#زواج_بلا_مشاعر 💔


#الحلقة_الأولى ...

كنت حب شخص أسمو إياد وانا إسمي ريناد انتوا بمجرد قراءة الاسمين رح تلاحظوا قديه لايقين لبعض 😔
خطبني اكتر من مرة .. وكان ابي مُصرْ انو (( لأ هالشب مابناسبك )) ما كنت أفهم شو السبب .. بس هوي شايف هيك وانا مابقدر قلو لاء لانو متأكدة انو هوي بيعرف مصلحتي اكتر ...
بعد فترة اجا نصيبي متل ما بقولوا 😔 .. شب مهندس .. راقي المعاملة .. عندو بيت .. وأخلاقه عالية .. بس ((مشوّه))
كان محروق شوي من خده .ورقبته..
انا رفضت مو بس لانو مشوه ... لانو مافي أي مشاعر تجاهه ... ما بحبو .. ولا ممكن حبو .. لو كان خارق الجمال
بابا حاول كتير يقنعني فيه . وإنه هاد الشب المناسب .. وما كان عندي خيار تاني .. لأنه بابا عطا كلمة للجماعة بعد موافقة مني طبعا"
انخطبنا لفترة شهر .. بس ما كنت احكيه .. ولا حبه ولا لحظة حسيت تحركت مشاعري اتجاهه.. خبرته انو ما بحبو .. وبحب شب غيرو ..ولا بدي ياه ..بس هوي ما تحرك ولا حكا ولا كلمة .. بالعكس ضل ساكت 😪
فترة خطبتنا كانت جامدة. . وهوي ماكان يسءل ابدا" يسايرني ومايزعل لانو انا كنت عاملو هيك ..
حددنا يوم العرس .. يالله شو بكيت .. كنت حابة البس الأبيض ل(( إياد )) كنت حابة كمل حياتي مع يلي بحبو ... جيب ولاد منو .. نكبر سوى ونتختير سوى 😢
بس صحيت وانا بالصالة حدي شخص مشوّه .. بارد .. جامد 😢
وقت طلعت من صالة تفاجئت بحبيبي إياد راكب موتور وعيونو عما تدمع ..
قلبي انشلع💔 .
روحي اندبحت دبح .. صار قلبي يدق كتيييير رح يطلع من محلو ويروح لعندو.
كانت عيونو عما تقلي طلعي ركبي معي ..
كنت حابة ارمي كلشي وراي وأهرب معو .. بس لاء في أهلي .. في سمعة ابي ..في أخواتي الشباب ..استغفرت ربي
واركبت بالسيارة
بكيت كتير بحرقة .. بس نزلنا عالعش الزوجية متل مابقولوا😭😭😭
كنت ناوية ببالي شي اعملو 🤔 ...


#madeha

#مهنة_مميزة #الحلقة_الأولى

من يوم يومي بحب اني كون مميزة بكلشي بحب انو ينضرب فيني المثل ... ولهالسبب اخترت مجال مختلف تماما
أخواتي فرح وندى اكبر مني وهن متفوقين بدراساتن و الكل شايفن ومو مصدق
فرح طالبة طب أسنان سنة خامسة @rwayate أما ندى فهي متخرجة مخبرية كيميائية
أنا كنت متفوقة اكتر من أخواتي وطلعلي طب بشري بس لأني بحب التمييز دخلت بمجال الإخراج الفني ... اتدربت بعدين اشتغلت ع حالي لحتى صرت مخرجة مسرح و أفلام و صار إلي اسم بالوسط الفني ... اهلي ماكانو رضيانين بشغلي ودراستي ابدا و لاحتى يلي حوليي على طول كنت عيش المقارنة بيني وبين اخواتي بس هاد الشي كان سبب ليزيد إصراري ع النجاح وكان دافع يحسسني « لطالما ماحدا رضيان معناتا أنا مميزة »

