عبدالرحمن بضيق : لو سمحتي اطلعي لعند كرم صحيه واحكيلو دقيقه ويكون قدامي

نظرات متبادله بين بتول وسفيان وكوثر لانهم عارفين شو مستني كرم وخصوصي بس يعصب السيد عبدالرحمن

طلعت الخادمه بخطوات متردده وكلها خوف لانها بتعرف طبع كرم اكتر شي ببعصبه حدا يصحيه من النوم

وقفت ورا الباب ودقت بخفه : كرم بيك كرم بيك
رجعت دقت مره واتنين وتلات بس لاحياة لمن تنادي
نزلت وهي منزله راسها بالارض واردفت : دقيت عالباب بس مافتحلي شكلو نايم يابيك

سكت شوي وبعدا اشر للكل يبلشوا بالفطور وبقلبه كان عم يتوعد لكرم

اتجهز السيد عبدالرحمن وسفيان وطلعوا لصلاة الجمعه

عبدالرحمن : انا رايح ع صلاة الجمعة وبعدا بدي امرق ساعة زمن لعند الحج مروان اتمنى وقت ارجع يكون المحروس صحي

كوثر : الله معكم مع السلامه… . حطت ايدها ايدها ع قلبها من يلي رح يسير بكرم وقت يرجع ابوه…… الله يهديك ويصلح حالك ياكرم

☆ ╚══════ღღ══════╝

بعد صلاة االعصر بيفيق كرم وهو عم يفرك بعيونه ويبعثر خصلات شعرو الكثيف الناعم

طل من غرفته ونده بصوت عالي : اعتداااال حضريلي الفطور لو سمحتي وبعدا رجع يتثاوب وسكر باب غرفته

اعتدال : حاضر يابيك

كوثر : روحي لشغلك اعتدال ماتحضريلو شي

اعتدال : بس ياخانوم

كوثر : اعملي متل مابقلك لو اكل هلأ مارح ينزل يتغدا معنا وابوه معصب منه ورح يطين عيشته مابيكفي مانزل وافطر معنا
اعتدال بشفقه على حال كرم : الله بكره بيهديه ياخانوم ويرجع كرم بيك يلي منعرفه زينة الشباب

#قاتلتي
#الجزء_الحادي_عشر_والاخـــــــــير
#بقلمي_امل_احمد (◕‿◕✿)

╚══════ღღ══════╝

الحب مواجهةٌ كبرى ؛ إبحارٌ ضدّ التيارِ

صلبٌ و عذابٌ و دموعٌ ؛ و رحيلٌ بينَ الأقمار

*.•°``°•.💖¸.•°``°•☆

نازل على الدرج بسرعه وهو عم يزفر بضيق وصل لعند الباب ومسك المقبض ليوصل لمسامعه صرخة امه اللي فتكت بقلبه

كوثر : صباااااااا مااااتت ياكرررررررم صبا ماااااااتت
فتل حاله ورجع مهرول عم يتعثر بعتبات الدرج وانفاسه عم تضيق
دخل عالغرفه ليشوف وجهها عم يقطر منه الدم من كل مكان وتحتيها بركة دم من شدة النزيف نزل على ركبه ورفعها وصار يضرب ع وجهها لتفيق لكن صبا كانت بعداد الاموات… .
كوثر بتبكي وبتضرب على وجهها وبتول واقفه مكانها حاطه ايدها على تمها ومصدومه وسفيان واقف برا مستند عالحيط عم يمسح دمعاته
شحب لونها اكتر ومال للصفره وانفاسها ماعم تطلع وتنزل يمكن هالمره خسرتها للأبد !!!
حملها متل المجنون ونزل فيها يركض بين ممرات القصر وصرخ فيهم… اتركووووووونا ماحدا يلحقنااااااا

*╚══════ღღ══════╝

هرج ومرج بطرقات المشفى والكل عم يفوت ويطلع بسرعه كبيره وحاله من الاضطراب تجتاح غرفة العمليات يلي بقيت فيها قرابة الساعتين

كان قاعد بحد باب غرفة العمليات وحاضن راسه بين كفيه وهو سامع ممرضه بتركض لتسألها زميلتها شو الحاله يلي جوا وتخبرها بدورها وحده تعرضت للضرب العنيف والاغتصاب واحتمال تموت

احتمال تموت… . ؟؟ هالكلمه حفرت بداخله حتى النخاع .. كيف تموت… كيف تتركني بعد ما صارت بحياتي كل شي… كيف بكل بساطه تقرر ترحل وتتركني لا مو بكيفها… مارح تموتي صبا رح تبقي لحتى نعيش سوا ونأسس عيله…… .. !!!!!

