#دمـــــوع_تــــبــــتــســم
#الجزء_الآول
Telegram: @rwayate
لا سلطة لنا على قلوبنا، هي تنبض لمن أرادت ومتى أرادت وكيف ما أرادت، بعضهم ينبض القلب له، وبعضهم ينبض القلب به، وبعضهم هم نبض القلوب.

عصام. بدي موتك ههههه
مرام. مجنون بعد عني يا امي اه لك اتركني
عصام. جاوبيني ليش مابتردي علي

مرام. اميييي تعي عندك ابنك عم يوجعني
عصام. هههههه

اجا اخي التاني محمد اصغر من عصام بسنتين

محمد. اتركها لأختك ليش عم تضربها
مرام. منيح انك اجيت وخلصتني منو

عصام. زعلتي ؟
مرام. اي حل عني ولا تحكي معي
عصام. انتي متأكدة
مرام. اي
عصام. تسطفلي كنت بدي اخدك مشوار حلو كتير

مرام. لا شكرا محمد بياخدني
محمد. تكرم عينك بس المسا مو هلأ
مرام. اي موافقة

انا مرام عمري 16 سنة وحيدة ع اربع شباب ومدللة كتير من عيلتي لأنو مافي غيري بنت ماحدا بزعلني او بيرفضلي طلب واذا صارت وحدا زعلني فورا بشكيه لأخي محمد دائما بدافع عني ومابحب حدا يلمسني
طبعا بالبيت كتيررر بحبوني اخوتي واكتر شي محمد
مابيقدر يشوف حدا مزعلني
بعاملوني كأني طفلة صغيرة لأن شايفيني ومانهم مسدئين لانو مافي غيري وبتدلل ع الكل

وضعنا المادي كتير منيح وحياتنا حلوة كتير وماناقصنا شي
والحمدلله الكل قلوبنا ع بعض

ستي امو لأبي عايشة معنا بنفس البيت لأنو ابي هوا اصغر شي بأولادها
وكتيرر كتير بنحبها
اعمامي وعماتي كل يوم بيجو لعنا ليسلمو ع امهم وبتصير سهرات كتير حلوة
يعني حياه بسيطة كتير

محمد. انا رايح مشوار مع صحابي ويمكن اتأخر
مرام. ما عأساس تاخدني معك
محمد. اي ماشي بس ارجع

عصام. استنا في كم غرض تجبلي ياهم معك بما انك رايح
محمد. ماشي بجبلك شو مابدك بس امانة لا تزعلها لمرام

دخلت ع المطبخ لعند امي وانا مالة ومو عارفة شو اعمل الدنيا صيف والنهارات طويلة ومافي شي اتسلا فيه

ام عصام. مرام يلا تعي خلينا نجهز الغدا
يلا خلصيني شو بتستني

مرام. بستنا محمد
ام عصام. ليش وينو
مرام. راح لعند رفقاتو
ام عصام. اي شو بدك منو
مرام. بدو ياخدني مشوار بس يجي والله مالة كتير

ام عصام. طيب روحي لعند بنات عمك اتسلي معهن
مرام. هيك قولتك لكن خليني جهز حالي وروح

دخلت ع غرفتي وظليت نص ساعة وانا جهز بحالي لحتى يمضى الوقت
طلعت وبدي روح ع بيت عمي الي كانو جيرانا
عمي عندو 7 بنات و ولد صغير
كنت كتير حب روح لعندهم لانو مافي غير بنات وبتسلا معهن

مرام. ماما بدك شي قبل ماروح
ام عصام. لا سلامتك

مشيت اول خطوتين قلبي نقزني وحسيت في شي كتم ع نفسي
قربت اوصل ع بيت عمي لقيت قدام بيتهم جمعة ناس كتيررر وكلهم قرايبنا اولاد اعمامي وعماتي
قلت الله اعلم شو في

مرام. مرحبا كيفك ايات
ايات. اهلين مرام تعي معي ندخل ع البيت

مرام. ليش شو في
ايات. ولشي تعي معي
مرام. ليش الشباب مجتمعين عندكم شو في
ايات. ولشي

اجتمعو حواليي بنات عمي وكانت وجوهم مابتتفسر ونظراتهم غريبة
مرام. شبكم شو في يعني هي اول مره بتشوفوني

