الجزء_العاشر (10) : #الأخييييير
@rwayate
من اليوم يلي تركني وراح عم استناه … يمكن ما حكيتلكن من قبل … اصلا انا ما كنت قول هالشي لحالي … كنت خاف واخجل.
خاف بعد ما ارجع اتعلق فيه نترك بعض
واخجل من حالي لان صرت بالثلاثين وعم ارجع حب متل مراهقة صغيرة !!!
استغربتو ما !! … يمكن الحب مالو عمر ولا الو وقت بس انا هيك كنت فكر … الحب كان عندي خاص بسن معين وحسيتو انتهى من زمان لما طلقني وراح … وهاد يلي خلا مشاعري تصير جامدة قدامو.
هني دخلو وقعدو بأرض الديار وانا دخلت عملت قهوة … طلعت وحطيتا وانا عم قول
قدر: ليش ما حطيتو الغراض بغرفكن
أم فارس: أي غرف؟؟
قدر: خدو الغرف يلي بدكن اياها
أبو فارس: لأ عمي غرفة وحدة منقعد فيها كلنا
قدر: لا وكسر الهاء
ركضت قدامن وبلشت جهز غرفتين نوم كانو لأخواتي ومن قبل كانو لبيت عمي وهلق صارو مسكرين
اتساعدنا انا ومرة عمو لحتى حهزناهن
طلعت وانا عم قلن
قدر: يلا فوتو ارتاحو أكيد تعبانين
دخلو كلن وارتاحو وانا اتصلت بنسوان اخواتي ليجو نجتمع سوا ونعمل الغدا
كل واحد من اخواتي صار عندو ولدين صبيان … هني كانو ضحكتي … لما شوفن عم يتفتلو بالبيت افرح بشكل ما طبيعي وحس هموم الدنيا كلا انزاحت عني … ونسوان اخواتي متل السكرة والله بهالسنين كانو متل اخواتي يل ماجابتهن امي
يمكن عقدة البنات رح تبقى وراثة بالعيلة … وتبقى البنت عنا مفقودة !! …
بس فارس كسر القاعدة وجاب اول الشي بنت (سندس) كانت صغيرة كتير وبتاخد العقل فيها شبه من أمها وأبوها
بعد العصر كنا مشغولين بتجهيز الغدا بالمطبخ انا ونسوان اخواتي والولاد عم يلعبو والرجال كلن متجمعين عند البحرة وصوت ضحكهن واصل لعنا.
#بقلم_مروةآغا
يالله شو حلو هاليوم ماتمنيتو يخلص … شقد اتمنيت هالجمعة تكون من زمان… بس كانو كل ما يكو تصير قصة شكل … اول جية اجوها من بعد سنين كانت لما احترقت ومن بعدا يجو كرمال اوراق مهمة ومرة لان بابا اتوفى وهلق لان ماما اتوفت
الن سنتين غايبين … بس عمي ومرتو ما كانو يقطعوني دائماً يحاكوني
اتغدينا كلنا بأرض الديار ع الطاولة الكبيرة … كنت فرحانة وطاير عقلي كمان بالكل وبالاخص سندس الصغيرة … كانت لذيذة بكل شي بحركاتا وبحكياتا … حبيتا وكتير كمان.
مرة عمو: سندس نامت
نزلت راسي لعندا وشفتا نامت بحضني
مرة عمو: قوم فارس خدا منا
قرب فارس ووقف قدامي ومد ايديه ليقربا مني وهو بيبتسم ابتسامتو الخطيرة يلي بتدبحني
اتلبكت وبعدت وكهي عنو وقلت: لأ انا باخدا … حطا بغرفتك مرة عمو؟
مرة عمو: اي عندي … فارس طالعلا بجامة
هيي قالت فارس قلت معناها اكيد رح يلحقني ع الغرفة!! … ليش ما احت هيي ما بعرف يمكن اتأصدت تعمل هيك مرة عمي وبعرفها
بلعت ريقي ومشيت قدامو وخفت من المواجهة يلي بدا تصير هلق من بعد سنتين كنت طول الوقت اتهرب منو.
