#أحلام_مسروقة
@rwayate
‏الجزء الاول

#منال:- ليش هلاء جيت تذكرني بالماضي، انت انسان بلا مشاعر ، جاي تبكي على اعتابي تقلي بعد هالعمر انك غلطان وندمان هه،تركتني ربي بنات اتنين لحالي لامعيل عندي.لك وقفت بيع خبز بالشوارع كرمال عيشهن وكبرهن...لازم تعرف انك انسان بلا ضمير وانت بحياة بناتك انتهيت...هني اساسا مابيعرفوك مسحتك من ذاكرتهن، فيك تروح هلاء الله معك..لاترجع ادق بابي من تاني انا بكرهك وبحتقرك انقلع يالا

#عبد :-منال بس اسمعيني دخيلك..

#منال:-شو بدك اسمع ..انو حبيبتك اللي تركت بيتك كرمالها باعتك...ولا خلص اخدت اللي قدامك وراك ورمتك لترجع لماضيك..

#عبد :-سحر ماتت..

#منال:- اي شو هالكذبة الجديدة حبيبتك ماتت..شو جاي تستعطفني.. بتفكرني غبية زمانك..

#عبد:- منال بدي شوف بناتي مشتاق اشوفهن...

#منال:- ماحلمت عبد ...يالا الله معك...

#جمانة :- امي مين على الباب ...مين عندك..

#منال:- ماحد امي هاد يلي بياخد الزبالة..اعطيتو خرجية...
ارجينا عرض كتافك عبد...ولاتحاول ترجع لهون...

#جمانة :- امي ليش بتبكي...

#منال:- اختك منيحة صارت ولا بعدها عم تعيط وتصارخ ...

#جمانة :- بالعافية يامو نامت..قليلي شو رح نعمل معها..

#منال:- خليني بحالي مابعرف شلون هالمصايب عم تجي...وين كنت انا عنها ..مغيبة عن الدنيا مين بنت الحرام يلي عملت فيها هيك..لك بنتي تصل لهالمرحلة...

#جمانة :- مرام امي غلطت وهلاء مارح ينفع البكي ولا اللوم بدنا نلاقي صرفة لحالتها ...لازم نعرف البنت يلي خلتها مدمنة هيك ووصلتها لهالمرحلة..

#منال:- اذا على الادمان يامو بقدر ساعدها..بس اختك سحاقية عارفة شووو يعني هالشي لا شرع ولا دين ولا مجتمع ولا حتى النفس البشرية بتقبل بالشواذ هاد.... بنت بعدها 15 سنة وصلت لهاي المرحلة ...اسمعي الحقيني فوووق ...

#جمانة :- امي شو رح تعملي خبريني...امي ...امي ..

#منال :- فيقي فيقي لاشوووف هي هي قووومي ...مين هي يلي عملت معك هيك.....قولي ..مين هي نور الشمس ..

#مرام :- 😭😭 امي بترجاكي انا غلطت ...خلص لاتضربيني اي اي خلص امي ..

#منال:- لك انتي مابتعرفي شو عملتي خبريني كل شي هلاء هلاء بدي اسما وعنوانا وبنت مين بتكون..وكيف وصلت لالك..لحسن ورب الكون مقتلك على ايدي اليوم...لك انتي قتلتيني ..لك انا الموت ارحم لالي..بناتي اللي ضيعت عمري عليهم هيك يعملو فيني..قولي قولي..

#جمانة :-امي حاجي تضربيها رح تحكي خلص سبيها ...

#مرام :-خلص رح قول والله رح قول. ...

#منال :- كل شي من وقت ما اتعرفتي عليها على الفيس لوقت ماعملت فيكي يلي عملتو..وشو اسما وكم عمرا...وبنت مين ومن وين قولي قبل لاخلص على عمرك...

#جمانة :- رح تحكي امي اتركي رقبتها رح تنخنق وتموت...

#مرام :- اووح اووح...حاضر والله حاضر..هي كانت تقلي اسمها نور بس انا عرفت اسمها غير هي اسمها رجاء عيد ساكنة بحارة المسالمين. وعمرها 32 ..

