#مهنة_مميزة #الحلقة_الأولى
من يوم يومي بحب اني كون مميزة بكلشي بحب انو ينضرب فيني المثل ... ولهالسبب اخترت مجال مختلف تماما
أخواتي فرح وندى اكبر مني وهن متفوقين بدراساتن و الكل شايفن ومو مصدق
فرح طالبة طب أسنان سنة خامسة @rwayate أما ندى فهي متخرجة مخبرية كيميائية
أنا كنت متفوقة اكتر من أخواتي وطلعلي طب بشري بس لأني بحب التمييز دخلت بمجال الإخراج الفني ... اتدربت بعدين اشتغلت ع حالي لحتى صرت مخرجة مسرح و أفلام و صار إلي اسم بالوسط الفني ... اهلي ماكانو رضيانين بشغلي ودراستي ابدا و لاحتى يلي حوليي على طول كنت عيش المقارنة بيني وبين اخواتي بس هاد الشي كان سبب ليزيد إصراري ع النجاح وكان دافع يحسسني « لطالما ماحدا رضيان معناتا أنا مميزة »
كنت بغرفتي يلي بالمسرح وعم جهز حالي لأن اليوم في بروڤا...
دخل لعندي علي وهو ماسك فنجان نسكافيه : اتفضلي نهى
نهى : شكرا علي يسلم ايديك
علي : طمنيني نشالله قررتي كلشي بخص المسرحية الجديدة؟
نهى : قررت كلشي بس خايفة ، المخرج طلال يلي هو منافسي كتير قوي ممكن أفشل قدامو
علي : على فكرة طلال كمان خايف من حضورك وقوتك بالشغل قدامو لهيك ممكن ثقتك بنفسك تخليكي تكسبي العرض انتي
نهى : هاد الشي اللجنة هي يلي بتحددو و بناء عليه لح يتم تكريمي أو تكريم طلال مع كل العروض و الخدمات والعقود يلي قررتا اللجنة يعني يلي بيربح لح يكون ضرب ضربة العمر
علي : انتي قوية ومابينخاف عليكي ، يلا قومي ع التدريب الفنانين كلن اجتمعوا برى وناطرينك
طلعت لبرى وبلشت البروفا كنت عم راقب كل حركة بكل دقة وتمعن وخوف ،
انا وطلال معروفين بالوسط أنو اكتر تنين شغلنا مميز ومطلوب لهيك تم اختيارنا من قبل لجنة لشركة بتتبنى مخرج مميز وناجح وبتقدملو عروض وعقود ممتازة متل شغل برى و مساعدة مادية كبيرة و على طول رح يضل شغلو معهن ...
بس الشرط كان ليقدروا يختاروا بيني وبين طلال انو نقدم عروض مسرحية من إخراجنا وهن رح يقيمولنا هالعروض ويلي بيوقع عليه الاختيار هو الربحان ...
@rwayate
خلصت البروڤا ورجعت ع البيت كانو أخواتي بشغلن و أمي و أبي عم يتغدوا .. اعدت جنبن عالطاولة وكنت عم أحكيلن عن نهاري وشغلي وبنفس الوقت عم آكل ، رن موبايلي رنة المسج
فتحتو كان في رسالة من رقم خاص مكتوب فيا : استاذة نهى بشرفني اجتمع معك لعل انو انتفق على عقد جديد بخصوص مسلسلي الأول وحابب هالاجتماع يكون شخصي وبعيد عن تدخل الشركة ، هالحكي كان طبيعي لاني بجتمع مع كتاب مابعرفن و ممثلين جداد وعادي ، بعد شوي وصلتني رسالة مكتوب فيا العنوان ..
اخدت سيارتي وطلعت ع الكافيه يلي مكتوبة بالمسج أول ماوصلت لهنيك أعدت وضليت استنا هالشخص لحتى يجي
بقيت نص ساعة آعدة عم استنا بس ماكان يجي حدى بعد شوي قررت أمشي لأن كتير عيب أعد و أنطر هيك ناس ..
خلال لحظات كان عم يقرب بجهة طاولتي النادل ابتسملي ابتسامة خفيفة و أعطاني ورقة وحكالي هي من الشخص يلي ناطرتيه بس حكا انو عندو ظرف مهم و طلب مني أعطيكي هالرسالة ، أخدتا منه وفتحتا كانت ورقة بيضا من الجهتين مو مكتوب عليها شي اتطلعت بطرف الورقة من تحت كان في نقطة دم ، سكرت الورقة وطلعت من المحل فورا . @rwayate
ركبت سيارتي و انا منفعلة ومعصبة زيادة لان هالموقف كتير بشع ، اتصلت بعلي وخبرتو يجهز للبروڤا المسائية و يخبر الكل .. ضليتني بطريقي للمسرح وهنيك لقيت الكل عم يستنوني دخلت وملامح التعصيب ع وجهي وبلشت احكي يلا معكن ربع ساعة لنبلش مابدي اي خطأ ولا بدي أي ملاحظة و بقيت مكملة ع غرفتي ، دخل لعندي علي وحكالي شبك؟ شو صاير معك ، جاوبتو بنترة حادة مو صاير شي بس الناس التافهة مابتبطل تفاهتا في حدا بعتلي من رقم برايڤت انو هو كاتب وعندو مشروع عمل ولما رحتت ع الموعد و انتظرته ما أجا و بعد ساعة بعتلي مع النادل ورقة بيضا من الجهتين وعليها نقطة دم وبس .
علي: طيب طولي بالك شوي ولابقى تقابلي حدى مابتعرفيه خلص
بلشت البروڤا والكل تقريبا كان أداءه تمام ، صارت الساعة 1 ونص بالليل الممثلين راحو و انا كنت بغرفتي عم غير تيابي و ضب اغراضي لأطلع ،، سمعت صوت تسكير البوابة الخارجية للمسرح، ركدت من غرفتي لبرى كان المسرح فاضي و البوابة مسكرة و الأضوية كلا مطفية ،،،
صرت نادي بصوت عالي: علييي ، نضال، لك ياشباب وينكن ،،
عرفت وقتا انه فكروني طلعت وسكرو وتركوني لحالي.
رجعت على الغرفة طالعت موبايلي و فتحتو لاتصل بعلي اول مافتحتو عطاني إشعار انو شحنو 2 بالمية يعني رح يطفيي ولبين ماطالعت اسم علي و اجيت بدي رنلو كان طافي موبايلي ،، مافي اي وسيلة اتصال تانية و حتى بوابة المسرح هي ضمن قبو طويل يعني مستحيل حدا من الشارع يسمعني لو دقيت عليها ، الإضاءة كانت مطفية من مكتب ادارة المسرح و المكتب مقفول ، كان في فوانيس بزوايا المسرح هدول للمسرحيات شغلتن و أعدت ع كرسي من المدرج و صرت اتطلع بعيوني يمين وشمال وكل شوي حس حدقة عيني عم تتوسع من الخوف.
📚قصص||روايات||منوعة📚
rwayate📚قصص||روايات||منوعة📚
rwayate📚قصص||روايات||منوعة📚
rwayate#مهنة_مميزة #الحلقة_التانية_رند_محمد
هاد اليوم كان يوم آخر بروڤا و انا متوترة كتير بعد اربع ايام رح يكون العرض النهائي ..
قبل مانبلش البروڤا كنت بغرفتي بالمسرح عم جهز الحوارات و راجع النصوص فجأة وقعت ورقة من قلب النص نزلت ع الارض اخدتا وقرأت شو مكتوب فيا ..
" ازا بدك تعرفي الحقيقة تعي الليلة بعد المغروب ع البيت يلي آخر المنطقة ورا الجبل "
حسيت انو في إشارة من حدا عم يحاول يخبرني شي ...
بقيت عم جهز وبعد شوي طلعت ع المسرح حضرت العرض وكنت مبسوطة كتير بيلي شفتو ، تمثيل موهوب و شغل متقن كتير اتشكرت الكل و طلبت منهن يرجعو ع بيوتن ليرتاحو و يحافظو ع نشاطن هاد ..
طلعت بسيارتي و كنت بدي روح ع البيت بس اتزكرت الرسالة حبيت غامر و اعرف عن أي حقيقة عم تحكي الرسالة . @rwayate
لفيت السيارة وكملت للبيت يلي ورا الجبل كانت الشمس غايبة تقريبا و السما لونا رمادي من شدة الغيوم يلي فيا و الطرقات فاضية وعتمة خاصة انو هالمنطقة ماحدا بيمر فيا لأن ورا الجبل .
نزلت من السيارة ومشيت لعند البيت كنت خايفة من العتمة وصوت الهوا ومنظر البيت المهجور .
دئيت الباب بخوف ورجفة ،.فتحتلي بنت صبية بالعشرينات لابسة عباية زرقا و فاردة شعراتا حكتلي اتفضلي لجوا ..
أول مادخلت قالتلي كنت عرفانة انك رح تجي ...
نهى : انتي مين وشو بدك مني ؟
حكتلي انا فيروزة وعمري 22 سنة جبتك لهون لأحكيلك عن الجريمة .. بدي مساعدة ساعديني .. بعرفك بتساعدي الكل ..
