#_اوهمني بوفاته
بقلمي : ميس قباني
الجزء الاول ..

خلق الله لنا من كل شي اثنين ان فقدنا واحدة استعنا بلثانية ولكن ان فقدنا القلب فلا يمكننا البقاء على قيد الحياة ...

احترق قلبي على فراقك كنت اتمنى لو انني اعطيتك قلبي بدلا من تعطي قلبك لغيرك وتموت
اشتقت اليك ..
ليتني استطعت ان اوعك قبل موتك ليتني استطعت ان ألمس يداك للمرة الاخيرة .... ايا ليت ل ليت يكن ..
"Mais Qabbani"

انا ملاك عمري 20سنة عيوني خضر وشعري بني طويل لعند خصري ووشي مدور ابيض وخدودي ملانه والي غمازتين كان الكل يقول عني حلوة ..
كنت عايشة انا وامي وابن عمي ابي توفا وماعندي اخوة و ماهر ابن عمي كمان اهلو متوفيين فكان عايش معنا ..
.
.
.
رح احكيلكن كيف بلشت قصتي انا وماهر ابن عمي

كنا صغار وما نشوف بعض الا قليل وبيوم كانو جايين بيت عمي لعنا وحطوه ل ماهر عنا وراح بابا وعمي ابوه لماهر وامو لماهر مشان بدن يشوفو بيت كانو ح ينتقلو ع غير بيت
عملو حادث وتوفا ابي وابوه وامو لماهر

كان عمر 12 سنه
وماهر كان عمرو 16 سنه

ملاك : 16 سنه
وقت صار هالحادثة
زعلت كتير وتعبت كتير وبكيت وضليت ابكي لحتى قمت كسرت مراية غرفتي والعابي كل ماشوف لعبة يكون بابا جايبلي ياها اتزكرو وقوم اكسر اللعبة شي ماتزكرني فيه وازعل ..

بتزكر وقتا ...

____________

ماهر : ملاك هدي بئى هيك مابصير ليش عم تكرسي الالعاب

ملاك : ماهر بابا راح بابا راح يعني سندي راح يعني روحي ح تندفن تحت التراب

ماهر : ملاك انا ابي وامي ماتو وماعم اعمل شي

ملاك :كيف قدران تكون عادي

ماهر :انتي شايفتيني عادي بس القهر يلي جواتي الله حاسس فيه بتعرفي شو يعني اخسر امي وابي بنفس اللحظة بتعرفي شو يعني لساتني عمري 16 سنه ومابقيلي لا ام ولا اب انتي لسا جنبك امك الله يخليلك ياها وح نقدر انا وانتي نتخطا هالمرحلة سدئيني

حطيت راسي ع كتف ماهر يلي حسيت وجعو متل وجعي او لا وجعو كان اكبر بكتير ومسكلي ايدي وقلي نامي اذا بتقدري وحاولي لا تفكري بشي ..
________________

رؤى : كملي ملاك


*هي بداية صغيرة بس ح ارجع احكي القصة من بدايتا*


بعد ماحطيت راسي ع كتف ماهر ونمت فقت ولاقيت ماهر عم يبكي

ملاك :ماهر انت عم تبكي

ماهر : مخنوق تعبان بدي امي اشتقتلا وماخلوني شووفا وبكرا كيف بدي اتحمل اني احضر دفنا انا كتير تعبان ملاك

ملاك : حطيت ايدي ع ايدو بس نحنا سوا وح نتخطى هالمرحلة مش هيك التلي

كنت كنت حبابه وطيوبة صار يبكي ماهر بزيادة وانا لانه وجعي نفس وجعو بس وجعو اكبر كتير تعاطفت معو وزعلت عليه صار يبكي بطريقة هسترية صرت بوس ايديه وقلو كرمال الله اهدا وامسحلو دموعو لحتى اجت امي ع صوتو وضمتو وصارت تهديه ..

امي (سما) : يا الله دخيلك من وين اجتنا هالمصايب شو بدو يتحمل هالطفل الله يصبرنا الله يصبرنا "تبكي"

ملاك : يا امي تعي شوفي ماهر مدري شو صرلو

( ماهر كان ابن خالتي وابن عمي يعني امو كانت اخت امي وابوه اخو ابي )..


سما : ابني اعتبرني انا امك
انا امك من يوم ورايح ورح عوضك عن كلشي فقدتو

قام ماهر متل الطفل الصغير واعد بحضن امي وضل يبكي لنام ..

ملاك : ماما اذا بدك قومي شوفي شغلك مشان العزا بكرا وانا ببقى اعدة جنب ماهر

سما : ماشي بنتي

غطيتو ل ماهر وضليت اعدة جنبو ونمت وانا قاعدة ماقدرت قوم ع غير غرفة نام واتركو خفت عليه حسيتو امانه عندي ..

