قصة اليوم: #قربان_غاليه
.............
قراءة ممتعة🦋💙"
#ⴅÂÐЄĦÂ

#قربان_غاليه
_بقلمي_امل_احمد_سلوم

#المـــقـدمـــــــه، ،

غالية ،، وقصة عشقها الأبدي اللي اتحول م̷ـــِْن قصة حب بين شب وصبية لكابوس مرعب لأهالي كل الحي ..

قصة انتسجت بين الخيال والواقع وكأنو غالية هربانة م̷ـــِْن وحدة م̷ـــِْن الأساطير القديمة ..

بليلة مافيها ضو قمر اجاها خبر ان حبيبها مات لما وقعت سيارتو م̷ـــِْن فوق الجبل ..
وهي م̷ـــِْن حزنها عليه قررت تأسر حالها بغرفة صغيرة حيطانها طين وسقفها قش وخشب، ، بعيد عن كل العالم ..
بليالي كتير هالحسناء كانت تصحي أهالي الحي عأصوات نواح وبكي وصراخها بإسم حبيبها وكأنها عم تشوفو كل يوم بموت قدام عيونها ..
لَـگِنْ صوتها ماكان صوت طبيعي واول ماتغرب الشمس كانو اهل الحي يسمعوا اصوات عاليه وغريبه اصوات بتشبه دق الطبول مع الناي ممزوج بصراخ مخيف

وبيوم م̷ـــِْن الأيام انقطع حسها م̷ـــِْن الحي .. اهالي الحي فكرو انها تركتو .. او رحلت ..
منهم انبسط لأنه رح يعيشوا بهدوء م̷ـــِْن بعد ليالي الرعب اللي كانو يعيشوها بسبب هالاصوات اللي كانو يسمعوها ومنهم حس بالحزن علـّۓ. حال هالصبيه

مر كم يوم واهالي الحي ماشافو اوسمعو صوت غاليه .. وبليلة سمعو صوت صراخ قوي طلع م̷ـــِْن بيتها ..
ركض الكل لمصدر الصوت واول مافتحوا الباب انصدمو بـ أبشع منظر .. غاليه ميته .. ومو أي موته ..
"حرق " بس الغريب انه ماكان فِيَھ بالبيت اثار حرق .. بس غاليه هي اللي محروقة .. كل جسمها اكلته النار وتحول لفحمه ماعدا وجهها كان صافي وابيض متل التلج ..
والاغرب انه جثتها مكومة عالفرشه وبدون اي آثار لأي مخلوق كان حوليها

مع طلوع الضو اتجمعو اهالي الضيعة وراحو دفنو غاليه بالمقبرة .. وبعد ماخلصو راحو كل واحد ليشوف مصلحتو ..

بس اللي صار انو فاقو اهالي الضيعة عصوت حارس المقبرة وهو بينادي وبيحكي غاليه طلعت م̷ـــِْن قبرهااا

هالكلمة زرعت بقلوب الأهالي الرعب وراحو ليشوفو شو القصه .. وبالفعل كان القبر منبوش و جثة غاليه موجودة بجنبو ..
للمرة التانية اندفت غاليه بقلب القبر ولتاني مرة انتبش القبر وطلعت جثة غاليه ..محدا قدر يفسر هالواقعة الا شيخ الضيعة لما حكا انو القبر مسكون واقترح تندفن غاليه بقبر تاني ..

استجابو اهالي الضيعة لكلام الشيخ وبالفعل انحفر لـ غاليه قبر جديد لحتى تتآوى فِيَھ .. لَـگِنْ شيئ مرعب حدث بهداك الًيَوُمًِ .. لما همو الرجال ونزلوها عالقبر فجأة غاليه فتحت عيونها .،، عيونها اللي كساهم البياض بالكامل بمشهد مرعب لكل اهالي الضيعة .. وصدح منها صوت مرعب خلا الكل يرتعب منه
اصوات غريبة وكلمات غير مفهومة بلشت تتردد عمسامعهم وكأن الشيطان كان بيخاطبهم شخصيا ... ومالقو حل الا يتركو قبر غاليه مفتوح ويهربو كلهم ..

م̷ـــِْن بعد هديك الحادثة المرعبة بقي قبر غاليه مفتوح ومو مغطى الا بشوية نباتات وأشواك نبتت لتغطيها وتغطي ملامحها وعيونها اللي بقيت مبحلقة بالفراغ .. وتاني يوم اختفت جثة غاليه وماحدا عرف وين راحت
ورغم هيك ضلو أهالي الضيعه لحد هلأ بيسمعو صوت غاليه وهي بتنوح علـّۓ. حبيبها واحيانا بتصرخ بإسمو ...

نور ،،،،:عنجد ماما القبر ما تسكر ابدا
ريما : اي ،،شو رأيك بهالقصة عاد
نور : هههه اي مابتخوف اصلا انا ماخفت
ريما : متأكدة
صباح : ماما عنجد قصة غاليه حقيقية ولا انَــْتي اخترعتيها؟
ريما «اخدت نفس ووقفت جنب الشباك »: غاليه •اللّـہ̣̥ يرحمها كانت رفيقتي وكنا ساكنين بنفس الحي وبعد هديك الحادثه اصر جدك انه نترك الضيعه ونرحل لضيعه تانيه لانه صرنا مانعرف ننام الليل م̷ـــِْن صراخها
نور : ولليوم بيسمعوا صوتها
ريما : لٱ امي بس اي حدا بيقرب م̷ـــِْن قبرها بينئزي وكتير ايام سألت ستك عنها و اكدتلي انو غاليه موجودة ..

«««««««««««««««««««

ياترى شو قصة قبر غاليه وشو اللعنه اللي رح تصيب الشخص اللي بيقرب منه
هالشي رح نعرفه سوا بقصتنا، ،،

#قربان_غاليه
#بقلم_الكاتبه
#امـــل_احـمـد_ســـلوم

#قـربان_غالــــيه
#الجزء_الآۆلْ
#بقلمي_امل_احمد_سلوم

بحي شعبي قديم وبيت حيطانه مهرهره وابوابه يادوب ثابته مكانها، ،،
بيت صغير محاوطته الزرع والخضره وصوت العصافير بتصدح لتنبئ ببداية نهار جديد حامل بين طياته الم جديد

فتحت مها عيونها علـّۓ. صوت امها وهي بتحظر وجبة الفطور لوالدها واخوها

حنان: مها يامها يالله يا امي فيقي لتصلي الفجر وتعي عينيني لنحظر الفطور لبيك واخوكي قبل مايسرحوا علـّۓ. شغلهم

قامت مها م̷ـــِْن فراشها الدافي وهي بتفرك عيونها وتتثاوب بكسل وبعدا هللت موحده لله

مها: اصبحنا واصبح الملك لله، ،،، يارب عين بيي وخيي علـّۓ. هالنهار، ،،، يالله يامو جايه بس لصلي

بالغرفه التانيه طلع الاب تحسين وهو بيلبس جاكيته وبيلف راسه بالغتره