قصة اليوم: #أخت_رجال
.............
قراءة ممتعة🦋💙"
#ⴅÂÐЄĦÂ

#قصة #أخت_رجال
للكاتبة:#مايا_الحجازي
القسم الأول
حصري✌🏻 #كروب_قصص_مايا_الحجازي
الحرية راحة النفس الطمأنينة والحب الاهتمام الخوف نعمه من ربنا حلو الواحد يكون مسؤول عن نفسو وحر بحياتو وحلوة الراحة النفسيه والحب طاقة ايجابية الاهتمام بيحسسنا بوجودنا والخوف غريزة بكل أنسان طبيعي
بس كل شي زايد عن حدو بيئلب ضدو
مع انو انا كبرت وتخرجت من كلية الحقوق وصار عمري 24 سنه بس ماما وبابا لسى مفكريني صغيرة لاني أخر العنقود وبنت وحيدة على اربع شباب وهالشي سببلي عقدة نفسيه اسمها التفريغ عن الخوف والاهتمام
كل يوم نفس المشكلة ونحن عم نفطر تخانئت مع ماما لأنو زودتها بالأسئلة الزايدة والتوصيات الي ما الها لزوم وانا دايئ خلئي من البيت ومن كلشي حواليي وبدي غير جو اطلع من هالحالة الي انا فيها روحي معاد تحملت وقررت اني ابعد عن العيلة وروح اسكن ببيت اخي لمسافر عصبت ماما وانفعلت وانا طنشتها وطلعت على غرفتي ضب اواعيي والبس اخدت الشنته وبلشت ضب الاواعي اللأزمة دخلت عليي ومعصبه كتير
ماما:لك انتي شو بدك تعملي
أميرة:ولا شي بس بدي هج
ماما:هلأ بتصل بأبوكي وبخليه يبهدلك
ادخل اخي منصور وهاد فري ع الأخر وبيحكي بهدوء
منصور:لك اتركيها ماما تعمل الي بيريحها
ماما:ايوا انت شد على ايدها
أميرة:معو حئ
منصور:بكرى بتمل لحالها وبترجع لعنا دغري
ماما:اي والمعنى
منصور:خليها تختلي بنفسها وترتاح متل ما عم تحكي وانا واخواتي كل يوم واحد فينا بروح وبشئ عليها ومنشوفها وانتي طبعأ
أميرة:......انا هربانه منكون
ماما:والمعنى
أميرة:بس ليصفى راسي برجع انا اختنئت هون "حطيت ايدي على رقبتي"في شي خانئني ما عم انتفس ابدا
ماما:خلص الي بدك اياه بيصير بس لا تروحي
أميرة:انا جاهزة وهلا اطلعو لو سمحتوا بدي بدل تيابي
منصور:تعالي ماما عاوزك بموضوع
"غمزني وضحكلي بطرف تمو"
ماما:الله يصبرني عليكي
بعد ما طلعو البست كالعادة جينز غامق مع قميص ابيض وجاكيت جينز وبوط رياضي ابيض اخدت عدة المكياج بشنتة الكتف وحملت شنتة الهجرة وطلعت من الغرفه لأستئبل كم كلمه من اخواتي كان معتصم وائف وناطرني عند اخر درجه وعم يهز براسو
معتصم:شو هجرة مؤقتة ولا دائمة
أميرة:ماما الي راح تحدد هالشي
ماما:من هلأ بوعدك ما بئى ادخل فيكي
منصور:خلص ماما خليها تغير جو ونحن ازا ما طلينا عليها الصبح منطل المسا
معتصم:لحالك لحالك رايحه
أميرة:اي والله عندك مانع
معتصم:لا بلعكس كتير مبسوط منك .......جانه واشه انتي وين بدك تروحي
أميرة:هاد الموضوع غير قابل للنقاش وراح اسكن بشئه منير لحتى يرجع من سفرو عم تفهمو
معتصم:اي ازا بشئه منير مافي مشكلة بس بدي تحسبي حسابك كل يوم سهرتنا عندك
أميرة:اي اي انشالله
ماما:الله يسامحكن
أميرة:بخاطركن
معتصم:الله معك
بوستو وهمسلي"لتعرفي قيمتنا"
بوستني ماما وهددتني:والله يا أميرة لأشكيكي لأبوكي بس ليرجع من سفرو
أميرة:اوووف تهديد تهديد 😠😠
ودعت منصور"هاد توأمي والي بيفهمني وضربنا كفوفنا ببعض وغمزني
وانا طلعت مبسوطة وفوئ كل هاد شافني اخي مهند وهاد ما بينمزح معو وبحكي انا معو بأحترام كان عم يقفل سيارتو وشافني وسلمت عليه
مهند:وين الهمه
أميرة:استراحه صغيرة
مهند:لوين
