#رفقة_عمر
#قصص_فيلوفوبيا
#الجزء_الخامس
الجزء الخامس
هبة:رح تطلع و تتركني؟
مجهول:مضطر اطلع عندي مشوار ضروري....يلا قومي قعدي عالكرسي خليني اربطك قبل مااطلع
هبة:الله يخليك انا تعبت من قعدة الكرسي خليني هيك بوعدك ما اعمل شي ولا طالع اصوات
مجهول_____
(وقفت و قربت منو وحطت ايدها على خدو و مسكت ايدو و اصطنعت البراءة وهيه عم تحكي)
هبة:مو انت قلت انك بتحبني؟بيهون عليك ارجع اتعذب وانت بتحبني هيك؟يلي بيحب التاني مابيتركو يتعذب
مجهول:(حط ايدو على خدها) كل شي عملت حسابو الا اني حبك!ماكان بحسابي قلبي يدق و يتعلق فيكي
و انا يلي خاطفك لمصلحة بس انتي بهدوئك و بجمالك وبسكوتك الدائم اخدتي عقلي..انا عنجد ندمان لاني عملت معك هيك...بس بوعدك اني خلصك من هالشي و اني رح ارفع راسك ادام اهلك و ادام الناس
و رح اقطع لسان كل واحد تجرأ وحكا عنك كلمة مابتسوا
بعرف اني ضريتك كتير بهالشي بس رح تكتشفي بالاخر انو كان لمصلحتك لان كان معمي على عيونك
وعديني انك تسامحيني...وعديني انك تعطيني فرصة لما تطلعي من هون وانك تسمحيلي ورجيكي مين انا
يلا وعديني
هبة(طلعت الكلمة من تمها بدون وعي...وكأن كلامو لمس قلبها...وكأن الحب يلي تمنتو هلأ حصلت عليه بلحظة كانت عم تكذب وتمثل وبلحظة قالت اصدق كلمة بحياتها طلعت بعيونو وغرقت بلونهن و وعدتو)بوعدك
اني سامحك و اني اعطيك فرصة بس اطلع من هون
مجهول(ابتسم)هلأ ارتحت...انا رايح ومارح اربطك بس رح اقفل الباب لاني مضطر....و بس ارجع منكمل حديثنا
(غمر وجهو بكف ايدها و باس ايدها وطلع من البيت وقفل الباب وراه
قعدت عالكنباية و مسكت راسها بين ايديها و انحنت
_لنفسها_شو صرلك هبة!!ليش قلبك عم يدق ليش؟؟؟هاد البني ادم كيف قال انو بيحبك؟و هو بيعرف انك بتعرفي حقيقتو.....معقول تسمحي لحالك تتجرأي وتسرقي حلم رفيقتك؟؟بس هو قال بيحبك اي بيحبك
غمضت عيونها و تزكرت تقاسيم وجهو للحظة...و تزكرت لون عيونو....اي لون عيونو......لون عيونو هو المختلف
لا.....لا....مستحيل هالشي مسسستحيل
حست بحالها تعبت من التفكير و رح تجن اذا ماطلعت من هالدوامة صرخت بأعلى صوتها
ديمةةةةةةةةة.......وينك...كرمال الله تعييييي....تعي طالعيني من هووووون
ياااااااربييي يااااربي انا تعبت ياااارب
_بالمطعم_
بشار:مرحبا تأخرت عليكي
ديمة:مو كتير تفضل
بشار:هاتي لشوف بشو بدك ياني؟
ديمة:الموضوع بيخص هبة
بشار:شو في؟
ديمة:هاد جوال هبة في عليه مكالمات مسجلة بدي ياك تسمعهن....وهاد دفتر مذكراتها اخر صفحة فيها اسمك وحولو دائرة و تحت اسمك موجودة هي الصورة
وهي الرسالة تركتلي ياها قبل ماتنخطف و اليوم انا لقيتا
بشار:لشو كل هاد؟؟
ديمة:بدي ياك تساعدني رجع هبة
بشار:انا؟؟؟؟
ديمة:اقرأ الرسالة بتعرف شو قصدي
بشار:طيب
(انشغل بشار بقراءة الرسالة و ديمة طلعت حواليها
وتفاجأت لما شافت نور الدين بنفس المطعم قاعد هو و حدا.....ماعرفت تميز ملامح هاد الشخص لان كان عاطيها ضهرو...خافت ينتبه نورالدين لوجودها مع بشار و حست انو هاد الشخص هو نفسو يلي مكلفو بخطف هبة انتفضت بسرعة و طلبت من بشار انو يطلعو من المطعم)
ديمة:بشار نحنا لازم نطلع من هون بسرعة
بشار:شو صار؟؟؟ليش خايفة هالقد
ديمة:لك نورالدين هون هو و واحد ومابدي ينتبه عليي
بشار:شوعلاقة نور الدين بقعدتنا هون ؟وليش خايفة
