22/7/1996 #السحر_القوي
هاد التاريخ يلي سكنت فيه بالبيت الجديد أنا وعيلتي ..
بيت كتير كبير وفيه حديقة بتجنن بصراحة شي متل الخيال ..
حسيت بحياة جديدة و أمل ..
فرحة رح تخلق ادامي ..
اسمي ريتا لما انتقلنا عهاد البيت كان عمري 18 سنة ..
يعني لسعتني بأول عمري ..
اختي ريما متزوجة وعندا بنت ..
كل ماتجي لعنا نلعب وننبسط ..
اليوم 29/7/1996 ..
صرلنا 7 ايام بالبيت الجديد
حاكتني اختي ريما بدا تجي لعنا ..
فرحت كتير لأن عندي ياها بالدنيا هي وبنتا تالة ..
وصلت اختي لعنا ..
ريما : مرحبااااا
ريتا : اهليييين
ماما : اهلين ياروحي ..
ريما : اشتقتلكن ..
تالة : خالتو رورو تعي نلعب
ريتا : تعي ياعيون خالتك ..
تالة : تعي نلعب بالحديقة ..
ريتا : تعي ..
تالة : خالتو قلك سر ..
ريتا : ههه قولي
تالة : انا بحب اللعب بالتراب ، وانتي مابتخانقيني تعي نلعب سوا
ريتا : هههه طيب تعي ونشالله امك ماتشوفنا ..
تالة : يا رورو تعي شوفي شو لقيت لعبة ..
ريتا : يلله لشوف يلله قومي خليني غسلك قبل ماتجي امك
تالة : لك خليني العب كمان
ريتا : لاااآ حاج ..
رجعنا عل بيت وكان الاكل جاهز اعدنا ع السفرة كلياتنا ..
العيلة مجتمعة ومافي احلا من هيك ..
بابا ،ماما ، ريما، و زوج ريما ..
ريما : تالةةة شو هي يلي بإيدك
تالة : لعبتي الحلوة
ريما : هاتيا لشوف
بابا : لك ريما تركيا وكملي اكلك
يالله شو بتحبي تعصبي
ريما : بابا شووف شو هاللعبة هي شكلا بقرف و اصلاً بتشبه العفريتة ..
بابا : هههه يلله تركيا وكملي اكل ..
صارت الساعة 8 المسا ريما رجعت ع بيتا بس طبعاً بعد ما تركت هي اللعبة يلي ع قولتا بتشبه العفريتة لانها ماحبتا ..
سهرت مع ماما وبابا وضحكنا
بعد شوي اجت عيني ع اللعبة ..
يالله فيها شي بخووف وفعلا متل العفريتة لونها اسود وحاطيلا زريين
حمر بدال العيون .. تصميما كتير قديم و مابينحب ابداً ..
مسكتا بإيدي وبدي اشلفا لبرا بس ايدي وجعتني مدري ليش ..
حسيت كأنو محشية بشغلات قاسية ..
فتحتا طلعلي بقلبا ورقة ..
مكتوب عليها شغلات مو مفهومة رموز وحروف بالمقلوب و ارقام
...
خفت كتير ، تركت اللعبة ورحت ع غرفتي صرت فكر بشغلات وشغلات .. ماقدرت نام ..
ماما وبابا لما حسو اني قلقانة كتير نامو بغرفتي ..
#يتبع ..
#السحر_القوي
@rwayate
نايمة وبحوالي نص الليل شفت بمنام إني مخنوقة وحوليي في ناس لابسين اسود ..
شفت الغرفة تحولت لجحيم ..
كأنو حوليي في نار ..
عم حاول فيق من المنام بس ماعم بقدر ..
الناس يلي لابسين اسود عم يفتلو حوليي ..
شي بخوف كتير ..
فئت بعدا ع صوت ماما عم تقول : " حرارتا كتير مرتفعة "
رح اعملا كمادات ..
فتحت عيوني عم احكي كلمات مو مفهومة ..
كأني عم خبص بالحكي من ورا حرارتي ..
كنت شايفة وجه ماما كأنو محروق
و بابا كأنو نار وعم تحكي ..
حاول غمض عيوني حتى ماشوفن .. بس ارجع شوف هداك الجحيم والنار يلي بغرفتي ..
اول ما ادّن الصبح حسيت كأنو في جبل و انزاح عن قلبي ..
فتحت عيوني وانا ماعم صدق يلي صار ..
نزلت حرارتي فوراً ..
وارتحت ..
اول ماطلع الضو رحت عل حديقة جبت هي اللعبة والورقة ..
كنت متأكدة انو هيه السبب ..
فرجيتن لبابا وماما وحكيتلن القصة ..
بابا : هاد سحر ..
ماما : ياويلي من وين بدو يجينا السحر ..
بابا : ريتا دلينا عل مكان يلي لقيتو اللعبة فيه ..
اخدت بابا وماما عل مكان ..
اول ماةصلنا حسيت بدوخة ووقعت ، صرت ارجف وعيوني مفتوحين ..
بابا وماما خافو كتير صارو يصحوني ..
بس انا مو حاسة ع شي ..
سمعت صوت عياط جاية من تحت الارض ..
كأنو الشجرات تحولت لوجوه بتخووف ..
و النار صارت تدور حوليي .
صوت عم يقول كلام مو مفهوم ..
" السحر صابك "
بابا قرأ قرآن كتير بعدين راح هالشي هاد وصحيت انا ..
رجعنا عل بيت و اهلي مرعوبين ..
اتصلو بشيخ بابا بيعرفو و قلو يجي لعنا ..
اجا الشيخ وطلب انو نجتمع كلياتنا ..
بعد ماحكينالو الحكاية ..
عرف انو القصة هي سحر من حدا قريب كتير ..
و لما انا فتحت اللعبة وقرأت يلي فيها السحر صابني إلي لحالي .. وهو بالاساس كان مكتوب ليصيب كل افراد العيلة فرد فرد ..
المسا نمت بغرفتي انا وبابا وماما واختي ريما ..
حسيت بنص الليل ع صوت تالة عم تبكي ..
نطيت لعندا ع التخت لشوف شبها بس لقيتاااا !!!! ....
#يتبع