#بقلم_رند_محمد
Telegram@rwayate (
#اللجزء_التاني_رند_محمد #الغرفة_رقم_22
اهلا لمروة استقبلوني احلا استقبال ونمت بالغرفة مع مروة وميادة و بالليل سهرنا وضحكوني وحكولي قصص عن طفولتن و شربنا قهوة و اركيلة و غيرت جو نسوني شوي يلي صار معي .. بعدين غفلت .. شفت بمنامي كابوس
” كان صورة وحدة عم تولد وتبكي و اخر شي ماعد سمعت صوت صريخا بالمنام بعدين تركتا ومشيت بممر طويل و خلص المنام “
طبيعة شغلي كدكتورة نسائية كانت كافية لأنو شوف الولادات بمنامي و احلامي لان بشوف نسوان حوامل وعم يولدو اكتر من الوقت يلي بنام فيه .. فئت الصبح غسلت وكنت منشطة شوي..
لقيت ميادة ومروة و امون محضرين الفطور و ناطريني ..
اسماء : صباح الخير ياحلوين
ام مروة : صباح النور دكتورة تفضلي يلا
سحبت كرسي و اعدت معن عالطاولة
ام مروة : نشالله تكوني رتحتي بالنومة عنا و انبسطتي
اسماء : دخيل قلبك خالة اي والله ارتحت شكراً الكن وقفتكن جنبي بتسوا عمري
ام مروة : اليوم رح ننطرك ع العشا بترجعي مع مروة رح اعملك جاج مقلي وبطاطا مروة قالتلي بتحبيا كتير
Telegram@rwayate (
اسماء : لاتعذبي حالك والله اليوم مافيني عندي مناوبة
ام مروة : طيب بكرا رجعي لعنا
اسماء : انشالله
لبست تيابي و طلعت بسيارتي ع المشفى اول مادخلت من الباب ركدو لعندي تنتين ممرضات و خبروني انو في صبية عم تولد و بدن ياني بغرفة المخاض ..
ركدت بسرعة ع الغرفة و صلت لجوا فحصت البنت كان صاير معا طلق مبكر يعني بشهر قبل شهرا .. تعذبت كتير بولادتا قربت ع وجها لقلا اصبري ماضل كتير .. بس وجها كان غريب يمكن من كتر الوجع و التشنج والضغط صاير لونو ازرق و عيونا جاحظين لبرا .. اول مرة بمر عليي هيك منظر ..
كملت شغلي لحتى ولدت ووقت نزل الولد كان مزرق كتير وما اخد نفس
الخلاص كان لافف ع رقبتو ومخنوق ..
التفتت عليي وسألتني : دكتورة ابني ليش مابكي طمنيني
اسماء : بخير لاتشغلي بالك رح حطلو اكسجين لان ولادتك مبكرة
اتطمنت و غمضت عيونا
طلعت لبرا وكانو دموعي ع خدودي .. كيف بدي خبر ام انو هي خسرت الطفل يلي حملت فيه وحست بحركتو جواتا ..
الاب كان ناطر برا الغرفة قربت عليه وقلتلو : مرتك بخير لاتشغل بالك .. بس الطفل للاسف خلق مخنوق بالخلاص ومتوفي ..
Telegram@rwayate (
انصدم وحط راسو ع كتف امو وصار يبكي..
مبعرف ليش بهاللحظة حطيت راسي ع كتف امو من الجهة التانية وصرت ابكي انا كمان ..
بجية الدكتور بسام : اسماء خير دكتورة شوفي؟
أسماء : توفى الطفل كان لافف عليه الخلاص ومخنوق
بسام : عصفور بالجنة انشالله و الحمدلله ع سلامة الام اهم شي مالو نصيب من هالدنيا .. تعي معي دكتورة
اخدني ع مكتبو اعدني ع الكرسي و اعد جنبي : انتي مو اسمك دكتورة ؟
اسماء : مبلا
بسام : شو هالتصرف ؟ رح يموت قدامك كتير ناس ورح تحضري مشاهد بتبكي اكتر ورح تموت قدامك ام و يعيش ابنا ورح رح رح .... و بعدين ؟ بدل ماتهدي الناس بدك تبكيون يعني ..
اسماء : دكتور انا تعبانة كتير .. تأثرت لان عندي غريزة الأمومة .. محتاجة كون ام وبنفس الوقت محتاجة أم احضنا و ابكي و اشكيلا وجعي .. و التنتين حسيتون اليوم انا اسفة
Telegram@rwayate (
بسام : كوني قوية لو سمحتي ..