قطع شرودو صوت المحقق
المحقق : لو سمحت يا استاز حضرتك زوج السيده اللي تعرضت للاغتصاب ومحاولة القتل
محاولة قتل ؟؟؟ اي قتل واي اغتصاب… هي مرتي هي حلالي، معقول كون لهدرجه من الدنائه والحقارة
المحقق : يا استاز عم حاكيك
اطلع فيه كرم وبان التعب على وجهو واردف بألم : اي انا
المحقق : لو سمحت بدي اخد افادتك لبلش التحقيق بملابسات الجريمه
كرم بذهول :جريمه ؟؟
المحقق : طبعا جريمه .. شروع بالقتل والاعتداء بالضرب والاغتصاب
كان نفسه يهرب منه بالكلام لانه ببساطه مابيقدر يسلم حاله
كرم بضيق : حضرتك مو شايف انه الظرف مو مناسب لأي اسئله .. زوجتي بين الحياه والموت
المحقق بتهكم : نحنا المهم عنا بعد سلامة المدام طبعا السرعه بالتحقيق لحتى الجاني ياخد جزاته
كرم : لو سمحت مو قادر احكي شي
المحقق بشك : متل مابدك بس وقت تفيق المدام وتطمن عليها ضروري ناخد افادتك
هز راسه بدون ما ينطق كلمة زياده وبقي يراقب بحجر عينه باب غرفة العمليات
♣️ ♣️ ♣️

وبعد وقت طلع الدكتور وكان باين على وجهو علامات الحزن
سأله كرم بخوف وصوت مهزوز : ككيفا للساتا عايشه ماهيك قلي انه بعدها عايشه ابوس ايدك
الدكتور : اي عايشه لكن للأسف المدام دخلت بغيبوبه الضاهر انها رافضه الحياه والواقع وجسمها ماعم يستجيب ولايبدي اي ردة فعل
سكت لبرهه وبعدا اتنهد براحه

" لما شعر بهذه الراحه هل لأنه لن يدان بقتل زوجته .؟؟ .. ام لأنها لازالت على قيد الحياة ولم يفقدها "

الدكتور : بدنا موافقتك لنعملا عملية تنظيف رحم لانه لاقدر الله ممكن يحصل حمل
ترجم كلام الدكتور بعقله بثواني : معقول تكون حامله ب احشائها طفل منه ؟؟
الدكتور : يا استاز بدنا موافقتك
كرم : هلأ لو العمليه هي مانعملت شو ممكن يسير
الدكتور : ولاشي العمليه مجرد تنظيف للرحم بحيث لو في حمل يجهض قبل مايكبر ويتكون ويكون مستحيل اجهاضه لانها تعتبر جريمة
كرم : يعني المهم مافي خطر على حياتها
الدكتور بـضيق من اسألته : يعني حضرتك بدك تربي طفل مو ابنك لمجرد انها مرتك حامل فيه
رمقه بنظره حاده والغضب عم ينطق من عيونه كشظايا نار ستحرق من امامها
الدكتور : ازا قررت توافق انا بمكتبي… عن ازنك

*╚══════ღღ══════╝

وبالقــــصــر

كوثر : شو صار معك سفيان
سفيان : ماعم يرد دقيتله كتير بدون فايده
كوثر : وبعدين يعني انا لازم اطمن على صبا
سفيان بعصبيه : هلأ سرتي بدك تطمني عليها امي مو من شوي كانت بعينك البنت الحراميه
كوثر :😔
زفر بضيق وهو عم يمشط شعرو الغزير بين اصابعه : نحنا كلنا تسرعنا واتهمناها بدون مانعطيها فرصه ادافع عن حالها
بتول : الشغله واضحه اخي مافي غيرها
رمقها بنظرة شك : انتي ليش متأكده كل هلقد انها صبا يلي سرقت
بتول بتلعثم : للاا بس هيك الواضح يعني ازا مو هيه مين بدو يكون ؟
سكت سفيان شوي وبعدا توسعوا عيونوا واردف بعجل
سفيان : امي ساعة اللي نسيت جاكيتي بغرفتك صبا كانت بالبيت وقتها
ذيقت عيونها وكأنها بتتزكر الاحداث يلي صارت وبعدا حكت والدهشه ع وجهها : ايه فعلا… صبا ماكانت بالبيت كانت بدار الاوبرا
سفيان بقلبه : في شي غلط ولازم اعرفه

*╚══════ღღ══════╝

نــرجع للمـــــشفى

في قصتين ناقص منهن جزء
قصة #نصف_ساعة و قصة #قاتلتي

تحبوا ارجع انشرهن ؟! لان طوال☹️💚!