صار الصبح واجا يوم صعب كتير بحياتنا صعب عليي وع ماهر و ع امي لاني توفى ابي وصار برقبتا أمانتين انا وماهر وماعم تعرف كيف بدا تشيل عنا الوحع وهية البا موجوع

ماهر : بدك تحضري الدفن ح يخلص العزا

ملاك : انا مستتتحيييييل كيف بدي احضرو كيف فيني شوف روحي عم يدفنوها كيف ما بتحمل انا

ماهر : بتقدري وانا جنبك

ملاك : هية فترة وبدك تتركني انت وامي كمان ماقصدي تموتو لا بس انا كلشي بتعلق فيه عم افقد

ماهر : معك لاخر عمري

ملاك : وانا بوعدك كون احن من امك عليك مع انو مافي شي بعوض عن حنية الام بس ح حاول

ماهر : وانا ح كون حنون عليكي اكتر من الاب يلي كمان مافي بحنانو

(تعاهدنا نبقى سوا وتنيناتنا كان بدنا نساعد بعض قبل ما نساعد حالنا ) ...

اثناء الدفن ...
ماهر عم يبكي وهو قاعد جنب امو وابوه قبل مايدفنوهن

وملاك ضامة ابوها يلي خايفة منو لانو ماتت
طفلة اكيد ح تخاف من شخص ميت بس تجاهلت الخوف وضمتو وهو بلكفن وتقلو

ملاك : قوم بابا قووم بترجاك بنت يلي عمرا 12 سنه صار عمرا 100 سنه ع غيابك صرت بقوة الف بنت صرت اقوى من اي حدا بس عم انكسر يا بابا عم انكسر عم صير ضعيفة كتير وغيابك عم يهدني

" مامنتعلم القوة الا من بعد الوجع " ..Mais

ماهر : ماما قومي انتي او بابا لك انا رضيان يبقالي حدا منكن ولله رضيان يبقى حدا واحد بس ليش رحتو تنيناتكن سووا ليش طيب رحتو وما

(بعدونا عنن وضمينا بعض انا وماهر صرنا نبكي ونحنا عم نشوفن كيف عم يدفنوهن ويرمو التراب مع كل رشة تراب كان عم يقطعو شريان من قلبنا

#_اوهمني بوفاته
بقلمي : ميس قباني
الجزء الثاني :
.
.
.
صار عمري 18 وفتت علجامعه كان ماهر سنه تالتة وانا سنه اولى
وكان بكل سنه حبنا عم يكبر اكتر واكتر وحكالا ماهر لامي انو هوى بحبني ..

كنا بلجامعه واجا شب هو سنه تالتة وبنفس قاعة ماهر
كنت واقفة انا وماهر

..: اي شوو ماهر بلاقيك هالمرة واقف مع بنت بس حلوة ها

ملاك : ممكن تستحي عحالك وتروح من هون قال حلوة قال لك او قلك بلا ما ابلش فيك لانه بس بلشت بهدلة ما ح اقدر اسكت الا وانا ضاربتك كف عخلقتك

ماهر : لك عنجد بتستاهل هلبهدلة قليل الذوق هي بنت عمي اصلا ما شغلتك مع مين انا بوقف لعما

ليث: لك اي شو كفرنا اذا قلنالك حلوة صرت قليل ذوق خلص بقلك انتي بشعة

ملاك: اعتراضي ع طريقتك الوقحة يلي جيت عم تحكي فياا شو شايفني بنت متل البنات يلي ببالك لحتى اضحك وقلك اي انا حلوة واقعد اضحك وامزح معك وماهر يفرحلنا لك روح روح من وشي

ليث: بس بتعرفي انو صرتي بنظري احلا بكتير بكتييير

ماهر هون كان لسعتو واقف وضابط اعصابو هو سمع هيك ركد عليه وصار يضربو وليث قدر يضربو كمان تنيناتن كانو قوايا ..

ماهر شب متوسط الطول اسمر بعضلات وعيونو سود ورموشو طوال بجننو ..

ليث شب طويل بعضلات عيونو عسلي شعرو خرنوبي ..

خلصت المشكلة وانا كنت واقفة وخايفة ومبقى اعرف شو ساوي ..

ليث: منتواجه يا ماهر لنشوف

ماهر : لك عميل شو مابدك

ليث : منشوف مين ح يربح التحدي

ماهر : ملاك صارت تحدي يا كلب

مسكتو ل ماهر والتلو خليه يروح وشو مابدو يعمل مالنا خايفين منو ..

ليث كانت شغلتو كبيرة بلجامعه ابوه عندو اموال كتيرة ومابعرف شو احكي عنو بس يعني هو اذا قرر ينتقم من شي ح ينتقم ..


ماهر : مشي ملوكة عازمك ع مشوار

ملاك : عازمك ع مشوار ههه

ماهر : لك اصدي عازمك ع بوظة وانو ح نروح مشوار يلا مشي

ملاك : مشي ولك سيدي

ماهر : هههههه

ملاك : يسعدها الضحكة


اعدنا بمكان كتير حلو كلو خضار وصوت زقرقة العصافير حلت المكان اكتر واكترر
واكلنا البوظة

ماهر : هههههه اخ البي مبئى اتحمل

ملاك : لك شبك ليه هيك عم تضحك

طالع موبايلو وصورني صورة وفرجاني ياها كان تمي كلو بوظة وانفي بوظة

ملاك : لك خلص ولله ما انتبهت شردت وانا عم اكل

ماهر : عم امزح معك البي يي دخيل الزعل هلء برضيكي

ملاك : كيف بئى

ماهر : ثواني وجايي

اجا ماهر وكان جايبلي وردة ولعبة ع شكل قطة وبالونة وشوكولا ..
كان لما يشوفني زعلت مايعرف كيف بدو يرضيني .. كتير كان يفرحني وكنت حبو اكتر من حالي ...

