ضوع رح نحله بيناتنا
صالح : ماشي بس وين اختي ... سمعني صوتها
مهند وهو يمسك سندس من شعرها ويحط الجوال على اذنها ... يلا احكي ....
سندس وهي تبكي وصوتها بيرجف : اخي انا ليش هون ... الله يخليك تعال خدني انا خايفة كتير
صالح بحزن والدمعة على خده : لاء يا غالية لاتبكي ... انتي اختي وبنتي وحبيبتي ودموعك غالية كتير عليي .... بوعدك رح طالعك من هون بأقرب فرصة انتظريني ياروحي ...
مهند : اي بإنتظارك نحنا ... بس يكون بعلمك اذا خبرت الشرطة بالموضوع .... اختك بحح
صالح : تمام ... تمام ...
سكر الجوال ودق لتيم بسرعة
تيم : شو صار طمني ... خبرت الشرطة ....
صالح بحزن : لاء ماقدرت ( وحكاله شو صار معه )
تيم : شو رح نعمل ؟!...
صالح : انا روحي بترخص لسندس ...
تيم : والمعنى ...
صالح : رح وافق واعطيهم كلية ...
تيم : بس ياصاحبي بجوز بالمستقبل تندم ....
صالح : لاء اذا هالشي كرمال اختي مارح اندم ....
تيم : رح روح معك .... انتظرني
صالح : انا دقيقتين وبوصل على بيت مهند ...
تيم : تمام بشوفك هنيك ....
صالح : اخخخخخ يا اختي
ماوراء الحدود شخص ثمين لا ابيعها ولا افرط فيها ولو خسرت كل اموالي .....
ماوراء الحدود تسكن روحي وقلبي ويرخص لاجلها كل غالي ...
ماوراء الحدود ترقد اختي وابنتي وحبيبتي وجنتي وكل ما احتاجه في دنيتي ....
اخسر نفسي ومالي وروحي وآمالي كي ابقى دائما بجانبك فأنتي وصيت الغوالي .....
يا اغلا واحلى آمالي لأجلك ابيع الرخيص والغالي ....
اهم شيئ ياانواري ان تبقي دائما بجواري #أمل_الحياة 😍
وصلو عالفيلا ودقو الباب
صالح : يلا افتحو الباب .... بدي شوف اختي ...
تيم : طول بالك ياغالي ...
صالح : كيف يعني طول بالي واختي عندهم ... كيييف .... لك هاي اختي ....
بهالحظة انفتح باب الفيلا الكبيير
عمار : تفضلو ...
صالح وهو يدخل : اختي وين ... يلا احكي وين اختي ...
مهند : اهلا وسهلا ب صالح
صالح : بكفي مسخرة ... يلا احكي شو بدك وعطيني اختي ...
مهند : وقعلي على هالورقة وبعدها بتاخد اختك وبتمشي ...
صالح بتسائل : شو فيها هالورقة
مهند : تعهد انو رح تعطيني كلية من عندك .... وطبعا في شهود ...
صالح : تمام وين وقع ...
مهند وهو يأشرله عالورقة : هون
صالح : ماشي عطوني قلم
تيم : اقرأ الورقة بالاول ....
صالح وهو ينتبه : اي معك حق رح أقرأها ....
خلال لحظات قرأ الورقة ووقعها وعطاها لمهند ....
مهند ودموعة على خده : شكرا الك مارح انسالك هالمعروف بحياتي ...
وحقك رح يوصلك على اكمل وجه
صالح وهو متاثر : خلص ولا يهمك .... وين واختي ...
سندس وهي تطلع من غرفة بالفيلا وتركد عند صالح وتحضنه : اخخخخ ياصالح والله كنت خايفة كتير ....
صالح وهو يحضنها ويتفحصها : اختي انتي منيحة ... اذوكي او عذبوكي ... احكي الحقيقة لاتخافي ...
سندس : لاء اخي كانو كتير طيبين معي ... بس انا تعباااانة ...
صالح : سلامتك ياقلبي جابوكي من المشفى لهون ....
يلا نروح عالبيت مشان ترتاحي
سندس : اي اخي امشي ....
مهند : تفضل صالح هاي نسخة عن العقد خليها معك ...
صالح : تمام ....
مهند : لاتنسى لقائنا بكرة ...
صالح : لاء مارح انسى
سندس : اخي فهمني شو الموضوع ....
تيم : امشي ومنحكيلك بالسيارة
سندس : ماشي يلا امشو ...
تيم : صالح انا رح اترك سيارتي هون وبكرة بعدي وباخدها ...
رح روح معكم ...
صالح : ماشي ... انا تعبان ... سوق السيارة انت ....
تيم : هههه تكرم من عيوني
سندس : يلا اخي حكيلي شو القصة
صالح : بتوعديني اذا حكيتلك ماتزعلي ....
سندس بصدمة : عم تحكي مع بنات ؟!...
صالح : لاء لاااء ياقلبي ماعم حكي بنات ....
تيم حاول يكتم ضحكته بس ماقدر : ههههههههه ....
اطلع بمراية السيارة وشاف سندس عم تطلع عليه وتزور
تيم : اهه .... امممم .... تزكرت نكتة وضحكت ....
سندس بهمس : اوووف مأغلظك
صالح : قلتي شي ؟!...
سندس : لاء اخي ماقلت شي
صالح : اختي القصة انو ( وحكالها القصة )
سندس وهي تبكي : اخي انت عملت هيك كرمالي ... تقبرني يا اخي والله مافي متلك .....
صالح : بكفي اختي .... خلص اللي صار صار وبكرة رح اعمل العملية ...
سندس : اخي انا كتير بحبك ...
صالح : وانا بحبك ياقلبي ...
تيم : يلا وصلنا ... انزلو ....
صالح : شو نزلو ... لاتنسى هاي سيارتي ....
تيم : لاء ياغالي مانسيت ... بس بهون عليك روح عالبيت مشي ...
صالح بعد تفكير : اممم اكيد لاء ...
تيم : خلص معناها بكرة الصبح رح كون عندك ... ورح وصلك بعيوني عالمشفى ...
صالح : قصدك رح توصلني بسيارتي ....
تيم : هههههه يسلملي المهضوم .... يلا سلام بشوفك بكرة
صالح : سلام ...
طلعو عالبيت ... حكو شوي وبعدها نامو وهني مطمنين ....
#الجزء_الثامن
#بقلم_أمل_الحياة
تاني يوم الصبح .....
صالح : يلا اختي تأخرنا
سندس : اخي ... اكيد انت منيح ...
صالح : اي ياقلبي ... متى ماكنتي منيحة فأنا منيح ...
سندس : الله يحميك يا اخي ويرجعلي ياك بالسلامة ...
صالح : لاتاكلي هم اختي ... انتي ب