#قاتلتي
#الجزء_الثامن
#بقلمي #امل_احمد ◕‿◕✿

*╚══════ღღ══════╝

وصل عالقصر بخطوات سريعه واول شي عمله دخل لعند امه ليطمن عليها…

كرم : ممكن فوت ولا بعدا ست الحبايب زعلانه مني

كوثر : انا مافيي ازعل منك يا ابني واشرتله يقعد حدها

قعد كرم على طرف التخت ومسك كف امه وباسه واستنشق عبيرها وكأنه ببحاول يستمد قوته منها

كرم : سامحيني يا امي

كوثر : الله يسامحك ويهديك… بس ياريت تصالح مرتك واخوك يلي عملته مو بسيط

كرم : حاضر امي… .. و وينا صبا

كوثر : طلعت من شوي

سكين وانغرزت بقلبه .. معقول تركته وراحت معقول حظه سيئ لهي الدرجه وهو يلي كان ناوي يفتح معها صفحه جديده

كوثر : وين شردت امي

كرم : يعني خلص راحت 😔

كوثر : مين يلي راحت

كرم : صبا

كوثر بضحك : ههههه اي راحت بس مو لبيت اهلها

كرم بصدمه : لكان لوين ؟

كوثر : خبرتني انه عندها بروفه بدار الاوبرا وانها اخده ازنك من قبل

كرم ب ارتياح : اي فعلا خبرتني… . لكن لروح استناها لتخلص وجيبا معي

كوثر : البنت مشتاقه لامها ابني

كرم : ولايهمك امي اعتمدي علي .. يالله خاطرك

كوثر : الله ينور دربك ويبعد عنك ولاد الحرام ابني

*╚══════ღღ══════╝

خلصت بروفتها وقاعده قبال البيانو بملل عم تفكر بالجلاد يلي اقتحم حياتها وسلب قلبها منها
حبه كان مسيطر عليها لدرجة انها كانت قابله تعيش بسجن لو هو سجانها

ضربت اول لحن… والتاني والتالت وصارت تعزف بدون وعي… لحتى اندمجت مع الايقاع وكانت مقطوعه لاغنية ورده اكدب عليك
كانت عم تعزف وتغني بصوتها الحنون وطيف كرم قدام عيونها ومو شايفه غيرو ابدا

أْكدِبْ عَلْيكْ لَو قُلت بَحِبَكْ لِسّه أْكدِبْ عَلْيكْ،.
و أْكدِبْ عَلْيكْ لَو قُلت نِسِيتَكْ هَمْسَة أْكدِبْ عَلْيكْ،،
أُمْالْ أَنْا إِيه،، قُولِي إنْتَ أَنا إِيه،، اِختَارْلِي بَر و أْنا أْرْسِي عَليه،،🎶 🎵 🎶

كرم : 👏👏👏👏برافووووو

التفتت وراها بعجل لتشوف جلادها واقف وهو راكي جسمه عالحيط ومعجب ب ادائها

صبا : كرم ؟؟

قرب منها وهمس : اخر مره بتغني قدام العالم امممم… انتي الي وبس

بعدته عنها ب ادب : عن ازنك

مسك ايدها ورجعها مكانها : ماخلصت كلامي

صبا : جاي تهيني هون كمان .. انت شو بدك مني ارحمني كرمال الله

حط ايدو على تمها : هشششش تعي معي لنحكي برا مو حلوه الغرب يسمعوا مشاكلنا

ما استنا منها ترد سحبها ايدها وطلعوا من المسرح وركبوا بالسياره ومشي فيها

*.•°``°•.💖¸.•°``°•☆

صبا : ليش اجيت كرم

كرم : في وحده بتسأل زوجها ليش اجيت…

صبا : لا تغشم حالك احكيلي ليش اجيت

كرم : اشتقتلك

صبا :…… ..

كرم وهو بيطلع فيها بطرف عينه : شو مافي وانت كمان ابن عمي

نزلت راسها بحزن واكتفت بالصمت

كرم : احزري لوين رايحين

صبا وهي عم تطلع حواليها : هاد طريق ببت اهلي… .. بدك تاخدني لعند امي

كرم : اكيد بتكوني شتقتيلا واشتقتي لاختك

صبا : ماتوقعت توافق بهالسرعه عالطلاق

وقف السياره فجأه لدرجة انها ضربت بالبلور يلي قدامها :