أميرة:على بيت منير أخي
مهند:اممم وبدك تتأخري
أميرة:حسب مزاجي
مهند:اي ماشي وشو حكت ماما
أميرة:عادي ولاشي
مهند:ماما وعادي 😕😕
أميرة:اي ومنصور ومعتصم كمان
مهند:اي ماشي ديري بالك على حالك ولا تسوئي بسرعه والله بلغيلك الشهادة
أميرة:حاضر بخاطرك
مهند:الله معك
حطيت شنته اواعيي وطلعت بسيارتي BMW البيضا موديل سنتها وع الشارع أسرعت كتير انا هيك متهورة وبحب المغامرات وخليت صوت الأغاني يوصل على اخر الشارع وتحمست كتير واتصل فيني مهند دغري خففت من السرعه وطفيت الاغاني
مهند:اميرة
اميرة:نعم خير شوفي
مهند:الحوداث كترانه واشارات المرورو ممنوع تعديها عم تفهمي مو نائصنا مخالفات بهديك الحسبة واخر شي ركزيلي على هالجملة يا ويلك ازا بسمعك طالعه عن 80 بالسرعه
اميرة:اي ماشي اصلن لساتني عم سوئ 60 مو اكتر
مهند:ايه انشالله يكون كلامك مزبوط
اميرة:انشالله
مهند:يلا باي
اميرة:بايات
هزيت براسي "والله هاد الي كان ناقص تهديدات اوووف شو هالعيشه بابا مستحيل يشوفني وما يهددني لازم تترفعي بكل المواد انتي بنت سالم بيك وازا قررتي تكملي لازم تلبسي متل العالم والناس مو هي اواعي لئرود وبدي تصيري محامية ناجحه لاني راح عينك مستشارة قانونية للشركه ::::::وماما"لا تمشي مع هي البنت ولا تتأخري برا البيت وهي الاواعي ابدا مو مرتبة ولا بتشبه ستايلنا لازمك شي محترم وبعدين شعرك هاد لازمو صبغه ع الموضه لك صايرة عم حسك حسن صبي وليش بتمشي مع هاد وليش بتاكلي بهي الطريئه عيب وما بيصير تمزحي مع كل الناس ولازم تحترمي رأي الاخرين والنومه بكير ع الساعه تسعه ضرورية للبشرة و.................لايمتى راح ضل صغيرة بنظر اهلي لايمتى ليش ما يحسسوني انو كبرت وتخرجت وراح صير محامية وتهديد كل واحد فيون

#قصة #أخت_رجال
للكاتبة:#مايا_الحجازي
القسم_الثاني
حصري✌🏻 #كروب_قصص_مايا_الحجازي
شحطونا الشرطه على سيارتن وئعدت جنبو للمحترم وزورتو وهو رفع حواجبو
بعد نص الطريق
عمر:مع انو ما كان في داعي لكل هالشغله
اميرة:لا تحكي معي انا معصبه
عمر:الله يعينو الي راح يبتلي فيكي
اميرة:هلأ بحكيلن انو تحرشت فيني ها
عمر:والله بتعمليها خلص سكرت تمي
اميرة:اي ولا تسمعني صوتك
بعد ما وصلنا ودخلونا على رئيس المخفر طلب منا نحكي
الضابط:شو الي صاير(هو بلش يشرحلو وانا كمان بلشت سكتو لاشرحلو انا) وعصب الضابط ضرب ع المكتب وسكتنا
الضابط:خلص انتو لتنين واحد منكون يحكي
اميرة:انا بحكيلك
الضابط:تفضلي
اميرة:كنت ماشيه بهدوء وفجأة اصطدمت بهاد الرجال كان بأقسى سرعه وفوئ كل هاد مشغل اغاني ومتحمس
عمر:والله يا سيدي هي الي كانت مسرعه وكمان ماشيه عكس السير و اسأل الشرطي هو الي كتب المحضر
الضابط:شو رأيك انت وياها اتصل بأهاليكون هاد احسن حل
عمر:ما عندي مشكلة هي الغلطانه
انا سكتت لانو البهدلة راح تصير تنتين
الضابط:باين عليكون انو ولاد عز ومربايين لهيك طلعو وحلوها بين بعض بالتراضي وتعالو تنازلو عن هالمحضر
طلع فيني
عمر:شو
اميرة:......ماشي امري لله
طلعنا من المكتب وحط ايديه على خصرو وحكاني
عمر:مو حلوة نتجرص والمحضر ما راح يتسكر الا لنكتب تعهد خلص انا راح اتكلف بتصليح سيارتك
اميرة:مافي داعي جميلتك على حالك راح اتنازل عن المحضر وبعدها ما بدي شوفك او المحك
عمر:بكون احسن ......