قربت مني مرتو لعمي

ام قاسم. مرام حبيبتي وينهن امك وابوكي
مرام. امي بالبيت وابي بالمحل خير شو في

ام قاسم. مافي شي ادخلي مع البنات ع البيت

حاولو يدخلوني مارضيت لاني حاسة انو في شي ماخلوني قرب واسمع شو بيحكو
وقفت انا والبنات ع جنب ومافاهمة شي

مرام. امانة تحكو شو في
ايات. لك والله مافي شي بس

انقطع حكيها وقت اجا ابن عمتي ع الموتور وكان لابس قميص ابيض ومليان دم

احمد. وينو خالي ابو عصام خبرتوه ؟
بدي شباب تنين يطلعو معي بسرعة

حكا كلمتين بسرعة واخد شباب تنين معو وراحو

الكل كان يسألو طمنا شو صار بس مارد ع حدا كان مستعجل كتير
قربت منهم وسألتهم

مرام. بشو بدكم تخبروه لبابا وليش احمد كل تيابو عليها دم
شو صاير احكو

قرب مني عمي ابوقاسم الي كان متل ابي

ابوقاسم. مو صاير شي عمي
يلا يا بنات ادخلو انتو ومرام ع البيت نحنا رايحين ع بيت عمكم

مرام. اي لكن بروح معكم هلأ ماما بتحتاجني
ابو قاسم. لا خليكي هون
مرام. طيب

مشيو كل الي كانو موجودين بأتجاه بيتنا

مرام. اذا انا غالية عليكم احكولي شو في وليش تياب احمد عليهم دم وليش كان مستعجل

بنات عمي حاولو يخبو الموضوع ومايحكولي بس في اصغر بنت عمرها اقل من 8 سنين جاوبتني جواب وكان قاسي عليي كتيرر قالتلي

ندى. مرام اخوكي محمد مات بحادث سيارة والله

#الجزء_الثاني


وعم يخبروها لعمتي انو محمد مات

انفجرت عمتي بالبكي ودخلت ع البيت وهي تبكي ومو قدرانا تحبس دموعها

دخلت عمتي ع البيت وهي تبكي وحاولت تخبي امي بس شافتها انهارت صارت امي تسألها ليش عم تبكي شو في
كان جوابها لعمتي مافي شي اتطمني ومحمد وضعو منيح بس رجلو مكسورة

ام عصام. لكن انتي ليش عم تبكي
مين الي حكا معك

عمتي ساكتة وتبكي

مرام. لكن من شو الدم الي كان ع قميص احمد ابنك
ام عصام. لك احكو الحقيقة يا امي يا محمد وينك شو صاير معك ياعمري