ة بتهمة قتل أخوهم أبو سيلينا وزوجته .. وبتهمة سرقة ممتلكات بنات أخوهم وتهديد بنت أخوهم سينار ...

هاجر استقالت من وظيفتها... وفتحت شركة استيراد وتصدير... وصارت مديرة الشركة .... وعم تشتغل من ورا مكتبها وهي مرتاحة ...

وإمها كل يوم بتجبلها شاب شكل مشان تزوجها وتفرح فيها .. بس هي رافضة فكرة الزواج نهائياً ... وكل مافاتحتها إمها بالموضوع بتقلها لساتني صغيرة ..

يزن أسس حاله وبنى بيته اللي رح يسكنوا فيه هو وندى ..ومرت هالفترة عليه طويلة كتير وهو يعد الأيام و الأسابيع لحتى يوصل لليوم اللي رح يتزوج فيه ندى ويعيشوا سوى تحت سقف واحد ...

علياء تصالحت هي وأبوها.. واشترت فيلا كبيرة سكنت فيها هي وأهلها سوا .. وبنت مستشفى خاصة كبيرة... وصارت هي مديرة المستشفى ...

حاولوا بهالفترة أهل زوجها يتقربوا منها ويصالحوها.. بس هي رفضت تصالحهم بأي شكل من الأشكال.. لإنه ماصالحوها إلا مشان مصلحتهم والمصاري اللي معها ...

مهند بهالفترة تقرب من سيلينا واعترفلها بحبه... وهي وافقت تتزوجه لإنه مارح تلاقي شب متل مهند وأخلاقه... وإم مهند كانت فرحانة كتير بقرار مهند .. ابنها وحبيبها...

وسام وماريا اشترو فيلة كبيرة وسكنوا فيها مع أهلهم وإخواتهم ربيع وريحان اللي تزوجوا من فترة قصيرة .. ورعد.. وهلأ قاعدين يحضروا لبس البيبي اللي جاي عالطريق وبختاروا السرير والخزانة وألوان الغرفة..
وكل يوم إم ماريا وإم وسام عم يتقاتلوا على اسم المولود اللي لسا ما أجا اصلاً

حمدي كمل دراسته وسمح لأخته ترجع عالجامعة وتكمل دراستها.. اقترح على والدته يشتري بيت كبير وأحلى من البيت الشعبي اللي قاعدين فيه ... بس إمه رفضت الفكرة لإنه هدا بيتها اللي ربيت وتزوجت فيه .. ومستحيل تتخلى عن البيت اللي ورثته من أهلها...