اميرة:يا عيب عليك بس
عمر:شو حكيت معك ....انتي من اول ما شفتك وانتي نازلة فيني مسبات انا وقت انصدمت فيكي انزلت لاطمن عليكي صارلك شي بس مشالله طلعتي اسدة وبهدلتيني
اميرة:خلص ما بدي اسمعك ...خلينا نوقع ونروح
عمر:اي ماشي
دخلنا ع المكتب
عمر:خلص حليناها راح نتنازل
الضابط:اي منيح
وقعنا على لوراق
اميرة:وسيارتي
الضابط:هلأ طالعي ورقه واستليمها وانت كمان
عمر:ماشي
اميرة:روح خلص انا
الضابط:اي تفضلو
حكينا سوا (يعطيك العافيه)
رميتو بنظراتي وهو زورني وطلعنا من المخفر سوا
انا اتصلت بمنصور لانو ببساطه ما معي الجزدان لانو بالسيارة وهو كان وائف على جنب وناطر حدا وانا بلشت اتأملو واشمئزيت منو اهاني بطريقه مو حلوة وما اعتذر هالمتخلف....اكيد بعمرو ما اختلط بالناس وغير هيك ما شاف انو انا بنت عالم وناس .........بلشت اتامل حالي من البوط للبنطلون للجاكيت لشعري
"بجوز فكرني ولد .....لعمى والله انا عنجد هبلة ما بهتم بحالي ابدا وما بشبه اي انثى 😭😭"هو لابس طقم رسمي ومتشيك ونظارات بياخدو العقل وكندرة بتلمع وريحة بارفانو واصله للحارة التانيه وباينتو مثقف """"""
*****
وصل لعندي منصور وملهوف عليي
منصور:شو صاير
اميرة:حادث صغير
منصور:وين السيارة
اميرة:ولي على قلبي ما تشوفها راحت 😣منصور:والعمل
اميرة:راح نطالع ورقه ونستلمها ونروح على الصناعية نصلحها
£وصل لعند عمر شخص وبلش يشرحلو واشر بأصبعتو عليي واناعصبت
اميرة:شايف هداك اللوح هو الي ضرب سيارتي
منصور:وسيارتو فيها شي
اميرة:ما انتبهت
منصور:خلينا نطالع الورقه ونمشي
مشينا لناح المكتب وهنن كانو ورانا
اميرة:حدا بالبيت عرف بالموضوع
منصور:لا
اميرة:منيح ليش مو بالبيت هنن
منصور:اي امبلا مهند نايم ومعتصم عم يحضر مسلسل وماما بغرفتها
اميرة:بدك تخبر حدا
منصور:لا اكيد بس الا ما يعرفو
اميرة:ازا انا ما حكيت ولا انت ما راح يعرفو
(طالعنا تصريح ورحت انا ومنصور نستلم السيارة وعمر كمان استلم سيارتو)
منصور:والله حادث قوي منيح ما صرلك شي
اميرة:الحمد الله
منصور:معقول ما صرلك شي
اميرة:انت شو شايف
منصور:😂😂متل الئردة
اميرة:😠😠😠والله مو رايقه
استلمت سيارتي واخدت مصاري من منصور
منصور:شو بدك تروحي لحالك
اميرة:اي بمرئ لعند مجد ع الصناعيه هو شاطر كتير بالتصليح
منصور:ماشي على مهلك
اميرة:ماشي يلا باي
منصور:الله معك
طلعت بسيارتي وبوشي ع الصناعيه وصلت على بنشر مجد وهاد دائما بتعامل معو وبيعرفني كتير منيح سلمت عليه وبعد ما شاف السيارة
مجد:له له سلامتها
اميرة:شايف عين وصابتها
مجد:يلا اهمشي سلامتك
اميرة:ايمتى بدك تخلصها
راح لعند السيارة وبلش يتفحصها
مجد:والله حسب شو بدها شغل
اميرة:وبتكلف
مجد:اي والله بتكلف
اميرة:بلش فيها من هلأ وخليني ساعدك
مجد:😂😂ماشي بس لنشرب شاي
اميرة:يكون خمير مزاجي معكر
مجد:بأمرك معلم
اميرة:تعلم العصي على جنابك
مجد:😂لا مولعه معك اليوم
بعد كاسة الشاي شلحت جاكيتي وبلشت ساعدو وهو يتأمر عليي "جيبي مفتاح وهاتي مفك وامسكي هي وخدي هديك وشغلي وطفي
مجد:شغلتنا طويلة وشوفت عينك تأخر الوئت بكرة من الصبح راح بلش فيها وبكون اجى الي بيشتغل معي وبساعدني

#قصة #أخت_رجال
للكاتبة:#مايا_الحجازي
القسم_الثالث
حصري✌🏻#كروب_قصص_مايا_الحجازي
صحيت من نومي شعري منكوش معفسه لشبعانه بنومي لانو نومي حجاشي هيك ماما بتحكيلي 😂لبست شحاطة وطلعت من الغرفه غسلت وشي عملت ئهوة ورجعت لغرفتي البس طبعا ما بستغرق وقت لبست جينز فاتح مع بلوزة سودة وقميص اسود خليتو مفتوح ولبوط كملت الئهوة وشربت الفنجان مع سيكارة عدلت اخو اخت مزاجي لمعكر من مبارح طلعت من البيت عم اتسكع بشوارع الحارة تلفوني بجيبتي وعم اتفتل وقفت عند مطعم فلافل وطلبت سندويشه وعلبة ببسي وافطرت ع الماشي وصلت ع الصناعيه مجد ما كان بالمحل كان الولد الي بيشتغل عند مجد عم يعمل شاي ضربتو طيارة ع رقبتو ونهز من مكانو
مهيار:هاد انتي
اميرة:وين معلمك
مهيار:راح ليجيب فطور
اميرة:بلش بسيارتي
مهيار:لسى من شوي فتح .....هااا ليكو
مجد:يا صباح الخيرات
اميرة:شو ما بلشت
مجد:لافطر ميت من جوعي....جهزت الشاي
مهيار:اي اكيد
حطو الاكل وعزمني بس انا فل معدتي شربت معو شاي وبلشنا بالشغل انا وياه
مجد:مهيار تعال لعندي
مهيار:امرك معلم
مجد:جيبلي فرد السيلكون
اميرة:ما عندك قطعه جديدة
مجد:بتتزبط لا تفكري انو عم اشتغل من طرف ايدي ولووووو
اميرة:اي دير بالك منيح عليها
مجد:خلص ولا يهمك....