نهى : ايا جريمة ؟ مين انتي اصلا ؟ طيب ليش انا بالزات ؟ ومن وين بتعرفيني انتي ؟
فيروزة : انتي لازم تروحي هلئ بس ماتنسي تدوري ع الحقيقة
يلا روحي في خطر عليكي ازا بقيتي .
تركتا وطلعت من البيت و انا مرعوبة و مستغربة
رجعت على البيت كانو كل اهلي نايمين دخلت ع غرفتي
والافكار عم تاخدني وتجيبني براسي في الف قصة و اجتني هالشغلة فجأة غمضت عيوني بس ماكنت عم اقدر نام نومة طويلة كل ما اغفل شوي كنت حس بحدا فيئني أو يرجع يتكرر ئدامي نفس الموقف اتذكر البنت يلي شفتا اتذكر.كلمة جريمة وخاف .. ليش انا ؟
بقيت عهالحالة لحتى طلع الضو امت من تختي الساعة 7 الصبح لبست تيابي و نزلت ع البيت يلي ورا الجبل كان المكان فاضي ، قربت لباب البيت يلي كلو غبرة و شبكات عنكبوت و دئيت ماحدا فتح .. بعدين دفشت الباب وفتت عالبيت ، هلئ صار شكلو واضح اكتر من الليل لما كان عتمة ..
بيت اغلب حيطانو مكسرة وتعبانة و شبابيكو مسكرة بالخشب و الزوايا كلا مليانة شبكات عنكبوت و غبار ووسخ .. الأرض لونا رمادي من شدة الغبار يلي عليها .. واضح انو البيت مهجور من سنين وبحكم انو هو بمنطقة كتير بعيدة عن المدينة وعن البيوت العالم ما بتفوتو . @rwayate
بقيت عم اتفتل بالبيت شوي ، بعدين سمعت صوت حدا عم يعزف على البيانو .. الصوت كان جاية من الطابق التاني .. طلعت ع الدرج بتردد وخوف .. وصلت للغرفة يلي كان جاية منا صوت العزف .. حطيت ايدي ع مسكة الباب و شديتا بقوة ، لما انفتح الباب ماكان في حدا بالغرفة .
الغرفة فاضية مافيا الا خزانة خشب مكسرة ومغبرة و سرسر خشب عليه شرشف لونو رمادي من كتر الغبرة ..
انا ماني شايفة حدا عم يعزف بس الصوت من هي الغرفة انا متأكدة ضليتني الحق الصوت لحتى حسيتو جاية من الخزانة ، فتحت الباب كان في آلة بتشبه المسجلة وطالع الصوت منا .
تركتا بمكانا ونزلت بسرعة عن الدرج وطلعت من البيت وسكرت الباب ورايي .
رحت ع المسرح ماكان في حدا والوقت لسا بكير الساعة 8 ونص و المسرح مابيفتح لل 11 بحكم انه مافي ناطور وهالشي كان اكبر غلط .
وقفت برا و اتصلت بعلي طلبت منه يجي ويفتحلي باب المسرح بدي ادخل ع غرفتي رتب اغراضي شوي .
استغرب علي انو عم اتصل فيه بهاد الوقت و انا ماني مضطرة لان ماعندي تدريب ولا بروڤات بس مع ذلك حكالي انه خلال ربع ساعة رح يجي ويجيب معه فطور .
بعد شوي وصل علي نزل فتح الباب وهو عم يحكي معي ويقلي غريبة انتي حدا بيجي بهيك وقت ؟ على شو مضطرة هالئد والله مابعرف فيئتيني بكير هاتي لنشوف تفضلي ..
دخلت لجوى حطيت اغراضي ع الكرسي و اعدنا وفردنا الاكل
نهى : ما قدرت نام بالبيت كتير كنت قلقانة لهيك قلت بطلع وبجي لهون ..
اتطلع فيني علي وهو مفتح عيونو باستغراب و ابتسامة خفيفة : بشرفك نهى ؟ يعني لان ما اجاكي نوم اجيتي ع المسرح لا لا غريبة انتي ..
نهى : بكفي علي ازا ازعجتك فيك ترجع ع البيت خلصنا
علي : مابحسن اتركك و ارجع قلبي مابطاوعني
نهى : ليش بقى ؟
علي : لان الك مكانة فيه
اتلبكت وحسيت بشعور غريب تركتو وقمت على غرفتي .
بهالوقت بلشو الكل يجو ع المسرح وهون انا بلشت حس بأمان اتسطحت ع تختي وغمضت عيوني ونمت شي تلت ساعات
بعدين صحيت على صوت علي كان عم يدئ عليي ويفيئني .
علي : لك نايمة ومرتاحة كأنو بيتك والله .. يلا اومي لشوف روحي نامي بالبيت اريحلك هون ضوجة .
هاد اليوم كان يوم آخر بروڤا و انا متوترة كتير بعد اربع ايام رح يكون العرض النهائي ..
قبل مانبلش البروڤا كنت بغرفتي بالمسرح عم جهز الحوارات و راجع النصوص فجأة وقعت ورقة من قلب النص نزلت ع الارض اخدتا وقرأت شو مكتوب فيا ..
" ازا بدك تعرفي الحقيقة تعي الليلة بعد المغروب ع البيت يلي آخر المنطقة ورا الجبل "
حسيت انو في إشارة من حدا عم يحاول يخبرني شي ...
بقيت عم جهز وبعد شوي طلعت ع المسرح حضرت العرض وكنت مبسوطة كتير بيلي شفتو ، تمثيل موهوب و شغل متقن كتير اتشكرت الكل و طلبت منهن يرجعو ع بيوتن ليرتاحو و يحافظو ع نشاطن هاد ..
طلعت بسيارتي و كنت بدي روح ع البيت بس اتزكرت الرسالة حبيت غامر و اعرف عن أي حقيقة عم تحكي الرسالة . @rwayate
لفيت السيارة وكملت للبيت يلي ورا الجبل كانت الشمس غايبة تقريبا و السما لونا رمادي من شدة الغيوم يلي فيا و الطرقات فاضية وعتمة خاصة انو هالمنطقة ماحدا بيمر فيا لأن ورا الجبل .
نزلت من السيارة ومشيت لعند البيت كنت خايفة من العتمة وصوت الهوا ومنظر البيت المهجور .
دئيت الباب بخوف ورجفة ،.فتحتلي بنت صبية بالعشرينات لابسة عباية زرقا و فاردة شعراتا حكتلي اتفضلي لجوا ..
أول مادخلت قالتلي كنت عرفانة انك رح تجي ...
نهى : انتي مين وشو بدك مني ؟
حكتلي انا فيروزة وعمري 22 سنة جبتك لهون لأحكيلك عن الجريمة .. بدي مساعدة ساعديني .. بعرفك بتساعدي الكل ..
نهى : ايا جريمة ؟ مين انتي اصلا ؟ طيب ليش انا بالزات ؟ ومن وين بتعرفيني انتي ؟
فيروزة : انتي لازم تروحي هلئ بس ماتنسي تدوري ع الحقيقة
يلا روحي في خطر عليكي ازا بقيتي .
تركتا وطلعت من البيت و انا مرعوبة و مستغربة
رجعت على البيت كانو كل اهلي نايمين دخلت ع غرفتي
والافكار عم تاخدني وتجيبني براسي في الف قصة و اجتني هالشغلة فجأة غمضت عيوني بس ماكنت عم اقدر نام نومة طويلة كل ما اغفل شوي كنت حس بحدا فيئني أو يرجع يتكرر ئدامي نفس الموقف اتذكر البنت يلي شفتا اتذكر.كلمة جريمة وخاف .. ليش انا ؟
بقيت عهالحالة لحتى طلع الضو امت من تختي الساعة 7 الصبح لبست تيابي و نزلت ع البيت يلي ورا الجبل كان المكان فاضي ، قربت لباب البيت يلي كلو غبرة و شبكات عنكبوت و دئيت ماحدا فتح .. بعدين دفشت الباب وفتت عالبيت ، هلئ صار شكلو واضح اكتر من الليل لما كان عتمة ..
بيت اغلب حيطانو مكسرة وتعبانة و شبابيكو مسكرة بالخشب و الزوايا كلا مليانة شبكات عنكبوت و غبار ووسخ .. الأرض لونا رمادي من شدة الغبار يلي عليها .. واضح انو البيت مهجور من سنين وبحكم انو هو بمنطقة كتير بعيدة عن المدينة وعن البيوت العالم ما بتفوتو . @rwayate
بقيت عم اتفتل بالبيت شوي ، بعدين سمعت صوت حدا عم يعزف على البيانو .. الصوت كان جاية من الطابق التاني .. طلعت ع الدرج بتردد وخوف .. وصلت للغرفة يلي كان جاية منا صوت العزف .. حطيت ايدي ع مسكة الباب و شديتا بقوة ، لما انفتح الباب ماكان في حدا بالغرفة .
الغرفة فاضية مافيا الا خزانة خشب مكسرة ومغبرة و سرسر خشب عليه شرشف لونو رمادي من كتر الغبرة ..
انا ماني شايفة حدا عم يعزف بس الصوت من هي الغرفة انا متأكدة ضليتني الحق الصوت لحتى حسيتو جاية من الخزانة ، فتحت الباب كان في آلة بتشبه المسجلة وطالع الصوت منا .