ملاك : ياااي ياعمري انت اذاا هيك بتراضيني لك ح ازعل عطول ههههه لك محلاهن

ماهر : ياروحي انتي

وتاني يوم كنا مداومين بلجامعه
ماهر كان عم يحضر محاضرة
وانا اعدة وعم استناه يخلص شي نتشمى شوي

وانا اعدة حسيت حدا اجا من ورا ضهري حط ايديه عيوني
انا حسيت كانهن مو ايديهن ماهر بس قلت مين ممكن يكون غيرو يعني

ملاك : مهورتيي خلصت حبيبي

ليث : مالي مهورتك

ملاك : لك انت كيف بتسمح لحالك تحط ايديك ع وشي لك انت شو مابدك تفهم انو تبعد عني

ليث : هاا ماهر معلش يحط ايديه ع وشك انا ما معلش لا مابدي افهم

(مسكلي ايدي وصار يرص عليها )
ليث : لا مالي طالع من حياتك انا الك وانت الي عم تفهمي

ملاك : بلا خرافات انا لغير ماهر ما بكون

ليث : وليث لغيرو مابتركك

ملاك : لك ليث ايديي عم ترص عليها وجعتنييي كتير

من كتر ما رص عليها صرت ابكي وغمضت عيوني وصرت ابكي اكتر
وماحس الا ايد ليث تركتني فتحت عيوني لاقيت ليث علارض وماهر عم يضربو

ملاك : ياربي ياربي كل يوم خناقة بسببي

ليث : هي تاني بتضربني فيا يا ماهر وماعم تعرف حالك مع مين علقان

ماهر : واذا بترجع بتعمل هيك تصرف ح موتك ما بس ح اضربك

" كم كنت اشعر ب الامان عندما اكون معك اشعر وكان شعور الخوف لم يخلق بداخلي ابدا "

"Mais Qabbani"


ملاك : انا تعبت ماهر مبقى بدي اجي علجامعة من وش ليث تعبت منو يا الله

ماهر : لاتحطيه ببالك كبيه ورا ضهرك كيف يعني ماتجي علجامعه منو لك هاد شقفة حشرة

عارفة شو انك انتي تشتاقي لنظرة من حبيبك وانا كنت دائما معو .. وبتحلمي تسهرو سووا نحنا كنا كل يوم نسهر سوا شي عالاسطوح شي علبلكون ونتفرج عالقمر .. وتحضرو فلم سوا كنا كل يومين نحضر فيلم .. وتكونو ساكنين بنفس البيت نحنا كنا ساكنين بنفس البيت انا وهوى وامي ...

ماهر كل حياتي قضيت طفولتي معو وماحدا قدر يجرحني بكلمه طول ماهو معي كان الكل يخاف يحكي معي حرف ماهر سند ماهر رجال فيكي تستندي عليه وتحطي كل همومك فيه وتعيشي مرتاحه مو متل حيطان المايلة يلي كتير بتحكو عنن ..

ملاك : مهورتي

ماهر : شو ياعمر مهورتك

ملاك : بدي نحضر فلم رعب

ماهر : هههه انتي متاكدة

ملاك : اي اي متاكدة

ماهر : طيب ماشي ياخويفة ولله لتموتي خوف

ملاك : انا اموووت خووف ماااشي وننخضرو عل سطح كمان

ماهر : اخد التلفزيون علسطح مثلا

ملاك : ههههه اكيد لا بنفتح شي فلم رعب من عل

#_اوهمني بوفاته
بقلمي : ميس قباني
الجزء الثالث
.
.
ماهر (يبكي): امي انا بموت اذا طفللتي ملاك بصرلا شي هي طفلتلي هي حبيبتي هي عيوني هي كلشي لسعتا بنظري طفلة وماكبرت مابدا يصرلا شي دخيلك يااا رب تحميااا انا بعطيا البي وبموت اي لك اي ماعندي مشكلة بس مشكلتي انو هية كيف ح تعيش بلاي

سما : ولله بعطيا انا البي بس طلعت مابقدر اعطيا يااريت فيني يا ابني ياريت

ماهر : وسألت مافي متبرعين اصلا مين بدو يتبرع ب البو ااخخخ ياربي

سما(تبكي) : يعلي عليكي يا بنتي

ماهر : امي ببوس ايدك حاج تبكي واستهدي بلرحمن
انا مبئى اتحمل قايم شووفا

سما : قال عاطينا دوا ونايمه هلء

فتت لعندا كانت متسطحه ونايمة و وشا كتير تعبان مبين عليها انو مريضة تقطع البي وقت شفتا هيك

ماهر : حبيبتي ريتو المرض لالبي ومالالبك ريتو الوجع الي وانتي ماتدوقي الوجع قومي ياعمري انا مافيني بلاكي ولله بموت انتي قوتي انتي سندي لك انت حياتي قومي بترجاكي انا رح اعطيكي البي لتعيشي بس مابدي ياكي تتعذبي من بعدي كوني قوية ياعمري كوني قوية
.
.
ماهر : دكتور ايمتا فينا نعمل العملية انا جاهز بس بدي ملاك ماتموت

الدكتور: بدك من بكرا فينا نعملا

ماهر : ماشي انا جاهز

.
.
ماهر : امي بدي ودعك

سما : ليش ياعمري خيير

ماهر : بكرا رح اعمل العملية رح اعطيا البي

سما(تبكي) : ياربي دخيلك من وين اجت هالمصيبة مابدي افقد حدا فيكن مابدي

بليوم التاني ..