جيبلي هديك الشنته
اميرة:بأمرك
"اشتغلت مع مجد ايدي بأيدو وصرت اتعلم منو وما بتصعب عليي شغله وبعد ساعات شغل طويلة خلصنا
مجد:ضل الواجهة هلا راح ابعتك لعند باسل وهو راح يبدلك الدعامية ولازم تعيدي صبغ السيارة
اميرة:يعني امورها تمام
مجد:هلا منجربها ازا بدك
اميرة:لا مافي داعي وين هاد باسل
مجد:ليكو المحل الي قدامنا
اميرة:تعال توصى فيني بتعرفتي بخجل
مجد:😁😁ما عرفتك
اميرة:خلصني
مجد:بس لامسح ايديي وغسل جاييكي
ركبت بالسيارة وبوشي ع المحل ووصل مجد
مجد:كيفك
باسل:الحمد الله
مجد:ليك هي السيارة مبارح راحت بحادث شوف كيف بدك ترجعها متل ما كانت
باسل:طيب ماشي
اميرة:بدي ترجع وكالة
باسل:ولا يهمك عندي
اميرة:ماشي وايمتى بدي استلمها
باسل:بكرى المسا
اميرة:ماشي
مجد:بتكلف
باسل:والله حسب ...وانت ادرى
مجد:بدي تتوصى فيها اميرة من طرفي
باسل:من عيوني انت وهي
طلعنا من المحل
اميرة:ليك مجد انا بدي امشي وعتمت العين
مجد:والله غير تتغدي عنا
اميرة:مافي داعي
مجد:بربك وامي عاملة محاشي روح ئلبك هالاكلة
اميرة:شوف اواعيي كلها شحم ووسخ ....وتعبانه كتير
مجد:ماشي بس شي يوم راح اعزمك وبدون حجج
اميرة:خلص اكيد
مجد:سلمي ع منصور
اميرة:ماشي بيوصل ....يلا سلام
مجد:الله معك
وئفت تكسي وبوشي ع البيت وعند المدخل شفت شوفه يا لطيف تخبيت ورا باب البناية لحتى فات اللوح الي مبارح ضربت فيه
متشيك اكتر من مبارح وع الاخر وريحه بارفانو بتعطس 😷
ماشي وعم يحكي مكالمه"اي عهد ولا يهمك خلص عندي وبتعرفني لا مسكت الشغله بخلص عليها هههههن ماشي انا وصلت على بيتي برجع بحكي معك بعد ما اتحمم .....سلام
لمحت اخر لمحه منو وبلش يطلع كل درجتين سوا ......وانا ادعي ربي انو ما اعطس 😢😢 والله لاتبهدل عطست بس ع الكتم وحسيت ادانيي انسدو 😂😂
كمل قفز هو وانا طلعت بالمصعد على الشئة فتحت ودغري دخلت ئبل ما يشوفني او يصدفني سمعت صوت مشي ع الدرج وكمل لرابع طابق "والله كان ئلبي حاسسني انو ساكن هون ...... يخرب بيتو ما اطولو .......الله لا يجمعني فيك لو لمحه والله ما بنسى اهانتو الي وقلة ادبو معي لعمى .....اخدت دوش سريع ولبست بيجامه لونها سلفر وطبعا اخو الصبيانيه كبيرة عليي وطلعت ع البرندة اطقس الوضع فوق واطمن على جار الرضا بس ما لحئت اندق باب البيت ورحت لشوف مين هالمزعج .......
ماما:شو اتفاجأتي

اميرة:متوقعه انو انتوو
مهند:اشتئنالك هاتي بوسة
اميرة:وانا كتيرر
دخلنا وماما حابة تسهر ع البلكون وئعدنا بالهواء الطلق
معتصم:شو كيفك على غيابنا
منصور:دبنا ع غيابك دبنا خطي حاجة تعزبنا
اميرة:😂😂والله ازا بدي ارجع كرمالك انت
منصور:وحدي الله بمزح معك
اميرة:تضرب ما اسالك
ماما:شو كيف كانت النومة ما خفتي لحالك
اميرة:😂😂من شو
مهند:يعني اشباح
معتصم:اي صحيح
منصور:لا تردي على هالحكي هنن اتفقو مع ماما يطفشوكي
اميرة:😂😂😂ما بخاف لا تشيلو همي
ماما:اي بنت سالم ولا لعبة
منصور:على سن ورمح
اميرة:😂راح اعمل ئهوة
منصور:طلبنا عشى وراح يوصل
اميرة:😋😋ابن حلال والله راح موت من جوعي
مهند:بس احزري شو طلبنا
اميرة:عجزت
معتصم:اكلة بتحبيها
اميرة:انا بحب كلشي اكل
ماما:طلبولك شورما
اميرة:😂يا عيني اي هيك
مهند:ما عملتي شي اليوم
"ااااخ هلكت اليوم ...."