تركتا بمكانا ونزلت بسرعة عن الدرج وطلعت من البيت وسكرت الباب ورايي .
رحت ع المسرح ماكان في حدا والوقت لسا بكير الساعة 8 ونص و المسرح مابيفتح لل 11 بحكم انه مافي ناطور وهالشي كان اكبر غلط .
وقفت برا و اتصلت بعلي طلبت منه يجي ويفتحلي باب المسرح بدي ادخل ع غرفتي رتب اغراضي شوي .
استغرب علي انو عم اتصل فيه بهاد الوقت و انا ماني مضطرة لان ماعندي تدريب ولا بروڤات بس مع ذلك حكالي انه خلال ربع ساعة رح يجي ويجيب معه فطور .
بعد شوي وصل علي نزل فتح الباب وهو عم يحكي معي ويقلي غريبة انتي حدا بيجي بهيك وقت ؟ على شو مضطرة هالئد والله مابعرف فيئتيني بكير هاتي لنشوف تفضلي ..
دخلت لجوى حطيت اغراضي ع الكرسي و اعدنا وفردنا الاكل
نهى : ما قدرت نام بالبيت كتير كنت قلقانة لهيك قلت بطلع وبجي لهون ..
اتطلع فيني علي وهو مفتح عيونو باستغراب و ابتسامة خفيفة : بشرفك نهى ؟ يعني لان ما اجاكي نوم اجيتي ع المسرح لا لا غريبة انتي ..
نهى : بكفي علي ازا ازعجتك فيك ترجع ع البيت خلصنا
علي : مابحسن اتركك و ارجع قلبي مابطاوعني
نهى : ليش بقى ؟
علي : لان الك مكانة فيه
اتلبكت وحسيت بشعور غريب تركتو وقمت على غرفتي .
بهالوقت بلشو الكل يجو ع المسرح وهون انا بلشت حس بأمان اتسطحت ع تختي وغمضت عيوني ونمت شي تلت ساعات
بعدين صحيت على صوت علي كان عم يدئ عليي ويفيئني .
علي : لك نايمة ومرتاحة كأنو بيتك والله .. يلا اومي لشوف روحي نامي بالبيت اريحلك هون ضوجة .
📚قصص||روايات||منوعة📚
rwayate#مهنة_مميزة #الجزء_التالت_رند_محمد
ضليتني اعدة بالبيت عم فكر بقصة فيروزة ، طيب ليش اختارتني الي ؟ ليش روحا لتلاحقني الي ؟
قررت روح عالبيت يلي بالجبل .. اخدت سيارتي وطلعت ..
كنت خايفة كتير لأني تأكدت إني عم اتلاقى مع روح يعني حدا غير موجود بهالحياة ..
أول ماوصلت عالبيت الباب انفتح لحالو بدون ما دئ عليه .. فتحتو منيح ودخلت لجوى كان في ضو بسيط جاية من جوا
ضليت عم امشي بهدوء لوصلت للغرفة يلي كان جاية الضو منا .. انصدمت بالشي يلي شفتو .. فيروزة نفسا كانت آعدة بالغرفة وعم تعزف على بيانو والغرفة كلا أضوية وكأني فتت لعالم تاني مختلف عن البيت المهدم وكسوته كلا مهترية ..
اشترلي فيروزة بإيدا على الكرسي بمعنى اعدي هون .
ضليت صافنة وخايفة ومستغربة لحتى بلشت الأضوية تطفي شوي شوي
حل الظلام عالغرفة وصارت عتمة كتير وفجأة وقف صوت الموسيقى ، رجعت رجلي خطوة لورا لحتى اطلع من البيت بس في حدا شدني من رجلي لما لفيت وجهي و اتطلعت كانت فيروزة بوجه مشوه كلو دم و عم تعمل حركات غريبة بوجها .. صرخت وطلعت من البيت وصرت اركد باتجاه سيارتي لحتى طلعت فيا ومشيت بسرعة .
رجعت على البيت و شكلي كله متغير دخلت لغرفتي وحكيت مع علي .. شرحتلو كلشي عم يصير معي حكيتلو عن فيروزة وليش اهتميت بالجريدة يلي شفتا .. علي كان مستغرب من حكيي ووعدني إنه يضل معي لنكتشف الحقيقة سوا . @rwayate
اجت لعندي ندى كانت حاملة صينية اكل اعطتني ياها وحكتلي سخنتلك اكل لان بعرفك ما بتهتمي بأكلك ونحنا تغدينا قبلك .. اخدت الاكل منا و اكلت بعدين
سكرت تلفوني ونمت ..
بعد شوي فقت لقيت اهلي كلن فوق راسي ومرعوبين و اضوية غرفتي شغالة ..
فتحت عيوني باستغراب : شوفي ؟
امي : شو صايرلك لك كنتي نايمة وعم تضحكي بصوت عالي كتير وبعدين صرتي تحكي حكي مو مفهوم
ندى : اجينا كلياتنا مرعوبين وصرنا نصحيكي وما تحسي شبك اختي ؟
نهى : مابعرف انا ماني حاسة لا انو ضحكت ولا انو حكيت ولا انو فيقتوني اصلا ..
راحو كلن من غرفتي وبقيت لحالي فتحت موبايلي و اتصفحت بموقع لأخبار الفنانين ..
قرأت خبر بقول :
مسابقة الحلم بين أحد أهم مخرجي المسرح ، طلال عادل و نهى عبد ، من سيصل للقمة ؟
نهى مع التدريب المستمر لفريقها ، أم طلال مع عدم التدريب و الاهتمام الفائق لتلك المسابقة !!
سرحت بخيالي للحظات و أنا عم احلم اني ربحت المسابقة و وصلت للقمة .. فعلا انا عم بتعب على فريقي وعم اشتغل معهن كتير لنربح بالمقابل طلال مو سائل وكأنو واثق من نجاحو حتى بدون بروڤات و تدريب ..
باليوم التاني نزلت على المسرح كان الوقت لسا بكير ومافي حدا
أعدت بغرفتي وقررت اتصل بالممثلين ونعمل بروڤا استثنائية لنتأكد من الشغل ..
سمعت صوت حركة برا بالمسرح فكرت علي أجا لهيك طلعت من الغرفة و انا عم ناديله : علي ؟ انت اجيت ؟
في شي كان عم يتحرك بين الكراسي .. قربت على مهلي واتطلعت ، صدمني الشي يلي شفته .. قطة نازل من جسما دم ووجها مليان دم وكأن واقعة أو مدبوحة .
حملتا من بين الكراسي لان كانت علقانة بعدين نطت من ايدي وطلعت لبرات المسرح ..
بعد شوي وصل علي وشافني كيف مرعوبة ولوني متغير
سألني عن يلي صار وحكيتله عن القطة يلي شفتا ..
حط إيدو على كتافي بحنية وطمني انو هو رح يبقى معي ..
وخبرني انو رح نروح انا وياه لعند وحدة عرافة اسما غيوم بتقدر تتواصل مع أرواح الأموات وتعرف هم شوبدهن وشو غاية فيروزة من انو تطلع إلي وليش اختارتني انا مو حدى تاني ..
وافقت على الفكرة وقررنا نروح اليوم الساعة 6 لعندا ، خبرت اهلي انو رح اتأخر بالمسرح ..
و اطلعت بعدين انا وعلي ، مشينا بالسيارة لمكان بعيد
حكالي انو هي الختيارة عايشة بضيعة بعيدة شوي عن المدينة وبدنا تقريبا ساعة ونص لنوصل لعندا ..
بقينا نمشي بالسيارة والجو كان عتم وكل مابعدنا شوي عن المدينة كانت العالم عم تقل والسيارات عم تخف والهوا والبرد عم يزيد .. @rwayate
وصلنا للضيعة كانت كتير فاضية ومافيا أبنية هي مجرد بيوت من طين او لبْن ومهدمة ومهرهرة كتير .. الأرض كانت طريق كلو حجار و رمل .. بلشت خاف و اتوتر بس علي كان عم يطمني كل شوي .. وصلنا على أبعد بيت بالضيعة كان موجود لحاله مافي حواليه أي بيت .. دقينا الباب قام انفتح لحاله وهو عم يطالع صوت زقزقة وفي صوت من جوا نادالنا اتفضلو ..
دخلنا لجوا كانت الختيارة غيوم آعدة لحالا ، شعرا أبيض ومنكوش وعيونا كبار وسود و لباسا أسود ..
ضليتني اعدة بالبيت عم فكر بقصة فيروزة ، طيب ليش اختارتني الي ؟ ليش روحا لتلاحقني الي ؟
قررت روح عالبيت يلي بالجبل .. اخدت سيارتي وطلعت ..
كنت خايفة كتير لأني تأكدت إني عم اتلاقى مع روح يعني حدا غير موجود بهالحياة ..
أول ماوصلت عالبيت الباب انفتح لحالو بدون ما دئ عليه .. فتحتو منيح ودخلت لجوى كان في ضو بسيط جاية من جوا
ضليت عم امشي بهدوء لوصلت للغرفة يلي كان جاية الضو منا .. انصدمت بالشي يلي شفتو .. فيروزة نفسا كانت آعدة بالغرفة وعم تعزف على بيانو والغرفة كلا أضوية وكأني فتت لعالم تاني مختلف عن البيت المهدم وكسوته كلا مهترية ..