عمتي ماقدرت تخبر امي خافت يصير

عليها شي
بس خبرت كل الي كانو موجودين الا انا وستي وامي

اج

#عقاب 1
#الجزء_الآول :
مقدمة عن القصة
كل بنت فينا بتتمنى تلبس الابيض تطل فيه بين اهلها وقرايبينا ورفئاتا تسمع الزلاغيط والاغاني يزفوها لعند عريسا متلها متل الاميرة بتتمنى هاليوم لتنشأ عيلة وحياة جديدة وتكون احلى نقطة تحول بحياتا .....
بس مو أي بنت كانت تتمنى هالشي وانا كنت وحدة منهم
اسمي ندى عم اكتب عدفتر مذكراتي يلي بعتبرو رفيئي يلي بفضفضلو عن مشاكلي وهمومي لانو للاسف مافيني احكي لحدا بيلي عم يصير معي غير هالدفتر يلي مابيعرف في حدا .
برجع لكلمة انا وبكررها...
انا ماكان بدي كون عروس ولا بدي اللبس الابيض ولا افرح بهالشي لانو عندي مراحل بدي عيشا اهم بكتير من الزواج بهالعمر بدي اللعب وبدي ادرس وبدي روح واجي مع رفئاتي بدي عيش مع اهلي واشبع من اخواتي
بس هالشغلات البسيطة ويلي كانت من حقي عيشا كنت محرومة منا عنا بالعيلة لانو البنت بس تخلص التاسع وتاخد الشهادة بحسب تفكيرن يعني البنت هون صارت تعرف تقرأ وتكتب لهيك كفايتا كانت المرحلة الاعدادية بس .
وكمان هي صارت بسن البلوغ وصارت مصدر خوف للاهل فهي لازم تعد بالبيت وماتتفتح على شي لحتى يحافظوا على شرفها اولا" وتساعد امها تانيا'' ومتأكدة لحتى يخلصو من عبئ تكاليفها وبزات البنت لانها ضلع قاصر بنظرهم ومو طالع بايدا شي .
وهيك بتستنى عريسها لياخدا ويحافظ عليها هو .
عمري 15 سنة لما ابي طلعني من المدرسة
وكان فكرو انو يزوجني دغري بعد ماخلصت بس طلعت حساباتو خاطئة وماحدا تأدملي بهالفترة كنت عايشة بيت مؤلف من اب وام واخين صغار واخت صغيرة و انا اكبرهم بابا رجال حالتو على قدها دوبو عم يوفرلنا قوت يومنا واحتياجاتنا الاساسية وامي ست صابرة ومتحملة بس كان تفكيرها قديم متل باقي العيلة لنظرتن للبنت تربت ونشأت على هالشي وقدرت ترضخ للواقع وتصير جزء منو
ومرت السنين وصرت بالـ17 واجاني العريس الموعود شب بال 27 احوالو المادية منيحة ومامن حالو ووضعو بنسبة لاهلي كان عريس لقطة ومالازم نوقف ابدا
خفت ورتعبت وبكيت والتلا لامي مابدي مابدي اتجوز
ومن هون بلشت قصتي ..
-------------
ندى : بوس ايدك يا امي مابدي اتجوز مشان الله
ام ندى : حابة ضلي بالبيت لا دراسة ولا جواز
ندى : لك ليش انتو خليتوني ادرس لك مو غص من عني طلعتوني من المدرسة مع اني كنت شاطرة وماسالتو علي
ام ندى : شوفي ابوكي مابيتناقش بهالقصص بالمرة فلا تعذبي حالك وتعذبينا
بعدين يابنتي الشب مقتدر بكرا حيعيشك احلى عيشة ويستتك ويهنيكي مو احسن من عيشتك هون
ندى : لو بتخلوني كمل تعليمي انا قبلانة بالفقر وبكلشي معكن
ام ندى : اليوم الجماعة جاايين يشوفوكي نتهينا
-------------
ماكان فيني قاوم ولا قول لاء ولا اعطي رأي لانو بنظرن انو هنن ادرى بمصلحتنا ولو هالشي بخالف رغباتنا
اصعب شي اقرب انسانة يلي هي امك تكون ضدك وواقفة معهن عالغلط الاهر والوجع يلي جواتي مابتتحملوا جبال ومع هيك كنت قول يارب انت اعلم بحالي فك الظلم عني
وريحني .
تمت الخطبة و عجبتن لاهل العريس والعريس وافق علي نخطبت سنة كاملة لصرت بالـ 18 لنقدر نتزوج بالمحكمة وماكون تزوجت وانا قاصر
طبعا'' هالشي من رغبة العريس واهلو لانو اهلي ماعندن مانع ولو كنت قاصر اتزوج بس العريس عجبهن ومابدن يخسروه ووافقو عطلبو .
كانت علاقتي فيه بهالسنة جدية وباردة يجي لعنا كل خميس يتغدى ويعد مع اهلي يحكي معي كلمتين ويروح يحاكيني صدف عالتلفون ومايهتم فيني متل مابسمع عن المخطوبين بس امي دائما تحط الحق علي وتقلي انت لانك مابتعطي وجه و جامدة معو لهسبب هو هيك وعطول في الها مبررات وحجج لتصرفاتو والغلط مني دائما وكنت سدئها فعلا''
هيك لحتى اجى هاليوم الموعود البدلة البيضة والطرحة والعرس والتجهيزات صار الوقت يلي اطلع فيه من هالبيت صار الوقت لودع ذكرياتي فيه القاسية والحنونة
وقبل مااطلع سلمت عأخواتي وضميتن كتير
زعلت عأختي اكتر لانو جاييها هاليوم ومافي مهرب منو
نحرء البي اني رح اتركهن وامشي .
ودعت البيت وحيطانو وعفشو وزواياه صح كان ظالم علي وموجعني بس بضل في ذكريات حلوة بين لسطور مخباية قد ماكانت بسيطة .
واخر شي ودعت ابي بست ايدو وضمني لصدرو لاول مرة
لما تطلعت بعيونو لقيتهم مدمعين ولاول مرة بشوف ابي مدمع مشاني ومع هيك ماقدرت سامحو ولا اتعاطف معو لانو القرار كان بايدو وهو وصلني لهون
طلعت فيهم بحرئة ومشيت ...
--------------------
يتبع ...