اميرة:لا ما عملت شي ملل
معتصم:اي وافقي تتعلمي تحت ايد جهاد والله محامي شاطر

#قصة #أخت_رجال
للكاتبة: #مايا_الحجازي
القسم الرابع
حصري✌🏻#كروب_قصص_مايا_الحجازي
سحبت حالي وطلعت من البناية وبلشت اتنفس شهيق وزفير لهدي نفسي شوي وانسى شو صار
طلعت بسيارتي وبوشي على بيت اهلي قطعت اشارتين مرور وحسيت المشوار سنه وبعد ما وصلت دغري دئيت الباب وبسرعه كمان ...انفتح الباب وكتير عتمه وسمعت صوت اهلي عم يغنو(سنه حلوة يا جميل)دخلت على صوت اغاني وضو لشموع وانبسطت كتير
منصور:تعالي اتمني امنيه قبل تطفي لشموع
ضحكت من ئلبي وشغلو الضو
وتفاجأت ب بابا ضميتو بكل قوتي
اميرة:يا روحي اشتقتلك
بابا:هيك يا زعرة كبرتي سنه
اميرة:والله ناسيه انو عيد ميلادي
بابا:حجزت باليوم هاد كرمالك وتركت الشغل واجيت لعايدك
اميرة:ربي ما يحرمني منك ولا من هالعيله الحلوة
تجمعو اخواتي وماما وبلشو تبويس فيني
منصور:العمر كلو
معتصم:كل سنه وانتي احلى اخت
مهند:وكبرت زعرتنا كمان سنه
ماما:انشالله السنه الجاي وانتي ببيت جوزك
والكل مع بعض(آمين)
أميرة:😂😂 على ئلبكون بائيه
ولاه مئوص ليش ما خبرتني كنت البست شي منيح
بابا:شو ما كنتي لابسه الاهم روحك الحلوة
أميرة:تسلملي يا سالم
ماما:لك عيب يا بنت هاد ابوكي
معتصم:معها ضو اخضر
بابا:عادي على حسابها 😂
قطعنا الكيك وبلش الاحتفال شغلو اخواتي اغاني وبلشو يرئصو ويرئصوني معون كميه السعادة الي جواتي وئت شوف عزوتي وسندي معي ما بتنوصف هدول بحارب فيون جبهة الله يحميلي كل واحد فيون
بعد هالحفله المتواضعه اعطاني بابا هديتي طبعا انا ما بكترث بشغلات البنات بس شو اعمل جايبلي معو طقم الماس وغالي كتير
اميرة:ليش هيك معزب حالك
بابا:كم زعرة عندي وحدة وبس
ومعتصم جايبلي عطر غالي مهند جايبلي عدة مكياج ماركة وموصي عليها من فرنسا ومنصور جايبلي فستان
منصور:فتلت السوق عليه بدك تلبسه وبالصرماية
ماما:والله منى عيني شوفها لابسه متل باقي الصبايا
اميرة:شي يوم ......اعطيني اياه
ودغري ضبيتو فستان 😂😂منصور نهفه
كملنا سهرتنا ضحك واتصلنا على منير سكايب صوت وصورة وبلشنا نسلبها عليه
بعدها انفضت السهرة وبابا اكيد تعبان كتير استأزنو منا وراحو ونحن فرطناها للسهرة طلعت لغرفتي البست بيجامه وفتحت الهدايا الحلوة وبعدها ضبيتون وقعدت على التخت وطالعت كمبيوتري المحمول وبلشت اتسلا فيه واتزكرت الحادثه الي جمعتني ب جار الرضا يوم السيارة انضربت وموقف غير شكل وكمان وقت شفتو داخل ع البنايه واليوم احلى موقف ما بنحسد ابدا يعني كيف ما انتبهت وهو كمان كيف ما شافني ووقعنا لاخر درجه والله اعلم هو شو صاير فيه اكيد موجوع مستحيل بعد نزلة هالدرج ولا كمان انا اجيت فوئو وما بدو يتوجع .....مين داعي عليي لحتى انحط بالموقف هاد ....وبلكي ارجعت شفتو والله ما بعرف كيف بدي التقي فيه يا خجلتك يا اميرة
اتزكرت كل ملامحو وهي اول مرة بيوقع قلبي من مكانو ودقات قلبي بلشت تزيد "شو يعني شو صاير فيني وليش هيك انا ملبكه"اندء باب غرفتي دئه كتير هادية اكيد هاد منصور وهي اشارة منو
اميرة:تفضل