اشترلي فيروزة بإيدا على الكرسي بمعنى اعدي هون .
ضليت صافنة وخايفة ومستغربة لحتى بلشت الأضوية تطفي شوي شوي
حل الظلام عالغرفة وصارت عتمة كتير وفجأة وقف صوت الموسيقى ، رجعت رجلي خطوة لورا لحتى اطلع من البيت بس في حدا شدني من رجلي لما لفيت وجهي و اتطلعت كانت فيروزة بوجه مشوه كلو دم و عم تعمل حركات غريبة بوجها .. صرخت وطلعت من البيت وصرت اركد باتجاه سيارتي لحتى طلعت فيا ومشيت بسرعة .
رجعت على البيت و شكلي كله متغير دخلت لغرفتي وحكيت مع علي .. شرحتلو كلشي عم يصير معي حكيتلو عن فيروزة وليش اهتميت بالجريدة يلي شفتا .. علي كان مستغرب من حكيي ووعدني إنه يضل معي لنكتشف الحقيقة سوا . @rwayate
اجت لعندي ندى كانت حاملة صينية اكل اعطتني ياها وحكتلي سخنتلك اكل لان بعرفك ما بتهتمي بأكلك ونحنا تغدينا قبلك .. اخدت الاكل منا و اكلت بعدين
سكرت تلفوني ونمت ..
بعد شوي فقت لقيت اهلي كلن فوق راسي ومرعوبين و اضوية غرفتي شغالة ..
فتحت عيوني باستغراب : شوفي ؟
امي : شو صايرلك لك كنتي نايمة وعم تضحكي بصوت عالي كتير وبعدين صرتي تحكي حكي مو مفهوم
ندى : اجينا كلياتنا مرعوبين وصرنا نصحيكي وما تحسي شبك اختي ؟
نهى : مابعرف انا ماني حاسة لا انو ضحكت ولا انو حكيت ولا انو فيقتوني اصلا ..
راحو كلن من غرفتي وبقيت لحالي فتحت موبايلي و اتصفحت بموقع لأخبار الفنانين ..
قرأت خبر بقول :
مسابقة الحلم بين أحد أهم مخرجي المسرح ، طلال عادل و نهى عبد ، من سيصل للقمة ؟
نهى مع التدريب المستمر لفريقها ، أم طلال مع عدم التدريب و الاهتمام الفائق لتلك المسابقة !!
سرحت بخيالي للحظات و أنا عم احلم اني ربحت المسابقة و وصلت للقمة .. فعلا انا عم بتعب على فريقي وعم اشتغل معهن كتير لنربح بالمقابل طلال مو سائل وكأنو واثق من نجاحو حتى بدون بروڤات و تدريب ..
باليوم التاني نزلت على المسرح كان الوقت لسا بكير ومافي حدا
أعدت بغرفتي وقررت اتصل بالممثلين ونعمل بروڤا استثنائية لنتأكد من الشغل ..
سمعت صوت حركة برا بالمسرح فكرت علي أجا لهيك طلعت من الغرفة و انا عم ناديله : علي ؟ انت اجيت ؟
في شي كان عم يتحرك بين الكراسي .. قربت على مهلي واتطلعت ، صدمني الشي يلي شفته .. قطة نازل من جسما دم ووجها مليان دم وكأن واقعة أو مدبوحة .
حملتا من بين الكراسي لان كانت علقانة بعدين نطت من ايدي وطلعت لبرات المسرح ..
بعد شوي وصل علي وشافني كيف مرعوبة ولوني متغير
سألني عن يلي صار وحكيتله عن القطة يلي شفتا ..
حط إيدو على كتافي بحنية وطمني انو هو رح يبقى معي ..
وخبرني انو رح نروح انا وياه لعند وحدة عرافة اسما غيوم بتقدر تتواصل مع أرواح الأموات وتعرف هم شوبدهن وشو غاية فيروزة من انو تطلع إلي وليش اختارتني انا مو حدى تاني ..
وافقت على الفكرة وقررنا نروح اليوم الساعة 6 لعندا ، خبرت اهلي انو رح اتأخر بالمسرح ..
و اطلعت بعدين انا وعلي ، مشينا بالسيارة لمكان بعيد
حكالي انو هي الختيارة عايشة بضيعة بعيدة شوي عن المدينة وبدنا تقريبا ساعة ونص لنوصل لعندا ..
بقينا نمشي بالسيارة والجو كان عتم وكل مابعدنا شوي عن المدينة كانت العالم عم تقل والسيارات عم تخف والهوا والبرد عم يزيد .. @rwayate
وصلنا للضيعة كانت كتير فاضية ومافيا أبنية هي مجرد بيوت من طين او لبْن ومهدمة ومهرهرة كتير .. الأرض كانت طريق كلو حجار و رمل .. بلشت خاف و اتوتر بس علي كان عم يطمني كل شوي .. وصلنا على أبعد بيت بالضيعة كان موجود لحاله مافي حواليه أي بيت .. دقينا الباب قام انفتح لحاله وهو عم يطالع صوت زقزقة وفي صوت من جوا نادالنا اتفضلو ..
دخلنا لجوا كانت الختيارة غيوم آعدة لحالا ، شعرا أبيض ومنكوش وعيونا كبار وسود و لباسا أسود ..
📚قصص||روايات||منوعة📚
rwayate#مهنة_مميزة #الجزء_الرابع
اتفقنا انو علي رح يسافر ع المحافظة يلي عايشة فيها أمها لفيروزة .. وبعد شوي كل واحد فينا راح على بيتو ..
اتصل فيني علي وخبرني أنو في مشكلة كبيرة صايرة بعيلتو لهيك مارح يقدر يسافر هو .. تلبكت كتير لأن بعد يومين رح يكون عندي عرض ومابلحق روح و ارجع خلال يوم ونص .. بس كمان مستحيل أقدر استنا لبعد ماتخلص العروض .
ضبيت كم غرض وطلعت من البيت وبوجهي عالسيارة ..
سافرت لحالي الطريق اكل 5 ساعات لبين ما وصلت ..
رحت ع العنوان يلي كتبلي ياه علي .. كان بمنطقة بعيدة يعني غير اني وصلت للمحافظة بخمس ساعات بس كمان لسا بدي ساعة لأوصل لمنطقة البيت .
وصلت ع العنوان نفسه بيت بطلعة قاسية جنبو في شجرة تين كبيرة .
قربت ودقيت الباب .. فتحتلي ست عمرا شي 55 سنة شعرا أبيض وملفوف ولابسة فستان مزهر .. نزلت نضارتا وسألتني : مين انتي ؟
نهى : خالتو فينا نحكي شوي والله موضوع ضروري
دخلت لعندا على البيت كانت عايشة لحالا مع ولد صغير ..
نهى : خالة انتي أما لفيروزة ؟
الست : انتي مين وشوبدك ؟
نهى : روح فيروزة عم تلاحقني .. انا متأكدة عم تطلعلي بكل مكان .. بدا مني ساعدا وحررا وبترجاكي تساعديني لنخلي روحا ترتاح ..
اتطلعت فيني وما ردت .. رجعت حكيتلا : وثقي فيني لو سمحتي ..
الست : فيروزة هي جوهرة هالدنيا .. ماتت قبل ماتفرح بحياتا .. قتلوها الغدارين .. هاد الصبي يلي شايفتيه هو ابن فيروزة عمرو 13 سنة ماتت بدون ماتشوفو ويشوفا .
فيروزة اشتغلت بمطعم لحتى تعيش لأن جوزي ماكان ابوها وماكانت تحب تتقل عليه .. الصبح كانت تشتغل نادلة بالمطعم و المسا عازفة بيانو ..
وهي بعمر ال 20 في شب صار يتردد على المطعم حبو بعض .. وصارو يطلعو ويفوتو مع بعض
وبعد فترة طلعت حامل منو .. هو بقي جنبا بس ماكان قادر يتزوجا لأن أبوه خاطبلو بنت عمو وهو مابدو ياها بس ماكان فيه يرفض ..
ولدت فيروزة ببيت جارتنا وفجأة اختفت من البيت .. وبعد كم يوم لقيوها مقتولة وميتة .
نهى : كيف ؟ طيب مين يلي خطفا ؟
الست : مامنعرف فجأة اختفت
نهى : طيب والشب أبوه للولد وين ؟
الست : بعد ما ماتت فيروزة اجا لعندي شاف ابنو وحكالي يبقى عندي أمانة لأن هو مافيه ياخدو ويربيه .. اتزوج بنت عمو ويمان ضل عندي ..
نهى : يعني ماقدرتو تعرفو مين القاتل ؟
الست : لا وماتت فيروزة وماتت سيرتا وماتت الجريمة البشعة ..
أخدت منها اسم وعنوان الشب يلي كانت فيروزة مرتبطة فيه .
طلعت من بيتا وقررت روح لبيت الرجال يلي كانت فيروزة تحبو .