جهزوني وجهزو ملاك للعملية بتزكر اخر الشي اني ضميتا وتطلعت بعيونا بعدين غبت عن الوعي لانه تخدرت من البنج مشان العملية ..

بس صار شي مو متوقعتو ابدا

فتحت عيوني وبلشت فيق وماكنت حاسس ب ايا ألم اتطلعت عالبي مالاقيت في جرح او شي واتطلعت ع ملاك جنبي مالاقيتا قمت صرت اركد متل المجنون

ماهر : امي امي وينا ملاك يا دكتوووور وينكنننن ردووو عليي لك ردوو علييي

دكتور: الله مو كاتبلك تموت

ماهر : يعني لاقيتو متبرع غيري وعملتولا العملية وهية بخير هلء ما هيك

دكتور : للأسف المريضة ملاك توفت قبل ما ناخد البك ونحطلا ياها تأخرنا وقلبا ماتحمل

ماهر (يبكي) : شو هالحكي الحكي مستحيل مستحيلللل ملاك ما ماتت ملاك ما بتموت و بتتركني ملاك وعدتني تبقى كل لعمر جنبي مستحيل يارببييييي

سما : لا بنتي لاااء بدي بنتي بترجاكن لاتخلوها تموت

الدكتور : العمر الكن عملنا كلشي بيطلع ب ايدنااا

فتت وشفتا كانت باردة كتيير وماعم تتحرك حسيت البي مات بلحظتا دموعي تجمعو بعيوني وما كانو ينزلو بلاخر نهرت وصرت ابكي بشدة كان شي صعب عليي كتير اني اتحملوووو

بليوم التاني كنا رح ناخد ملاك وندفنا
بس حتى قبر زورا عليه وابكي واحكيلا اديش اشتقتلا واديش متت ع غيابا ما قدرنا نعملا ..
كانت محترقة غرفة البرادات بلمشفى وحكولنا انو ملاك احترقت وما قدرنا نتعرف علجثث لانو كانو رماد

كيف فيني احكي عن حياة شب كان عايش لحتى يتنفس حب بنت يلي بحبا وبلاخر ماتت وجثتا نحرقت ومابقيلا قبر روح زورا عليه ..
ماعدت رحت علجامعه ولا حاكي حدا اصلا ما كان عندي رفقا كانت ملاك هية رفيقتي وامي وحبيبتي وكلشي بحياتي وراحت مابقيلي حدا من بعداا ..
بقيت عايش عالذكريات .. عزكرياتنا يلي ماتفارق بالي ولا لحظة ملاك اول بنت عاشت ب البي واخر بنت ح تكون فاتت عهالقلب مافاتت قبلا ولا ح يفوت بعدا

بعد مرور سنتين

امي حاولت تطالعني كتير من هيك عيشة كئيبة نصحتني روح ع دكتور نفسي بس مارحت ..

سما : روح ع دكتور نفسي بلكي بتقدر تنساها وتعيش حياتك متل هالشباب ليش هيك عامل بحالك خلص ملاك الله يرحما بعرف صف تنتسى بس لازم تروح لعند الدكتور وتتعالج وتنساهاا

ماهر : امي انا مابدي انساها ولا بدي حب غيرا

سما : مو على كيفك انا اما ومحروق قلبي عليها وعم حاول قويك خلص رحمني ولله شكلك وانت هيك تعبان عم يموتني

ماهر قام ضم امو وصار يبكي

حاولت غير بحالي وارجع اهتم بحالي كرمال امي
ورجعت نزلت علجامعه
اشتهيت شوف ليث وقلو بعدك بدا ياها بعدك بدك التحدي وبدك تربح التحدي ..
بس مالاقيتو ..
بكل زاوية بلجامعة صرت اتزكرا نهرت تماما حطت ايدي عراسي وصرت ابرم بس ماقدرت اصرخ تمالكت اعصابي لحتى بلاخر صرخت بصوت عالي ملاااااااك رجعيلي يا ملاك رجعيلي انا ماعم فيني قاوم هالوجع وقاوم غيابك رجعيلي او خديني لعندك

اجت بنت لعندي كان عيونا خضر وشعرا اسود وقصير لعند كتفا وطويلة شوي ..

..: خير فيك شي

ماهر : لا شكرا

...: اذا بدك فيك تحكيلي وترتاح باينتك كتير تعبان

اتطلعت بعيونا وحبيت احكيلا كنت بحاجه كتتيير لحدا احكيلوو

ماهر : اي ايي تعبان

..: او شي انا اسمي اميرة وانت

ماهر : اسمي ماهر

اميرة : شو يلي متعبك وموصلك لهل حالة

ماهر : تركتني

اميرة : ليش تركتك

ماهر : ماتتت ماتت كنت رح اعطيا البي لحتى تعيش بس ماتت قبل ما تاخد البي كنت ح اعمل العملية من دون ما قلا جهزت حالي للعملية فقت واستغربت اني فقت قلت لازم كون ميت لانو ملاك لازم تكون اخدت البي بس مات

#_اوهمني بوفاته
بقلمي : ميس قباني
الجزء الرابع :

(كنت اود ان تحصل معجزة ونلتقي .. معجزة تردني الى العيش .. انتي معجزة جعلتني اعيش واحيا بها واموت بها ) Mais Qabbani ..