اسماء : انا طالعة ع القسم لشوف المرضى
طلعت ع الغرف شقيت ع الكل وكلن بأحسن حالاتن آخر شي وصلت لعند مكتب السكرتيرة كانت عم تحكي هي وزوج الصبية يلي ولدتا وصوتن عالي : خير شوفي ؟
الشب : دكتورة تعي سمعي عم تكزب وتقول مافي غرف فاضية طيب ومرتي وين حطا مو انتي قلتيلي بدا راحة شو هالمشفى هي
اسماء : اهدا اذا بتريد لحظة وراجعة ..
فتحت باب الغرفة رقم 22 ولقيتا فاضية
اسماء : بيان هي الغرفة فاضية
بيان : دكتورة هي الغرفة ممنوع تنفتح وينحط فيا حدا
اسماء : هااا ياعيني ومين المانع وشو السبب؟
بيان : هي غرفة خاصة و الدكتور محمد مدير المشفى مانع تنفتح
الشب : تفه ياعيب الشوم ع هيك مشفى بلا ضمير ورحمة ..
Telegram@rwayate (
تركنا وطلع وهو عم يسب ومزعوج ركدت وراه وناديت للدكتور بسام حكيت معو وخبرتو القصة .. اعتذرنا من الرجال و قرر بسام يحطو بالغرفة ٢٢ الفاضية و على حساب المشفى بسبب هالموقف يلي صار ..
فضي المشفى و العالم بلشت تروح وضليت لحالي انا وكم ممرضة و بلش الهدوء الكامل مع ولا حركة .. اعدت بمكتبي وكنت فاتحة فيسبوك عم اتصفحو شوي ..
سمعت صوت حدا عم يركد بالممر .. طلعت بسرعة لقيت بوجهي الرجال نفسو كان عم يلاهث : صرلي ساعة عم دوور عليكي دكتورة مشان الله تعي مرتي مدري شو صرلا
طلعت بسرعة من غرفتي وفتت ع غرفتا لقيتا متشنجة ووجها غامق وكأن عم تختنق ... عيونا جاحظين و ايديها منظرن متل المربوطين .. ماعرفت شو بدي اعمل فتحت ابرة مرخي عضلي لاعطيا ياها .. انتبهت ع الدم يلي ع تختا !! عم تنزف ..
Telegram@rwayate (
ركدت ناديت للمرضات المناوبات و اخدتا ع غرفة الاسعاف .. عالجتا و بعدين رجعتا ع غرفتا
،،،،، كان اسما لين،،،،،،
Telegram@rwayate (
#اللجزء_التاني_رند_محمد #الغرفة_رقم_22
اهلا لمروة استقبلوني احلا استقبال ونمت بالغرفة مع مروة وميادة و بالليل سهرنا وضحكوني وحكولي قصص عن طفولتن و شربنا قهوة و اركيلة و غيرت جو نسوني شوي يلي صار معي .. بعدين غفلت .. شفت بمنامي كابوس
” كان صورة وحدة عم تولد وتبكي و اخر شي ماعد سمعت صوت صريخا بالمنام بعدين تركتا ومشيت بممر طويل و خلص المنام “
طبيعة شغلي كدكتورة نسائية كانت كافية لأنو شوف الولادات بمنامي و احلامي لان بشوف نسوان حوامل وعم يولدو اكتر من الوقت يلي بنام فيه .. فئت الصبح غسلت وكنت منشطة شوي..
لقيت ميادة ومروة و امون محضرين الفطور و ناطريني ..
اسماء : صباح الخير ياحلوين
ام مروة : صباح النور دكتورة تفضلي يلا
سحبت كرسي و اعدت معن عالطاولة
ام مروة : نشالله تكوني رتحتي بالنومة عنا و انبسطتي
اسماء : دخيل قلبك خالة اي والله ارتحت شكراً الكن وقفتكن جنبي بتسوا عمري
ام مروة : اليوم رح ننطرك ع العشا بترجعي مع مروة رح اعملك جاج مقلي وبطاطا مروة قالتلي بتحبيا كتير
Telegram@rwayate (
اسماء : لاتعذبي حالك والله اليوم مافيني عندي مناوبة
ام مروة : طيب بكرا رجعي لعنا
اسماء : انشالله
لبست تيابي و طلعت بسيارتي ع المشفى اول مادخلت من الباب ركدو لعندي تنتين ممرضات و خبروني انو في صبية عم تولد و بدن ياني بغرفة المخاض ..
ركدت بسرعة ع الغرفة و صلت لجوا فحصت البنت كان صاير معا طلق مبكر يعني بشهر قبل شهرا .. تعذبت كتير بولادتا قربت ع وجها لقلا اصبري ماضل كتير .. بس وجها كان غريب يمكن من كتر الوجع و التشنج والضغط صاير لونو ازرق و عيونا جاحظين لبرا .. اول مرة بمر عليي هيك منظر ..