ففتح مطعم كبير وصارت إم حمدي الشيف الأساسي بالمطعم .. وكل الزباين صارت تعرفها وتعرف طبخها وأكلاتها المشهورة ... وحمدي كان مدير المطعم .. يروح عالشغل كل يوم بعد الجامعة ... وبوقت الجامعة تكون إمه موجودة بداله ....

نسمة رجعت على مصر عند أهلها .. وأبوها ماسمحلها ترجع على سوريا .. وسمحلها تكمل دراستها بدون مايغصبها عالزواج بشرط إنه ما ترجع تتركهم ...

ففتحت مشروع كبير لأبوها وفتحتله محل صياغة كبير بيتضمن كل أنواع الذهب والفضة والألماس...وصارت عيشتها هي واهلها من المحل ...
*

بعرس يزن وندى...
كلهم فرحانين ومبسوطين بهالفرحة...
قاعدين كلهم على طاولة ولابسين أحلى لبس .. ليش لأ وهمه من أكبر رجال ونساء الأعمال بالبلد ...

هاجر : شو مبروك قال خطبتوا إنت وسيلينا ..

مهند : الله يبارك فيكِ يارب .. إي والله عقبال عندك ... الأسبوع الجاي خطبتنا وكلكم معزومين عالخطبة...

سيلينا : إي أمانة تيجو كلكم...

: يالهوي.. إزاي تخطبوا من ورايا ؟؟... وإزاي يزن وندى يتجوزوا بدون ما يعزموني.. هزعل منكم أنا والنبي ...

كلهم باستغراب: نسمة !!!!!!

نسمة : أيوا نسمة .. إيه شفتوا شيطان والعياذ بالله ..

حمدي : ليش ماخبرتينا قبل ماتيجي مشان نستقبلك بالمطار ...

نسمة: زيارتي جات فجأة ... ولحد دلوقتي مش مصدقة إزاي بابا سمحلي آجي سوريا أشوفكم ...

علياء : الحمد لله عسلامتك.. نورتِ سوريا ..

وسام: شبكِ ماريا .. ليش وجهك أصفر ..

ماريا: عم أتوجع .. بس عم ثبت حالي مشان ماصرخ ولم أهل الحفلة علينا ...

علياء: لتكوني رح تولدي؟

ماريا : لسا باقي 20 يوم لوقت الولادة ..

عليا : احتمال ولادة مبكرة.. بسرعة وسام خدها عالمستشفى شو عم تنتظر ...

وسام وهو مرتبك : آه عالمستشفى.. ليش المستشفى؟

ماريا بصراخ : وسااام..

وسام : حاضر حاضر ..

بعد ساعتين ولدت ماريا وجابت ولد سمته قدر .. نسبه لقدرهم اللي رجعهم على وطنهم وخلى قصة الجزيرة رب ضارة نافعة... واللي بسبب قدرهم بهديك الجزيرة صاروا معروفين بالبلد...
مع إنه إم ماريا كان بدها اسم نزار على اسم أبوها.. وإم وسام كان بدها اسم حمزة على اسم زوجها .. والتنتين زعلوا لإنه ماسموا على الاسم اللي كل وحدة اختارته...
**

لوّن حياتك بألوان التفاؤل والسعادة والفرح، الحياة كلوحة تنتظر الألوان لتغدو أكثر جمالاً، نولد ولوحة حياتنا بيضاء نقيّة، منا من يحولها إلى الســــواد ومنا من يحافظ على نقائها و صفائها، إذا سمـاؤك يوماً تحجبت بالغيوم أغمض جفونك تبصر خلف الغيوم نجوم، والأرض حولك إذا ما توشحت بالثلوج، أغمض جفونك تبصر تحت الثلوج مروج، رغم وجود الشر هناك الخير، رغم وجود المشاكل هناك الحل، رغم وجود الفشل هناك النجاح، رغم قسوة الواقع هناك زهرة أمل .. ويمنى كمان 😁

#الاقتباس من عمو جوجل

*انتهت*****
#بقلم_الثنائي
#يمنى_عفيف #أمل_الحياة
نلقاكم بإذن الله بقصة جديدة وأحداث جديدة .. وبنتمنى تكون القصة نالت إعجابكم.. وماتنسونا من دعواتكم وآراءكم.. دمتم بحفظ الله ورعايته

خواتكم #أمل_الحياة_و_يمنى_عفيف