(الحب يسعدنا لحظات ويميتنا لحظات يضحكنا لحظات ويبكينا لحظات .. بكثر شدة حبنا سوف نبكي على الفراق )
Mais Qabbani ..



(عودي لكي تعود البسمه
على وجهي ..
عودي لكي تعود الالوان الى الحياة ..
عودي لكي اعيش انا) ..

Mais Qabbani...


مرقت الايام واميرة اهتماما صرت حسو عم يتحول لاعجاب يعني هية صرت حسا بلشت تحس ب اعجاب او حب مافيني قول شفقة لا لاني انا كنت قوي رغم حزني وقهري والشي يلي مريت فيه لسعتني قويي ومابخلي حدا يشفق عليي !! ..

اي انسان فينا بيقدر يميز النظرات العادية عن نظرات الحب ..
بس انا ما ح اقدر حب غير ملاك ..

اميرة : ماهر ليش عم تعذبني

ماهر : شو عم اعمل انا ليش

اميرة : تجاهلك واهمالك كلووو ولسا عم تقلي شو عم تعمل

ماهر : انا ليش بشو وعدتك

اميرة : ما وعدتني ب شي بس اذا ملاك حرمك منها القدر انت لا تحرمني منك

ماهر : انت بتعرفي اني لا يمكن حب غير ملاك

اميرة : بس انا بحبك بحبك اناا

" كانت صدمة كبيرة انو اميرة تقلي بحبك ..
ماكنت مستعد اني ارجع حب
مافيني حب غير ملاك " ..

ماهر : تطلعي فيني الله خلق هالقلب لحتى يعشق ملاك ملاك وبسسسس

اميرة :شكرا عهالكلام القاسي

ماهر : لك كلااام قااسي شووو
انا عم احكيلك الحقيقة ليش لاضحك عليكي واهمك اني بحبك وانا بحب ملاك

اميرة : لك بس ملاك ماتت خلص ماتت

ماهر : وح ابقى احبا لاموت

اميرة : خليك عم تحبا خلييك خليك بتحب وحدة ميتة

ماهر : ماحدا بدو يفهم انو روحي تعبانه ومحتاجة ملاك لك خلص لابقا تحاولو تفهموني بس حلو عني لعما ولوو

مسكت الدخان وصرت دخن واميرة راحت من دون ماتحكي وفاتت امي لعندي

سما : شيل هالسم من ايدك بئى

ماهر : شو بدك امي كمان بدك انسى ملاك

سما : لك يا امي مابدي تنساها اصلا اذا بتحب غيرا انا ح حس بوجع لانو ح اتخيل بنتي مكانا بس خلص ملاك راحت حاول تنسى لك لا تنساها خلص بس اميرة بتحبك عطيا فرصة طلاع مشاوير معا بتغير جو وبتتسلو ويمكن تحبا وتقدر تطلع من كل هالجو الكئيب هاد

ماهر : طيب

اميرة : الله يرضى عليك

(اميرة)
رحت ع غرفتي ضميت صورة بنتي وصرت ابكي
بنتي ملاك انتي ليش تركتي امك وينك يا وحيدتي
البي عم يقلي رح ترجعي
عقلي ماعم يقدر يسدق انك متي ..
حياتي يمكن كانت اصعب من حياة ماهر
اذا هو فقد حبيبتو ف انا فقدت بنتي الوحيدة ..
.
.

#_برأيكم مين بحس الفراق اصعب امها ولا ماهر حبيبا ؟؟

بعد مرور اسبوعين ..

ماهر : الو كيف اميرة

اميرة : اهلين منيحه وانت

ماهر : بدي نطلع مشوار

اميرة: معناتا صرت احسن

ماهر : هيك شي بس مابعرف وين بيتك لحتى اجي اخدك

اميرة : اة لا لاء ااننا بجي لعندك لا تجي انت

ماهر : طيب اوك

اميرة سكرت موبايلا وتنهدت

اميرة : هووف قال يجي هوى بس اجا هوى يعني عرفني مين انااا هوف ياربي ..

_____________

سما : اهلين بنتي تفضلي

اميرة : كيفك خالتو

سما : الحمدلله بنتي

ماهر : اهلين اميرة يلا مشي

ماهر : باي ماما

سما : الله معك روحي
.
.
.
اميرة : وين ننروح

ماهر : ننقعد ع جبل ونحكي شوي

اميرة : ياسلاام مواااافقة

ماهر : فرحتي اميرة ؟

اميرة : انا معك يعني اكيد انا فرحانه

ماهر : دوم فرحانه ان شاء الله

اميرة (ابتسمت ابتسامه ناعمة)

ماهر : ها وصلنا تفضلي نزلي

نزلنا واعدنا وصرنا نتأمل المنظر كان كتير حلووو
الشمس كانت عم تبلش تغيب والقمر عم يبلش يضويي الدني والنجوم ح تبلش تلمع بلسما ..
وتنيناتنا ساكتين ..