البيت كان بمنطقة ضمن المدينة ببناء حديث .. طلعت ع الطابق التالت دقيت الباب .. فتحتلي صبية عمرا بأول التلاتين وحكتلي : مين حضرتك ؟
نهى : السيد مازن موجود ؟
هزتلي براسا وقالتلي : مين انتي ؟ وشو بدك من مازن ؟
نهى : لو سمحتي خليني أحكي معو موضوع كتير ضروري
هزت براسا ودخلت لجوا .. بعد شوي طلعت ودخلتني لعندا ع البيت ..
اجا مازن سلم عليي و اعد على الكنباية يلي جنبي .. عرفتو عن حالي و بعدين حكيتلو يلي عم بصير معي ..
كان متفاجئ كتير ويلي خلاه متفاجئ أكتر انو شو دخلني لتجي لعندي روح فيروزة وليش انا مع انو مافي بيناتنا سابق معرفة ؟
مازن : فيروزة كانت حبيبتي وعشقنا بعض أنا وياها وتزوجنا عرفي بس انا ماكان فيني أعلن الزواج لان ابي خاطبلي بنت عمي ومافيني ألغي الخطبة حتى مايصير مشاكل بين العيلتين .. لما اختفت فيروزة أنا ماكنت بعرف شي عنها ولا كنت عم شوفا بس يلي بعرفو انو ولدت وماعاد لقوها بالبيت وبعد فترة عرفنا انو ميتة ..
نهى : طيب انت بتشك بحدا ؟ كان إلها أعداء ؟
مازن : لك أعداء شو فيروزة كانت بنت طيبة مافي متل حنيتا وقلبا وتسامحا مع العالم ..
نهى : الله يرحما .. شكلي مارح أوصل لمعلومات تفيدني ..
مازن : أنا هاد كل يلي بعرفو ولو قادر أعرف مين يلي قتلا كنت بخنقو بإيديي .
طلعت من بيت مازن و أنا حاسة بغصة كبيرة بنت بريئة تموت قتل .. ليش هالظلم ؟
اتطلعت على الساعة كانت 12 بالليل والساعة 1 الضهر من اليوم التاني رح يكون موعد العرض تبعي ..
مشيت بسرعة بالسيارة ... الطريق كان عتمة وفاضي ومافيه بني آدم .. وصلت وجه الصبح عالمسرح .. دخلت على غرفتي ونمت شي ساعتين لبين ما أجو الممثلين وبلشنا بترتيبات المسرح والديكور والملابس والماكياج وكلشي بخص العرض يلي رح نقدمه ..
اجا علي : شو انتي هون ؟ ايمتا اجيتي ؟
نهى : من الساعة 5 الصبح وصلت ..
علي : يلا خلينا نجهز كلشي
نهى : وينو طلال والفنانين تبعاتو غريب تأخر ؟
علي : لا اليوم العرض بس إلك و الأسبوع الجاية رح يقدم طلال ..
نهى : أوف كيف هيك .. طيب اللجنة كيف قبلوا
علي : في حدا من عيلته متوفي والوضع مكركب لهيك اللجنة اعطته عذر و وافقوا ..
نهى : طيب .. ادعيلي ..
اتفقنا انو علي رح يسافر ع المحافظة يلي عايشة فيها أمها لفيروزة .. وبعد شوي كل واحد فينا راح على بيتو ..
اتصل فيني علي وخبرني أنو في مشكلة كبيرة صايرة بعيلتو لهيك مارح يقدر يسافر هو .. تلبكت كتير لأن بعد يومين رح يكون عندي عرض ومابلحق روح و ارجع خلال يوم ونص .. بس كمان مستحيل أقدر استنا لبعد ماتخلص العروض .
ضبيت كم غرض وطلعت من البيت وبوجهي عالسيارة ..
سافرت لحالي الطريق اكل 5 ساعات لبين ما وصلت ..
رحت ع العنوان يلي كتبلي ياه علي .. كان بمنطقة بعيدة يعني غير اني وصلت للمحافظة بخمس ساعات بس كمان لسا بدي ساعة لأوصل لمنطقة البيت .
وصلت ع العنوان نفسه بيت بطلعة قاسية جنبو في شجرة تين كبيرة .
قربت ودقيت الباب .. فتحتلي ست عمرا شي 55 سنة شعرا أبيض وملفوف ولابسة فستان مزهر .. نزلت نضارتا وسألتني : مين انتي ؟
نهى : خالتو فينا نحكي شوي والله موضوع ضروري
دخلت لعندا على البيت كانت عايشة لحالا مع ولد صغير ..
نهى : خالة انتي أما لفيروزة ؟
الست : انتي مين وشوبدك ؟
نهى : روح فيروزة عم تلاحقني .. انا متأكدة عم تطلعلي بكل مكان .. بدا مني ساعدا وحررا وبترجاكي تساعديني لنخلي روحا ترتاح ..
اتطلعت فيني وما ردت .. رجعت حكيتلا : وثقي فيني لو سمحتي ..
الست : فيروزة هي جوهرة هالدنيا .. ماتت قبل ماتفرح بحياتا .. قتلوها الغدارين .. هاد الصبي يلي شايفتيه هو ابن فيروزة عمرو 13 سنة ماتت بدون ماتشوفو ويشوفا .
فيروزة اشتغلت بمطعم لحتى تعيش لأن جوزي ماكان ابوها وماكانت تحب تتقل عليه .. الصبح كانت تشتغل نادلة بالمطعم و المسا عازفة بيانو ..
وهي بعمر ال 20 في شب صار يتردد على المطعم حبو بعض .. وصارو يطلعو ويفوتو مع بعض
وبعد فترة طلعت حامل منو .. هو بقي جنبا بس ماكان قادر يتزوجا لأن أبوه خاطبلو بنت عمو وهو مابدو ياها بس ماكان فيه يرفض ..
ولدت فيروزة ببيت جارتنا وفجأة اختفت من البيت .. وبعد كم يوم لقيوها مقتولة وميتة .
نهى : كيف ؟ طيب مين يلي خطفا ؟
الست : مامنعرف فجأة اختفت
نهى : طيب والشب أبوه للولد وين ؟
الست : بعد ما ماتت فيروزة اجا لعندي شاف ابنو وحكالي يبقى عندي أمانة لأن هو مافيه ياخدو ويربيه .. اتزوج بنت عمو ويمان ضل عندي ..
نهى : يعني ماقدرتو تعرفو مين القاتل ؟
الست : لا وماتت فيروزة وماتت سيرتا وماتت الجريمة البشعة ..
أخدت منها اسم وعنوان الشب يلي كانت فيروزة مرتبطة فيه .
طلعت من بيتا وقررت روح لبيت الرجال يلي كانت فيروزة تحبو .
البيت كان بمنطقة ضمن المدينة ببناء حديث .. طلعت ع الطابق التالت دقيت الباب .. فتحتلي صبية عمرا بأول التلاتين وحكتلي : مين حضرتك ؟
نهى : السيد مازن موجود ؟
هزتلي براسا وقالتلي : مين انتي ؟ وشو بدك من مازن ؟
نهى : لو سمحتي خليني أحكي معو موضوع كتير ضروري
هزت براسا ودخلت لجوا .. بعد شوي طلعت ودخلتني لعندا ع البيت ..
اجا مازن سلم عليي و اعد على الكنباية يلي جنبي .. عرفتو عن حالي و بعدين حكيتلو يلي عم بصير معي ..
كان متفاجئ كتير ويلي خلاه متفاجئ أكتر انو شو دخلني لتجي لعندي روح فيروزة وليش انا مع انو مافي بيناتنا سابق معرفة ؟
مازن : فيروزة كانت حبيبتي وعشقنا بعض أنا وياها وتزوجنا عرفي بس انا ماكان فيني أعلن الزواج لان ابي خاطبلي بنت عمي ومافيني ألغي الخطبة حتى مايصير مشاكل بين العيلتين .. لما اختفت فيروزة أنا ماكنت بعرف شي عنها ولا كنت عم شوفا بس يلي بعرفو انو ولدت وماعاد لقوها بالبيت وبعد فترة عرفنا انو ميتة ..
نهى : طيب انت بتشك بحدا ؟ كان إلها أعداء ؟
مازن : لك أعداء شو فيروزة كانت بنت طيبة مافي متل حنيتا وقلبا وتسامحا مع العالم ..
نهى : الله يرحما .. شكلي مارح أوصل لمعلومات تفيدني ..
مازن : أنا هاد كل يلي بعرفو ولو قادر أعرف مين يلي قتلا كنت بخنقو بإيديي .
طلعت من بيت مازن و أنا حاسة بغصة كبيرة بنت بريئة تموت قتل .. ليش هالظلم ؟
اتطلعت على الساعة كانت 12 بالليل والساعة 1 الضهر من اليوم التاني رح يكون موعد العرض تبعي ..
مشيت بسرعة بالسيارة ... الطريق كان عتمة وفاضي ومافيه بني آدم .. وصلت وجه الصبح عالمسرح .. دخلت على غرفتي ونمت شي ساعتين لبين ما أجو الممثلين وبلشنا بترتيبات المسرح والديكور والملابس والماكياج وكلشي بخص العرض يلي رح نقدمه ..