دخل منصور
منصور:مو لحالي معي ضيوف
اميرة:تفضلو اهلا وسهلا فيك وفيون
بعد ما دخلو زكروني بأفلام الكرتون توم وجيري وقت يكون القط جايب رفقاتو ع البيت وماشيين ورا بعض ضحكت عليون
منصور:شو ليش عم تضحكي
اميرة:يا اهلا بعزوتي
معتصم:شو ما نمتي
اميرة:لا مو جاييني نوم
قعدو على تختي وبلشو يبتسمولي
اميرة:شوفي
معتصم:احكيلا انت منصور
منصور:بدك الصراحه .....انا حسيت انو انتي مو منيحه صاير معك شي
مهند:ونحن كمان هيك حاسين
اميرة:متل شو
معتصم:اي شي حكيلنا نحن اخواتك
اميرة:لا ابدا مافي شي
منصور:اميرة عليي هالحكي
اميرة:وحياتكن عندي مافي شي
معتصم:لو منصور لحالو كنتي حكيتي
اميرة:مافي شي بلعكس مبسوطة
مهند:اكيد....ازا في حدا زاعجك احكيلنا مندعوسو
اميرة:والله مافي شي
منصور:راح نسايرك بس ما سدءنا
...عجبوكي الهدايا
اميرة:بيجننو...وانتو بابا ما جابلكن هدايا
مهند:لا والله الحصه لكبيرة الك ولماما
اميرة:😂😂
منصور:ناس بيجي بعيد ميلادها وماما فض السهرة علشانها
معتصم:عيب منصور
منصور:😂😂اكيد مشتائلها
مهند:منصور عيب تحكي هالحكي ئدام اختك
منصور:خلص سكتت بس معي حق ولا لأ
اميرة:😂😂
معتصم: اخوك عئلو طاير
مهند:بكرى لاحكي لبابا عنو
اميرة:لا ما بتعملوها حبابين
...شو رأيكون بفنجان ئهوة
مهند:ماشي بس ع البلكون
اميرة:ماشي لانزل اعملها انا وراجعتلكن لا تغتابوني
منصور:اي خلص
اميرة:لا حدا يفتح كمبيوتري هلا بعصب وفيو خصوصياتي
مهند:روحي .....
اميرة:شايفتكن 😂😂
عملتا بسرعه ورجعتلون كانو ع البلكون وقاعدين يتنائرو
ضيفتون وبلشو يعلقو
مهند:فكرناكي عم تطبخي خاروف

#قصة #أخت_رجال
للكاتبة: #مايا_الحجازي
القسم_الخامس
حصري✌🏻 #كروب_قصص_مايا_الحجازي
أخت رجال ٣
شغل دوام تحضير قضايا رجعت منير من السفر كل هالشغلات خلتني اتناسى شو صار معي اربحت قضيتين بعد ما اشتغلت مع جهاد بالمناسبه هي وبرجعه اخي منير بابا عزمنا عشى على مطعم حضرت حالي البست جاكيت ابيض مع بنطلون جينز اخر موضة وبلوزة لونها ازرق وعليها رسومات التقيت باخواتي ع الدرج وكان منصور احلى واحد فيون انا هيك منحازة الو بكل الجوانب نزلنا وهنن عم يدفشو بعض
اميرة:احلى شي منصور دخيلو انا
بلشو يضربو مهند ومعتصم وهو ركض ليخلص منون بس وين بدو بروح منون معتصم مسكو ومهند بلش يفكلو لحزام وبدو يشلحو بنطلونو وهو ما ئدر يفك حالو وانا ما تحملت بلشت دافع عنو ادفش معتصم وبالاخر عضيت مهند واجت ماما وبابا وتبهدلنا الاربعه ومنير طل علينا طلة غزلان
ماما:شوفي يا ولاد
اميرة:معتصم ومهند بدهن يضربو ل منصور
بابا:ليش ولاه انت وياه
معتصم:مزح والله مزح
منصور:😂😂مقهورين من البرنس
مهند:بالرجعه 😎
بابا:خلصوني اطلعو يلا عنجد الولد ولد لو عمر بلد
طلعنا سوا والترتيب من لكبير للصغير ركبنا بسيارة منير وهو الشوفير وبجنبو مهند ونحن اخر تلات من ورا حسب التسلسل وبابا وماما ع انفراد والمشاكل ع الطريق بتكتر
منير:كبرانين
مهند:سنتين الي غبتون شو تغير
معتصم:وانت كمان كلشي فيك متغير حتى نفسيتك
منصور:لك صحيح شايف حالك كتير
منير:😂😂لسى ما شفتو شي ....