اميرة (بنعومة) : ماااهر انتي التلي انو جايين لنحكي ما جايين لنسكت ماا هييك ..

ماهر : اها ايي عفوا سردت شوي

اميرة مسكت ايدي ماهر وابتسمت وحكتلو ..

اميرة : ماهر بعرف مابدك ياني امسك ايدي بس خليني ماسكتا بحس بلامان لما بمسك ايدك

ماهر (غص وحكا بقلبو ملاكي سامحيني بس لاني قلبي مكسور ماعم اسخى اكسر قلبا )

ماهر : ماشي

اميرة ( ابتسمت ) : عم تبلش تنساها

ماهر : بدك كذب ولا صدق

اميرة : الكذب يلي ح يفرحني بس الصدق ح يوجعني ماهيك

ماهر : تمامآ

اميرة : معناتا ما نسيتا

ماهر :هئ ولا بدي انساهااا

اميرة : طيب انا شوو ذنبي انا تعبت ياربب

ماهر : اميرة لا تبكي بترجاكي ما بسخى شوف دموعك انتي بتعرفي قصتي وانتي باراداتك حبيتيني

اميرة : ماهر اذا فيني كان وقف قلبي عن اني حبك معناتا انت فيك توقف قلبك عن حب ملاك ماهيك

ماهر : اكيد مافيكي ولا فيني

اميرة : انت مافيك تحب غير ملاك ماهيك ولا يمكن تجي بنت وتنسيك ملاك ماهيك

ماهر : اي اكيد

اميرة: طيب معناتا خلينا نتزوج وخليك عم تحب ملاك مابهمني ملاك وحدة ماتت وما ح اغار منا بما انك مافيك تحب غيرا ف حققلي حلمي قبل ماموت

ماهر : فاجئتيني لك صدمتيني انتي

اميرة : انا ح موت انا ماباقي بعمري

#_اوهمني بوفاته
بقلمي : ميس قباني
الجزء الخامس :
.
.
.

حكينا انا واميرة والتلا انو انا مارح اتزوجها لاني بحب ملاك واذا هية ح تموت ف هاد مابيعني اني حققلا حلما ..
وهية قالتلي خلص بس خلينا سوا ولا تتركني ..

اميرة : ماهر انا بدي قوم احكي اتصال واجي

ماهر : خدي راحتك

قامت اميرة تحكي اتصال وانا سمعت صوتا عم تبكي
قمت لشوفا شبا
كنت بدي اسالا شبك بس سكتت لما استغربت من شكلا لما كانت حاطه ايدا علتلفون وتما لحتى مايطلع الصوت عالي وكانت عم تبكي ..

اميرة : لك سدقني ماعاد اقدر اتحمل ايي ايي تعبت حاج تهدد عميل يلي بدك ياه بدك تموتني بدك تحرقني خلص انا ماعاد قادرة اتحمل شوفتو عم يتعذب ادامي لك انت شووو ماافيك احساس
وصارت تضرب عرجلا وتبكي
لك خلص هوى مابدو يتزوجني وانا مالي مريضة سرطان منيح سدق هالكذبه
وصارت تبكي اكتر والتفتت ولاقتني واقف ومتكتف وبارم تمي ع جنب ورافع حاجبي ..

اميرة : ممماااهررر

ماهر : كملي حكي خدي راحتك

اميرة : انا بدي رووح

ماهر : لووين تروحيي مو قبل ما افهم كلشيييي

اميرة : خالتووو سماااا ياخالتووو


سما : لك شووفي

اميرة : اليلو يتركني بدي رووح

ماهر : ولك مو قبل ماتحكي كلشي وبهالحظة وتقليلي مين يلي كان عم يحكي معك وليش عم يهددك وليش كذبتي وقلتي انك مريضة سرطان لك انتي عم تضحكي عليي وليييك

اميرة : ولله ولله انجبرت بس انا حبيتك ايي حبيتك من كل البي

سما : لك شو عم يصير ابني تركا حاج تشد ع ايدا وخليا ترووح

ماهر : لااا بدي اعرف كلشييي

اميرة : اذا حكيتلك يعني انا رح موووت

ماهر : ليش تمووتي

اميرة : مممملاك

ماهر : شباااا ملااكككك

اميرة : ععايششة

ماهر : شوووووووو (صرت ابكي واضحك ) ملاك عايشة يا حقيرة وكنتي تسوفيني عم اتعذب وما تحكيلي انها عايشة ولك الله يلعنك ويلعن امثالك


سما : شو بنتي عاييشة وينا وينا بنتي

اميرة (تبكي) : ....