اجا علي : شو انتي هون ؟ ايمتا اجيتي ؟
نهى : من الساعة 5 الصبح وصلت ..
علي : يلا خلينا نجهز كلشي
نهى : وينو طلال والفنانين تبعاتو غريب تأخر ؟
علي : لا اليوم العرض بس إلك و الأسبوع الجاية رح يقدم طلال ..
نهى : أوف كيف هيك .. طيب اللجنة كيف قبلوا
علي : في حدا من عيلته متوفي والوضع مكركب لهيك اللجنة اعطته عذر و وافقوا ..
نهى : طيب .. ادعيلي ..
📚قصص||روايات||منوعة📚
rwayate#مهنة_مميزة #الجزء_الخامس_رند_محمد
@rwayate
كنت آعدة بالبيت عم اقرأ نص لعمل جديد .. البيت فاضي وهدوء و انا لحالي .. اتصل فيني علي وحكالي البس بسرعة ولاقيلو بالشارع لأن بدو ياني بموضوع ضروري ..
طلعت بسرعة وقت اجا اعدنا بالسيارة .
علي : شفت مازن .. وحكالي إنه يلي قتلا هو رجال كبير ومازن مابيعرف شو يلي كان بينو وبينها حتى قتلا .. وماقدر يعرف اسمو ولا من وين هو .. وطلب مني انو هالشي يضل بيناتنا ومايطلع لبرا لان رح يصير في وجع راس ..
نهى : مين هاد الكبير مين ؟
رجعت عالبيت و أعدت حلل و اربط الأفكار ببعضا .. كنت عم استنى ابي بفارغ الصبر لأسألو عن فيروزة .
أول ما أجا اعدت معه وحكيتلو بدي اسألك عن بنت .
ابتسم وقلي والله مابحاكي بنات أمك أغلى وحدة .. ضحكت وحكيتلو لا .. السؤال ماله علاقة بالحب و النسوان .
بابا : طيب اسألي ..
نهى : مين هي فيروزة ؟
بابا : فيروزة ؟ مين ؟
نهى : البنت يلي انقتلت من 13 سنة فيروزة
بابا : صدقيني يا بابا مابعرفا @rwayate ولا بحياتي شفتا .. بس بتذكر أنو الناس صار ماعندا غير سيرة مقتل فيروزة .. وكانو يقولو انو مرت صاحب المطعم هي يلي قتلتا لأن كانت على علاقة مع زوجا صاحب المطعم .
نهى : طيب شو اسمو المطعم يلي كانت تشتغل فيه بتعرف ؟
بابا : يمكن الزهرة .. بس أنتي ليش عم تسألي عن فيروزة ؟
نهى : اييي لان بدي اعمل فيلم من قصتا يعني هيك عم فكر .
اعدت لحالي وصار عندي أكتر من متهم ..
مازن .. مرت صاحب المطعم .. الختيار المجهول يلي حكا عنه مازن .
هلئ صرت واقعة بين النار ، ماعد اعرف لاقي الحقيقة بكل الشكوك يلي عندي ..
اخدت عنوان المطعم ورحت عليه اعدت عطاولة وطلبت أكل .. كان بدي حجة لأحكي مع صاحب المطعم يلي هو مضر بيك .
اخدت شعرة من شعري وحطيتا بصحن الاكل .. ناديت للنادل وحكيتله اكلكن مو نضيف ولازم خبر صاحب المطعم ..
التم فوق راسي كل الموظفين وهن يحكولي رح نغيير الصحن .. ورح نقدملك صحن ضيافة .. ورح نضيفك غدا كامل على حسابنا .. بس انا رفضت وكنت مصممة شوف صاحب المطعم او رح اشتكي عليهن ليتسكر المطعم من الصحة .
بعد شوي اجا صاحب المطعم لعندي وحكالي خير خير شو صاير ..
نهى : مضر بيك بدي اشرب فنجان قهوة معك لو سمحت ونتفاهم عن يلي صار
اخدني على مكتبه وطلب من الموظفين يجيبولنا قهوة ..
مضر : نحنا منعتذر اكيد هالموقف صار بدون قصد ورح نعوضك بمبلغ مالي
نهى : أولا الحذر واجب .. تانيا انا مابدي مبلغ مالي .. تالتا انا مخرجة وعندي معارف كتير قادرة بكلمة وحدة خلي المطعم يتسكر ..
مضر : روقي ست نهى الموضوع مو مستاهل ..
نهى : تماما .. انا حبيت احكيلك لتاخد حذرك لان يمكن موظفينك مو منتبهين وهالشي خطر عالمطعم وسمعته ..
مضر : مزبوط كلامك .. شكرا الك .. ونحنا منكرر اعتذارنا
نهى : كيفا فيروزة ؟
اتطلع فيني باستغراب : مين فيروزة ؟
نهى : عازفة البيانو يلي كانت هون .. بتذكر انه اهلي كانو يجو ع المطعم ويجيبوني معهم وكنت حبا كتير ..
مضر : فيروزة تركت الشغل من زمان وسمعت إنه ماتت
نهى : اوف كيف ماتت ؟
مضر : يابنتي انا مابعرف شي بخصوص الموضوع ..
طلعت من عندو ولسا في براسي ألف سؤال .. غيوم رح تساعدني لو رجعت رحت لعندا يمكن تكون رجعت .
بس هالمرة خليني روح مع علي لأني بلشت خاف من الموضوع .. اتصلت بعلي وخبرتو انو ناوية روح لعند غيوم وهو مارفض حكالي رح خلص شغلي و اجي آخدك فورا .
استنيتو وبعد شوي اجا ... وصلنا لعند غيوم وكنت متأكدة انو مارح نلاقيا بس الفضول دفعني لأجي لهون ..
دقينا الباب ، انفتح لحاله وصوت غيوم كان عم يناديلنا من جوا .. فوتي يانهى ..
بلعت ريقي ودخلت على غرفتا ..
غيوم : شو صار ؟
نهى : مين يلي قتلا ؟ انا شاكة بكتير أشخاص ...
غيوم : رجعي عالبيت يلي ساكنتو فيروزة بالصالون في كنبا قديمة ارفعيها .. بتلاقي أرض من خشب .. اكسري الخشب رح تلاقي صندوق .. طالعيه وشوفي يلي بقلبو يمكن يفيدك ..
نهى : طيب و ...
غيوم : زيارتكم انتهت .
طلعنا من بيت غيوم ورحنا فورا على بيت الجبل ..
دخلت عالصالون كان فعلا في كنبا خشب بعدتا وعلي كسر الخشب يلي تحتا وطالعلي الصندوق ..
فتحتو كان في بقلبه ورقة مهترية وعليها كتابة قديمة .. دققت بالكتابة كانت عنوان بيت .. والتوقيع كان باسم مازن .
طلعنا بالسيارة انا وعلي و انسندت عالشباك وغمضت عيوني : علي انا تعبانة كتير .. ونفسيتي تعبانة ماعد اتحمل .. ماعد شفت النوم من خوفي .. فيروزة طول الوقت معي .. على طول عم تطلعلي وشكلا قدامي ..
صرت ابكي و انا عم احكي ..
علي : خلص نهى .. نشالله رح نلاقي حل للقصة سوا ..
نهى : انشالله ... علي خدني عالبيت بدي ارتاح .
@rwayate
كنت آعدة بالبيت عم اقرأ نص لعمل جديد .. البيت فاضي وهدوء و انا لحالي .. اتصل فيني علي وحكالي البس بسرعة ولاقيلو بالشارع لأن بدو ياني بموضوع ضروري ..
طلعت بسرعة وقت اجا اعدنا بالسيارة .
علي : شفت مازن .. وحكالي إنه يلي قتلا هو رجال كبير ومازن مابيعرف شو يلي كان بينو وبينها حتى قتلا .. وماقدر يعرف اسمو ولا من وين هو .. وطلب مني انو هالشي يضل بيناتنا ومايطلع لبرا لان رح يصير في وجع راس ..
نهى : مين هاد الكبير مين ؟
رجعت عالبيت و أعدت حلل و اربط الأفكار ببعضا .. كنت عم استنى ابي بفارغ الصبر لأسألو عن فيروزة .
أول ما أجا اعدت معه وحكيتلو بدي اسألك عن بنت .
ابتسم وقلي والله مابحاكي بنات أمك أغلى وحدة .. ضحكت وحكيتلو لا .. السؤال ماله علاقة بالحب و النسوان .
بابا : طيب اسألي ..
نهى : مين هي فيروزة ؟
بابا : فيروزة ؟ مين ؟
نهى : البنت يلي انقتلت من 13 سنة فيروزة
بابا : صدقيني يا بابا مابعرفا @rwayate ولا بحياتي شفتا .. بس بتذكر أنو الناس صار ماعندا غير سيرة مقتل فيروزة .. وكانو يقولو انو مرت صاحب المطعم هي يلي قتلتا لأن كانت على علاقة مع زوجا صاحب المطعم .
نهى : طيب شو اسمو المطعم يلي كانت تشتغل فيه بتعرف ؟
بابا : يمكن الزهرة .. بس أنتي ليش عم تسألي عن فيروزة ؟
نهى : اييي لان بدي اعمل فيلم من قصتا يعني هيك عم فكر .