#منال :-عمرها 32 ...الله ياخدها امين ...كملي كملي انا صابرة لهلاء ..

#مرام :- انتي من جبتي لالي الموبايل ضفونا بنات على قروب اعترافات ستات..وانا ماكنت بعرف شي كانو ينزلو منشورات عن الحياة الزوجية..وانا علقت يومها على اساس اني بنت متزوجة...

على الفيس..
ن
#نور الشمس :- مرحبا حبيبتي انا شفت تعليقك ويبدو انك عروس جديدة لان صورتك باينة انك بنت صغيرة ...ماشاء الله عليكي ..بس سدقيني انا كنت متزوجة وطلقتو لان ماكنت بطيقو ولابطيق ريحتو...عانيت معو اساسا الرجال كلاب وخونة...

((انا يومها استلطفت حديثها لان كان جديد عليه..وعجبني الغرور اللي ملأ فيني وقتها اني صبية صغيرة وست بعمرها عم تسمع لالي ...ويوم عن يوم صارت تحكيلي عن حياتها مع زوجها ..وانا اوقات اخجل من كلامها ..بس اصير اتصفح مواقع لاحسن رد عليها وبلشت اثقف يوم عن يوم عن هيك مواضيع حساسة..

#نور الشمس :-تعرفي الحديث معك اعجبني ..شو رايك تجي تشربي قهوة عندي..لان الحكي مع بنت مثقفة متلك لا يمل ولانك صغيرة عم حس انك عم ترجعي لالي عمري اللي مضى...

((وانا بلا منازع وافقت ورحت لعندا على البيت اول مافتت حسيت بخوف لان البيت اشبه بالفارغ ..بس غرفة نوم وصوفاية ..وطاولة اكل...استقبلتني نور اللي وقتها كانت لابسة كنزة بطنها باين وشرط قصير..هالشي حسسني بالخجل ..وكنت نفسي ارجع بسرعة على البيت...وهالمرة مرقت على خير...المرة التانية هي عزمتني على غدا برا البيت كانت عم تصرف مصاريف خير الله ...وهي يلي كانت تشتري لالي التياب واقلك من رفيقتي بالمدرسة كنت ازعل من اكذب عليكي بس الاغراءات يلي كانت تعملها لالي كانت عم تسحر عقلي فيها وتجرني لالها بطريقتها...

#نور الشمس :- ميمو شو رأيك تمري لعندي على البيت ..في شوية تياب جايبتن لعروس وبدي اخد رأيك فيهن...

((انطلقت ل

عندا على البيت ومثل العادة كنت قلك رايحة ادرس عند رفيقتي .. ووصلت البيت وبلشت ضحكاتنا العالية لان صرت اخذ عليها.. ورغم عمرها كنت احس

#أحلام_مسروقة
انتهت
@rwayate
9_>17
الجزء التاسع ..
((وقعت القهوة من ايدي...انفاسي وقفت..غصة بتحرق بالقلب..اتسطحت جنب باب المطبخ ..لفيت ايدي حوالي وحضنت حالي كان الخوف مليني اول مرة اشعر بالضعف هاد ..محتاجة حد اقوى مني ومن امي..حد يطبطب على كتفي ويقلي كسرت خاطرك مارح تمرق بسهولة هيك..شو عملت تيسير..وليش هيك انا شو ذنبي ...

#منال :- جمانة حبيبي، يابنت وينك...ليش القهوة مكبوبة هيك بنتي ...جمانة ليش متسطحة هون امي قومي اسم الله عليكي صاير معك شي حبيبتي..لاتخوفيني دخيل قلبك..ماني قدر احمل شي جديد..

#جمانة :-احساسي بمكانو امي شفتو تيسير مثل ماقلت لالك..

#منال:-شو شفتي حبيبتي فهميني دخيل عينك ..

#جمانة :- اتصل على تلفون رفيف وفتحت كاميرا وشفتو..جوزي اتزوج علي حقيقي..

#منال:- حسبي الله ونعم الوكيل..شوفي امي بدي اياكي تقومي على حيلك وماتعيشي اللي عشتو انا..ولاتكرري غلطي..اللي صار صار والدنيا مستحيل ماتوقف على حد ..قومي مالازم نبين قدام رفيف انو نحن عيلة ضعيفة..هي بتعرف انو جوز بنتا جوز بنتي..ورغم هيك بعدها واقفة معنا ..المرا ماعليها شي ..