اميرة ...حليانه ولو شو عاملة
اميرة:ئصيت شعري
منير:غير شعرك كلشي فيكي متغير
اميرة:يعني عنجد حليانه
منصور:اي بتاخدي العقل
اميرة:تسلمولي وانت مهند كيف شايفني
مهند:نسخه عن ماما صايرة
معتصم:اي اضحكي لكن وغني وانبسطي ماما ملكه جمال
منير:😂😂وانت معتصم لا تنسى بتشبه ماما واميرة
معتصم:لانو عيوني خضر
مهند:لا كل شي فيك😂
منصور:خلص هلا معتصم بيبلش يبكي
معتصم:فشرتو ليش انتو مين بتشبهو
منصور:انا بشبه حالي😏😏
اميرة:دخيلو انا
منير:لك حاجتك تتغزلي فيه هلا بيكبر راسو
مهند:لك مو مشكلة يكبر بس مو هلا ليطلع من السيارة😂😂
منصور:😂😂😂انا مزاجي اليوم ما حدا بعكرو عم تفهمو
اميرة:غيرانين وحياتك
مهند:اميرة التزمي الصمت
وصلنا ع المطعم وكملنا مناقرة وتبهدلنا ع الباب من بابا ودخلنا ورا بعض بس انا ومنصور اخر شي قعدنا على طاولة بابا حجزها وطبعا كلشي مجهز وجمعه العيلة ما بتتعوض ابدا وبالاخص مع عزوتي كان كل واحد يمسك تلفونو يتبهدل من بابا "نحن جايين نجتمع ونحكي مو نلعب "
تعشينا عشى مرتب ونحن لو ما حكينا بس بعيون كل واحد فينا حكاية وازا واحد بيطلع بتاني منفهم عليه ومنصور عم يرفع حواجبو لمهند ودغري التفتو على طاولة كلها صبايا ومعتصم غمزو
اميرة:احم احم
بابا:صحه
اميرة:على قلبك
ماما:شو ما تكملو اكلكون
منصور:دايما يا ابو منير بفرحتك فينا
بابا:هزو كتافكون لكن
منير:احم نحن هنا
بابا:اي بعرف اختار على كيفك
منير:يعني اي وحدة بختارها بتوافقو
ماما:بشرط واحد تكون بنت عالم وناس
منير:ولا يهمك
ماما:وانتو كمان
مهند:انا مابدي ارتبط حاليا اسألي معتصم
معتصم:ولا انا ماما ابدا مو ببالي لاستلم شغل لحالي
بابا:عم يلمح ابنك
منصور:وانا بابا تخ ئلبي من المدرسه والطلاب بشرفك حاجتك عم تعزبني
بابا:وشو بدك تشتغل
منصور:اي شي بس مو مدرس والله اختنقت
اميرة :اي بابا خليه يستلم ادارة المعمل
منصور:اي بابا
بابا:امممم بفكر بس ما بوعدك وبدي بالاول تشتغل تحت ايد مهند وبعدها بفكر
مهند:احم احم😌
منصور:هلا هيك
اميرة:سايرون ما بيصير غير الي بدك اياه
منير:خلص معي انا ولا مو عاجبك كمان
منصور:على عيني وراسي كلكون
ماما:اكابر الله يسعدلي اياك
معتصم:نحن النا الله
ماما:بتخلوني حرم احكي كلمه
بعد العشى تحلينا وسهرتنا كان اخر رواق ومنصور انبسط لانو راح تفرج عليه وبعدها كنت عم راقب طاولة الصبايا دفشني منصور "حاجتك تتأملي صبايا حلوين وشوفي كل وحدة لابسه فستان بيمزع العئل شوفي شوفي لسكربينات كلوحدة بتمشي فيهون بينحتلها خصرها"
اميرة:عيب استحي على دمك هي اعراض ناس
منصور:غيرانه
اميرة:😂😂😂😂فشرت
تبدلت ضحكتي فجأة وابتسمت ابتسامه صفرا وئت وقعت عيني على عين جاري وهو شافني وغمزلي وانا كل مزاجي صار صفر ويارب تخلص هالسهرة على خير كان ئاعد مع تنين شباب وما بعد نظرو لثانيه عني وانا حسيت حالي ملبكه وما عرفت كفي هالسهرة بعد شوي بابا كان طالب كيك ووصل مع غنيه رومنسيه وبعدها انتبهنا انو اليوم عيد زواجون
لبسها خاتم جديد وهي خجلت واصلن مو متزكرة وقفنا كلنا ونحن عم نسفئلون على هالرومنسيه واشتغلنا تبويس فيهون وماما بحالة لا توصف من الخجل

#قصة #أخت_رجال
للكاتبة: #مايا_الحجازي
القسم السادس
حصري✌🏻#كروب_قصص_مايا_الحجازي
على فترة اسبوع كل يوم نحكي بالساعة والساعتين نعمل فاصل ونرجع نكمل وحكالي عن حياتو الشخصيه وفي نقطه مشتركة هو وحيد على اربع بنات وطلع من بيت اهلو بسبب الدلال وحابب يعتمد على حالو وامو رافضه تجوزو حاليا وما بيعرف الا سبب واحد انو بالاساس ما بدها تزوجو وانا انشديت الو بشكل مو طبيعي وصار يشدني حديثو وطريقه حكيو الدج كنا عم نحكي وهو عم يسليني بنكت تافهة وانا عم اضحك عليه اندء الباب ما ئدرت سكر معو وما لحئت اسمح لمنصور يفوت دغري فات وانا حكيت ل عمر"لحظه شوي"
منصور:شو مشغولة
اميرة:هيك شي
منصور:يعني روح
اميرة:في شي ضروري
منصور:حابب احكي معك بموضوع صغير
اميرة:طيب ماشي
سكرت مع عمر وئعد حدي وطلع فيني
منصور:مع مين عم تحكي
تلبكت وطارت الافكار من راسي
اميرة:مع ...مع رهف
منصور:لا تكزبي عليي انا سمعت كم كلمه
اميرة:اه ...شو سمعت
منصور:عم تحكي مع شب وبالعلامه حكيتيلو من وين بتجيب هالنكت
اميرة:من زمان بتتسمع عليي
منصور:بالصدفه كنت هون ولفتني صوت ضحكتك وبعدها كلامك مع شب
اميرة:......