اعدت لحالي وصار عندي أكتر من متهم ..
مازن .. مرت صاحب المطعم .. الختيار المجهول يلي حكا عنه مازن .
هلئ صرت واقعة بين النار ، ماعد اعرف لاقي الحقيقة بكل الشكوك يلي عندي ..
اخدت عنوان المطعم ورحت عليه اعدت عطاولة وطلبت أكل .. كان بدي حجة لأحكي مع صاحب المطعم يلي هو مضر بيك .
اخدت شعرة من شعري وحطيتا بصحن الاكل .. ناديت للنادل وحكيتله اكلكن مو نضيف ولازم خبر صاحب المطعم ..
التم فوق راسي كل الموظفين وهن يحكولي رح نغيير الصحن .. ورح نقدملك صحن ضيافة .. ورح نضيفك غدا كامل على حسابنا .. بس انا رفضت وكنت مصممة شوف صاحب المطعم او رح اشتكي عليهن ليتسكر المطعم من الصحة .
بعد شوي اجا صاحب المطعم لعندي وحكالي خير خير شو صاير ..
نهى : مضر بيك بدي اشرب فنجان قهوة معك لو سمحت ونتفاهم عن يلي صار
اخدني على مكتبه وطلب من الموظفين يجيبولنا قهوة ..
مضر : نحنا منعتذر اكيد هالموقف صار بدون قصد ورح نعوضك بمبلغ مالي
نهى : أولا الحذر واجب .. تانيا انا مابدي مبلغ مالي .. تالتا انا مخرجة وعندي معارف كتير قادرة بكلمة وحدة خلي المطعم يتسكر ..
مضر : روقي ست نهى الموضوع مو مستاهل ..
نهى : تماما .. انا حبيت احكيلك لتاخد حذرك لان يمكن موظفينك مو منتبهين وهالشي خطر عالمطعم وسمعته ..
مضر : مزبوط كلامك .. شكرا الك .. ونحنا منكرر اعتذارنا
نهى : كيفا فيروزة ؟
اتطلع فيني باستغراب : مين فيروزة ؟
نهى : عازفة البيانو يلي كانت هون .. بتذكر انه اهلي كانو يجو ع المطعم ويجيبوني معهم وكنت حبا كتير ..
مضر : فيروزة تركت الشغل من زمان وسمعت إنه ماتت
نهى : اوف كيف ماتت ؟
مضر : يابنتي انا مابعرف شي بخصوص الموضوع ..
طلعت من عندو ولسا في براسي ألف سؤال .. غيوم رح تساعدني لو رجعت رحت لعندا يمكن تكون رجعت .
بس هالمرة خليني روح مع علي لأني بلشت خاف من الموضوع .. اتصلت بعلي وخبرتو انو ناوية روح لعند غيوم وهو مارفض حكالي رح خلص شغلي و اجي آخدك فورا .
استنيتو وبعد شوي اجا ... وصلنا لعند غيوم وكنت متأكدة انو مارح نلاقيا بس الفضول دفعني لأجي لهون ..
دقينا الباب ، انفتح لحاله وصوت غيوم كان عم يناديلنا من جوا .. فوتي يانهى ..
بلعت ريقي ودخلت على غرفتا ..
غيوم : شو صار ؟
نهى : مين يلي قتلا ؟ انا شاكة بكتير أشخاص ...
غيوم : رجعي عالبيت يلي ساكنتو فيروزة بالصالون في كنبا قديمة ارفعيها .. بتلاقي أرض من خشب .. اكسري الخشب رح تلاقي صندوق .. طالعيه وشوفي يلي بقلبو يمكن يفيدك ..
نهى : طيب و ...
غيوم : زيارتكم انتهت .
طلعنا من بيت غيوم ورحنا فورا على بيت الجبل ..
دخلت عالصالون كان فعلا في كنبا خشب بعدتا وعلي كسر الخشب يلي تحتا وطالعلي الصندوق ..
فتحتو كان في بقلبه ورقة مهترية وعليها كتابة قديمة .. دققت بالكتابة كانت عنوان بيت .. والتوقيع كان باسم مازن .
طلعنا بالسيارة انا وعلي و انسندت عالشباك وغمضت عيوني : علي انا تعبانة كتير .. ونفسيتي تعبانة ماعد اتحمل .. ماعد شفت النوم من خوفي .. فيروزة طول الوقت معي .. على طول عم تطلعلي وشكلا قدامي ..
صرت ابكي و انا عم احكي ..
علي : خلص نهى .. نشالله رح نلاقي حل للقصة سوا ..
نهى : انشالله ... علي خدني عالبيت بدي ارتاح .
📚قصص||روايات||منوعة📚
rwayate#مهنة_مميزة #الجزء_السادس_الاخير
ضليتني عم ابكي و اضرب بإيديي عالأرض لحتى علي شدني وطالعني من البيت و قعدني بالسيارة ..
حكالي انا عرفت الحقيقة كلا
نهى : ماعد يهمني .. انا تعبت
علي : فيروزة يلي قتلا هي وصال مرت مضر كانت شاكة فيا ..
نهى : من وين عرفت انت ؟
علي : رحت لعند مضر وهددتو بالقتل قام حكا الحقيقة وخاف كتير
نهى : و انا رحت على العنوان يلي كان بالصندوق .. و البيت طلع لأما لوصال وحكتلي نفس هالحكي ..
علي : معناتا انتي عرفتي الحقيقة هلئ يعني خلص وصلتي ليلي بدا ياه فيروزة ..
نهى : بس فيروزة مو رضيانة هيك ..
علي : لان لسا العالم ماعرفو مين القاتل الحقيقي .. بس لينعرف قدام الكل رح ترتاح روحا وتختفي .. يلا خليني امشي ونروح عالبيت .. او على قبر فيروزة ازا بتحبي ..
نهى : قبر فيروزة ؟ ليش ؟
علي : بحس انو الأموات بس نتواصل معهن وهن بقبورهم بيسمعونا وبيرتاحو وبحسوا بأمان كبير ويمكن انتي ترتاحي ازا حكيتي يلي بقلبك .. شو بروح عالبيت ولا عالمقبرة ؟
نهى : لا .. خلينا نروح على قبر فيروزة .. انت بتعرف وين اندفنت هالبنت صح ؟
علي : ايوا بعرف ..
وصلنا عالمقبرة ، كانت الدنيا ليل والمكان فاضي ومطر وعتم ..
قربت لعند قبرا وحسيت بنسمة باردة دخلت لجسمي ..
صرت احكي معا .. يمكن الحكي مع ميت مابفيد بس عالقليلة برييح القلب .. صح كنت قادرة اتواصل معا وشوفا وهي روح بس مابقدر ارتاح متل هلئ ..
و انا ساردة بالحكي ، فقدت علي .. مالقيتو جنبي .. صرت ناديلو : علي .. وينك علي
محدى رد عليي .. حسيت في حدا ركض بسرعة البرق جوات المقبرة .. رجعت ناديت لعلي بس كمان مارد عليي ..
و انا عم لف لاطلع شوفو برا .. لاحظت في حدى قاعد على قبر فيروزة ...
وصوت فيروزة قلي : نهى ..
التفتت عالقبر وقربت لعندا و انا عم ارجف من خوفي ورعبتي .. علي اختفى و فيروزة ظهرتلي بهيك مكان ..
فيروزة : بتعرفي ليش انا هون ؟
نهى : ل ليشش ..؟
فيروزة : لان بدي ارتاح .. وهلئ رح ارتاح ..
نهى : يعني انا عملت يلي بدك ياه ؟
فيروزة : اي .. حبيبك برا عم يستناكي .. اطلعي لعنده ولاترجعي .. طلعي
صرت اركض لبرات المقبرة بسرعة لحتى وصلت لبرا .. لقيت علي واقف جنب السيارة ..
نهى : ليش طلعت من المقبرة .. ليش تركتني جوا لحالي ؟
علي : لك نهى شبك ؟ انتي بعضمة لسانك قلتيلي اطلع لبرا بدي احكي مع فيروزة لحالي لو سمحت ..
نهى : مستحيل .. انا ماحكيت هيك شي
علي : لا تجننيني .. انتي حكيتي شو عم بكزب انا
اتذكرت حكي فيروزة وقت قالتلي انا طالعته لبرا .. وعرفت انو هي السبب يلي خلاه يطلع ويتركني ..
طلعت معه بالسيارة
رجعت على البيت ونمت .. هي اول مرة بنام و انا مرتاحة هيك بدون ماشوف حدا وبدون ماتظهرلي روح فيروزة .. بس رغم هيك كنت خايفة وماني متطمنة ..
الساعة 11 بالليل اجاني اتصال من رقم غريب ..
رديت طلع المخرج طلال كان عم يسلم عليي وطلب مني أحضر العرض تبعه تاني يوم .. قلتلو اكيد رح اجي موفق ..
وسكرت ..
اسلوبو بالحكي كان متعجرف وواثق كتير .
نمت وحسيت الصبح على صوت موبايلي عم يرن كان علي .. رديت عليه ..
قلي تعي بسرعة على المسرح عرض طلال رح يبدأ بعد ربع ساعة هيك اللجنة قررت .. وقال بدن يحكو معك قبل العرض ..