#رفيف :- لا عليه ام جمانة..

#منال:-رفيف..

#رفيف :-اسمعت حديثك..بس سدقيني يلي عرفتو انو زوجتو مطلقها هيك خبرنا ..وبنتي بتحبو لانها كانت تشتغل معو..رغم اني رفضتو لانو مطلق بس بنتي اصرت عليه..اسمعيني بنتي جمانة..انا هون مع امك كرمال ساعدكن.مافيني اعمل شي بالنسبة لتيسير..مافيني اكسر خاطر بنتي واقلها انو تيسير بعدو متزوج...انانية بعرف..انتي كمان متل بنتي بس سدقيني هي مالها ذنب.وانا تصرفي مع تيسير رح يكون غير هيك..قومي غسلي وجهك وخلينا نحكي..

#منال:-قومي يامو حبيبتي ،حاجتك تبكي الدنيا مابتوقف على رجال .

#رفيف :-رح انطركن بالصالة واذا مخنوقين مني بروح ...

#منال:- لا حبيبتي انتي مالك ذنب ..

#رفيف :-رح انطر بالصالة ..

#جمانة :- امي انا ليش حظي هيك ، بالجامعة وماقدرت ادرس وزواج ومانجحت فيه..وحاملة هموم فوق طاقتي ..وسرقة واتهموني وخيانة وشفت..

#منال:- الا يجي يوم والدنيا تنصفنا، انتي يلي حاسة فيه انا عم حس فيه وعارف شو بدور حواليكي وحاسة بكمية الالم مو مشان انا جربت نفس الشي مشان انا امك ، تيسير شخص من البداية ماكان معك ومن خطبك كرمال امو ..رغم انو بيملك مصاري وبيوت بس اصرت امو تعيشك عندها بغرفة..وهو اساسا ماكنتي بتشوفيه بالاسابيع ودائما بحجة شغل وليكها رفيف اعترفت كان يحب بنتها .. يعني الله ماكاتب لالك نصيب ..الحمد لله انو هلاء مامعك اولاد كان عشتي متعوسة طول عمرك..احنا على كل الحالات هالمخلوق مابدنا اياه وهاي فرصة ليطلقك وتشوفي حياتك..

#جمانة :-انا امي مو مشان زوجي وحب..

#منال:- انا بعرفك مشان كرامتك عم تنخز عليكي..اذا يا نبض هالقلب ماعرفت انا شو جواتك مين بدو يعرف..بعدين مالي رفيقة غيرك بالدنيا هاي ..اذا انتي ضعفتي مين رح يوقف معي لنقدر نطلع المصيبة اختك من يلي فيه..انا بحاجتك وبحاجة رفيف.وبدنا نتحمل امي..

((حكي امي شوي روق اعصابي بس ماطفى النار يلي بقلبي يمكن نظرتي تغيرت بعدها صار ماعندي اي ثقة برجال على الارض اذا ابي كان اول شخص وهان عليه يغدر امي ويخونها ويتركنا ..شو كان رح يترك لتيسير الدنيا مابقي فيها امان..بقيت طول الجلسة وانا سرحانة وعم فكر بحالي وبحال اختي وامي..لو صفيتو امهات الكون ماكنت رح شوف امي قوية مثلها رغم كل شي عم تشوفوا بعدها صابرة وقوية وعم تكافح لحالها...مرق اول يوم على خير ..والثاني ...بس نظرتي لاختي تغيرت حسيتها مو مثلنا انا وامي ..احزنت على حالها اللي ب ينشفق عليه ..سنها الصغير والضياع يلي هي فيه ماكان بإيدها يمكن فترة المراهقة لالها كانت فترة زواجي بعدتني

عنها وغير هيك بحكم انشغال امي الدائم وشعورها بالوحدة ومافي مراقبة لالها كانت كلها اسباب للي وصلت هي للي فيه...

#جمانة :-صباح الخير امي..

#منال:-صباح النور ياقلبي وين رايحة..