كملت شغلي لحتى ولدت ووقت نزل الولد كان مزرق كتير وما اخد نفس
الخلاص كان لافف ع رقبتو ومخنوق ..
التفتت عليي وسألتني : دكتورة ابني ليش مابكي طمنيني
اسماء : بخير لاتشغلي بالك رح حطلو اكسجين لان ولادتك مبكرة
اتطمنت و غمضت عيونا
طلعت لبرا وكانو دموعي ع خدودي .. كيف بدي خبر ام انو هي خسرت الطفل يلي حملت فيه وحست بحركتو جواتا ..
الاب كان ناطر برا الغرفة قربت عليه وقلتلو : مرتك بخير لاتشغل بالك .. بس الطفل للاسف خلق مخنوق بالخلاص ومتوفي ..
Telegram@rwayate (
انصدم وحط راسو ع كتف امو وصار يبكي..
مبعرف ليش بهاللحظة حطيت راسي ع كتف امو من الجهة التانية وصرت ابكي انا كمان ..
بجية الدكتور بسام : اسماء خير دكتورة شوفي؟
أسماء : توفى الطفل كان لافف عليه الخلاص ومخنوق
بسام : عصفور بالجنة انشالله و الحمدلله ع سلامة الام اهم شي مالو نصيب من هالدنيا .. تعي معي دكتورة
اخدني ع مكتبو اعدني ع الكرسي و اعد جنبي : انتي مو اسمك دكتورة ؟
اسماء : مبلا
بسام : شو هالتصرف ؟ رح يموت قدامك كتير ناس ورح تحضري مشاهد بتبكي اكتر ورح تموت قدامك ام و يعيش ابنا ورح رح رح .... و بعدين ؟ بدل ماتهدي الناس بدك تبكيون يعني ..
اسماء : دكتور انا تعبانة كتير .. تأثرت لان عندي غريزة الأمومة .. محتاجة كون ام وبنفس الوقت محتاجة أم احضنا و ابكي و اشكيلا وجعي .. و التنتين حسيتون اليوم انا اسفة
Telegram@rwayate (
بسام : كوني قوية لو سمحتي ..
اسماء : انا طالعة ع القسم لشوف المرضى
طلعت ع الغرف شقيت ع الكل وكلن بأحسن حالاتن آخر شي وصلت لعند مكتب السكرتيرة كانت عم تحكي هي وزوج الصبية يلي ولدتا وصوتن عالي : خير شوفي ؟
الشب : دكتورة تعي سمعي عم تكزب وتقول مافي غرف فاضية طيب ومرتي وين حطا مو انتي قلتيلي بدا راحة شو هالمشفى هي
اسماء : اهدا اذا بتريد لحظة وراجعة ..
فتحت باب الغرفة رقم 22 ولقيتا فاضية
اسماء : بيان هي الغرفة فاضية
بيان : دكتورة هي الغرفة ممنوع تنفتح وينحط فيا حدا
اسماء : هااا ياعيني ومين المانع وشو السبب؟
بيان : هي غرفة خاصة و الدكتور محمد مدير المشفى مانع تنفتح
الشب : تفه ياعيب الشوم ع هيك مشفى بلا ضمير ورحمة ..
Telegram@rwayate (
تركنا وطلع وهو عم يسب ومزعوج ركدت وراه وناديت للدكتور بسام حكيت معو وخبرتو القصة .. اعتذرنا من الرجال و قرر بسام يحطو بالغرفة ٢٢ الفاضية و على حساب المشفى بسبب هالموقف يلي صار ..
فضي المشفى و العالم بلشت تروح وضليت لحالي انا وكم ممرضة و بلش الهدوء الكامل مع ولا حركة .. اعدت بمكتبي وكنت فاتحة فيسبوك عم اتصفحو شوي ..
سمعت صوت حدا عم يركد بالممر .. طلعت بسرعة لقيت بوجهي الرجال نفسو كان عم يلاهث : صرلي ساعة عم دوور عليكي دكتورة مشان الله تعي مرتي مدري شو صرلا
طلعت بسرعة من غرفتي وفتت ع غرفتا لقيتا متشنجة ووجها غامق وكأن عم تختنق ... عيونا جاحظين و ايديها منظرن متل المربوطين .. ماعرفت شو بدي اعمل فتحت ابرة مرخي عضلي لاعطيا ياها .. انتبهت ع الدم يلي ع تختا !! عم تنزف ..
Telegram@rwayate (
ركدت ناديت للمرضات المناوبات و اخدتا ع غرفة الاسعاف .. عالجتا و بعدين رجعتا ع غرفتا
،،،،، كان اسما لين،،،،،،