كرم : مين جاب سيرة الطلاق 😡

صبا : لكن لشو بدك تاخدني لعند امي

كرم : ازا هيك تفكيرك معناها بلاها هالروحه

صبا بعجل : لا لا خلص سكتت

رمقها بطرف عينه وبينة ابتسامه ع طرف ثغره… وكمل طريقهم سوا

*╚══════ღღ══════╝

ساره : الو… اهلييين عموره حمدلله عالسلامه حبيبي كيفك

عمر : الله يسلمك ياروحي اشتقتلك خيرات الله

ساره : وانا اكتر حبيبي

عمر : بقدر شوفك ولا حماتي رح تقلعني

ساره : لا شو تقلعك اساسا امي كمان مشتاقه لتشوفك… وغمزت لامها

عمر : ممكن احكي معها

ساره : اي اكيد… . امي عمر بدو يحكي معك

ماجده : اهلين يا ابني حمدلله عالسلامه

عمر : الله يسلمك مرت عمي كيفك

ماجده : نشكر الله كيف كانت سفرتك

عمر : الحمد لله توفقت وفي خبر كتير حلو رح يفرحك

ماجده : خير ابني

عمر : اشتريت شقه بمنطقه راقيه وحبيت خبرك الك بالاول لحتى اخد ازنك ونروح انا وساره لتشوفها وتفرح… ولو سمحتي ماتخبريها بشي

ماجده بفرح : الف مبروك يا ابني… بس رح تتأخرو

عمر : لا مارح نتأخر بوعدك

ماجده : طيب ابني الله يسعدكم

عمر : خبريها لساره تجهز وانا خمس دقايق بكون ناطرها تحت

ماجده بضحك : خمس دقايق هاد انت مرتبها

عمر : ههههه لا ابدا

ماجده : طيب رح خبرها… الله معك

ساره : شو بدك تخبريني امي

مسكت ماجده السكين ورجعت تقشر البطاطا يلي قدامها

ساره : يووووه احكي امي

ماجده : روحي جهزي حالك عمر بعد شوي حيمر ياخذك مشوار

فتحت عيونها على وسعهم : لوين 😲

ماجده : مابعرف حكا عاملك مفاجأه

نطت من مكانها وهي عم تزقف وفاتت لغرفتها حطت ميكاب خفيف و لبست بلوزه حمره مخططه بالابيض وتنوره بيضه على شوز ابيض زحافي ولفت حجابها وسحبت شنتتها ونزلت لتحت البنايه تستنى عمر

#قاتلتي ♡♬♢♬
#الجزء_الثاني ♡♬
#بقلمي #امل_احمد ☆✿☆

(◕‿◕✿)
╚══════ღღ══════╝

رجعت لبيتها وهي مغتاضه من تصرف هالشخص عديم المسؤوليه قعدت ع الكرسي وهي عم تقضم اضافيرها وتهز اجرها

صبا : العما بشكلو شو انه سخيف وتافه مفكر ازا كان معه مصاري بيقدر يشتري شو مابدو… ااااخ بس لو ارجع شوفو لخليه يندم عالساعه يلي فكر يقدملي هديه…. هه شي حلو والله هاد يلي ناقص

ماجده : عم تحكي مع حالك بنتي

انعدلت صبا بقعدتها وحاولت تغير معالم تقاسيمها الغاضبه ورسمت ع وجهها ابتسامه : عم احكي انه البيت لازمه تبييض امي

ماجده : هلأ كرمال تبييض البيت عم تاكلي بحالك

اداركت صبا الموقف وتناولت تفاحه وقضمتها : ممممم شبك امي بدك تتركيني بالجوع عصافير بطني عم تزقزق

ماجده : الاكل جاهز قومي غسلي وغيري تيابك واندهي لاختك تجي تساعدني لنسكب الاكل

صبا : حاضر امي .. وبسرعة قامت لغرفتها وهي عم تحمد ربها انها مانتبهت عليها انها فعلا مزعوجه ولا كانت بلشت موال كل يوم (( شو لازمتها هالشغله ))

صبا : ولي ساره قاعده عم اتكبسي عالموبايل وتاركه دراستك

ساره : اهلين اختي منيح يلي جيتي في موضوع مهم بدي حاكيكي فيه

صبا : اجلي مواضيعك هلأ وروحي ساعدي امك بالمطبخ لحتى غير واخد دوش

ساره : لك مهوي الموضوع كرمال امك اسمعيني ولو

رمت البيجامه من ايدها وقعدت حد اختها عطرف التخت واردفت ب اهتمام : شو في شبها امي

ساره : ماتخافي مافيها شي بس

صبا : بس شووووو لك شو في احكي وقعتي قلبي

ساره : لك شبك روقي لفهمك

صبا : وهي سكتنا تفضلي ست ساره احكي

نزلت راسها وبلشت تلعب ب اصابعها : بصراحه اجاني عريس وكنت بدي تحكي مع ماما

اطلعت فيها بحب وغمرت وجهها بين كفيها : لك ايمت كبرتي وصرتي عروس ولي

ساره بشقاوه : لك زمان والله زمان بس انتو مو شايفين الا ساره البنت الصغيره ام الجدايل