#جمانة :- رايحة مشوار مع رفيقة لالي قالت في شغل بمؤسسة خيرية على توزيع المونات للمحتاجين يمكن تزبط معي واشتغل..

#منال:-لشو امي مانة بحاجة وبعدين انا بشتغل..

#جمانة :-امي انا سمعتك امبارح وانتي بتحكي مع صاحبة الشغل لانك صرلك فترة مارحتي فصلتك منو ..لهيك امي انتي انتبهي على اختي هالفترة هي بحاجتك..

#منال:- طمنيني شو بصير معك..

#جمانة :- ان شاء الله حبيبتي ..

.. ... ... ... ... ..............

عند موقف السيارات..

#هيثم :-صباح الخير ..

#جمانة :-صباح النور بس اسفة ماعرفتك..

#هيثم :-مانك متذكرتيني..

#جمانة :-بصراحة هالوجه مارق عليه بس مابعرف وين..

#هيثم :-انا موصل البيتزا كيفها اختك منيحة..

#جمانة :- اها اهلا وسهلا فيك اي منيحة ..الحمد لله..

#هيثم :-انا ساكن قبالكن..انتو بخير محتاجين شي..

#جمانة :-تسلم الحمد لله مامحتاجين شي ..شكرا على السؤال .

#هيثم :-العفو منك امي من فترة حابة تمر لعندك تتعرف عليكن .

#أحلام_مسروقة
انتهت القصة
@rwayate

#تيسر :-لحظة مرت عمي اسمعي..

#منال:-مافي لالك مرت عم..

#تيسير :-انا بدي رجع مرتي..

#منال:- شو طلقت بنت رفيف..

#تيسير :-لاء بس بدي رجع جمانة بدون ماتعرف رفيف..

#منال:-واو بدك تضرب حجرين في واحد وفكرك بنتي بتوافق..

#تيسير :-انا بعرف اني ظلمتها بس والله مو ذنبي ..وانا رح عوضها عن كل شي هي بدها اياه ورح اتأجر لالها بيت خارجي ..

#جمانة :- ضحكتني ..امي دقي على رفيف خبريها بجديد جوز بنتها..

#منال :-هيك قولتك فكرة والله..

#تيسير:-لا لا تتصلي عليها .. شو يلي بدكن اياه انا جاهز..

#منال:- اطلق ياسمين..

#تيسير :-مافيني مابقدر..

#منال :-يبقا اطلق بنتي جمانة ..واذا مابدك اطلقها انا بعرف طلقها بالشرع وبالدين ..وحقها ومابدنا اياه ومن يسألنا القاضي ليش بدكن اطلقوها بدي قلو لان اخت جوزها كانت تسرقو واتهم بنتي واتزوج عليها غير الحرمان يلي كان معيشها فيه وهيك رح يقولو تيسير ابو جبالة مرتو خلعتو وتصير السمعة لاحقتك وين مارحت..

(( من كلام امي تيسير مارد عليها طلع وهو معصب من البيت ..ومامرق يومين الا ورقة طلاقي واصلتني ..بس هالمرة مع المحامي ...

#المحامي :- اتفضلي ورقة طلاق جمانة..بس في عندي خبر انو لازم تخلو البيت خلال اسبوع ..

#منال:-ليش بيتي هاد..

#المحامي :-وصلتني ورقة تنازل وتوكيل من مرام بنتك لابوها بالبيت وبقطعة ارض لالها..

#جمانة :-امي شلون طلع الحكم لالهن واحنا رافعين قضية لانهن غصبو اختي وقصوا اصبعتا..

#المحامي:- القضية لسه ماشية بس الحكم لالهن طلع ولازم تسلموه وانا عملت طعن وقدمتو للمحكمة مع الادلة واقوال مرام..بس املاك جمانة كلها موجودة مثل ماهي ..

#جمانة :-شو امي..

#منال:-حربي بلشت مع عبد واخواتو..

#جمانة :- موبايلي بدق هاي رفيف الو اي خالة رفيف ...امي مشغولة شوي ..امي بدها اياكي ضروري..

#منال:-الووو اي رفيف كيفك حبيبتي ..