ماهر : ولك احككييييي تعبت اعصابي احكييي لا تجننيني

اميرة : رح احكي رح احكي

سما : احكي ببوس ايدك وينا بنتي

ماهر : تبوسي ايدا لك ولله لبوسا اجري

سما : سكوت ابني خليا تحكي

اميرة :

"قبل سنتين وشوي "

اجا لعندي ليث وحكالي
_________________

ليث : بتعرفي شوو

اميرة : شووو خير

ليث : في بنت دخلت انا واحد تحدي ب انو لنشوف مين بيقدر ياخدها بس هية بتحبو وهو ما انو فايت بتحدي كيف بدي قلك بس انو انا تحديتو انو بدي اخدها وخليا تحبني وهو تحداني واني مابقدر

اميرة : يااا سلاام لك تركهن بحبو بعض وخلصنا

ليث : هية كتير وقحة وقوية مابدي اسكتلن بدي خلين يعرفو مين ليث ههههه

اميرة : هههههههه وشو مفكر تعملل

ليث : اصدك شو مفكر نعمل بس اول شي رح اعمل اناااا بعدا بجي دووورك

اميرة : ييي ليش ل تفوتني بهالشغلة خلص تركني لا مابدي كل مرة بتفوتني بمصيبة شكل

ليث : شووو شكلك بدك تعرفي انتي كمان مين ليييث

اميرة : شو بدك تعمل فيني مثلاا

ليث : بكل بساطة بخبرو لابن عمك انتي وينك مو انتي هربتي لانك مابدك تتزوجيه وهلء بخبرو وينك وهو بحدد يا بياخدك وبيتزوجك يا اما بيقتلك ههههههه

اميرة : خلص رح اعمل يلي بدك ياه

ليث :اها شطوورة ايي هاا هيك بعررفك

اميرة : بس شو بيضمنلي ماتبقى تهددني ب انك تخبر ابن عمي ع مكاني

ليث : انتي بتعرفي ليث لما بيوعد وانا بوعدك انو بعد هالشغلة ما عود هددك ولا حتى شوفك

اميرة : OK

ليث : هلء بدي اسالك

اميرة : شو

ليث : اوووه خطرتلي فكرة جهنمية

اميرة : لك شووو احكي بئى ليث

ليث : هلء الانسان مابيقدر يعيش بلا قلب ههه والسيد العشقان ماهر لما بيعرف انو حبيبتو رح تموت وقلبا رح يوقف قلبا رح يعطيا قلبو هههه

اميرة : وهيك بيعطيا قلبو وبموت وبتصير انت بتحاول تخليا تحبك بس شو بيضمنلك انو تحبك بجوز هيك رح تحبو اكتتتر

ليث : هههه دبة وغبية
هية مافيا شي اساسااا هي كلا لعبة مني وانا مابدي ياه يموت بدي ياه يعيش لحتى قلو ربحت التحدي وخليه يعرف مين ليييث

اميرة : يمووو انتت صاير عم تخوفني منك

ليث : هههههه لا تخافي ما بضرك انتي بس لازم تخدميني

اميرة : طيب شو لازم اعمل انا

ليث : لسا ما اجا دوررك

اميرة : طيب كمل

ليث : الخطة كلا مدروسه منيح

اميرة : حلووو

ليث : اول شي سمعي
لازم خلي يلي بساوي قهوة بمقهى الجامعه يحطلا شي يخليا تدوخ وتتعب وبعدين ماهر رح ينقلا عالمشفى ..
والدكتور بكون رفيقي ..
رفيقي رح يقلن انو هية قلبا تعبان وماهر وانا متاكد رح يعطيا قلبا رح خليهن يخلو يضلو عم يعطو ملاك دوا منوم لحتى يقول ماهر انو هو رح يتبرع بقلبو لملاك ..
وهون بقى بجهزون للعملية بيعطو دوا منوم لماهر وماهر بس فاق رح يلاقي حالي عايش رح يستغرب كيف هو عايش
ماهيك

اميرة : اي صح

ليث : ورح يقوم يسال عنا صحح

اميرة : صحح

ليث : والدكتور رح يقلو انو ماتت قبل ما ياخدو قلبو وماهر رح يروح يشوفا رح يشوف ملاك ع اساس ميتة بس هية كمان عاطينا دوا منوم

اميرة :

#_اوهمني بوفاته
بقلمي :ميس قباني
الجزء السادس الاخير :
.
.
.
ماهر : قومي اتصلي فيه واحكيلو انو بكرا ح يكون عرسنا مافيني استنى اكتر انتظار ملاك

اميرة : الو كيفك ليث

ليث : ليش هيك سكرتي من شوي شغلتي بالي

اميرة : لك كان عم يندهلي خفت قمت سكرت وحزير شوو قلي

ليث : يلا منيح ما سمعك كان فشلت خطتنا قربت تخلص شوو قلك

اميرة : لك هو عم يبلش يحبني وبدو يساوي العرس

ليث : ههههه كويييس يعني هيك بضمن انو صار يحبك الك وملاك نسيها وهية رح تنصدم لما تشوفو بعرسو ورح توافق وقتا عليي انو نتزوج ههههه

اميرة : ييي ولله كل فكري انو انتو تزوجتو

ليث : يخرب بيتا ليش وافقت هلكتني وما كانت توافق انو نكتب كتابنا ونتزوج بس معلليش بعد شوفة عرس حبيبا رح توافق عليي ..