ديمة:لك هو يلي خاطف هبة هوووو....معك سيارة؟؟
بشار:اي معي
ديمة:طلاع انطرني بالسيارة...انا بدي الحق هداك الشخص عالحمام بدي اعرف مين هو شوي وبلحقك
بشار:هلأ بلا جنانك شو دخل نورالدين بخطف هبة
ديمة:لككك انا سمعتو عم يحكييي...بعدين بشرحلك روح على سيارتك و خود هدول الغراض معك نطرني لاجي
بشار:طيب رايح لشوف اخرتا
ديمة:هات نضارتك بلا مايعرفني
بشار:كمان!!....تفضلي
ديمة:روح بسرعة خليني الحقو عالحمام
(مشيت ديمة ورا هداك الشخص عالحمام...سمعت النادل عم يرحب فيه كتير وهداك عم يوبخو على شوية وسخ بالارض و النادل مااعترض وفورا بلش ينضف وبس دخل عالحمام لحقت ديمة النادل عالمطبخ لتسالو مين هاد)
ديمة:يا اخ ...يا اخ لوسمحت
النادل:تفضلي انسة
ديمة:بدي اسألك هداك الشخص يلي دخل عالحمام من شوي وكان عم يبهدلك مين بيكون؟
النادل:هاد السيد نورس صاحب المطعم
ديمة:اه والله؟....طيب معلش عذرني على فضولي والشخص يلي قاعد معو عالطاولة مين ؟
النادل:هاد السيد نورالدين اخو للسيد نورس!
ديمة(انصدمت)اخووه!!
النادل:اي اخو التوأم سبحان الله كتير بيشبهو بعض مابتفرقيهن بشي
ديمة:(باستغراب)اييي...سبحان الله
(طالعت من جيبها مصاري وعطتن للنادل)
ياريت تخلي هالموقف سر بيناتنا
النادل(طلع بالمصاري)تكرمي ولا كأنو صار
ديمة:بالاذن(حطت النضارات على عيونها و طلعت من المطبخ و حاولت قدر الامكان تتخفى عن انظار نور الدين ركدت باتجاه سيارة بشار و طلعت فيها وهيه عم تلهث)
بشار:شبكي شو صار معك
ديمة:شي مابيتصدق...متل الافلام
بشار:لك شوفي
ديمة:طلع نورالدين عندو اخ توأم اسمو نورس
#قصص_فيلوفوبيا
#الجزء_الخامس
الجزء الخامس
هبة:رح تطلع و تتركني؟
مجهول:مضطر اطلع عندي مشوار ضروري....يلا قومي قعدي عالكرسي خليني اربطك قبل مااطلع
هبة:الله يخليك انا تعبت من قعدة الكرسي خليني هيك بوعدك ما اعمل شي ولا طالع اصوات
مجهول_____
(وقفت و قربت منو وحطت ايدها على خدو و مسكت ايدو و اصطنعت البراءة وهيه عم تحكي)
هبة:مو انت قلت انك بتحبني؟بيهون عليك ارجع اتعذب وانت بتحبني هيك؟يلي بيحب التاني مابيتركو يتعذب
مجهول:(حط ايدو على خدها) كل شي عملت حسابو الا اني حبك!ماكان بحسابي قلبي يدق و يتعلق فيكي
و انا يلي خاطفك لمصلحة بس انتي بهدوئك و بجمالك وبسكوتك الدائم اخدتي عقلي..انا عنجد ندمان لاني عملت معك هيك...بس بوعدك اني خلصك من هالشي و اني رح ارفع راسك ادام اهلك و ادام الناس
و رح اقطع لسان كل واحد تجرأ وحكا عنك كلمة مابتسوا
بعرف اني ضريتك كتير بهالشي بس رح تكتشفي بالاخر انو كان لمصلحتك لان كان معمي على عيونك
وعديني انك تسامحيني...وعديني انك تعطيني فرصة لما تطلعي من هون وانك تسمحيلي ورجيكي مين انا
يلا وعديني
هبة(طلعت الكلمة من تمها بدون وعي...وكأن كلامو لمس قلبها...وكأن الحب يلي تمنتو هلأ حصلت عليه بلحظة كانت عم تكذب وتمثل وبلحظة قالت اصدق كلمة بحياتها طلعت بعيونو وغرقت بلونهن و وعدتو)بوعدك
اني سامحك و اني اعطيك فرصة بس اطلع من هون
مجهول(ابتسم)هلأ ارتحت...انا رايح ومارح اربطك بس رح اقفل الباب لاني مضطر....و بس ارجع منكمل حديثنا
(غمر وجهو بكف ايدها و باس ايدها وطلع من البيت وقفل الباب وراه
قعدت عالكنباية و مسكت راسها بين ايديها و انحنت