قمت من تختي بسرعة المجانين لبست وطلعت من البيت أخدت سيارتي ومشيت فيا بسرعة .. وصلت لنص الطريق كان عجقة سير كتير ورح اتأخر .. لهيك صفيت السيارة ونزلت كملت ركض .. وصلت ع المسرح و انا مقطوع نفسي وعم لاهث شعري منكوش ووجهي عرقان وجسمي مهدود ...
من انا وبالممر ماكنت سامعة ولا صوت .. عرفت انه العرض بلش .. فتحت الباب بقوة ونزلت ع الدرجات كان المسرح عتم .. المسرح مليان وكلو ساكت وصافن فيني وبالشاشات ..
وقفت ع الدرج بنص المدرج وانصدمت بالعرض ..
العرض كان على تصوير ومعروض على شاشات مو تمثيلي ..
الممثلة هي انا ... انا بالمسرح عم اركد من مكان لمكان وصرخ وفي جثة واحد مرمي جنبي .. بعد شوي انا ببيت الجبل وفيروزة بوجهي عم تحكي معي .. بعدين انا بالبيت وفي قناع ع البلكون ومسكتو بإيدي .. و انا نايمة بغرفتي وعم صرخ وهلوث .. و انا ببيت غيوم اعدة معها عم نحكي .. انا عم اقرأ رسالة ... انا ببيت الجبل عم اسمع صوت معزوفة فيروزة ..
انا .. انا ... كلشي كان عم يصير معي مصور ..
صرخت بصوت عالي شو عم يصيررر .. طفو الشاشات ..
فجأة اشتغلت الإضاءة وبلش التصفيق و التصفير من كل الموجودين .. بعد شوي طلع طلال ع المسرح وحكا : اول شي اهلا وسهلا بالحاضرين ..
قبل العرض بشهرين لما أجت اللجنة و اختارتني انا و نهى ..
نهى تمسخرت عليي وحكت مين هاد طلال يلي بدي اتبارز معه .. بدون تدريب انا قادرة اربح عليه .. استهزأت فيني وبقدراتي ..
حكي نهى كلو وصلني وقررت أتحداها وفرجيها اني بدون تدريب وبدون ممثلين قادر اصنع النجاح .. قبل ساعة بس أخدت أذن من اللجنة اني قدم عرض مباشر حقيقي وما رفضو شجعوني ..
ضليتني عم ابكي و اضرب بإيديي عالأرض لحتى علي شدني وطالعني من البيت و قعدني بالسيارة ..
حكالي انا عرفت الحقيقة كلا
نهى : ماعد يهمني .. انا تعبت
علي : فيروزة يلي قتلا هي وصال مرت مضر كانت شاكة فيا ..
نهى : من وين عرفت انت ؟
علي : رحت لعند مضر وهددتو بالقتل قام حكا الحقيقة وخاف كتير
نهى : و انا رحت على العنوان يلي كان بالصندوق .. و البيت طلع لأما لوصال وحكتلي نفس هالحكي ..
علي : معناتا انتي عرفتي الحقيقة هلئ يعني خلص وصلتي ليلي بدا ياه فيروزة ..
نهى : بس فيروزة مو رضيانة هيك ..
علي : لان لسا العالم ماعرفو مين القاتل الحقيقي .. بس لينعرف قدام الكل رح ترتاح روحا وتختفي .. يلا خليني امشي ونروح عالبيت .. او على قبر فيروزة ازا بتحبي ..
نهى : قبر فيروزة ؟ ليش ؟
علي : بحس انو الأموات بس نتواصل معهن وهن بقبورهم بيسمعونا وبيرتاحو وبحسوا بأمان كبير ويمكن انتي ترتاحي ازا حكيتي يلي بقلبك .. شو بروح عالبيت ولا عالمقبرة ؟
نهى : لا .. خلينا نروح على قبر فيروزة .. انت بتعرف وين اندفنت هالبنت صح ؟
علي : ايوا بعرف ..
وصلنا عالمقبرة ، كانت الدنيا ليل والمكان فاضي ومطر وعتم ..
قربت لعند قبرا وحسيت بنسمة باردة دخلت لجسمي ..
صرت احكي معا .. يمكن الحكي مع ميت مابفيد بس عالقليلة برييح القلب .. صح كنت قادرة اتواصل معا وشوفا وهي روح بس مابقدر ارتاح متل هلئ ..
و انا ساردة بالحكي ، فقدت علي .. مالقيتو جنبي .. صرت ناديلو : علي .. وينك علي
محدى رد عليي .. حسيت في حدا ركض بسرعة البرق جوات المقبرة .. رجعت ناديت لعلي بس كمان مارد عليي ..
و انا عم لف لاطلع شوفو برا .. لاحظت في حدى قاعد على قبر فيروزة ...
وصوت فيروزة قلي : نهى ..
التفتت عالقبر وقربت لعندا و انا عم ارجف من خوفي ورعبتي .. علي اختفى و فيروزة ظهرتلي بهيك مكان ..
فيروزة : بتعرفي ليش انا هون ؟
نهى : ل ليشش ..؟
فيروزة : لان بدي ارتاح .. وهلئ رح ارتاح ..
نهى : يعني انا عملت يلي بدك ياه ؟
فيروزة : اي .. حبيبك برا عم يستناكي .. اطلعي لعنده ولاترجعي .. طلعي
صرت اركض لبرات المقبرة بسرعة لحتى وصلت لبرا .. لقيت علي واقف جنب السيارة ..
نهى : ليش طلعت من المقبرة .. ليش تركتني جوا لحالي ؟
علي : لك نهى شبك ؟ انتي بعضمة لسانك قلتيلي اطلع لبرا بدي احكي مع فيروزة لحالي لو سمحت ..
نهى : مستحيل .. انا ماحكيت هيك شي
علي : لا تجننيني .. انتي حكيتي شو عم بكزب انا
اتذكرت حكي فيروزة وقت قالتلي انا طالعته لبرا .. وعرفت انو هي السبب يلي خلاه يطلع ويتركني ..
طلعت معه بالسيارة
رجعت على البيت ونمت .. هي اول مرة بنام و انا مرتاحة هيك بدون ماشوف حدا وبدون ماتظهرلي روح فيروزة .. بس رغم هيك كنت خايفة وماني متطمنة ..
الساعة 11 بالليل اجاني اتصال من رقم غريب ..
رديت طلع المخرج طلال كان عم يسلم عليي وطلب مني أحضر العرض تبعه تاني يوم .. قلتلو اكيد رح اجي موفق ..
وسكرت ..
اسلوبو بالحكي كان متعجرف وواثق كتير .
نمت وحسيت الصبح على صوت موبايلي عم يرن كان علي .. رديت عليه ..
قلي تعي بسرعة على المسرح عرض طلال رح يبدأ بعد ربع ساعة هيك اللجنة قررت .. وقال بدن يحكو معك قبل العرض ..
قمت من تختي بسرعة المجانين لبست وطلعت من البيت أخدت سيارتي ومشيت فيا بسرعة .. وصلت لنص الطريق كان عجقة سير كتير ورح اتأخر .. لهيك صفيت السيارة ونزلت كملت ركض .. وصلت ع المسرح و انا مقطوع نفسي وعم لاهث شعري منكوش ووجهي عرقان وجسمي مهدود ...
من انا وبالممر ماكنت سامعة ولا صوت .. عرفت انه العرض بلش .. فتحت الباب بقوة ونزلت ع الدرجات كان المسرح عتم .. المسرح مليان وكلو ساكت وصافن فيني وبالشاشات ..
وقفت ع الدرج بنص المدرج وانصدمت بالعرض ..
العرض كان على تصوير ومعروض على شاشات مو تمثيلي ..
الممثلة هي انا ... انا بالمسرح عم اركد من مكان لمكان وصرخ وفي جثة واحد مرمي جنبي .. بعد شوي انا ببيت الجبل وفيروزة بوجهي عم تحكي معي .. بعدين انا بالبيت وفي قناع ع البلكون ومسكتو بإيدي .. و انا نايمة بغرفتي وعم صرخ وهلوث .. و انا ببيت غيوم اعدة معها عم نحكي .. انا عم اقرأ رسالة ... انا ببيت الجبل عم اسمع صوت معزوفة فيروزة ..
انا .. انا ... كلشي كان عم يصير معي مصور ..
صرخت بصوت عالي شو عم يصيررر .. طفو الشاشات ..
فجأة اشتغلت الإضاءة وبلش التصفيق و التصفير من كل الموجودين .. بعد شوي طلع طلال ع المسرح وحكا : اول شي اهلا وسهلا بالحاضرين ..
قبل العرض بشهرين لما أجت اللجنة و اختارتني انا و نهى ..
نهى تمسخرت عليي وحكت مين هاد طلال يلي بدي اتبارز معه .. بدون تدريب انا قادرة اربح عليه .. استهزأت فيني وبقدراتي ..
حكي نهى كلو وصلني وقررت أتحداها وفرجيها اني بدون تدريب وبدون ممثلين قادر اصنع النجاح .. قبل ساعة بس أخدت أذن من اللجنة اني قدم عرض مباشر حقيقي وما رفضو شجعوني ..
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
Disclaimer
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com