#مـــجــرد_حـــلـــم 🌸✨
#الجزء_الآول ⑴

Telegram:@rwayate
بحثنا عن الحبّ، ومشينا وراءه، أنسانا أنفسنا وعالمنا، ورسمنا طريقنا بالخيال والأساطير، لم نعلم أنّه مؤلم، ولم نتصوّر مقدار العذاب الذي قد يسبّبه، فعشنا لحظة فرح يملؤها العشق، لكنّنا وجدنا عذاباً وألماً لم يكن في الحسبان، فألمُ الحبّ يمزّق الجسد، وعذابه يدمّر القلب

فتحت الدفتر الي اشتريتو مشان اكتب فيه كل كم يوم مذكراتي مع اني بعرف اذا متت او اختفيت مارح يكون في حدا يفتحو او يهتم للي مكتوب فيه يمكن اذا شافوه بالصدفة يلحشوه بشي مكان او يكبوه بالزبالة لأن مافي حدا بهمو امري ، بلشت اكتب

( بسم الله الرحمن الرحيم )

انا لين صار مارق ع وجودي ببيت خالة ام غسان 6 سنين من بداية الاحداث بسوريا
تاريخ ميلادي بكون بكرا وببلش بال 19 سنة يوم عادي متل باقي الايام تعب .. تعب .. تعب وهم ووحدة الى اخره
السنين عم تركض ورا بعض وسرعة الايام بتخوف
والاصعب من هيك انو ما الي حدا

من 6 سنين فقدت ابي بالاحداث الي صارت وقبلها بكم سنة فقدت امي بحادث سيارة وهي حامل بتؤام

امي وابي ماكان يجيهن اطفال وظلو سنين يتعالجو بدون امل
لوقت ماعملت امي زراعة اطفال انابيب واجيت انا ع الدنيا

كنت فرحة كبيرة لأهلي نورت حياتهم كنت كل شي بالنسبة الهم
بعد سبع سنين قررو يعملو زراعة مرة تانية ليجيبولي اخ وبالفعل حملت امي بتؤام
كانت فرحة ابي وامي مابتنوصف
لكن ماكملت فرحتهم امي صار معها حادث بالسيارة وتوفت
وهالشي كسرلو ظهرو لأبي وعاهد نفسو انو مايتزوج بعد امي لان كان يحبها كتير وعاشت معو ع الحلوة والمرة وبقيت معو رغم انو ما كان يجيه اطفال

بعد وفاة امي توفى عمي الوحيد وكان مسافر برات البلد عندو 4 بنات وطفل وحيد

رباني ابي وعلمني كنت كل دنيتو لوقت ماصار عمري 13 سنة كانت اول الاحداث بسوريا
وبوقتا خسرت ابي الي ما الي غيرو

كنت صغيرة كتير بوقتا اخدتني خالة ام غسان
هي مو خالتي ومابعرفها ولا بتقربني
عاملتني معاملة كتير منيحة علمتني شغل البيت والطبخ وانا بعمر صغير ، نيمتني بين بناتها وشو ماتجبلهن تجبلي الي كمان
كبرت بينهم وصرت حسهم عيلتي تعودت عليهم وبحبهم كتير

واوقات كان تقسى علي يمكن هالشي مشان مصلحتي ويمكن لانو قد ماكنت بحبهم بيبقى في فرق بيني وبينهم

بس كل شي الو مقابل
ومقابل هالشي انا كنت شغالة عندهم براتب بسيط بس ماكنت بحتاج شي ابدا
وماكان بدي منهن مصاري بيكفي اني ابقى بينهم

مرت عمي وبنات عمي مابيسألو عني ولا بهمهن امري ولا بيعرفو كيف عايشة مبسوطة او لا مرتاحة او لا
بيحكو معي مكالمة كل شهرين
ومرت عمي بتحكي مع خالة ام غسان وبتقلا تنتبه عليي
بعمرها مافكرت انو تاخدني عندها يمكن لأن عندها شب عزابي ويمكن مو مشان هيك