صبا : هههههه ورح تبقي ساره ام الجدايل… .. ها من هالعريس ومن وين عرفتيه… . لتكوني مصاحبه من وراي ولي

ساره : لاااا شو مصاحبه وحياتك خليته يدور ع كعوب اجريه لحتى قبلت احكي معه وشوف شو بدو

صبا : معك بالجامعه

ساره : لا متخرج من اربع سنوات وبيشتغل محاسب

صبا : حلو فارق السن مناسب بس لازم نسأل عليه بالاول ويمكن ماما ما توافق الا بس تخلصي جامعتك

ساره : لااااا شو لحتى خلص جامعتي… مو باقيلي الا هالسنه منخطب وبعد التخرج الزواج

صبا : يخزي العين حاسبتيها من كل جهة

ساره : ههههههه ايه لكان

صبا : الله يجيب اللي فيه الخير

ساره : ان شاء الله وعقبالك

صبا : ههههه انا لسه مالقيت فارس احلامي

ساره : يلي بيسمعك بيحي ما اجالك عرسان وانتي عم تتعززي هاد تخين وهاد نحيف وهاد طويل وهاد قصير وهاد اقرع وهاد بكرش لك رح تعنسي وانتي ناطره هالفارس المغوار

صبا : هههههههههه اي لا مارح عنس بس مواصفات فارس احلامي مارح اتنازل عنها

ماجده : لك ياصباااااا ياا سااااره وينكم يابنات العشا جاهز

صبا : ولي امي عم تنده وانا بعدني ما غيرت اواعيي قومي ولي لعند امك وهلأ بلحقك

ساره : حاكيها اختي حبابه

صبا : لك قووووووومي هلأ شو بتلعي

ساره : اي قايمه

☆ ╚══════ღღ══════╝

دخل بحلته الرسميه الى صاله الاستقبال فى الفندق الخمس نجوم و توجه بالسؤال عن الفوج الهندى

كرم : لو سمحت الوفد الهندي يلي حجزنالهم جناح وصلو

الموظف : لا يابيك… بس هنه على وصول

كرم : اي تمام ومابدي وصيك بدي خدمه فايف ستارز ..

الموظف : تحت امرك يابيك

كرم : انا رح اشرب فنجان قهوه اول مايوصلو عطيني خبر ازا سمحت

الموظف : حاضر

... قعد ب اكابريه و طلب قهوته ...واستند عالكرسي وهو حاسس ب انتعاش ونسمات الهوا الصيفيه عم اداعب خصلات شعره

مر طيفها بخياله وسرح لبعيد لعند ام عيون خضره والوجه الملائكى

كرم : لك يخرب بيتا على هالوش ما احلاه ولا دبحة هالعيون دخيل اللي خلقها
وفجأه زفر بضيق وقت اتزكر كيف تصرفت معه وشقت الكرت وكبته بالزباله...

كرم بضيق : حسابنا لسه ماخلص ياقطه ياعشوائيه اكيد حيكون النا لقاء تاني ووقتها رح عرفك قيمتك ومين بيكون كرم عبدالرحمن الماضي

قطع شروده صوت انثوي بيعرفه

رانيا : مسيو كرم

كرم : رانيا ؟؟ شو عم تعملي هون

رانيا : نسيت محفظتك وجبتلك ياها

كرم : بس محفظتي معي وسحب محفظته من بدلته

رانيا بخبث : بعرف انها معك وبصراحه عم اتحجج

كرم : تتحججي بشو

رانيا : لك اشتقتلك شبك ماعدت متل اول نسيت رنوش حبيبة البك

كرم : مانسيت بس حركاتك مو حلوه بقلب المكتب افرضي شافنا ابي

رانيا بدلع : لكان وين اعمل حركاتي

ابتسم واردف : تعي معي لخبرك وين

وسحبها وراحو لغرفته يلي بالفندق ونسي موعدو مع الوفد يلي جاي كرماله

بعد وقت ليس بقليل انتهى من لقائه الحميمى مع سيكرتيرته

اطلع بساعته بعدما اغتسل و لبس ملابسه ...و تزكر موعده..

كرم : العما الوقت سرقتني هلأ بيكون الوفد زمان وصل

. فتح موبايله ليلاقي اكتر من عشرين مكالمه من والده...