_لنفسها_شو صرلك هبة!!ليش قلبك عم يدق ليش؟؟؟هاد البني ادم كيف قال انو بيحبك؟و هو بيعرف انك بتعرفي حقيقتو.....معقول تسمحي لحالك تتجرأي وتسرقي حلم رفيقتك؟؟بس هو قال بيحبك اي بيحبك
غمضت عيونها و تزكرت تقاسيم وجهو للحظة...و تزكرت لون عيونو....اي لون عيونو......لون عيونو هو المختلف
لا.....لا....مستحيل هالشي مسسستحيل
حست بحالها تعبت من التفكير و رح تجن اذا ماطلعت من هالدوامة صرخت بأعلى صوتها
ديمةةةةةةةةة.......وينك...كرمال الله تعييييي....تعي طالعيني من هووووون
ياااااااربييي يااااربي انا تعبت ياااارب
_بالمطعم_
بشار:مرحبا تأخرت عليكي
ديمة:مو كتير تفضل
بشار:هاتي لشوف بشو بدك ياني؟
ديمة:الموضوع بيخص هبة
بشار:شو في؟
ديمة:هاد جوال هبة في عليه مكالمات مسجلة بدي ياك تسمعهن....وهاد دفتر مذكراتها اخر صفحة فيها اسمك وحولو دائرة و تحت اسمك موجودة هي الصورة
وهي الرسالة تركتلي ياها قبل ماتنخطف و اليوم انا لقيتا
بشار:لشو كل هاد؟؟
ديمة:بدي ياك تساعدني رجع هبة
بشار:انا؟؟؟؟
ديمة:اقرأ الرسالة بتعرف شو قصدي
بشار:طيب
(انشغل بشار بقراءة الرسالة و ديمة طلعت حواليها
وتفاجأت لما شافت نور الدين بنفس المطعم قاعد هو و حدا.....ماعرفت تميز ملامح هاد الشخص لان كان عاطيها ضهرو...خافت ينتبه نورالدين لوجودها مع بشار و حست انو هاد الشخص هو نفسو يلي مكلفو بخطف هبة انتفضت بسرعة و طلبت من بشار انو يطلعو من المطعم)
ديمة:بشار نحنا لازم نطلع من هون بسرعة
بشار:شو صار؟؟؟ليش خايفة هالقد
ديمة:لك نورالدين هون هو و واحد ومابدي ينتبه عليي
بشار:شوعلاقة نور الدين بقعدتنا هون ؟وليش خايفة
ديمة:لك هو يلي خاطف هبة هوووو....معك سيارة؟؟
بشار:اي معي
ديمة:طلاع انطرني بالسيارة...انا بدي الحق هداك الشخص عالحمام بدي اعرف مين هو شوي وبلحقك
بشار:هلأ بلا جنانك شو دخل نورالدين بخطف هبة
ديمة:لككك انا سمعتو عم يحكييي...بعدين بشرحلك روح على سيارتك و خود هدول الغراض معك نطرني لاجي
بشار:طيب رايح لشوف اخرتا
ديمة:هات نضارتك بلا مايعرفني
بشار:كمان!!....تفضلي
ديمة:روح بسرعة خليني الحقو عالحمام
(مشيت ديمة ورا هداك الشخص عالحمام...سمعت النادل عم يرحب فيه كتير وهداك عم يوبخو على شوية وسخ بالارض و النادل مااعترض وفورا بلش ينضف وبس دخل عالحمام لحقت ديمة النادل عالمطبخ لتسالو مين هاد)
ديمة:يا اخ ...يا اخ لوسمحت
النادل:تفضلي انسة
ديمة:بدي اسألك هداك الشخص يلي دخل عالحمام من شوي وكان عم يبهدلك مين بيكون؟
النادل:هاد السيد نورس صاحب المطعم
ديمة:اه والله؟....طيب معلش عذرني على فضولي والشخص يلي قاعد معو عالطاولة مين ؟
النادل:هاد السيد نورالدين اخو للسيد نورس!
ديمة(انصدمت)اخووه!!
النادل:اي اخو التوأم سبحان الله كتير بيشبهو بعض مابتفرقيهن بشي
ديمة:(باستغراب)اييي...سبحان الله
(طالعت من جيبها مصاري وعطتن للنادل)
ياريت تخلي هالموقف سر بيناتنا
النادل(طلع بالمصاري)تكرمي ولا كأنو صار
ديمة:بالاذن(حطت النضارات على عيونها و طلعت من المطبخ و حاولت قدر الامكان تتخفى عن انظار نور الدين ركدت باتجاه سيارة بشار و طلعت فيها وهيه عم تلهث)
بشار:شبكي شو صار معك
ديمة:شي مابيتصدق...متل الافلام
بشار:لك شوفي
ديمة:طلع نورالدين عندو اخ توأم اسمو نورس