جبانة أي انا جبانة بس هيك طبعي وما عم بقدر غيرو
دخلت مددتا ع التخت وانتظرت فارس لحتى يطالع البجامة من دون ما التفت
رجف قلبي لما لمسلي كتافي ولفني لعندو
شهقة فلتت مني غصب عني مع رجفة كنت حابستا من سنين
فارس: هاي سنتين زيادة راحو من عمرنا
بايدين بيرجفو سحبت البجامة منو والتفتت لبستا لسندس
رجع هو يحكي: قولك كام ولد كان عنا لو متزوجيين من عشر سنين
دمعو عيوني من الذكريات الصعبة القديمة وما قدرت رد
فارس: يا ظالمة سنتين ولا بتسألي فيي
قدر: ولا أنت سألت
كيف طلعت هالجملة مابعرف … نطقتا بسرعة متل الرصاص
فارس: لان كنت ناطرك
قدر: والله لو نطرت العمر كلو ما بحاكيك
فارس: أفففف كل هالقد كرهتيني
قدر: لأ ما هيك انا اتصلت مرة وحدة بحياتي وما عاد عيدها … وأنا بصبر ورح ضل اصبر
فارس: طيب لساتك عند وعدك
التفتت لعندو ضيقت عيوني وسألتو: أي وعد؟؟
فارس: من زمااان يمكن من 8 سنين اتصلتي فيي بتذكري
نزلت راسي واتذكرت هاليوم لما اتصلت فيه بعدما ما عرفت حقيقة المتحرش فيي … حاكيتو واعتذرت منو وطلبت من يرجع بس هو رفض كرامتو كانت اكبر من هيك وجوابو كان
(فارس: اذا مافي ثقة ما يتنجح الحياة
قدر: بس ترجع ثقتك فيي ارجعلي
فارس: يمكن طول
قدر: رح استناك
فارس: شقد رح تستني
قدر: رح استناك العمر كلو … بحبك)
بهداك اليوم احلامنا كانت كبيرة … بس يلي صار انو فكرنا بعض خنا هالعهد واتزوجنا وبالحقيقة يلي صار انو اهالينا ضحكو علينا ليبعدونا ويزوجونا !!
ما بدي أظلمهم أكيد هني كانو بفكرو بمصلحتنا … لان شافو ماعاد في طريق يجمعنا !!!
فارس: ما جاوبتيني لساتك عند وعدك
قدر: انا مابخون الوعد
فارس: وانا رح صون هالحب
قدر: حب؟؟
فارس: انت مانطقتيا بوجهي ابداً من اول ما انكتبنا لبعض بس انا سمعتا من ورا الباب
غطيت وجهي بايدي التنين وقلتلو: سمعتني!! … لكن ليش طولت
ضحك فارس وقال بخبث: يتمنعن وهن راغبات
بعدت وجهي عنو من كتر ما خجلت من جملتو يلي فيها شوية جرأة
فارس: قلت لتلاقي حالك وتبطلي تقولي انك سم لقلبي … لك قدر انت حب حياتي ما قدرت اتحمل مرة تاني تكون بحياتي والله ما قدرت
@rwayate
من اليوم يلي تركني وراح عم استناه … يمكن ما حكيتلكن من قبل … اصلا انا ما كنت قول هالشي لحالي … كنت خاف واخجل.
خاف بعد ما ارجع اتعلق فيه نترك بعض
واخجل من حالي لان صرت بالثلاثين وعم ارجع حب متل مراهقة صغيرة !!!
استغربتو ما !! … يمكن الحب مالو عمر ولا الو وقت بس انا هيك كنت فكر … الحب كان عندي خاص بسن معين وحسيتو انتهى من زمان لما طلقني وراح … وهاد يلي خلا مشاعري تصير جامدة قدامو.
هني دخلو وقعدو بأرض الديار وانا دخلت عملت قهوة … طلعت وحطيتا وانا عم قول
قدر: ليش ما حطيتو الغراض بغرفكن
أم فارس: أي غرف؟؟
قدر: خدو الغرف يلي بدكن اياها
أبو فارس: لأ عمي غرفة وحدة منقعد فيها كلنا
قدر: لا وكسر الهاء
ركضت قدامن وبلشت جهز غرفتين نوم كانو لأخواتي ومن قبل كانو لبيت عمي وهلق صارو مسكرين
اتساعدنا انا ومرة عمو لحتى حهزناهن
طلعت وانا عم قلن
قدر: يلا فوتو ارتاحو أكيد تعبانين
دخلو كلن وارتاحو وانا اتصلت بنسوان اخواتي ليجو نجتمع سوا ونعمل الغدا
كل واحد من اخواتي صار عندو ولدين صبيان … هني كانو ضحكتي … لما شوفن عم يتفتلو بالبيت افرح بشكل ما طبيعي وحس هموم الدنيا كلا انزاحت عني … ونسوان اخواتي متل السكرة والله بهالسنين كانو متل اخواتي يل ماجابتهن امي
يمكن عقدة البنات رح تبقى وراثة بالعيلة … وتبقى البنت عنا مفقودة !! …
بس فارس كسر القاعدة وجاب اول الشي بنت (سندس) كانت صغيرة كتير وبتاخد العقل فيها شبه من أمها وأبوها
بعد العصر كنا مشغولين بتجهيز الغدا بالمطبخ انا ونسوان اخواتي والولاد عم يلعبو والرجال كلن متجمعين عند البحرة وصوت ضحكهن واصل لعنا.