هالحرب غيرت الناس كتير ماحدا لحدا وماحدا بحب حدا اوقات بقول لحالي منيح منها خالة ام غسان انو خلتني عندها
ومافي صلة قرابة بيني وبينهم

صحيح انا شغالة عندهم بس بيكفي اني صرت حس حالي وحدة منهم او حسيت بالأمان بينهم
وبعمرهم ماحسسوني اني شغالة

خالة ام غسان عندها 6 شباب و3 بنات
الشباب كلهن متزوجين الا تنين واحد برات البلد والصغير اسمو ينال عمرو 26 سنة

والبنات وحدة متزوجة برات البلد والتنتين الي بقيو سحر وسمر بحبوني وانا وياهن رفقات هني بيدرسو بالجامعة وحدة من عمري وحدة اكبر مني

بالبيت مافي شباب بس انا وخالة ام غسان وسحر وسمر
ينال الو بيت لوحدو بالطابق التاني بس بيجي وقت الاكل

والشباب التانيين كل واحد ببيتو بعيد عنا
مابيجو الا كل يوم جمعة
بس بهاد اليوم بتجتمع كل العيلة
وانا ببلش بكل شي صحيح مرتاحة معهم بس والله بتعب كتير كتيررر

مابلحق شغل بالبيت ومابيجي اخر الليل الا وانا هلكانة من التعب
كل شيييي عليي ومطلوب مني
الغسيل والكوي والجلي والشطف والطبخ والتعزيل
اوقات بدوخ من كتر التعب

قبل سنة والله ماكنت اتعب ابدا بس هلأ نحنا بمدينة مافيها شي وكل قرايب الخالة ام غسان الوضع عندهم صعب وبس يصير بمدينتهم شي بيجو بيقعدو عنا لحتى تهدأ الاوضاع
يعني البيت مابقى فضي ناس رايحة وناس جاية
خالة ام غسان بتساعدني بشغل البيت بس هلأ مابقى قدرت لانو كبرت بالعمر والبنات عليهن دراسة
وكناين ام غسان بيجو ضيفات وبروحو

اوقات مابنام الليل من وجع ضهري
كتير بفرح لما مايجي علينا حدا بحس براحة كبيرة

كل قرايبهم تعودو ع وجودي ببيت ام غسان وكأني وحدة منهم

ولا مرة سمعوني كلمة ما منيحة او ظلموني
مابطلع من البيت ابدا الا لما نطلع كلنا سيران او ع شي مناسبة كنت روح معهن والبس متل سحر وسمر

دائما لابسة تياب البيت ومابهتم بحالي رغم اني حلوة

هالدنيا علمتني اشياء كتيرة ماكنت بعرفها

#آنــــا_واخـــتـــي 🎬
#الجزء_الآول ⑴

#قنديل :- 240 --250-260-..وهاي 300 ..
.
#سلمى :- اختي وهاي شووو
.
#قنديل :- اختي هاي لالي اعطتني اياهن مدام كبيرة بالعمر وانا عم اغسل لالها السيارة واعطتني هاي الورقة وماعرفاني اقرها ..اقرأيها لالي ...
..
#سلمي :- اختي لاتكوني رحتي معها على شي مكان...هاتي الورقة...اسمعي اجا عامر نامي نامي ..وهاتي هادولي خبيهن ..لاتقولي لعامر عن شي ...
.
#عامر :- شو مخلصين شغل اليوم بكير.. قومي قومي لابلش ضرب بالعصا عليكم ..شو ست سلمي حابة شوهلك نص وجهك التاني ولا اشوه لقنديل وجهها الحلو ..
.
#سلمي :- لا لا خد اليوم خلصنا بكير وهاي 300 من اختي و300 مني ...والله ماصرفنا شي وما اكلنا شي ...
.
.#عامر :- في خبز بايت جبتو معي خذيه ..واتسممو ونامو ..
.
#قنديل :- اختي رح عامر ..اختي انا تعبت من هالحال والله طلعينا من هون
.
.#سلمي :- وين بدنا نروح قليلي الدنيا كلها وحوش..
.
.#قنديل :- يعنى هاد عامر مو وحش متلهم شوفي شلون شوهلك وجهك ..اختي الله يخليكي احكيلي عن امي وابي ..انتي قلتيلي من تكبري رح قلك وهيني هلاء صرت 15 سنة متى رح تقليلي ....
.
#سلمى :- طيب كلي هاي وبس تخلصي رح خبرك كل شي...
.
#قنديل :- اختي بس فيها عفن 😢😢
.
#سلمى :- غمضي عيونك وكليها ...
.
#قنديل :- ليكني خلصتها يالا خبريني ...