كنت بغرفتي يلي بالمسرح وعم جهز حالي لأن اليوم في بروڤا...
دخل لعندي علي وهو ماسك فنجان نسكافيه : اتفضلي نهى
نهى : شكرا علي يسلم ايديك
علي : طمنيني نشالله قررتي كلشي بخص المسرحية الجديدة؟
نهى : قررت كلشي بس خايفة ، المخرج طلال يلي هو منافسي كتير قوي ممكن أفشل قدامو
علي : على فكرة طلال كمان خايف من حضورك وقوتك بالشغل قدامو لهيك ممكن ثقتك بنفسك تخليكي تكسبي العرض انتي
نهى : هاد الشي اللجنة هي يلي بتحددو و بناء عليه لح يتم تكريمي أو تكريم طلال مع كل العروض و الخدمات والعقود يلي قررتا اللجنة يعني يلي بيربح لح يكون ضرب ضربة العمر
علي : انتي قوية ومابينخاف عليكي ، يلا قومي ع التدريب الفنانين كلن اجتمعوا برى وناطرينك
طلعت لبرى وبلشت البروفا كنت عم راقب كل حركة بكل دقة وتمعن وخوف ،
انا وطلال معروفين بالوسط أنو اكتر تنين شغلنا مميز ومطلوب لهيك تم اختيارنا من قبل لجنة لشركة بتتبنى مخرج مميز وناجح وبتقدملو عروض وعقود ممتازة متل شغل برى و مساعدة مادية كبيرة و على طول رح يضل شغلو معهن ...
بس الشرط كان ليقدروا يختاروا بيني وبين طلال انو نقدم عروض مسرحية من إخراجنا وهن رح يقيمولنا هالعروض ويلي بيوقع عليه الاختيار هو الربحان ...
@rwayate
خلصت البروڤا ورجعت ع البيت كانو أخواتي بشغلن و أمي و أبي عم يتغدوا .. اعدت جنبن عالطاولة وكنت عم أحكيلن عن نهاري وشغلي وبنفس الوقت عم آكل ، رن موبايلي رنة المسج
فتحتو كان في رسالة من رقم خاص مكتوب فيا : استاذة نهى بشرفني اجتمع معك لعل انو انتفق على عقد جديد بخصوص مسلسلي الأول وحابب هالاجتماع يكون شخصي وبعيد عن تدخل الشركة ، هالحكي كان طبيعي لاني بجتمع مع كتاب مابعرفن و ممثلين جداد وعادي ، بعد شوي وصلتني رسالة مكتوب فيا العنوان ..
اخدت سيارتي وطلعت ع الكافيه يلي مكتوبة بالمسج أول ماوصلت لهنيك أعدت وضليت استنا هالشخص لحتى يجي
بقيت نص ساعة آعدة عم استنا بس ماكان يجي حدى بعد شوي قررت أمشي لأن كتير عيب أعد و أنطر هيك ناس ..
خلال لحظات كان عم يقرب بجهة طاولتي النادل ابتسملي ابتسامة خفيفة و أعطاني ورقة وحكالي هي من الشخص يلي ناطرتيه بس حكا انو عندو ظرف مهم و طلب مني أعطيكي هالرسالة ، أخدتا منه وفتحتا كانت ورقة بيضا من الجهتين مو مكتوب عليها شي اتطلعت بطرف الورقة من تحت كان في نقطة دم ، سكرت الورقة وطلعت من المحل فورا . @rwayate
ركبت سيارتي و انا منفعلة ومعصبة زيادة لان هالموقف كتير بشع ، اتصلت بعلي وخبرتو يجهز للبروڤا المسائية و يخبر الكل .. ضليتني بطريقي للمسرح وهنيك لقيت الكل عم يستنوني دخلت وملامح التعصيب ع وجهي وبلشت احكي يلا معكن ربع ساعة لنبلش مابدي اي خطأ ولا بدي أي ملاحظة و بقيت مكملة ع غرفتي ، دخل لعندي علي وحكالي شبك؟ شو صاير معك ، جاوبتو بنترة حادة مو صاير شي بس الناس التافهة مابتبطل تفاهتا في حدا بعتلي من رقم برايڤت انو هو كاتب وعندو مشروع عمل ولما رحتت ع الموعد و انتظرته ما أجا و بعد ساعة بعتلي مع النادل ورقة بيضا من الجهتين وعليها نقطة دم وبس .
علي: طيب طولي بالك شوي ولابقى تقابلي حدى مابتعرفيه خلص
بلشت البروڤا والكل تقريبا كان أداءه تمام ، صارت الساعة 1 ونص بالليل الممثلين راحو و انا كنت بغرفتي عم غير تيابي و ضب اغراضي لأطلع ،، سمعت صوت تسكير البوابة الخارجية للمسرح، ركدت من غرفتي لبرى كان المسرح فاضي و البوابة مسكرة و الأضوية كلا مطفية ،،،
صرت نادي بصوت عالي: علييي ، نضال، لك ياشباب وينكن ،،
عرفت وقتا انه فكروني طلعت وسكرو وتركوني لحالي.
رجعت على الغرفة طالعت موبايلي و فتحتو لاتصل بعلي اول مافتحتو عطاني إشعار انو شحنو 2 بالمية يعني رح يطفيي ولبين ماطالعت اسم علي و اجيت بدي رنلو كان طافي موبايلي ،، مافي اي وسيلة اتصال تانية و حتى بوابة المسرح هي ضمن قبو طويل يعني مستحيل حدا من الشارع يسمعني لو دقيت عليها ، الإضاءة كانت مطفية من مكتب ادارة المسرح و المكتب مقفول ، كان في فوانيس بزوايا المسرح هدول للمسرحيات شغلتن و أعدت ع كرسي من المدرج و صرت اتطلع بعيوني يمين وشمال وكل شوي حس حدقة عيني عم تتوسع من الخوف.