#رفيف :-عرفتي شو صار..

#منال:-شو رعبتيني قولي شو صار..

#رفيف :- تيسير حرق وجه رجاء بمية ناار 😲..

#منال:-جد امتى هالحكي ..

#رفيف :-اليوم الصبح .ورجاء عندي بالبيت جايبها تيسير داويها ..مو عرفاني شو ساوي ناقصني مصايب..وليش جايبها لالي ماعرفاني رح جن
..

#منال:-رح اجي وجيب مرام معي ...

#رفيف :- عم يهددها يامقتلها يا اما تطلع صور اختو..والمصيبة رجاء بتحكي انو الصور مو معها مع عالم اكبر منها ومافيها تحصل عليهن..وفضحتني عم تصرخ من الالم وتيسير عم يعذبها حتى مخدر مابقبل اعطيها..خايفة على صوتها تجي الشرطة..

#منال:-والله كنت مفكرتوا ضعيف شخصية هالتيسير بس خير ماعمل..والله يارجاء لاقلبك اشلعو بإيدي متل ماشلعتي قلبي على بنتي قفلي قفلي جاييتك رفيف جايتك..

..الجزء التاسع عشرين..

#جمانة :-امي بدي اجي معك..

#مرام :-دخيلك امي بخاف لاتخليني رووح..

#منال:-جمانة انتي امي خليكي هون مرام امشي معي ..

#مرام :-طيب خلي جمانة تروح ..الله يخليكي ماما ..بخاف منها رجاء لاتخليني شوفا..

#جمانة :-خلص امي بروح معها حرام..

#منال:-طيب خلصو بسرعة البسوو..طفوا انارة البيت وخلينا نطلع بسرعة..

على الطريق ...

#منال:-امي والله مابصيير تطلعي انتي بالعدة وهالشي حرام..

#جمانة :-بس هالمرة امي مطريين...

#منال:-بصراحة رح تتحملي اتشوفي ياسمين..

#جمانة :-ليش ما اتحمل هي مابتعني لالي شي ..شو اعملا ..

#منال:-طيب الله كريم ..مرام امي ليش بترجفي..

#مرام :-خلينا امي نرجع..

#جمانة :-اختي لاتخافي .. انا وامي معك مارح نسيبك...

((وصلنا البيت اللي كان معجووق بالناس ..شيوخ اثنين ..وامرأتين منقبات ورفيف وتيسير ورهف وامها ..وامي واختي مرام...اما ياسمين فما كانت موجودة ولا احد من اولادها لرفيف...مثل يلي كانو ناطرين امي.

#منال:-السلام عليكم

#الشيخ عبد الرحمن :-وعليكم السلام ورحمة الله وبركاتة اتفضلي اختي ام جمانة نحنا في انتظارك..

#رفيف :-فوتي اختي..

#منال:-مين هادول..

#رفيف :-النسوان بكونوا بنات عمها لرجاء..والشيخ سامي والشيخ عبد الرحمن من عيلتها..

#منال:-وين هي هاي رجاء..وليش مجتمعين

#رفيف :-بالغرفة.. تيسير بلغ عيلتها ولان مالها حد هون اجو بنات عمها ستات كبار باين عليهن بنات محترمات. بدهن يقيم
و عليها الحد ..

#منال:-يالطيف شو بتقولي .

#رفيف :-مابدي خوفك بس الظاهر على رهفه ومرام..

#منال:-ياربي ياربي شو بتحكي يارفيف..
وتيسير عرف كمان في بنتي ..

#رفيف :- اي خبرتوا وزعل مسكين ..هلاء بتسمعي من الشيخ ..تيسير قلو يتفضل يبلش..

#تيسير :-اتفضل شيخ عبد الرحمن نحنا بنسمعك..

#الشيخ عبد الرحمن :-

الحمد الله رب العالمين والصلاة والسلام على سيدنا محمد الصادق الوعد الأمين، اللهم لا علم لنا إلا ما علمتنا إنك أنت العليم الحكيم، اللهم علمنا ما ينفعنا وانفعنا بما علمتنا وزدنا علماً، وأرنا الحق حقاً وارزقنا إتباعه