#بقلم_مروةآغا
يالله شو حلو هاليوم ماتمنيتو يخلص … شقد اتمنيت هالجمعة تكون من زمان… بس كانو كل ما يكو تصير قصة شكل … اول جية اجوها من بعد سنين كانت لما احترقت ومن بعدا يجو كرمال اوراق مهمة ومرة لان بابا اتوفى وهلق لان ماما اتوفت
الن سنتين غايبين … بس عمي ومرتو ما كانو يقطعوني دائماً يحاكوني
اتغدينا كلنا بأرض الديار ع الطاولة الكبيرة … كنت فرحانة وطاير عقلي كمان بالكل وبالاخص سندس الصغيرة … كانت لذيذة بكل شي بحركاتا وبحكياتا … حبيتا وكتير كمان.
مرة عمو: سندس نامت
نزلت راسي لعندا وشفتا نامت بحضني
مرة عمو: قوم فارس خدا منا
قرب فارس ووقف قدامي ومد ايديه ليقربا مني وهو بيبتسم ابتسامتو الخطيرة يلي بتدبحني
اتلبكت وبعدت وكهي عنو وقلت: لأ انا باخدا … حطا بغرفتك مرة عمو؟
مرة عمو: اي عندي … فارس طالعلا بجامة
هيي قالت فارس قلت معناها اكيد رح يلحقني ع الغرفة!! … ليش ما احت هيي ما بعرف يمكن اتأصدت تعمل هيك مرة عمي وبعرفها
بلعت ريقي ومشيت قدامو وخفت من المواجهة يلي بدا تصير هلق من بعد سنتين كنت طول الوقت اتهرب منو.
جبانة أي انا جبانة بس هيك طبعي وما عم بقدر غيرو
دخلت مددتا ع التخت وانتظرت فارس لحتى يطالع البجامة من دون ما التفت
رجف قلبي لما لمسلي كتافي ولفني لعندو
شهقة فلتت مني غصب عني مع رجفة كنت حابستا من سنين
فارس: هاي سنتين زيادة راحو من عمرنا
بايدين بيرجفو سحبت البجامة منو والتفتت لبستا لسندس
رجع هو يحكي: قولك كام ولد كان عنا لو متزوجيين من عشر سنين
دمعو عيوني من الذكريات الصعبة القديمة وما قدرت رد
فارس: يا ظالمة سنتين ولا بتسألي فيي
قدر: ولا أنت سألت
كيف طلعت هالجملة مابعرف … نطقتا بسرعة متل الرصاص
فارس: لان كنت ناطرك
قدر: والله لو نطرت العمر كلو ما بحاكيك
فارس: أفففف كل هالقد كرهتيني
قدر: لأ ما هيك انا اتصلت مرة وحدة بحياتي وما عاد عيدها … وأنا بصبر ورح ضل اصبر
فارس: طيب لساتك عند وعدك
التفتت لعندو ضيقت عيوني وسألتو: أي وعد؟؟
فارس: من زمااان يمكن من 8 سنين اتصلتي فيي بتذكري
نزلت راسي واتذكرت هاليوم لما اتصلت فيه بعدما ما عرفت حقيقة المتحرش فيي … حاكيتو واعتذرت منو وطلبت من يرجع بس هو رفض كرامتو كانت اكبر من هيك وجوابو كان
(فارس: اذا مافي ثقة ما يتنجح الحياة
قدر: بس ترجع ثقتك فيي ارجعلي
فارس: يمكن طول
قدر: رح استناك
فارس: شقد رح تستني
قدر: رح استناك العمر كلو … بحبك)
بهداك اليوم احلامنا كانت كبيرة … بس يلي صار انو فكرنا بعض خنا هالعهد واتزوجنا وبالحقيقة يلي صار انو اهالينا ضحكو علينا ليبعدونا ويزوجونا !!
ما بدي أظلمهم أكيد هني كانو بفكرو بمصلحتنا … لان شافو ماعاد في طريق يجمعنا !!!
فارس: ما جاوبتيني لساتك عند وعدك
قدر: انا مابخون الوعد
فارس: وانا رح صون هالحب
قدر: حب؟؟
فارس: انت مانطقتيا بوجهي ابداً من اول ما انكتبنا لبعض بس انا سمعتا من ورا الباب
غطيت وجهي بايدي التنين وقلتلو: سمعتني!! … لكن ليش طولت
ضحك فارس وقال بخبث: يتمنعن وهن راغبات
بعدت وجهي عنو من كتر ما خجلت من جملتو يلي فيها شوية جرأة
فارس: قلت لتلاقي حالك وتبطلي تقولي انك سم لقلبي … لك قدر انت حب حياتي ما قدرت اتحمل مرة تاني تكون بحياتي والله ما قدرت