اميرة : يلا لازم سكر بدنا نجهز تجهيزات العرس

ليث : هههه الله معك

***********

ماهر : حقير كلب واااطي وانتي احقر منووو ولله لحاسبكن انتي ووالووو

اميرة : كرمال الله لا تحاسبني هي عم رجعكن لبعض انا كنت خايفة منو ولله سامحني

ماهر : لك قلبك حجررر ماشفتيني كيف عم موت وصرخ وقول ملاك وملاك وملاككك وقلك اني بحباااااا

اميرة : وانا حبيتك لهيك ماخبرتك انها عايشة

ماهر : لك لو حبيتيني كنتي التيلي كنتي خبرتيني انها عايشة ياررربي قلوبكم حجررر

اميرة : رح تسامحني اذا ساعدتك

ماهر : مارح سامحك بس مارح عاقبك

ماهر : امي هي لازم ماتخليها تحكي من ايا تلفون مع ايا حداااا ومابتخليا تطلع من البيت نهائيااا

سما : ليش ابني

ماهر : لاني مالي مأمنلا

سما : طيب مااشي

راحت اميرة ع غير غرفة تسطحت ونامت

ماهر : يارب دخيلك الف حمد وشكر لالك مالي مسدء رح التقي بملاك ملاك عايشة ماما

سما : اي عايشة ياروحي رح ترجع وتعيش معنا

ماهر : ماما عجب كيف عاشت هالسنتين هالكلب عجب زعجها بشيء

سما : مابظن ماسمعت كيف كان عم يقلا انو عم يطلب منا يتزوجو وهية ماعم تقبل

ماهر : لك دخيل البا شو بحبااا

سما : الله يرجعكن لبعض يارووحيي

ماهر : ماما انا فرحان كتتير حسيت حالي كنت ميت وعشتت هلء من جديد

______________

ماهر : فوتي فيقيا رح ساوي العرس بمزرعة استأجرتا فيقيا واليلا تلبس هي البدلة

سما : يلا روحي رح فيقا

اميرة : بس ليش جايب بدلتين ايا بدلة رح البس

ماهر : هاتي هي البدلة مو الك

اميرة : لكان لمين

ماهر : مالا شغلتك


جهزت اميرة وماهر لبس بدلتو وهو عم يضحك ويلي بشوفو فعلا بفكروه عريس وكان مساوي عرسو بفيلا بتجنن

اميرة : بس مافي معازيم وينن

ماهر : ماهلء وقتن يجو

دقيلو واتصلي فيه وساليه ايمتا جايين

اميرة : سالتو قال رايحين يصلو

*************

ليث : شوو حبيب القلب قال اليوم عرسوو

ملاك (عم تمسح دمعة عينا ): معقول نسيني

ليث : لو ما نساكي ماكان اليوم عرسووو ليكي صورو اديش مبسوطط بعتتلو صورو عاروستوو

ملاك (تبكي) : ....

ليث : لك حاج تبكي حااج انا رح اخطبك ونتزوج هي هوى رح يتزوووج

ملاك : حاج تعيط بترجاااك

ليث : وصلنا تفضلي نزلي

ملاك (مشيت خطواتي وكانو رجليي عم يرجفوو حبيبي عرسو اليوم وانا كنت مفكرتو ميت ) ...

ماهر طار عقلو وقت شافا وركد لعندا وضما ..

ملاك (تبكي) : ليش عم تضمني بعد عنيي (بنفسا : شو شتقت لريحتك ياعمري ) ..
روح ضم عروستك

ماهر : لا عروستي ولا شي هي خطة لحتى اقدر رجعك هلء رح تعرفي كلشي

ملاك : اي ياحقير يا ليث تفضل هاد هو العرس يلي عم تحكي عنو وهي رجعت لحبيبي تفضل رجاع خدني لشوف كيف رح تقدر تبعدنا هالمرة

ليث : شوو عم يصير

اميرة : حكيت كلشي

ليث : ولله لاحرقك يا اميرة

ماهر : مارح تلحق هاا وهي الشرطه وصلت

( اميرة كانت بتعرف كتير شغلات خطيرة عن ليث متل مخدرات وقتل وعندا اثباتات بس ماكانت مابتقدر تحكي للشرطه كانت تخاف بس ماهر اخدا وراحو عالشرطه وحكو كلشي وقدنو اثباتاتن وخدوه ل ليث وحبسوه بعدة تهم ) ..

ماهر : اي اميرة البدلة التانية يلي اخترتا هية لحبيبة االبي ملاك وهلء انتي صار فيكي تروحي

اميرة مسحت دمعتا شايفة الشخص يلي دمرتو ويلي حبتو اليوم عرسو تركت ومشت ..

ملاك : اشتقتلك يا امييي اشتقتلك

سما(تبكي) : اشتقتلك ياروحي اخخ يابنتي متت عغياابك

ماهر : خلص هوووس ماعاد في بكي من اليوم
ختاري ملاك بدك عرسنا اليوم ولا بكرا

ملاك: ههه بكرا

ماهر : طيب متل مابدك

سما : تعي امي حكيلنا شوو صار معك

نزلت ملاك كنزتا عن مكان القلب وحكتلن شوفو كيف في جرح هون

ماهر : شوو هاد ملاك

ملاك : حكالي انو انت عطيتني البك ومتت وكان جارحيلي مكان البي هيك شي سدق هالكذبه واهمني بوفاتك ب انو قلبي تعب فجأة وانت عطيتني البك وامي ماتحملت هالصدمة واجتا جلطة وتوفت
وكان معيشني مع ستو ستو كتير انسانه منيحة وكنت دائما اشكيلا وابكي واحكيلا عنك وعن امي
وقلي لما لاقاني مابقيلي حدا اخدني لعندو وكتير حاول يضغط عليي ويقلي بحبني وبدو يتزوجني وانا ما كنت اقبل
(تبكي)