#سلمى :- حاضر حبيبتي ...بيوم انا كان عمري 6سنوات وانتي بعدو عمرك يوم ...ابوكي الله لايسامحو ماكان يحب خلفة البنات ..انا كنت اتأذى كتير 😢😢... كان على طول يحرقني بالشمع او يسخن المعلقة ..كان لالنا اخوات اتنين ..ايمن وايهم ...وكان يفضلهن علي بكتير..اوقات نام بدون عشا او مصروف ..امك ماكان تحسن تعمل شي ..واذا اجت ادافع عني كان ابوكي يضربها ..ويطردها بالشارع ...ماكان لالها حد ...وماحد كان يقبل انو يحميها من ابوكي ..من كانت تاخدني عند خوالك كانو يضربوني ويضربوها ويطردونا ..يوم اللي انتي امي حملت فيكي ..كان ابي خايف تجي بنت ...واتحقق خوفو وجيتي انتي ... بس كانت صدمة عليه كتير ...طلب من امي غصب عنها اتكبك او تقتلك ...او ترميكي بشي مكان ...او تنحرم من خواتي ..امك ضحت فيكي ...واخدتك ترميكي بس هي مارمتك حطتك بالسطح ...ليطلع الفجر وتحطك بشي دار ايتام...بس انتي بالليل صرتي تبكي وابي جن جنونو .وقام يضرب بامك ...ويضربني وقلها اذا ما كبتيها هلاء هي وسلمى راح اقتلكن كلكن ..امك اخدتني واخدتك كان الجو برد ومطر وظلام وريح اقوى من الصرصار ...تركتني انا وانتي على باب مسجد ...بجو البرد ..وتركت هاي يلي برقبتك ...معي ...انا اخدتك وصرت دور فيكي بالشوارع ...كنت اوقات خبيكي بشي ظرف ...او كرتونة ماكنت بدي حد ياخدك مني او ياذيكي ...ماكان بقيان لالي غيرك ...اتعودت اعتني فيكي هالعمر كلو ... بيوم كنا نام بمسجد ويوم عند ناس ويوم تحت مستشفى ويوم تحت جسر ...اوقات يشفقو علينا ناس ..بس مايتحملونا ... لبيوم صار عمرك 5 سنين وانا صار عمي 11سنة .. كنا قاعدين بالسوق عم انجمع انا وانتي الخضرا البايتة مشان ناكل وتبقى معنا ...اذا حد سالني عنك اقلهن اختي ومن يسالوني عن اسمك ما اعرف شو احكيلهن امك ما قالت اسمك ...بيوم كانت اجواء رمضانية..وانا اخدتك لتشوفي الفوانيس...كان نفسك يكون عندك واحد ...صرت ساعد الناس بنقل اغراضهن بالاكياس لعند ما جمعت لالك حق واحد....
.
#البائع :- فوانيس رمضان فرح ابنك بفانووس ...تعووو القناديل بتاخد العقل ....
.
.
#سلمي :- عمو بدي قنديل واحد هاد الصغير كم ..حقو
.
.#البائع :- خديه يابنتي ببلاش القنديل هاد ...
.
#قنديل :- لهيك اسمي قنديل ...
.
.#سلمي :- من شفت النور بعيونك وانتي فرحانه فيه بلشتي تغني قنديلي قنديلي ...وانا وقتها قلتلك انتي قنديلي ...وصار اسمك قنديل..بتعرفي ليش لانك احلا قنديل بهاد الكووون .
.
.#قنديل :- بحبك اختي يالا كملي لالي ...بعدها شو صار ...
.
.#سلمي :- برمضان كان اهل الخير كتار . كانو يعطونا كتير اغراض ومصاري ...واوقات ناس ياخدونا نقضي رمضان عندهن واوقات يتكفلنا المسجد ..لعند ما قابلنا عامر ..الله ينتقم منو ...عامر قبل 9 سنين ...كان عم يتربص لالي ولالك ...وكان على طول يجيب لالنا اغراض كنت افتكروا راجل منيح ....
.
.#عامر :- لمين هالحلوة الصغيرة ...