منصور:لا تحكيلي ...ازا نوويتي تخبريني انا ناطرك اميرة ....انا واثق فيكي كتير
اميرة.......
منصور:ارجعي اتصلي فيه انا رايح
طلع وانا تجمدت بمكاني شو يعني كشفني بس انا شو عملت حكي ع التلفون ولحد هلا ما طلعت معو ولا مشوار وشو بدي خبرو .....انا لحد هلأ ماني واثقه فيه اخر مرة يوم تخانقنا حكالي والله لتندمي"سكرت تلفوني وتمددت منيح وغمضت عيوني لنام وما بدي فكر بشي.

بعد فترة اسبوع انتقل كلامنا من اللعب للجد اتصل فيني وعزمني على غدا وانا لسى عندي خوف او شكوك تجاهوا
عمر:كيفك اميرة
اميرة:تمام انت كيفك
عمر:الحمد الله ....
اميرة:خير شوفي متصل بهيك وقت
عمر:الصراحه حابب شوفك ونحكي
اميرة:نحكي ...بخصوص شو
عمر:لازم شوفك لاشرحلك
اميرة:تلميحه صغيرة
عمر:الموضوع جدي كتير لا ترفضي طلبي
اميرة:عمر لا تنسى اخر مرة هددتني
عمر:ندمان عنجد ......وبعد ما سالت عنك وعن اهلك تمنيت انو لو ما صار كل الي صار
اميرة:بفكر بالموضوع
عمر:ناطرك بكرى بمطعم الشامي اكيد بتعرفي
اميرة:طيب بس ما بوعدك
عمر:الساعه اربعه
اميرة:انشالله
بعد ما سكرت الخط عجبتني الطريقه الي حكاني فيها والله مزاجو مقلوب قلب هالزلمة على كل حال راح فكر
وقفت ع الشباك شميت هوا وعصرت دماغي طلع معي انو عادي شوفيها بشوفو عجبني الحديث بكفي ما عجبني بسحب حالي وبمشي وماني خسرانه شي .....
شفت منصور داخل ع البيت يلا اجت على ايديها ورجليها راح خبرو وبيعطيني هو رأيو نطرت شي نص ساعه ودقيت عليه الباب بنهاية الدقه اسمعت صوتو
منصور:تفضل
فتحت وفتت شوي شوي وانا مبتسمه
منصور:يا اهلا فوتي
أميرة:كأنك مشغول
منصور:عادي فوتي ...شوفي
أميرة:لا عنجد باينتك مشغول برجع بعدين
قبل اسحب حالي واطلع
منصور:أميرة فوتي لا تعصبيني
دخلت وسكرت الباب وكان عم يرتب غراض ووراق ويعد مصاري
اميرة:الله يرزقك
منصور:شوفي
اميرة:شغله صغيرة وبدها رواق
منصور:لكن امهليني بس عشر دقايق
ضليت قاعدة على التخت وهو لسى مو فاضيلي بلشت فكر ورتب كيف بدي بلش او من وين بدي ابدا لحتى خلص واجى لعندي تربع وتأملني وغمزني
منصور:شوفي يلا احكي
اميرة:الصراحه ماني عرفانه من وين بدي بلش
منصور:من البداية اكيد
اميرة:ما بتعصب وبتسمعني
منصور:رووواق شوفت عينك بس لازم يكون الحديث ما بيعصب
اميرة:طيب ماشي ......انت من فترة اسمعتني احكي مع شب
منصور مع ابتسامه خبيثه :اي
اميرة:اي هاد الشب نفسو الي اهاني وجرحني
منصور:اي كملي
اميرة:هو اعتذر مني واليوم اتصل وعزمني على المطعم ....وانا ما بدي شوفو لحالي بدي اياك تكون معي
منصور:انا بحب صراحتك وكيف عزمك يعني كان مؤدب معك
اميرة:كتير كتير ...وانا ما بدي نروح سوا لا بلعكس بدي بالاول شوفو وانت بتدخل للمطعم على اساس بالصدفه وبتتعرف عليه ومشان يعرف انو وراي رجال
منصور:اي ساعه
اميرة:اربعه وانت بتوصل بعد الاربعه
منصور:اتفقنا
اميرة:بس ما يكون عندك شي
منصور:لا ولووو بترك كلشي مشانك كم اميرة عندي
اميرة:يخليلي اياك 😘😘😘
منصور:معجبه فيه انتي
اميرة:ما اعطاني مجال بس بعد ما اعتذر مني حسيتو انسان تاني
منصور:اي منيح كتير وحلو😉
اميرة:😂😂اي حلو
منصور:بكرى بشوفو وبتعرف عليه
اميرة:بس بشرط
منصور:كمان
اميرة:ما تعصب وتعملي فيها مصارع
منصور:والله ازا عجبني مستحيل عصب بس ازا لاا راح ربيه
اميرة:وهيك انا بعرف ازا قصدو شريف او عاطل
منصور:اي صح
اميرة:يلا بدي روح انا
منصور:خليكي مدايقتني
اميرة:😂😂😉سئيل ..تصبح على خير